كيابل الـ om4 - om3 ( نتيجة تجربة ) SFP - SFP+

[الوافي الذهبي]

السلام عليكم ورحمة الله وبركاته
حاب اذكر لكم المشكلة وكيف حليتها وان شاء الله تفيدكم
في المنزل عندي منقطتين حاب يوصل لهم النت
منطقة قريبة من البوكسية حقت الاتصالات ( الالياف ) عبارة عن ملحق حاط فيه الكمبيوتر والمودم والبلاستيشن والطابعة والامور الي ما احتاجها داخل المنزل

وفي السابق كنت موصل سلك CAT6 الى المنزل يصل الى مودم ويوزع على البيت النت

الي لاحظته ان فيه ضعف شديد بسبب طول السلك ( تقريبا 50 متر ) والبنق جدا مرتفع ولا احد يقدر لا يلعب بلاستيشن واذا 4 مع بعض يتصفحون بالجوال يصير بطيئ جدا


لذلك اضطريت اني اشوف حل وفكرت بأكثر من حل من ضمنها ( نقل الانترنت بالاجهزة حقت النقل البعيد اشوف الشباب يتكلمون عنها لكن ما اعرف اسمها ) وبين التوصيل السلكي لكن سلك الياف

واجهت مشكلة اني لو طلبت سلك الياف كيف راح اقدر اسوي له تلحيم بمنقطة البداية والنهاية وتقريبا 6 شهور وانا ابحث بالموضوع لين وصلت لشركة اقدر اطلب منها سلك الالياف بالطول الي ابيه ويجي الراس مركب وجاهز

وتم طلب الكيبل وكلفني 45 دولار واصل للسعودية (علما ان سعر السلك فقط 25 دولار)

وعشان انقل سلك الالياف احتاج سويتش يوجد فية منفذ SFP+ الي هو هذا


بالاضافة راح استفيد منه من ناحية الكاميرات ( POE ) بقوة 270 واط
كلفني تقريبا 239 دولار قبل الضريبة ( حقت الجمارك )

نفس هذا المنفذ واحتاج قطعة اسمها SFP+ الي هي هذي

سعر الحبه 3.5 دولار






وعشان اقدر بالنهاية يكون ما بين السويتش الى المنزل احتاج يكون النهاية تكون RJ45 مو راس الالياف لذلك اضطريت اشتري جهاز اسمة
Gigabit Ethernet Media Converter

هذي صورته ياخذ كيبل الياف ويعطي Rj45
اجمالي التكلفة 348 دولار قبل الضريبة والجمارك
والان الانترنت عندي بسرعة ممتازة والسلك جدا ممتاز ولا يعلق الاتصال بالداخل
وللمعلومية التجهيزات هذي تستطيع توصيل السلك الى مسافة ( 1 كيلو متر ) فية اجهزة اخرى اغلى بشي بسيط ممكن تصل الى 10 كيلو واكثر

وسرعة الشبكة حسب القطع الي اشتريتها هو 1 جيجا علماً ان لو زدت الميزانية 20% تقريبا راح يكفي لتجهيز شبكة بسرعة 10 جيجا لكن المشكلة كروت الشبكة تبع الـ 10 جيجا جدا مكلفة

واتمنى ان الموضوع يفيدكم الي يواجه مشكلة نفس مشكلتي ممكن يحلها بالطريقة هذي اذا تناسبه وممكن فية طرق أفضل من هالطريقة والله اعلم

وهذي معلومات السلك ودرجة الحرارة علماً اني حطيته داخل جرجور اسود لحمايته من اشعة الشمس


وتم كتابة الموضوع بعد استخدام 122 يوم للشبكة


,..

 

 

[aspire1985]

الله الله، تجربة فريده وكنت ابغا اسوي زي كذا لان وضعي نفس وضعك بالضبط.
شكرا لك على نقل تجربتك الثرية
بس ياليت حط اسم الشركة الي شريت منها السلك واذا امكن روابط الاجهزة

 

 

[الوافي الذهبي]

aspire1985

الله الله، تجربة فريده وكنت ابغا اسوي زي كذا لان وضعي نفس وضعك بالضبط.
شكرا لك على نقل تجربتك الثرية
بس ياليت حط اسم الشركة الي شريت منها السلك واذا امكن روابط الاجهزة

https://www.fs.com/products/12018.html

https://www.fs.com/products/96396.html


https://www.fs.com/products/80365.html

https://www.fs.com/products/11774.html

راجعت موضوعي السابق الي هو الاستفسار ولقيت لك في اول رد

https://www.adslgate.com/dsl/showthr...post1083270939

وكانت مشكلتك نفس مشكلتي لكن ابشرك لقيت الحل

وللمعلومية اعتقد تستطيع تستغني عن السويتش وتشتري اثنين ميديا كونفينتر واحد للأرسال وواحد للأستقبال

 

 

[aspire1985]

الوافي الذهبي

https://www.fs.com/products/12018.html

https://www.fs.com/products/96396.html


https://www.fs.com/products/80365.html

https://www.fs.com/products/11774.html

راجعت موضوعي السابق الي هو الاستفسار ولقيت لك في اول رد

https://www.adslgate.com/dsl/showthr...post1083270939

وكانت مشكلتك نفس مشكلتي لكن ابشرك لقيت الحل

وللمعلومية اعتقد تستطيع تستغني عن السويتش وتشتري اثنين ميديا كونفينتر واحد للأرسال وواحد للأستقبال

والله ياشيخ انك اسطورة،شكرا مررررررررررره

 

 

[alfars4anime]

المسافة مو طويلة , ممكن سلك ايثرنت بجودة أعلى أو يكون مغلف للإستخدام الخارجي , الفايبر اوبتك تفكر فيه إذا وصلت قريب الـ100 متر لين 550 متر هذا حد الMultiMode وللمسافات الأطول SingleMode الي عادة يكون أصفر

 

 

[sawassoft]

50 متر ما يحتاج فايبر

 

 

[Faisalx3z]

الكيبل وش الكونكتور اللي اخترته ؟؟ Connector B: Connector A:

 

 

[الوافي الذهبي]

Faisalx3z

الكيبل وش الكونكتور اللي اخترته ؟؟ Connector B: Connector A:

LC UPC - LC UPC

يوجد كيبل اخر خاص بالمناطق المكشوفة ممكن يكون افضل لك

أهم شي انك تاخذ قطعة SFP+ مطابقة الى نوع الكونكتر

 

 

[الوافي الذهبي]

sawassoft

50 متر ما يحتاج فايبر

انا قلت تقريبا 50 متر

لكن عدد مستخدمين جدا عالي
بالاضافة الى ان طول الكيبل له دور في وقت الاستجابة ( time/packet length and listen time )
وفعلا فية فرق في الـ PING