محاسبة او نظم معلومات اداريه
banner
2019-04-01 , 09:02 مساءً
GoldenKing’s Avatar
GoldenKing

فعال

المشاركات:1374
التسجيل:Jan 2013
GoldenKing
السلام عليكم و رحمة الله وبركاته

بدخل بالموضوع

انا حاليه في فترة اختيار رغبه التخصص ومخير بين محاسبة ونظم معلومات اداريه


انا انسان عندي خلفيه كبير عن الحاسب والشبكات والتقنيه بشكل عام

لكن ايضا اقدر امشي بالمحاسبه اقصد اقدر ادبر عمري ويمكن ابدع فيها

فانا محتار والحيره شينه عشان كذا احتاج نصايح الناس الي جربو او عندهم خلفيه

وبس احتاج نصيحتكم

شكرا للجميع
Enlarged Image
2019-04-01 , 09:02 مساءً
2019-04-02 , 12:00 صباحاً
believerguy’s Avatar
believerguy

متميز

المشاركات:5899
التسجيل:Dec 2009
believerguy
اختار التخصص اللي يستهويك و عندك ميول و رغبة قوية بدراسته


باختصار المحاسبة اللي درسته بالسنة العامة بتدرسه الى اخر سمستر لكن بشكل معمق
و المحاسبة مهنة مضمونة مستقبلها # يعني انسى امر الوظائف، و مدعومة المهنة لكنها مهنة مملة جدا جدا و روتينية. و تفتقر للإبداع ، شغلتك كلها قيود و تدخل فواتير و تعمل حوالات من البنوك و تصدر شيكات و تطلب من السستم انه يحسب الاستهلاك !! و كل محاسب يمسك شغلة معينة Recievable يمسكها واحد ، و الloans يمسكها واحد و المشتريات و محاسبة التكاليف و هكذا
يعني مافيها تنوع ، راح تمسك شي واحد و بتتخصص فيه

البوزيشنات العالية كالFinancial Controller و Chief Financial Officer يعملو قوائم شهريا في الشركات الكبيرة فقط

عندك مجالين غير المحاسبة تقدر تلتحق فيهم

مجال المراجعة الخارجية و الضريبة لتجهيز القوائم المالية للشركات و احتساب الضرائب المقدرة لهم و تقديم اقراراتها للهيئة العامة للزكاة و الدخل ، عدد الساعات في شركات المراجعة الخارجية تصل الى 10-12 ساعة في السيزون، كرف و شغلك كله مع العملاء "الشركات" تداوم عندهم و تضبط الميزانيات و تراجعها و تدققها و تتأكد من صحة الارقام ... نادر تحصل سعودي يتحمل الضغط و اغلبهم بعد سنتين ينحاشون منها . اللي يظل يشتغل فيها ، بتسرق حياته كلها. حياتك كلها شغل.


كل حساب في القائمة المالية بتتاكد من صحته و بتعمله Test. الشغل شبه روتيني و بكل شركة بتتعامل معاها بتسوي نفس الخطوات و الاجرائات. فيها شوية ابداع، و الخبرة تلعب دور و بتقدر خلال سنواتك تفهم اكثر عن الشركات و الصناعات.

مجال المراجعة الداخلية ليس له علاقة بالتخصص و لا بالدراسة بحكم انه يختص بمراجعة اقسام الشركة لمعرفة مااذا كان عملهم يطابق سياسة الشركة و قوانيين و انظمة الدولة و يسوون تقرير على كل قسم يراجعونه و يرسلونه لمدير الشركة ، لكن يتطلب الشخص المعرفة المحاسبية لمراجعة قسم الادارة المالية

هذا المجال الوحيد المحاسب يقدر يشتغل فيه اللي فيه شوية ابداع و ماهو روتيني و فيه تنوع ، و مافيه ضغط كبير.



انا حبيت انقلك مستقبلا ايش المجالات اللي ممكن تعمل فيها. عشان ماتندم مستقبلا و عشان يكون عندك تصور اكبر عن طبيعة المهن في المحاسبة.


التخصص اللي لك ميول و رغبة فيه ادخله
اذا مااستهوتك اول مادة للمحاسبة كنسل الدراسة فيها لانها راح تظل معاك طوال مسيرتك المهنية في المحاسبة / المراجعة الخارجية !!

و اذا يهمك تدخل مجال فيه ابداع و متعة و قريب من المحاسبة و تعتمد على لغة الارقام، "المالية Finance” افضل لانه يعتمد على القرارات و الاستثمارات و التحليل المالي و ادارة مخاطر و تقدر تشتغل بصناديق استثمارية و البنوك و شركات التأمين.
2019-04-02 , 12:00 صباحاً
2019-04-02 , 12:18 صباحاً
x3bed’s Avatar
x3bed

بارز

المشاركات:1671
التسجيل:Jul 2012
x3bed
الترم اللي راح كنت نظم معلومات, الترم هذا حولت للمحاسبة


من وجهة نظري نظم المعلومات ممله جدا الدراسة عبارة عن احفظ و الصق بالاختبار, بسعود يدرسونك باكستانيه التخصص مليان طلاب لكن وقت المحاضرة ماتحس انهم مهتمين فيه, حسب مافهمت ان نظم المعلومات الادارية يخليك تسوي جداول او قوائم فيها مثلا المنتاجات و تربط المنتج بالمزود للمنتج والعملاء و ما الى ذلك.


ماحسيت ان التخصص مناسب لي لأن الشغله اتوقع انها سنه اولى في كلية الحاسب, او لان اللي درسوني مملين و يطفشون. ولا فلحت فيها ما شدتني ابد و طلعت من التخصص بعد ترم واحد بتقدير D للماده الوحيده بالتخصص الباقي عرب و سلم, عكس المحاسبة تماما تماما وانت تذاكر تحس بنشوة العلم (ما ادري اذا حسيت بغرابة لكن انا استانس :) ) تحس انك تدرس شي ممكن يطبق بالواقع و تستفيد منه, غير كذا المحاسبة لها وظائف المعلومات الادارية ما سمعت احد يبيها. ولا تاخذ هذي المعلومة بمحمل الجد لانها غير دقيقه.


توقعت يوم ادخل نظم المعلومات الادارية اني بشتغل بشيء رهيب و قريب للنظم اللي بكلية الحاسب, لكن بالاخير كله ببرنامج مايكروسوفت SQL SERVER


الموارد البشريه خيار كويس للمحتارين كذلك التسويق في حالة عندك ذوق فني, ولا تحد نفسك بين اثنين رح اسأل الانديه الطلابية لكل تخصص وشف وش يقولون تراهم يفيدونك مررره

اذا تبي معلومات محدده راسلني
2019-04-02 , 12:18 صباحاً
2019-04-02 , 01:28 صباحاً
moh711’s Avatar
moh711

عضو جديد

المشاركات:14
التسجيل:Aug 2014
moh711
شوف يا بعدي بحكم اني خريج نظم المعلومات الادارية اشوف انه فيه كم شي يحكم عليك انك تدخل هذا التخصص او لا

اول شي حبك لمجال التكنولوجيا ، لانك لو تدرس وانت ما تحب التكنولوجيا عموماً راح تحس بملل كثير بالتخصص او تحس انك ما راح تفهم يعني تتخرج وانت ما استفدت شي .

ثاني شي عندك اختيارك للكلية او الجامعه يأثر على الدراسه خاصه ان التخصص ذا يدرس بكلية الحاسب و كلية الاعمال
(طبعاً اللي يفرق انه لو كنت خريج كلية الحاسب تكون متخصص اكثر بتصميم النظم او قواعد البيانات و خريج كلية الاعمال يكون متخصص بتحليل النظم اكثر و الغالب ان الشركات ما تفرق بينهم )
و ايضاً اختيارك للجامعه له دور لاني توظفت مع موظفين كلنا حديثين تخرج منهم اللي تخرج من كلية حاسب ومنهم اللي من كلية ادارة لاحظت انه ماعندهم سالفه ابد مع ان جامعتهم من افضل جامعات المملكة ان لم تكن الافضل ، خاصه لان التكنولوجيا تتطور بسرعه فبعض الكليات ما تتعنى و تجدد مناهجها

بشكل عام انا كنت نفسك بالضبط و كنت متردد ادخل محاسبة او نظم سألت ناس من المحاسبه وكلهم نصحوني فيها و جلست ادور احد متخصص نظم عجزت احصل احد و غامرت و تخصصت نظم ، فيه مواد درستها لحالي ، على العموم لو يرجع فيني الزمن كان ماترددت على طول اتخصص نظم ، مع ذلك ما يعني انك تدخله كذا لا ، لازم تسأل الدفعات اللي قبلك عشان تعرف الكلية اكثر وتسأل اللي فاهمين بالتكنولوجيا افضل لك

و بالنسبه للي يقولك حفظ ترا الكلام هذا مهب صحيح اغلب التخصص فهم ، لانك غالباً راح تدرس لغات برمجه و تدرس قواعد بيانات و تدرس تحليل و تدرس امن معلومات و شبكات و كل هذي فهم .
و بالتوفيق لك هذا اللي اقدر افيدك فيه و اذا عندك اي سؤال حياك الله بالخاص
2019-04-02 , 01:28 صباحاً
2019-04-02 , 02:30 صباحاً
zaidnon’s Avatar
zaidnon

مشارك

المشاركات:429
التسجيل:Dec 2018
zaidnon
ماخس من قديد الاعسفان

اخوي الله يهديك خش هندسنه او اطب افضل بمليون مره

تبي يقولون الطبيب فلان او مهندس فلان او تبي يقولون كاشير فلان(محاسب):19:
2019-04-02 , 02:30 صباحاً
2019-04-02 , 03:30 صباحاً
S o l D i e R 94’s Avatar
S o l D i e R 94

بارز

المشاركات:1700
التسجيل:Feb 2012
S o l D i e R 94
مشكله انك راح تتعلم برمجه على ورق وهذا راح يخليك تكره التخصص
2019-04-02 , 03:30 صباحاً
2019-04-02 , 04:25 صباحاً
S o l D i e R 94’s Avatar
S o l D i e R 94

بارز

المشاركات:1700
التسجيل:Feb 2012
S o l D i e R 94
zaidnon كتب:
ماخس من قديد الاعسفان



اخوي الله يهديك خش هندسنه او اطب افضل بمليون مره



تبي يقولون الطبيب فلان او مهندس فلان او تبي يقولون كاشير فلان(محاسب):19:




تستهبل انت ؟
2019-04-02 , 04:25 صباحاً
2019-04-02 , 04:39 صباحاً
Eyad 7’s Avatar
Eyad 7

فعال

المشاركات:1187
التسجيل:Sep 2017
Eyad 7
[INDENT][INDENT][INDENT]
zaidnon كتب:
ماخس من قديد الاعسفان

اخوي الله يهديك خش هندسنه او اطب افضل بمليون مره

تبي يقولون الطبيب فلان او مهندس فلان او تبي يقولون كاشير فلان(محاسب):19:


يا أخوي عجزت أفهمك، بكل موضوع تجي ترد وتنفخ بالطب أو الهندسة، وخصوصا الهندسة الميكانيكية. ما أدري هل كنت تبي تخش التخصصات هذي وما حصلت لك أو وش وضعك بالضبط. ونمط حجتك دائما متشابه: "تبي الناس يقولون"،"يقولون عنك" وغيرها من الأمثلة الضعيفة.

كل ميسر لما خلق، والاحتياج موجود بكل التخصصات، لو كل الناس مشو على منهجك بيكون فيه مليون طبيب ومهندس وصفر من التخصصات الثانية، وكيف تقوم حياة على هذا النهج؟؟

الأخ صاحب الموضوع طرح سؤال بسيط وهو أنه متحير بين تخصصين، وذكر الحاجات اللي يحبها وهي غير موجود في الطب أو الهندسة، وتجي تحشر رأيك وتقول أدخل طب أو هندسة.

المشكلة أن لك ردود كثيرة وكلها على نفس المنوال، الناس ما تجي هنا وتكتب موضوع أو تطلع على مواضيع مثل هذي إلا وهي محتاجه لرأي ومشورة ناس لهم خبرة في التخصصات. وأنت تجي بكل فرصة وتطرح وجهة نظرك، وما تدري يمكن فيه كم شخص صدق كلامك وبناءا عليه اختار تخصص ما يناسبه أو على الأقل خليته يشكك باختياره.

أتمنى لو تراجع كلامك قبل ما تكتبه، وتحاول تحط نفسك بمكان الشخص اللي مقبل على اختيار تخصص بيعيش فيه أقل شي 30 سنة من عمره، وتحاول بناءا على ذلك توفر له نصحية تفيده أو تنبه لموضوع يمكن يكون غافل عنه. أما تجي وترمي رأيك بكل موضوع من غير دلالة وتخلي الناس تتحمل تبعات رأيك فهذي طامة.

وبالمناسبة عرضك لتخصصات الهندسة كمجال غني بالتوظيف وترديد عبارة "تبي الناس يقولون" يدل على نظرتك السطحية والخاطئة للتخصصات وسوق الوظائف.[/INDENT][/INDENT][/INDENT]
2019-04-02 , 04:39 صباحاً
2019-04-02 , 10:18 صباحاً
believerguy’s Avatar
believerguy

متميز

المشاركات:5899
التسجيل:Dec 2009
believerguy
zaidnon كتب:
ماخس من قديد الاعسفان

اخوي الله يهديك خش هندسنه او اطب افضل بمليون مره

تبي يقولون الطبيب فلان او مهندس فلان او تبي يقولون كاشير فلان(محاسب):19:


خريج المحاسبة مايشتغل كاشير

الربط بين خريج المحاسبة و الكاشير كالربط بين

خريج الحاسب يشتغل بمحلات يسوي فورمات للاجهزة
خريج الهندسة الميكانيكية يشتغل ميكانيكي سيارات
خريج صيدلة يشتغل بالصيدلية
خريج تمريض شغلته حفاظ اطفال


سوء ربط و فهم و جهل بين الناس اللي اعتقدوا انه المحاسب يشتغل "كاشير". هي ليست الا اقل مهنة و في السلم يشغلها خريجي الثانوية العامة و لا تمت باي صلة بالمحاسبة و لا تحتاج معلومات تقنية ابدا.


و بعدين لعلمك ترا اكثر ناس يستلمون رواتب بالشركة هم المحاسبين بالادارة المالية بعد الادارة العليا حقت الشركة
حتى المهندس يدعسون عليه دعس. و المحاسبة تعتبر من اكثر المهن النبيلة. و المهنة مؤثرة جدا


الدكتور خطأ طبي ممكن تنتهي روح انسان
المهندس غلطة بمشروع ممكن يدمر المشروع

لكن غلطة المحاسب ماتغتفر ، اي غلطة بتدمر حياة و آلاف الاسر


و اسال مساهمي شركة المعجل ماوداهم بداهية الا محاسبين من ديلويت. و اسال مساهمي موبايلي بعد فضيحة ديلويت لتضخيم المبيعات و اللي ضرب سعر الاسهم الى -500%


حتى السرقات و ا لا ختلاسات بالشركة لا تحدث ابدا الا باهمال المحاسبين عن اداء عملهم. يثبت لك انها شغلة حساسة و مهمة و مؤثرة.
2019-04-02 , 10:18 صباحاً
2019-04-02 , 10:27 صباحاً
zaidnon’s Avatar
zaidnon

مشارك

المشاركات:429
التسجيل:Dec 2018
zaidnon
believerguy كتب:
ردودك كلها منبثقة من جهل و مالها اي صحة و تثبت فقط ضحل معلوماتك


خريج المحاسبة مايشتغل كاشير

الربط بين خريج المحاسبة و الكاشير كالربط بين

خريج الحاسب مايشتغل الا بمحلات يقعد يسوي فورمات للاجهزة
خريج الهندسة ما يشتغل الا ميكانيكي سيارات
خريج صيدلة مايشتغل الا بالصيدلية
خريج تمريض شغلته حفاظ اطفال


سوء ربط و فهم و جهل بين الناس اللي اعتقدوا انه المحاسب يشتغل "كاشير". هي ليست الا اقل مهنة و في السلم يشغلها خريجي الثانوية العامة و لا تمت باي صلة بالمحاسبة و لا تحتاج معلومات تقنية ابدا.


و بعدين لعلمك ترا اكثر ناس يستلمون رواتب بالشركة هم المحاسبين بالادارة المالية بعد الادارة العليا حقت الشركة
حتى المهندس يدعسون عليه دعس. و المحاسبة تعتبر من اكثر المهن النبيلة. و المهنة مؤثرة جدا


الدكتور خطأ طبي ممكن تنتهي روح انسان
المهندس غلطة بمشروع ممكن يدمر المشروع

لكن غلطة المحاسب ماتغتفر ، اي غلطة بتدمر حياة و آلاف الاسر


و اسال مساهمي شركة المعجل ماوداهم بداهية الا محاسبين من ديلويت. و اسال مساهمي موبايلي بعد فضيحة ديلويت لتضخيم المبيعات و اللي ضرب سعر الاسهم الى -500%


حتى السرقات و ا لا ختلاسات بالشركة لا تحدث ابدا الا باهمال المحاسبين عن اداء عملهم. يثبت لك انها شغلة حساسة و مهمة و مؤثرة.


قال الماحسبين اكثر ناس يستلمون فلوس :40:

شوف وظائف المحاسبين رواتب 2500 ويالله لاتقارن الطب بمحاسب تخصص سهل جدا لايقارن بهندسة او طب

تجلس طول عمرك تحاسب :66: مافي اي ابداع (كلها كم سنه ويتطور علم ويستغنون عنك )


مالية افضل من محاسب يقدر يغطي مكانه
2019-04-02 , 10:27 صباحاً
2019-04-02 , 10:39 صباحاً
PriDeVIP’s Avatar
PriDeVIP

مشارك

المشاركات:303
التسجيل:Oct 2014
PriDeVIP
استخير ودخل تخصص MIS
MANGMENT INFORMATION SYSTEM
2019-04-02 , 10:39 صباحاً
2019-04-02 , 12:22 مساءً
zzk’s Avatar
zzk

مبدع

المشاركات:4742
التسجيل:Mar 2006
zzk
محاسبة طبعا لو كنت مبدع بالرياضيات لان مجال العمل فيها مطلوب جدا عكس الحاسب صار في اكتفاء وزيادة
2019-04-02 , 12:22 مساءً
2019-04-03 , 10:20 صباحاً
wHos NexT’s Avatar
wHos NexT

مشارك

المشاركات:35
التسجيل:Sep 2017
wHos NexT
محاسبة طبعا وتاخذ شهاداتها الاحترافية وشوف العروض وغير كذا هيئة المحاسبين السعودية شغالة صح من ناحية السعودة وكذا
2019-04-03 , 10:20 صباحاً