مشلكتي في نسيان ماحفظته
banner
2018-11-12 , 08:59 صباحاً
Mrdot’s Avatar
Mrdot

بارز

المشاركات:1729
التسجيل:Apr 2016
Mrdot
بسم الله الرحمن الرحيم
السلام عليكم

طرحت موضوع في السابق عن اوقات الدراسة والاخوان ماشاء الله كفو ووفو

في البداية مااخفي عليكم اني كنت في المرحلة الثانوية مااذاكر واحفظ الا ايام الاختبارات النهائيه يعني كل الي ذاكرتة راح يتبخر في يوم وليلة وهذا غير نسبتي في الثانوية 83% :66:
الان انا عرفت ان الي سويتة خطا كبير ولازم اصحح هذا الشي

في الجامعة الي ادرس فيها طلبو مني اني احفظ 8 اجزاء من القرآن الكريم طبعا مقسمة على اجزاء في كل فصل دراسي (في كل فصل جزء واحد)
مشكلتي اني احفظ صفحتين اليوم الثاني مباشرة انسى كل الي حفظتة واحاول استرجع لاكن مااقدر استرجع الى الشي البسيط و80% بالمية انساه
وهذا الشي ينطبق على بقية المواد الي ادرسها وتحتاج لحفظ ولهذا السبب كنت اتجه للحفظ في الاختبارات النهائية علشان مايروح تعبي على الفاضي

بصراحة اتمنى اني اكون من المتفوقين في الدراسة وهذا الشي ماهو مستحيل لاكن اعقتد ان الدراسة مهارة ولازم اطورها لهذا السبب بديت اطرح المواضيع لعلي استفيد وافيد بعض الاخوان الي مثلي
اتمنى يااخوان انكم تفيدوني لان حاس اني مضيع الطاسة وماني عارف ايش اسوي حاليا
وشكرا
Enlarged Image
2018-11-12 , 08:59 صباحاً
2018-11-12 , 11:43 صباحاً
justeturki’s Avatar
justeturki

نشيط

المشاركات:696
التسجيل:Nov 2015
justeturki
منحنى النسيان

لزم تراجع عشان تثبت
Image


اذا انت طالب احفظ و سمع و انجح و انسى
لكن اذا تبي تحفظ القران احفظة لزم مراجعة دائمة .

الي اعرفه ان الحفاظ يختمون القران ب 3 ايام دائما .
2018-11-12 , 11:43 صباحاً
2018-11-12 , 12:22 مساءً
Mrdot’s Avatar
Mrdot

بارز

المشاركات:1729
التسجيل:Apr 2016
Mrdot
justeturki كتب:
منحنى النسيان

لزم تراجع عشان تثبت
Image


اذا انت طالب احفظ و سمع و انجح و انسى
لكن اذا تبي تحفظ القران احفظة لزم مراجعة دائمة .

الي اعرفه ان الحفاظ يختمون القران ب 3 ايام دائما .


بصراحة مافهمت شي من الصورة

بالنسبة لاذا انت طالب احفظ و سمع و انجح و انسى
اعتقد هذا الشي راح ياثر في عملك يعني وش فايدة اذا كانت معاك شهادة ونسيت كل الي درستة وتعلمتة
2018-11-12 , 12:22 مساءً
2018-11-13 , 06:31 صباحاً
Eyad 7’s Avatar
Eyad 7

فعال

المشاركات:1187
التسجيل:Sep 2017
Eyad 7
[INDENT][INDENT][INDENT][INDENT]
Mrdot كتب:
بصراحة مافهمت شي من الصورة

بالنسبة لاذا انت طالب احفظ و سمع و انجح و انسى
اعتقد هذا الشي راح ياثر في عملك يعني وش فايدة اذا كانت معاك شهادة ونسيت كل الي درستة وتعلمتة


المنحنى يشرح بكل بساطة أنه لو حفظت شي وما راجعته، راح تنساه بعد ثلاث أيام.

بالنسبة لسؤالك الأصلي، الحفظ كذا، لازم ترجع عليه كل مرة لين يثبت براسك، وما راح يثبت أبدا لكن الفترة بين كل مراجعة راح تقل، وراح أوضح بمثال.

لو فرضنا أنك اليوم حفظت صفحتين، اليوم اللي بعد لازم تراجعها وتحفظ حفظ جديد، ووبعد يومين ترجع تراجع اللي حفظته باليوم الأول واليوم الثاني وعلى هذي الحالة. يعني بكل اختصار الحفظ يحتاج وقت عشان يثبت. الحاجة اللي تختلف هي فترة المراجعة، يعني بعد ما تراجعها 10 مرات خلال فترات مختلفة راح تحصل أنها فعلا رسخت بذهنك، ووقتها تصير مثلا تحتاج تراجعها كل اسبوع أو كل شهر. والأمر على هذا الحال ما راح يبقى أي شي في ذهنك طوال الوقت، وهذا يذكرني بالمثل اللي يقول: أخف حبر أضمن من أقوى ذاكرة.

طبعا فيه استراتيجيات كثير للحفظ وتقدر تتطلع عليها وتطبقها، هذي راح تجعل حفظك أسرع وأفضل.

بالنسبة لسؤالك الثاني في الرد على الأخ فهو مهم جدا وراح أجاوبك عليه

الحفظ عمره ما يكون الحل، لكن للأسف عندنا يعتبر الحل، وهذا بسبب أن نظام التعليم عندنا عبارة عن تلقين بشكل عام. لكن إذا تبي الخمس سنوات و 12 سنة اللي قضيتهم بالمدرسة والجامعة ما تروح على الفاضي، لازم تتبع نهج مختلف تماما وهو الفهم.

الفهم عكس الحفظ تماما، وهو الشي اللي مصمم له المخ، والشي اللي تفهمه صح عمرك ما راح تنساه. لو أسألك مثلا ليش إذا رميت قلم يطيح على الأرض، بيكون جوابك بكل بساطة بسبب الجاذبية. وهذا شي عمرك ما تنساه بسببين: 1- أنك فاهم الظاهرة وتأثيرها. 2- أنك معايش الشي ومجربه. وهذي الشيئين هم البديل عن الحفظ.

1- حاول تفهم كل شي يدرس لك ولا تحفظه، طبعا الحفظ أسرع وأسهل عكس الفهم اللي يحتاج وقت وجهد أكبر. ما أعرف وش تخصصك لكن فيه تخصصات وخصوصا العلمية والهندسية تعتمد بشكل أساسي على الفهم، فإذا تدرس باحد التخصصات هذي فالتزم بالفهم عوضا عن الحفظ. وإذا تخصصك ديني حاول تفهم القرآن وطرق التفسير، تفهم أصول الفقه والتشريع، وتفهم العقيدة وفلسفتها وطرقها.

2- حاول تمارس الشي اللي تاخذه، تلاحظ مثلا أن التخصصات اللي تعتمد على الحفظ مثل الطب يكون الطالب فيها حافظ معلومات كثير جدا من تشريح وأدوية وجرعات وغيرها. ويكمل مساره المهني كطبيب وما ينسى الحاجات، والسبب أنه يمارس الشي بشكل يومي، لكن مثلا لو تقاعد وسألته بعد كم سنة راح تلاحظ أنه نسي بعض الحاجات. نفس الشي مع إمام المسجد أو مدرس الحلقة إذا كان حافظ قرآن، تحصله ما ينساه لأنه يمارسه بشكل يومي. فأنت مارس الشي اللي تحفظه، وأقرب مثال هو حفظ الصفحتين اللي تقول أنك تنساها، حاول تقراها بكل صلاة غيب، بدل مثلا ما تقرأ قصار السور، وراح تحصل أن حفظك تحسن وثبت.

بالتوفيق
[/INDENT][/INDENT][/INDENT][/INDENT]
2018-11-13 , 06:31 صباحاً
2018-11-13 , 08:07 صباحاً
LeHso’s Avatar
LeHso

نشيط

المشاركات:1050
التسجيل:Sep 2016
LeHso
من واقع تجربة ، الحفظ مضمون ويخليك تجيب درجات حلوة لكن الفهم افضل بمراحل لأنه بيفيدك حتى بحياتك
2018-11-13 , 08:07 صباحاً