تجربتي مع شركة رفع الضغط والسكر مين بوكس mainbox
banner
2020-03-10 , 06:06 مساءً
بوتشيني’s Avatar
بوتشيني

مشارك

المشاركات:259
التسجيل:Feb 2014
بوتشيني
السلام عليكم احبتي
صراحة لاعلم من اين ابدأ لكن احببت ان الخص تجربتي مع هذه الشركة ورايت اني اكتبها على شكل نقاط حيث اني جربتهم في ست شحنات ومتباعدة نوعا ما ولذلك كونت فكرة واضحة عنهم

السعر :
بديت بالسعر لان اغلب الناس تبحث عن هالشي وصراحة اعتمادك على السعر فقط هو غلطه بحد ذاتها لانك قد تخسر مبلغ اكبر من ذلك فيما لو رفض الشحن وهذا اللي حصل معي شركة مين بوكس تشحن لك اي شيء ولا يتحققون ولا عليهم منك انت طلبت شيء وتبي تشحنه مايرفضون ثم تاتيك الطامة من الناقل ويقولك هذي قطعة ممنوعه وتخيل ان الشحنه ترجع كاملة ولايتم تعويضك وستدفع قيمة شحن جديد ومين بوكس يقولك مالي شغل ادفع خسرت 130 دولار للمرة الاولى ودفعتها مرة اخرى يعني 260 دولار لنفس الشحنه .

بالمختصر اذا انت تشحن ملابس او اشياء غير ممنوعه وضامن نفسك وانت راعي طويلة وبالك وسيع ولا تطلب تعديل ولا تحتاج تراسلهم وعادي تنتظر شحنتك من 15 يوم الى شهر اشحن معهم بكيفك



مدة شحن المنتجات :
45 يوم وبعدها يفرض عليك رسوم اليا وبعض الشركات افضل منهم وتعطيك 90 يوم

مدة شحن المنتج بعد التغليف يعطيك 7 ايام وبعدها يفرض دولارين لكل يوم

اوقات الشحن :
مايشحنون الى يومي الاثنين والخميس وانا رفضوا الشحن الاثنين وقالوا للسعودية فقط الخميس ولا ادري ماهو المعيار لديهم

سرعة الرد على العملاء:
هذي من اسوء الشركات اللي شفتها توقع انك تقعد ممكن عشر ايام محد رد عليك وممكن تفرض عليك رسوم بسبب انك طلبت شيء وتنتظر يلبونه عشان تعطي امر التغليف وهم تاخروا بالرد ويقولك ماعلي منك سدد رسوم التاخير حتى لو شرحت له انك مراسلهم واتس وعلى الشات مايلتفت لهالشي ابد يعتمد اليوم اللي رد عليك فيه ومتى وصلت الشحنه وكم جلست هذا اذا رد عليك اصلا هذا هو النصب بحد ذاته

طلبات التعديل على الشحنه :
ياخذ دولارين على ازالة التغليف الاصلي واذا تبي تحذف قطعة من داخل الباكج رفضوا وقالوا خدمتنا فقط نشيل الكرتون مادري طيب وش فايدتكم طبعا ردوا علي بعد 8 ايام وكمان دفعت غرامه

انا للامانه خلاص وقفت التعامل معهم وبكنسل حسابي بمجرد وصول شحنتي الاخيرة والله يصبرنا شركة غير جديرة بالاحترام وجاري البحث عن شركات حتى لو اغلى بس تحترم العميل

تحياتي لكم وسامحوني على عدم الترتيب واي سؤال انا حاضر لو في اي نقطه او اذا فيه شي لم يتم ذكره .
Enlarged Image
2020-03-10 , 06:06 مساءً