تحليل سوق العمل من 2017 Q1 الى 2020 Q3

[حمودي الاهلاوي]

مالي علاقة بالارقام من هيئة الاحصاء وبيانات التوظيف وغيرها

اللي شايفه ان الشركات الكبرى توقفت بشكل شبه كامل عن التوظيف والقطاع الحكومي توقف بالكامل عن التوظيف فقط العسكري مازال كل فترة يفك وللاسف مجرد جندي او جندي اول ولا مجرد 200 ولا 300 وظيفة ؟؟


الوضع سيء جدا كثير عيال اعرفهم مجرد كاشير او موظف مبايعات بمحل او باريستا او في سوق وغيرها من الوظائف ام رواتب 4 و 5 بالله عليكم بهذه الوظائف اقدر اتزوج واشتري بيت واسس حياتي واعتمد عليها


ولكم في كورونا عبرة مجرد جاء الحضر كثير شركات قالت لك مع السلامة او مافي راتب بالله عليك وقتها كيف تدفع ايجار او تاكل وتشرب او تدفع قصد سيارة وفواتير ؟؟؟ بتكون صدمة العمر

القطاع الخاص عندنا ابو كلبي ولا تقدر تشد ظهرك فيه وتعتمد عليه الا فيما ندر

ارامكو وسابك والكهرباء والهيئات اللي قلنا بس هذه شركات مرموقة ولا مجال للواسطة فيها اصبحت منبع للمحسوبيات والواسطات ولا ننسى عمهم الكبير الخطوط اللي لبيوت معينة يتوظفو فيها هههههههههههههههه



المشكلة اننا ضمن اقوى 20 دولة بالعالم ومساحات شاسعة وثروة كبيرة في باطن الارض بس ماعرفنا نتصرف حتى الان

وكل مالها الجامعات تخرج كل سنة الالاف الجاهزين للعمل وانت الدفعات السابقة لسا ما وفرت لها وظائف



انا عن نفسي مأجل موضوع الزواج وتملك البيت وغيرها من الامور الكبيرة حتى احصل وظيفة فيها امان عالي وراتب ممتاز لان بالوضع الحالي بورط نفسي لا اكثر


فالله يزينها الواحد يحاول ياخذ دورات ويطور من نفسه ويؤدي اللي عليه والباقي على الله

وباذن الله 2021 تنفرج الامور وتتحسن الاوضاع ويرجع التوظيف بقوة بالحكومة والقطاع الخاص

 

 

[Mashhoor Saleh]

الوضع قبل كورونا بفترة قليلة كان بدأ يتحسن "ماكان ممتاز ابد" بحكم اني الفترة هذيك كنت اخر ترم في الجامعة قدمت على برنامج تدريب منتهي بالتوظيف في احدى الشركات لكن أجلوا إجراءات التوظيف لـ 21 بسبب كورونا وكثير من الشركات والجهات الحكوميه نفس الوضع اجلوا كل شي متعلق بالتوظيف للسنة الجايه.

الان اغلب الوظايف اللي يتم الاعلان عنها اما وظائف تتطلب خبرة او وظائف وهميه او وظائف مثل كاشير وغيرها ماتعتبر وظيفة دائمه.

في نقطة اتوقع انها ممكن تساعد في التوظيف الفترة القادمه وهي تحويل بعض الجهات الحكوميه للخصخصه مثل البلدية وغيرها اللي تم الاعلان عنها مؤخرا، اغلب العاملين في هذه الجهات رافضين تحويلهم من سلم الخدمة المدنية للتأمينات فاما يطلب تقاعد او يطلب نقل لجهة حكوميه اخرى مثل الامارة وهذا يسبب نقص لهذه الجهات ممكن يوفر فرص وظيفيه لكن ماهو الحل الجذري لتقليل نسبة البطالة لان من المهم في هذا التحول هو تحديد نسبة الاحتياج والتخصصات المطلوبة لكل جهة وهذا مقدور عليه الاهم ومربط الفرس هو قدرتهم على التوظيف واستعياب هذا العدد الكبير من العاطلين والخريجين هذي صعبه وصعبه جداا.

 

 

[beiruty]

Mashhoor Saleh

لكن ماهو الحل الجذري لتقليل نسبة البطالة لان من المهم في هذا التحول هو تحديد نسبة الاحتياج والتخصصات المطلوبة لكل جهة وهذا مقدور عليه الاهم ومربط الفرس هو قدرتهم على التوظيف واستعياب هذا العدد الكبير من العاطلين والخريجين هذي صعبه وصعبه جداا.

الحل هو بالضغط على الجامعات وتحديد عدد الخريجين السنوي!

يعني مثلاً، وهذا ارقام من عندي بس عشان المثال

سوق العمل يحتاج 1000 خريج محاسبة سنوياً وانت تخرج 5000

يعني بأول سنة، عندك 4000 عاطل

ثاني سنة عندك 8000 عاطل

ثالث سنة عندك 12000 عاطل والحسابة تحسب وصار اللي تخرج بأول سنة يحتاج ينتظر 5 سنوات عشان ينوجد شاغر وظيفي
وبما انه جالس كل السنين عاطل يعني ينافسه عليه كل الخريجين اللي بعده

 

 

[Eyad 7]

Mashhoor Saleh

الوضع قبل كورونا بفترة قليلة كان بدأ يتحسن "ماكان ممتاز ابد" بحكم اني الفترة هذيك كنت اخر ترم في الجامعة قدمت على برنامج تدريب منتهي بالتوظيف في احدى الشركات لكن أجلوا إجراءات التوظيف لـ 21 بسبب كورونا وكثير من الشركات والجهات الحكوميه نفس الوضع اجلوا كل شي متعلق بالتوظيف للسنة الجايه.

الان اغلب الوظايف اللي يتم الاعلان عنها اما وظائف تتطلب خبرة او وظائف وهميه او وظائف مثل كاشير وغيرها ماتعتبر وظيفة دائمه.

في نقطة اتوقع انها ممكن تساعد في التوظيف الفترة القادمه وهي تحويل بعض الجهات الحكوميه للخصخصه مثل البلدية وغيرها اللي تم الاعلان عنها مؤخرا، اغلب العاملين في هذه الجهات رافضين تحويلهم من سلم الخدمة المدنية للتأمينات فاما يطلب تقاعد او يطلب نقل لجهة حكوميه اخرى مثل الامارة وهذا يسبب نقص لهذه الجهات ممكن يوفر فرص وظيفيه لكن ماهو الحل الجذري لتقليل نسبة البطالة لان من المهم في هذا التحول هو تحديد نسبة الاحتياج والتخصصات المطلوبة لكل جهة وهذا مقدور عليه الاهم ومربط الفرس هو قدرتهم على التوظيف واستعياب هذا العدد الكبير من العاطلين والخريجين هذي صعبه وصعبه جداا.

بالعكس الخصخصة هي أسوأ خيار، وكان لي رد قبل فترة تكلمت عن الخصخصة بالتفصيل، وكيف أنها ما تدخل قطاع إلا وتدمره، فيكف بقطاع خربان أصلا واللي هو البلدية؟

إذا عندك قطاع غير منتج، أو غير فعال، فالحل مو بالخصخصة، الحل هو أنك تشوف الأسباب اللي وصلته لهذا الحال وتصلحها. يعني مثل لو بنشر عليك كفر، ما تروح تغير السيارة كلها، تشوف سبب المشكلة وتحله عن بنشري وتخلص.

باختصار ارجع للنظام الصحي في أمريكا، شركات الادوية، شركات التأمين، شركة البريد الأمريكية، نظام القطارات البريطاني، وغيرها الكثير. وشف لما تم فرض خصخصة عليهم كيف تحولو 180 درجة.

ملاحظة اخيرة: احيانا اضعاف كفاءة القطاع تكون الخطوة الأولى بالخصخصة. يعني عشان تسوق الخصخصة عند الناس، تقوم وتقلل وتضعف كفاءة القطاع، عشان لما تقول للناس نبي نخصخصه، يقولوا الحمدلله على الأقل نفتك من مشاكله. وتقدر تطلع على نظام البريد الامريكي، لأن موضوع خصخصته قاعد يطبخ من زمان، وتقدر تشوف الخطوات اللي تم عملها لفعل ذلك وتسويقه على الناس.

beiruty

الحل هو بالضغط على الجامعات وتحديد عدد الخريجين السنوي!

يعني مثلاً، وهذا ارقام من عندي بس عشان المثال

سوق العمل يحتاج 1000 خريج محاسبة سنوياً وانت تخرج 5000

يعني بأول سنة، عندك 4000 عاطل

ثاني سنة عندك 8000 عاطل

ثالث سنة عندك 12000 عاطل والحسابة تحسب وصار اللي تخرج بأول سنة يحتاج ينتظر 5 سنوات عشان ينوجد شاغر وظيفي
وبما انه جالس كل السنين عاطل يعني ينافسه عليه كل الخريجين اللي بعده

كلامك خاطئ وما أتفق معاه أبدا، لأن التعليم عامل مهم جدا، وبالعكس كل ما كثر المتعلمين لديك، كلما زادت قوتك. فالتعليم مصدر ثروة، وعمود أساسي لتطور الدول.

لكني أتفق في مسألة تقنين بعض الامور بالتعليم، يعني مثلا لو تخصصات اللغة العربية يدخلها عدد كبير، لكن بنفس الوقت العطالة فيها عالية. فوقتها تقدر تقنن معايير القبول، بحيث تشترط معدلات أعلى، بحيث ما يدخلها إلا الشخص الممتاز واللي فعلا راغب بالتخصص.

لكن لما تجي لتخصصات مثل العلوم الطبيعية، الحاسب، الهندسة، الطب، الرعاية الصحية وغيرها، بل بالعكس فرض مقاعد على هذه التخصصات هو أسوأ شي ممكن تسويه. المفروض تضع شروط محددة، يعني اللي يجيب نسبة موزونة فوق درجة معينة، واللي يعدي السنة التحضرية بمعدل معين، يضمن مقعده بشكل مباشر. لأن كلما زاد الخريجين في هذه التخصصات، كلما تقدمت كدولة بشكل أسرع.

اللي صاير عندنا هو إدارة فاشلة للوضع، يعني بدل ما تقول قللوا عدد المقبولين بالجامعات، المفروض تقول ليش الناس ذولا ما عندهم وظائف؟؟ يعني ممكن أفهم عدم التوظيف في تخصصات الدين واللغة، لكن لما تجي لتخصصات طب الأسنان، الهندسة، العلوم الطبيعية، الحاسب، وغيرها الكثير من التخصصات اللي عليها طلب عالمي كبير، وتجي تحصل بطالة مخيفة في التخصصات هذي، فوقتها عندك مشكلة اكبر من ان الجامعات تخرج اعداد كبيرة.

 

 

[beiruty]

Eyad 7

كلامك خاطئ وما أتفق معاه أبدا، لأن التعليم عامل مهم جدا، وبالعكس كل ما كثر المتعلمين لديك، كلما زادت قوتك. فالتعليم مصدر ثروة، وعمود أساسي لتطور الدول.

لكني أتفق في مسألة تقنين بعض الامور بالتعليم، يعني مثلا لو تخصصات اللغة العربية يدخلها عدد كبير، لكن بنفس الوقت العطالة فيها عالية. فوقتها تقدر تقنن معايير القبول، بحيث تشترط معدلات أعلى، بحيث ما يدخلها إلا الشخص الممتاز واللي فعلا راغب بالتخصص.

لكن لما تجي لتخصصات مثل العلوم الطبيعية، الحاسب، الهندسة، الطب، الرعاية الصحية وغيرها، بل بالعكس فرض مقاعد على هذه التخصصات هو أسوأ شي ممكن تسويه. المفروض تضع شروط محددة، يعني اللي يجيب نسبة موزونة فوق درجة معينة، واللي يعدي السنة التحضرية بمعدل معين، يضمن مقعده بشكل مباشر. لأن كلما زاد الخريجين في هذه التخصصات، كلما تقدمت كدولة بشكل أسرع.

اللي صاير عندنا هو إدارة فاشلة للوضع، يعني بدل ما تقول قللوا عدد المقبولين بالجامعات، المفروض تقول ليش الناس ذولا ما عندهم وظائف؟؟ يعني ممكن أفهم عدم التوظيف في تخصصات الدين واللغة، لكن لما تجي لتخصصات طب الأسنان، الهندسة، العلوم الطبيعية، الحاسب، وغيرها الكثير من التخصصات اللي عليها طلب عالمي كبير، وتجي تحصل بطالة مخيفة في التخصصات هذي، فوقتها عندك مشكلة اكبر من ان الجامعات تخرج اعداد كبيرة.

طبعاً ممكن فهمت كلامي خطأ، انا ما قلت وقفوا الدراسة....قلت وقفوا دراسة مواد لا يحتاجها السوق

الاتجاه العالمي نحو الهندسة والتكنولوجيا، مع كامل احترامي لخريجي المواد الادبية، والتي هي مطلوبة طبعاً ولا ارغب بإغلاقها، انما بتقليص عدد الخريجي منها عشان الاحصائيات تقول انك على الأرجح حتقعد عاطل بعدها

ضيف عليها العلوم الصحية، خاصة واشدد عليها التمريض...اسأل اي مستشفى يقول لك عاوزين وعندنا نقص تمريض، حتى دول العالم تعطي اولوية الهجرة لمهنة التمريض على غيرها

 

 

[عبودات]

llxII-m7md-llxll

حسب الهيئة العامة للاحصاء متوسط الاجور 7000 وشوي (رافعتها الصناعه والعقار) بينما الاعمال الاخرى اغلبها من 4000-6000


https://www.stats.gov.sa/ar/924


لكن المسح هذا من 2017 فمادري اذا فيه احصائيات او مسح جديد يعطينا الارقام الحالية


بس اشوف الوضع بشكل عام في تحسن لاني قد قريت احصائية قبل كم سنه ان اكثر من 30% من السعوديين كان رواتبهم اقل من 6000 بس الان لو تحسب بناء على احصائيات 2017 ممكن توصل 20% واقل (ماحسبت الارقام صراحه)

اعيد واكرر اكره ماعندي كلام الورق والاحصائيات الغير دقيقه وصحيحه


شوف وتمعن بالي حولك والنظر الى الوظائف والاسواق وتبان لك الحقيقه


الي روابتهم عاليه ذولي متوظفين من فترات وسنين لكن الي يتوظف الان اغلبهم رواتب 4000 ياكاشير او حارس امن او قهوجي الخ

 

 

[عبودات]

beiruty

طبعاً ممكن فهمت كلامي خطأ، انا ما قلت وقفوا الدراسة....قلت وقفوا دراسة مواد لا يحتاجها السوق

الاتجاه العالمي نحو الهندسة والتكنولوجيا، مع كامل احترامي لخريجي المواد الادبية، والتي هي مطلوبة طبعاً ولا ارغب بإغلاقها، انما بتقليص عدد الخريجي منها عشان الاحصائيات تقول انك على الأرجح حتقعد عاطل بعدها

ضيف عليها العلوم الصحية، خاصة واشدد عليها التمريض...اسأل اي مستشفى يقول لك عاوزين وعندنا نقص تمريض، حتى دول العالم تعطي اولوية الهجرة لمهنة التمريض على غيرها

غير منطقي انهم يقفلون تخصصات تقول انت غير مطلوبه بسوق مثل المواد الادبيه ترا فيه غيرك يحتاجها ويحبها وتفيد البلد والمواطن اكثر من غيرها


حتى تخصصات الهندسيه والتكنلوجيا الي ندرسها مانستفيد منها شي نهائيا اللهم فقط انك درست ويعنني قدام الناس !


95% من التكنلوجيا الي عندنا جايه من برا حتى الصيانه الي يشتغل عليها لازم تشوف فلبيني او هندي او اجنبي واقف عليها ويعرفها ! وين دراستك وفهمك لها ؟


بالنسبه للجامعات


قاعده تخرج سنويا اكثر من 10الف طالب جاهز للعمل وفجاه ينصدم بالواقع ويقعد عاطل لين ينسى العلم الي درسه ويروح يتوظف كاشير او بارستا او الخرابيط ذي ويروح عمره وتجي السنه الجايه وتخرج الجامعه 10الف ثانيه ويصير تكدس الى مالانهايه


هذي المشكله فقط

 

 

[Mashhoor Saleh]

Eyad 7

بالعكس الخصخصة هي أسوأ خيار، وكان لي رد قبل فترة تكلمت عن الخصخصة بالتفصيل، وكيف أنها ما تدخل قطاع إلا وتدمره، فيكف بقطاع خربان أصلا واللي هو البلدية؟

إذا عندك قطاع غير منتج، أو غير فعال، فالحل مو بالخصخصة، الحل هو أنك تشوف الأسباب اللي وصلته لهذا الحال وتصلحها. يعني مثل لو بنشر عليك كفر، ما تروح تغير السيارة كلها، تشوف سبب المشكلة وتحله عن بنشري وتخلص.

باختصار ارجع للنظام الصحي في أمريكا، شركات الادوية، شركات التأمين، شركة البريد الأمريكية، نظام القطارات البريطاني، وغيرها الكثير. وشف لما تم فرض خصخصة عليهم كيف تحولو 180 درجة.

الخصخصه جزئيه ماهي بشكل كامل مثلا البلدية اللي بيصير فيها هو انها راح تتحول لهيئة وتكون مشرفه على الشركات

فيه تجارب لجهات تحولت لهيئات وتحسن اداءها وتغيرت تغير جذري مثل الجمارك وهذا اشوفه الحل الافضل للتغير لان بقاء المؤسسات الحكومية على الانظمة والقوانين القديمه يعطل من اي محاولة لاصلاحها

الخصخصه تخوف في قطاع الصحه والتعليم حتى لو بشكل جزئي اما بقية الجهات الحكوميه فهي بتساعد في تحسين اداءها.

 

 

[aboahmmedd]

عبودات

انا اكره ماعندي الكتابه على الورق وعكس الواقع


لايهمك المواقع والاعلام والورق والارقام ذي


انت شايف الواقع ؟
شايف الوظايف الموجوده لسعوديين ؟ كلها كاشير ولا قهوجي ولا بسوق ولا حارس برواتب 4 الف او اقل ! هنا تزيد ارقام الوظايف لكن مو وظايف رسميه تقدر تفتح بيت فيها يعني اغلبها الواحد ياخذها طقطقه ويطلع


فوق غلاء الاسعار الرواتب شوفت عينك مايحتاج اتكلم اصلا

رجل امن براتب 3 و كاشير و سواق بـ 2500




دي وظايف تفتح بيت !
فاتورة الكهرباء بص راتبة

 

 

[ياسر ابو زياد]

اصلا القطاع الخاص متكي على الحكومي يعني لو الحكومي تدهور ترا الخاص بيروح فيها

لاتحسب قطاع خاص كامريكا وغيرها من الاقتصادات القوية اللى فعلا قطاع خاص مستقل وخاص

الخاص عندنا يرضع من الحكومي كحلقة تدور ولك ان تتخيلها بنفسك

 

 

[ابو فهد --]

الموضوع كله كاتبه واحد اسمه عزيّز، وش مصدرك يا عزيز؟ ما ندري
والمشاهدات 400 مشاهدة كلهم من البوابة الرقمية -الظاهر-
ولما دخلت ع حساب عزيز مالقيت أي معلومات عنه، حتى صورة عرض
ما كلف ع نفسه يحط




نقول ان شاء الله القادم أفضل من الحاضر، وأن الأمور بإذن الله بتتحسن،
لكن مهم يكون المصدر صحيح وموثوق

 

 

[هالبينو]

حمودي الاهلاوي

مالي علاقة بالارقام من هيئة الاحصاء وبيانات التوظيف وغيرها

اللي شايفه ان الشركات الكبرى توقفت بشكل شبه كامل عن التوظيف والقطاع الحكومي توقف بالكامل عن التوظيف فقط العسكري مازال كل فترة يفك وللاسف مجرد جندي او جندي اول ولا مجرد 200 ولا 300 وظيفة ؟؟


الوضع سيء جدا كثير عيال اعرفهم مجرد كاشير او موظف مبايعات بمحل او باريستا او في سوق وغيرها من الوظائف ام رواتب 4 و 5 بالله عليكم بهذه الوظائف اقدر اتزوج واشتري بيت واسس حياتي واعتمد عليها


ولكم في كورونا عبرة مجرد جاء الحضر كثير شركات قالت لك مع السلامة او مافي راتب بالله عليك وقتها كيف تدفع ايجار او تاكل وتشرب او تدفع قصد سيارة وفواتير ؟؟؟ بتكون صدمة العمر

القطاع الخاص عندنا ابو كلبي ولا تقدر تشد ظهرك فيه وتعتمد عليه الا فيما ندر

ارامكو وسابك والكهرباء والهيئات اللي قلنا بس هذه شركات مرموقة ولا مجال للواسطة فيها اصبحت منبع للمحسوبيات والواسطات ولا ننسى عمهم الكبير الخطوط اللي لبيوت معينة يتوظفو فيها هههههههههههههههه



المشكلة اننا ضمن اقوى 20 دولة بالعالم ومساحات شاسعة وثروة كبيرة في باطن الارض بس ماعرفنا نتصرف حتى الان

وكل مالها الجامعات تخرج كل سنة الالاف الجاهزين للعمل وانت الدفعات السابقة لسا ما وفرت لها وظائف



انا عن نفسي مأجل موضوع الزواج وتملك البيت وغيرها من الامور الكبيرة حتى احصل وظيفة فيها امان عالي وراتب ممتاز لان بالوضع الحالي بورط نفسي لا اكثر


فالله يزينها الواحد يحاول ياخذ دورات ويطور من نفسه ويؤدي اللي عليه والباقي على الله

وباذن الله 2021 تنفرج الامور وتتحسن الاوضاع ويرجع التوظيف بقوة بالحكومة والقطاع الخاص

جالس اشوف الواسطات هذي قدام عيني الله لايوفقهم

اعرف ناس من قبل ماتتخرج و وظايفها جاهزة

سابك الخطوط ارامكو

اما الخطوط هذه حكاية ثانية

سويت معاهم مقابلة قابلوني 8 اشخاص ولا واحد فيهم عرف بنفسه

كلهم مطفين الكاميرا وتحشير ولا اني بدخل ناسا ويعطيني سؤال تخصصي كله حسابات ومعادلات وبعد دقيقة يبغا الجواب!! واخرتها سألت ناس فيها قاالولي الي سولك المقابلة كلهم متوظفين بالواسطة وكانوا تبع برنامج رواد المستقبل يعني بكرا حيصيرو مدراء عالكل وهذا تعاملهم!!

وبالفعل الخطوط لعوائل معينة فقط (با)

والله اعرف ناس دخلوها بدون اي مؤهل او شهادة بسبب الواسطة وتروح اقسام تشوف عوائل بكاملها شغالين سوا من الاب والاولاد والاعمام وحتى ازواج البنات

وغير كذا يقولك بشكل عام نسبة السعودية مره نزلت عن 20 سنة زمان!! وصاروا يجيبوا موظفين اجانب بمميزات السعودي مايحلم فيها! والمصيبة الاكبر جايبين طيارين بشهادات مزورة من جنسيات ما اجيبهم يسوقوا سيارة بمبالك بطيارة تشيل 300 شخص! اخرهم قريت عنه فيتنامي مطرود من ناس! وجابوه الخطوط والي كفشه سعودي كان شغال معاه في ناس! وجايبين وطيارين ماليزيين بدون لغة وقاعدين يدرسوهم ومسكنينهم في فنادق وعقدهم يشمل حتى تعليم الابناء ولو كان ابن متبنى والسعودي ماله اي ميزه من هذه! حتى المصري صار عقده زي الاوربي والامريكي


كل هذا بسبب مدير الاتش ار اتوقع الماني الجنسية جا عفس ام الشركة وشغال حرب علنية على السعوديين وجاب جماعته وناس مطروده من شركات طيران واحد منهم صربي بسببه شركة الطيران الصربية افلست!


المصيبة عندنا طيارين عاطلين خريجي ابتعاث مؤهلين احسن تأهيل وبعضهم راح يشتغل برا!


وازيدك نفس الفئة هذه (ألي بالاحمر فوق) راحت اماكن ثانية وجالسه تمارس نفس التصرفات ويعاملوها معاملة قروب الواتساب زي كاوست
كله واسطات ومحسوبيات حتى بناتهم موظفينهم فيها.. وعادي يجيب هندي او فلبيني ولا يوظفك انت عشان لاتشوف المصايب حقتهم..

وبترو رابغ ماهي بعيدة عنهم

وطبعا الجامعات زي الملك عبدالعزيز وجده كلها تتعامل معاملة قروب الواتساب