تحسين جودة كاميرا الكمبيوتر لحضور الحصص والاجتماعات اون لاين (( مجانا ))
banner
تاريخ النشر: 2020-09-10 , 12:42 صباحاً
PS3 4 Sale’s Avatar
PS3 4 Sale

متميز

المشاركات:7921
التسجيل:Jul 2009
PS3 4 Sale
السلام عليكم ورحمة الله ..

حاليا اغلب حضور الحصص اون لاين وكثير من المدارس تشترط تشغيل الكاميرا خلال الدرس ..

اللي عنده كاميرا لابتوب دقتها ضعيفة يتورط بالالوان او الاضاءة او جودة الصورة ..

الحل هنا ..

تعديل الاضاءة والالوان والجودة والحدة وكل شيء بسهولة ومجانا ..


الطريقة سهلة ما تاخذ 5 دقايق على الكمبيوتر بعد تثبيت البرنامج لكن الشرح مكتوب بالتفصيل ..


استخدام البرنامج المجاني التالي ( يعمل على ويندوز ولينكس وماك ) :

برنامج او بي اس الذي يستخدمه من يقوم ببث الالعاب على تويتش ويوتيوب وخلافها

OBS Studio

رابط التحميل:

https://obsproject.com/download

بعد تحميله وتثبيته قفله وحمل الاضافة التالية وهي اضافة الكاميرا الوهمية له:

OBS Virtual Camera

رابط التحميل:

https://obsproject.com/forum/resources/obs-virt...

( اضغط على go to download وبيتحمل معك )

نثبت برنامج او بي اس ستوديو اولا وبعدها قفله وثبت اضافة فرتشول كاميرا ..

( ما نقدر نثبت اضافة فرشوال كاميرا اذا كان او بي اس ستديو شغال )

( خلال تثبيت فيرتشوال كاميرا يظهر لك خيار عدد الكاميرات الوهمية اللي ترغب بتثبيتها .. من 1 الى 4 كاميرات وهمية .. طبعا لها استخدامات كثيرة جدا خاصة لصاحب البث لكن هي خارجة عن الموضوع .. يفضل اختيار كاميرا واحدة خلال التثبيت للاستخدام الموضح بالموضوع )

بعد التثبيت نشغل برنامج OBS Studio وبتطلع لك الشاشة التالية بشكل افتراضي:

Image

اضغط على الزائد اللي معلم بالاحمر وراح تظهر لك قائمة اختار منها Video Capture Device مثل كذا:

Image


بيطلع لك مربع تكتب فيه الاسم اللي تبيه تقدر تكتب اي شيء او تتركه مثل ماهو وتضغط OK مثل كذا:

Image

بتطلع لك صفحة اختيار الكاميرا واعداداتها .. اختار الكاميرا الحقيقية عندك سواء webcam او من اي شركة حسب الاسم عندك Logitech tplink الخ :

Image

الكاميرا راح تشتغل باعلى دقة متوفرة فيها لكن شخصيا افضل تقليل الجودة حتى تقل المساحة اللي تغطيها الكاميرا وكذلك ما تأثر على اتصال الانترنت .. لذلك اضغط على Device Default واختار Custom :

Image

ومن قائمة Resolution اختار الدقة اللي تبيها وشخصيا اختار 640x360p للاطفال حتى ما تؤثر على الانترنت .. بعدين اضغط OK ..

انزل تحت Sources اضغط باليمين على Video Capture Device او الاسم اللي اخترته فوق وراح تطلع لك قائمة اختار منها Transform واختار Fit to screen وعيد نفس الشيء وفعل Center to screen .. كالتالي:

Image

هذي الخطوة هدفها جعل الكاميرا في النص وتعمل بكامل الشاشة لما تشغل الكاميرا الافتراضية .. خطوة ضرورية ..

الآن نبدأ عملية تحسين الالوان والجودة ..

نضغط باليمين على Video capture device ونختار الفلاتر Filters :

Image


بعدين تفتح لنا نافذة الفلاتر .. نضغط على علامة الزائد اسفل Effect Filters ونضيف فلتر تحسين الالوان Color Correction:

Image

Image

راح تظهر لنا نافذة فيها اعدادات الالوان نسحب فيها يمين ويسار لين نوصل للشيء المناسب .. هذي الاعدادات تختلف حسب اضاءة المكان عندك والوان الكاميرا الافتراضية والوان بشرتك وملابسك وما شابهها .. لذلك اسحب وجرب لين توصل للالوان المناسبة لك .. اترك Opacity كما هي .. هذي النافذة :

Image

بعدين نضغط على علامة الزائد نفسها ونختار اضافة فلتر الحدة Sharpen وهذا هدفه زيادة حدة التفاصيل وهو مفيد جدا خاصة للكاميرات منخفضة الدقة او القديمة .. وهذا هو:

Image

اسحب يمين لزيادة الحدة حتى تصل لشيء مناسب حسب قدرات كاميرتك .. كالتالي:

Image

بعين اضغط Close لاغلاق نافذة الفلاتر ..


ثالثا: تفعيل الكاميرا الوهمية ..

نروح Tools بعدين نختار VirtualCam من القائمة .. كالتالي:

Image

راح تظهر لك النافذة التالية .. الشرح عليها وراح اعيده اسفل الصورة:

Image


القائمة فوق فيها اكثر من خيار:

ِAutoStart هذي مفيدة وانا مفعلها علشان بمجرد تشغيل برنامج OBS Studio تشتغل الكاميرا الوهمية بدون ما تروح Tools وتفعلها يدويا .. جيدة للاطفال تفهمه انه يشغل Obs Studio وخلاص ..

خيار Flip Horizontal للي حاب يعكس اتجاه الكاميرا من اليسار لليمين او العكس لان بعض الكاميرات تشتغل مثل المراية وهذا احتمال غير مناسب في الاجتماعات ..

Keep Aspect Ratio ضروري حتى يحافظ على ابعاد الكاميرا الصحيحة ودقتها ..

بعد اختيار ما يناسبك من الخيارات اضغط زر Start وراح يكون عندك كاميرا وهمية يمكن استخدامها في اي برنامج اجتماعات مثل زوم وغيره ..

ملاحظة مهمة جدا :

- ضروري جدا جدا جدا تشغل OBS Studio والكاميرا الافتراضية ((( قبل ))) تشغيل برنامج زوم او اي برنامج اجتماعات تحتاجه لانه لو شغلت زوم قبله راح يستخدم الكاميرا الافتراضية وحتى لو شغلت OBS Studio بعدها ما راح يقدر يوصل للكاميرا بحكم ان فيه برنامج ثاني جالس يستخدم الكاميرا ..


اللي عنده استفسار يتفضل يكتبه ..
Enlarged Image
تاريخ النشر: 2020-09-10 , 12:42 صباحاً
تاريخ النشر: 2020-09-12 , 03:16 مساءً
PS3 4 Sale’s Avatar
PS3 4 Sale

متميز

المشاركات:7921
التسجيل:Jul 2009
PS3 4 Sale
..
تاريخ النشر: 2020-09-12 , 03:16 مساءً
تاريخ النشر: 2020-09-21 , 01:54 مساءً
anim19’s Avatar
anim19

VIP

المشاركات:14758
التسجيل:Jun 2008
anim19
مشاركة رائعة تشكر عليها
تاريخ النشر: 2020-09-21 , 01:54 مساءً
تاريخ النشر: 2020-09-25 , 05:42 مساءً
zaki’s Avatar
zaki

أبو أحمـد

المشاركات:10289
التسجيل:Dec 2003
zaki
جزاك الله خير [emoji257]
تاريخ النشر: 2020-09-25 , 05:42 مساءً

يُعتبر هذا الموضوع قديمًا ولا يقبل المزيد من الردود الجديدة.