معك 30 ريال حق بنزين/عشاء ؟
banner
2020-07-28 , 02:40 صباحاً
METAD’s Avatar
METAD

مشارك

المشاركات:480
التسجيل:Nov 2005
METAD
احب النت كتب:
الغريب الكل يعلق من هواه نصاب وما نصاب يااخي انت تتعامل مع الشخص نفسه ولا تتعامل مع رب العباد اذا هم نصابين فحسابهم على رب العباد ولكن انت اعطي على قد استطاعتك ماقولك مليون عطه الي فيه النصيب واجرك على رب العالمين

الريال مسؤولية بتصرفه لوجه الله في أماكن تصرفه من خلالها أو تكون مطلع بنفسك على الحال وتصرفه، أما تساعد على عماها وأنت ماتدري وين يروح الريال محتاج لو لمجرمين وإرهابيين ومتعاطين !
2020-07-28 , 02:40 صباحاً
2020-07-28 , 03:26 صباحاً
Not Mad’s Avatar
Not Mad

مشارك

المشاركات:415
التسجيل:Sep 2017
Not Mad
احب النت كتب:
الغريب الكل يعلق من هواه نصاب وما نصاب يااخي انت تتعامل مع الشخص نفسه ولا تتعامل مع رب العباد اذا هم نصابين فحسابهم على رب العباد ولكن انت اعطي على قد استطاعتك ماقولك مليون عطه الي فيه النصيب واجرك على رب العالمين


كلامك ما بيكون نفسه لو كانوا جماعات ارهابية والفلوس الا تتصدق فيها تقتل ناس
2020-07-28 , 03:26 صباحاً
2020-07-28 , 03:55 صباحاً
Under The Moon’s Avatar
Under The Moon

بارز

المشاركات:1730
التسجيل:Sep 2012
Under The Moon
فيه يجوني كذا عند المطاعم صراحة ما اعطي
انا ابي ومتبهدل من كل الجهات !
2020-07-28 , 03:55 صباحاً
2020-07-28 , 04:07 صباحاً
No Longer Human’s Avatar
No Longer Human

نشيط

المشاركات:557
التسجيل:Feb 2011
No Longer Human
الجالسين على الأرض ومادين يدهم أو إللي يبيعوا أشياء بسيطة مثل مناديل هذول شبه أكيد محتاجين وفقراء.
لكن إللي معاهم سيارة ويوقفوا الناس ويقولوا لهم إحنا جايين من هذه المدينة وما معانا حق البنزين أو إللي عند المطاعم يطلبوا وجبة وهم شكلهم مرتب ومظهرهم مو مظهر ناس محتاجين فهذول غالبا نصابين! خصوصا إللي يستخدموا نفس الجمل والأسلوب ويطلبوا عادي من غير خجل!
2020-07-28 , 04:07 صباحاً
2020-07-28 , 05:03 صباحاً
NA .w. AF’s Avatar
NA .w. AF

مبدع

المشاركات:4963
التسجيل:Mar 2009
NA .w. AF
بقولكم الي صار لي انا غير طبعا حقين الخطوط احصلهم بكثره لكن اول مره صار الموقف حطيته 10 ريال

وقلت هذا الي معي والي مزين الموضوع انا مافيه صرافه في المحطه

المهم كنت في احد المجمعات في الرياض وجاني واحد اماراتي معه لاندكروزر قديم وعليه بوالين شاب هو تقريبا في عمر 25 كذا

من شكله ولوحة السياره ابو ظبي المجمع كان فيه الدانوب ومطاعم وقف وسلم علي وبدا يتكلم وقال انه مستحي وكذا وانه نسى

المحفظه وطالع من المنفذ بالجواز وقال اذا تقدر تساعدني بمبلغ بسيط امشي فيه اموري لين ارجع فتحت محفظتي قلت والله

مامعي كاش الحين قال بنتظرك هنا اذا كانك بتروح تصرف قلت خير ان شاء الله دقايق بس قال والله كفو ياعيال سلمان ماتقصرون وعطيته 50 ريال وقلت هذا الي اقدر عليه وانت عارف نص الشهر وطفرانين قال بيض الله وجهك وماقصرت كفيت ووفيت وبشوف احد غيرك

صراحه مدري اقول انه فعلا محتاج او لا

وقصه صارت لاحد اصحابي جاه واحد في المحطه على خط سفر وقال انه نسي محفظته ومحتاج للبنزين ومصروف للطريق

وقال عطني رقم حسابك اول ما ارجع احولها لك على طول وجالس يحلف ويقسم انه مو نصاب المهم عبى موتره فل وعطه 200 ريال

ونشب له الا ياخذ رقم حسابه عطاه رقم الحساب وهو دراي ان الفوس مهيب راجعه ومشى وعدا اليوم واليوم الثاني حصل حواله من البنك 254 ريال 200 ريال الي اخذها و54 ريال حقت البنزين

استغرب من الحواله وفعلا صار الرجل صادق وناسي محفظته وتوهق

ياخي فعلا ماتدري من الصادق ومن الكذاب لكن الله يرزق كل محتاج هذا الي اقول
2020-07-28 , 05:03 صباحاً
2020-07-28 , 05:35 صباحاً
مكتف البقره’s Avatar
مكتف البقره

نشيط

المشاركات:1082
التسجيل:May 2011
مكتف البقره
كلهم نصابين حتى الجمعيات احذروا منها مثلاً تعطيهم 500 ياخذون 400 في جيبهم ويتصدقون ب 100
ويمكن حتى اقل والي يبي يتصدق يتصدق على عياله ولا اقاربه ولا لناس محتاجه فعلاً
2020-07-28 , 05:35 صباحاً
2020-07-28 , 07:34 صباحاً
M_K_G’s Avatar
M_K_G

فعال

المشاركات:1216
التسجيل:Jan 2007
M_K_G
الاغلب كذابين..

ولكن انا لأحسن النيه وطلب 20 فقط .. اقوله يله عبي بعشرين واانا بسدد راعي المحطه.

فبعضهم ينفر من تلك الجمله بكلمة جزاك الله خير او اي تعبير مشابه او حتى بوقاحه.
2020-07-28 , 07:34 صباحاً
2020-07-28 , 07:55 صباحاً
كلرز’s Avatar
كلرز

مبدع

المشاركات:5411
التسجيل:Dec 2009
كلرز
dj999 كتب:
انا صارلي نفس الموقف في مطعم جاني واحد مجرح وشكله توه طالع من مضاربه ويسألني حق الغداء
اطالع في العمال واللي حولي ويطالعون فيني كأني مسوي مصيبة! تعذرت منه لكنه أصر على انه ياخذ مني بالقوة من كلامه نشب فيني لين ماخذت الغدا وطلعت

وحتى الجمعيات ما اثق فيها دائما اشوف ناس جالسه عندها تسأل عن الحاجة فيه خلل مريب!

افضل حل للصدقة انك تعرف عن اللي حولك من جيران ومعارف غيرها انا اخاف اني ادعم عصابات تسول!


الجمعيات الخيرية ماقصرت هناك حملات من النصابيين المتسولين تشويه سمعة الجمعيات تدري تدري ان الريال اللي يصرف للمحتاج تعرف الجهات الامنية الجهات الحكومية انه صرف على مستحقين الجمعيات مراقبة تحسب اي واحد يعطى يدرس دراسة دقيقة لو يعطي شخص بناء على كلامه مسؤول الجمعية يتل مع ايده انت تدري فيه نصابين يستأجر بيت شعبي يروح للجمعية يبي فلوس ولا يخلي الناس تشوف بيته اغلب اللي في جمعيات ناس معتفيين لا يسالون الناس لو تروح لمه تعطيه فلوس رفض من عزة النفس.
2020-07-28 , 07:55 صباحاً
2020-07-28 , 07:56 صباحاً
كلرز’s Avatar
كلرز

مبدع

المشاركات:5411
التسجيل:Dec 2009
كلرز
مرة صار لي موقف سيارة فخمه قالي ابي 10ريال حق البنزين.
2020-07-28 , 07:56 صباحاً
2020-07-28 , 09:05 صباحاً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
من عام ١٤١٥ هجري وانا اشوفهم سنين طويله كنت اسافر كثير طبعا الشرقيه والجنوب
قابلت اشكال والوان وحيل وقصص وكلهم نصابين الا اثنين

الاول سوداني

قال ما ابغى فلوس ابغى شوي بنزين يوصلني الخرج . كان قبل الحوطه منقطع . وطبعا وعد انه بيحولها لي مهما كلفه الامر اهم شي يوصل بيتهم في الخرج . يقول رحنا زياره لاقاربنا في هجره وجلست الف ماعرفت اطلع وخلص البنزين.

الثاني سعودي استاجر في الغرف حقت محطات ساسكو
وبعد ماارتاحو وطلع لقى قزاز سيارت مكسور ومسروق منها اغراض ومحفظته بماحوت وفعلا ما طلب الا حق بنزين فقط يوصله الشرقيه

اما البقيه انواع الحيل والقصص

شخص في العصر قابلته في البطحاء يبغى حق فندق وعشاء لان اخوه الطيار طلع مهمه ولا يرد على جواله
وفي الليل نفس اليوم كنت اتسلى عالموتر في الشارع ووقف عندي جمس ونزل والا هو نفسه سلام ياخي اخوي ساكن حولكم هنا لكن نسيت محل البيت ولايرد على تلفونه وبغيت اخذ لي سكن ونتعشى . قلت ماتدري وين اخوك قال ابد قلت اخوك طيار وطلع مهمه وبيرجع انتظره في اخر الشارع وهو ركض على موتره ويدز

هندي في محطة ساسكو الثانيه على طريق الطايف كل سنه بسياره ولوحات عمانيه يقعد في المحطه الاجازه كلها
١٥ سنه وانا اشوفه ونفس القصه اتينا نريد ارض الحرمين وخرب قير السياره

وهناك حيله ايضا يجيك بسياره فخمه ويسلم ثم يقلك احنا تجار ورجال اعمال لكن انسرقت شنطتنا مانبغى فلوس معنا ساعه قيمتها ثلاثين الف لكن خذها بخمسه الاف . وهي ب ١٥ من الحلة في البطحاء .

اما اللي يدورن بحجة جمع ديه هذولا يستهدفون المناطق الصغيره والهجر
.

الحل مع اللي في الشارع اعطه اكل او ماء وغير كذا الله يستر عليه

والحذر واجب احد من اعرفه تم توقيفه فتره لاعطاءه شخص مبلغ كمساعده والشخص مطلوب امني
لكن جاه بحجة مساعده لجمعية ومن هالامور

اوجه الخير بطريقه سليمه كثيره
واللي تمر بهم ظروف ينعرفون من منطوقهم وطلبهم
2020-07-28 , 09:05 صباحاً
2020-07-28 , 09:22 صباحاً
سراب الذكريات’s Avatar
سراب الذكريات

متميز

المشاركات:7596
التسجيل:Jun 2007
سراب الذكريات
بمطعم اذا جا شخص وقال انه جوعان شريت له وجبه


واذا بمحطه وجاني احد أعطيت العامل ابراء للذمه


مانعرف هو فعلا محتاج او لا لكن نيتي اني اساعده
2020-07-28 , 09:22 صباحاً
2020-07-28 , 09:25 صباحاً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
سراب الذكريات كتب:
بمطعم اذا جا شخص وقال انه جوعان شريت له وجبه


واذا بمحطه وجاني احد أعطيت العامل ابراء للذمه


مانعرف هو فعلا محتاج او لا لكن نيتي اني اساعده




لاتعطي العامل قد يختلق معه مشكله من اجل اخذ الفلوس
انت احشره قله وين تبي تروح كم يكفيك بنزين ومن هالكلام ان كانه محتاج فعلا بيقلك وانهو من النصابين يايمشي وبعضهم لا يتكلم عليك ويسبك

يارجال بعضهم من شدة الوقاحه فيه تقله اسف مامعي كاش يقلك اعطني جوالك وابيعه. شي واجهته ماهو احد قال لي
2020-07-28 , 09:25 صباحاً
2020-07-28 , 09:30 صباحاً
Unfriendly’s Avatar
Unfriendly

مشارك

المشاركات:397
التسجيل:Dec 2003
Unfriendly
ظاهرة قديمة ومتجددة وماراح تنتهي نهائي
راح يقل فقط عدد الناس اللي كانوا يتعاطفون بحسن نيه
لأن الـ ٢٠ ريال اللي يبونها للبنزين أصبح لها شان من تاريخ ٢٠٢٠/٧/١
2020-07-28 , 09:30 صباحاً
2020-07-28 , 09:35 صباحاً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
Unfriendly كتب:
ظاهرة قديمة ومتجددة وماراح تنتهي نهائي
راح يقل فقط عدد الناس اللي كانوا يتعاطفون بحسن نيه
لأن الـ ٢٠ ريال اللي يبونها للبنزين أصبح لها شان من تاريخ ٢٠٢٠/٧/١




٢٠ من عشره اشخاص كاقل تقدير ٢٠٠ ريال يوميا والبنزين مجرد عذر
2020-07-28 , 09:35 صباحاً
2020-07-28 , 09:39 صباحاً
Unfriendly’s Avatar
Unfriendly

مشارك

المشاركات:397
التسجيل:Dec 2003
Unfriendly
مقلع بدون هبوط كتب:
٢٠ من عشره اشخاص كاقل تقدير ٢٠٠ ريال يوميا والبنزين مجرد عذر

كلامك صحيح ولكن اتوقع الناس ونفسيتهم تغيرت الضغط كبير على جيوبهم
ماهو زي اول كل من دق قزازة سياره نزلها ومد ٢٠ ولا خمسة ريال
والله يغني الناس من فضله ويكفيهم مذلة السؤال
2020-07-28 , 09:39 صباحاً
2020-07-28 , 09:43 صباحاً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
Unfriendly كتب:
كلامك صحيح ولكن اتوقع الناس ونفسيتهم تغيرت الضغط كبير على جيوبهم

ماهو زي اول كل من دق قزازة سياره نزلها ومد ٢٠ ولا خمسة ريال

والله يغني الناس من فضله ويكفيهم مذلة السؤال




الناس لازال عندهم حسن نيه وفعل خير وتم استغلاله من هذي العصابات المنظمه
والله العظيم ان احدهم قابلته في الرياض في محطه وانا بسافر لابهاء وبعد اربعه ايام طالع من ابهاء على طريق الطايف واوقف في محطه الاهو بشحمه ولحمه بس فرق لابس بشت وقصه مختلفه انه مواعد اخوياه بيروحون زواج واتفقو في المحطه ينقتبلون ولا يدري وين راحو وقصص عجيبه ما سوتها هيلوود

لو كف الناس عن اعطاءهم بيختفون فورا ماقعدو الا محصلين
2020-07-28 , 09:43 صباحاً
2020-07-28 , 09:50 صباحاً
Unfriendly’s Avatar
Unfriendly

مشارك

المشاركات:397
التسجيل:Dec 2003
Unfriendly
مقلع بدون هبوط كتب:
الناس لازال عندهم حسن نيه وفعل خير وتم استغلاله من هذي العصابات المنظمه
والله العظيم ان احدهم قابلته في الرياض في محطه وانا بسافر لابهاء وبعد اربعه ايام طالع من ابهاء على طريق الطايف واوقف في محطه الاهو بشحمه ولحمه بس فرق لابس بشت وقصه مختلفه انه مواعد اخوياه بيروحون زواج واتفقو في المحطه ينقتبلون ولا يدري وين راحو وقصص عجيبه ما سوتها هيلوود

لو كف الناس عن اعطاءهم بيختفون فورا ماقعدو الا محصلين



الإحتيال والنصب حدّث ولا حرج
لكن صدقني في قادم الأيام الوضع بيتغير حُسن النيّه ذا بيجي بدالة سوء النيه
يارجل احنا شوي ونطلب معك ٢٠ ريال ؟ الفلوس قاعدة تطير هههههه
2020-07-28 , 09:50 صباحاً
2020-07-28 , 09:53 صباحاً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
Unfriendly كتب:






الإحتيال والنصب حدّث ولا حرج

لكن صدقني في قادم الأيام الوضع بيتغير حُسن النيّه ذا بيجي بدالة سوء النيه

يارجل احنا شوي ونطلب معك ٢٠ ريال ؟ الفلوس قاعدة تطير هههههه




لا ان شاءالله مانوصلها الحمدلله الخير موجود في الناس ووقت الازمات اخوياك وربعك حولك مايخلوك
2020-07-28 , 09:53 صباحاً
2020-07-28 , 10:48 صباحاً
YYFFZZ’s Avatar
YYFFZZ

مبدع

المشاركات:2394
التسجيل:Oct 2008
YYFFZZ
هالشي من ايام تلفزيون ابو ظهر موجود، سيناريو ما يتغير

ما راح اقول إن كلهم نصابين، لكن أغلبهم نصابين

اللي يطقون قزاز السياره عند الإشارات، واللي بالمواقف يترصدون للرايح والجاي، واللي يقول محتاجين نشتري دوا او حليب، واللي يدورون مطعم عليه زحمه زي الرومانسيه، واللي تلقاها بكل صلاة جمعه، واللي ترسل بنتها وتراقب من بعيد، واللي مسوين يبيعون شغلات بسيطه على شان تستعطفهم، واللي يستغل الناس بشيبته ويسوي نفسه تعبان خلاص، واللي يطر عند الصرافات

مره بمحطه واحد وقف جمبي وعنده اكورد اخر موديل بوقته وكاشخ ولابس نظاره شمسيه كشخه ومضبط الذقن عند الحلاق ومعه خويه كاشخ بعد

يوقف جمبي وانا سيارتي رايحه فيها ويقول لي ابد نبي حق بنزين، ويطلبني كأني خويه ابقط معه بالعشا

اللي محتاج بالبلد ما يقصرون معه ويساعدونه بالسر، بهالبلد اهل الخير كثار والناس تتسابق تعطي المحتاج، المحتاجين بالغالب عندهم عزة نفس و الله يرزقهم

حنا نبي نساعد، مع اني حتى انا محتاج ولكن اذا ثبت مع البحث ان فلان محتاج ابساعده والله يعوضني
2020-07-28 , 10:48 صباحاً
2020-07-28 , 11:16 صباحاً
FCB 11’s Avatar
FCB 11

فعال

المشاركات:1546
التسجيل:Jul 2013
FCB 11
sniper 7 كتب:
ما اعطي كااش ابداا

ناقصك بنزين بعبي لك. تبي اكل بطلب لك. اما اني اعطي كاش مستحييل.

والله ياخوان اللي محتاجين صدق تلقونهم متعففين وتذكرو الاقربون اولى بالمعروف بدل ماتصرف على ناس مجهولين


قلت اللي كنت ابي اقوله " الأقربون أولى بالمعروف "


اتذكر قبل 4-5 سنوات جاني واحد سعودي عند محطه وقالي محتاج فلوس وقالي 30 ريال بالتحديد
قالي والله مامعي ريال واحد ونسيت المحفظه في البيت مامعي حتى البطايق
المهم شكيت في وضعه لكن صراحه اعطيته 30 وكل واحد راح بحاله

اليوم الثاني لقيته بالبوفيه حقت المحطه نفسها مطلع المحفظه ومليانه فلوس
لما شافني عرفني وابتسم بغيت اقوله فلوس حق انا رجع رجع :d

بصراحه ندمت اني اعطيته وتوبت من بعدها
لانه كذب علي يقولي انا ماني من المنطقه وعابر سبيل وانقطعت تكفى وتكفى
واخرتها يطلب قدامي ساندويتش كبده :d
2020-07-28 , 11:16 صباحاً