فزعتكم وعدت..وتوهقت.! تأسيس سمارت

[Zadest]

سلام عليكم يا اخوان ورحمة الله

اخوي يبني بيت الله يتمم له
اقنعته بالسمارت و وعدته بجيب له شخص يركبه باقل تكلفه
الكهربائي صاحبي سافر
و جيبت ناس اقلهم طلب للتاسيس سمارت 30 الف دورين وملحق
بدون مواد
وتوهقت

انتهى اخوي من بناء البلك بقي التكسير والتمديد سباكه وكهرباء
وكل شوي يقلي معاك علم ولا اكمل تاسيس كهربا عاديه

بعد المقدمه طالبكم الفزعه

تواصلت مع اشخاص برا عن طريق النت
يرسمون خريطه السمارت مع تسعير الاجهزه والادوات

طالبين لنظام KNX خريطه و ادوات لنصف الدور الارضي 5500 ريال
وانا اجيب كهربائي يركبها ويمدد ويكسر حسب الخريطه

وسعر نظام sonoff خريطه و اسعار القطع حول الثلاث الاف


قريت هنا عن نظام ZigBee


الفزعه وش اختار من نظام يكون مستقر ومافيه تعليق وسعره منااااااسب


يغطي اغلب البيت مو نصف الدور الارضي

الدورين بيكون سعرهم من لعشره الاف الى 18 الف ادوات ومخطط


الله يسعدكم والله اني داعيلكم لمن قدر يساعد ولمن يتمنى لنا التيسير


اخوي يحتاج الصاله والمجالس تحت وفوق اقل شي
يمحتوياتها من تكييف وسماعات و اناره وشتر شبابيك

وكميرات خارجيه


(الاسعار فوق بدون كميرات و بدون سماعات )


هل تنصحون بالسنووف او KNX. او zigbee
اعرف النظامين الاول والثاني يحتاج تمديد اسلاك
الزيجبي لا يحتاج



هل من يعينا وله دعوه وصدقه صادقه


يكتب لي الادوات الي احتاجها و روابطها او اسماءها الانجليزيه
اشتريها على طول او روابط لها
اذا زيجبي

اذا انظمه اخرى يقلي كم يكلف تقريبا و وش امدد الان و وش احتاج من ادوات لبورد السمارت
وكم حجم البورد و احطه جنب الطبلون … الخ

انا عليميييي يعني طول بالك واكسب الاجر فينا
وخطوه خطوه
الي بتقوله لي بنقله للكهربائي يسويه اذا في شي الان ينعمل
الان نحنا في التكسير قلي وش اسوي وش احتاج
بحيث اركب نظام مستقر ((((مايحتاج انتر نت شركة الاتصالات )))
لان ماعندنا تغطيه جوال بمعنى الكلمه النت والاتصال يشتغل ساعه و يعلق ساعه

طولت سامحوني والدعاء لمن قرء ورحل و لمن شارك

 

 

[Banderco]

وعليكم السلام ٫٫

من خلال بحثي عن الموضوع خلال مرحلة بناء بيتي ٫٫ بالنسبة لاقل سعر لنظام KNX كان فوق المية الف ريال ٫٫ يشمل شترات ٫ انارة ٫ حساسات حركة ٫ ستاير ٫ انتكوم ٫ نظام صوتي وسماعات ٫ شاشات وغيره مع البرمجة وجميع السنياريوهات المطلوبة .

طبعا التكييف للاسف ما كان يدعم ( كان عندي قري ) .

طبعا نظام KNX اكثر استقرار بما انه تسليك ولكن عيبه غلاء سعره .

فيه بدائل مثل zigbee وكذلك الوايفاي ارخص وممكن تأدي الغرض ولكن ما عندي تفاصيل كثيرة عنها .

 

 

[مايك]

حدد الهدف من السمارت هل البيت كله بيكون سمارت

اختر غرف النوم وغرفة المعيشة مثلا

حدد الأجهزة اللي يهمك تكون سمارت مكيفات تلفزيونات ستاير اضاءات

 

 

[Zadest]

Banderco

وعليكم السلام ٫٫

من خلال بحثي عن الموضوع خلال مرحلة بناء بيتي ٫٫ بالنسبة لاقل سعر لنظام KNX كان فوق المية الف ريال ٫٫ يشمل شترات ٫ انارة ٫ حساسات حركة ٫ ستاير ٫ انتكوم ٫ نظام صوتي وسماعات ٫ شاشات وغيره مع البرمجة وجميع السنياريوهات المطلوبة .

طبعا التكييف للاسف ما كان يدعم ( كان عندي قري ) .

طبعا نظام KNX اكثر استقرار بما انه تسليك ولكن عيبه غلاء سعره .

فيه بدائل مثل zigbee وكذلك الوايفاي ارخص وممكن تأدي الغرض ولكن ما عندي تفاصيل كثيرة عنها .

فعلا عزيزي تكلفته عاليه جدااااا

وافكر في zigbee

ربي يسعدك ويبارك فيك

 

 

[Zadest]

مايك

حدد الهدف من السمارت هل البيت كله بيكون سمارت

اختر غرف النوم وغرفة المعيشة مثلا

حدد الأجهزة اللي يهمك تكون سمارت مكيفات تلفزيونات ستاير اضاءات

اخوي يرغب بالمجلس والصاله اهم شي
وممكن النوم


يحتاج شترات و تكييف و اضاءة و سماعات
هذا الاساس



اذا ممكن التحكم بالكميرات او الكراج او الباب فهذا اضافه
ان تمت فخير و ان صعبت فبلاش منها


المهم ما اذا احتاج يا غالي في مرحلة التاسيس
هل امدد اسلاك معينه
هل اضع افياش معينه … الخ

والله اني منحرج من اخوي اني عشمته


ولعلك و الاخوان بحول الله تفيدونا بماذا افعل

 

 

[الحمود القمور]

السلام عليكم

ارسلت لك في الخاص

 

 

[mazenmo]

بالنسبة للمكيفات انا عندي المنزل بالكامل من نوع (قري ) gree مكيفات اسبليت طبعا كلها بها واي فاي مدمج وتعمل بالاوامر الصوتية مع برنامج واجهزة اليكسا ( الخاصة بأمازون) بدون اي تمديدات او غيره اما بخصوص الاضاءة فغيرت المفاتيح العادية بأخرى ذكية ايضا على نفس التمديدات الاصلية وايضا تعمل مع اليكسا بالاوامر الصوتية وان شاء الله موفق

 

 

[Secret N]

mazenmo

بالنسبة للمكيفات انا عندي المنزل بالكامل من نوع (قري ) gree مكيفات اسبليت طبعا كلها بها واي فاي مدمج وتعمل بالاوامر الصوتية مع برنامج واجهزة اليكسا ( الخاصة بأمازون) بدون اي تمديدات او غيره اما بخصوص الاضاءة فغيرت المفاتيح العادية بأخرى ذكية ايضا على نفس التمديدات الاصلية وايضا تعمل مع اليكسا بالاوامر الصوتية وان شاء الله موفق

اخوي انا عندي مكيفين قري وفيه علامة وايفاي بس ماتسوي شي كيف اشغله عن بعد

واحد منهم هذا



والثاني هذا



كيف اشبكهم على المودم واشغلهم عن بعد لقيت في اليوتيوب بس شرحهم مب واضح

 

 

[SalmanAhmed]

mazenmo

بالنسبة للمكيفات انا عندي المنزل بالكامل من نوع (قري ) gree مكيفات اسبليت طبعا كلها بها واي فاي مدمج وتعمل بالاوامر الصوتية مع برنامج واجهزة اليكسا ( الخاصة بأمازون) بدون اي تمديدات او غيره اما بخصوص الاضاءة فغيرت المفاتيح العادية بأخرى ذكية ايضا على نفس التمديدات الاصلية وايضا تعمل مع اليكسا بالاوامر الصوتية وان شاء الله موفق

كيف سويت انا حطيت اوربا وطلعت لي اليكسا ولكن عند الربط لا تطلع المنطقة وبتالي يعطيني خطاء

 

 

[ربيع غازي]

Secret N

اخوي انا عندي مكيفين قري وفيه علامة وايفاي بس ماتسوي شي كيف اشغله عن بعد

واحد منهم هذا



والثاني هذا



كيف اشبكهم على المودم واشغلهم عن بعد لقيت في اليوتيوب بس شرحهم مب واضح

هذي المشاركة فيها الطريقة بالتفصيل
https://www.adslgate.com/dsl/showthr...post1082982443

 

 

[mazenmo]

SalmanAhmed

كيف سويت انا حطيت اوربا وطلعت لي اليكسا ولكن عند الربط لا تطلع المنطقة وبتالي يعطيني خطاء

ضع المنطقة على نورث امريكا na

 

 

[SalmanAhmed]

الله يجزاك خير ضبط الاقتران شكرا������

 

 

[Yahyaamer]

ليه توهقت انت ماكذبت صاحبك سافر عطه العلم الصحيح وراح يعذرك
وقوله اذا تحب ادورلك غيره مع اختلاف التكلفة

 

 

[Zadest]

mazenmo

بالنسبة للمكيفات انا عندي المنزل بالكامل من نوع (قري ) gree مكيفات اسبليت طبعا كلها بها واي فاي مدمج وتعمل بالاوامر الصوتية مع برنامج واجهزة اليكسا ( الخاصة بأمازون) بدون اي تمديدات او غيره اما بخصوص الاضاءة فغيرت المفاتيح العادية بأخرى ذكية ايضا على نفس التمديدات الاصلية وايضا تعمل مع اليكسا بالاوامر الصوتية وان شاء الله موفق

ربي يسعدك ويبارك فيك و يبارك لك لي منزلك

بخصوص المفاتيح الذكيه
هل لديك روابط لها
وهل تنصح بها كنوعيه و جوده

شاكر مرورك

 

 

[Zadest]

Yahyaamer

ليه توهقت انت ماكذبت صاحبك سافر عطه العلم الصحيح وراح يعذرك
وقوله اذا تحب ادورلك غيره مع اختلاف التكلفة

ربي يسعدك
المشكله الفارق كبير جدااااا
يوصل 30 الف
وهذي المشكله

 

 

[mazenmo]

Zadest

ربي يسعدك ويبارك فيك و يبارك لك لي منزلك

بخصوص المفاتيح الذكيه
هل لديك روابط لها
وهل تنصح بها كنوعيه و جوده

شاكر مرورك

اخذتهم من محل في سوق الكهرباء بجدة والله ناسي اسمه
ومعظمهم تقريبا نفس المستوى في الجودة

 

 

[عفات44]

سلامات 30 الف بدون مواد
اشوف انه يستفيد منها بأثاث او أجهزة للبيت افضل

 

 

[معتز الثويني]

عزيزي ريح بالك ..

المسارت الأن متاح بمتناول اليد بدون تكلفه ..


-اشتر مكيفات LG مثلا بوايفاي

-اشتر مفاتيح كهرب سمارت ( يعني تطفي الأنواب وتشغلها بالفيش اذكي ) الواجد قيمته 100 ريال وفيه نوع بالحركة
https://www.amazon.sa/-/en/TP-Link-T...0BC23S4SF&th=1


-وصل كيابل انترنت LAN .. ويفضل Cat 7 لكل غرفة قدر المستطاع

-ركب انتركوم Hikvision افضل نوع مع كاميرات 4K للأحواش نوع Colorvu .. وهئي تحتاج كيابل انترنت LAN ويفضل Cat 7 لكل كاميرا كيبل واحد ..

- تبي spot light سبوت لايت سمارت .. عندك Tplink
https://www.amazon.sa/-/en/TP-Link-T.../dp/B0BF5M1Y5Q

 

 

[Zadest]

معتز الثويني

عزيزي ريح بالك ..

المسارت الأن متاح بمتناول اليد بدون تكلفه ..


-اشتر مكيفات LG مثلا بوايفاي

-اشتر مفاتيح كهرب سمارت ( يعني تطفي الأنواب وتشغلها بالفيش اذكي ) الواجد قيمته 100 ريال وفيه نوع بالحركة
https://www.amazon.sa/-/en/TP-Link-T...0BC23S4SF&th=1


-وصل كيابل انترنت LAN .. ويفضل Cat 7 لكل غرفة قدر المستطاع

-ركب انتركوم Hikvision افضل نوع مع كاميرات 4K للأحواش نوع Colorvu .. وهئي تحتاج كيابل انترنت LAN ويفضل Cat 7 لكل كاميرا كيبل واحد ..

- تبي spot light سبوت لايت سمارت .. عندك Tplink
https://www.amazon.sa/-/en/TP-Link-T.../dp/B0BF5M1Y5Q

الله يسعدك
وش فائدة تمديد الLAN لكل غرفه ؟
اكون شاكر لك ومقدر

 

 

[عزووز111]

zigbee 3.0 افضل من الاجهزة اللي تشتغل على الواي فاي او البلوتوث الواي فاي مع كثرة الاجهزة بتهلك الراوتر وبيصير الراوتر يعلق عليك

لأن zigbee ما يحتاج الراوتر بس يحتاج جهاز يسمونه البوابه مثل الراوتر صغير ويتوصل بالراوتر وبعدين اجهزة الzigbee تتوصل مع البوابة فقط

وتصير فقط البوابه لحالها متصلة بالراوتر

اما الاسعار اللي عرضوها عليك اشوفها مبالغ فيها.. اذا الموضوع تشغيل واطفاء انارة وشترات ومكبفات



بس علمنا وش اللي تبيه
لأن السمارت هوم افكاره وانواعه كثيرة

فيه شيء احترافي ويحتاج تأسيس ويصيير بكل غرفة شاشة صغيرة مثل التابلت وفيها ازرار لمس ومنها تتحكم بكل شيء

وفيه شيء بسيط
مجرد قطع تحطها ورى افياش الانارة تتحكم عبر جوالك واليكسا وبصوتك وبأشياء تسوي لها اتمته ... خصوصا الاتمته يعني اذا جاء الليل يطفى انوار معينه ويشغل انوار بمكان ثاني ويشغل المكيف او يطفي وهكذا .. هذي تحتاج تكون انت فاهم بطريقة ضبطها

يعني السمارت هوم يبيلك تكون انت فاهم الموضوع كامل وكيف تتعامل معها لأنك مع الوقت بتغير اتمته بتضيف اشياء بتشيل امور معينه

اما اذا ما تعرف كيف تتعامل معها بعد التركيب خصوصا انك تقول الشغل لأخوك وهو ما يعرف فيها شيء في مشكلة بالاعدادات او الاتمته بيرجع يكلمك ..

بالعربي اذا تبي سمارت هوم وبتكلفة بسيطة .. لازم تكون ملم وعارف وش قاعد تسوي

اذا ما تعرف مالك الا الشركات المعروفة بشرط ان السعر يشمل الدعم يتوفر دايما في اي مشكلة او ضبط اعدادات او غيره