أستفسار عن قير صيانة قير CVT

[Takervip]

السلام عليكم

أفيدوني ياأهل التجارب عن صيانة قير CVT

ماهي المراكز المعروفة بتقديم أفضل جودة مع البرمجة

القطع والفلاتر انا راح أوفرها ماعدا الزيت

وكم تتراوح الاسعار

الموتر كورولا

 

 

[Akai Shu]

شوف مراكز فوكس عليها مدح واسعارهم معقولة

 

 

[mamlooh]

ما اتوقع يحتاج برمجة

و هذي مراكز تغير زيت قير

بترومين كير

فوكس

محركي

 

 

[Takervip]

mamlooh

ما اتوقع يحتاج برمجة

و هذي مراكز تغير زيت قير

بترومين كير

فوكس

محركي

يعطيك العافية
أفضل الفروع بالنسبة للدمام والخبر وين ؟

 

 

[Takervip]

Akai Shu

شوف مراكز فوكس عليها مدح واسعارهم معقولة

تسلم

 

 

[Hajime No Ippo]

كيف قير الcvt يا شباب من خلال تجاربك الشخصية او تجارب ناس تعرفونهم حق المعرفة وعندكم تفاصيل تجاربهم؟

 

 

[KNR666]

Hajime No Ippo

كيف قير الcvt يا شباب من خلال تجاربك الشخصية او تجارب ناس تعرفونهم حق المعرفة وعندكم تفاصيل تجاربهم؟

انا جربت cvt في سيارات هوندا

القير عملي جدا وموفر للوقود لكن تحتاج تغير زيته كل 40 الف وامورك طيبة لكن فيه ملاحظة ان صوته اعلى من قير التروس وهذا طبيعي لانه يعتبر بتعشيق مستمر

هذي تجربتي الشخصية لاكثر من ثلاث سنوات مع اني كنت متخوف من كلام الناس وللاسف كثير منهم يفتي من راسه ويكرر كلام غيره واغلبهم ماعنده سالفة

 

 

[m3gb]

Takervip

السلام عليكم

أفيدوني ياأهل التجارب عن صيانة قير CVT

ماهي المراكز المعروفة بتقديم أفضل جودة مع البرمجة

القطع والفلاتر انا راح أوفرها ماعدا الزيت

وكم تتراوح الاسعار

الموتر كورولا

سيارتي كورولا 16 اغيره في الشركه بحول ال 250
كل 50 الف وللان مغيره 5 مرات عندهم
مايغيرون فلتر والمهندس ماينصحني بهالشي

برا الاسعار اكثر من الشركه

 

 

[RsoM]

اللي اعرفه افضل قيور CVT هي حقت هوندا وتويوتا


تويوتا فيها ترس للقومه وهو اللي يحافظ عالقير ويعطيه تجاوب افضل والقير من شركة آيسن واتوقع هونداي تتعامل معهم بقير CVT بس

ما ادري الحين صارت تتعامل مع جاتكو ولا صارت تصنعها بنفسها اقصد هونداي

اما هوندا تصنعها بنفسها بمصانعها ويمدحون قير ال CVT حقهم


المشكله الى الان بنيسان صحيح انهم طوروه لكن هم مشكلتهم يبغون يوفرون والى الان يتعاملون مع

جاتكو الشركة اللي دايم يشتكون من قيرها ال CVT طوروه صح وحسنوا التبريد بس ماسووا زي تويوتا

مثلا ترس بالقومه علشان يحافظ عالقير ويعطي تجاوب افضل اما هوندا ما ادري كيف وضع القير لكن

يمدحونه كاعتماديه واتوقع كاستجابه مقارنه بنيسان

فا دامك بتاهذ كورولا لاتشيل هم ان شاء الله لكن برضو ال CVT بشكل عام يحتاج عنايه تغيير الزيت والفلتر بوقته وحاول ماتدعس كثير الا

اذا احتجت مثلا بتجاوز او بطلوع عقبات .. الخ يعني من الاخير لا تعامله كانه قير نمر لانه حساس اكثر منه واذا تبي اعتماديه اكبر وترتاح

من هالناحيه فيه عندك النترا ومازدا 6 قير 6 نمر

 

 

[Rojer997]

Hajime No Ippo

كيف قير الcvt يا شباب من خلال تجاربك الشخصية او تجارب ناس تعرفونهم حق المعرفة وعندكم تفاصيل تجاربهم؟

عندنا مواتر العماره 3 اكسنتات و اكورد وصني وانا معي التيما 17 وقبل اكسنت 15
عاد فيه المهتم في اللي نص ونص في اللي مابدل الزيت بحياته اغلبها فوق ممشى 150 الف
كلها بدون مشاكل .
قير عملي جدا اخف وقليل مشاكل .
شركات تتعب ابحاث وتطور سنين مو عبث

 

 

[Rojer997]

RsoM

اللي اعرفه افضل قيور CVT هي حقت هوندا وتويوتا


تويوتا فيها ترس للقومه وهو اللي يحافظ عالقير ويعطيه تجاوب افضل والقير من شركة آيسن واتوقع هونداي تتعامل معهم بقير CVT بس

ما ادري الحين صارت تتعامل مع جاتكو ولا صارت تصنعها بنفسها اقصد هونداي

اما هوندا تصنعها بنفسها بمصانعها ويمدحون قير ال CVT حقهم


المشكله الى الان بنيسان صحيح انهم طوروه لكن هم مشكلتهم يبغون يوفرون والى الان يتعاملون مع

جاتكو الشركة اللي دايم يشتكون من قيرها ال CVT طوروه صح وحسنوا التبريد بس ماسووا زي تويوتا

مثلا ترس بالقومه علشان يحافظ عالقير ويعطي تجاوب افضل اما هوندا ما ادري كيف وضع القير لكن

يمدحونه كاعتماديه واتوقع كاستجابه مقارنه بنيسان

فا دامك بتاهذ كورولا لاتشيل هم ان شاء الله لكن برضو ال CVT بشكل عام يحتاج عنايه تغيير الزيت والفلتر بوقته وحاول ماتدعس كثير الا

اذا احتجت مثلا بتجاوز او بطلوع عقبات .. الخ يعني من الاخير لا تعامله كانه قير نمر لانه حساس اكثر منه واذا تبي اعتماديه اكبر وترتاح

من هالناحيه فيه عندك النترا ومازدا 6 قير 6 نمر

تأكد من معلوماتك
قير التيما فيه تروس وجنزير غير الحزام المعدني



بداية اصدار القير كان فيه مشاكل الحراراة بسب مبرد القير

 

 

[RsoM]

Rojer997

تأكد من معلوماتك
قير التيما فيه تروس وجنزير غير الحزام المعدني



بداية اصدار القير كان فيه مشاكل الحراراة بسب مبرد القير

حسنوه من ناحية التبريد وبرضو عدلوا فيه


اما بخصوص التروس الموجوده هي مهي للقومه مثل حقت تويوتا هي لمساعدة الحزام المعدني ويخفف

الضغط عليه يعني مع القومه الحزام المعدني بيتحرك مع التروس المساعده اما تويوتا اتوقع ان الحزام

المعدني مايتم استخدامه الا بعد سرعة 60 وهنا بيكون فيه فرق كبير بالاستجابة وممكن بالاعتماديه

ولو تلاحظ بعض اللي جربوا سيارات نيسان الاخيره باليوتيوب ذكروا ان القير استجابته مو مثل بعض سيارات هوندا او تويوتا .. كلهم CVT طبعا

الكلام اللي فوق توقع مني فقط لان فيه ناس استكوا من تاخر التجاوب مع انه تحسن عن الجيل اللي قبله

وبرضو بعض الميكانيكيه يقولون وضبوا قيور نيسان حتى الموديلات الاخيره اللي عدلوا فيها الشركة من 19 وفوق

وللعلم ترا لا تويوتا ولا نيسان القير تبعهم لكن شركة آيسن اللي تتعامل معها تويوتا افضل من شركة جاتكو اللي تتعامل معها نيسان وقيور جاتكو ارخص من آيسن

 

 

[JuVe_7]

طبعًا بما انك بالدمام و الخبر ، نصيحتي لك رح حسن جميل صيانتهم كويسة و مضمونة ، و اسعارهم مع خصم الشركات مثل سابك و ارامكو مقبولة .

شغل اليد الحاله من دون قطع غيار ٣٥٦ مع فك الكارتير و استبدال فلتر القير ( و هذي ميزة ما يقدمها الوكيل المحلي يعطيه العافية ) ماني مقتنع بكلام ان الفلتر ما يتغير ، من اسمه فلتر مستحيل ما يتغير.

و اذا بتاخد كل شي من عندهم من قطع غيار و فلتر و شغل يد الاجمالي ٩٤٦ ريال بدون الخصم ، مع خصم الشركات ب ٧٩٥ و هذا شامل الزيت و الفلتر ووجه الكارتير و ال O ring حقت الفلتر. و طبعا حسن جميل يعطيك القطع القديمة تاكيدا للتغيير + بما ان ورشتهم صغيرة تقدر تشوفهم و هم يغيرونه ، و سلامتك.

 

 

[xis]

السي في تي ما يحتاج تغيير فلتر طول عمر السيارة ولا برمجة كمبيوتر .. الفلتر الورقي خاص بالزيت المتجه الى ثلاجة تبريد الزيت ولا حاجة للتغيير.

 

 

[saudiman]

السلام عليكم ورحمة الله وبركاته

اخواني لدي جيب نيسان باثفايندر 2008 ماشي 130000 ابي اعرف ايش نوع الجير بوكس حقه عادي نمر

ولا CVT الكاتلوج ما ذاكر شيء ولا عرفت كيف اجيبه

 

 

[karoome12]

انا عندي كورولا 2016 وقير cvt وماشي 180 الف حاليا و اغير زيت القير و فلتر القير و وجه الكارتير كل 50 الف عند ورشة متخصصه في القيور ، زيت تويوتا cvt بسعر 150 ريال و فلتر القير 170 ريال و وجه الكارتير 30 ريال و شغل يد المهندس 150 ريال

 

 

[منآآآحي قردآآحي]

Hajime No Ippo

كيف قير الcvt يا شباب من خلال تجاربك الشخصية او تجارب ناس تعرفونهم حق المعرفة وعندكم تفاصيل تجاربهم؟

ممتاز ماعليه
معي مكسيما 2016
ماشي 300 الف والحمد لله شغال زي الفل

تغيير الزيت كل 50 الف بالكثير
وامورك في السليم باذن الله