طرق تحضير القهوة السوداء بأدوات مختلفة. شاركنا تجربتك
banner
2021-02-06 , 05:09 مساءً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
السلام عليكم

القمع بونماك الياباني (هالقمع هذا اشوفه متفوق على جميع الأقماع) القهوة ثقيلة ولذيذة

متوفر محليًا عند محمصة شفل ولكن ما عندهم فلاتر البامبو البنية للأسف (تفرق كثير بالطعم ووقت الإستخلاص)

بونماك صنعت قمعين الاول بفتحة واحدة وهو العادي وهذا الي اشتريته من هنا
https://www.amazon.com/bonmac-dripper-white-CD-...

الثاني برو بفتحتين وهذا ما يخفي عيوب استخلاصك يعني يتطلب مهارة عالية لانه يعطيك حرية اكبر وكل العوامل تؤثر على الإستخلاص من طحن وتدفق ماء وطريقة صب وووو ....

الأهم : فلاتر البامبو البنية واخذتها من هنا
https://www.amazon.com/Bonmac-Flat-Bottom-Coffe...

الطريقة الي اتبعها لكل انواع البن

https://youtu.be/KI9LYRBdqD8

البن 25 جرام وبالطريقة الي فوق 350 مل ماء

—————-

قمع بلوبوتل وهالقمع اصعب من بونماك شوي لان مافيه نقع زي البونماك
لكن طريقته سهلة وموجودة على اليوتيوب. الي ما يخليني اكثر كلام عنه ان فلاتره محتكره من بلوبوتل وسعرها غالي مع الشحن الدولي

—————-

قمع كليفر وهذا استعمله بالسفر لكن لا تشرب القهوة الا لما تصير بدرجة حرارة الغرفة وقتها تكون افضل
وانا اتبع طريقة جيمس هوفمان

https://youtu.be/RpOdennxP24

القهوة الاثيوبية في الكليفر مميزة وينفع للي ما يبي يتعب نفسه وينتج كوب جيّد باقل جهد ممكن

—————-

ايروبريس هالأداة وصفاتها كثر شعر الرأس والعجيب كلها تنفع وتنشرب قهوتها

ما أفضلها بصراحة ولا تنتج الفاكهية الي اشوفهم يتكلمون عنها يقولون كأنها عصير! لكن اتوقع تتطلب مهارة أعلى عشان توصل لهالنتائج

هالوصفة أسهل شيء وجدته
https://youtu.be/dO3e8H42Wwk

——————

القهوة الباردة كنت استعمل ابريق هاريو الزجاجي وتخمير لمدة 24 ساعة لكن للأسف انكسر علي

الآن استعمل هالطريقة بالكاليتا
https://youtu.be/PApBycDrPo0

والنتيجة مذهلة مع الثلج

....

قمع v60 أحد ألد أعدائي لذلك تجاهلته :angry2:
كاليتا أداة جيّدة لكن بونماك وبلوبوتل أفضل

إذا عندك طريقة ثابتة ونتائجها لذيذة شاركنا ولا تبخل بالمعلومة :17:
Enlarged Image
2021-02-06 , 05:09 مساءً
2021-02-07 , 12:28 مساءً
آهوآك لبى هوآك’s Avatar
آهوآك لبى هوآك

متميز

المشاركات:11088
التسجيل:Feb 2011
آهوآك لبى هوآك
ماشاء الله عليك موضوع جميل وجاء في وقته ،

ناوي اخذ البونماك وأتجه لهالأدوات ، لاني جلست فتره انتظر مكينة البونافيتا لكن للأسف ..

وراح اخذها ان شاء الله بنفس الروابط اللي حطيتها ، لكن أستغرب فرق السعر بين الرابط اللي حطيته وبين القمع في محمصه شفل هل هي نفس الجودة : https://al-shovel.com/categories/108214

اخوي ابو حاتم وش الطاحونة اللي تستخدمها ؟

وبالنسبة للميزان هل اخذه من امازون وهل فيه نوع معين تنصح فيه ؟

وبالنسبة للابريق او الكوب اذا جيت أستخلص كيف اعرف المقاس المناسب للقمع ؟
2021-02-07 , 12:28 مساءً
2021-02-09 , 08:53 صباحاً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
اعتقد انه نفسه بالضبط. القمع الي انا شريته كان قبل يوفرونه الاخوان والبائع ياباني يحسب التصدير لامريكا ومكسبه

الطاحونة الي استعملها غالية لكن نصيحتي لك استثمر في الطاحونة

الطاحونة لا تاخذ الا فلات وعندك أرخص نوعين جيّدة الاولى ويلفا يونيفورم العادية بدون ميزان وهذي اثبتت وجودها
الثانية فيلو اود لكن فيه اخطاء في التصميم وراح ينزل الاصدار الثاني منها هالسنة ان شاء الله 2021

طواحين الفلات تفضيلي الشخصي بعد تجربة كثير من الطواحين

لكن .. بدايتي كانت مع براتزا فيرتوزو وكانت عاجبتني وللحين عندي اسافر فيها

الميزان اي ميزان حساس ومؤقت جوالك ينفع لو ما كان فيه مؤقت

غلاية ماء عادية وابريق عنق اوزة

الاستثمار الأهم يكون بالطاحونة ، واختيارك موفق لليدوي افضل من الاوتو.

أخيرًا كأقل تكلفة للطاحونة لو ما حبيت الويلفا او ماتبي تستثمر بالطاحونة فعندك براتزا انكور 600 ريال

الابريق خذ الي يجي 600 مل هذا حجمه مناسب

...
الي تحتاجه عشان تبدأ :
طاحونة انكور
غلاية ماء عادية
ميزان برويستا الذكي 2
قمع من شفل خذ المقاس الكبير
فلاتر بامبو رقم 2 خذ من امازون الياباني يمكن ارخص لان لما تاخذ مجموعة افضل لك من ناحية الشحن والتوفر
ابريق ياما 600 مل سعره 150 ممتاز جدًا وهذا الي استعمله
ايروبريس سعرها 120 ريال ويجي معها فلاترها بعد :d
....

طاحونة ويلفا يونيفورم بدون ميزان 250 باوند بريطاني تقريبًا وهذي افضل بكثير من انكور
2021-02-09 , 08:53 صباحاً