موضوع مهم للكل

[x3tb]

السلام عليكم ورحمة الله وبركاته
اخواني اخواتي جميعنا نعاني من اس تي سي واحتكارها
كلنا م اشتركنا الا نبي غايتنا من الاشتراك سالفه يعطونا شي ثم يطلع
في الاخير محتكر وليس ضمن ماسوقو له من اشياء خرافيه ماهو عدل
لذالك نطالب من الكل ان نضع هشتاق يفتحون لنا المنافذ
صراحه يد وحده ماتصفق
ولو نفتح موضوع في هئيه الاتصالات مافيه فايده نظرا لرد احد الاعضاء انه ارسل لهم وله اربع اشهر ماردو عليه
نبي اي واحد يسوي هشتاق وكلنا نغرد فيه

واسف جدا اذا كان الموضوع مكانه غلط بس والله صعبه نجلس ننتظر الشركه تلتفت لنا من نفسها

 

 

[massjj]

انا اقول نغرد في هاشتاق واحد ( تم نقل الخط لشركة أخرى لسوء الخدمة والعروض ) في كل الشركات ونشوف ردة فعلهم ما أحد خسران شي كلها كلمتين بس لما تكون كمية كبيرة دفعة وحده وحملة كبيرة ممكن ترجهم شوي

 

 

[moubark14]

massjj

انا اقول نغرد في هاشتاق واحد ( تم نقل الخط لشركة أخرى لسوء الخدمة والعروض ) في كل الشركات ونشوف ردة فعلهم ما أحد خسران شي كلها كلمتين بس لما تكون كمية كبيرة دفعة وحده وحملة كبيرة ممكن ترجهم شوي

لازم نطالب ب ip ثابت حتي نفتح البورتات بلكويت عندهم هلخدمه بمبلغ 100 ريال مدري ب 50

 

 

[الشيخ مدحت]

اللي يبي منافذ مفتوحة ، يحول على زين و موبايلي لأنهم فعلوا الIPV6 على شبكات الجوال

 

 

[xlmnxp]

الشكوى عند الهيئة الان 5 اشهر بدون حل
طبعًا الحق معي وانا تواصلت مع stc لاعرف حالة التنفيذ من جهتهم وتفلسفوا علي وقالوا هذا يسبب مشكلة امنية وcyber security الخ..
مع العلم نفس الشركة stc فاتحين عناوين IPv6 على الفايبر ويوجد مشغلين اخرين مثل زين وموبايلي وسلام وغيرهم فاتحين عناوين IPv6 على باقات الجوال والفايبر بدون اي مشاكل ولم يتحججوا بالامان

اصلا لو هم يقرأون IETF Standards راح تلاحظ انهم لم يذكروا ان تغلق تلك العناوين او ينصحوا بذلك بل بالعكس ينصحون بتوفير عدد عناوين اكبر للمستخدمين /48 وان اضطرت الشركات /56 وما هم موفرين ذلك العدد الضخم لكل مستخدم الا للا يحتاج الى عناوين متغيره (dynamic) ويوجد RFCs كثيره تهتم بالخصوصية وغيرها

 

 

[x3tb]

شكرا لردكم على الموضوع واهميتكم بس ي شباب تعرفون ان تويتر المتربع ويوصل صوتنا بسرعه وينتشر
وانا صراحه م اعرف احط هشتاق مناسب لكل المشاكل اللي عندنا ياليت احد يحط هشتاق ونغرد فيهه
واتمنى انهم يحلون مشاكلنا بدون مبلغ مالي راحت فلوسنا عليهمم وخدماتهم كلها ضايعه

 

 

[xlmnxp]

x3tb

شكرا لردكم على الموضوع واهميتكم بس ي شباب تعرفون ان تويتر المتربع ويوصل صوتنا بسرعه وينتشر
وانا صراحه م اعرف احط هشتاق مناسب لكل المشاكل اللي عندنا ياليت احد يحط هشتاق ونغرد فيهه
واتمنى انهم يحلون مشاكلنا بدون مبلغ مالي راحت فلوسنا عليهمم وخدماتهم كلها ضايعه

نحتاج احد يبادر عنده كريزمت عالية

 

 

[almsafer2]

شر البليه مايضحك
والله لي شهور وانا اكتب بتويتر وامنشن اكثر المشاهير
واولهم فهد البقمي المحارب الاول للاسعار العاليه
لاكن كلهم ولا واحد استجاب .. حسبنا الله
تدرون ان 500 قيقا بالكويت سعرها مايتعدى 94 ريال
والشركة واحدة هي stc .. لان بالكويت مجلس امه
يشوتهم برى اذا رفعوا السعر
شوفو هذي باقات اضغط عرض التفاصيل يعطيك السعر بالكويتي
وانت حوله الدينار يساوي 12 ريال
لاكن هم عارفين ان ماعندك احد ..
لابد واحد عندة متابعين اقل شي 10 الاف ومتفاعلين عشان الهاشتاق يطلع

https://www.stc.com.kw/ar/compare-pl...pPost=postpaid

 

 

[xlmnxp]

almsafer2

شر البليه مايضحك
والله لي شهور وانا اكتب بتويتر وامنشن اكثر المشاهير
واولهم فهد البقمي المحارب الاول للاسعار العاليه
لاكن كلهم ولا واحد استجاب .. حسبنا الله
تدرون ان 500 قيقا بالكويت سعرها مايتعدى 94 ريال
والشركة واحدة هي stc .. لان بالكويت مجلس امه
يشوتهم برى اذا رفعوا السعر
شوفو هذي باقات اضغط عرض التفاصيل يعطيك السعر بالكويتي
وانت حوله الدينار يساوي 12 ريال
لاكن هم عارفين ان ماعندك احد ..
لابد واحد عندة متابعين اقل شي 10 الاف ومتفاعلين عشان الهاشتاق يطلع

https://www.stc.com.kw/ar/compare-pl...pPost=postpaid

طلع عندي 425 ريال لـ 500GB

 

 

[عاشق قديم]

ما شاء الله تبارك الله تصفحت على السريع وشدتني الباقة هذي:


شريحة بيانات مسبقة الدفع 5G بسعة 1 تيرا في الشهر بما يعادل تقريبا 122ريال سعودي من STC الكويت

 

 

[white16red]

STC اساسها عندنا وتعمل عروض برى
مثل ماقالوا عين عذاري

حسبي الله عليهم

 

 

[xlmnxp]

فني مختبرات

ما راح يستجيب احد .. الامر مالهم يد فيه ولا لهم قدره في عمل شي وفهمك كفايه

اذا تعني رفع الحجب عن IPv6 فكيف مالهم يد فيها!؟
الشركات الاخرى كلها ماعدا جوي وفيرجن مفعلين IPv6 ومفتوحة العناوين فيه

 

 

[أبوتركي الهلالي]

مادري اذا انت جديد بس طالبوا زمان وفتحوا هشتاق ولا صار شيء

عندنا الشركات لها قوه لدرجة الهشتاق ماياثر فيهم

بتفتح هشتاق ويردون انهم عشان المشاكل الامنيه ويتقفل الموضوع

قاطعوا البيض وقاطعوا المراعي وشفهم رجعوا لها

 

 

[esamalnehmi]

فتح البورتات رح تستغل في الحصول على انترنت مجاني مثل اللي حاصل مع موبايلي ومع زين

 

 

[xlmnxp]

esamalnehmi

فتح البورتات رح تستغل في الحصول على انترنت مجاني مثل اللي حاصل مع موبايلي ومع زين

مالها دخل، الانترنت المجاني للان يعمل على stc بطرق معينه مع ان المنافذ مغلقة ووجود جدار حماية

 

 

[انا انسان]

esamalnehmi

فتح البورتات رح تستغل في الحصول على انترنت مجاني مثل اللي حاصل مع موبايلي ومع زين

ممكن افهم كيف لو فتح البورت يصير انترنت مجاني كيف نحصل على انترنت مجاني

 

 

[LOVEMAC]

مع STC او هيئة الاتصالات حقك ضايع
ولا فيه شيء بيتغير اذا ماحبوا

من عمر الدنيا واحنا نصيح بزاويه مافيه شيء تم الاستجابه له

ولو ترجع للتاريخ شوي وراى بتتاكد انه ماراح تفيد اي شكاوي او ملاحظات او غيره

طول ما انه فيه مستهلك ذكي جالس يدفع

انت وانا وفلان وغلان نطالب ونتكلم ونقول لكن احنا وش نمثل من الباقيين ولا شيء نقطه في بحر

فيه ناس للحين على باقة 450 ريال ولا حتى فكر يشوف شركات ارخص لذلك تبقى الاسعار والمميزات مثل ماهي طول ما انه فيه مستهلك يدفع وهو ساكت

 

 

[esamalnehmi]

xlmnxp

مالها دخل، الانترنت المجاني للان يعمل على stc بطرق معينه مع ان المنافذ مغلقة ووجود جدار حماية

الحاله الوحيده اللي ممكن يشتغل فيها النت المجاني على اس تي سي هي لما يكون الباقه فيها سوشيال لامحدود وهذي لازم فتح بورتات لها عشان تشتغل هذا اللي فهمته

هو يمكن اس تي سي لها اسباب اخرى لعدم فتح البورتات

 

 

[xlmnxp]

esamalnehmi

الحاله الوحيده اللي ممكن يشتغل فيها النت المجاني على اس تي سي هي لما يكون الباقه فيها سوشيال لامحدود وهذي لازم فتح بورتات لها عشان تشتغل هذا اللي فهمته

هو يمكن اس تي سي لها اسباب اخرى لعدم فتح البورتات

غير صحيح، هي تنفتح عبر Http Inject وخداع خوادم stc بان الموقع الذي تزوره ( غالبا VPN ) هو موقع متاح مجانا بدون تفعيل باقة او يستهلك رصيد مثل موقع stc.com.sa وهي للان موجودة ( برأي تعتبر سرقة ) وكانت موجودة سابقا بطرق اخرى والمنافذ مغلقه في كل الحالات

 

 

[Mohammed Atallah]

برأيي الشخصي العادات الشرائية هي السبب، دام فيه ناس تدفع لهم بأسعارهم الفلكية فطبيعي الأسعار تزيد ما تنقص مثل ما حصل مع كروت الشاشة، الناس تدفع لا تفكر الشركات تنزل السعر (إلا حكومة الكويت اللي وقفت الشركات عند حدها)