مواقف السفر ... تجارب وخبرات
banner
2020-09-30 , 02:24 مساءً
1بو محمد’s Avatar
1بو محمد

مبدع

المشاركات:2293
التسجيل:Oct 2006
1بو محمد
الموضوع مفتوح للجميع للحديث عن مواقف السفر التي مرت بهم والتجارب والخبرات المكتسبة .
بابدا بذكر موقف مر علي -وممكن يمر على اي مسافر والطريقة الأمثل لتجاوزه .
عند وصولي لمطار جنيف ومعي ورقة حجز سيارة من هرتز اكتشفت ان رخصة القيادة في سيارتي في مواقف المطار في دولة خارج السعودية.الشركة طبعا رفضت تأجرني ، الرحلة مبنية بناء تام على وجود سيارة .اخذت سويس باس -كرت التنقل اللامحدود بسويسرا-من المطار ب3200 ريال لشخصين لمدة اسبوعين .توجهت للشقة هناك بحثت عن حل واغلب الحلول تدور على ان واحد يرسل لك الرخصة من بلدك وبوضعي مستحيل غير انه بياخذ وقت اضافة الى انه يصادف ثاني يوم عيد الفطر حاولت اتصل عالسفارة ولامجيب بعدين عرفت اغلبهم مجاز سواء هنا اوبالسعودية .اتصلت على جوال السفير وكان بالسعودية انسان جدا محترم اعطاني جوال المسؤول عن شؤون السعوديين وقالي تمر مركز الشرطة وتاخذ بلاغ عن فقدان الرخصة في سويسرا وتتجه للسفارة وتعطيهم البلاغ وصورة الرخصة بيعطوك ورقة رسمية مختومة فيها بيانات رخصتك وتستاجر فيها .وفعلا اخذت البلاغ للسفارة واعطوني ورقة مختومة ببيانات الرخصة ورحت لشركة سكست واستاجرت .
النقطة الأهم عشان السفارة تقدر تخدمك لابد ان تذكر انك فقدتها في سويسرا وايضا الشرطة عشان يعطوك بلاغ لابد تذكر انك فقدتها عندهم .
من الغرائب الشرطة بسويسرا تاخذ 70 فرنك على البلاغ ،وهذا مكتوب بالورقة الي معي وبوضعي العسكري اعطاني البلاغ واشر على فمه بيد وعالباب باليد الثانية يعني اطلع وانت ساكت بدون ماتدفع .
مريت مكاتب شركة هرتز وسكست الاسعار اضعاف مضاعفة اذا بتستاجر مباشرة فطلعت برا ودخلت موقعهم بالنت واستاجر ت باقل من النصف . فانتبه تفكر تستاجر مباشرة من هناك .
Enlarged Image
2020-09-30 , 02:24 مساءً
2020-09-30 , 04:59 مساءً
embratoor’s Avatar
embratoor

مبدع

المشاركات:5460
التسجيل:May 2011
embratoor
جزاك الله خير على الافاده
والسفير والسفارة ما قصروا
2020-09-30 , 04:59 مساءً
2020-10-01 , 04:56 صباحاً
Parallel’s Avatar
Parallel

مبدع

المشاركات:2902
التسجيل:Jul 2013
Parallel
انا طحت بمشكلة معروفة وهي مقاس الشنط
كان وقتها زايد 5 سنتي من جهة عن المقاس المطلوب في easyJet واتوقعت الامور تعدي بحبية ويوم وصلت المطار دفعوني 120 يورو على الشنطتين

المضحك انه تذكرة السفر كانت ب 20 يورو من فرنسا ل ايطاليا اذا ما خاب ظني
ودفعت 6 اضعافها على شنطة هههههههههه
2020-10-01 , 04:56 صباحاً
2020-10-01 , 05:04 صباحاً
Econ’s Avatar
Econ

فعال

المشاركات:1444
التسجيل:Apr 2019
Econ
مطار دبي قبل ١٠ سنين
جاي من الصين وعندي طقم مقص أظافر بمحفظة بسحاب كبر الكف
في دبي خلوني اطلعه وقالوا هذا عليها شعار اتحاد سوفيتي، وماعرفت ذالشعار الا من كود ٥ ومنهم
فقلت خلاص خذوها مابيها، جاني رجال وقالي لاترمسها وأحسبه يقولي لا تلمسها، بعدين قالها مرة ثانية وبيني وبين نفسي عرفت معنى الكلمة يعني لا تكلمها، طيب خلاص مابيها خذوها، قالي لا مافيه مشكلة لاتشيل هم بس تعال معي، يعني سحبني مع خشمي بأسلوب حشيمة وراقي ودخلت مكتب جوازات فيها عميد وخمس عسكر واقفين وحسيت إني سويت جريمة وطمئن وقالي لاتشيل هم عادي السعودية اخواننا عطني جوازك، عطيته ويدي ترتجف وخلاني أوقع على ورقة وأقوله مابيها وتكفون ماله داعي كل هالشي، مادريت عنها ولو ادري كان لقيت طريقة احرقها، وقلت لهم اقدر اسوي مكالمة طيب؟ قالي ماحنا مسوين لك شي، أنت وقع وخلاص مع الف سلامة
وقعت والله اعلم وقعت على ورقة تعهد، اتذكر إني قريت الورقة وأطمئنيت انها اعتقد ورقة مصادرة، بس ما اتذكر
2020-10-01 , 05:04 صباحاً
2020-10-01 , 09:06 صباحاً
Sohaib’s Avatar
Sohaib

متميز

المشاركات:9690
التسجيل:Oct 2006
Sohaib
كلما تعددت السفرات كلما زادت المواقف ..
المواقف عديدة و بعضها فيها مغامرات ..

الموقف الاول :
عام 2016 استأجرت سياره BMW الفئة الصغيره في جنوب افريقيا في مدينه اسمها دربان تأمين شامل و كان غالي شوي ..
المهم ان احدى اسباب ذهابي لهذه المدينه هو وجود شلال كبير جداً يبعد 100 كيلو عن المدينه تقريباً .
والا المدينه نفسها مافيها ذاك الزود .

وفعلاً ثاني يوم بعد وصولي اتجهت للشلال ,, مافيه حواليه اي شي سوى قرى زراعية الى درجة انه عند الشلال فيه مواطنين يغسلون ملابسهم بشكل يدوي من مياه الشلال .. مكان معزول ومافيه سواح ايضاً .
فعلاً استمعت بالشلال و المناظر اللي هناك , وقتها كان العصر ..
وقرب المفرب فضلت العودة ..
عبيت بنزين من محطة وانا خارج من المنطقه النائية ما انتبهت الا وانا داخل على باص مع الجنب ..
الغلط علي 100% ..
اللي تفاجأت منه يمكن ما مرت 7 دقايق الا وسيارة الاسعاف موجوده تسألنا عن حالنا , مافيه الا انا وزوجتي

وشوي تجمعوا الناس ويتكلمون لغة غريبه .. لكن فيه البعض يتكلم انجليزي .
وفجأة حوالي 8 سيارات سطحه كل واحد يقول تعال نشيل سيارتك ..
وانا رافض ابي الشرطه او جهه رسمية اتعامل معها .

انتظرت والغروب على وشك و الدنيا بدأت تظلم شوي ..
كلمت انا شركة التأجير .. طبعاً عشان ما اعرف المكان , لقيت واحد حق سطحه يتكلم انجليزي قلت له اشرح لهم اللوكيشن , لاني ما اعرف بالضبط المكان اللي انا فيه وش اسمه
فعلاُ شرح لهم و جات الشرطه ,, قلت لهم تكلموا مع شركة التأجير .. لانهم فعلاُ قالوا اول ما تجي سياره المرور اتصل بنا ..

صار بينهم تواصل ,, الا ويجيني هندي مع زوجته ومعه سطحه , قال انا مرسول من شركة التأجير تفضل معانا الين ما الشركة تدبر لك سياره بديلة ..
وعلى بال ما الشركة توصل قال لي الهندي , تعال معاي المنزل , اخذ السياره بالسطحه ورحنا معاه الى المنزل , وجلسنا عنده في المنزل وهو نزل السياره في باحة منزله , وعنده في المنزل ورشة سياره

يعني ورشة و بيت و الوضع كان مريب و ظلام و الاناره ضعيفه .
جلست عنده حوالي ساعتين الين ماوصلت سيارتين الى الموقع احده bmw اجد من اللي صدمت فيها
والثانيه معاون , عشان ياخذ السائق اللي وصل السيارة ,

سلموني المفتاح و قالوا درب السلامه ..
وانا اخذت السياره الجديده و رجعت فيها للفندق , ماوصلت الا على 10 مساء .



الموقف الثاني ..
في سريلانكا .. انا من النوع اللي ما حاب شي اسمه سواقين تماماً .. استأجر سياره في اي مكان اسافر له , وهناك في سريلانكا الشوارع مزدجمه و المرور عندهم فساد لدى رجال المرور , يعني ياتاخذ مخالفه او تعطيني كاش .. وهناك القياده عشوائية بشكل عجيب , خصوصاً في طرق السفر الخط رايح جاي
دبابات و توكتوك و باصات و سيارات كلها مع بعض , ومدارس عالطريق و ناس يقطعون الطريق .

اول موقف كان لي ,, اني سرعت في منطقة و وقفني رجل المرور و قال مخالفه ..
عاد هو يقولها اعطيك هي تتسجل على السيارة او تعطيني قيمة المخالفه كاش مع خصم 50%
ههههههههههههههه
اول مره سويتها .. و اعطيته حوالي 20 ريال كاش ..
بعد كذا ما اخذت ولا مخالفه , الا اخر يوم راجع من بنتوته الى المطار , و انا خارج متأخر من المنتجع اللي كنت فيه ..
وكنت مسرع في طريق جديد هاي واي ..
وانا نازل من المخرج كان عندي بلاغ سرعه .. وفعلاً تو نزلت من المخرج الا في ضابط المره هذه لحاله موقفني .. ويوم شافني اخذ مني الرخصه الدولية وقال راح تتوقف , قلت له عندي رحله وريته التذاكر ..
والا موقف ومتشدد .. قلت له طيب عشان عندي رحله ايش رايك اسحب لك قيمة المخالفه كاش من الصراف اللي هناك .. قال طيب روح و تعال ورخصتك معاي ..
طبعاً الرخصه الدولية عباره عن رخصه مترجمه ففضلت اني اتجه للمطار ولا ارجع له .
وفعلاًُ هذا ماحصل , اتجهت للمطار و سحبت عليه .. وخليت الرخصه معاه .

ولحقت على الرحله في اخر دقايقها .. كان موقف وقتها مفجع لكن في نفس الوقت قويت قلبي شوي .. لانه نفس العكسري اقدر امسك عليه حركته هذه لو كبر الموضوع او عمل لي بلاغ ..
لكن عدت سليمة .. الكلام هذا قبل 5 سنوات .


الموقف الثالث
عام 2014 , سافرت الى باريس ,, وقتها تأهلت الجزائر و فجأة تقفلت باريس بالكامل , ,الجماهير الجزائرية عملت احتفال و شغب في محطة المترو , والناس تركض و مسويه زحمه
وانا ما ادري عن شي جاي من ديزني عبر المترو و متجه للفندق و كل مواصلاتي عبر محطة المترو .

يوم وصلت اخر محطة اللي راح توصلني الى اللاستيشن القريب من الفندق ,, فجأة قفلوا المترو و اشوف ناس تكسر في المحطه و شوي الشرطه ترمي غاز مسيل للدموع وانا معاي زوجتي .. حست ..
هربت و اتجهت جهة الشرطه ,, عشان ابغى اخرج من مكان اخر ,, المكان اللي كنت بخرج منه حوسه و ناس تجري و غاز ,, شافني شرطي و على طول قال روح من الجهه الفلانية .. يعني مخرج اخر كله مدحج بالشرطه ..
الا واحصل واحد مصري شافني ويقول اقري يله ورايه .. اقري يله .. والا هو متجه مع نفس المكان اللي قال لي العسكري فيه روح من هنا .. فعلاً ماقصر الله يسعده .. طلعنا و دبر لنا تاكسي و تكلم فرنسي مع التاكسي عشان يعلمه مكان الفندق و الاقامة اللي انا فيها ..
خرجنا من شوارع خلفيه موازية لشارع الشانز ..

وعدت على خير ..
لسى باقي واجد ..
مثل يوم فقدت محفظتي في جزيرة بالي و جبت الحرامي ثاني يوم للفندق عندي .. بعد ما قفطته عن طريق الكاميرات و بلغت الشرطه و جبت رقم جواله .. ذلك اليوم قلبت مخبر و محرر

رغم ان المحفظة مافيها كاش فقط حوالي 1200 ريال
لمن الجوازات و البطايق و الكاش الاخر كان في شنطة الظهر .

ومره في هونج كونج بغوا يضربوني الصينين لاني صورت بوذا في محل على بالي انه شي عادي ..
ماغير وريتهم الكاميرا و حذفت الصور قدامهم .. كلها من وجده عجوز فجأة صاحت يوم شافتني اصور
كان الكلام هذا عام 2012

وفي بانكوك راعي التوكوك يوم بغى يختلني لمكان غريب .. ماغير اني قويت قلبي و كأنه خاف شوي ..


فعلاً المواقف تتعدد مع كثرة السفريات ..
لكن اشوف انها تزيد من رصيد الرحلة ذكريات
2020-10-01 , 09:06 صباحاً
2020-10-01 , 11:55 صباحاً
beiruty’s Avatar
beiruty

مبدع

المشاركات:2269
التسجيل:Oct 2012
beiruty
*اذا يوماً ما حجزتوا طيران من شركة Ryan Air او Air Asia

لا تنسوا تسووا اونلاين check-in وتطبعوها او يكون معكم التطبيق الرسمي فيه البوردنق باس

اذا ما اتممتوها قبل الوصول للمطار....فقط طباعة البوردنق تكلف 55 يورو للشخص من ryan air، ار اسيا ما اذكر كم


**في اغلبية دول العالم، لا تصرف العملة في المطار، عشان في اغلب الوقت ينصبوا عليك ب 10-20% من السعر الحقيقي

حاول ترتب وضعك بحجز تاكسي او اوبر اونلاين قبل الوصول، او اذا تستخدم مواصلات عامة تأكد انه بامكانك شراء تذكره بالبطاقة

وقت توصل الديرة، استخدم محلات الصيرفة هناك


*** لا تسافر بدون تأمين طبي - كل التكلفة 100-150 ريال وتغنيك عن دفع مبالغ ذات قدر في حال لا قدر الله حصلك حادث بسيط

احد الاصدقاء كان معي وطاح عن السيكل، ودخلت قطعة زجاج في يده، الطوارئ مع اخراج القطعة وتطهير الجرح، كلها 20 دقيقة كلفته 350 يورو في اسبانيا
2020-10-01 , 11:55 صباحاً
2020-10-01 , 04:39 مساءً
دريله’s Avatar
دريله

متميز

المشاركات:6665
التسجيل:Jun 2007
دريله
Sohaib كتب:
كلما تعددت السفرات كلما زادت المواقف ..
المواقف عديدة و بعضها فيها مغامرات ..

الموقف الاول :
عام 2016 استأجرت سياره BMW الفئة الصغيره في جنوب افريقيا في مدينه اسمها دربان تأمين شامل و كان غالي شوي ..
المهم ان احدى اسباب ذهابي لهذه المدينه هو وجود شلال كبير جداً يبعد 100 كيلو عن المدينه تقريباً .
والا المدينه نفسها مافيها ذاك الزود .

وفعلاً ثاني يوم بعد وصولي اتجهت للشلال ,, مافيه حواليه اي شي سوى قرى زراعية الى درجة انه عند الشلال فيه مواطنين يغسلون ملابسهم بشكل يدوي من مياه الشلال .. مكان معزول ومافيه سواح ايضاً .
فعلاً استمعت بالشلال و المناظر اللي هناك , وقتها كان العصر ..
وقرب المفرب فضلت العودة ..
عبيت بنزين من محطة وانا خارج من المنطقه النائية ما انتبهت الا وانا داخل على باص مع الجنب ..
الغلط علي 100% ..
اللي تفاجأت منه يمكن ما مرت 7 دقايق الا وسيارة الاسعاف موجوده تسألنا عن حالنا , مافيه الا انا وزوجتي

وشوي تجمعوا الناس ويتكلمون لغة غريبه .. لكن فيه البعض يتكلم انجليزي .
وفجأة حوالي 8 سيارات سطحه كل واحد يقول تعال نشيل سيارتك ..
وانا رافض ابي الشرطه او جهه رسمية اتعامل معها .

انتظرت والغروب على وشك و الدنيا بدأت تظلم شوي ..
كلمت انا شركة التأجير .. طبعاً عشان ما اعرف المكان , لقيت واحد حق سطحه يتكلم انجليزي قلت له اشرح لهم اللوكيشن , لاني ما اعرف بالضبط المكان اللي انا فيه وش اسمه
فعلاُ شرح لهم و جات الشرطه ,, قلت لهم تكلموا مع شركة التأجير .. لانهم فعلاُ قالوا اول ما تجي سياره المرور اتصل بنا ..

صار بينهم تواصل ,, الا ويجيني هندي مع زوجته ومعه سطحه , قال انا مرسول من شركة التأجير تفضل معانا الين ما الشركة تدبر لك سياره بديلة ..
وعلى بال ما الشركة توصل قال لي الهندي , تعال معاي المنزل , اخذ السياره بالسطحه ورحنا معاه الى المنزل , وجلسنا عنده في المنزل وهو نزل السياره في باحة منزله , وعنده في المنزل ورشة سياره

يعني ورشة و بيت و الوضع كان مريب و ظلام و الاناره ضعيفه .
جلست عنده حوالي ساعتين الين ماوصلت سيارتين الى الموقع احده bmw اجد من اللي صدمت فيها
والثانيه معاون , عشان ياخذ السائق اللي وصل السيارة ,

سلموني المفتاح و قالوا درب السلامه ..
وانا اخذت السياره الجديده و رجعت فيها للفندق , ماوصلت الا على 10 مساء .



الموقف الثاني ..
في سريلانكا .. انا من النوع اللي ما حاب شي اسمه سواقين تماماً .. استأجر سياره في اي مكان اسافر له , وهناك في سريلانكا الشوارع مزدجمه و المرور عندهم فساد لدى رجال المرور , يعني ياتاخذ مخالفه او تعطيني كاش .. وهناك القياده عشوائية بشكل عجيب , خصوصاً في طرق السفر الخط رايح جاي
دبابات و توكتوك و باصات و سيارات كلها مع بعض , ومدارس عالطريق و ناس يقطعون الطريق .

اول موقف كان لي ,, اني سرعت في منطقة و وقفني رجل المرور و قال مخالفه ..
عاد هو يقولها اعطيك هي تتسجل على السيارة او تعطيني قيمة المخالفه كاش مع خصم 50%
ههههههههههههههه
اول مره سويتها .. و اعطيته حوالي 20 ريال كاش ..
بعد كذا ما اخذت ولا مخالفه , الا اخر يوم راجع من بنتوته الى المطار , و انا خارج متأخر من المنتجع اللي كنت فيه ..
وكنت مسرع في طريق جديد هاي واي ..
وانا نازل من المخرج كان عندي بلاغ سرعه .. وفعلاً تو نزلت من المخرج الا في ضابط المره هذه لحاله موقفني .. ويوم شافني اخذ مني الرخصه الدولية وقال راح تتوقف , قلت له عندي رحله وريته التذاكر ..
والا موقف ومتشدد .. قلت له طيب عشان عندي رحله ايش رايك اسحب لك قيمة المخالفه كاش من الصراف اللي هناك .. قال طيب روح و تعال ورخصتك معاي ..
طبعاً الرخصه الدولية عباره عن رخصه مترجمه ففضلت اني اتجه للمطار ولا ارجع له .
وفعلاًُ هذا ماحصل , اتجهت للمطار و سحبت عليه .. وخليت الرخصه معاه .

ولحقت على الرحله في اخر دقايقها .. كان موقف وقتها مفجع لكن في نفس الوقت قويت قلبي شوي .. لانه نفس العكسري اقدر امسك عليه حركته هذه لو كبر الموضوع او عمل لي بلاغ ..
لكن عدت سليمة .. الكلام هذا قبل 5 سنوات .


الموقف الثالث
عام 2014 , سافرت الى باريس ,, وقتها تأهلت الجزائر و فجأة تقفلت باريس بالكامل , ,الجماهير الجزائرية عملت احتفال و شغب في محطة المترو , والناس تركض و مسويه زحمه
وانا ما ادري عن شي جاي من ديزني عبر المترو و متجه للفندق و كل مواصلاتي عبر محطة المترو .

يوم وصلت اخر محطة اللي راح توصلني الى اللاستيشن القريب من الفندق ,, فجأة قفلوا المترو و اشوف ناس تكسر في المحطه و شوي الشرطه ترمي غاز مسيل للدموع وانا معاي زوجتي .. حست ..
هربت و اتجهت جهة الشرطه ,, عشان ابغى اخرج من مكان اخر ,, المكان اللي كنت بخرج منه حوسه و ناس تجري و غاز ,, شافني شرطي و على طول قال روح من الجهه الفلانية .. يعني مخرج اخر كله مدحج بالشرطه ..
الا واحصل واحد مصري شافني ويقول اقري يله ورايه .. اقري يله .. والا هو متجه مع نفس المكان اللي قال لي العسكري فيه روح من هنا .. فعلاً ماقصر الله يسعده .. طلعنا و دبر لنا تاكسي و تكلم فرنسي مع التاكسي عشان يعلمه مكان الفندق و الاقامة اللي انا فيها ..
خرجنا من شوارع خلفيه موازية لشارع الشانز ..

وعدت على خير ..
لسى باقي واجد ..
مثل يوم فقدت محفظتي في جزيرة بالي و جبت الحرامي ثاني يوم للفندق عندي .. بعد ما قفطته عن طريق الكاميرات و بلغت الشرطه و جبت رقم جواله .. ذلك اليوم قلبت مخبر و محرر

رغم ان المحفظة مافيها كاش فقط حوالي 1200 ريال
لمن الجوازات و البطايق و الكاش الاخر كان في شنطة الظهر .

ومره في هونج كونج بغوا يضربوني الصينين لاني صورت بوذا في محل على بالي انه شي عادي ..
ماغير وريتهم الكاميرا و حذفت الصور قدامهم .. كلها من وجده عجوز فجأة صاحت يوم شافتني اصور
كان الكلام هذا عام 2012

وفي بانكوك راعي التوكوك يوم بغى يختلني لمكان غريب .. ماغير اني قويت قلبي و كأنه خاف شوي ..


فعلاً المواقف تتعدد مع كثرة السفريات ..
لكن اشوف انها تزيد من رصيد الرحلة ذكريات


صهيب انت ماخذ الدنيا سهالات و ربنا يقولك اقعد ببيتك :d
2020-10-01 , 04:39 مساءً
2020-10-02 , 11:27 صباحاً
s3ads’s Avatar
s3ads

بارز

المشاركات:1796
التسجيل:Jun 2006
s3ads
في زيارتي لجورجيا
واثناء الحجوزات طلبت تأجير سيارة
وقال متى تبي تستلمها ومتى تبي تسلمها

كتبت الاستلام الساعه 11 بالليل رغم ان الرحلة توصل يمكن الساعه 10
ولكن التسليم كتبت الساعة 9 الصباح ورحلة العودة كانت 9 الصباح
وهنا الغلط
"لازم وضروري تكتب التسليم قبل موعد الرحلة بساعتين او ثلاث "

طبعا وقت استلمت السيارة طلبو مني ادفع 400 دولار كاش في حال اخذت قسيمة او شي وترجع لي وقت تسليم السيارة رغم اني مسوي تأمين شامل

انا سويت مخالفة اثناء وجودي في جورجيا وحطو علي غرامة تقريبا 400 ريال

المشكلة او الموقف حصل وقت التسليم
وصلت المطار الساعة 7 يعني قبل رحلة العودة بساعتين عشان اسلم السيارة وانهي اجراءات المطار من تفتيش وشحن عفش

بالمطار لقيت المكتب مقفل والمفتاح معاي والـ 400 دولار عندهم
اكلم اللي استاجرت منهم السيارة واتصل عليهم يقولون انت ذكرت انك بتسلم السيارة الساعة 9 وفعلا وقتها عرفت اني غلطت
وقال مافي مشكلة الرجال بالطريق
تأخر ولا جاء ورحت كملت اجراءات المطار من شحن عفش واخذ البوردنق
ولكن مارجعت الفلوس ولا سلمت المفتاح والرحلة قربت وباقي قدامي تفتيش وحوسة

وخفت الرحلة تفوتني واضطريت اخر شي اطنش الـ 400 دولار وارمي المفتاح من شباك المكتب وارسلت له على الواتس ان المفتاح رميته بالمكتب

دخلت المطار وانهيت التفتيش وتم تختيم الجوازات وتعوضت ربي بالـ 400 دولار
وبمجرد الختم والدخول للسوق الحرة الا ويتصل علي موظف المكتب قال انا عند التفتيش اصبر
وارسل الفلوس مع العسكري
ارسلها كاملة 400 دولار
لا شاف السيارة اذا مصدومة او لا ولا خصمو غرامة 400 ريال والحمدللة عدت على خير

اعتذر عن الاطالة والاسهاب ولكن حبيت اقول اختارو وقت تسليم السيارة قبل رحلة العودة بساعتين او ثلاث
2020-10-02 , 11:27 صباحاً
2020-10-03 , 03:14 مساءً
1بو محمد’s Avatar
1بو محمد

مبدع

المشاركات:2293
التسجيل:Oct 2006
1بو محمد
الشكر للجميع على هذه المشاركات الرائعة والمفيدة ، حصل معي موقف لما سلمت موظف المكتب الشقة بكابرون ومفروض يعيد التامين 200 يورو قال الستارة مخلوعة من الأعلى -صراحة غير ملاحظة انا جلست فيها 8 ايام مانتبهت - قلت هذا قبل ادخل الشقة ومعي فديو ممكن تشاهده للحظة استلام الشقة -انا وثقته لهدف اخر لكن افادني بهالموقف- ومباشرة قال لا خلاص واعطاني التأمين .على كثر ماستأجرت شقق بأوروبا لكن هذي أول مرة اتعرض لموقف مثل هذا .
2020-10-03 , 03:14 مساءً
2020-10-03 , 05:09 مساءً
MGA23’s Avatar
MGA23

نشيط

المشاركات:1096
التسجيل:Jun 2009
MGA23
الموقف الاول : فرنسا

كنت انا وواحد في باريس في شارع الشانز نتشعا فلافل في مكان منزوي، واحنا بنص الفرم، جتني بنت لا هي صغير ولا هي كبيره وقامت تبرقط فرنسي وقاعده تأشر على ورقه في ايدها،يوم شفت الورقة الا الاقي جدول وفيه اسماء وارقام وتواقيع، بالضبط مثل اللي يدعمون قضية معينه، جيت ابي اوقع الا خويي يقول لا توقع وانا معند الا ابي ادعم القضية اللي مدري عنها شي، المهم اشرت لي في خانة الرقم انه لازم تعبي خانة الرقم، قلت ليش لا، وحطيت رقم من راسي، شوي الا تقول عطني المبلغ اللي كتبته بالانجليزي! استغربت وقلت اية مبلغ، قالت الرقم اللي كتبته في خانة الارقام، قلت لها بما معناه توكلي على الله، المهم غابت البنت وشوي الا من اخر الممر اشوف واحد معضل جاي ناحيتي ويطالع فيني وهو يمشي، يوم وقف عندي اشر بيده على الورقة وقال هات الفلوس، طبعا جحدت وسويت نفسي مجنون، المهم الرجال قرب ومسك ايدي وقال (you will pay)،اشر لي خويي بما معناه ساير الرجال وانا فهمتها، قلت له مامعي كاش وبروح اصرف، قال بأجي معك، وقلت في نفسي ياليل النشبه، المهم طلعنا ثلاثتنا على الشارع، وانا وخويي مسوين ندور صرافه، الا اشوف شرطي بعيد شوي وغمزت لخويي واطلقنا عنان ارجلنا للريح ظنتي سبقنا النور يومها، قربت من عند الشرطي وانا اناظر وراي الا لقيت الرجال مختفي، طبعا علطول رجعنا الفندق وطوال الوقت واحنا نطالع يمين ويسار وورانا خايفين يلحقنا للفندق والحمد لله عدت على خير.


الموقف الثاني: تايلند (شهر العسل )
كنت حاجز في منتجع في جزيرة يطلق عليها اسم Koh Yao Noi, ولا تقدر توصل للجزيره الا بواسطه السفن او القوارب الخشبية، وكانت اقرب جزيرة لها وفيها مطار هي جزيره phuket، وفيه قوارب نقل ترددي من والى الجزيره اللي عليها المنتجع، ويوجد ميناء ضحل خاص بالمنتج ( مسار أ )

Image

الخطة كانت نقلع من بانكوك الساعه 6 ونهبط في بوكيت الساعه 8 وناخذ قارب ترددي(مثل الباص معك ناس فيه رايحين لنفس الجزيره وقيمته 30 ريال على الشخص) للجزيره ونتجه للمنتجع، يوم وصلت مطار بوكيت بديت ابحث عن تكسي يوصلني للمينا، واتفاجئ بالرد الموحد من جميع العاملين بالمطار، ( النقل الترددي يبدا الفجر وينتهي على الساعه 4 العصر !!!! ) وحسيت بالغبنه انه فاتتني المعلومه، سألتهم وش الحل؟ اقترحوا علي خيارين وكلهم امر من الثاني:

الخيار الاول: استأجر لي غرفة في بوكيت تمشية حال وتروح علي ليله في المنتجع وانا دافع قيمتها واروح مع القارب الترددي الفجر

الحل الثاني: اخذ لي قارب خاص (speed boat ) ب 870 ريال

جلست افرفر على المكاتب السياحيه ابي اشوف ارخص من ذا السعر مالقيت وبديت ادور في بوكينق على غرفة في بوكيت وكلها اسعارها نار ذاك الوقت

وفي وسط التفكير جاني واحد وقالي يا تلحق يا ما تلحق!! قلت وش ؟ قال فيه قارب بيحرك بعد نص ساعه حرك الحين، واشيل شنطي وادز على مكتب التكاسي وحاسبت وعلطول جا التكسي وقلت له الوجهه، وقلت له معي اقل من نص ساعه علشان القارب وياليتني ما قلت له، ماشي 180 في طريق مسارين ويساقط ويدقدق بواري ويقطّع الاشارات، المهم وصل لمفرق فيه لوحه عليها علامة سفينة ودخل معه، الطريق اللي فرق معه مظلم ومافيه مباني، طبعا انا بديت اقلق وبديت اهوجس وبديت اتذكر مقاطع الكونقفو والكراتيه اللي اشوفها بالافلام ابي اجهز نفسي ذهنياَ لو حصل شي :d

وصلنا للمينا (مينا صغير جدا يتسع لسبعة قوارب صغيره) والمكان مظلم جدا ولا تسمع حس احد، لكن القوارب صافطه ولا ظنتي في احد يبي يتنقل بين الجزر بالليل، فجأه سمعت اذان مسجد و اطمأنيت وانقشع القلق اللي عندي لان الناس اللي ساكنين حول المينا مسلمين، طلع لي واحد يتكلم تايلندي ويسأل وش تبي، وريته بالجوال اسم الجزيره اللي انا قاصده واسأله عن القارب اللي بيمشي الحين قال اخر قارب مشى من 4 ساعات!!!! قلت له وش الحل الحين؟ قعد بتمتم ويردد اممممممم اممممممم وقام ينادي على واحد شايب خرج من بين الشجر وجلست اتفاوض معه لين استأجرت منه قارب خشبي ب 200 ريال

حملنا الشنط على القارب وتوكلنا على الله، اللي طمني اكثر ان صاحب القارب يذكر الله كل شوي ويسبح بإسم الرحمن.

وصلنا للجزيرة بعد ساعتين!!! بعد التعب هذا كله، لكن المفاجأه انه نزلنا في مينا ثاني (مسار ب ) جنوب الجزيره والمنتجع اقصى الشمال، سألته ليه مانزلتنا عند المنتجع قام يِأشر بإيده ويطلعها فوق وينزلها تحت ويأشر على البحر، كان يقصد الجزر اللي يحصل بالليل وتنحسر مياه البحر مما يتعذر الوصول للمينا الضحل التابع للمنتجع، المهم قام واحد من المينا يحمل شناطنا وقلت من انت قال بأوصلك للمنتج قلت كيف و بكم، قال عندي ونيت ومعي زوجتي وبأوديكم للمنتجع ب 80 ريال قلت تمام، المهم يوم شفت الونيت الا طلع غماره وحده وسألته وين بنركب ؟؟ قال بالصندوق ياحبيبي !!! ومعي الشناط فوق ذا !!

ركبنا الونيت وتوكلنا على الله، وبدينا نمشي، الناس اللي ساكنين على الجزيره ناس على قد حالهم ولايوجد مظاهر للحضاره ولا يوجد الا مكان واحد لو حبيت تشتري شي اسمه 7-Eleven، وقفنا عنده واخذنا مسليات لان مافيه على الجزيره الا هو.

كملنا الرحله للمنتحع، وقالي الرجال تمسكوا زين لأن الخط بيصير ردميه قلت تمام، طلع طريق مكسر وحجر ومفقع وشجر تضرب بوجيهنا من جنبات الطريق، قعدنا في الطريق ساعه ونص وهو كله مايجي 8 كيلو.

وصلت المنتجع بعد 6 ساعات من التنقل مابين طيران وتكسي و قارب وونيت حتى يوم شافوني بالاستقبال اعطوني عصير مجاني وقالوا تعال بكره كمل اجراءات الدخول يوم شافوا وضعي وكيف كنت مأتش.

الصراحه المنتجع يستاهل التعب وانك تتعنا له، اطلاله مباشره على البحر، هدوء ، فخامة، نشاطات، اكل عالمي لذيذ، خدمة وذوق فوق الوصف.

رابط للمنتجع للي حاب يزور المنطقه
2020-10-03 , 05:09 مساءً
2020-10-04 , 01:22 صباحاً
Sohaib’s Avatar
Sohaib

متميز

المشاركات:9690
التسجيل:Oct 2006
Sohaib
دريله كتب:
صهيب انت ماخذ الدنيا سهالات و ربنا يقولك اقعد ببيتك :d


بالعكس ياخي .. المواقف هذه هي التزود خبرة الواحد بالسفر وفي نفس الوقت تعطي ذكريات جميله .. وان شاء الله تكون مواقف خير و بسيطه

MGA23 كتب:
الموقف الاول : فرنسا

كنت انا وواحد في باريس في شارع الشانز نتشعا فلافل في مكان منزوي، واحنا بنص الفرم، جتني بنت لا هي صغير ولا هي كبيره وقامت تبرقط فرنسي وقاعده تأشر على ورقه في ايدها،يوم شفت الورقة الا الاقي جدول وفيه اسماء وارقام وتواقيع، بالضبط مثل اللي يدعمون قضية معينه، جيت ابي اوقع الا خويي يقول لا توقع وانا معند الا ابي ادعم القضية اللي مدري عنها شي، المهم اشرت لي في خانة الرقم انه لازم تعبي خانة الرقم، قلت ليش لا، وحطيت رقم من راسي، شوي الا تقول عطني المبلغ اللي كتبته بالانجليزي! استغربت وقلت اية مبلغ، قالت الرقم اللي كتبته في خانة الارقام، قلت لها بما معناه توكلي على الله، المهم غابت البنت وشوي الا من اخر الممر اشوف واحد معضل جاي ناحيتي ويطالع فيني وهو يمشي، يوم وقف عندي اشر بيده على الورقة وقال هات الفلوس، طبعا جحدت وسويت نفسي مجنون، المهم الرجال قرب ومسك ايدي وقال (you will pay)،اشر لي خويي بما معناه ساير الرجال وانا فهمتها، قلت له مامعي كاش وبروح اصرف، قال بأجي معك، وقلت في نفسي ياليل النشبه، المهم طلعنا ثلاثتنا على الشارع، وانا وخويي مسوين ندور صرافه، الا اشوف شرطي بعيد شوي وغمزت لخويي واطلقنا عنان ارجلنا للريح ظنتي سبقنا النور يومها، قربت من عند الشرطي وانا اناظر وراي الا لقيت الرجال مختفي، طبعا علطول رجعنا الفندق وطوال الوقت واحنا نطالع يمين ويسار وورانا خايفين يلحقنا للفندق والحمد لله عدت على خير.


الموقف الثاني: تايلند (شهر العسل )
كنت حاجز في منتجع في جزيرة يطلق عليها اسم Koh Yao Noi, ولا تقدر توصل للجزيره الا بواسطه السفن او القوارب الخشبية، وكانت اقرب جزيرة لها وفيها مطار هي جزيره phuket، وفيه قوارب نقل ترددي من والى الجزيره اللي عليها المنتجع، ويوجد ميناء ضحل خاص بالمنتج ( مسار أ )

Image

الخطة كانت نقلع من بانكوك الساعه 6 ونهبط في بوكيت الساعه 8 وناخذ قارب ترددي(مثل الباص معك ناس فيه رايحين لنفس الجزيره وقيمته 30 ريال على الشخص) للجزيره ونتجه للمنتجع، يوم وصلت مطار بوكيت بديت ابحث عن تكسي يوصلني للمينا، واتفاجئ بالرد الموحد من جميع العاملين بالمطار، ( النقل الترددي يبدا الفجر وينتهي على الساعه 4 العصر !!!! ) وحسيت بالغبنه انه فاتتني المعلومه، سألتهم وش الحل؟ اقترحوا علي خيارين وكلهم امر من الثاني:

الخيار الاول: استأجر لي غرفة في بوكيت تمشية حال وتروح علي ليله في المنتجع وانا دافع قيمتها واروح مع القارب الترددي الفجر

الحل الثاني: اخذ لي قارب خاص (speed boat ) ب 870 ريال

جلست افرفر على المكاتب السياحيه ابي اشوف ارخص من ذا السعر مالقيت وبديت ادور في بوكينق على غرفة في بوكيت وكلها اسعارها نار ذاك الوقت

وفي وسط التفكير جاني واحد وقالي يا تلحق يا ما تلحق!! قلت وش ؟ قال فيه قارب بيحرك بعد نص ساعه حرك الحين، واشيل شنطي وادز على مكتب التكاسي وحاسبت وعلطول جا التكسي وقلت له الوجهه، وقلت له معي اقل من نص ساعه علشان القارب وياليتني ما قلت له، ماشي 180 في طريق مسارين ويساقط ويدقدق بواري ويقطّع الاشارات، المهم وصل لمفرق فيه لوحه عليها علامة سفينة ودخل معه، الطريق اللي فرق معه مظلم ومافيه مباني، طبعا انا بديت اقلق وبديت اهوجس وبديت اتذكر مقاطع الكونقفو والكراتيه اللي اشوفها بالافلام ابي اجهز نفسي ذهنياَ لو حصل شي :d

وصلنا للمينا (مينا صغير جدا يتسع لسبعة قوارب صغيره) والمكان مظلم جدا ولا تسمع حس احد، لكن القوارب صافطه ولا ظنتي في احد يبي يتنقل بين الجزر بالليل، فجأه سمعت اذان مسجد و اطمأنيت وانقشع القلق اللي عندي لان الناس اللي ساكنين حول المينا مسلمين، طلع لي واحد يتكلم تايلندي ويسأل وش تبي، وريته بالجوال اسم الجزيره اللي انا قاصده واسأله عن القارب اللي بيمشي الحين قال اخر قارب مشى من 4 ساعات!!!! قلت له وش الحل الحين؟ قعد بتمتم ويردد اممممممم اممممممم وقام ينادي على واحد شايب خرج من بين الشجر وجلست اتفاوض معه لين استأجرت منه قارب خشبي ب 200 ريال

حملنا الشنط على القارب وتوكلنا على الله، اللي طمني اكثر ان صاحب القارب يذكر الله كل شوي ويسبح بإسم الرحمن.

وصلنا للجزيرة بعد ساعتين!!! بعد التعب هذا كله، لكن المفاجأه انه نزلنا في مينا ثاني (مسار ب ) جنوب الجزيره والمنتجع اقصى الشمال، سألته ليه مانزلتنا عند المنتجع قام يِأشر بإيده ويطلعها فوق وينزلها تحت ويأشر على البحر، كان يقصد الجزر اللي يحصل بالليل وتنحسر مياه البحر مما يتعذر الوصول للمينا الضحل التابع للمنتجع، المهم قام واحد من المينا يحمل شناطنا وقلت من انت قال بأوصلك للمنتج قلت كيف و بكم، قال عندي ونيت ومعي زوجتي وبأوديكم للمنتجع ب 80 ريال قلت تمام، المهم يوم شفت الونيت الا طلع غماره وحده وسألته وين بنركب ؟؟ قال بالصندوق ياحبيبي !!! ومعي الشناط فوق ذا !!

ركبنا الونيت وتوكلنا على الله، وبدينا نمشي، الناس اللي ساكنين على الجزيره ناس على قد حالهم ولايوجد مظاهر للحضاره ولا يوجد الا مكان واحد لو حبيت تشتري شي اسمه 7-Eleven، وقفنا عنده واخذنا مسليات لان مافيه على الجزيره الا هو.

كملنا الرحله للمنتحع، وقالي الرجال تمسكوا زين لأن الخط بيصير ردميه قلت تمام، طلع طريق مكسر وحجر ومفقع وشجر تضرب بوجيهنا من جنبات الطريق، قعدنا في الطريق ساعه ونص وهو كله مايجي 8 كيلو.

وصلت المنتجع بعد 6 ساعات من التنقل مابين طيران وتكسي و قارب وونيت حتى يوم شافوني بالاستقبال اعطوني عصير مجاني وقالوا تعال بكره كمل اجراءات الدخول يوم شافوا وضعي وكيف كنت مأتش.

الصراحه المنتجع يستاهل التعب وانك تتعنا له، اطلاله مباشره على البحر، هدوء ، فخامة، نشاطات، اكل عالمي لذيذ، خدمة وذوق فوق الوصف.

رابط للمنتجع للي حاب يزور المنطقه


هذه المواقف الممتعة .. خصوصاُ حقت تايلند
يعجبي في تايلند انها دولة تجمع كل شي .. حرفياً كل شي
2020-10-04 , 01:22 صباحاً
2020-10-06 , 05:22 مساءً
هالبينو’s Avatar
هالبينو

متميز

المشاركات:7353
التسجيل:Nov 2009
هالبينو
MGA23 كتب:



الموقف الثاني: تايلند (شهر العسل )
كنت حاجز في منتجع في جزيرة يطلق عليها اسم Koh Yao Noi, ولا تقدر توصل للجزيره الا بواسطه السفن او القوارب الخشبية، وكانت اقرب جزيرة لها وفيها مطار هي جزيره phuket، وفيه قوارب نقل ترددي من والى الجزيره اللي عليها المنتجع، ويوجد ميناء ضحل خاص بالمنتج ( مسار أ )

Image

الخطة كانت نقلع من بانكوك الساعه 6 ونهبط في بوكيت الساعه 8 وناخذ قارب ترددي(مثل الباص معك ناس فيه رايحين لنفس الجزيره وقيمته 30 ريال على الشخص) للجزيره ونتجه للمنتجع، يوم وصلت مطار بوكيت بديت ابحث عن تكسي يوصلني للمينا، واتفاجئ بالرد الموحد من جميع العاملين بالمطار، ( النقل الترددي يبدا الفجر وينتهي على الساعه 4 العصر !!!! ) وحسيت بالغبنه انه فاتتني المعلومه، سألتهم وش الحل؟ اقترحوا علي خيارين وكلهم امر من الثاني:

الخيار الاول: استأجر لي غرفة في بوكيت تمشية حال وتروح علي ليله في المنتجع وانا دافع قيمتها واروح مع القارب الترددي الفجر

الحل الثاني: اخذ لي قارب خاص (speed boat ) ب 870 ريال

جلست افرفر على المكاتب السياحيه ابي اشوف ارخص من ذا السعر مالقيت وبديت ادور في بوكينق على غرفة في بوكيت وكلها اسعارها نار ذاك الوقت

وفي وسط التفكير جاني واحد وقالي يا تلحق يا ما تلحق!! قلت وش ؟ قال فيه قارب بيحرك بعد نص ساعه حرك الحين، واشيل شنطي وادز على مكتب التكاسي وحاسبت وعلطول جا التكسي وقلت له الوجهه، وقلت له معي اقل من نص ساعه علشان القارب وياليتني ما قلت له، ماشي 180 في طريق مسارين ويساقط ويدقدق بواري ويقطّع الاشارات، المهم وصل لمفرق فيه لوحه عليها علامة سفينة ودخل معه، الطريق اللي فرق معه مظلم ومافيه مباني، طبعا انا بديت اقلق وبديت اهوجس وبديت اتذكر مقاطع الكونقفو والكراتيه اللي اشوفها بالافلام ابي اجهز نفسي ذهنياَ لو حصل شي :d

وصلنا للمينا (مينا صغير جدا يتسع لسبعة قوارب صغيره) والمكان مظلم جدا ولا تسمع حس احد، لكن القوارب صافطه ولا ظنتي في احد يبي يتنقل بين الجزر بالليل، فجأه سمعت اذان مسجد و اطمأنيت وانقشع القلق اللي عندي لان الناس اللي ساكنين حول المينا مسلمين، طلع لي واحد يتكلم تايلندي ويسأل وش تبي، وريته بالجوال اسم الجزيره اللي انا قاصده واسأله عن القارب اللي بيمشي الحين قال اخر قارب مشى من 4 ساعات!!!! قلت له وش الحل الحين؟ قعد بتمتم ويردد اممممممم اممممممم وقام ينادي على واحد شايب خرج من بين الشجر وجلست اتفاوض معه لين استأجرت منه قارب خشبي ب 200 ريال

حملنا الشنط على القارب وتوكلنا على الله، اللي طمني اكثر ان صاحب القارب يذكر الله كل شوي ويسبح بإسم الرحمن.

وصلنا للجزيرة بعد ساعتين!!! بعد التعب هذا كله، لكن المفاجأه انه نزلنا في مينا ثاني (مسار ب ) جنوب الجزيره والمنتجع اقصى الشمال، سألته ليه مانزلتنا عند المنتجع قام يِأشر بإيده ويطلعها فوق وينزلها تحت ويأشر على البحر، كان يقصد الجزر اللي يحصل بالليل وتنحسر مياه البحر مما يتعذر الوصول للمينا الضحل التابع للمنتجع، المهم قام واحد من المينا يحمل شناطنا وقلت من انت قال بأوصلك للمنتج قلت كيف و بكم، قال عندي ونيت ومعي زوجتي وبأوديكم للمنتجع ب 80 ريال قلت تمام، المهم يوم شفت الونيت الا طلع غماره وحده وسألته وين بنركب ؟؟ قال بالصندوق ياحبيبي !!! ومعي الشناط فوق ذا !!

ركبنا الونيت وتوكلنا على الله، وبدينا نمشي، الناس اللي ساكنين على الجزيره ناس على قد حالهم ولايوجد مظاهر للحضاره ولا يوجد الا مكان واحد لو حبيت تشتري شي اسمه 7-Eleven، وقفنا عنده واخذنا مسليات لان مافيه على الجزيره الا هو.

كملنا الرحله للمنتحع، وقالي الرجال تمسكوا زين لأن الخط بيصير ردميه قلت تمام، طلع طريق مكسر وحجر ومفقع وشجر تضرب بوجيهنا من جنبات الطريق، قعدنا في الطريق ساعه ونص وهو كله مايجي 8 كيلو.

وصلت المنتجع بعد 6 ساعات من التنقل مابين طيران وتكسي و قارب وونيت حتى يوم شافوني بالاستقبال اعطوني عصير مجاني وقالوا تعال بكره كمل اجراءات الدخول يوم شافوا وضعي وكيف كنت مأتش.

الصراحه المنتجع يستاهل التعب وانك تتعنا له، اطلاله مباشره على البحر، هدوء ، فخامة، نشاطات، اكل عالمي لذيذ، خدمة وذوق فوق الوصف.

رابط للمنتجع للي حاب يزور المنطقه




بعد تجربتك والله ما اظن فيه احد راح يتهور ويروح المنتجع هذا هههههههههه
2020-10-06 , 05:22 مساءً
2020-10-07 , 02:14 مساءً
JOOKER GAMING’s Avatar
JOOKER GAMING

life is short live it

المشاركات:7554
التسجيل:Jan 2012
JOOKER GAMING
ما صارت لي مواقف وخبرات تخلي تستحق ان الواحد يذكره لاني انسان حذر جدا وما اعطي اي احد وجه ومن خبرة تجارب وسفر كثيير نادر تصير لي مواقف



وبسبب اني ما اروح لاي بلد



لكن اسوء كانت بالي وكانت غير مخطط لها بس انجبرت اروح وحدي لاسباب كثيرة



المهم مشيت في شارع مهم في بالي في الليل طالع من مطار الى فندق وفيه اندوسينا بدباب بطة فيه 3 اشخاص مروا جمبي وحاولوا يسرقون جوال وفشلوا ماسك الجوال بكل قوتي وراحو وانحاشو



بعده صرت حذر شوي يمكن ذا موقف وحيد وتمنيت اني معي قروب عشان نربيهم بس لآسف رايح لحالي



المهم كانت اسوء تجربة مرت علي



بعده خلاص تعودت اذا سافرت اطلع بملابس رخيصة جدا وما اوضح ان سائح ولا اجيب اي شيء يلفت النظر واذا بطلع لاماكن غالية اخذ سيارات اجار ولا امشي الا قليلة واروح لاماكن غالية بعده ابدل ملابسي لشيء رخيص



في السفر لا تلفت النظر وتوضح انك سائح ولا بتروح عليك في اسعار وفي كل شيء



انا نظامي راعي طويلة يعني مستحيل انك تدفعني فلوس زيادة او رشوة ما عندي شيء اخسره بطول معك وبسوي لنفسي ما معي شيء لين تمشيني ما استخدم كاش نهائيا
2020-10-07 , 02:14 مساءً
2020-10-12 , 05:17 مساءً
MGA23’s Avatar
MGA23

نشيط

المشاركات:1096
التسجيل:Jun 2009
MGA23
Sohaib كتب:
بالعكس ياخي .. المواقف هذه هي التزود خبرة الواحد بالسفر وفي نفس الوقت تعطي ذكريات جميله .. وان شاء الله تكون مواقف خير و بسيطه



هذه المواقف الممتعة .. خصوصاُ حقت تايلند
يعجبي في تايلند انها دولة تجمع كل شي .. حرفياً كل شي


تايلند بلد سياحي من الطراز الاول، ممتع ورخيص وفيه فخامه وتجارب لا تعد ولاتحصى.
لكن يعيب على اهله فيهم شوية جلافه وقلة الابتسامة (اهل العاصمة بانكوك)

هالبينو كتب:
بعد تجربتك والله ما اظن فيه احد راح يتهور ويروح المنتجع هذا هههههههههه


لو ترتب مع الفندق ماراح يصير لك ولا 10% من اللي صارلي
اثاري عندهم خدمة الشتل من والى المطار وهم يرتبون لك كل شي، لكن خويكم ماخذ الوضع هاردكور :d
2020-10-12 , 05:17 مساءً
2020-10-12 , 05:45 مساءً
Sohaib’s Avatar
Sohaib

متميز

المشاركات:9690
التسجيل:Oct 2006
Sohaib
MGA23 كتب:
تايلند بلد سياحي من الطراز الاول، ممتع ورخيص وفيه فخامه وتجارب لا تعد ولاتحصى.
:d


كل مدن العالم عواصمها تجاريه بحته , الاخلاف لك عليها
حتى انا صار لي موقع في بانكوك حسبت نفسي انه راح يتم اختطافي من صاحب توك توك شكله ماخذ درقز ولا شي ..

لكن في المناطق الاخرى اخلاقها عسل , خصوصاُ المناطق الجنوبية مثل كرابي و الجزر الخارجه مثل كاسموي و الشمال جهة شنغماي .

البلد حلوه و زرتها 6 مرات , فعلاً سياحية من الطراز الاول
2020-10-12 , 05:45 مساءً
2020-10-15 , 01:25 صباحاً
Parallel’s Avatar
Parallel

مبدع

المشاركات:2902
التسجيل:Jul 2013
Parallel
افتكر موقف صار ليه في بالي اندونيسيا
جوالي طاح في المويه وخرب وكنت ماشي ورا خويي لانه مشغل قوقل ماب
ووقتها كنا راجعين للفندق , طبعا الفندق الا سكنا فيه كنت ناسي اسمه
والمهم وانا ماشي وراه الا شوي يوقفني رجل المرور وخويي ما طالع وراه وشافني
كمل سيدة وراح على الفندق

المهم رجلل المرور قاعد يحاول يبتزني رغم اني ما كنت لابس ولا اي حاجة تدل انه معايا فلوس
غير نظارة شمسية وما كانت غالية كمان جالس يطلعلي مخالفات اول مره اسمع فيها
المهم قلي لازم تدفع 3 مليون ومدري كم ( مش فاكر الرقم بالضبط ) مخالفات ولكن اعطيني 250 الف
وبخليك تمشي خلاص ( من حسن حظي اني كنت حاط كل شيء عندي في الشنطة مع خويي )
قلتله ما معاي ولا شيء الحين لكن فلوسي في الفندق اروح اجيبلك هي واجيك تكفى ( وسويت اني خايف جدا عشان اكسب ثقته ويحسب اني بروح اجبله الفلوس ) قلي اشوف جيوبك وفرطله الجيب كامل فاضي ههههههههههههه
قلي طيب النظارة الا معاك ؟ قلتله تبغاها امسكها بس صينية ترا China china china وقعد يضحك وانا ضحكت معاه !!! مسوي خويه ههههه


قلي طيب خلاص روح جيب الفلوس وتعال ولو ما جيت ببلغ عليك ويمسكوك في المطار
قلتله لا حجيك لا تخاف وانتا انقذتني ووفرت عليه 3 مليون وشكرا لك جدا 30 دقيقة واجيك
قلي عفوا ... تمام روح وانا استناك ..... اتوفع ذاك اليوم جلس يستناني لين اخر الليل هههههههههههههه



المشكلة كلها ما كانت هنا المشكلة اني زي ما قلتلكم جوالي خربان ومني عارف اسم الفندق
وضعت فنص بالي بدون جوال وبعيد عشرات الكيلومترات عن الفندق وقتها تمنيت لو كتبت رقم صاحبي فورقة او حاجة احتياط
لكن فجأة افتكرت معلم سياحي يبعد عن الفندق حقنا 3 كيلو وهذا اقرب شيء افتكرته
اسمه حديقية القرود Monkey Forest ووقتها كان موجود فكل اللوحات على الخط
واوصل هناك واقعد افرفر ساعات لين حصلت الزقاق حق الفندق حقنا ووقتها ما تتخيلو حجم السعادة والارتياح الا حسيت فيه ....

وتخيلوا يا جماعة يوم دخلت الفندق صاحبي منسدح عالسرير لا حس ولا ضمير يتفرج مصارعة وانا الا كنت احسبه خايف علي وجالس يدورني فبالي كلها
المهم صقعته كف ونمت وقلتله ما عاد بسافر معاك هههههههههههههههههههههه
2020-10-15 , 01:25 صباحاً
2020-10-26 , 12:43 صباحاً
MrSoul’s Avatar
MrSoul

مشارك

المشاركات:107
التسجيل:May 2014
MrSoul
حصلي موقفين في تركيا --- الأول في طرابزون تحديداً في الطريق المتجه إلى اوزنقول,

طبعاً انا انسان اكره تركيا واكره السفر لها لكن جاني خويي وقالي ماعليك عندي ومالك الا وناستك ,

اللي صار اننا كنا بمطعم وحنا رايحين على طريق اوزنقول بالسياره حسينا بالجوع ووقفنا فيه المهم كل شي كان تمام وكويس لين اتصل واحد على خويي ومن سياق المكالمه قال ( بنرجع للسعوديه بعد اسبوع) الشايب ماصدق على الله سمع اسم السعوديه الا يسب ويلعن ويهاوش ودخل في داخل المطعم ونادا باقي العمال اللي هناك ونشوفهم طالعين لنا , وخذلك ياحبيبي احلى ركضه بالعالم لين ركبنا السياره ومشينا وهم يرمون حجر بس عدت على خير الحمد لله ( لا اعمم انهم يكرهون السعوديه لكن هذا موقف وذكرته ) .


الموقف الثاني في الشاطئ في طرابزون في الليل الساعه 12 تحديداً < ماانسى الوقت
كان اخر يومين لنا وقررنا نبدل الكوريلا بمرسيدس يخت موديل السنه ندلع انفسنا بما تبقى من ليرات تركيه , المهم وقفنا عند الشاطئ وجلست معه على الشاطئ نسولف ونضحك الا 3 مراهقين (ولدين وبنت) يقولون هذي سيارتكم , قلت لا , بس خويي للأسف قال إلا سيارتنا ( يهايط مدري وش يبي).

من بعدها لصقو فينا إلا تركبونا معكم وحنا معنا رخصه قياده ووو , المهم كان لنا زميل سوري الله يذكره بالخير مرشد سياحي في طرابزون دقيت عليه وقتها وشرحت له الموقف قال لاتتحركون ولا تمشون ولا تقومون من الكرسي لين اجيكم , المهم من جا هجو ولا شفنا الا غبارهم ,, بعد ماراحو سألناه قال ذولا كذا يركبون معك السياره ويبلغون عليك انك أجبرتهم وانك ناويهم نيه سوء بالفندق وووو ,
ويقول لو مشيتو بيبلغون برقم اللوحه لكن جلستكم ماعليكم شي لان ماعندكم شي تهجون منه .


وبس هذي المواقف اللي اقدر اقولها , فيه مواقف اكثر حصلت لي لكن نكتفي بالموقفين هذي


من بعدها حرمت على نفسي إني اسافر لتركيا
2020-10-26 , 12:43 صباحاً
2020-10-26 , 02:44 صباحاً
iABDLLAH’s Avatar
iABDLLAH

متميز

المشاركات:8221
التسجيل:Feb 2011
iABDLLAH
اسوء موقف حصل لي قبل سنه

بالضبط اجازة بين الفصلين 2019

كنا مسافرين الى دبي انا، ووالدتي وجدتي واخوي الصغير عمره 15 وقتها واختي

وكانت السفرة صباح الجمعة

وكنت جدا متحمس لان اخر سفرة سافرتها عام 2016 ، يعني قبل 3 سنين

وجاء معنا خالي عشان يعمل لجدتي تفويض

يوم وصلنا عند الجوازات ونعطي العسكري بطايقنا ، مشت الوالدة ومشت اختي ومشي اخوي ومشت جدتي

ويوم جاء دوري الا العسكري يقولي انت عليك بلاغ ؟ ، حسبته يطقطق وضحكت

قال : اقولك !! انت عليك بلاغ ولا ايش ؟ قلتله بلاغ وش ؟ قال هنا بالكمبيوتر مكتوب ان هويتك عليها بلاغ وما راح نقدر نسفرك

ويجيني خالي وياخذني وندخل عند مدير الجوازات بالمطار ونحاول معه يمين يسار ، قال دام هويته عليها بلاغ مستحيل ثم مستحيل انه يسافر

وانا قاعد افكر انا وش سويت مصيبه ، ولا اذكر اني سويت حاجة ، وخالي واهلي ييحققون معي انت وش سويت واقولهم ما سويت شئ

لين ما اتذكرت ان قبل 10 شهور ضيعت هويتي وسويت عليها بلاغ فقدان وبعدين حصلتها وسحبت على البلاغ

واثاري اذا بلغت على الهوية انها مفقودة من نفس لحظة البلاغ يتم الغاء الهوية ويصير اجباري تطلع نسخه جديدة

والله يا اخوان وقتها يوم جمعة والاحوال ما يرجعون للدوام الا الاحد ،واقرب موعد في رابغ ، والهويةما بتجي الا بعد اسبوعين ، ووقتها قدهم اهلي رجعوا من السفر وبدأت الدراسه للترم الثاني :d


اهلي سافروا وقالوا لو قدرت تطلع هوية جديدة قبل ما نرجع ، احجز تذكره والحقنا

عاد رجعت البيت ذاك اليوم وصليت الجمعة ومن قوة الغبنه نمت بعد الصلاة ما صحيت الا بعد ١٤ ساعه

رحت احوال مكه يوم الاحد ودخلت على المدير ونشبت له نشبة مو صاحية ، قعدت ساعتين عندهم كل ماطلع من مكتبه مسكته وقلتله مشني يا ادمي انا جايك من جدة ومحتاج هوية

لين ما بالنهاية طفش مني وخلاهم يسوون لي موعد بنفس اليوم ، وبنفس اليوم تصورت صورة جديدة واستملت بطاقتي يوم الاحد اول يوم دوام بعد ما رجعوا اهلي من السفر ههههههههههههههههه


لكن استغليت الاجازة ذي بحكم ان مافي احد بالبيت غيري

طلعت المدينة صد رد

وطلعت ينبع صد رد

وطلعت القصيم تكيت فيها يوم ورجعت ، ورحت الباحة قعدت يوم ورجعت

وكلها كانت خطوط ، يعني الحمدلله انبسطت :d


اما بالنسبة لاهلي كنت اسوء سفرية لهم

لان كان اعتمادهم 100٪ علي، لاني بسوق السياره وبنروح وبنجي فيها وبدف جدتي بالعربية

وقتها الوالدة توها مطلعه رخصه وسواقتها ماش ، واضطرت تستأجر السياره برخصتها ولا كانت تعرف تسوق بشوارع دبي وصارت المسؤؤليه كلها على ظهرها بالسواقة

فكانت سفرة متعبه لهم بدوني
2020-10-26 , 02:44 صباحاً
2020-10-29 , 09:49 صباحاً
True Believer’s Avatar
True Believer

مبدع

المشاركات:2337
التسجيل:Sep 2009
True Believer
تحضرني موقفين في ماليزيا.. سفرة شهر العسل..! Image
سويت تشيك اوت على 2 العصر من الصن واي لاقون.. لان حجزي انتهى وبيسلمون الغرفة للي بعدي..
لكن لان رحلتي العودة اقلاعا 1 الليل من كوالا.. فعرض عليي الفندق ابقاء الشناط عندهم من بعد خروجي.. لاستغل اليوم كاملا بنشاطات بالخارج.. ثم ارجع اخر الليل اخذهم..وانطلق للمطار.


وفعلا.. وقعت ورقة بهالكلام وطلعت.


لما جيت اخذهم بنهاية اليوم.. السائق دخل اللوبي بالورقة حقي.. وجاب شناط ..حطهم بالسيارة.. وركب وبدأنا التحرك !


3شنط يا كابتن؟
نعم .
نفس رقم التاق..الورقة..؟ قالي يس اكيد .. هالكلام ونحن بالسيارة. ومشينا.. ووصلنا المطار.


بننزل من السيارة ..ويحمل الشنط لعربة المطار.. الا وحدة من الشنط مختلفة !!
اطالع.. تننحتتت شوي كذا.. قلت له اصبر ياجيفري..الشنطة مختلفة.. لشخص ثاني ! اسمه جون مدري ايش !
والرجال انخلم..وبغى يمشي..يقول عندي ديلفري ثاني.. وامسكه اقوله لازم نرجع ..الان نرجع..


وفعلا رجعنا ..المسافة تقريبا 45دقيقة لساعة ذهابا.. والكويس درب الرجوع شبه فاضي.. ماطول..
(الكويس بالموضوع اني مبكررر بزيادة ..باقي 4 ساعات ع الاقلاع .. ! وهي اللي شالت هالفيلم. )Image


المهم.. واتصل بالفندق وانا بالسيارة ..واخاصمهم.. بيني وبينكم ورق..كيف شنطة تختلف.؟ قالوا موجودة تطمن.. تبي نرسلها لك المطار..


كنا وقتها مشينا نص المسافة قلت لا خلاص انا جاي.. ولا ابغى اقل احتمال لغلط بعد تفويتتي الاولى..
واوصفها لهم مخططة باسود قالوا اييه فيها طعجة بالزاوية ؟ Image
قلت بس ايه.. خلوها جاهزة للاستلام انا متاخر.


بس والله.. واخذناها وردينا للمطار..صن..ولا كلمة! Image




---


الموقف الثاني .. فندقي الثاني كان في بيانينغ..و اللي الوصول لها برحلة سريعة عبر air asia ..


والحجز رغم اني سويته مبكر جدا قبل عدة اشهر من يومه.. لكني حجزت اقل درجة اللي بدون عفش..


وبس..
دفعوني مبلغ استحي اقوله Image على شنطتين .. و الفيزا كانت على الاحتياطي.


والحمد لله.. درس وتعلمناه Image
2020-10-29 , 09:49 صباحاً
2020-10-29 , 03:43 مساءً
FoFoMilano’s Avatar
FoFoMilano

نشيط

المشاركات:791
التسجيل:Apr 2007
FoFoMilano
موقف صار لي في كوالالمبور معاي زوجتي واخواتي وولدي طلبت سيارة من تطبيق جراب حقهم تقريباً الساعة ٨ في الليل من الشارع اللي فيه المولات ناسي اسمه للفندق جا واحد معاه بي ام الفئة الثالثة طلع واحد صيني لابس جاكيت ولابسه بالمقلوب حاط السسته ورا ويوم شافنا انقلب وجه (شكله راعي ترقيم) المهم واحنا ماشين وانا فاتح الخريطة فجأة دخل شارع ظلام وهدا قلت عز الله راحت علينا [emoji24] وانا اللي اجهز البوقس واصرخ عليه هو انفجع اثره هدا عشان فيه مطب [emoji23] وكان ماشي على الخريطة حقت التطبيق وانا فاتح قوقل ماب. وصلنا الفندق ونمت وصحيت وركبي تعورني من الفجعة طبعاً البنات ورا سواليف وضحك ماهم دارين ايش صاير، من بعدها قبل المغرب واحنا في الفندق.


موقف ثاني في بالي في اوبود انا وزوجتي وولدي طلبت جراب في الليل بنروح نتعشى وجا فان تويوتا مظلل كتم والصدام اللي قدام ماهو فيه زوجتي بالقوة ركبت ويودينا من طرق ضيقة و وسط المزارع وظلام ماتشوف شي انواع الرعب يوم وصلنا المطعم زوجتي شوي ويغمى عليها بغت تخلينا ننام في المطعم خايفه ترجع، بس الحمد لله الرجعة جانا واحد ودانا مع طرق واضحه، الايام الباقية طبعاً العشا في المنتجع [emoji23]
2020-10-29 , 03:43 مساءً