بوابة الإنترنت الرقمية ADSLGATE


Amazon عنوان IP سرعة الإتصال الإعلان
العودة   البوابة الرقمية ADSLGATE > بوابة خدمات الأعضاء > الأعضاء العام > الشهادات العلمية والتخصصات الجامعية
التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة





إضافة رد
 
أدوات الموضوع
قديم 22-11-2020, 02:56 AM كاتب الموضوع #1
شرااع المحبه
مبدع
 
الصورة الرمزية شرااع المحبه
 







Post محتارة اقسم بالله محتارة ولول الحيرة ما استشرتكم ( اقعد في تخصصي او اغير )





السلام عليكم

كيف الحال ان شاءالله بخير

المهم ندخل بالموضوع مبااااااشرة

انا طالبة في كلية اصول الدين في جامعة الامام محمد بن سعود , معدلي 3.54 من 5 مع حمل مادتين مستوى رابع يعني مرت سنتين بالضبط على دراستي

المهم كنت انوي احول لكن طلعت مشكلة اللي هي اعتذرت ثم ما طلع خيار التحويل لان صرت كاني دارسة مستوى خامس ( اذا جيتي مستوى خامس ما يمديك تحولين )

و ما فتح خيار التحويل , افكر في الانسحاب من الجامعة و اقدم على جامعة اخرى في الرياض

انا درجاتي 90 مدرسة و 71 قدرات و تحصيلي ابختبره لو انسحبت من الجامعة

سبب الانسحاب ؛

1 معدل يفششل كل البنات معدلهم اعلى مني و اصلا اذا تخرجت بكون زي الاطرش في الزفة لان بسرعة انسى

2 ارغب بالتحويل لخدمة اجتماعية وقفلوا التحويل علي ، وهذا اهم اهم سبب لان لقيت هذا التخصص هو رغبتي ؛ توي ادري عنه فلذا لو كنت ادري كنت محولة له زماااان

3 البدل اعاقة اللي في الجامعة لو غيرت تخصصي بيفرق 120 الف ريال تقريبا عند التخرج، لاني باقعد في الجامعة اكثر

4 الانجليزي مطلب في هذا التخصص عند التوظيف وانا ادري اني اكثر وحدة ازعجتكم في العالم باني اتعلم الانجليزي بسسرعة

وش رايكم ؟؟ اقعد في تخصصي او انسحب و اغيره

شكرا لقرائتكم ثرثرتي .

 

 

التوقيع


شرااع المحبه غير متصل  
أشكر صاحب الموضوع رد مع اقتباس
أعضاء يشكرون شرااع المحبه للفائدة التي وجدوها في هذا الموضوع:

قديم 22-11-2020, 04:14 AM #2
AhMeD1919
مشارك
 
الصورة الرمزية AhMeD1919
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





اقعدي بالتخصص ناس نسبهم اعلى منك وماانقبلو بالعام هاذا(بالجامعه) لو انك فصلتي او اعتذرتي بيكون لك سجل سابق بالجامعات = ندره قبولك ولا تنسين متخرجه لك سنتين ومعدلك يمديك ترفعينه الى 4 ونص لين تتخرجين ثالث شي اذا عشتي على المقارنه مابتعيشين حياتك وسلام عليكم

 

 




AhMeD1919 غير متصل  
10 Yes No
رد مع اقتباس

قديم 22-11-2020, 04:54 AM كاتب الموضوع #3
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
AhMeD1919
اقعدي بالتخصص ناس نسبهم اعلى منك وماانقبلو بالعام هاذا(بالجامعه) لو انك فصلتي او اعتذرتي بيكون لك سجل سابق بالجامعات = ندره قبولك ولا تنسين متخرجه لك سنتين ومعدلك يمديك ترفعينه الى 4 ونص لين تتخرجين ثالث شي اذا عشتي على المقارنه مابتعيشين حياتك وسلام عليكم

معدلي لو اقولك لو اجيب 5 بكل المستويات الجاية مستحيل يرتفع ل 4 ونص لان حاسبتها

ثاني شي تخصص اصول الدين لازم اختبارات للتوظيف اشوف البنات هالايام يختبرون اختبارات معرفة و قدرات جامعيين و حق التعليم و مدري وش وانا بصراحة ما اعرف كثيير في تخصصي و هذي الاختبارات لازم احد يعرف فيها تخصصه زيين

 

 

التوقيع


شرااع المحبه غير متصل  
Yes No
رد مع اقتباس

قديم 22-11-2020, 07:08 AM #4
Macubix
فعال
 
الصورة الرمزية Macubix
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





لا تنسحب ابداً اتعوذ بالله من الشيطان الرجيم . لو فقط فائدة وحدة وهي المؤهل يكفي وبعدين ادرسي تخصص ثاني . معروف الشعور بالإحباط سيء جداً يخليك تتصرف بناء على مشاعرك وبعدها مانقول تندم لأنها كلمة مهي جيدة مو كويس شخص يندم على قراراته مع ذلك اشوف في هذي الحالة الحل الأمثل لو في طريق اني اخذ اجازة مع نفسك بأنك تعزل نفسك بشكل تام عن كل شيء فقط صلاتك طبعاً وعلاقتك مع ربك انو يهديك ويرضيك ويقعنك بالي عندك . مني مؤهل اني اقول الكلام هذا لأي احد الله يغفرلي ويسامحني على تقصيري . حصل معايا اني انسحبت من الجامعة وفي الأخير طلعت انا المخطأ والأمر كان استعجال بحت ولو ربنا قد اني ما انسحبت كان قدني انهيت الجامعة من زمان لكن الحمد لله على كل حال لذلك اشغل نفسك بأي شيء كيف تخرج من هذا الشعور موضوع الدرجات وأنه تخصص مو مناسب

اقل شيء اثبات انك تقدر تكملي فشيء مو رغبتك وهذا يضيفلك بالسيرة الذاتية اما لو انسحبتي اي مجهود بذلتيه خلال الفترة الماضية بيروح وكأنه ولا شيء . حتى بيصير تضييع للوقت لو انك تذكري تجربتك لأي احد وبنهاية تقولي انك انسحبتي بيتكون انطباع لديهم انك شخص ماتجرب وتمضي غير في الشيء الي تحبه .

من الأخير اياك والإنسحاب اتعوذي بالله من الشيطان الرجيم ولا تلقي بالاً بموضوع الدرجات اقلها بالنهاية بتقدري تحطيها بسيرتك الذاتية من دون كتابة المعدل واثناء دراستك طوري نفسك باللغة الإنجليزية واي استعدادات آخرى حتى تدرسي من جديد . موفقة بإذن الله

 

 




Macubix متصل الآن  
Yes No
رد مع اقتباس

قديم 22-11-2020, 07:08 AM #5
AhMeD1919
مشارك
 
الصورة الرمزية AhMeD1919
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
شرااع المحبه
معدلي لو اقولك لو اجيب 5 بكل المستويات الجاية مستحيل يرتفع ل 4 ونص لان حاسبتها

ثاني شي تخصص اصول الدين لازم اختبارات للتوظيف اشوف البنات هالايام يختبرون اختبارات معرفة و قدرات جامعيين و حق التعليم و مدري وش وانا بصراحة ما اعرف كثيير في تخصصي و هذي الاختبارات لازم احد يعرف فيها تخصصه زيين

حسبتك خاطئه يمكن ومعدل 4 ممتاز برضو وكل الوظايف لها اختبارات وفحص طبي الحين عشان يميزون الطالح والصالح ماعاد فيه زمان تدخل وظيفه من غير اختبار تحريري لها او شي مشابه او مثيل له حتى السيكيوريتي له مفاضله الدنيا صعبه والوظائف تقل تدريجيا ومدام انك واصله لنصف المشوار كملي لان القبول بالرياض صعب لخريجين السنه فما بال المتخرج من سنتين الى ثلاثه القبول سهل بحاله موزونه فوق 98 -97 غيره لا

 

 




AhMeD1919 غير متصل  
1 Yes No
رد مع اقتباس

قديم 22-11-2020, 09:42 AM #6
PQQP
نشيط
 
الصورة الرمزية PQQP
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





الافضل انك تستشيرين عمادة شؤون الطلاب .. اكيد في ناس هناك تسمع لمشاكل الطلاب وهم بيساعدونك

 

 




PQQP متصل الآن  
1 Yes No
رد مع اقتباس

قديم 22-11-2020, 03:30 PM كاتب الموضوع #7
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
Macubix
لا تنسحب ابداً اتعوذ بالله من الشيطان الرجيم . لو فقط فائدة وحدة وهي المؤهل يكفي وبعدين ادرسي تخصص ثاني . معروف الشعور بالإحباط سيء جداً يخليك تتصرف بناء على مشاعرك وبعدها مانقول تندم لأنها كلمة مهي جيدة مو كويس شخص يندم على قراراته مع ذلك اشوف في هذي الحالة الحل الأمثل لو في طريق اني اخذ اجازة مع نفسك بأنك تعزل نفسك بشكل تام عن كل شيء فقط صلاتك طبعاً وعلاقتك مع ربك انو يهديك ويرضيك ويقعنك بالي عندك . مني مؤهل اني اقول الكلام هذا لأي احد الله يغفرلي ويسامحني على تقصيري . حصل معايا اني انسحبت من الجامعة وفي الأخير طلعت انا المخطأ والأمر كان استعجال بحت ولو ربنا قد اني ما انسحبت كان قدني انهيت الجامعة من زمان لكن الحمد لله على كل حال لذلك اشغل نفسك بأي شيء كيف تخرج من هذا الشعور موضوع الدرجات وأنه تخصص مو مناسب

اقل شيء اثبات انك تقدر تكملي فشيء مو رغبتك وهذا يضيفلك بالسيرة الذاتية اما لو انسحبتي اي مجهود بذلتيه خلال الفترة الماضية بيروح وكأنه ولا شيء . حتى بيصير تضييع للوقت لو انك تذكري تجربتك لأي احد وبنهاية تقولي انك انسحبتي بيتكون انطباع لديهم انك شخص ماتجرب وتمضي غير في الشيء الي تحبه .

من الأخير اياك والإنسحاب اتعوذي بالله من الشيطان الرجيم ولا تلقي بالاً بموضوع الدرجات اقلها بالنهاية بتقدري تحطيها بسيرتك الذاتية من دون كتابة المعدل واثناء دراستك طوري نفسك باللغة الإنجليزية واي استعدادات آخرى حتى تدرسي من جديد . موفقة بإذن الله

والله كلامك احس اقتنعت بتخصصي شوي ، اقصد في الانجليزي تخصصي لو حولت الخدمة الاجتماعية يبغاله انجليزي عند التوظيف وانا شاطرة بالانجليزي
مشاهدة المشاركة الأصلية
AhMeD1919
حسبتك خاطئه يمكن ومعدل 4 ممتاز برضو وكل الوظايف لها اختبارات وفحص طبي الحين عشان يميزون الطالح والصالح ماعاد فيه زمان تدخل وظيفه من غير اختبار تحريري لها او شي مشابه او مثيل له حتى السيكيوريتي له مفاضله الدنيا صعبه والوظائف تقل تدريجيا ومدام انك واصله لنصف المشوار كملي لان القبول بالرياض صعب لخريجين السنه فما بال المتخرج من سنتين الى ثلاثه القبول سهل بحاله موزونه فوق 98 -97 غيره لا

لا مو خاطئة , اقصد في تخصصي الحالي ما افهم فيه شي بعكس لو حولت اقدر اجتاز الاختبارات ان شاءالله , و بالنسبة للقبول اقدر ارفع الموزونة
مشاهدة المشاركة الأصلية
PQQP
الافضل انك تستشيرين عمادة شؤون الطلاب .. اكيد في ناس هناك تسمع لمشاكل الطلاب وهم بيساعدونك

مدري والله

 

 

التوقيع


شرااع المحبه غير متصل  
Yes No
رد مع اقتباس

قديم 22-11-2020, 04:18 PM #8
llxII-m7md-llxll
مشارك
 
الصورة الرمزية llxII-m7md-llxll
 



llxII-m7md-llxll @Twitter
افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





الواضح من كلامك انك ماحبيتي التخصص وتبين تحولين


فانصحك تحولين لانك لو ماحولتي بتعيشين حياتك لو لو وكذا طول حياتك


فاجلسي مع نفسك واكتبي في دفتر وش فوائد لو جلستي وكملتي وسلبيات ونفس الكلام لو حولتي

 

 

التوقيع
احصي عدد قرائك للاذكار او سبحان الله وبحمدة سبحان الله العظيم واكسب حسنات

http://www.pylon-group.com/e-seb7a/

يستخدم الجهاز شخصين



llxII-m7md-llxll غير متصل  
0 - 3 Yes No
رد مع اقتباس

قديم 22-11-2020, 04:27 PM #9
Total8
مشارك
 
الصورة الرمزية Total8
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
شرااع المحبه
معدلي لو اقولك لو اجيب 5 بكل المستويات الجاية مستحيل يرتفع ل 4 ونص لان حاسبتها

ثاني شي تخصص اصول الدين لازم اختبارات للتوظيف اشوف البنات هالايام يختبرون اختبارات معرفة و قدرات جامعيين و حق التعليم و مدري وش وانا بصراحة ما اعرف كثيير في تخصصي و هذي الاختبارات لازم احد يعرف فيها تخصصه زيين

اختبارات قياس تقدر تذاكرلها وانت ما تخصصت بالتخصص حتى .. فيه كتب ومراجع يتذاكر منها فلا تشيلين هم اختبارات قياس لها وقتها ..

وتقدرين تتعلمين تخصصك من اول وجديد من الكتب مو لازم تعيدين الدراسه الجامعيه ..


انا نصيحتي لك استخيري الله وشوفي رغباتك هل هي وظيفه او حب للتخصص او غيره ..
وان شاء الله الاعضاء يساعدونك

 

 




Total8 غير متصل  
Yes No
رد مع اقتباس

قديم 22-11-2020, 07:26 PM كاتب الموضوع #10
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
llxII-m7md-llxll
الواضح من كلامك انك ماحبيتي التخصص وتبين تحولين


فانصحك تحولين لانك لو ماحولتي بتعيشين حياتك لو لو وكذا طول حياتك


فاجلسي مع نفسك واكتبي في دفتر وش فوائد لو جلستي وكملتي وسلبيات ونفس الكلام لو حولتي

مشاهدة المشاركة الأصلية
Total8
اختبارات قياس تقدر تذاكرلها وانت ما تخصصت بالتخصص حتى .. فيه كتب ومراجع يتذاكر منها فلا تشيلين هم اختبارات قياس لها وقتها ..

وتقدرين تتعلمين تخصصك من اول وجديد من الكتب مو لازم تعيدين الدراسه الجامعيه ..


انا نصيحتي لك استخيري الله وشوفي رغباتك هل هي وظيفه او حب للتخصص او غيره ..
وان شاء الله الاعضاء يساعدونك

انا مشكلتي اني احس اني اببدع في الخدمة الاجتماعية اكثر بكثيييير فرق لا يقارن ؛ اطلعت على كويزات المواد حق الخدمة الاجتماعية من خلال موقع كويزات قلت هذا تخصصي اللي ابغاه ابد والله ليت اني دارية عنه من زماااان لييته ياربيه اقسم بالله شوي واصيح

السلبيات عند التحويل تقريبا مافيه والايجابيات كتبتها في الموضوع سبب الانسحاب

 

 

التوقيع


شرااع المحبه غير متصل  
Yes No
رد مع اقتباس

قديم 22-11-2020, 08:03 PM #11
Black Power
مشارك
 
الصورة الرمزية Black Power
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





أشوف ان دراسة التخصص اللي ترتاحي له أكثر هو المهم
لكن فرضاً لو حولتي لجامعة ثانية , هل في مواد ممكن يتم معادلتها؟
لأن بعض الجامعات تسمح لك بمعادلة المواد اللي تم دراستها مسبقاً خلال سنتين مضت (أو حسب أنظمة الجامعة)
إذا كان ممكن فـ انا اشوف انه راح يسهل عليك الموضوع أكثر و يريحك من كم مادة بدل إعادة دراستها مجدداً
كـ مواد السنة التحضيرية على سبيل المثال لا الحصر, و منها راح تقل سنوات الدراسة و لو بجزء بسيط
مع العلم أن المواد اللي يتم معادلتها ما تدخل بالمعدل الجديد اعتقد, فقط تسجل كـ مواد تم تعديها بنجاح بدون معدل

 

 




Black Power غير متصل  
Yes No
رد مع اقتباس

قديم 22-11-2020, 08:45 PM كاتب الموضوع #12
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
Black Power
أشوف ان دراسة التخصص اللي ترتاحي له أكثر هو المهم
لكن فرضاً لو حولتي لجامعة ثانية , هل في مواد ممكن يتم معادلتها؟
لأن بعض الجامعات تسمح لك بمعادلة المواد اللي تم دراستها مسبقاً خلال سنتين مضت (أو حسب أنظمة الجامعة)
إذا كان ممكن فـ انا اشوف انه راح يسهل عليك الموضوع أكثر و يريحك من كم مادة بدل إعادة دراستها مجدداً
كـ مواد السنة التحضيرية على سبيل المثال لا الحصر, و منها راح تقل سنوات الدراسة و لو بجزء بسيط
مع العلم أن المواد اللي يتم معادلتها ما تدخل بالمعدل الجديد اعتقد, فقط تسجل كـ مواد تم تعديها بنجاح بدون معدل

المواد حقة تخصصي الحالي من مستوى اول الى خامس 12 مادة كل ترم , و بالنسبة لتعادل المواد ما فيه تعادل الا شي بسيط او مافيه اصلا

 

 

التوقيع


شرااع المحبه غير متصل  
Yes No
رد مع اقتباس

قديم 23-11-2020, 01:59 AM #13
llxII-m7md-llxll
مشارك
 
الصورة الرمزية llxII-m7md-llxll
 



llxII-m7md-llxll @Twitter
افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
شرااع المحبه
انا مشكلتي اني احس اني اببدع في الخدمة الاجتماعية اكثر بكثيييير فرق لا يقارن ؛ اطلعت على كويزات المواد حق الخدمة الاجتماعية من خلال موقع كويزات قلت هذا تخصصي اللي ابغاه ابد والله ليت اني دارية عنه من زماااان لييته ياربيه اقسم بالله شوي واصيح

السلبيات عند التحويل تقريبا مافيه والايجابيات كتبتها في الموضوع سبب الانسحاب


اهم شيء بالحياة انك تكوين راضية عن قرارك وماتندمين بعدين


فحولي وتوكلي

 

 

التوقيع
احصي عدد قرائك للاذكار او سبحان الله وبحمدة سبحان الله العظيم واكسب حسنات

http://www.pylon-group.com/e-seb7a/

يستخدم الجهاز شخصين



llxII-m7md-llxll غير متصل  
Yes No
رد مع اقتباس

قديم 23-11-2020, 02:16 AM كاتب الموضوع #14
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
llxII-m7md-llxll
اهم شيء بالحياة انك تكوين راضية عن قرارك وماتندمين بعدين


فحولي وتوكلي

انسحب من الجامعة يعني ؟

 

 

التوقيع


شرااع المحبه غير متصل  
Yes No
رد مع اقتباس

قديم 23-11-2020, 04:49 AM #15
her highness
مشارك
 
الصورة الرمزية her highness
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





الانسحاب فيه خطر عدم القبول خاصة انك خريجة ثانوي من سنتين والجامعات تضع اولويات الخريجين الاحدث
جربي تحولين من جامعة لثانية، أواجلي ترم ثم قدمي على جامعة ثانية في حالة القبول انسحبي
وما ادري تنفع هذي الطريقة ولا راح تعرف الجامعة انك طالبة في جامعة اخرى ( لازم تتأكدين)
اعتقد بدل الاعاقة زي المكافأة ينقطع بعد عدد من السنوات ( حسب التخصص )

 

 





التعديل الأخير تم بواسطة her highness ; 23-11-2020 الساعة 04:52 AM.
her highness غير متصل  
2 Yes No
رد مع اقتباس

قديم 23-11-2020, 05:13 AM #16
RyBack
مبدع
 
الصورة الرمزية RyBack
 



RyBack @Youtube
افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





اذا على السنتين ترا ماضاع شيء كثير

لكن هل ضامنه قبولك؟
للأمانة درجاتك مو مره عالية الثانوية 90 وقدرات 71 بس
لسى في الترم الاول حالياً
لو بإمكانك تختبرين قدرات محوسب وترفعينها لـ 75+ او 80 مع تجميعات
ونفس الكلام تحصيلي 75+
راح على الاقل تضمنين قبول جامعة بالرياض مثل سعود او جامعة نورة ولا يجيك قبول في شقرا ولا الخرج اذا درجاتك نازله
وترا موضوع خريجة قبل سنتين ما تفرق
صاحبي دخل جامعتين وانسحب منها ودخل ثالثه ومواصل فيها كلها, التقديم الكتروني
اهم شيء الدرجات

 

 

التوقيع
اكثر من مستخدم للحساب


التعديل الأخير تم بواسطة RyBack ; 23-11-2020 الساعة 05:15 AM.
RyBack غير متصل  
2 Yes No
رد مع اقتباس

قديم 23-11-2020, 05:39 AM #17
sssfifa14
مشارك
 
الصورة الرمزية sssfifa14
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





والله انا بالنسبه لي:
اشوف انك تكملين على تخصصك وتجيبين الشهاده
مشيتي نص المشوار وباقي نصه اذا تقدرين مثلا تصير اصول الدين تصير لك كدبلوم فهذا شيء جميل

اما انك تطلعين منه زي كذا اشوفه قرار صعب ويحتاج استخاره وتسالين اشخاص قريبين منك
مو ناس ماتعرف شيء عنك , صبرك , قدرتك و اشياء اضافيه اخرى لايعرفها الا ناس قريبين منك
وبعد كل ذا لابد صلاة استخاره

 

 

التوقيع

sssfifa14 غير متصل  
Yes No
رد مع اقتباس

قديم 23-11-2020, 03:08 PM كاتب الموضوع #18
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
her highness
الانسحاب فيه خطر عدم القبول خاصة انك خريجة ثانوي من سنتين والجامعات تضع اولويات الخريجين الاحدث
جربي تحولين من جامعة لثانية، أواجلي ترم ثم قدمي على جامعة ثانية في حالة القبول انسحبي
وما ادري تنفع هذي الطريقة ولا راح تعرف الجامعة انك طالبة في جامعة اخرى ( لازم تتأكدين)
اعتقد بدل الاعاقة زي المكافأة ينقطع بعد عدد من السنوات ( حسب التخصص )

ما فيه اولوية للخريجين ع ما اظن و البدل اعاقة متاكدة انه ييصرف لي
مشاهدة المشاركة الأصلية
RyBack
اذا على السنتين ترا ماضاع شيء كثير

لكن هل ضامنه قبولك؟
للأمانة درجاتك مو مره عالية الثانوية 90 وقدرات 71 بس
لسى في الترم الاول حالياً
لو بإمكانك تختبرين قدرات محوسب وترفعينها لـ 75+ او 80 مع تجميعات
ونفس الكلام تحصيلي 75+
راح على الاقل تضمنين قبول جامعة بالرياض مثل سعود او جامعة نورة ولا يجيك قبول في شقرا ولا الخرج اذا درجاتك نازله
وترا موضوع خريجة قبل سنتين ما تفرق
صاحبي دخل جامعتين وانسحب منها ودخل ثالثه ومواصل فيها كلها, التقديم الكتروني
اهم شيء الدرجات

بالنسبة للدرجات انا كنت مذاكرة تجميعات فقط ولا جاني شي الا قليل ع ما اظن
مشاهدة المشاركة الأصلية
sssfifa14
والله انا بالنسبه لي:
اشوف انك تكملين على تخصصك وتجيبين الشهاده
مشيتي نص المشوار وباقي نصه اذا تقدرين مثلا تصير اصول الدين تصير لك كدبلوم فهذا شيء جميل

اما انك تطلعين منه زي كذا اشوفه قرار صعب ويحتاج استخاره وتسالين اشخاص قريبين منك
مو ناس ماتعرف شيء عنك , صبرك , قدرتك و اشياء اضافيه اخرى لايعرفها الا ناس قريبين منك
وبعد كل ذا لابد صلاة استخاره

شكرا على المرور

 

 

التوقيع


شرااع المحبه غير متصل  
Yes No
رد مع اقتباس

قديم 23-11-2020, 04:07 PM #19
RyBack
مبدع
 
الصورة الرمزية RyBack
 



RyBack @Youtube
افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
شرااع المحبه
بالنسبة للدرجات انا كنت مذاكرة تجميعات فقط ولا جاني شي الا قليل ع ما اظن


انا دخلت 3 مرات
اول اختبار قدرات فوق 90 ( 3 اسابيع مذاكرة تجميعات )

اختبارين تحصيلي فوق ال 85 ( 5 ايام مذاكرة تجميعات )


التجميعات تجي بكثرة ادخلي قروبات التيليقرام وشوفي الي يتكرر هالفترة وذا ما راح تفهمي على الاقل حفظ الحفظ لحاله اقل شيء 75+ وذا معك شوية حظ وحفظ كويس 85+

 

 

التوقيع
اكثر من مستخدم للحساب

RyBack غير متصل  
Yes No
رد مع اقتباس

قديم 23-11-2020, 04:41 PM كاتب الموضوع #20
شرااع المحبه
مبدع
 
الصورة الرمزية شرااع المحبه
 



افتراضي رد: محتارة اقسم بالله محتارة ولول الحيرة ما استشرتكم ( اقعد في تخصصي او اغير )





مشاهدة المشاركة الأصلية
RyBack
انا دخلت 3 مرات
اول اختبار قدرات فوق 90 ( 3 اسابيع مذاكرة تجميعات )

اختبارين تحصيلي فوق ال 85 ( 5 ايام مذاكرة تجميعات )


التجميعات تجي بكثرة ادخلي قروبات التيليقرام وشوفي الي يتكرر هالفترة وذا ما راح تفهمي على الاقل حفظ الحفظ لحاله اقل شيء 75+ وذا معك شوية حظ وحفظ كويس 85+

يصلح اختبر وانا بالجامعة يعني ما انسحبت ؟

 

 

التوقيع


شرااع المحبه غير متصل  
Yes No
رد مع اقتباس

إضافة رد

أدوات الموضوع

الانتقال السريع


الساعة الآن 12:22 PM.