هل يسوى التبريد المائي المفتوح (هل لكم تجارب سابقه ؟)
banner
تاريخ النشر: 2020-12-23 , 02:23 صباحاً
Zayodizer’s Avatar
Zayodizer

مشارك

المشاركات:164
التسجيل:Nov 2018
Zayodizer
السلام عليكم ورحمة الله وبركاتة

حبيت من خلال هالموضوع بما اني مقبل على مشروع بناء تجميعه جديدة ان شوي ندردش عن موضوع التبريد المائي المفتوح او الـ Open Loop Water Cooling


Image


يمكن البعض يشوف ان ماله لزمة دام ان All in One يفي بالغرض وزيادة

لكن مع المعالجات الجديدة قمنا نشوف ان التبريد المائي المغلق ماقام يصمد خصوصا مع المعالجات الفئه العليا من انتل او AMD

انا شخصياً كنت من الناس اللي شايل فكرة التبريد المائي المفتوح من راسي اول مابنيت التجميعه الحاليه اللي استخدمها تجميعه 9900k وقلت لنفسي انها خساره ومضيعه للفلوس وخذيت NZXT Kraken x72 << لكن ما انكر ان التجميعه بتكون ولا احلى من ناحية الشكل :d

لكن مع استخدامي المكثف على الكمبيوتر من ناحية الريندر او حتى تسجيل من قطعة الـ Avermedia (من خلال CPU Codec عشان احصل اعلى bitrate) وحتى الالعاب الجديدة الاحظ ان درجة الحراره قامت ترتفع بشكل جنوني وان التبريد مب قادر يصمد وزيد على هذا اني كسرت السرعة لـ 5 جيجا هرتز وعدلت على الفولت ولكن للاسف مايصمد وارجع اعدل الكسر وانزلة لـ 4.7 جيجا هرتز وتقريبا كان مستقر على هالسرعة

وانا شخص مجنون كمبيوتر يعني شغلي كله كمبيوتر وما احب شي يخرب علي شغلي او يسد نفسي فعشان كذا قلت ان جاء الوقت للتغيير

وقعدت ادرس الفكرة خلال الاشهر اللي فاتت وقلت ان لنفسي خلني اتوكل على الله واجرب وباذن الله تكون تجربة مميزة + اني ابي شكل جمالي اكثر تميز وشي يفتح النفس اول ماتلف يمينك وتشوف الجهاز المبرد بالانابيب :33:

ولكن

مافيه شي مالة ثمن ، التبريد المائي المفتوح يبيله عناية وشي يغث من ناحية السعر والتركيب بل حتى صعب انك تحصل واحد محترف يركبة بدون مايجيب العيد

عشان كذا حبيت اطرح هالموضوع ونستفيد من خبرات اللي لهم تجارب سابقه

وحتى ناخذ باراء البعض حول التبريد المائي المفتوح ويكون الموضوع له فايدة للي ناوي يركب مستقبلاً ومتردد

هل يستاهل ؟
Enlarged Image
تاريخ النشر: 2020-12-23 , 02:23 صباحاً
تاريخ النشر: 2020-12-23 , 04:27 صباحاً
el3akes’s Avatar
el3akes

نشيط

المشاركات:929
التسجيل:Jun 2009
el3akes
انا مركبنه من شركة ek صح الحراره داون بس لو يرجع بي الزمن مابركبه كملت سنه وشوي عليه لازدت ماي ولا لمسته وشغال هو حلو للاوفر كلوك وبهدوء غير كذا التبريد المغلق اريح بكثير او يمكن يفيد القيمرز الهاردكور اكثر اللي يبحث عن هدوء
انا حدي بالسنة لعبه وحده فقط وما اختمها تست وامسح بس اذا ناوي تركبه ابدء بالانابيب العاديه مش الصلبه
على فكرة ال Delidding لحاله يجيب لك اداء تبريد مفتوح بمبرد هوائ ب 200 ريال بس مع المعالجات الجديده ماعندي علم وفي خطوره شوي وتفقد الضمان ويمكن المعالجات الجديده وضعها يختلف
تاريخ النشر: 2020-12-23 , 04:27 صباحاً
تاريخ النشر: 2020-12-23 , 06:46 صباحاً
Zayodizer’s Avatar
Zayodizer

مشارك

المشاركات:164
التسجيل:Nov 2018
Zayodizer
el3akes كتب:
انا مركبنه من شركة ek صح الحراره داون بس لو يرجع بي الزمن مابركبه كملت سنه وشوي عليه لازدت ماي ولا لمسته وشغال هو حلو للاوفر كلوك وبهدوء غير كذا التبريد المغلق اريح بكثير او يمكن يفيد القيمرز الهاردكور اكثر اللي يبحث عن هدوء
انا حدي بالسنة لعبه وحده فقط وما اختمها تست وامسح بس اذا ناوي تركبه ابدء بالانابيب العاديه مش الصلبه
على فكرة ال Delidding لحاله يجيب لك اداء تبريد مفتوح بمبرد هوائ ب 200 ريال بس مع المعالجات الجديده ماعندي علم وفي خطوره شوي وتفقد الضمان ويمكن المعالجات الجديده وضعها يختلف



يعطيك العافيه اخوي العاكس

انا راح اطلبها من اي كي عن طريق الكونفغريتر

بس عندي سؤال وش الفرق بين الصلب والسوفت بحكم اني محتار مابين الاثنين

وهل يحصل التسريب بالحالتين ولا السوفت هو المعرض للتسريب بشكل اكبر ؟
تاريخ النشر: 2020-12-23 , 06:46 صباحاً
تاريخ النشر: 2020-12-23 , 07:49 صباحاً
el3akes’s Avatar
el3akes

نشيط

المشاركات:929
التسجيل:Jun 2009
el3akes
الاثنين اذا تركبوا بشكل صحيح مافي تسريب ان شاءلله بس الصلب يضيف جماليه للجهاز اذا تبحث عن الشكل عيبه فكه وتركيبه صعب شوي قياسات ودنيا بس العادي قطع بالمقص وركب بدون حوسة القياسات وعند محاولة تبديل الماء العادي اسهل الا في حالة كنت مركب قطعه خاصه عشان تنزل منها الماي نسيت اسمها والله بس تخلي العملية سهله
واذا جيت بتبدل معالج او كرت يكون اسرع واسهل لك مستقبلا الصلب اذا بيركبه فني لك يعطي منظر حلو صراحه
تاريخ النشر: 2020-12-23 , 07:49 صباحاً
تاريخ النشر: 2020-12-23 , 08:15 صباحاً
grandia’s Avatar
grandia

خبير حاسب مكتبي

المشاركات:3678
التسجيل:Aug 2010
grandia
التبريد المائي المفتوح جميل من باب التجربة اما الحاجة , لا اعتقد ذلك

التبريد المائي المغلق وحتي الهوائي الاحترافي بيعطيك اداء وكسر جيدان . والحرارة لاتهتم لها كثيرا اذا ماوصلت 90. انا لدي معاج درجة حرارته بين 75-85 من 5 سنوات وشغال بدون اي مشكلة

بالنسبة للمعالج الذي لديك والتبريد اشوف ماعندك اي مشكلة تصل حتي ل 5.0Ghz . المهم الاعدادات المدخلة والفولتس المناسب

والمعالج بدون تدخل منك يصل لـ 4.7Ghz لجميع الانوية لذلك ابحث اكثر في الاعدادات المناسبة للكسر وبتمشي امورك وتبريدك اشوفه كافي للمعالج وللكسر المطلوب
تاريخ النشر: 2020-12-23 , 08:15 صباحاً
تاريخ النشر: 2020-12-23 , 08:20 صباحاً
قيقا بايت’s Avatar
قيقا بايت

مبدع

المشاركات:5434
التسجيل:Apr 2011
قيقا بايت
grandia كتب:
التبريد المائي المفتوح جميل من باب التجربة اما الحاجة , لا اعتقد ذلك

التبريد المائي المغلق وحتي الهوائي الاحترافي بيعطيك اداء وكسر جيدان . والحرارة لاتهتم لها كثيرا اذا ماوصلت 90. انا لدي معاج درجة حرارته بين 75-85 من 5 سنوات وشغال بدون اي مشكلة

بالنسبة للمعالج الذي لديك والتبريد اشوف ماعندك اي مشكلة تصل حتي ل 5.0Ghz . المهم الاعدادات المدخلة والفولتس المناسب

والمعالج بدون تدخل منك يصل لـ 4.7Ghz لجميع الانوية لذلك ابحث اكثر في الاعدادات المناسبة للكسر وبتمشي امورك وتبريدك اشوفه كافي للمعالج وللكسر المطلوب



بعيد عن الحاجة لكسر السرعة وتحمل القطع للحرارة لكن ميزة الهدوء والبعد عن ضجيج المراوح بأقصى سرعاتهم ميزة قوية جدا للتبريد المفتوح خاصة لو عندك عدة صوت احترافية هنا الهدوء بيعتبر اولوية
تاريخ النشر: 2020-12-23 , 08:20 صباحاً
تاريخ النشر: 2020-12-23 , 08:37 صباحاً
سكون الاحساس’s Avatar
سكون الاحساس
مشرف

خبير فوتوغرافي

المشاركات:3587
التسجيل:Nov 2007
سكون الاحساس
شوف يا الغالي انا باكلمك بكل صراحه عن تجربة شخصية لي
انا عندي تجميعة من عام 2018 لأول مانزل كرت الشاشة RTX 2080Ti مع معالج i9 9900k والتبريد كان سيء جداً لدرجة كنت اعاني من ارتفاع مهول لدرجة حرارة المعالج بالرغم من اني خليت المراوح على السرعة القصوى وكان صوته بدون مبالغه مزعج وكأني حاط جنبي مكنسة كهرباء غير ان اضطر اخلي الغرفه بارده مرره عشان مسألة الحرارة المزعجه اللي كانت بعض الاحيان تسبب باغلاق الجهاز بشكل كامل ويخرب علي التصميم.
لكن واحد من التقنيين الله يجزاه خير هنا في المنتدى نصحني بتركيب تبريد مائي مفتوح وهو يعرف يضبطه ماشاء الله عليه شغله نظيف ودقيق، وبصراحه فرررررررررق كبيييييير في الحرارة وبدون صوت مزعج للمراوح خصوصاً وانت شغال تصميم وجرافيك او حتى الالعاب على أعلى دقة، غير كذا المعالج باااارد ماشاء الله بدون الحاجه إني اشغل مكيف الغرفه على ابرد شيء. والميزه بعد يعطي جمال خرافي جداّ للجهاز ويخليه عباره عن تحفه فنيه جميله وانت تشوف انابيب التبريد مع اضاءة الآر جي بي.
واخيرا ركب تبريد مائي مفتوح وانت مغمض واكسر السرعه على اعلى شيء بدون خوف او مشاكل.
وان شاء الله ماتحتاج تغير المويه للتبريد المائي المفتوح الا كل 8 شهور الى سنه تقريبا، وترى التبريد المائي المفتوح لا يقارن مع أي تبريد آخر واقوى بكثييير من التبريد الهوائي.
تاريخ النشر: 2020-12-23 , 08:37 صباحاً
تاريخ النشر: 2020-12-23 , 11:31 صباحاً
AhmadTT’s Avatar
AhmadTT

نشيط

المشاركات:721
التسجيل:Jul 2008
AhmadTT
ياليت تعطونا نبذه عن سعره كم يكلف كامل مكمل ؟ لأن سمعت ان سعره جدا مرتفع
تاريخ النشر: 2020-12-23 , 11:31 صباحاً
تاريخ النشر: 2020-12-23 , 12:09 مساءً
The speed’s Avatar
The speed

نشيط

المشاركات:744
التسجيل:Oct 2010
The speed
اداء التبريد يعتمد بشكل كبير على جو المكان عندك
اذا الغرفة حاره ، الاداء مثل الهوائي خصوصاً اذا مقلل سرعة المراوح

من تجربتي :)

اما الباقي انا ماسويت صيانة ولا غيرت فيه شيء من 3 سنوات تقريبا والحمدلله الامور طيبة.
تاريخ النشر: 2020-12-23 , 12:09 مساءً
تاريخ النشر: 2020-12-23 , 12:58 مساءً
l EVGA l’s Avatar
l EVGA l

فعال

المشاركات:1492
التسجيل:Aug 2012
l EVGA l
أغلب الي يركب تبريد مفتوح يدور شكل

اما التبريد الهوائي افضل من المائي مغلق أو مفتوح من ناحية الامان وعملي

إذ صارت تصدر مبردات هوائية ب اشكال مختلفة

واسعار ممتازة
تاريخ النشر: 2020-12-23 , 12:58 مساءً
تاريخ النشر: 2020-12-23 , 06:19 مساءً
white16red’s Avatar
white16red

فعال

المشاركات:1294
التسجيل:Dec 2014
white16red
بصراحه انا مثلك كنت اقولك راح اجييييييييب العيد بالتركيب لان أول مره اركب تبريد مائي مفتوح

لكن بدأت اشوف فيديوات في اليوتيوب كثيره حتى استفدت منها


واطلبت القطع وعملت التركيب والحمدلله من اول مره ضبط عندي بدون ترهيب

وبنحنيات جميله جات صح ههه
تاريخ النشر: 2020-12-23 , 06:19 مساءً
تاريخ النشر: 2020-12-23 , 09:15 مساءً
anoooos6’s Avatar
anoooos6

فعال

المشاركات:1173
التسجيل:Jul 2007
anoooos6
عندي مائي مفتوح وهي أول مره و أخر مره اخذ المفتوح( البايبات الصلبه ).

الأداء ممتاز لكن مع الوقت قروشة. تبغى تغير الكرت او المعجون حق المعالج او الكرت أو اذا انك تبغى تغير قطعه مرررررررررررره قروشة. لازم تفضي المويه و تفك التشبيكات المائية و تغير و بعدها تتاكد انه المقاس مناسب ولا يحتاج له تغير و تتاكد من الرنقات اذا يحتاج لها تغير او سليمه و بعد دا كله ترجع تركب و تسوي Leak Test من جديد. يعني التبريد المائي مثل السياره يحتاج له تشيكات من فتره ل فتره لانه اي Leak يحصل بسبب اهمالك راح الجهاز كله في الباي باي. حتى الجهاز والله نفسي ابيعه عشان افتك من المائي دا. المائي له إيجابيات كثير لكن انا ما عجتني القروشة لما اجي اغير قطعه او معجون. مشروع طوييييل على حاجه ما تاخذ 5 دقائق بدون وجود المائي. يعني مثلا كان عندي كرتين شاشه SLI مائي عشان سويت Upgrade ل 1080Ti كلفني افرغ الماء كامل و أفصل تيوب جديد عشان يناسب كرت واحد بدل كرتين و خذلك دحين معايا كرتين مائية حولتهم هوائي و البلوكات حقهم لو اعرضها محد يشتري لانه مفصله لجيل الكرت نفسه و من بعدها حتى متكاسل اغير المعجون لانه تعبت صراحتا. و في مره حصل لي Leak بسيط و الحمدلله اني كنت جنب الجهاز اتاكد لاني غيرت الموية. قطرات نزلت وهو يعبي التيوبز حق كرت الشاشة قدرت امسك شوية بالمناديل لانه كنت معبي تحت كل مفصل مناديل عشان لا سمح الله لكن في قطره بسيطه ضربت لي ال PCI Slot الثاني وسار SLI ما يشتغل بسبب كرت شغال و الثاني مفلسع

للمعلومية انا تجربتي كانت على البايبات الصلبه. ممكن هي السبب الأول للدوخه اللي انا فيها مدري عن اللي يستخدمون البايبات العادية اللي تتحرك مش مرنه اكيد دوختهم اخف لانه عنده سلاسه في الحركه.

ليه القروشة دي كلها ما خلاص اخذ مغلق للمعالج و مغلق للكرت و ريح مخك بعد كم سنه اذا المبرد سار فيه أي اشكالية يا يتزبط يا يركب واحد جديد بداله و التغيير سريع سريع ليه البهدله و الأفلام دي

لو في اي شخص مقبل انه يعمل تبريد مائي مفتوح انا أقله من واقع تجربه. راجع نفسك أو فكر بعدم إستخدام التيوب الصلب في المناطق اللي تحتاج فك من فتره ل فتره مثل CPU و GPU

واذا مصر على المائي المفتوح أقرا عنه زيادة مش تقرا كيف تفك و تركب فقط.

مثل ما المعجون يتغير من فتره ل فتره في الرينقات تتغير برضو من فتره لفتره اذا قربت تضعف. المائي كمان مش من النوع اللي تشيله من مكان لمكان على طول لازم يثبت مكانه مو كل شوي طالع نازل فيه.
تاريخ النشر: 2020-12-23 , 09:15 مساءً
تاريخ النشر: 2020-12-24 , 01:49 صباحاً
Zayodizer’s Avatar
Zayodizer

مشارك

المشاركات:164
التسجيل:Nov 2018
Zayodizer
ماشاء الله طلعو كثير مركبين هني custom :d

هي مخاطرة صحيح ويمكن اجيب العيد فيها لكن الواحد لازم يجرب ويشوف بدال الخوف وتجنب الشي

ايضا جانب الهدوء مهم بالنسبه لي وايضا السبب اللي خلاني اتحمس للتجربه الا وهو الكيس اللي شريته :33:

قلت دام اني شريت كيس فخم لازم اهتم بكل نقطة
تاريخ النشر: 2020-12-24 , 01:49 صباحاً
تاريخ النشر: 2020-12-24 , 03:45 صباحاً
S o l D i e R 94’s Avatar
S o l D i e R 94

بارز

المشاركات:1700
التسجيل:Feb 2012
S o l D i e R 94
اذا كان الفلوس مو فارقه معك يعيني عادي تدفع 2000+ على تبريد فـ :

اشوف تركب مائي مفتوح افضلك ( الانابيب الصلبه )
منها شكل جامد واداء وهدوء افضل بمراحل
واذا تبي تتعمق اكثر تقدر تشوف الموقع هذا مليان ناس مركبين تبريد مائي مفتوح :
https://www.reddit.com/r/watercooling
تاريخ النشر: 2020-12-24 , 03:45 صباحاً
تاريخ النشر: 2020-12-24 , 04:19 صباحاً
fosl’s Avatar
fosl

متميز

المشاركات:5810
التسجيل:May 2009
fosl
التكلفة
المخاطرة خصوصاً مع الانانبيب الصلبة و تحديداً اكثر اذا كان فيها زوايا 90 كثيرة ضغط عالي على الانابيب
و اهم نقطة كثير وسط الحماس للتبريد المائي بشكل عام يغفل عنها
درجة برودة الغرفة تفرق في المائي المغلق و المفتوح اكثر من الهوائي

صعوبة التعامل ذكروها الاخوان يعني تحتاج تغير معجون تحتاج تغير قطعة بتنشب خصوصاً لو بتغير كرت مثلاً و المقاس تغير عليك


لو انت معزم عندي فكرة صح بتزيد التكلفة شوي لكن [U]يمكن[/U] تنفع
فيه فكرة من فترة افكر فيها ممكن تجمع لك جمالية الانابيب الصلبة مع نقول سلاسة الانابيب المرنة
الي هي تستخدم انابيب مرنه (بايب , لي ) حسب ما تحب تسميها :d
و تلبسها داخل انابيب صلبة تكون مقاس اكبر منها بحيث الاساس مرنه لكن الشكل الخارجي صلبه :17:

مدري تنفع ولا لأ بس يعني كنت افكر فيها لحل من الحلول الي ممكن تكون لمشكلة الانابيب الصلبة :d
تاريخ النشر: 2020-12-24 , 04:19 صباحاً
تاريخ النشر: 2020-12-24 , 07:41 صباحاً
بيل قيتس’s Avatar
بيل قيتس

مبدع

المشاركات:4394
التسجيل:Mar 2009
بيل قيتس
انا من رأيي انك تبيع المعالج و المذربورد و تاخذ لك ثريد ريبير او رايزن .
دام شغلك يحتاج قوة المعالج .
لان المبلغ اللي بتدفعه في التبريد المائي ماهو بسيط . اقل شي ١٥٠٠ ريال .

و الشي الثاني
ال aio اللي عندك المفروض يبرد بشكل جيد .
تاكد انك مركبه زين . وغير المعجون .
وتاكد من المراوح انها في اتجاه واحد و كلها شغاله .
لان المفروض انك تقدر تكسر السرعة الى 5 Ghz وانت مرتاح .
ممكن تعطينا الحرارة الحالية كم توصل ؟
تاريخ النشر: 2020-12-24 , 07:41 صباحاً
تاريخ النشر: 2020-12-24 , 01:35 مساءً
iTHINK’s Avatar
iTHINK

عضو جديد

المشاركات:12
التسجيل:Jan 2012
iTHINK
للأسف ما انصحك

صحيح انه هادئ وتبريده فوق الممتاز وتقدر تكسر السرعة وانت مرتاح لكنه مكلف جدا و غير عملي وقت تغير القطع

حاليا امتلك واحد ولو ينعاد الزمن ما شريته
تاريخ النشر: 2020-12-24 , 01:35 مساءً
تاريخ النشر: 2020-12-25 , 06:05 مساءً
sbj1428’s Avatar
sbj1428

نشيط

المشاركات:668
التسجيل:Aug 2014
sbj1428
التبريد المائي له ايجابيات وسلبيات
لكن المتفق عليه هو ان يعطي جهاز الكمبيوتر شعور واحساس اخر بالاحترافية والفخامة

https://www.youtube.com/watch?v=F0TXn4354hk
تاريخ النشر: 2020-12-25 , 06:05 مساءً
تاريخ النشر: 2020-12-25 , 10:15 مساءً
ibrahim st99’s Avatar
ibrahim st99

مشارك

المشاركات:196
التسجيل:Dec 2013
ibrahim st99
[QUOTE]
Zayodizer كتب:
ماشاء الله طلعو كثير مركبين هني custom :d

هي مخاطرة صحيح ويمكن اجيب العيد فيها لكن الواحد لازم يجرب ويشوف بدال الخوف وتجنب الشي

ايضا جانب الهدوء مهم بالنسبه لي وايضا السبب اللي خلاني اتحمس للتجربه الا وهو الكيس اللي شريته :33:

قلت دام اني شريت كيس فخم لازم اهتم بكل نقطة


[/QUOTE]
السلام عليكم
انا من واقع تجربتي وتركيب اكثر من 5 اشخاص اذا تبي تحفه فنيه جنبك وتنسه انك تلعب
زبطلك واحد

بس في اساسيات لازم تعرفها وتكون عندك خبره فيها

اول شي الحجم اللديتر الي تبي تركبه لانه اذا ركبت واحد عادي او حجمه مايتناسب شغلك و وقتك لاتتعب نفسك وله راح تحس بالفرق

الماوية اهم شي سويت اكثر من 5 تجارب وحده اطريت اغير التبريد كامل
اي واحد يقول ركب مويه مقطره اخذه من اقرب محطه انصحك لاتسمع كلامه لانه راح تسكر عليك اسنان التبريد الي داخل البلوكات

علشان يكون شغلك سهل اختار الفيتينقات المناسبه. لازم تخطط كيف راح تركبه


اذا كان شغلك العاب تخلي المويه تروح للكرت اول
عاد هذي لازم انت تخططها

واخر شي لازم يكون عندك ساعة ضغط علشان تعرف شغلك الي سويته سليم او لا
اذا بتركب انابيب صلبة

وكل شركات اداها واحد اخذ الارخص او الاغلى اهم شي الشكل والاداء




Image



هنا كان اعتمادي على المعالج :d



Image

هذي مهم بنسبه لي لاني ماخليت الجهاز بالحاله واجرب فيه حقت تفريغ المياه



Image


هذي مهمه حقت التنسيم الهواء داخل الانابيب علشان مع الضغط الجاهز
ماينفجر الانبوب عندك


Image

هذي ساعة ضغط الانابيب مهمة


كم صوره يمكن احد يبي يستفيد

Image



Image

في كم صوره بس ممكن مايرضون اصحب الاجهزه
:7:
تاريخ النشر: 2020-12-25 , 10:15 مساءً
تاريخ النشر: 2020-12-26 , 12:21 صباحاً
بيل قيتس’s Avatar
بيل قيتس

مبدع

المشاركات:4394
التسجيل:Mar 2009
بيل قيتس
ibrahim st99 كتب:

:7:


كيس O11 dynamic اسطوري في التبريد المائي .
اذا الميزانية مفتوحة و تبي شكل بي سي فخم مافي افضل من التبريد المائي .
في شي اتمنى انك تجربه .
اللي هو حساس درجة حرارة الماء ، عشان تضبط المراوح و الطرمبة عليه ويكون جهازك على الصامت .
تاريخ النشر: 2020-12-26 , 12:21 صباحاً

يُعتبر هذا الموضوع قديمًا ولا يقبل المزيد من الردود الجديدة.