تواصل ادارة شيب تاو معي من اجل حذف موضوعي السابق
banner
2019-04-17 , 12:07 مساءً
اوووه’s Avatar
اوووه

بارز

المشاركات:1812
التسجيل:Apr 2009
اوووه
بيض الله وجهك على امانتك

شركات اعادة الشحن سحبت عليهم من سنين بعد ما فاض الكيل

يا أحصل شحن مباشر من امازون وإلا استريح
2019-04-17 , 12:07 مساءً
2019-04-17 , 12:31 مساءً
العملاق المعذب 2’s Avatar
العملاق المعذب 2

مشارك

المشاركات:434
التسجيل:Jun 2018
العملاق المعذب 2
أمير القلوووب كتب:
معليش ممكن اعرف كيف عرف انه انت اللي كاتب الموضوع ؟


عن طريق التفاصيل الا ذكرتها بموضوعي

ذكرت اني شريت شمعات اكورد وذكرت كل التفاصيل

خصوصا ان العملية مالها اسبوع ونص من يوم تمت سهل التعرف على صاحب المعرف

اضف لها كل تجاربي بالموقع كتبت عنها مواضيع بالبوابة بالتفصيل بداية من عام 2017 الى الأن وانا اكتب عن تجاربي معهم :d

[QUOTE]اهنيك على امانتك

بس وينك مختفي من قسم السيارات [/QUOTE]

حياك الله :d

بالوقت الحالي منشغل كثير وجودي بالمنتدى متقطع

شكرا لأهتمامك وسؤالك


[QUOTE]مثلك انا اتعامل معهم من 2017 اسعارهم جيده لاكن التأخير في تسجيل الشحنات
وبدائية الموقع يا رجل حتى الصفحات في الموقع فيها مشاكل اذ بتتنقل ما بين شحناتك
وعملية اختيار العنوان وشركة الشحن كل شي بدائي... اذكر مره شحنت تقريبا ب 500 دولار والمبلغ ما انضاف لرصيد غير كلمتهم ...
وصحيح كلامك مرات يتأخرون في الرد ع الــ wechat...لدي شحنه ضخمه بعد فتره بشحنها والله يستر
من السعر.. لاكن نقول ان شاء الله يتحسنون في المستقبل ...
.
.
.
شكرا لك ع موضوعك[/QUOTE]

العفو ياخوي لو على التأخير مقدور عليها كنت انتظرهم بالأيام

المشكلة في الأعتباط بحساب الأوزان عندهم

تخيل تشتري غرض وتشحنه على ارامكس ويطلع الوزن الحجمي 17 كيلو

بعد شهر ونص او شهرين تشتري نفس الغرض وتطلب تعليفه وشحنه على ارامكس ويجيك الوزن الحجمي 28 كيلو :d هذا غير ان فيه كثير تجارب جاتني اغراض ناقصة + اغراض شبه تالفة لكن يعلم الله اني اخذتها بحسن نية وكنت اقول لربما صدفة ولربما الجمارك عبثوا بها


[QUOTE]شكراً جزيلاً والله يجزاك بالخير
انا مجهز غرضين في تاوباو على اساس اشتريهم واشحنهم عن طريق شيب تاو

الله يستر وإن شاء الله تعدي سليمة[/QUOTE]

بالتوفيق ياخوي اكيد بعد المواضيع هذي راح يحرصون على تجميل صورتهم ولكن الأحتراس واجب تأكد من المقاييس وراجع حساباتهم قبل ماتدفع

[QUOTE]الي يعتقد ان البوابة مالها تاثير سلبي او ايجابي علي اي موقع مايفهم خير شر
يابوي سين من الناس عنده الان فوق ٢٠٠ الف فلورز وهو جالس يغرد بمواضيع البوابة
وتجارب الشباب علي انه الفتي الذكي الي فاهم التجارة الالكترونية
فوالله الحمدلله علي نعمة هذا الموقع خدمنا وخدم ناس كثير بدون مقابل[/QUOTE]

كلامك صحيح :17:

شخصيا والله استفدت الكثير من هذا المنتدى العامر ومدين له بالكثير ولأعضائه الكرام وتجاربهم الرائعة :17:

[QUOTE]عندهم تلاعب في الشحن اغراضي كانت ماتسوى 200 ريال وحاطين لي الشحن ب 570 ريال وكان فيه خطا في حساب الوزن الحجمي ورفض التغيير
وشحنت معهم مرى اخرى ووصلت الشحنة ناقصة اغراض وجحدوني في الاغراض الاخرى انها تم شحنها
لن اتعامل معهم مرى اخرى[/QUOTE]

على طاري نقص الأغراض جزء كبير من تجاربي جات بأغراض ناقصة او اغراض تالفة بسبب سوء التغليف وكنت اخذها بحسن نية واتجاهل الأمر واحيان كثير اتهم الجمارك بأخذها اثناء التفتيش تجربتي الأخيرة حق الشمعات

جات ناقصة غرضين وتواصلت معهم

Image

المشكلة ماصارت لا مرة ولا مرتين بل مشكلة متكررة كيف احسن الظن واقول انها اخطاء من موظف التغليف ؟

[QUOTE]الله يقويك اخوي انشر غسيلهم خلهم يتأدبون ماينفع مع الشركات النصابه الا كذا ومن البجاحه يعرضون عليك رشاوي بعد
[/QUOTE]

وياك ياخوي :17:

عسى ان يتعدلوا بعد هذي المرمطة معهم

[QUOTE]جزاك الله كل خير المفروض مثل اي عضو واجه اي مشكلة مع اي موقع اشترى منه وماانصفوه يذكرهم المواقع كثيرة وكلهم عندهم نفس المنتجات بدون استثناء فالموقع الي يستخدم اساليب ملتوية او ينصب على البشر ماله اي داعي تشتري منه
[/QUOTE]

وياك اخوي بدايتهم كانت طيبة ولكن لما زادو عملائهم بدأو بالأستغلال

ذكر لي الموظف ان عملائهم الحاليين تخطو 20 الف عميل وهي شركة صغيرة وغير معروفة لكن عسى ان يتعدلوا :25:

[QUOTE]ذكرتني والله انا مثلك مرات تجيني الشحنه ناقصه بعض الأغراض
لاكن ممكن يكون من الجمارك ؟ ولا ؟[/QUOTE]


نفس الشي صار معي بشكل متكرر شوف ردي الا فوق
2019-04-17 , 12:31 مساءً
2019-04-19 , 03:56 مساءً
@ليثاوي@’s Avatar
@ليثاوي@

مبدع

المشاركات:3176
التسجيل:Jun 2007
@ليثاوي@
الله يجزاك خير ويكثر من امثالك .. تأكد ان ماتقوم به عمل عظيم احتسب الأجر عند الله

اشكر لك أمانتك وهذا دليل على اخلاقك العالية .. بارك الله فيك وبارك الله بهذا الصرح العظيم " البوابة لكل شيء" ..
2019-04-19 , 03:56 مساءً
2019-04-19 , 04:17 مساءً
CLOUD6’s Avatar
CLOUD6

نشيط

المشاركات:903
التسجيل:Apr 2011
CLOUD6
كنت ناوي احول لهم


بس وش الفائده اذا الموقع ما فيه دعم فني البطئ في الرد يخلي وجودهم مثل عدمه



اما الاوزان الزائده ووصول بعض الطلبات ناقصه يعني الامانه عندهم معدوم


دور غيرهم وريح بالك احسن
2019-04-19 , 04:17 مساءً
2019-05-04 , 03:37 مساءً
AbdullahPro’s Avatar
AbdullahPro

مشارك

المشاركات:439
التسجيل:Oct 2006
AbdullahPro
حسبي الله عليهم انا توهقت مثلك وتوني اشوف موضوعك شحنه وزنها كيلوين وحاجه دفعت عليها ١١٠ دولار وصارلي اسبوع دافع حتى الان ماانشحنت واراسلهم مايردون او يكذبون
ايش الحل يالجماعه معهم
2019-05-04 , 03:37 مساءً
2019-05-04 , 03:42 مساءً
Onionite’s Avatar
Onionite

مبدع

المشاركات:3859
التسجيل:Jul 2007
Onionite
ما عليك منهم لك تجربة سلبية من ابسط حقوقك تكتب عنها ولا يعتبر تشهير و لا هو لم التشهير
و عني شخصياً مالي تعامل معهم ولا نية اتعامل معهم اكثر من تجربة سيئة قرأت عنها لهم
فوق سلخ الاسعار نقعد نترجاهم يشتغلون و يسوون شغلهم؟
2019-05-04 , 03:42 مساءً
2019-05-04 , 03:44 مساءً
Onionite’s Avatar
Onionite

مبدع

المشاركات:3859
التسجيل:Jul 2007
Onionite
AbdullahPro كتب:
حسبي الله عليهم انا توهقت مثلك وتوني اشوف موضوعك شحنه وزنها كيلوين وحاجه دفعت عليها ١١٠ دولار وصارلي اسبوع دافع حتى الان ماانشحنت واراسلهم مايردون او يكذبون
ايش الحل يالجماعه معهم


اكتب موضوع وثق فيه تجربتك السيئة و راح يفتحون خط دعم فني خاص لك و يكلمك موظف سعودي اسلوب محترم و يعاملونك VIP يعني العميل العادي اللي يدفع و ينتظر موب VIP
2019-05-04 , 03:44 مساءً
2019-05-04 , 03:49 مساءً
askksa’s Avatar
askksa

بارز

المشاركات:1676
التسجيل:Jun 2009
askksa
الحقيقة انا جربتهم زماااان يمكن قبل ست شهور او 8 شهور
كانوا جيدين

قبل اسبوع قررت اجربهم واشتري من عندهم
عبر خدمة الشراء
دفعت وكل شي
المهم وارسل ارسل ارسل وتطنيش
وارسل في الوي شات قال بضاعتك شريناها ووصلت الان خارج
العمل ارسل لنا بكرة نحدث قلت اوكي
ارسل لهم اليوم الثاني حدث خلني اشحن لعنواني وتطنيش
ويرد علي بعد نهاية الدوام ان الان خارج الوقت وارسل لنا بكرة
ثلاث اربع ايام نفس الموال

بعد اسبوع مرمطة خرشتهم قللت لا ترد ع ايميل
ولا ع رسائلي الا وقت دوامك ف الصبح
عشان تقدر تخدمني وتحدث المنتج
المهم
قال شوية بعدين رجع قال ان المبلغ ناقص وما يكفي للشراء
ي ولد
وش السالفة ؟!! انت ما شريت
قال لا باقي ما شرينا
افاااااا .. وين اللي يقل شرينا ووصلت وباقي نحدثها
قلت اقلك
رد فلوسي ما عاد ابغاك تشتري لي
وبالفعل رد الفلوس ع باي بال
ثلاث ايام ورجعت في فيزتي

هذا تخلف مو موقع
اسبوع لاطعني واخر شي يقل باقي ما شرينا
الفلوس ما تكفي
وينك ما تتهرج من بدري
لا وبعد ياخذ 7% مو بلاش
الله لا يشكر فضلك تخدمني مقابل موبلاش

بصراحة ما انصحكم بهم
موفقين
2019-05-04 , 03:49 مساءً
2019-05-04 , 04:36 مساءً
AbdullahPro’s Avatar
AbdullahPro

مشارك

المشاركات:439
التسجيل:Oct 2006
AbdullahPro
لاحول ولاقوة الا بالله والمصيبه الي هنا يطبلون لهم ويمدحون فيهم
2019-05-04 , 04:36 مساءً
2019-05-05 , 10:38 صباحاً
SnowPenguin’s Avatar
SnowPenguin

مبدع

المشاركات:4866
التسجيل:Dec 2016
SnowPenguin
يا أخي إنتا بطل، وأتمنى الله يكتر من أمثالك

ما عمري أشتريت من المواقع، وشكلي ما حأشتري منه

ريحتني وكسبت أجري

بارك الله فيك
2019-05-05 , 10:38 صباحاً
2019-05-05 , 11:02 صباحاً
SIM’s Avatar
SIM

فعال

المشاركات:1154
التسجيل:Oct 2007
SIM
الصراحة حنا كأعضاء نشكرك على صراحتك واهتمامك لنا من باب الاولى وانت شكلك حسيت ان وضع الشركة كل مالهم للاسوء وكويس انك صححت الموضوع واخبرت الاعضاء على اخر الاحداث الي صارت مع هذي الشركة واهتميت لمصلحة العام اكثر من مصلحة الخاصة لك مع انهم كانوا مصريين يوفرون لك عروض مغرية حتى تحذف الموضوع هذا جميل منك وحريص
يعطيك العافيه
2019-05-05 , 11:02 صباحاً
2019-05-10 , 01:57 مساءً
AbdullahPro’s Avatar
AbdullahPro

مشارك

المشاركات:439
التسجيل:Oct 2006
AbdullahPro
اي والله جزاك الله الف خير
2019-05-10 , 01:57 مساءً
2019-05-10 , 02:44 مساءً
ravena’s Avatar
ravena

نشيط

المشاركات:912
التسجيل:Jun 2007
ravena
موضوعك ذكرني بفلل اندونيسيا كانت توب ووجهة الكل دخلو سماسرة سعوديين وصارت اغلى من دبي

ونادر الان من يسافر لها



الان دام هالموقع فيه سماسرة سعوديين هو البلا والجلا والتلاعب واضح ومن هالموضوع اعلن نهاية تعاملي معهم



موقع سيئ جدا جدا نصابين .. يحسبون لك قيمة اغراضك لتتضاعف

[U]
[/U]
[U]اذا يقرء الاخ المواطن موظف شيب تاو خلهم ينفعونك عرفت الله لما جات على جشعك الله لايوفقك انت ومن على شاكلتك [/U]
2019-05-10 , 02:44 مساءً
2019-05-11 , 12:12 مساءً
AbdullahPro’s Avatar
AbdullahPro

مشارك

المشاركات:439
التسجيل:Oct 2006
AbdullahPro
ماهم سماسره هم اساس البلاء يتعاون مع الصيني ضد ابن بلده عشان يسرقه
اللهم امين ياحي ياقيوم
2019-05-11 , 12:12 مساءً
2019-05-11 , 06:02 مساءً
embratoor’s Avatar
embratoor

مبدع

المشاركات:5460
التسجيل:May 2011
embratoor
LOVEMAC كتب:
الي يعتقد ان البوابة مالها تاثير سلبي او ايجابي علي اي موقع مايفهم خير شر
يابوي سين من الناس عنده الان فوق ٢٠٠ الف فلورز وهو جالس يغرد بمواضيع البوابة
وتجارب الشباب علي انه الفتي الذكي الي فاهم التجارة الالكترونية
فوالله الحمدلله علي نعمة هذا الموقع خدمنا وخدم ناس كثير بدون مقابل


ههههه اسمه يبدا بحرف ف
اصلا مستحيل شخص يعرف كل ذا عن التجاره الالكترونيه من سيارات لادوات مطبخ لادوات تجميل والله ذا المنتدى غير حياتنا للافضل الحمد لله



بالنسبه لشيب تاو بعد مواضيع صاحب الموضوع كنت افكر اجربهم وحاطهم بالمفضله
لكن بعد ما طلع متابعين البوابه وشايفين الشكاوي ومطنشين
وبعدها رشاوي
واخرها وقاحة وتهديد

انا اغسل يدي عن التعامل معكم دامكم تشوفوا ردي وتم الحذف من المفضله
وبالنسبه للسعودي تذكر انه في يوم حساب يوم تبغى تغش الناس وتخفي عنهم سوء الشركة وتسوق لها بالكذب
2019-05-11 , 06:02 مساءً
2019-05-14 , 05:11 صباحاً
zxc777’s Avatar
zxc777
مراقب عام

أبو محمد

المشاركات:12139
التسجيل:Feb 2014
zxc777
صراحه بدون مجامله اني لي الشرف بالمرور على هذا الموضوع تحيه وشكر وثناء لصاحبه وللاعضاء المتفاعلين
وعندي استفسار ماهي شركه الشحن المناسبه من وجهة نظرك او نصرف النظر عن هذا الموقع ؟
2019-05-14 , 05:11 صباحاً
2019-05-16 , 01:03 صباحاً
waset 325’s Avatar
waset 325

مشارك

المشاركات:198
التسجيل:Jul 2016
waset 325
الله يبيض وجهك والله أنك ماقصرت

أنا لي شحنة جلسة في الجمارك تقريبا 10 شهور أو اكثر وبعدها رجعت لشيب تاو واستلموها بتاريخ 21/02/2019 وإلى يومك أكلمهم في البداية جحدوا أنها مارجعت لهم لما كلمت شركة الشحن أكدوا أنها رجعت لهم واستلموها شيب تاو ومن بعدها كلمتهم على الويشات وأرسلت لهم رد شركة الشحن على الإيميل ولا ردوا وتطنيش إلى الآن مافيه أي رد الشحنة صار لها سنة وشهر الآن وقيمتها فوق 2000 ريال لكن مانقول إلا حسبنا الله ونعم الوكيل
2019-05-16 , 01:03 صباحاً
2019-05-16 , 04:04 مساءً
Anmar z m’s Avatar
Anmar z m

مبدع

المشاركات:2216
التسجيل:Jun 2012
Anmar z m
waset 325 كتب:
الله يبيض وجهك والله أنك ماقصرت

أنا لي شحنة جلسة في الجمارك تقريبا 10 شهور أو اكثر وبعدها رجعت لشيب تاو واستلموها بتاريخ 21/02/2019 وإلى يومك أكلمهم في البداية جحدوا أنها مارجعت لهم لما كلمت شركة الشحن أكدوا أنها رجعت لهم واستلموها شيب تاو ومن بعدها كلمتهم على الويشات وأرسلت لهم رد شركة الشحن على الإيميل ولا ردوا وتطنيش إلى الآن مافيه أي رد الشحنة صار لها سنة وشهر الآن وقيمتها فوق 2000 ريال لكن مانقول إلا حسبنا الله ونعم الوكيل



للمعلومية مو كل شي يطلع من الصين يدخل تاني

واغلب البايعين يوم تشتري منه ويطلع فيه مشكلة يقلك خليه عندك وبرسلك واحد ثاني لانه عارف ما حيرجعه

ولو كان بالذات شي الكتروني انسى انه يدخل الصين
2019-05-16 , 04:04 مساءً
2019-05-16 , 07:28 مساءً
هيوناا’s Avatar
هيوناا

مشارك

المشاركات:135
التسجيل:Sep 2016
هيوناا
Anmar z m كتب:
للمعلومية مو كل شي يطلع من الصين يدخل تاني

واغلب البايعين يوم تشتري منه ويطلع فيه مشكلة يقلك خليه عندك وبرسلك واحد ثاني لانه عارف ما حيرجعه

ولو كان بالذات شي الكتروني انسى انه يدخل الصين



لا مو صحيح

إذا الشحنة ما استلمتها يرجعونها للمصدر

في مره شحنت شحنة على البريد السعودي عن طريق شركة تجميع

ووصلت وتأخرت في استلامها إلى ان رجعت إلى شركة التجميع
وعودت من جديد اشحنها


الصين زيها زي غيرها تدخل شحنات وتطلع منها

الشيء الي يفرق ان اسعار الشحن في الصين ارخص بكثيييير
وخاصة الشحن الدولي عندهم بعكسنا لو تبي تشحن شحنة لبرى يعطونك مبالغ فلكية
2019-05-16 , 07:28 مساءً
2019-05-16 , 07:40 مساءً
Anmar z m’s Avatar
Anmar z m

مبدع

المشاركات:2216
التسجيل:Jun 2012
Anmar z m
هيوناا كتب:
لا مو صحيح

إذا الشحنة ما استلمتها يرجعونها للمصدر

في مره شحنت شحنة على البريد السعودي عن طريق شركة تجميع

ووصلت وتأخرت في استلامها إلى ان رجعت إلى شركة التجميع
وعودت من جديد اشحنها


الصين زيها زي غيرها تدخل شحنات وتطلع منها

الشيء الي يفرق ان اسعار الشحن في الصين ارخص بكثيييير
وخاصة الشحن الدولي عندهم بعكسنا لو تبي تشحن شحنة لبرى يعطونك مبالغ فلكية



انا بعطيك من تجربتي على الاجهزه الكهربائية لها اشتراطات يقلك واوراق معينه يوم سالت اول اول ما تطلع مو سهل تدخل

وهذا الي واجهني باي بي و علي اكسبرس من قبل
2019-05-16 , 07:40 مساءً