ابحث عن خلاصة تجربة في تطبيق مطعم

[عبد الهادي العنزي]

يا اخوان انا لدي مطعم ولله الحمد يعمل بطريقة رائعة وله سمعته في السوق حبيت اطور من شغلي واسوي تطبيق يرفع نسبة الطلبات وينقل شغلي الى مستوى احترافي. منيو المطعم جبت مصور محترف وخليته يصور الاطباق طبق طبق على خلفية بيضاء وتصوير احترافي بحيث الزبون يشوف الصورة ويقرأ وصف الطبق تحت الصورة. ورسمت جميع افكار التطبيق القابلة للتنفيذ تقنيا واخذت وقتي فيها. بعد ذلك اتخذت الخطوة وتعاقدت مع فري لانسر وصمم لي واجهات المستخدم Ux وكلفني حول ٦٠٠٠ ريال مدري مضحوك علي ولا هذا قيمته بس شغله محترف وشفت له اعمال كثيرة قبل اتعاقد معه. انا الان في مرحلة البحث عن مبرمج محترف يكتب لي التطبيق من الى ومحتار بين اكثر من خيار..

الخيار الاول اني اتعامل مع فري لانسر وهذا فيه نسبة مخاطرة عالية.. ولا اقدر اجازف فيه من غير ضمانات

الخيار الثاني اتعامل مع شركة في الخارج وهذا ايضا فيه نسبة مخاطرة ولكن اقل من الفري لانسر.

الخيار الثالث اني اتعاقد مع شركة في السعودية واخذ ضمانات منهم ولكن خايف من ارتفاع السعر. اخاف يعطوني سعر ويوهموني انه هذا قيمته وهو اقل مما يستحق.


ايش افضل قرار اسويه وكم الميزانية اللي ممكن تسوي لي التطبيق.


متوسط التعقيد في التطبيق متوسطة.

وايش نصائحكم لي وين اروح وين اتوجه.


ياليت اللي عنده خلفية يشاركنا.

على فكرة لغتي الانجليزية 10/10
ومستواي التقني في IT 8/10
لكن في البرمجة مستواي بسيط
اشتغلت على فيجوال بيسك فترة بسيطة ولكن قبل ١٠ سنوات.

 

 

[عبد الهادي العنزي]

ملاحظة مهمة.

ايهم افضل
البرمجة بلغة جافا
او كوتلين

والتطبيق بيكون على ios والاندرويد

 

 

[ماله حظ]

ما أحب أحبط أحد

أشكالية إن المستخدم يحمل تطبيقك صعبه جدا

الا اذا تحط عروض أو تقدم خدمات اصافية في التطبيق ممكن تنجح

و فالك التوفيق .

 

 

[ماله حظ]

ابحث عن الدعم أولا سواء شركة محلية أو خارجية

 

 

[PS3 4 Sale]

الفلوس اللي بتحطها في التطبيق بتحط اضعافها تسويق وتحديثات الخ ..

مطعم = هنجرستيشن او جاهز وما شابهها ..

صح ياخذون نسبة لكن يجيبون زباين ..

 

 

[3bett]

اولا الله يوفقك ويرزقك

نصيحه اخ خذها او ارميها

لاتخطي خطا اداري بحت


اولا اسئل نفسك
هل انت قادر على اداره تشغيل اللوجستيك للتطبيق ؟ هل انت قادر على التكاليف اللوجستيه ؟ هل لديك الخبره والمعرفه بالخدمات اللوجستيه ؟

ثانيا
اسئل نفسك عن التكاليف التقنيه من تطوير ودعم للتطبيق؟ وهل لديك القدره على تحمل مشاكلها اللي هي اضعاف مشاكل المطبخ بالمطعم؟

ثالثا
هل لديك خطه تسويقيه للتطبيق ؟ والتكاليف التسويقيه؟ ( الخطط التسويقيه باالاونلاين ماتتوقف ابدا شغله ٢٤\٧)



اخيرا
شخصيا انا مؤمن ايمان تام في الطرف الثالث لانه يشيل عنك اشياء كثيره انت في غنى عنها ( والاهم ليست من ضمن خانه الارباح لك في شغلك الرئيسي بل ممكن تسبب خسائر بالقناه المدره للارباح في المشروع )



يعني تخيل انت الان
عندك مشاكل المطعم فقط.. لكن بعد اطلاق التطبيق بتكون عندك اضعاف المشاكل... مشاكل المطعم مشاكل النقل مشاكل التسويق مشاكل تقنيه .. هل انت قادر على كل هذا وهل يوجد لديك وقت



ياعزيزي ركز في قطاعك ولاتبعد عنه انت ابدعت في مطعمك وله سمعته بالسوق خليك بقطاعك
وعط الخباز خبزه لو اكل نصفه التطبيقات الطرف الثالث تحل مشاكل حتى لو كانت نسبه الاستقطاع منه عاليه.


اخيرا
نصيحتي لك ان تجعل كل تركيزك على المطعم، وارفع من تواجدك اونلاين سواء موقع او انستغرام او تويتر
او حتى سناب شات. ولاتبعد اكثر من كذا مع انه ايضا اذا لديك القدره الماديه ان تمسك مواقع التواصل لمحترفين افضل،


ركز في مطعمك ركز في مطعمك ركز في مطعمك

 

 

[GTA five]

فكر وش يخلي الزبون يحمل تطبيقك ويطلب. بالنسبه لي عندي تطبيقات التوصيل + بعض المطاعم الي دايم اروحلها وعندها عروض. غير كذا م عندي استعداد احمل تطبيق لكل مطعم

 

 

[htc one x]

أنا أختلف مع البقية
ميزة التطبيق تقدر تمسك الزبون وتعيد تستهدفه أكثر من مرة بحكم عندك بياناته من ناحية ولاء وغيره ، زي تطبيق شاورمر مثلا .

ومو شرط يكون تطبيق توصيل طلبات ، تقدر تتوسع فيه ويكون فيه خدمات مثلا استلام الطلب من الفرع ، وتسوي فيه أفكار ابداعية مثلا مسابقات وسحوبات بشكل متكرر وغيره ..


بالنسبة للموضوع التقني :

أي تطبيق تحتاج يكون فيه داشبورد ( لوحة تحكم ) خاصة فيه لك كـ أدمن ، وممكن تكون أيضا للموظفين ، وتكون في الغالب عن طريق الويب
وأيضا تحتاج تجهز الـ api للتطبيقات

الداشبورد وال api او (الباكند) يكونو باستخدام php Laravel

بعدين التطبيق
إذا ميزانيتك تسمح وعندك خيار الدفع الإلكتروني من التطبيق
الأفضل يكون نيتف
يعني للأندرويد بالجافا
وللايفون بسويفت

ف تحتاج 3 مبرمجين ( وانتبه تتعامل مع شخص فقط )
أو تتعاقد مع شركة توفر لك المبرمجين المطلوبين ويمسكو موضوع المتابعة والإدارة والضمانات

بالنسبة لتكاليف التشغيل
كبداية ماتحتاج سيرفرات عالية وقوية ، ممكن من aws يكون متوسط التكلفة شهريا 30 دولار تقريبا .


بالنسبة للتكلفة المادية ، ف يختلف حسب خبرة المبرمجين ومشاريعهم السابقة ومدة التنفيذ والخصائص والواجهات
وبالنسبة لتكلفة الواجهات اللي سويتها UI ايضا مانقدر نحكم عليها الا بعد ما نعرف عددها وايش التفاصيل في كل واجهة .

هذه تغريدة كتبتها في وقت سابق عن الـ API

https://twitter.com/kla999/status/11...735830018?s=20

إذا حاب نتعاون أنا مبرمج وعندي طاقم عمل وفي الخدمة

 

 

[ahmedsaber9]

هلا اخوي مساء الخير ..
انا من مدير مشاريع تقنية من شركة التقنيات المحيطة بالخبر .. وسبق وعندنا خبرة في تنفيذ تطبيقات المطاعم تحديدا.. وعندنا خبرة عملية بالموضوع. ارجوا ارسال رقم جوالك في الخاص وراح اتواصل معاك ونتكلم في احتياجات البزنس الخاص فيك.