مـعـلـومـات مـهـمـة تـتـعـلّـق بـتـغـطـيـة الألـيـاف الـبـصـريـة
banner
2015-05-15 , 12:40 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
السلام عليكم


أي شخص يبغى ينقل الموضوع إلى منتدى آخر، ما فيه أية مشكلة بشرط انه يذكر المصدر مع رابط الموضوع الأصلي.




الكثير منكم ما يعرف كيف أشكال وأنواع الكباين وكيف يعرف ان الخدمة راح تتوفر لي.


علشان كذا، قررت إنشاء موضوع خاص يحتوي على شرح كامل لجميع أنواع وأشكال جميع الكباين الي رصدتها من جميع الشركات المسؤولة لتزويد الخدمة.

وأيضاً يحتوي على كيفية معرفة الشركة الي راح تزود لك الخدمة.



في البداية راح أبدأ بأنواع وأشكال الكباين مع الصور …….

# وهذي صور لأشكال كباين الألياف من كل الشركات مع شرح لنوع كل الكبينة.


نبدأ بكباين الألياف التابعة لشركة الإتصالات STC :-

قبل ما أنزل الصور، لازم تعرفون معلومة مهمة الي هو ان جميع كباين ألياف الإتصالات مشتركة في شي واحد الي هو الحروف الثلاثة FTTH أو FDT ، إذا ما حصلت هذي الحروف، راح تعرف شكلها من خلال الصور؛ لأن أحياناً يركبون الكبينة وتكون جديدة قبل ما يكتبون عليها الأرقام والرموز الإنجليزية.

كباين ألياف الإتصالات تنقسم إلى نوعين فقط :

Image
هذا النوع الأول لكبينة الألياف تبع الإتصالات من الحجم العادي، وهي أكثر نوع تستخدمه الشركة في الوقت الحالي.

Image
هذا النوع الثاني لكبينة الألياف تبع الإتصالات من الحجم الصغير، الفرق عن الحجم العادي انه تأخذ عدد أقل من الخطوط المشتركة فيها، بينما الحجم العادي تأخذ عدد أكثر من الخطوط مقارنة بالحجم الصغير.

أكيد راح يسأل البعض : ليش الإتصالات تستخدمها طالما انها تأخذ عدد أقل من الخطوط ؟

لسببين :-

الأول : في بداية مشروعها لتزويد الخدمة، ما كانت عندها النوع الأول، علشان كذا كانت تستخدم فقط النوع الثاني وبكثرة، لكن بعد ما توفر عندها النوع الأول، بدأوا بتقليل استخدامهم للنوع الثاني.

(قبل ما أكتب السبب الثاني، في البداية ما كنت مقتنع فيها، لكن بعد جولاتي الميدانية من رصد 1045 كبينة ألياف واستكشاف الأحياء الي تم تزويدها الخدمة والي ما وصلت لها الخدمة، لاحظت انه أحياناً يكون غصب على الشركات انها تستخدم السبب الثاني)

الثاني : علشان ما يكون فيه تعارض وتصادم بين أنابيب الكهرباء والماء مع أنابيب الألياف البصرية.

مثال واقع حصل لي : أنا رصدت كبينة من النوع الثاني، بعد شهر ونص، رصدت كبينة جديدة - ما مر عليها أسبوع من تركيبه - من النوع الأول تبعد عن الكبينة الي رصدتها قبل شهر ونص أقل من كيلومتر !!!!!
أنا استغربت وقتها؛ لأن كنت أقول بيني وبين نفسي [ ليش ما استخدموا كبينة وحده فقط بدال ما يستخدمون كبينتين المسافة بيناتهم قليلة ؟ ]
لكن مع استمراري لرصد الكباين في أحياء جديدة ما زرتها من قبل، تذكرت الكبينتين الي رصدتها بحي الربوة وعرفت السبب.


نرجع لأشكال الكباين، مثل ما قلت لكم ان كباين ألياف الإتصالات تحتوي على نوعين فقط، كان من المفترض اني أنتقل لموبايلي، لكن ومع حصول شركة STC على النوع الأول من الكبينة وكثرت استخدامهم لها والتقليل من الإستخدام للنوع الثاني من الكبينة، بدأت الشركة بإستخدام تلك النوعين بأكثر من أسلوب لتوفر الخدمة على الأماكن ذو الكثافة السكانية العالية؛ نظراً لعدم استخدامها أية كبينة من الحجم الكبير على نقيض موبايلي والإتصالات المتكاملة، مثل هذي الصور الي راح أنزلها لكم.

Image
هذي كبينتين جنب بعض كلها من النوع الأول تبع الإتصالات صورها أحد الأعضاء قبل 4 أشهر بحي طويق في مخطط الموسى الجديد ( بالرياض ) ، لاحظوا ان كلها من نفس النوع، لكنهم ضاعفوا بعددها علشان تغطي عدد من المباني السكنية الي راح تكون كثافتها عالية في المستقبل كون ان المخطط جديد.

Image
هذي أذكر الكبينة زين، مكانها بحي الربوة ( بالرياض ) في المربع الي فيها جامع الربع، كانت كبينة ألياف وحده الي على اليمين رصدتها قبل 7 أشهر جنب كبينة DSL القديمة ، لكن يوم رجعت لها قبل 3 شهور علشان أصورها، لاحظت الكبينة الجديدة الي على اليسار من النوع الثاني، لاحظوا نفس الأرقام في كل الكبينتين؛ علشان تغطي على المباني السكنية الي ما وصلت لها الخدمة بنفس المربع، أيضاً لاحظوا انها ما استخدمت كبينة من النوع الأول؛ لأن عدد الخطوط الي ما وصلت لها الخدمة كافية لتركيب الكبينة من النوع الثاني عكس الي بالصورة الي قبلها، هي مو جنب بعض بالضبط لكنها كافية لتزويد الخدمة في المربع.

Image
هذي كبينتين جنب بعض بحي اشبيلية في الرياض، لاحظوا فيه اختلاف بالنوع لكن ما يفصل بينها شي، مثل الصورة السابقة، وفي الحقيقة حصلت الكثير من هذي الصورة، لكن السبب مختلف عن الكبينتين الي بالصورة السابقة، كانت الإتصالات في بداياتها تستخدم الكبينة من النوع الثاني مثل ما قلت لكم، وكان حي اشبيلية من أوائل الأحياء الي تم تزويد لها الخدمة بالرياض، لكن مع مرور الزمن وكثرت الكثافة السكانية وبدء استخدام الشركة للنوع الأول من الكبينة، اضطرت الشركة ان تركب نسخة أخرى للكبينة علشان توفر الخدمة لباقي المباني السكنية القريبة من كبينة النوع الثاني، يعني في البداية ركبوا الكبينة الي على اليمين، ثم ركبت الكبينة الي على اليسار.

وأحياناً أحصل كبينتين جنب بعض من النوع الثاني، لكن للأسف مو متوفرة حالياً صورة لها.



إذاً من هنا قضينا من كباين الألياف تبع الإتصالات، نبدأ الآن بالإتصالات المتكاملة.

من خلال جولاتي الميدانية، ما حصلت أي كبينة تبع الإتصالات المتكاملة إلا كبينة وحده فقط ومن نوع واحد، في الرياض بحي الملك فهد (وبالتحديد في المربع الي ورا صحارى مول) ، غيرها ما حصلت ! ، وهذي صورتها :

Image
لاحظوا حجمها كبير، ميزتها انها تأخذ عدد أكبر من الخطوط مقارنة بكباين ألياف الإتصالات من كل أنواعها.



وخلصنا من الإتصالات المتكاملة، نبدأ الآن بموبايلي.

موبايلي ما عندهم إلا نوعين من الكباين، راح تشوفونها بالصور:-

Image
هذا هو النوع الأول من كباين ألياف موبايلي، أيضاً حجمها كبير مثل الإتصالات المتكاملة، ما بدأت بإستخدامه إلا مؤخراً، من سنه إلى سنه ونص، ميزتها مثل الإتصالات المتكاملة انها تأخذ عدد أكبر من الخطوط مقارنة بكباين ألياف الإتصالات بكل أنواعها.

Image
هذا هو النوع الثاني من كباين ألياف موبايلي، حجمها عادي، وهي أول ما بدأت موبايلي بإستخدامها قبل النوع الأول، لكن في الفترة الأخيرة بدأت تقل في استخدامها إلى درجة ان الشركة اضطرت انها تركب قاعدة الكبينة جنب الكبينة من النوع الثاني مثل ما هو مشار إليه بالسهم الأحمر، لكن مو كل الكباين من هذا النوع، من بعضها، لكنهم يتأخرون في تركيب الكبينة.

ما فيه إلا هذا النوعين من كباين ألياف موبايلي، طبعاً أنا حصلت كبينتين جنب بعض من النوع الثاني في مناطق مختلفة من الرياض، لكن للأسف ما عندي أي صورة أنرلها علشان تعرفون شكلها، لكن إن شاء الله اني وضحت لكم الفكرة قبل شوي.




الحين أنا خلصت من عرض الصور لأشكال وأنواع كباين الألياف، قبل ما أنتقل إلى الموضوع الآخر، لازم تكون عندكم معلومة ان الإتصالات هي الوحيده الي عندها صنفين من الكباين، الصنف الأول تبع DSL ، والصنف الثاني تبع الألياف، أما موبايلي والإتصالات المتكاملة، فما عندها إلا صنف واحد فقط الي هي تبع الألياف.






# الحين أشرح لكم طريقة معرفة إذا كانت الخدمة تتوفر لك أو لا، ومن أي شركة.


أول ما تبدأ أي شركة في تزويد خدمة الألياف البصرية، تبدأ بالحفريات، مرفقة باللوحة الي محتواها سبب الحفريات والشركة المسؤولة عنها وصورة من العقد مع إحدى الجهات الحكومية (ما يحظرني حالياً اسم الجهة)، مثل هذي الصورة :-

Image
هذي صورة للوحة تبع حدى الحفريات صورتها بنفسي قبل 5 أشهر بحي المروج في الرياض، طبعاً مو مكتوب ولا جملة ألياف بصرية، لكن في الفترة الأخيرة يكتبون، وإذا ما حصلت جملة الألياف البصرية، فما يحتاج تفكر طالما ان شعار أحد الشركات الثلاث [ الإتصالات - موبايلي - الإتصالات المتكاملة ] موجودة باللوحة.

Image
هذي صورة للوحة حدى الحفريات صورها أحد الأعضاء وموجودة حالياً بحي العزيزية في الرياض، من أول ما بديت بمعرفة الألياف - بشكل عام - كنت أعتقد ان هذي اللوحة مو تبع الألياف البصرية تبع الإنترنت علشان حرف X الأخير، لكن من خلال جولاتي الميدانية، صادفت الكثير من اللوحات مثل هذي بالضبط، بالتفكير انه فيه فرق بين الحرف X والحرف H الأخيرة، طالما ان شعار STC موجودة، فطبيعي انه راح تكون للألياف البصرية تبع الإنترنت؛ لأن مستحيل STC تشتغل شغله غير الإتصالات فضلاً عن تسميتها بالإتصالات، لذلك، لا تشيلون هم تفكرون انها تبع انترنت الألياف أو لا.

Image
( صغرت حجمها علشان تظهر اللوحة بشكل أوضح؛ لأنها كانت بعيدة من تصوير أحد الأعضاء بحي النسيم الغربي في الرياض )

في الفترة الأخيرة بدأت هذي اللوحة تنتشر أمام كل حفرية، وكثير من الأعضاء يستفسرون هذي تبع أي شركة، فالكل يقول ان هذي تبع الإتصالات والثاني يرد يقول لا هذي تبع موبايلي والثالث يرد يقول لا هذي تبع الإتصالات المتكاملة، ما أستغرب ان تكون فيه كثير من الإستفسارات عن هذي اللوحة وما أستغرب أيضاً ان ما يكون فيه جواب واضح؛ لأن ظهور هذي اللوحة غريب فعلاً، والأغرب من هذا انها بدأت تنتشر بشكل يعتقد الكل انها شركة جديدة رابعة تنافس الشركات الثلاث المعروفة، من خلال جولاتي الميدانية، أقدر أقول ان هذي الشركة مالها أي علاقة مع أحد الشركات الثلاث فضلاً عن أنها ليست الشركة رقم 4 كما يعتقد الكل، هي شركة مستقرة لوحدها تتعاقد معها في الفترة الأخيرة بكثره جميع الشركات الثلاثة المسؤولة بتزويد خدمة الألياف [ الإتصالات - موبايلي - الإتصالات المتكاملة ] لأن عندها كل معدات الألياف الي يؤهل انها تنشأ حفريات الألياف البصرية بتعاقد مع إحدى الشركات الثلاثة.
طيب كيف تعرف الشركة المسؤولة ؟
الجواب بسيط جداً، في أيام العمل بالنهار، إذا حصلتهم يشتغلون بالحفريات، راح تحصل المسؤول عن الحفريات، انزل له واسأله وراح يعلمك انها تبع أحد الشركات الثلاث.



من هنا خلصنا شرح اللوحات الموجودة أمام كل حفرية ألياف بصرية، راح ننتقل إلى نتيجة أعمال الحفريات الي يسوونها.






# الحين أشرح لكم بالصور وش الي راح يصير على المباني السكنية بعد ما تنتهي الحفريات.

في بداية الحفريات، يحفرون على المباني السكنية بأنواعها على شكل مخطط هندسي على كل مبنى سكني يتم حفره تحت الأرض من أجل تركيب أنابيب الألياف الي راح ترتبط من المباني السكنية إلى كباين الألياف الي شرحته لكم في البداية الموضوع، للأسف ما عندي أي صورة لأنابيب الألياف الي تحت الأرض، لكن عندي صور للأنابيب الي يركبونها على المباني السكنية، وهذي هي الصور :-

Image
Image
في البداية راح يكون طريقة تركيبهم مثل هذي الصور.

لكن فيه نقطة مهمة : مو شرط ان اختلاف ألوان الأنابيب انها ترجع لشركة محدده، لا تفكرون بهذي الطريقة أبداً؛ لأن كل الشركات تستخدم نفس النوعية من الأنابيب، أيضاً لاحظوا انها بجنب أنابيب الهاتف الأرضي المرتبطة بكبينة الـ DSL ، هذا أكبر دليل انها تبع الألياف البصرية.


علشان تعرف اسم الشركة وما حصل لك وقت انك تسأل المسؤول عن الحفريات الي كانوا يشتغلون عليها أو ما حصل لك وقت انك تقرى لوحة الحفريات قبل ما ينتهون من الحفريات، فيه طريقتين انك تعرف اسم الشركة التابعة للأنابيب الي مثل هذي الصورة.

الطريقة الأولى والأسهل : انك تنتظر فترة غير معروفة إلى ان الشركة تركب مثبت الأنابيب مع اللوحة المعدنية ( الحديده ) الي مكتوب عليها اسم الشركة إضافة إلى أرقام ورموز ترجع إلى مكان الكبينة الي راح يركبونها - بشرط انهم ما فعلوها وقت ما تشوفها سواءً ركبوا البوكسية أو لا - مثل هذي الصور :-

Image
هذي الصورة صورتها بحي النسيم الغربي في الرياض، وبالتحديد على جدار قصر الحمودي، كنت أبغى أعرف وقتها إن خدمة الألياف تم تزويدها للقصر فقط دون غيره، لكن من خلال الصوره هذي والصورة الي بعدها راح تكون مرتبطة بهذي الصورة.

مثل ما هو مكتوب على الصورة [ ركزوا على هذي ] ، المكان الي قصدته انه يحتاج إلى تركيز هو الي حددته من جميع الإتجاهات باللون الأزرق؛ علشان ما تتلخبطون مع البوكسيتين الي على اليمين، لأنها تبع الـ DSL ومالها علاقة بالألياف، حتى إذا كانت شكل آخر بوكسية الي على اليمين بالصورة مثل بوكسيات الألياف، لأن الإتصالات في الفترة الأخيرة بدأت تستخدم آخر بوكسية على اليمين في الـ DSL على العماير السكنية والقصور إذا كانت البوكسية القديمة خربانه ومحتاجه إلى تغيير.
أيضاً، ركزوا على الي مكتوب بالصورة [ اللوحة المعدنية ]، أنا حددت مكانها علشان أوضح لكم انها اللوحة المعدنية المرتبطة مع مثبت أنابيب الألياف، وراح تشوفون صورة للوحة المعدنية بالصورة الثانية.

Image
ولا زلنا مع قصر الحمودي، هذي اللوحة المعدنية المرتبطة بالمكان الي طلبت منكم تركيزها في الصورة الي قبلها.

لاحظوا اني رسمت حدود على جزئين بالصورة : -

الأولى : حدودها باللون الأخضر، ومعناه اسم الشركة، مثل ما قريتوا اسم الشركة الي هي STC ، هذا يعني ان الأنابيب الزرقاء بالصورة السابقة ترجع للإتصالات،

الثانية : حدودها باللوح الأحمر، ومعناه رقم ( أو رمز ) الكبينة الي مرتبطة فيها الأنابيب الزرق بالصورة السابقة، هذا يعني ان الكبينة الي راح يركبونها تتكون من هذا الرقم أو الرمز.

أيضاً لاحظوا اني حطيت على جملة “راح يركبونها” خط تحتها؛ لأني بعد ما صورت الصورتين الي شفتوها، درت على الحارة الي وراه، ولاحظت على بعض البيوت على جدرانها نفس الصورتين بالضبط، أيضاً ما حصلت ولا كبينة ألياف بالحارة الي وراها، هذا أكبر دليل على ان قصر الحمودي لم يتم تزويدهم خدمة الألياف البصرية حتى الآن.

في دليلين أيضاً على عدم توفر الخدمة بالقصر، قريت اللوحة المعدنية الأخرى بالصورة الي فيها أنابيب زرق ومثبتها، مكتوب عليها أرقام نفس الأرقام في صورة اللوحة المعدنية بدون أي رمز FTTH .

والدليل الأخير : بالتفكير في احتكار الإتصالات على توفير الخدمة في القصر بعد طلب الشيخ الحمودي ( للأسف ما أعرف إسمه الأول ) خدمة الألياف، فيه تجار أغنى منه وما وصلت لهم خدمة الألياف من أي شركة، وأولهم الشيخ سليمان الراجحي، شفت بيته الي بحي الصفا جنب جامع الراجحي القديم في الرياض، لاحظت ان خدمة الألياف ما توفرت لهم إلى الآن، وفيه مثبت أنابيب الألياف لونها أسود مع اللوحة المعدنية عرفت انها ترجع لموبايلي من خلال البيوت الي حولها، هذا الكلام من 6 شهور وإلى يومكم ما وفرت موبايلي خدمة الألياف، هذا وهو الشيخ سليمان الراجحي، فما بالك بالشيخ الحمودي !

انتهينا من الإتصالات، الحين راح أنزل لكم صور لموبايلي والإتصالات المتكاملة.

Image
Image
هذي صور بحي الروابي في الرياض، وبالتحديد أحد العماير السكنية على شارع العدل.

مثل ما هو واضح بالصورتين انها ترجع لموبايلي.

إذا فهمت معنى الصورتين تبع الإتصالات الي على قصر الحمودي، فراح تفهم هذي الصورتين بدون ما أعيد الشرح؛ لأني راح أتكلم كثير بالخطوة الثانية.

Image
Image
هذي صورة بحي الروابي على بيت قدام مدارس البيارق الأهلية.

مثل ما هو واضح بالصورتين انها ترجع للإتصالات المتكاملة




الطريقة الثانية : قبل ما أبدأ أبقول لكم الصراحة الي ما كان ودي أقول لكم انها أصعب من الأولى، لكن فعلاً صعبة؛ لأني واجهت صعوبتها، لكن الحمدلله، انه فك أزمات كثيرة، خصوصاً مع الخريطة هذي :

https://www.google.co.uk/maps/d/viewer?mid=zY7B...
^^^^^
هذي خريطة افتراضية لأحياء الرياض، المهم ان كل لون لها معنى، لاحظرا اني ضللت على حي النسيم الغربي كله باللون البرتقالي، وعلى أجزاء من حي الروابي أيضاً بنفس اللون، وفيه أماكن بالأحياء لازم أضللها بنفس اللون.

الفكرة الي راح أوصل لكم ان هذي الطريقة هي الي ساعدتني فعلاً على تحديد مصير الأحياء الي ما وصلت لها الخدمة، أوفر وقت من اني أتبع الطريقة الأولى، خصوصاً إذا كان الحي بعيد عنّي وما أقدر أوصل له بسهولة.


نرجع لشرح الطريقة ( أول ما تبدأ، لازم تنزل من السيارة علشان تحتاج لتركيز أكثر إذا مشيت )

راح تلاحظ أمام الأنابيب أثر ازفلت جديد متصل مع المباني السكنية المجاورة، للأسف ما عندي صورة لأثر الإزفلت، لكنها واضحه جداً، امشي ورا أثر الإزفلت الجديد، راح تحصل فتحت الصرف الصحي عليها إسم وشعار الشركة الي ركبت الأنابيب، وهذي صور من فتحات الصرف الصحي :

Image
Image
Image
مثل ما هو واضح بالصور، كل وحده منها مكتوب إسم الشركة المسؤولة عن تزويد خدمة الألياف البصرية.


لكن في الفترة الأخيرة، حصلت ثلاث أمور مع كل الشركات.

الأمر الأول : موبايلي عقدت مؤخراً مع شركة إسمها بيانات بأن تتكفل شركة بيانات بعمل حفريات لصالح موبايلي بشرط أن تكون شعار فتحة الصرف الصحي شعار الشركة الي أنشأته الي هي بيانات، طبعاً موبايلي وافقت على هذا الشرط؛ لأن تكاليف الحفريات عالية، فمن أجل التخفيف على التكاليف على عاتق موبايلي، تعاقدت مع شركة أخرى لتقوم هذي المهمة، وهذي صورة لفتحة الصرف الصحي التابعة لشركة موبايلي تحت شعار وإسم شركة بيانات :

Image


الأمر الثاني : في ظل عقد موبايلي مع شركة بيانات، حصل عقد ثلاثي بين ثلاث شركات الي هي موبايلي والإتصالات المتاكملة وبيانات، بأن تتكفل شركة بيانات بعمل حفريات لصالح الشركتين [ موبايلي - الإتصالات المتكاملة ] ، لكن بشرط مختلف وغريب جداً عن الأمر الأول، ان تكون هنا ثلاث شعارات على فتحة الصرف الصحي ترجع إلى الشركات الثلاث المعاقدة ! ، وهذي صورة لفتحة الصرف الصحي التابعة لشركة موبايلي والإتصالات المتكاملة من تنفيذ شركة بيانات :

Image
هذي الصورة من تصوير أحد الأعضاء.

الأمر الثالث : وهو أهم أمر؛ لأن في الفترة الأخيرة بدأت بكثرة من الإتصالات وموبايلي، وهذا سبب كثير من الإشكالات من الأعضاء إلى درجة انها من أهم أسباب تأخر الشركات في تزويد خدمة الألياف، الأمر مثل ما تشوفونه بالصورة :

Image
هذي صورة بحي النسيم الغربي في الرياض ( راجع رد الرابط أدناه ) :

http://www.adslgate.com/dsl/showpost.php?p=1076...

مثل ما هو واضح في الصورة، ركزوا على الكبينة لي حددتها باللون الي ما أدري وش اسمه !

هذي بوكسية ألياف لم تتم تفعيلها، والمضحك أيضاً إني ما حصلت اللوحة المعدنية التابعة لها؛ لأن اللوحة المعدنية الي بالصورة تبع بوكسية الـ DSL الي جنبها والي ما حددتها !
أيضاً لاحظوا الأنابيب الي لونها سوداء مو مرتبطة مع البوكسية، هذا دليل آخر على ان البوكسية ما تفعلت !

في هذي الحالة، كل الي عليك انك تطبق الطريقة الثانية، وفعلاً عن نفسي طبقتها وحصلت فتحة الصرف الصحي، واكتشفت انها مثل هذي الصورة :

Image
أقرب تفسير في هذه الحالة، ان STC من قبل بدأت بحفريات على العمارة السكنية علشان تربط أنابيب الألياف من تحت الأرض، وركبت بوكسية الألياف من دون ما تفعلها؛ لأنها ما ركبت الكبينة إلى الآن !



Image
هذي بوكسية ألياف موبايلي من تصوير أحد الأعضاء في إحدى أحياء الرياض.

الموضوع ما اقتصر على الإتصالات فقط، موبايلي أيضاً نفس الحالة !!!





من هنا، أكون انتهيت من الموضوع، حالياً هذا كل الي عندي حالياً، راح يكون الموضوع مستمر التحديث إذا كانت عندي صور ومعلومات جديدة مرتبطة فيها.



أعتذر منكم على الإطالة، وأشكركم على قراءتكم للموضوع، وان شاء الله انكم استفدتوا الكثير.
Enlarged Image
2015-05-15 , 12:40 مساءً
2015-05-15 , 12:55 مساءً
xMAA_KSAx’s Avatar
xMAA_KSAx

بارز

المشاركات:1746
التسجيل:Nov 2011
xMAA_KSAx
شكرا اخوي عالموضوع ، صدق افدتني لكن بس بسألك لو عندك علم الحين موبايلي حفروا جنب حارتنا يعني مو شارعنا لا الي وراه هل ممكن يوصل الالياف ؟ وغير كذا لو وصل هل الياف موبايلي كويسه
2015-05-15 , 12:55 مساءً
2015-05-15 , 01:08 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
xMAA_KSAx كتب:
شكرا اخوي عالموضوع ، صدق افدتني لكن بس بسألك لو عندك علم الحين موبايلي حفروا جنب حارتنا يعني مو شارعنا لا الي وراه هل ممكن يوصل الالياف ؟ وغير كذا لو وصل هل الياف موبايلي كويسه


العفو

بخصوص ألياف موبايلي، عن نفسي إلى يومك ما وصلت لي خدمة الألياف من أي شركة !
لذلك ما أقدر أفيدك عن ألياف موبايلي إذا كانت كويسه أو لا.


وبخصوص استفسارك الأول، موضوع ان الخدمة راح تتوفر بعد الحفريات، هذا أصعب سؤال واجهته وما لقيت له جواب؛ لأن كل الشركات إذا بدأت بحفريات الألياف البصرية، يفرح سكان الحارة بأنهم راح توفر لهم الخدمة، لكن إذا خلصت من الحفريات، تختفي فجأة لمدة طويلة توصل إلى السنة !!


شفت الأنابيب لحالها الي أنا نزلتها بالموضوع ؟

هذي تبع موبايلي في المربع الي أنا ساكن فيه، صورتها من 7 شهور بالميلادي وإلى الآن ما وفرت الشركة خدمة الألياف إلى يومك !!


كل هذا سببها عدم الرقابة من هيئة الإتصالات للأسف الشديد !!!!
2015-05-15 , 01:08 مساءً
2015-05-15 , 02:51 مساءً
BLACK-WOOLF’s Avatar
BLACK-WOOLF

نشيط

المشاركات:833
التسجيل:May 2011
BLACK-WOOLF
يعطيك العافيه .. انا فاهم كيف يتم تمديد الالياف البصريه بس فيه شيء عقدني ماعرفت وشو !!

انا لاحظت عندنا بحائل stc تحفر في الشوارع الرئيسيه مسار طوويل من أول الشارع الى اخره لتمديد كيابل الياف .. بس بدون توصيلها للمنازل .. مع وجود المين هوول او ( فتحة الصرف الصحي ) مجمع الاسلاك زي هذا

Image

Image

Image



ولا حظت بعض الاحيان يكون التمديد لمدرسه او شركه او عماره بدون المنازل !

انا قلت يمكن فقط بنيه تحتيه أو تجديد أسلاك أو تمديدات لبرج بس ما اتوقع لأن التمديد مايوقف عند برج

واذا سألت العمال يقولون الياف بصريه !!
2015-05-15 , 02:51 مساءً
2015-05-15 , 04:15 مساءً
PS3 4 Sale’s Avatar
PS3 4 Sale

متميز

المشاركات:7922
التسجيل:Jul 2009
PS3 4 Sale
شركة بيانات تملكها موبايلي
2015-05-15 , 04:15 مساءً
2015-05-15 , 05:33 مساءً
الحربي السهلي’s Avatar
الحربي السهلي

مشارك

المشاركات:465
التسجيل:Jul 2013
الحربي السهلي
اخوي فيه الرقم اللي
اللي بين المربعين
يوم اكلمهم يقولون عطني رقم الكبينه و اعطيتهم الرقم اللي بين المربعين يعرفون الموقع او يوضح لهم ولا جبت العيد :)
http://i61.tinypic.com/2mrhzc8.jpg
2015-05-15 , 05:33 مساءً
2015-05-15 , 05:38 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
PS3 4 Sale كتب:
شركة بيانات تملكها موبايلي



طيب ليه موبايلي سمحت لهم انها تستخدم شعارها في فتحات الصرف الصحي ؟

أيضاً، ما تلاحظ انه فيه مخالفة على موبايلي تزود الخدمة وتسمح لشركة بيانات ان تستخدم شعارها في فتحات الصرف الصحي، مع ان شركة بيانات ليست ضمن الشركات التي تم ترخيصها من قبل هيئة الإتصالات لتزويد خدمة الألياف ؟


هذا يدل ان هيئة الإتصالات مهملة في موضوع الألياف !


Sent from my iPhone using ADSLGATE
2015-05-15 , 05:38 مساءً
2015-05-15 , 05:41 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
الحربي السهلي كتب:
اخوي فيه الرقم اللي
اللي بين المربعين
يوم اكلمهم يقولون عطني رقم الكبينه و اعطيتهم الرقم اللي بين المربعين يعرفون الموقع او يوضح لهم ولا جبت العيد :)
http://i61.tinypic.com/2mrhzc8.jpg



قصدك رقم الكبينة.

المشكلة انهم ما ركبوا الكبينة إلى يومك !


صحيح انهم محددين مكانها لكن ما بقى إلا انهم يركبون الكبينة، مدري ليه هذا التمطيط منهم !


معلومة، ترى جيت للحارة الي ورى قصر الحمودي بالليل، للأسف ما جيت بالنهار علشان أحدد مكان الكبينة الي راح يركبونها.


Sent from my iPhone using ADSLGATE
2015-05-15 , 05:41 مساءً
2015-05-15 , 05:43 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
BLACK-WOOLF كتب:
يعطيك العافيه .. انا فاهم كيف يتم تمديد الالياف البصريه بس فيه شيء عقدني ماعرفت وشو !!

انا لاحظت عندنا بحائل stc تحفر في الشوارع الرئيسيه مسار طوويل من أول الشارع الى اخره لتمديد كيابل الياف .. بس بدون توصيلها للمنازل .. مع وجود المين هوول او ( فتحة الصرف الصحي ) مجمع الاسلاك زي هذا

Image

Image

Image



ولا حظت بعض الاحيان يكون التمديد لمدرسه او شركه او عماره بدون المنازل !

انا قلت يمكن فقط بنيه تحتيه أو تجديد أسلاك أو تمديدات لبرج بس ما اتوقع لأن التمديد مايوقف عند برج

واذا سألت العمال يقولون الياف بصريه !!



طيب ما حصلت لوحة الحفريات ؟

مو معقولة انهم يشغلون بالحفريات بدون ما يحطون لوحة الحفريات !


Sent from my iPhone using ADSLGATE
2015-05-15 , 05:43 مساءً
2015-05-15 , 06:50 مساءً
"CLOUD"’s Avatar
"CLOUD"

مشارك

المشاركات:101
التسجيل:Jun 2013
"CLOUD"
سئلت فني بشركة STC عن توصيل الألياف لحي الهجرة بالمدينة و قال لي إن الحي ما راح توصل له الألياف بسبب أنه أغلب سكان الحي مشتركين بـ DSL فما يحتاجون يوصلون لنا الألياف و قال أنه يمكن ما توصل الخدمة نهائياً لنا :( , تتوقع كلامه صحيح ؟
2015-05-15 , 06:50 مساءً
2015-05-15 , 07:12 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
"CLOUD" كتب:
سئلت فني بشركة STC عن توصيل الألياف لحي الهجرة بالمدينة و قال لي إن الحي ما راح توصل له الألياف بسبب أنه أغلب سكان الحي مشتركين بـ DSL فما يحتاجون يوصلون لنا الألياف و قال أنه يمكن ما توصل الخدمة نهائياً لنا :( , تتوقع كلامه صحيح ؟



طيب فيه أحياء عندنا بالرياض واصله لهم خدمة الألياف ومن الأساس عندهم DSL ، ليش وصلت لهم خدمة الألياف طالما ان الـ DSL عندهم من الأساس ؟!


كلام ما يدخل العقل !


اعذرني على كلامي إن كان قاسي لكن لو تفكر فيها، ما راح يكون مبرر لعدم توفر خدمة الألياف بالحي الي أنت ساكن فيه !


بإختصار، ما فيه سبب لمنع توفر الخدمة لحي عن حي آخر؛ لأن المشكلة هو بطئها لتوفر الخدمة مو لأنهم ما يبغون يزودون الخدمة !


والدليل على كلامي ان شغلهم عشوائي ما فيه تنظيم !


الأمر ما يقتصر على الإتصالات فقط، بل على جميع الشركات !


Sent from my iPhone using ADSLGATE
2015-05-15 , 07:12 مساءً
2015-05-15 , 08:18 مساءً
PS3 4 Sale’s Avatar
PS3 4 Sale

متميز

المشاركات:7922
التسجيل:Jul 2009
PS3 4 Sale
Khalid HD كتب:
طيب ليه موبايلي سمحت لهم انها تستخدم شعارها في فتحات الصرف الصحي ؟

أيضاً، ما تلاحظ انه فيه مخالفة على موبايلي تزود الخدمة وتسمح لشركة بيانات ان تستخدم شعارها في فتحات الصرف الصحي، مع ان شركة بيانات ليست ضمن الشركات التي تم ترخيصها من قبل هيئة الإتصالات لتزويد خدمة الألياف ؟


هذا يدل ان هيئة الإتصالات مهملة في موضوع الألياف !


Sent from my iPhone using ADSLGATE




شركة بيانات عندها ترخيص واي ماكس والياف بصرية قبل موبايلي .. وهذا سبب شراء موبايلي لها قبل 8 سنوات
2015-05-15 , 08:18 مساءً
2015-05-15 , 09:38 مساءً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
PS3 4 Sale كتب:
شركة بيانات عندها ترخيص واي ماكس والياف بصرية قبل موبايلي .. وهذا سبب شراء موبايلي لها قبل 8 سنوات


ممكن تعطيني رابط موقعهم الرئيسي ؟؟؟
2015-05-15 , 09:38 مساءً
2015-05-15 , 09:43 مساءً
PS3 4 Sale’s Avatar
PS3 4 Sale

متميز

المشاركات:7922
التسجيل:Jul 2009
PS3 4 Sale
Khalid HD كتب:
ممكن تعطيني رابط موقعهم الرئيسي ؟؟؟



هذي معلومات عن الشركة من ويكيبيديا

http://en.m.wikipedia.org/wiki/Bayanat

وهذا رابط موقعهم لكن يحولك على موقع موبايلي:

http://www.bayanat.com.sa/

وهنا خبر موافقة الهيئة على استحواذ موبايلي على شركة بيانات عام 2008م بمليار ونصف مليار ريال :

http://www.alyaum.com/article/2569643
2015-05-15 , 09:43 مساءً
2015-05-16 , 02:52 صباحاً
السيف القاطع’s Avatar
السيف القاطع
مشرف

متميز

المشاركات:6663
التسجيل:May 2006
السيف القاطع
طيب اخوي ماعليك امر قبل يومين حطو رقم على احد الكبائن بس مافي اي شعار للشركة ,, مدري قلت يمكن تكون هذي الكبينة رئيسية للكبائن الصغار .

http://www.adslgate.com/dsl/showpost.php?p=1076...
2015-05-16 , 02:52 صباحاً
2015-05-16 , 05:12 صباحاً
BLACK-WOOLF’s Avatar
BLACK-WOOLF

نشيط

المشاركات:833
التسجيل:May 2011
BLACK-WOOLF
Khalid HD كتب:
طيب ما حصلت لوحة الحفريات ؟

مو معقولة انهم يشغلون بالحفريات بدون ما يحطون لوحة الحفريات !


Sent from my iPhone using ADSLGATE


هذي اللوحه

Image
2015-05-16 , 05:12 صباحاً
2015-05-16 , 05:24 صباحاً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
BLACK-WOOLF كتب:
هذي اللوحه

Image



توهم بادين بالحفريات، وفي البداية لازم يركبون الأنابيب مثل ما أنا وضحت بمقدمة الموضوع.


لكن المشكلة ان شغلهم عشوائي؛ لأن لو كان فيه تنظيم كان ما يخلصون من الحفريات إلا بعد ما يركبون الكبينة والبوكسيات الي راح تكون مرتبطة بالكبينة في مدة زمنية قصيرة ما تتعدى الشهر !


الحين أخاف تزعل مني إذا قلت لك انهم راح يركبون الأنابيب، ثم يزفلتون الشوارع ثم يختفون، لكن هذا هو الواقع الي حنا عايشين فيه؛ مو لأننا ما نعرف نعاتبهم؛ لأن ما فيه رقابة من قبل هيئة الإتصالات مع ان الهيئة عارفه كل شي !


مو فقط على الإتصالات، مع كل الشركات، بالمربع الي أنا ساكن فيه، موبايلي والإتصالات المتكاملة مركبين الأنابيب ومثبتها مع اللوحة المعدنية من رمضان الي راح ( صورها في مقدمة الموضوع ) ، وإلى يومك ما ركبوا الكبينة !


Sent from my iPhone using ADSLGATE
2015-05-16 , 05:24 صباحاً
2015-05-16 , 05:33 صباحاً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
السيف القاطع كتب:
طيب اخوي ماعليك امر قبل يومين حطو رقم على احد الكبائن بس مافي اي شعار للشركة ,, مدري قلت يمكن تكون هذي الكبينة رئيسية للكبائن الصغار .

http://www.adslgate.com/dsl/showpost.php?p=1076...



هذي طال عمرك كبينة إلكترونية تدعم خدمة VDSL تبع الإتصالات، مالها علاقة بالألياف.


خذها قاعدة : إذا شفت كبينة لموبايلي أو للإتصالات المتكاملة، فاعرف انها كبينة ألياف؛ لأن الشركتين ما كانت تزود خدمة الـ DSL .

أما إذا شفت كبينة للإتصالات، فلازم توقف وما تستعجل؛ بالحكم لأن الإتصالات هي الوحيدة الي تزود خدمة الـ DSL .

وبخصوص الفرق بين كباين الـ DSL وكباين الألياف تبع الإتصالات :

أول شي : من خلال الصور الي أنا نزلتها بمقدمة الموضوع.

ثاني شي : من خلال الحروف المكتوبة على الكبينة FTTH أو FDT .


Sent from my iPhone using ADSLGATE
2015-05-16 , 05:33 صباحاً
2015-05-16 , 05:36 صباحاً
BLACK-WOOLF’s Avatar
BLACK-WOOLF

نشيط

المشاركات:833
التسجيل:May 2011
BLACK-WOOLF
Khalid HD كتب:
توهم بادين بالحفريات، وفي البداية لازم يركبون الأنابيب مثل ما أنا وضحت بمقدمة الموضوع.


لكن المشكلة ان شغلهم عشوائي؛ لأن لو كان فيه تنظيم كان ما يخلصون من الحفريات إلا بعد ما يركبون الكبينة والبوكسيات الي راح تكون مرتبطة بالكبينة في مدة زمنية قصيرة ما تتعدى الشهر !


الحين أخاف تزعل مني إذا قلت لك انهم راح يركبون الأنابيب، ثم يزفلتون الشوارع ثم يختفون، لكن هذا هو الواقع الي حنا عايشين فيه؛ مو لأننا ما نعرف نعاتبهم؛ لأن ما فيه رقابة من قبل هيئة الإتصالات مع ان الهيئة عارفه كل شي !


مو فقط على الإتصالات، مع كل الشركات، بالمربع الي أنا ساكن فيه، موبايلي والإتصالات المتكاملة مركبين الأنابيب ومثبتها مع اللوحة المعدنية من رمضان الي راح ( صورها في مقدمة الموضوع ) ، وإلى يومك ما ركبوا الكبينة !


Sent from my iPhone using ADSLGATE


هذي الحفريه لها شهر يمكن وخلصوا حطوا الاسلاك وفتحات الصرف الصحي وسفلتوا بعدها شفتهم موصلين سلك فايبر لمدرسه حكوميه !! وساحبين عالبيوت !!

انا زيك من 5 سنين انتظر الالياف وكل فتره اشيك عليهم وين وصلوا بس مافيه جديد يغطون حارات مافيها الا 2 او 3 ساكنين .. وساحبين على الحارات المكتظه بالسكان .. حتى موبايلي حفرت عندنا انا فرحت قلت جانا الفرج بس وصلوا لكم بيت وسفلتو الحفريه وراحوا :39:
2015-05-16 , 05:36 صباحاً
2015-05-16 , 05:42 صباحاً
Khalid HD’s Avatar
Khalid HD

مبدع

المشاركات:3335
التسجيل:Aug 2014
Khalid HD
BLACK-WOOLF كتب:
هذي الحفريه لها شهر يمكن وخلصوا حطوا الاسلاك وفتحات الصرف الصحي وسفلتوا بعدها شفتهم موصلين سلك فايبر لمدرسه حكوميه !! وساحبين عالبيوت !!

انا زيك من 5 سنين انتظر الالياف وكل فتره اشيك عليهم وين وصلوا بس مافيه جديد يغطون حارات مافيها الا 2 او 3 ساكنين .. وساحبين على الحارات المكتظه بالسكان .. حتى موبايلي حفرت عندنا انا فرحت قلت جانا الفرج بس وصلوا لكم بيت وسفلتو الحفريه وراحوا :39:



والي قاهرني أكثر اني رصدت 1045 كبينة ألياف تبع كل الشركات الثلاث بالرياض وما غطوا إلا 10% فقط !

وفوق كل هذا، 38 كبينة هي في الأساس قواعد وأماكن كباين رصدتها وما ركبوها إلى يومك، وأنا متأكد ان الرقم أكثر؛ لأن فيه حي ما أدري كم عدد قواعد الكباين الي رصدت فيها !


Sent from my iPhone using ADSLGATE
2015-05-16 , 05:42 صباحاً