فرق الطعم بين مكينة الكبسولات ومكينة اقوى؟

[Felspark]

السلام عليكم. انا عندي مكينة دولتشي قوتسو. هي يعني حليوة بس انا احب اشرب القهوه مع حليب وحليب المكينة طعمه بلستيك لانه بودرة..ونفس الوقت اسعار الكبسولات صارت غالية



فكرت اخذ لي delonghi dedica ..بس عندي كم سوال عنها..


هل فرق الطعم يفرق او بالاصح يسوى اني اشتري مكينة جديدة؟؟ هي تسوي قهوه اسبريسو اعتقد ومعاها مكينة تبخير حليب..عندي مطحنة بالبيت..


هل تصنحوني فيها؟ او فيه مكينة احسن منها والسعر يكون قريب يعني؟

 

 

[Fig-22xAA]

طبعا فرق السماء عن الارض
الديدكا مكينة اسبريسو حليوه وتسويلك مشروبات حليب
لكن الاهم من المكينه لازم يكون عندك طاحونه محترمه, وش الطاحونه اللي عندك ؟
اذا ماعندك طاحونه ممتازه للاسبريسو اقل طاحونه ممتازه سيتي30 قيمتها حول 1100

 

 

[Felspark]

Fig-22xAA

طبعا فرق السماء عن الارض
الديدكا مكينة اسبريسو حليوه وتسويلك مشروبات حليب
لكن الاهم من المكينه لازم يكون عندك طاحونه محترمه, وش الطاحونه اللي عندك ؟
اذا ماعندك طاحونه ممتازه للاسبريسو اقل طاحونه ممتازه سيتي30 قيمتها حول 1100

ايوه فيه مطحنة باراتزا سيتتي 270 ...بس عندي كم سؤال..


هل اذا طحنت بن القهوه لازم اشربه في نفس اليوم؟ ولا اقدر اطحن واخزنه ليوم/يومين؟


وايش احسن بن يسوي اسبريسو كويسة لمشروبات حليب؟

 

 

[Fig-22xAA]

Felspark

ايوه فيه مطحنة باراتزا سيتتي 270 ...بس عندي كم سؤال..


هل اذا طحنت بن القهوه لازم اشربه في نفس اليوم؟ ولا اقدر اطحن واخزنه ليوم/يومين؟


وايش احسن بن يسوي اسبريسو كويسة لمشروبات حليب؟

السيتي270 ممتازه جدا, بس ليش تطحن البن بنفس اليوم ؟ الصح انك تطحنه مباشره وقت التحضير
من تجربه البن من بكرا يفقد قوامه وثقله بعد الطحن

مافيه بن معين هو الافضل للحليب, خصوصا ان المحاصيل تختلف وتتغير
بس كبداية وشي اعرفه زين هويلا من كيرف , لذيذه مع الحليب وسعرها منافس ومتوفره بشكل كبير

 

 

[fosl]

Fig-22xAA

طبعا فرق السماء عن الارض
الديدكا مكينة اسبريسو حليوه وتسويلك مشروبات حليب
لكن الاهم من المكينه لازم يكون عندك طاحونه محترمه, وش الطاحونه اللي عندك ؟
اذا ماعندك طاحونه ممتازه للاسبريسو اقل طاحونه ممتازه سيتي30 قيمتها حول 1100

اطلعت كثير عليها الكل تقريباً اجمع على مدح المكينة هذي
لكن اغلبهم ذكر انها تحتاج تعديلات
المشكلة ما احد فصل بالتعديلات الكل يرسلك لشخص يقولك هو يعدلها بالمبلغ الفلاني
عندك خلفية عن التعديلات هذي و هل الاسعار المنتشرة للتعديل (في حدود 900 ريال) تستاهل التعديل؟
ولا هم مبالغين او يسوقون لأشخاص لأني احترت صراحة و وقفت في اخر لحظة قبل الشراء

 

 

[qdd5]

شوف يا صاحبي الفرق فيه وكبير بس هل تتقبله هنا فيه اشكاليه

الذائقه تختلف من شخص لأخر في ناس تحب القهوه التجاريه طعمها يجي محروق وماشيه معاه
وجدا مبسوط منها نجي نقوله انت غلطان ولا عمرك طعمت القهوه الحقيقيه وانت مخدوع ومن هالكلام
ويجي يشتري المكينه الفلانيه والمطحنه الفلانيه والقهوه المختصه ويحضر الكوب نفس مقاديره الي تعود عليها ويذوق كوبه بس يتفاجئ انه غير مستصاغ له ولا يقدر يكمله !!!!ليييه مع انه اخذ كل شي ممتاز من حبوب قهوه مختصه وحليب فرش والة جيده ومطحنة جيده !!!
هنا نرجع لمحور كلامي الذائثه تختلف من شخص لأخر شخص مرتاح مع القهوه التجاريه مو معناته مخدوع فيها ولا معناته عايش في وهم هي مسائلة اذواق نفسها نفس الملبس والمشرب والمأكل كل واحد له طريق مرتاح معاه.

والي حاب اقوله لك كنصيحة اخ جرب كوب من الكافيهات المختصه اقرب واحد لك وجرب طعمه واحكم بذائقتك قبل لا تخسر

 

 

[Fig-22xAA]

fosl

اطلعت كثير عليها الكل تقريباً اجمع على مدح المكينة هذي
لكن اغلبهم ذكر انها تحتاج تعديلات
المشكلة ما احد فصل بالتعديلات الكل يرسلك لشخص يقولك هو يعدلها بالمبلغ الفلاني
عندك خلفية عن التعديلات هذي و هل الاسعار المنتشرة للتعديل (في حدود 900 ريال) تستاهل التعديل؟
ولا هم مبالغين او يسوقون لأشخاص لأني احترت صراحة و وقفت في اخر لحظة قبل الشراء

ماتحتاج إلا تشتري باسكت غير اللي يجي مع المكينه لأنه مضغوط ويفضل معها بورتافلتر مكشوف
والشي الثاني تامبر"مكبس"
هالاثنين بالكثير مايتعدون 200 ريال المفروض
https://www.amazon.sa/dp/B088R563XY/...ing=UTF8&psc=1

https://www.amazon.sa/dp/B089NB4WRM/...ing=UTF8&psc=1

 

 

[fosl]

Fig-22xAA

ماتحتاج إلا تشتري باسكت غير اللي يجي مع المكينه لأنه مضغوط ويفضل معها بورتافلتر مكشوف
والشي الثاني تامبر"مكبس"
هالاثنين بالكثير مايتعدون 200 ريال المفروض
https://www.amazon.sa/dp/B088R563XY/...ing=UTF8&psc=1

https://www.amazon.sa/dp/B089NB4WRM/...ing=UTF8&psc=1

الله يعطيك العافية
هين هذي كلهم متكلمين عليها
لكن كان فيه كلام عن تعديل داخلي عشان الضغط يمكن او تسخين الماء ناسي النقطة بالزبط و هم بعد ماكانوا واضحين بس يدلونك على شخص يعدل و مثل ما ذكرت لك الاسعار نار
يعني نتوكل على الله نشيل مع القطع هذي بس

 

 

[abdullh7]

qdd5

شوف يا صاحبي الفرق فيه وكبير بس هل تتقبله هنا فيه اشكاليه

الذائقه تختلف من شخص لأخر في ناس تحب القهوه التجاريه طعمها يجي محروق وماشيه معاه
وجدا مبسوط منها نجي نقوله انت غلطان ولا عمرك طعمت القهوه الحقيقيه وانت مخدوع ومن هالكلام
ويجي يشتري المكينه الفلانيه والمطحنه الفلانيه والقهوه المختصه ويحضر الكوب نفس مقاديره الي تعود عليها ويذوق كوبه بس يتفاجئ انه غير مستصاغ له ولا يقدر يكمله !!!!ليييه مع انه اخذ كل شي ممتاز من حبوب قهوه مختصه وحليب فرش والة جيده ومطحنة جيده !!!
هنا نرجع لمحور كلامي الذائثه تختلف من شخص لأخر شخص مرتاح مع القهوه التجاريه مو معناته مخدوع فيها ولا معناته عايش في وهم هي مسائلة اذواق نفسها نفس الملبس والمشرب والمأكل كل واحد له طريق مرتاح معاه.

والي حاب اقوله لك كنصيحة اخ جرب كوب من الكافيهات المختصه اقرب واحد لك وجرب طعمه واحكم بذائقتك قبل لا تخسر

صادق الذائقة شيء مهم والصدق الاغلب متعود ع القهوة التجارية المحروقة ومستمتع ف التجربة شيء مهم وتجرب اكثر من محل وع فترات بعدها تقدر تقرر

خصوصا ان الموضوع مكلف جدا من مكاين وطواحين واكسسورات هالشي مو شوية 4-5 الالف ريال وانت طالع

 

 

[qdd5]

abdullh7

صادق الذائقة شيء مهم والصدق الاغلب متعود ع القهوة التجارية المحروقة ومستمتع ف التجربة شيء مهم وتجرب اكثر من محل وع فترات بعدها تقدر تقرر

خصوصا ان الموضوع مكلف جدا من مكاين وطواحين واكسسورات هالشي مو شوية 4-5 الالف ريال وانت طالع

احسنت خصوصا الي يفتي لك ويقول لا تجربها مع سكر ولا كيف تستمتع وانت حاط عليها سكر

يا اخوان والله مو شرط قد تكون هناك بروتكولات متبعه على اشياء بس مو معناته اني اطبقها بحذافيرها وإلا اكون غلطان

 

 

[كاسب العنزي]

fosl

اطلعت كثير عليها الكل تقريباً اجمع على مدح المكينة هذي

لكن اغلبهم ذكر انها تحتاج تعديلات

المشكلة ما احد فصل بالتعديلات الكل يرسلك لشخص يقولك هو يعدلها بالمبلغ الفلاني

عندك خلفية عن التعديلات هذي و هل الاسعار المنتشرة للتعديل (في حدود 900 ريال) تستاهل التعديل؟

ولا هم مبالغين او يسوقون لأشخاص لأني احترت صراحة و وقفت في اخر لحظة قبل الشراء

حقين القهوه مايخلون فلسفتهم ، يوم تسمع كلمه تعديل تحسهم يفكون الآلة ويعدلون عليها ، والتعديل اللي يقصدونه ان البورتافلتر يكون مفتوح ، وبعضهم يقص اللي معه بملبغ مايتجاوز 50 ريال ، وتشتري باسكت مكشوف يمكن بنفس المبلغ



وهذا فديو يوضح الفرق بين المكشوف والعادي

 

 

[ZRADYH]

فرق السماء عن الارض انا شريت نيسبريسو لاتسيما و استخدمتها اسبوع و لها الحين 3 سنوات مرميه بالمستودع

عالعموم اذا عندك طاحونه ممتازه يا اما تبدا بشي بسيط و تشوف هل انت حاب الشغله او لا
الديدكا خيار جيد كبداية خاصة ان سعرها قليل و لكن تحتاج طاحونه ممتازه و هالشي متوفر عندك
التعديلات عليها كثيره لكن اهما باسكت غير مضغوط فخذ هذا و انتهت المشكله

https://www.amazon.sa/-/en/Portafilt...s%2C210&sr=8-1

بعضهم يعدلون عصا التبخير و يركبون حقت مكاين احترافيه و بعضهم يخفف ضغط المضخه شوي و لكن ما يفرقون كثير
اهم شي باسكت غير مضغوط و طاحونه ممتازه ( لا تنسى التامبر )

و فيه خيارات ثانيه احترافية اكثر و بتعطيك طعم افضل مثل الرانشيلو سيلفا او الجاجيا كلاسيك لو تبي شي ارخص (قارن سعرهم مع سعر الديلنجو باكسسوارتها و شف هل تستاهل الزيادة او لا)

عالعموم اذا انت ناوي تاخذ لك مكينة احترافية من الفئات العليا فأبدا بالديدكا و شف هل انت بتحب هالشغله او لا
اما لو تبي تشتري مره وحده و ما تبي تتدفع كثير و اهتمامك مشروبات الحليب فاتجه لمكاين الاحترافية الرخيصه يالرانشيلو او الاوسكار 2 او الليليت مارا

و بالنسبة للبن فالخيارات كثيره و كل شخص و ذوقه و حاليا المحامص صارت بكل شارع
بالبداية خذ لك بن رخيص علشان تعاير الطحنه و تضبطه و تعرف درجات الاسبريسو بطاجونتك و بعدها ابدا جرب لين تشوف لك نوع يعجبك (بالنسبة لي تعجبني محمصة soil)
و بالتوفيق

 

 

[Felspark]

ZRADYH

فرق السماء عن الارض انا شريت نيسبريسو لاتسيما و استخدمتها اسبوع و لها الحين 3 سنوات مرميه بالمستودع

عالعموم اذا عندك طاحونه ممتازه يا اما تبدا بشي بسيط و تشوف هل انت حاب الشغله او لا
الديدكا خيار جيد كبداية خاصة ان سعرها قليل و لكن تحتاج طاحونه ممتازه و هالشي متوفر عندك
التعديلات عليها كثيره لكن اهما باسكت غير مضغوط فخذ هذا و انتهت المشكله

https://www.amazon.sa/-/en/Portafilt...s%2C210&sr=8-1

بعضهم يعدلون عصا التبخير و يركبون حقت مكاين احترافيه و بعضهم يخفف ضغط المضخه شوي و لكن ما يفرقون كثير
اهم شي باسكت غير مضغوط و طاحونه ممتازه ( لا تنسى التامبر )

و فيه خيارات ثانيه احترافية اكثر و بتعطيك طعم افضل مثل الرانشيلو سيلفا او الجاجيا كلاسيك لو تبي شي ارخص (قارن سعرهم مع سعر الديلنجو باكسسوارتها و شف هل تستاهل الزيادة او لا)

عالعموم اذا انت ناوي تاخذ لك مكينة احترافية من الفئات العليا فأبدا بالديدكا و شف هل انت بتحب هالشغله او لا
اما لو تبي تشتري مره وحده و ما تبي تتدفع كثير و اهتمامك مشروبات الحليب فاتجه لمكاين الاحترافية الرخيصه يالرانشيلو او الاوسكار 2 او الليليت مارا

و بالنسبة للبن فالخيارات كثيره و كل شخص و ذوقه و حاليا المحامص صارت بكل شارع
بالبداية خذ لك بن رخيص علشان تعاير الطحنه و تضبطه و تعرف درجات الاسبريسو بطاجونتك و بعدها ابدا جرب لين تشوف لك نوع يعجبك (بالنسبة لي تعجبني محمصة soil)
و بالتوفيق

المشكلة الديدكا شبه مخلصه بالسوق مو موجودة الا عند امازون ب 1200

 

 

[ahmedbk4]

Felspark

المشكلة الديدكا شبه مخلصه بالسوق مو موجودة الا عند امازون ب 1200

شف التجربه هذي

https://www.adslgate.com/dsl/showthread.php?t=2593490


انا طلبت من الموقع المكينة مع المطحنة كان عليها عرض طلعت 950 ريال تقريبا مع الشحن
شيك انت عليه كل فترة يمكن ينزل عرض ثاني