شريحة esim.me لتفعيل دعم esim للجوالات الغير داعمة

[mubdea]

السلام عليكم ورحمة الله وبركاته

انا صار لي فترة ادور جوال اندرويد فيه خاصية esim لكن للأسف عدد قليل فقط من الأجهزة اللي تدعم هالخاصية وغالباً اسعارها مرتفعة جداً وما تناسبني

فقبل فترة لقيت موقع يبيع شريحة تفعل esim على اي جوال وقلت بجربها وفعلاً شريتها وجربتها وضبطت معي ولله الحمد، وحولت باقتي ياقوت العادية الى ياقوت esim وكل شي تمام

فكرتها شريحة عادية تركبها بالجوال، وتحمل برنامجهم اللي يسمح لك تظيف و تحدف وتفعل وتعطل باقات esim ويدعم تخزين الى 10 باقات في الشريحة، طبعا مثل ماهو معروف ما تقدر تفعل اكثر من باقة وحدة في نفس الوقت.

وحسب مافهمت منهم ان وضيفت البرنامج هو اضافة وحذف وتفعيل باقات esim فقط، اما البيانات راح تتخزن داخل الشريحة، بمعنى اذا فعلت باقة معينة و بعدين طلعت الشريحة وحطيتها في راوتر او جوال ثاني ما فيه البرنامج راح تشتغل الشريحة عادي
هذا اللي فهمته منهم لكني ما جربت هالشي


حبيت اشاركم بالموقع للي مثلي يهمه موضوع esim ولا يبغى يشتري جوالات مبالغ في اسعارها

هذا الموقع
https://esim.me

تمت التجربة على جوال POCO F2 Pro



----------------------------------------------------------------------

تحديث 1

يوجد ثلاث انواع من الشرائح

1. شريحة محددة للجوال مثلا POCO F2 Pro او Samsung Galaxy S10 ، الخ..
يدعم تخزين 5 باقات في الشريحة وتكون مقفلة على الجوال نفسه، فالبرنامج الي يتحكم بإضافة و حذف و تعديل باقات esim على الشريحة ما راح يشتغل الا على الجوال المحدد فقط
السعر 29.95 دولا
مثال رابط شريحة Samsung Galaxy S10
https://esim.me/esim-for-Samsung-Gal...h=galaxy%20s10


2. شريحة محددة لجوالات شركة محددة مثلا XIAOMI او Samsung ، الخ..
يدعم تخزين 10 باقات في الشريحة وتكون مقفلة على جوالات الشركة نفسها، فالبرنامج الي يتحكم بإضافة و حذف و تعديل باقات esim على الشريحة ما راح يشتغل الا على جوال من نفس الشركة
السعر 49.95 دولا
مثال رابط شريحة Samsung
https://esim.me/esim-for-samsung


3. شريحة لكل جوالات الأندرويد
يدعم تخزين 15 باقة في الشريحة ومفتوح يشتغل على اي جوال
السعر 69.95 دولا
رابط الشريحة
https://esim.me/esim.me-for-my-android
رابط الشريحتين
https://esim.me/which-android-suppor...rd-for-android


وحسب افادة الشركة ان تقفيل الشريحة على جوال محدد او شركة محددة يكون من ناحية البرنامج اللي يسمح بإضافة وتفعيل باقات esim
بمعنى اذا تم اضافة وتفعيل باقة معينة في الشريحة فمكن بعدها استخدام الشريحة في اي جهاز او جوال اخر
لكن ما راح تقدر تضيف او تفعل او تغير الباقة اللي بالشريحة الا عن طريق الجوال اللي طلبت الشريحة عليه

وهذه صورة توضح الإختلافات بين الشرايح الثلاث




----------------------------------------------------------------------

تحديث 2

جدول الترقيات

kingforce

شباب تواصل مع الشركة بخصوص لو اشتريت نوع وحبيت اغير

قالوا عادي بس برسوم وارسلو لي جدول الرسوم الخاص بالترقيات للي حاب يرقي نوع الشريحة

 

 

[خارش الاحزان]

كويس الفكرة بصراحة تنفع كثير للي يشتري جوال من برى
صح انت ضحيت بفتحة شريحة عكس esim الطبيعي يكون معاك 3 شرائح
اثنين sim والثالث esim

 

 

[ابوسلطان9]

جملية الفكرة وتخدم بعض المستخدمين

 

 

[mubdea]

خارش الاحزان

كويس الفكرة بصراحة تنفع كثير للي يشتري جوال من برى
صح انت ضحيت بفتحة شريحة عكس esim الطبيعي يكون معاك 3 شرائح
اثنين sim والثالث esim

صحيح انت بتضحي بفتحة شريحة عشان تحولها esim

لكن بتصير مثل باقي اغلب الجوالات اللي تدعم esim شريحة وحدة عادية و الثانية esim

وايضا تقدر تركب شريحتين ويكون كل الشريحتين esim وكذا تقدر تفعل باقتين esim في الجوال

 

 

[ahmedobid]

موضعك جدا جميل

مهم جدا

لكن ممكن تفيدنا كيف الشرا ثم التركيب والسعر واصل للبيت بالشحن ولاحظت انه عدة خيارات بين الاجهزه يعني اختار سمسونج تركب هواوى مثلا ؟؟
بشرح ممل

ولك جزيل الشكرا

[IMG][/IMG]

 

 

[zeyad963]

ياليت احد يشرح لنا الفروقات يوجد بالموقع شريحة للاندرويد بسعر 69 دولار

وشريحة للأجهزة سامسونج بسعر 49 دولار

 

 

[mubdea]

تم الطلب في تاريخ 6/12/2021
وكلفني حدود 35 دولار مع الشحن برقم تتبع
ولما وصلت السعودية دفعت حدود 20 ريال ضريبة
يعني التكلفة الإجمالية كانت حدود 150 ريال

الشحن كان على البريد الألماني
واخذت شهر كامل
الشحن كان يوم 8/12/2021 و الاستلام كان يوم 9/1/2022


صحيح في موقعهم حاطين شريحة لكل نوع جوال
بصراحة ما ادري اذا الشريحة فعلا تفرق بين جوال وجوال او لا

لكن اعتقادي الشخصي انه ما يفرق

 

 

[mubdea]

zeyad963

ياليت احد يشرح لنا الفروقات يوجد بالموقع شريحة للاندرويد بسعر 69 دولار

وشريحة للأجهزة سامسونج بسعر 49 دولار

اللي يبدو ان الآن عندهم اكثر من نوع حسب عدد الباقات اللي ممكن تخزينها في الشريحة

5 باقات
10 باقات
15 باقة
30 باقة ( شريحتين 15باقة )

وكل وحدة بسعر

لما شريتها قبل شهر كانت نوع واحد 10 باقات فقط
الآن اضافو انواع جديدة

 

 

[t2002t]

هل الجوال اذا كان يدعم فقط شريحة وحده بالطريقة هذي راح يكون يدعم شريحتين ؟؟
والا بس هو خاص للجوالات التي تدعم شريحتين لكن كلها شرائح فيزيائية ؟

 

 

[Mastrdi]

للاسف مافي إلى أجهزة الايفون والايباد القديمة مثلاً ايفون 8

 

 

[massjj]

حسب الفيديو الرسمي في اليوتيوب الباقه تبقى مخزنه على الشريحه يعني مثلا حطيتها في اي جهاز ثاني بتشتغل عادي وفكرتها حلوه للأجهزه اللي ماتحتوي على الخدمه او حابب تحصل على عروض الشرائح المدمجه وهي بالأساس كذا ولا كذا فقط مسموح لك شريحتين يعني للحين مافي اي جهاز يشغل شريحتين + الشريحة الرقمية

 

 

[mubdea]

t2002t

هل الجوال اذا كان يدعم فقط شريحة وحده بالطريقة هذي راح يكون يدعم شريحتين ؟؟
والا بس هو خاص للجوالات التي تدعم شريحتين لكن كلها شرائح فيزيائية ؟

لا ما يصير يدعم شريحتين، فقط اذا استخدمت الشريحة، الجوال راح يدعم باقات esim
تقدر تضيف فيها اكثر من رقم او باقة لكن باقة وحدة او رقم واحد فقط اللي راح يشغل وتقدر من البرنامج تغيير الباقة اللي تبغاها تشغل بدون ما تغير الشريحة

 

 

[mubdea]

باختصار هذه الشريحة تفعل دعم esim للجوالات اللي ما تدعم

لأن esim له عدة فوائد

1. بعض الشركات تقدم باقات esim بسعر اقل او مميزات اعلى من الشرائح العادية
مثلا ( ياقوت باقة x1 الشريحة العادية 115ريال ، شريحة esim بـ 80ريال )
2. تقدر تخزن اكثر من رقم وتحول بين الأرقام بدون تغيير الشريحة
3. مفيدة جداً في السفر بحيث انك تقدر تشتري باقة للدولة اللي بتروح لها و تفعل الباقة قبل تسافر بدل ما تروح لشركات الاتصالات عشان تطلع شريحة.

 

 

[ملك المير]

اتمنى من الكاتب يجرب شيئن :

1 - جوال اخر غير جوالك . وييحسن يكون اي جوال من فئه غير شاومي

2- يجربها في اي راوتر

 

 

[mansur]

تستاهل الف شكر موضوعك متميز

 

 

[صادق العهد]

وكيف موضوع الامان و الخصوصيه ؟؟؟؟

 

 

[momomo779]

المختصر المفيد اذا جوالك يدعمه جرب كأول شريحة يدعم جميع الجوالات فقط من ضمن الموجود في الموقع واذا مافيه انسى

خوذو شريحة هذا يدعم جميع الجوالات ماعدا الغير المذكور في الموقع


هذا شريحتين 30 باقة

https://esim.me/esim-for-android/dua...rd-for-android

هذا شريحة وحدة 15 باقات

https://esim.me/esim-for-android/esim.me-for-my-android

 

 

[momomo779]

صادق العهد

وكيف موضوع الامان و الخصوصيه ؟؟؟؟

اما موضوع الخصوصية راسلتهم

اعتقد بالنسبة لي فقط مارح يستفيدون من الخصوصية مادام انها فقط اسماء وليس صور او مكالمات

فا انتظر جوابهم

 

 

[ledaer99]

momomo779

اما موضوع الخصوصية راسلتهم

اعتقد بالنسبة لي فقط مارح يستفيدون من الخصوصية مادام انها فقط اسماء وليس صور او مكالمات

فا انتظر جوابهم

الخصوصية بخصوص الأكواد المرسلة من البنوك هل تظهر لديهم

 

 

[momomo779]

ledaer99

الخصوصية بخصوص الأكواد المرسلة من البنوك هل تظهر لديهم

صاحي انت صعب اول شي الكل راح يدرون عنها لو فيه تحرك من الشركة هي بتتورط لانها له علاقات بالطرف الثالث اي حركة خطأ بتروح الشركة

للعلم الغرب والشرق بتستفيد من الاكواد المرسلة من البنوك اذا شك احد من عملاء e-sim.me راح تكون في مشاكل بغنى عنها خصوصا انها تفلس الشركة بمهب الريح

رح شف تجارب بمواقع اجنبية وشف تقييم عليه

مستحيل يدخل شركة تدخل على حسابك البنكي او اي شخص اخر لأن لو اطلع الشركة الاكواد عادي وش المشكلة

المشكلة اذا دخل الشركة على حسابك البنكي بدون ماتدري تدري وش يصير لازم يصير طرف ثالث لأي شركة اتصالات لو درت الاتصالات السعودية ان شركة e-sim.me تدخل حسابك بدون علمك بتصير مشاكل لاتنتهي


هذا يسمى الند للند يعني زي الايميل او sms لازم يكون هناك طرف ثالث

وبعدين e-sim فقط مهمتها الشريحة والباقي تكون على طرفين العميل وشركة الاتصالات فقط مايقدرون يدخلون بدون علمك

لان عندك عميل وشركتين الشركة الاولى e-sim.me وشركة الاتصالات متفقين مسبقا اصلا والطرف الاخير هو العميل

اطلاع الاكواد عادي لكن المشكلة لو الشركة ما ارسلت لك كود بغرض الخفية او التجسس لان الشركة وصلت لها ولكن شركة الاتصالات لم تصل لها لكن تعلم انها وصلت لشركة e-sim.me بتكون مشاكل لاتنتهي

بعطيك المختصر الشريحة فقط مهمتها هي نفس شركة الاتصالات بس مستقلة فقط نسخ الشريحة والرسائل بالاكواد مهمتها شركة الاتصالات فقط بحسب البلد او الدولة المتعاقدة مع e-sim حتى لو ماتعاقدت هذه امور ثانوية لن يستفيدو مادام انك بالشرق الاوسط او افريقيا