FIFA وفايبر stc

[HULK_14]

السلام عليكم



ياجماعه القيمز من فتره بالفايبر ثقل بالذات الفوت بفيفا


ماخليت شي بالذات التفعيل

والقى ناس معي فايبر بالرياض

العب عندهم افضل من اللي عندي وبمراحل


هل ممكن مقسمات الاحياء لها دور


مقسمنا حي الحمراء احد ساكن حول هالحي كيف اللعب معه او حتى الاتصال العادي

 

 

[abo_dwwas]

انا بالدمام ونفس السالفه

 

 

[علي بن محممد]

انا مو قادر العب فوت شامبيون من التاخير

 

 

[CFPB]

stc شركة متخلفه فنياً

عندهم قدرات وشبكة قوية بس للاسف ماعندهم ناس فاهم اغلبهم سباكين الي يشتغلون فيها
مااحد قادر يوظف الخدمة بالشكل المطلوب


زين يجي منها والاتصالات المتاكلمة تحس انهم فاهمين من الناحية الفنيه

تكلمهم بالدعم الفني يفهمون مشكلتك ويحلونها اما الاتصالات اساساً ماهو فاهم وش تبي
المتكاملة يقولك صور اللعبه وطلباتك ويفتحون لك بورتات وامورك تظبط وكثير تجارب توضح كلامي .

 

 

[fbf123]

شركة متخلفة !!!!!!!!

أغلبهم سباكين !!!!!!!

 

 

[HULK_14]

هل لازالت المشكله عندكم


حتى عندي واحد بجده يقول الفايبر بفيفا اللعب مرض

مافيه لاق لكن الاوامر تتأخر


اتعبتنا هالشركه

فايبر وارضي واخرتها تلعب بالفور والفايف جي افضل

مو معقول

 

 

[عذب الشجون]

الوضع الحالي لو تلعب ب الفور جي ارحم الف مره من اللياف حق stc
قاعد افكر احول لي الفايف جي زين الظاهر ارحم منهم بكثير
لي ثلاث اسابيع انا وياهم شيل وحط وجاء فني وراح فني ما استفدت شي

اتوقع وبشكل كبير جدا المقسمات تختلف وكل حي عن حي يختلف الربط
ما شفت تأخير ومشاكل مع فيفا الي يوم حولت من dsl الي اللياف

 

 

[MrA7m3d]

سالفة انك تطلب فني, ولا ترفع شكوى لهيئة الاتصالات مافي منها اي فايده, اتوقع حلنا الوحيد بالنطاق العريض نحول لشركة اخرى ولعل وعسى
واتوقع اني بحول موبايلي هاليومين

 

 

[عذب الشجون]

MrA7m3d

سالفة انك تطلب فني, ولا ترفع شكوى لهيئة الاتصالات مافي منها اي فايده, اتوقع حلنا الوحيد بالنطاق العريض نحول لشركة اخرى ولعل وعسى
واتوقع اني بحول موبايلي هاليومين

تتوقع لو لقيت الفرصه بقول لا
حاولت مع زين قالو ما نقدر نركب لك

 

 

[الشاب سلطان]

العله من فيفا متخيل. كل مباراه شكل مختلف لا تتعب نفسك
EA خلتنا نشك في كل شي

 

 

[HULK_14]

ماتوقع من اللعبه


لان اللي اتصالهم غير الفايبر مبسوطين على اللعب

 

 

[عذب الشجون]

الشاب سلطان

العله من فيفا متخيل. كل مباراه شكل مختلف لا تتعب نفسك
EA خلتنا نشك في كل شي

صدقني مالها دخل من يوم حولت لي اللياف والوضع كذا يوم كويس وعشر ايام زفت
عكس ايام dsl كان مستقر جدا

 

 

[MrA7m3d]

عذب الشجون

تتوقع لو لقيت الفرصه بقول لا
حاولت مع زين قالو ما نقدر نركب لك

الحين فتحوا النطاق العريض
وبحاول مع موبايلي يمدحونها مره

-
ولا تشوف زين افضل؟
من قرائتي اشوف موبايلي قد تكون افضل

 

 

[MrA7m3d]

الشاب سلطان

العله من فيفا متخيل. كل مباراه شكل مختلف لا تتعب نفسك
EA خلتنا نشك في كل شي

شف, سيرفرات فيفا, فعلا تاخذ شوي من التاخير
لكن 80% من الانترنت

 

 

[A z R k]

البلا من سيرفرات فيفا

اذا لعبت في ارضك اللعب يفرق كثير
خارج ارضك احسب حساب التأخير ولا خصمك بيقرأ لعبك وتنجلد

صرت ما العب الا في ارضي صح الموضوع يطول عشان تكون في ارضك بس صدقني الموضوع يستاهل
واذا انهزمت يا الي ضدك كويس ولا أنت ماقدمت شيء ..



اذا شاشة اللودنق الثانية تأخرت اطلع ماعليك من اشارة البنق لان المقطع على التحديث قديم بس يبين لك الطريقة

 

 

[عذب الشجون]

MrA7m3d

الحين فتحوا النطاق العريض
وبحاول مع موبايلي يمدحونها مره

-
ولا تشوف زين افضل؟
من قرائتي اشوف موبايلي قد تكون افضل

جربت اللياف موبايلي في الرياض ما تفرق عن stc مافي فرق كبير
لكن في الشرقيه مره يمدحونها

زين اشوف الاغلب يقول انها مستقره مع اللعاب

لكن كلمت زين وقالو مافي امكانيه نفعل لك

 

 

[XRAY MAN]

إذا أنت راعي قيمنق عليك بشركة زين مجربهم ومجرب stc عز الله فرق السماء عن الأرض

إتصال ثابت والبنق أحلى مايكون

مشكلة stc الإتصال غير ثابت وانت في نص القيم لاق والبنق يطلع وينزل مع زين ما أذكر انه تغير

لكن غلطتي نقلت ل stc

أما الي راعي تصفح ويوتيوب وأفلام ف stc خيار ممتاز لفارق السعر من صالحهم

 

 

[عذب الشجون]

يقولك اسأل مجرب ولا تسأل طبيب
جربت موبايلي كانت كويسه بس كان عندي البنق مع الأوربي مرتفع
القيم بلاي هو نفسه ما يتغير بس الشكاليه في ثقل

المهم بعد طلبت dsl وكان في وضع اسمه فاست حولت عليه البنق منخفض
المهم الوضع نت تايب ون وست شهور اللعب اخر حلاوه كنك تلعب اوف لاين ما مريت بي أي مشكله

المهم عرضو علي احول لي اللياف قلت في نفسي اكيد الوضع افضل من اول يوم الوضع بيض القيم بلاي مختلف الصبح قيم بلاي غير واخر ليل غير وكل ما تطفي المودم وتشغله قيم بلاي غير
مره خفيف مره ثقيل مره عك كروي مرات الخصم يمر من جنبك ولا تقدر تقرب له مرات تلعب وتقدر تسوي مهارات مرات ما تقدر يعني شي يلحس المخ

لكن وصلت لقناعه في الوقت الحالي stc اللياف مع فيفا غير قابله لي اللعب

 

 

[MrA7m3d]

عذب الشجون

جربت اللياف موبايلي في الرياض ما تفرق عن stc مافي فرق كبير
لكن في الشرقيه مره يمدحونها

زين اشوف الاغلب يقول انها مستقره مع اللعاب

لكن كلمت زين وقالو مافي امكانيه نفعل لك

يعني الحين تقول موبايلي واس تي سي تشوفهم نفس الشيء مافيه ذاك الفرق؟

مع انه موبايلي هي الاقل بالبنق الصراحه غريبه

 

 

[MrA7m3d]

XRAY MAN

إذا أنت راعي قيمنق عليك بشركة زين مجربهم ومجرب stc عز الله فرق السماء عن الأرض

إتصال ثابت والبنق أحلى مايكون

مشكلة stc الإتصال غير ثابت وانت في نص القيم لاق والبنق يطلع وينزل مع زين ما أذكر انه تغير

لكن غلطتي نقلت ل stc

أما الي راعي تصفح ويوتيوب وأفلام ف stc خيار ممتاز لفارق السعر من صالحهم

وش الالعاب اللي جربتها مع زين؟