الحذر من التعامل مع WS1.com

[Anas Mh]

السلام عليكم
تم تجميع الشحنات وطلب الشحن من تاريخ 12/5/2020
تقريبا 24 يوم ..
لا يوجد لديهم ايميل للمراسلات والشات مغلق أو يفتحوه 10 دقايق ويقفل ولا تقدر تكملهم .. الهاتف لا يوجد أي رد
مئات الناس بتويتر تشتكي منهم


نصيحة: شوف لك شركة ثانية ولو تدفع دبل الشحن ولا تتعاملوا مع مثل هالشركات اللي حتى خدمة عملاء ماعندهم


صراحة كلمة فاشلين قليلة عليهم

 

 

[YASOORE]

انا اجمعت اغراض عندهم في 29/4 وكان تعاملهم في الشات سريع لكن عندهم بطىء في التسجيل و تجهيز الشحنه تاخذ يومين تقريبا

 

 

[RedHacK]

تكلمنا مراراً وتكراراً هذه الشركة فقدت مصداقيتها والثقة تمشي بالحظ ... وصلتني أغراض ليس لي ولا أعلم لمن تواصلت معهم لسبب ذلك ظلت الطلبات عندي فترة أكثر من أسبوع وتم طباعة ملصق استرجاع ... أنا تكرمت سلمتها لأقرب مكتب DHL وكان المفروض أن تكون استلام ... لكن الشركة بليدة وغير حريصة على مشتريات الناس باهيك عن المبالغ في قياس الاحجام

 

 

[MrPhotographer]

لي شحنة على عنوانهم، توصل بعد أسبوع
إن شاء الله تتيسر الأمور، حتى الشركات الأخرى
ليست بأفضل حالاً، ان تميزت في التجهيز كانت الأسعار مرتفعة.

 

 

[naif93]

هذي الشركة الله ياخذها ضيعت علي اغراض اول تجميعة لي بمبلغ فوق الالفين ريال بسبب ان بالغلط حطيت العنوان الثاني عنيزة اللي بقطر مو بالسعودية وراحت لعنيزة وتوها اول يوم تروح من عندهم مراسلهم واقولهم كنسلوها او غيرو وجهتها للملكة ولكن بلا فائدة قالو خلاص خرجت من مسؤليتنا وتواصل مع الشركة تواصلت مع الشركة يو بي اس وقاالو كلم اللي ارسلها واللي ارسلها يقول مالي دخل وحاولت بكل الوسائل ماقدرت وضاعت للأسف

 

 

[Anas Mh]

يا رجل انا حتى شحن ما شحنوها واعطوني رقم تتبع من 24 يوم تقريبا!!
ولا يوجد أي وسيلة تواصل ولا رد
لا تويتر
لا ايميل
لا شات
لا اتصال هاتفي
نصيحة للناس انتبهوا واتركوهم للأبد

 

 

[ابو نجود]

الله يستر.. لي طلبية ارسلتها لهم.. جهاز كمبيوتر محمول

 

 

[TechTurky]

سبق وقمت بالتنبيه عنهم هنـــا منذُ ست سنوات تقريباً
الشركة تعاني من فوضى داخلية ولعدم وجود رادع لها من الحكومات أستمرت الفوضى

 

 

[safe14]

ياهذي المصيبة عندي تجميعة 5 الاف ريال

 

 

[ابو نجود]

لنتفاءل خيرا.. فالاوضاع سيئة لدى اغلب الشركات بسبب كورونا والاحتجاجات في امريكا

 

 

[MrFlanSA]

وعليكم السلام

راح أذكر لك تجربتي معهم يمكن تفيدك
بالنسبة لطرق التواصل معهم شغالة بأفضل صورة

أفضل شي تتواصل معهم عالتشات ، خدمة العملاء باللغة الإنجليزية يداومون من 8 إلى 5 بتوقيت امريكا من الأثنين إلى الجمعة ، وحتى باللغة العربية جيدين لكن ما ادري متى يداومون

وهذا إيميلهم: [email protected]


الموقع لي معه 3 تجارب ، جيد إلى حد ما لكن يعيبهم شيئين
الأول أسعار الشحن مرتفعة جداً وهذا أكبر سبب يخليني أبحث عن بديل لهم
والعيب الثاني البطئ الشديد في تسجيل الشحنات الجديدة

يعني إذا وصلتهم الشحنة من أمازون ياخذون 3 أيام على ما تظهر لك أنها Under Process ، بعدين بتشوفها في Under Process لمدة 3 أيام آخرى ، وطبعا كعادتهم راح يكتبون سعر المنتج غلط ف تطلب تعديل للسعر وهذي تاخذ 3 أيام زيادة ،

يعني الشحنة الواحدة تاخذ 9 أيام ، يمكن هالشي بسبب كورونا وضغط الشحنات لأن قبل ما كنت أواجه هذي المشكلة ، ولو أي إجراء من هذي الإجراءات أخذت أكثر من 72 ساعة كلمهم عالتشات يضيفونها لأنهم مرات يفوتون مع الضغط

وعدم وضع السعر الصحيح للمنتج هذي من العيوب وكثير عملاء ما يعدلون السعر ، ولو صار شي للبضاعة خلال الشحن راح يعتمدون السعر اللي هم أضافوه بموقعهم لذلك تأكد من سعر كل منتج أول ما يوصلهم

 

 

[عبد الكريمم]

هذا كله بسبب ان فيه يوتيوبر يسوي اعلان مدفوع ويمدح ويعدد بالمميزات الي ما تشوفها اصلاً وبالنهاية انت الي تاكلها..

استغرب من بعض الاشخاص البخلاء يشتري غرض ب5 و7 الاف وما يقدر يشتري بريد امريكي مضمون وتقاييمه عالية..

شخصياً استخدم Shop & Ship من افضل ان لم يكون الافضل في الخدمات البريدية الخارجية..

شركة زي كذا ما تبي تخسر سمعتها وخصيصاً انها تابعة لـAramex ..

لكن شركة زي WS1 الي حتى انا تضررت منها قبل 4 سنوات رغم ان كل الناس يحذرون منها لكن محد يستوعب فـ يستاهل علشان ما يبخل على نفسه وهي بالنهاية كم دولار..

 

 

[ابو نجود]

انا عندي شوب اند شيب.. ولا ادري ليه اخترتها.. وعسى بالامر خيرة

 

 

[ابو نجود]

مع العلم ان الشحن على عنوان شوب اند شبب فيه ضريبة 125 دولار

 

 

[CalmNoise]

شخصيًا اشوف الوقت ثمين
ماعندي مشكلة أدفع زيادة حتى يجيني طلبي أسرع



حتى اكون دقيق ، أكره فكرة اني اطلب طلبية ويكون كل شيء مجهول مو عارف ايش صاير ولا متى المفروض يصير
واقعد على اعصابي مترقب تحرك الشحنة,, على ايش


بالرغم ان سبق جمعت شحناتي كثير بس دائمًا ابحث عن امكانية الشحن المباشر من اي متجر خارج السعودية
حتى لو الوقت اطول او الشحن اغلى قليلًا وجدت التعامل بشكل مباشر كمحصلة بيوصلك بوقت اقل وكسعر حتى لو كان اغلى تكون مرتاح خصوصأ لو الموقع نفسه معروف وموثوق مثل امازون لأن مثل هذي المواقع هي نفسها الي بتتعامل وتساعدك حتى لو الخلل من الشحن

 

 

[Lonelyking]

أنا وصلت اغراضي من امازون من امس واليوم والى حد الآن ما تم تسجيل استلام اياً منها ..

الله يستر فعلاً صرت متخوف اتعامل معهم واللي مضايقني ما فيه وسيلة تواصل معهم

اذا تعرفون شركة شحن ممتازه اذكروها لنا يا اخوان

 

 

[المتحري]

انا عميل عندهم تقريبا من ٢٠١٠-٢٠١١

الشركه ما لاحظت عليها مشاكل الى الفتره الاخيره مع كارونا والاحتحاجات

تسجيل الشحنات يجلس ٤-٥ ايام وهذي مشكله كبيره

تواصلت معهم وشكل ماعندهم حل

مع اني احب تعامل الشركه في فترات سابقه بس احس خلاص حان الوقت لشد الرحال لشركه ثانيه

 

 

[Talal4Ever]

انا وغيري من الناس تعبنا واحنا نحذر من هذي الشركة ومع كذا فيه ناس مخها فيه مشكلة ومو راضية تفهم وتتعامل مع هذي الشركة ! , وما يتوب الين تصير له مصيبة عشان يفهم

 

 

[ابو نجود]

انا احرص دائما على شراء السلع التي تشحن مباشرة للمملكة.. واوقفت التعامل مع هذه الشركات منذ اكثر من سنتين الا للضرورة القصوى.. ومنها طلبيتي الاخيرة.. شراء كمبيوتر محمول من بائع في ايباي لايوفر الشحن خارج امريكا

 

 

[MrFlanSA]

Lonelyking

أنا وصلت اغراضي من امازون من امس واليوم والى حد الآن ما تم تسجيل استلام اياً منها ..

الله يستر فعلاً صرت متخوف اتعامل معهم واللي مضايقني ما فيه وسيلة تواصل معهم

اذا تعرفون شركة شحن ممتازه اذكروها لنا يا اخوان

لا تخاف يا عزيزي
من يوم بدت كورونا وأنا اشحن عندهم جمعت عندهم 23 شحنة وبعضها منتجات غالية (أخذت 55 يوم من أول شحنة إلى آخر شحنة بسبب أني كل شوي أتذكر حاجة واشتريها)

واللي صار مع كل الشحنات أنها توصل لكن ما تظهر لك أنها وصلت لهم يعني Under process إلا بعد ثلاثة أيام من وصولها (بسبب الضغط) ف إذا طلع لك من الموقع اللي شريت منه أنه تم التوصيل تطمن ، إذا أخذت 3 أيام وما ظهرت لك في WS1 تواصل معهم تشات إذا قلت لهم "أكثر من ثلاثة أيام" يتفاعلون معك

وبعدها تاخذ 3 ايام إضافية وهي Under process

حاس بشعورك أنها حرق أعصاب ما تدري وش صار لأغراضك ، لكن هذا اللي صار لي مع 23 شحنة تبلد احساسي

المظاهرات اللي بإمريكا جابت لي المغص وأنا خايف على عفشي لكن الحمدلله شحنتي وصلت دبي متوقع توصل للرياض خلال يومين بإذن الله ويارب أنها سليمة

وعؤبال عندك يارب