قريبا بنك STC !!!
banner
2021-06-25 , 12:00 مساءً
PS3 4 Sale’s Avatar
PS3 4 Sale

متميز

المشاركات:7922
التسجيل:Jul 2009
PS3 4 Sale
فهد محمد خالد كتب:
بصراحة مافهمت كيف STC راح تنافس فقط بكونها رقمية وايش تعنون في كلمة رقمية بالضبط..!
آخر حسابين لي في البنوك طلعتهم وانا في البيت والبطاقة من الخدمة الذاتية وواحد منهم حتى ما طلعتها من الخدمة الذاتية كانوا بطاقات رقمية والتطبيق تبع البنوك متطور جدا ومشتركين في خدمات ابل باي والتحويل الفوري وكثير خدمات وتقدر تاخذ تمويل وانت في بيتك وتتواصل معهم في التطبيق او في الهاتف وانت في بيتك.. وبعد كم يوم راح استلم بطاقة ائتمانية وانا في البيت راح توصلي..

يعني كيف راح تنافس رقميا ابي افهم ايش الخدمات يلي ممكن تقدمها اكثر واذا فعلا فيه خدمات البنوك راح تقدمها بعدك خلال شهور بالكثير لان مافيه اسهل من الخدمات الرقمية


اخيرا البنوك تنجح بسبب القدرة على التمويل ونسبة ارباحهم البسيطة في قروضهم وهذا يلي نجح الراجحي وامور اعقد من هذه الامور مو بسبب رقميتها وتسطيح الموضوع بها الشكل



ما فيه أسهل من التمويل للشركات والبنوك الضخمة هذا غير ان البنك المركزي يمول البنوك المحلية بالنقد مقابل فوائد قليلة جدا .. البنوك تقرض الناس بفوائد فلكية وجزء بسيط منها يرجع للبنك المركزي ..

الاتصالات تملك البنية التحتية التقنية وآلاف الفروع وعشرات الملايين من العملاء (( وبياناتهم المالية )) وتقدر تدخل مجالات صعب البنوك تقدر تنافس فيها لانها تقليدية ومجالها مالي بحت .. مثلا القروض القصيرة مثل payday loans تدفع من stcpay وتنزل مع الفاتورة .. لو بتاخذها من بنك ما عندك خيار الا بطاقة ائتمان وكثير من الناس ما يرغب فيها ..

هذي شركة سعودية ناشئة للقروض القصيرة تأسست العام الماضي يمكن ما احد عمره سمع عنها أخذت قبل كم يوم استثمار بأكثر من 400 مليون ريال:

https://www.wamda.com/ar/2021/06/how-to-raise-1...


الاتصالات عندها كمية بيانات هائلة .. مثلا العملاء بلاتيني وذهبي من سنين عندهم يقدرون يجذبونهم بعروض نقاط وغيرها للمدفوعات المعتادة لهم .. يعني دافع دافع على الاقل خذ شيء بالمقابل ..

اول ما بدؤوا قبل سنة ونص نزلوا عرض محطات البنزين ادفع 200 ريال بنزين الشهر وخذ 50 رصيد وجاهم عشرات الالاف عملاء جدد بسبب العرض ..

الاتصالات ما حولت stcpay الى بنك الا وهي شايفة فرص ما شفناها ..
2021-06-25 , 12:00 مساءً
2021-06-25 , 01:39 مساءً
naap’s Avatar
naap

مشارك

المشاركات:322
التسجيل:Aug 2019
naap
itti1927 كتب:
stcpay كانت عبارة عن فيزا كل السنوات هذي


وابشرك قبل اكثر من شهر تقدر تطلع بطاقة مدى من نفس حسابك وخلال اقل من دقيقة واتحداك اذا احد رفضها

https://stcpay.com.sa/page/mada-card


والله مافهمت عليك .. او انك انت مافهمت ردي

عموما الفيزا مرفوضة من الكثير والنظام يحميهم .. ماحد يقدر يجبر المحلات على قبول الفيزا الا اذا كان المحل معلن صراحة قبول الفيزا وبعد كذا تهرب من قبولها ..

باقي الرد اقول كثير من الانشطة الصغيرة لايقبلون الا الكاش ..

اما اللي يقول سوي شكوى انا ماجيت اتمشكل مع الناس واصدع راسي .. غير ان كثير قدموا شكوى عبر التطبيق حق التجارة وماتغير شي ..
2021-06-25 , 01:39 مساءً
2021-06-25 , 04:24 مساءً
الجوابر’s Avatar
الجوابر

مبدع

المشاركات:2828
التسجيل:Nov 2007
الجوابر
stc pay راح تكون وسيلة الدفع الاولى في السعودية في الايام القادمة بسبب سهولة التحويل وسهولة فتح المحفظة ..
2021-06-25 , 04:24 مساءً
2021-06-25 , 11:06 مساءً
itti1927’s Avatar
itti1927

مشارك

المشاركات:506
التسجيل:May 2015
itti1927
naap كتب:
والله مافهمت عليك .. او انك انت مافهمت ردي

عموما الفيزا مرفوضة من الكثير والنظام يحميهم .. ماحد يقدر يجبر المحلات على قبول الفيزا الا اذا كان المحل معلن صراحة قبول الفيزا وبعد كذا تهرب من قبولها ..

باقي الرد اقول كثير من الانشطة الصغيرة لايقبلون الا الكاش ..

اما اللي يقول سوي شكوى انا ماجيت اتمشكل مع الناس واصدع راسي .. غير ان كثير قدموا شكوى عبر التطبيق حق التجارة وماتغير شي ..


يبدو لي ما وصلت فكرتي لك


اسمع حبيبنا stcpay عندها بطاقتين واحدة ( مدى ) مقبوله في كل نقاط البيع في المملكة العربية السعودية ولا احد يقدر يقول لك مانقبلها زيها زي بطاقة بنك الراجحي العادية

وعندهم بطاقة ( فيزا ) ايضاً زيها زي اي فيزا تطلعها من اي بنك

بعض المحلات الصغيره مايقبلونها لا هي ولا اي فيزا من اي بنك



وهذا رابط بطاقة مدى https://stcpay.com.sa/page/mada-card
2021-06-25 , 11:06 مساءً
2021-06-25 , 11:18 مساءً
itti1927’s Avatar
itti1927

مشارك

المشاركات:506
التسجيل:May 2015
itti1927
فهد محمد خالد كتب:
بصراحة مافهمت كيف STC راح تنافس فقط بكونها رقمية وايش تعنون في كلمة رقمية بالضبط..!
آخر حسابين لي في البنوك طلعتهم وانا في البيت والبطاقة من الخدمة الذاتية وواحد منهم حتى ما طلعتها من الخدمة الذاتية كانوا بطاقات رقمية والتطبيق تبع البنوك متطور جدا ومشتركين في خدمات ابل باي والتحويل الفوري وكثير خدمات وتقدر تاخذ تمويل وانت في بيتك وتتواصل معهم في التطبيق او في الهاتف وانت في بيتك.. وبعد كم يوم راح استلم بطاقة ائتمانية وانا في البيت راح توصلي..

يعني كيف راح تنافس رقميا ابي افهم ايش الخدمات يلي ممكن تقدمها اكثر واذا فعلا فيه خدمات البنوك راح تقدمها بعدك خلال شهور بالكثير لان مافيه اسهل من الخدمات الرقمية


اخيرا البنوك تنجح بسبب القدرة على التمويل ونسبة ارباحهم البسيطة في قروضهم وهذا يلي نجح الراجحي وامور اعقد من هذه الامور مو بسبب رقميتها وتسطيح الموضوع بها الشكل


انت لو ركزت في عمل البنوك حالياً اغلب خدماتهم تحولت الى خدمات رقمية من تحويل الا سداد الى شراء الى كل شيء حتى التحويل الان اصبح بين البنوك بشكل فوري

الشيء الاخر اللي لو ركزت فيه من سنتين راح تكتشف ان الناس ماعاد تحمل معها كاش

كل نقاط البيع في المملكة العربية السعودية فيها شبكة وصارت الزاميه


يعني ماتحتاج تحمل معك كاش حتى لو بتشتري اي شي لو قيمته مليون او قيمته ريال ماتحتاج الكاش يكون معك





البنوك الرقمية مثلها مثل البنوك العادية راح تقدم كل الخدمات لكن بدون فروووع وتكاليف وبكذا راح تقدر تنافس بالاسعار

اذا تبغى صرافه خلال يوم او يومين راح توصلك الى بيتك وتقدر تصرف من اي صراف

وتقدر تجري اي عمليه من تطبيقات هذه البنوك





طبعاً هذه البداية فقط (( لسى )) راح يجي اليوم اللي تقدر تحول راتبك على هذه البنوك و تقدر تقدم على قرض وينزل في حسابك ومن هذا القبيل



الخلاصة الفرق بين البنك الرقمي او التقليدي في السنوات القادمة في وجود الفروووع


وحتى البنوك التقليدية راح تصير (( رقمية وتقليدية )) وبوادرها باينه الان من تطبيق البنك تقدر تقدم على قرض واذا جات موافقة تراجع البنك عكس زمان

وراح يجي اليوم اللي تاخذ فيه قرض وانت جالس في بيتك وينزل على حسابك
2021-06-25 , 11:18 مساءً
2021-06-26 , 12:04 صباحاً
الجوابر’s Avatar
الجوابر

مبدع

المشاركات:2828
التسجيل:Nov 2007
الجوابر
البنوك حاليا كلها اتجهت للبنوك الرقمية ..حتى بنك الراجحي حاليا يلغي الكثير من أجهزة الصراف في بعض المواقع
2021-06-26 , 12:04 صباحاً
2021-06-26 , 02:09 صباحاً
ثمر الخاطر’s Avatar
ثمر الخاطر

مشارك

المشاركات:365
التسجيل:Nov 2013
ثمر الخاطر
عزووز111 كتب:
تقنيا هو متحمس الراجحي لكنه بغباء

ينزل لك خاصية الدخول السريع وبالاخير ما تقدر تسوي اي عملية الا بالرسالة .. اجل وش فايدة الدخول السريع .. وش استفيد ادخل التطبيق عشان اتفرج على حساباتي .. انا داخل تطبيق بنك ابي اسوي عمليات وليس اتفرج كأني داخل سناب او يوتيوب

من الاساس ادخل بالرقم السري ولا العب على نفسي

بطاقة الصراف لازم تبصم بجهاز الخدمة الذاتية عشان تستلمها والبنوك الثانية سهالات
المشكلة انه حاليا اخيرا صار يرسل فيزا بالبريد اما بطاقة الصراف مالك الا موظف والا جهاز خدمة ذاتية
اوكي حلوه الخدمة الذاتية بس ليش بصمة .. ابي اطلعها لجدي لجدتي امي اختي لازم اسحبهم لين الصرافه

ومن زمان قبل التطور ما كان يرسل لك بطاقة الصراف بالبريد .. وكان لازم تمر حضرة الموظف يطبعها لك وزين ما يقول لك الموظف النظام عطلان راجعنا بكره
اللي في الوقت نفسه كل البنوك ترسل لك بطاقة الصراف عبر البريد قبل لا تنتهي بطاقتك وتفعلها بالهاتف

واتذكر سابقا ايضا تفعيل الخدمات الالكترونية اول ما تسوي لك حساب وكل شيء عند الموظف وتطلع من الفرع مستانس تبي تفعل مباشر الراجحي اونلاين يفاجئك النظام يقولك يجب مراجعة الفرع لتفعيل الخدمات الالكترونية عشان تقدر تسوي لك حساب في مباشر وتستخدم التقنية هههههه

هذا غير التحويل لمستفيد في بنك محلي كانت معقده في وقت كل البنوك مسهلينها وكلها اون لاين الا هو لازم تحول اول مرة عن طريق الموظف في الفرع ههههه

هذا اللي اتذكره وفيه امور ثانية ما يسع المجال لذكرها
وتركته عقبها كحساب اساسي وصار بس لوقت الحاجة

وما ادري اذا تغيرت عقليته والا لا

الراجحي قوته في عدد العملاء فقط اللي اغلبهم ما يهتم للتقنية وعادي عنده يطق مشوار للصرافة عشان يحول مبلغ او يسدد فاتورة وهو مستانس او من جماعة كل الناس عندها راجحي

ما بدأ يتحرك الراجحي الا بعد ما عرف ان التحويلات بين البنوك برسوم رمزية وصارت فورية وقرب دخول بنوك رقمية

والا لو على مزاجة ما تطور ولا شبر


اول شئ ما شاء الله تبارك الله عليك
شكلك تحب الكتابة
تنفع تكتب اخبار
لأن والله ردك طويييل وبصراحة ما قريت الا يمكن اول سطرين

الي هو انه موفر دخول سريع بس ما تقدر تسوي شئ
انا اعتقد هذا بالعكس يعتبر أمن ممتاز جدا
وانا لو مكانهم بسوي زيهم
ممكن تكون نايم وواحد يستخدم بصمة اصبعك... فكر
عاد اذا نومك عمييق...
2021-06-26 , 02:09 صباحاً
2021-06-26 , 03:39 صباحاً
أمير القلوووب’s Avatar
أمير القلوووب

فعال

المشاركات:1350
التسجيل:Sep 2009
أمير القلوووب
ثمر الخاطر كتب:
اول شئ ما شاء الله تبارك الله عليك
شكلك تحب الكتابة
تنفع تكتب اخبار
لأن والله ردك طويييل وبصراحة ما قريت الا يمكن اول سطرين

الي هو انه موفر دخول سريع بس ما تقدر تسوي شئ
انا اعتقد هذا بالعكس يعتبر أمن ممتاز جدا
وانا لو مكانهم بسوي زيهم
ممكن تكون نايم وواحد يستخدم بصمة اصبعك... فكر
عاد اذا نومك عمييق...



يا رجال انا كنت حاط البصمه على الايفون .. وعلى تطبيق البنك ..

انا حاطها عشان اسرع لي .. لكن قالي واحد تخيل وانت نايم احط اصبعك وافتح الجوال

وافتح حسابك البنكي واحول فلوسك .. ولا تقدر تسوي لي اي شي ..

ومن بعدها انواع الافكار والمواقف اللي بديت اتخيلها .. وبعدها لغيتها ..

كل شي صار عندي برقم سري بدون بصمه ..
2021-06-26 , 03:39 صباحاً
2021-06-26 , 05:07 صباحاً
Maxmilino1’s Avatar
Maxmilino1

نشيط

المشاركات:789
التسجيل:Jun 2015
Maxmilino1
stc أكبر شركة تملك قاعدة عملاء تٌقدر بـ10مليون عميل.

أعلى بنك عنده عملاء يملك 3مليون عميل.

لعبوها صح .. وبنظري خدمات الأفراد؟ يجب تفعيل البنوك الرقمية مثل stc وغيره من البنوك.

والبنوك الكبرى يكون كل شغلها على الرهن العقاري وغيره من الأمور الضخمة وتمويل قيقا بروجكت والخ.

::

البنوك الرقمية هي مستقبل سوق البنوك ومستقبل الأفراد بس وين اللي يمسّك الجادة لربعنا.
تحويل , فتح حساب , قروض شخصية , سداد والخ هاذي مفروض عبر بنوك رقمية بالجوال ولا تجي فرعهم أو تفكر تزورهم حتى سواء تطلب إيبان مصدق أو قرض شخصي والخ.

مراقب لهذا الموضوع من فترة نظرًا لتخصصي وشغفي وكنت متوقع وفي حالة ترقب لموعد إعلان stc بحصولهم على ترخيص البنك الرقمي.

في تطورات كثيرة مبشرة بالخير وبتكسر نسب فوائد القروض المخيفة وبنشوف منافسة للسوق إلا إذا حصل حاجة غريبة ولم تكن بالحسبان.
2021-06-26 , 05:07 صباحاً
2021-06-26 , 05:11 صباحاً
Maxmilino1’s Avatar
Maxmilino1

نشيط

المشاركات:789
التسجيل:Jun 2015
Maxmilino1
ثمر الخاطر كتب:
عصر البنوك التقليدية سينتهي، المستقبل للبنوك الرقمية والله أعلم.
لكن من يقول راحت على الراجحي ومن هذا الكلام غلطان طبعا.
الذكاء إلي وصل الراجحي لهذه المرحلة ما شاء الله تبارك الله ما راح يصير غبي في مرحلة التحولات الرقمية.

فما فيه بنك بيقعد يتفرج، اكيد راح يتنافسون وراح ينتقل الراجحي للرقمية. واكيد فيه فرق عمل يدرس الموضوع من جميع جوانبه


الوضع أقرب إلى وضع شركات رقمية تدير فروع بنوك رقمية بالنيابة عن البنوك الكبرى بنفس الرقم وملكية البنك الرئيسي لكن يكون فرع بنك رقمي.

:69:
2021-06-26 , 05:11 صباحاً
2021-06-26 , 12:38 مساءً
code finder’s Avatar
code finder

Tech News Editor

المشاركات:11480
التسجيل:Jul 2006
code finder
فهد محمد خالد كتب:
بصراحة مافهمت كيف STC راح تنافس فقط بكونها رقمية وايش تعنون في كلمة رقمية بالضبط..!
آخر حسابين لي في البنوك طلعتهم وانا في البيت والبطاقة من الخدمة الذاتية وواحد منهم حتى ما طلعتها من الخدمة الذاتية كانوا بطاقات رقمية والتطبيق تبع البنوك متطور جدا ومشتركين في خدمات ابل باي والتحويل الفوري وكثير خدمات وتقدر تاخذ تمويل وانت في بيتك وتتواصل معهم في التطبيق او في الهاتف وانت في بيتك.. وبعد كم يوم راح استلم بطاقة ائتمانية وانا في البيت راح توصلي..

يعني كيف راح تنافس رقميا ابي افهم ايش الخدمات يلي ممكن تقدمها اكثر واذا فعلا فيه خدمات البنوك راح تقدمها بعدك خلال شهور بالكثير لان مافيه اسهل من الخدمات الرقمية


اخيرا البنوك تنجح بسبب القدرة على التمويل ونسبة ارباحهم البسيطة في قروضهم وهذا يلي نجح الراجحي وامور اعقد من هذه الامور مو بسبب رقميتها وتسطيح الموضوع بها الشكل


انا باقول لك ,

STC هي الوحيدة عندنا الي تدعم QR code بحيث انك تسدد من خلال قراءة الصورة بكاميرا جوالك , فلو رحت السوق تبي تشتري من البائع البسيط ( رطب - لان هذا موسمه ) و البائع ما راح ياخذ جهاز سحب بطاقة مثل المحلات و انت ما معك كاش فالحل انك تجيب معاك كاش او تستخدم خدمة QR code .

بالعربي البسيط STC بتصير خدمة دفع الاموال و تحويلها رقميا مثل خدمة Wechat او
Alipay الصينية . و بتصير تحول فلوسك من البنك الى خدمة STC او تشحن رصيدك في الخدمة و تحاسب من STC كل شيء حتى لو تبي تتصدق على شخص في الشارع

https://www.youtube.com/watch?v=IQvpv4Yi49k

https://www.youtube.com/watch?v=rbUTciWspQk

حتى الشحاذة عندهم بالباركود


Image


https://www.youtube.com/watch?v=-QChUMt57Rc
2021-06-26 , 12:38 مساءً
2021-06-26 , 01:33 مساءً
naap’s Avatar
naap

مشارك

المشاركات:322
التسجيل:Aug 2019
naap
itti1927 كتب:
بعض المحلات الصغيره مايقبلونها لا هي ولا اي فيزا من اي بنك
وهذا رابط بطاقة مدى https://stcpay.com.sa/page/mada-card


يعني للان ما انحلت مشكلة المحلات الصغيرة حتى مع تطبيق اس تي سي باي .. حتى الدفع عن طريق الكود ما احد معترف فيه الا القلة من البقالات ..
2021-06-26 , 01:33 مساءً
2021-06-26 , 01:52 مساءً
a l s h a b a h’s Avatar
a l s h a b a h

نشيط

المشاركات:565
التسجيل:Mar 2009
a l s h a b a h
naap كتب:
يعني للان ما انحلت مشكلة المحلات الصغيرة حتى مع تطبيق اس تي سي باي .. حتى الدفع عن طريق الكود ما احد معترف فيه الا القلة من البقالات ..

النظام الحين الزامي كل المحلات التجارية عندها خدمة دفع الكتروني، ولو رفض او قال ماعندي يحق لك تشتكي عليه

وstc pay الحين عندهم بطاقة "مدى"، يعني نفس اي بطاقة عادية من اي بنك سعودي
هذه هي الفكرة اللي هو يبي يوصلها لك
2021-06-26 , 01:52 مساءً
2021-06-26 , 02:36 مساءً
BMG_904’s Avatar
BMG_904

مبدع

المشاركات:4743
التسجيل:Apr 2013
BMG_904
a l s h a b a h كتب:
النظام الحين الزامي كل المحلات التجارية عندها خدمة دفع الكتروني، ولو رفض او قال ماعندي يحق لك تشتكي عليه

وstc pay الحين عندهم بطاقة "مدى"، يعني نفس اي بطاقة عادية من اي بنك سعودي
هذه هي الفكرة اللي هو يبي يوصلها لك


اساسا اللي يقولك ماعنده فعليا عنده لكنه يبغى الكاش وتلاقيهم مخبيين الجهاز

يعني ان بلغت عليه بيطلع الجهاز قدام الحكومة وماصار شي
2021-06-26 , 02:36 مساءً
2021-06-26 , 03:01 مساءً
anim19’s Avatar
anim19

VIP

المشاركات:14759
التسجيل:Jun 2008
anim19
Abu Mohanad كتب:
التطور هو ان يعطى الخبز لخبازة
و ان كل شركة ( خدمية ) تقوم بعملها على أحسن وجه

فيه ناس تعاني من اهمال هذي الشركات في التغطية و الخدمات
ربما انت ما تحس بالمعاناه لأن الخدمات واصلتك !!


تخيل شركة المياه تهملك ما توصلك ماء للبيت
و بالمقابل تروح شركة المياه تفتح كوفي شوب أو تفتح بنك او تعمل مصنع عصيرات !!

هذا ما تفعله STC الان ..

البرج اللي عندي جيل ثاني .. و لا يوجد هاتف و لا الياف بالحي كله !!
ننتظر هاتف من 10 سنين !!
هذا ماهو ظلم ..

تخيل ندفع 350 ريال علشان سرعة انترنت ما تتعدى 30 ميغا معتمدين على برج
اتصال ( مهتريء ) عليه الوف من الخلق !!

هذا ذنب من ؟؟ ذنب هذي الشركات اللي تركت مهمتها الاساسية




مع اني اتوماتيكي اي رد لك اعطيك ديسلايك

الا مشاركاتك في هذا الموضوع اعطينك لايك

لسبب واحد هو ان تغطية stc تعيسة جدا و السرعة ما زالتى 500 كيلوبت في منطقتنا
2021-06-26 , 03:01 مساءً
2021-06-26 , 04:03 مساءً
naap’s Avatar
naap

مشارك

المشاركات:322
التسجيل:Aug 2019
naap
a l s h a b a h كتب:
النظام الحين الزامي كل المحلات التجارية عندها خدمة دفع الكتروني، ولو رفض او قال ماعندي يحق لك تشتكي عليه


  • سويت 20 شكوى وارجع نفس الشي .. اول مابدا النظام كانوا متحمسين وبعدين خلاص ماحد مهتم .. ارجع لنفس مثلا كهربائي السيارات او راعي البنشر وزي ماهو ماتغير شي ..


وstc pay الحين عندهم بطاقة "مدى"، يعني نفس اي بطاقة عادية من اي بنك سعودي
هذه هي الفكرة اللي هو يبي يوصلها لك

مفهوم بس ماتفرق عن بطاقات البنوك وماتحل المشكلة اللي كنت احسب STC باي رح تحلها


........................................................................
2021-06-26 , 04:03 مساءً
2021-06-26 , 04:34 مساءً
awwz’s Avatar
awwz

مشارك

المشاركات:198
التسجيل:Dec 2011
awwz
أمير القلوووب كتب:
ماراح تختفي نهائيا .. لكن راح يقل استخدامها بكثيير ..
ma وش الي بيقنع كومار الكهربائي ومرعي حق الصيانه المصري وشمس الدين عامل التنظيف. وبعض كباتن اوبر الي ما يبون الا كاش وقديم موب جديد
2021-06-26 , 04:34 مساءً
2021-06-26 , 08:13 مساءً
أمير القلوووب’s Avatar
أمير القلوووب

فعال

المشاركات:1350
التسجيل:Sep 2009
أمير القلوووب
awwz كتب:
ma وش الي بيقنع كومار الكهربائي ومرعي حق الصيانه المصري وشمس الدين عامل التنظيف. وبعض كباتن اوبر الي ما يبون الا كاش وقديم موب جديد


اللي اشوفهم ذولاء مخالفين .. هذا اللي واضح قدامي .. من كفيله ؟ وش المؤسسه

اللي يشتغل عندها ؟ .. فيه انظمه طلعت الحين .. المخالفين والتستر عندنا كبير جدا ..

---------

كابتن اوبر .. هذا يختلف شوي .. يبي الكاش اسرع له .. الظاهر اذا جمع مبلغ معين


يحولون له اوبر .. لكن هو ما يبي ينتظر .. يبي الكاش اسرع له ..
2021-06-26 , 08:13 مساءً
2021-06-26 , 09:15 مساءً
itti1927’s Avatar
itti1927

مشارك

المشاركات:506
التسجيل:May 2015
itti1927
naap كتب:
يعني للان ما انحلت مشكلة المحلات الصغيرة حتى مع تطبيق اس تي سي باي .. حتى الدفع عن طريق الكود ما احد معترف فيه الا القلة من البقالات ..


انت كيف تفهم مالها علاقة stc


بعض المحلات الصغيره ماتقبل فيزا سوا من الراجحي او الاهلي او ان شاء الله من المريخ ماتقبل فيزا .. بمعنى اخر ماتقبل الا بطاقات مدى فقط


وبطاقة مدى موجودة في stcpay .. عندهم الان بطاقة مدى تقدر تطلعها في دقيقة وتحاسب في اي مكان زيها زي اي بطاقة بنك عادية

https://stcpay.com.sa/page/mada-card

اتمنى وصلت الفكرة
2021-06-26 , 09:15 مساءً
2021-06-26 , 09:22 مساءً
itti1927’s Avatar
itti1927

مشارك

المشاركات:506
التسجيل:May 2015
itti1927
awwz كتب:
ma وش الي بيقنع كومار الكهربائي ومرعي حق الصيانه المصري وشمس الدين عامل التنظيف. وبعض كباتن اوبر الي ما يبون الا كاش وقديم موب جديد



تقريباً كل محلات البلد وتطبيقات التوصيل وحتى اوبر وكريم مايجبرونك على الكاش

بالذات كباتن اوبر اشحن رصيدك ولا يقدر يفتح فمه

المشكلة في العمالة السائبه ولو جحدته مايقدر يسوي لك شيء لانه مخالف ولا يتبع لمؤسسة وابشرك كثير منهم عنده stcpay علشان يحول لاهله في بلده


فتقدر تحول له من حسابك بكل سهولة
2021-06-26 , 09:22 مساءً