بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة الهواتف الذكية والأجهزة اللوحية Smart Phones & Tablets > البلاك بيري BlackBerry 10
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 27-08-2018, 12:21 PM #1
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter




Bb Logo BlackBerry KEY2 [ التجمع والاستفسارات عن الجهاز ].





السلام عليكم ورحمة الله وبركاته..

اسعد الله صباحكم / مسائكم بكل خير..

مثل ماهو واضح بالموضوع كنت حابب اعطيكم تجربتي المتواضعه للجهاز وصلني قبل امس وجلست معاه جلسه حلوه بعد المعاناه اللي عانيتها لحد ما وصل

قبل نبدء حاب اعطي ملاحظات بسيطة:

الاولى: الاخوان ملاك الاجهزه الاخرى يا ريت توفرون عناء المقارنه بين البلاك بيري كي 2 وبين اي جهاز اخر تملكه او مطلقته شركه اخرى لاننا عارفين الفرق وايضا عارفين ان السعر مبالغ فيه ؛ فياريت توفر على نفسك الاحراج وتحتفظ برأيك لنفسك لان ماحد رح يتناقش معاك في المقارنات.

الثانيه: لاحظت عدد لا بأس فيه منكم يحاول يحصل على الجهاز ونصيحتي لكم كالتالي ؛ راسلوا اكسيوم السعوديه على تويتر يوميا ازعجوهم عشان يحسون ان الجهاز عليه طلب ويجيبون كميه اخرى ؛ ايضا سجلوا بموقعهم واضغطوا على عبارة " اخبرني عندما يتوفر " اكيد بيكون عندهم خلفيه عن عدد الاشخاص المنتظرين للجهاز ويتحركون.


طيب بعد انتهينا من الملاحظات نبدء الحديث وكلامي بيكون من ناحية شخص محب لاجهزة بلاك بيري يعني ما رح تلاقون مراجعه تقنيه لان كثيرين عارفين مواصفات الجهاز وانما رح تلاقون حديثي عن مميزات الجهاز اللي لاحظتها والعيوب ان وجد..

وهذي مواصفات الجهاز في موقع اكسيوم للي حابب يطلع عليها وياخذ نظره اوسع..

اول شي شكل الجهاز وملمسه وممسكه باليد ؛ الجهاز كلمة فخم قليله خاصه النسخه السوداء لما تمسكها تحس انك ماسك جوال من جد وشعار بلاك بيري خلف الجهاز معطيه جمال اكثر ؛ والخامه المصنوعه منه الخلفيه بالذات مريحه بالممسك ؛ وتريحك بالذات مع الكيبورد وانت تكتب.

وهذي كم صوره بسيطه وسامحوني على التصوير ماني من محبين الكاميرات







النظام نفسه عادي نظام اندرويد مثله مثل غيره لكن خيارات الحمايه فيه جدا ممتازه على سبيل المثال التطبيق المعروف Password Keeper ولو انت مثلي تستخدم باسوردات معقده لحساباتك سواء اجتماعيه او على البلايستيشن رح تحبه احفظ فيه كل الباسات حقتك وقفل عليها بباسورد واحد وحتى لو حفظت ملف احتياط رح يكون مشفر صعب جدا فك تشفيره وما ابالغ لو قلت اقرب للمستحيل لان سبق وبحثت عن حلول لملفات مشفره من اجهزتي البلاك بيري القديمه لكن عبث مافي ؛ فما بالك بالجديد ما رح يفتح بدون الباسورد اللي انت حاطه للتطبيق..

تطبيق اخر كثيرين حبوه واللي اسمه Locker ؛ رح يسمح لك تخفي ملفات ومجلدات وحتى تطبيقات لو ما حبيت الملاقيف يعرفون نوع التطبيقات اللي مثبتها تحطها فيه وتختفي من الواجهه نفسها ..

فيه التطبيق شغله ممتازه وهي بعد تحط عليه كلمة مرور لنفرض حبيت انك تلتقط صوره او فيديو وحاب تكون خاصه لك يعني ما تنرفع مباشره على خدمة جوجل ؛ او حبيت ماحد يطلع عليها مطلقا ببساطه تضغط من التطبيق " التقاط خاص " التقط الصوره بواسطة زر المسافه ( مستشعر البصمه ) وبمجرد يلتقطها رح يرسلها للتطبيق وتتقفل الا لو حبيت تفتحها بالبصمه

حاولت اصور داخل تطبيق Locker لكن ممنوع من النظام هالشي << اعجبتني

لكن هذي صوره تجريبيه مقفلها للي حاب يطلع عليها..




ننتقل بعد كذا للميزه الجديده وهي مستشعر البصمه ( زر المسافه ) مره حبيت هالشغله حقيقه المستشعر استجابته سريعه جدا وما يحتاج تضغط عليه عشان يفتح معاك لا بس حط اصبعك ورح يتعرف عليه على طول ويفتح معاك

كنت قلقان حقيقه من مظهر التنبيهات ( واتساب ؛ انستغرام ؛ رسائل نصيه ... الخ ) لكن حقيقه مره حبيتها على شاشة القفل مظهرها فخم ومحترم واعذروني ماقدر احط صوره للخصوصيه

من هنا حاب اتحدث عن [ BlackBerry Hub ] وهذا عباره عن مركز التحكم بالتنبيهات وتطبيقاته [ نصيه ؛ واتساب ؛ انستغرام ؛ تويتر ؛ بريد الكتروني وغيرهم ] كلها مجمعه في مكان واحد وتستطيع من خلاله تنتقل لأي من هذي التطبيقات مباشره ؛ او لو تحب تظل الامور على ما عليها كل تطبيق مثل ماهو فلا تخاف رح يظهر عليه ايضا التنبيه لما يكون فيه رسائل جديده او تنبيهات.

ندخل الان الى مركز الجهاز والمفضل للكل وهو الكيبورد ..

ما ابالغ يا اخوان لو قلت لكم اذا انت شخص محب للكيبورد الفيزيائي رح يعجبك هالكيبورد بتاخذ عليه بسرعه وبتحس براحه وانت تكتب ؛ ما اكذب عليكم لسه ما رجعت لسابق عهدي اكتب وانا مغمض لكن مرتاح جدا فيه.

احد الازرار الموجوده بالكيبورد الجديده هو زر الراحه اعتقد مسمينه باللغه العربيه وهذي صوره لمكانه..



اشكرهم صراحه انهم اضافوه الزر ممكن تغير خاصيته بالاعدادات لو حبيت مثلا تخليه زر control على اليمين لكن صراحه اخترت انا اخليه لتغيير اللغه فقط ضغطه وحده وتتغير اللغه من انجليزي الى عربي ؛ عملي جدا هالشي وانت تكتب بسرعه.

الكيبورد ايضا يسمح لك انك تستخدمه مثل التتش باد يعني تقدر تتصفح فيه تطلع او تنزل تروح يمين او يسار وهالشي ممتاز جدا..

وايضا وهذي واحده من المميزات اللي حبيتها فيه كثيرا وهي الاختصارات تقدر تعين اي زر بالكيبورد الى اطلاق سريع لتطبيق تبغاه على سبيل المثال W تخليه للواتساب ؛ وايضا لنفرض كان عندك تطبيقين تبدء بنفس الحرف مثل تويتر وتلغرام ؛ ببساطه حرف T ضغطه صغيره يفتح تويتر وضغطه مطوله شوي يفتح التلغرام.

البطاريه وما ادراك ما البطاريه ؛ كل من مدحها صدق مدحه ما شاء الله تكرف معاك فتره طويله ولا رح تحتاج بنك طاقه وين ما رحت ووين ما جيت باذن الله.

الصوت الحمدلله تمام ما واجهتني فيه مشكله ؛ ولا واجهني بطئ بالجهاز ولله الحمد ..


طيب طبعا الجهاز ما نقول كامل - الكمال لله وحده - فيه عيوب اكيد لكنها ماهي اللي تزعجك نهائي..

اولها - وهذا عيب اعتقد من الوكيل للاسف بالاعدادات رح تلاحظ بعض الزوايا فيها بيكون وصف الاعداد نفسه باللغه الهنديه اعتقد او الباكستانيه وهالشي مزعج لكن ماعتقد بلاك بيري ملامه على هالشي وانما التعريب كان ضعيف شوي.

الثانيه - الشاشه لو انت تشاهد فيديوهات كثير على اجهزه اخرى مثلا النوت او اجهزة هواوي بتلاحظ الفرق بحكم ان الشاشه صارت اصغر حجم لكن بشوية تعود ما رح يزعجك هالشي ولا رح يخرب تجربتك للجهاز..



هذا كل شي عندي اللي حاب يستفسر عن شي او حاب اجرب شغله بالجهاز وابلغه بالنتيجه لا يتردد ؛ ايضا شريت كفر للجهاز وحمايه للشاشه لما توصلني باذن الله رح اركبها واعطيكم رايي فيها لكن هالشي بيتأخر بحكم ان طالبها من امازون امريكا.

الجهاز حقيقه ارتحت فيه كثيرا وانا اكتب وانا ارد واتجاوب مع الناس من ايام البرايف ما حسيت براحه كذا بالعكس هذا افضل بكثير بعد دمج الكيبورد مع الشاشه..

تحياتي لكم اخوكم متعب الحارثي..

وسامحوني على التقصير ...

 

 

التوقيع
success is not final, failure is not fatal, it is the courage to continue that counts




التعديل الأخير تم بواسطة متعب الحارثي ; 28-08-2018 الساعة 06:42 PM.
متعب الحارثي غير متصل  
أشكر صاحب الموضوع رد مع اقتباس
10 عضواً يشكرون متعب الحارثي للفائدة التي وجدوها في هذا الموضوع

قديم 27-08-2018, 12:40 PM #2
تقنيTec
مشارك
 
الصورة الرمزية تقنيTec
 


افتراضي رد: BlackBerry KEY2 [ التجمع والاستفسارات عن الجهاز ].





عالبركة، الله يطعمك خيره ويكفيك شره
بالنسبة لحجم أزرار الكيبورد، هل فعلا زيادة الحجم عن key1 كانت محسوسة؟
وهل التفاعل عن طريق الكيبورد (مثل حذف النص، والتصفح) عملي؟
لأني كنت أستخدم passport ولما انتقلت لkey1 حسيت بضعف بهالناحيتين، الكيبورد بkey1 ما يتفاعل معك بسلاسة مثل passport وحجم الأزرار كان أصغر من المتوقع.

 

 




تقنيTec غير متصل  
رد مع اقتباس

قديم 27-08-2018, 01:32 PM كاتب الموضوع #3
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
تقنيTec
عالبركة، الله يطعمك خيره ويكفيك شره
بالنسبة لحجم أزرار الكيبورد، هل فعلا زيادة الحجم عن key1 كانت محسوسة؟
وهل التفاعل عن طريق الكيبورد (مثل حذف النص، والتصفح) عملي؟
لأني كنت أستخدم passport ولما انتقلت لkey1 حسيت بضعف بهالناحيتين، الكيبورد بkey1 ما يتفاعل معك بسلاسة مثل passport وحجم الأزرار كان أصغر من المتوقع.


يبارك بعمرك ويسعد قلبك يارب ..

اي نعم زاد الحجم رح تحس كان بينها مسافه بسيطه بحيث ما تضرب ايديك باذن الله بالزر الغلط لكنها بتحتاج منك تعود فقط كعادة الكيبوردات الفيزيائيه وبمجرد تاخذه عليه باذن الله امورك تمام.

كنت خايف انا انه الجوال يكون غير متوازن يعني وانا ماسك الكيبورد بيديني من تحت يكون من فوق كانه ثقيل ومو موزون لكن الجمدلله ما حسيت بهالشي نهائي.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 27-08-2018, 01:52 PM كاتب الموضوع #4
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
نيشان والله
الله يعطيك الف عافية
هالشركة تخبللللل

اللي باقي ما شراه يقدر اذا وده ينتظر ايام حتى
يعرف شقصة الجديد KEY2 LE اللي راح تعلن عنه BlackBerry
في August 30 في معرض IFA 2018

الشركة نشرت تشويق
https://twitter.com/BBMobile/status/1033021323738574848
احتمال نسخة ارخص

اعتقد انها نسخه اخف بالمواصفات عشان السعر يقل ..


على العموم تواصلت مع اكسيوم وارسلت لهم هالرساله ..

السلام عليكم ؛ اخوي حبيت استفسر لاحظت كثيرين بالمنتديات يبحثون عن الجهاز عندكم ؛ هل لو سجلوا بموقعكم الالكتروني ومن ثم الضغط على " اخبرني عندما يتوفر " رح يعطيكم لمحه عن عددهم وبالتالي طلب كميات اخرى من بلاك بيري كي 2 ؟

ردوا علي ان هذا الشي ممكن فسجلوا بالموقع وسووا مثل ما قلتم لكم وان شاء الله يجي.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 27-08-2018, 01:53 PM #5
راعي اليوكن
مشارك
 
الصورة الرمزية راعي اليوكن
 


افتراضي رد: BlackBerry KEY2 [ التجمع والاستفسارات عن الجهاز ].





الف الف الف الف الف مبروك يامتعب أخيرآ يارجل يعطيك خير هالجهاز ويكفيك شرة والله تستاهل

تجربة حلوة وتحمس الجهاز يستاهل صراحة

اذا ربي يسرها بأشتري نسخة خلال هالايام

اولها - وهذا عيب اعتقد من الوكيل للاسف بالاعدادات رح تلاحظ بعض الزوايا فيها بيكون وصف الاعداد نفسه باللغه الهنديه اعتقد او الباكستانيه وهالشي مزعج لكن ماعتقد بلاك بيري ملامه على هالشي وانما التعريب كان ضعيف شوي.


متعب الله لا يهينك وضح لي اكثر بالتفاصيل

مافهمت عليك


.
.

في الاخير والله يامتعب فرحت لك وتتهنى فيه يارب

 

 




راعي اليوكن غير متصل  
رد مع اقتباس

قديم 27-08-2018, 10:18 PM كاتب الموضوع #6
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
راعي اليوكن
الف الف الف الف الف مبروك يامتعب أخيرآ يارجل يعطيك خير هالجهاز ويكفيك شرة والله تستاهل

تجربة حلوة وتحمس الجهاز يستاهل صراحة

اذا ربي يسرها بأشتري نسخة خلال هالايام




متعب الله لا يهينك وضح لي اكثر بالتفاصيل

مافهمت عليك


.
.

في الاخير والله يامتعب فرحت لك وتتهنى فيه يارب


حبيب قلبي والله ؛ ربي يسعدك ويعافيك يارب ..

بالنسبه لكلامي فرح تلاقي وهذي لاحظتها بالاعدادات للجهاز لما تدخل عليها بعضها مو كلها مكتوبه باللغه الهنديه او الباكستانيه لكن اللي لاحظته انه الوصف مكتوب كذا مو الخاصيه نفسها ومو كلها بعضها يعني مادري اذا المشكله من اكسيوم ما عربوه كويس او مدري مين المسؤول عن حزمة اللغه العربيه.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 28-08-2018, 05:12 PM #7
YeS InTeR
نشيط
 
الصورة الرمزية YeS InTeR
 


افتراضي رد: BlackBerry KEY2 [ التجمع والاستفسارات عن الجهاز ].





الله يبارك لك بالجهاز يا متعب

بخصوص أزرار الكيبورد كم مقالسها لو تقارنها بالباسبورت

لان حجم ازرار الكيبورد في الباسوورد 72mm لكل زر

وياليت لو يكون موضوع رابطة يوضح فيه معلومات الجهاز ومواصفاته ومميزاته

 

 

التوقيع
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ




YeS InTeR غير متصل  
رد مع اقتباس

قديم 28-08-2018, 06:43 PM كاتب الموضوع #8
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
YeS InTeR
الله يبارك لك بالجهاز يا متعب

بخصوص أزرار الكيبورد كم مقالسها لو تقارنها بالباسبورت

لان حجم ازرار الكيبورد في الباسوورد 72mm لكل زر

وياليت لو يكون موضوع رابطة يوضح فيه معلومات الجهاز ومواصفاته ومميزاته

الله يسعدك يارب تسلم ؛ بالنسبه للرابط للمواصفات حطيت صفحة اكسيوم المواصفات موجوده بشكل موسع..

اما بالنسبه لسؤالك فما عندي علم حقيقه عن حجم الازرار وبحثت ما لقيت يعني هالمعلومه والباسبورت انا ما جربته صراحه عشان اقدر اقارن لك بين الاثنين.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 29-08-2018, 06:01 AM #9
YeS InTeR
نشيط
 
الصورة الرمزية YeS InTeR
 


افتراضي رد: BlackBerry KEY2 [ التجمع والاستفسارات عن الجهاز ].





ياليت تعطينا انطباعك عن الجهاز بعد استخدامه كم يوم

وهل سابقا استخدمت البريف والمقارنة بينهم

لان كان فيه بعض المشاكل بسبب معالجه

كيف الحرارة بالجهاز وكم يعطيك تشغيل شاشة


سؤال آخر الكيبورد كيف اضائته لأن سابقا كان الحرف العربي لونه برتقالي بهذا الجهاز ابيض

هل لاحظت فرق كبير أو لا


وياليت تصور لنا عرض السناب ومقارنته مع جهاز آخر

 

 

التوقيع
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ




YeS InTeR غير متصل  
رد مع اقتباس

قديم 29-08-2018, 11:35 AM #10
YeS InTeR
نشيط
 
الصورة الرمزية YeS InTeR
 


افتراضي رد: BlackBerry KEY2 [ التجمع والاستفسارات عن الجهاز ].





أخوي متعب عندي استفسار اخر


ياليت تجرب


مثلاُ انت في صفحة الواتس اب الرئيسية او bbm جرب تضغط حرف B هل ينزلك لاسفل الصفحة وبرضه حرف T يطلعك فوق لأعلى الصفحة

طبعاً هالطريقة موجودة بالباسبورت ومفيدة جداً خصوصا في البرامج


كذلك ياليت تصور لنا طريقة عرضه للسنابات ومقارنه مع جهاز أخر

كذلك ياليت بعد التعمق في الجهاز تذكر لنا تفاصيل إضافية في الجهاز

بأذن الله اول ما ينزل الجهاز ويمتلكه أكثر من شخص راح يكون الموضوع اكثر تفاعل ممكن يكون فيه موضوع عباره عن تجمع شامل للحهاز

 

 

التوقيع
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ




YeS InTeR غير متصل  
رد مع اقتباس

قديم 29-08-2018, 01:48 PM كاتب الموضوع #11
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





رح اجاوبك عن النقاط اللي تكلمت عنها نقطه نقطه..

ياليت تعطينا انطباعك عن الجهاز بعد استخدامه كم يوم

وهل سابقا استخدمت البريف والمقارنة بينهم

الجهاز زي ما قلت لكم مرتاح فيه جدا ؛ وبالنسبه للبريف اي فيه فرق كبير بمسألة الحراره يعني البريف لما كنت تحدث النظام تحس شوي ويولع من الحراره هذا نهائي الحمدلله لما حدثت النظام ما لاحظت ارتفاع بدرجة الحراره ولا بالاستخدام ولله الحمد.

عدى كذا اكيد الكي 2 يتغلب على البريف في نواحي كثير اذا مو كلها.

سؤال آخر الكيبورد كيف اضائته لأن سابقا كان الحرف العربي لونه برتقالي بهذا الجهاز ابيض

هل لاحظت فرق كبير أو لا

الكيبورد فعلا الحروف اضائتها بيضاء والحلو انه لما الجهاز يولع تستخدمه تظهر لك الحروف العربيه مولعه لكن لما تطفيه يخفت اللون ويختفي كانه كيبورد انجليزي فقط الا لو دققت زين بالجوال بتلاحظها.

وياليت تصور لنا عرض السناب ومقارنته مع جهاز آخر

المعذره عزيزي ما اعرف استخدم السناب حتى انستغرام متابعه فقط لا تصوير.

مثلاُ انت في صفحة الواتس اب الرئيسية او bbm جرب تضغط حرف B هل ينزلك لاسفل الصفحة وبرضه حرف T يطلعك فوق لأعلى الصفحة

طبعاً هالطريقة موجودة بالباسبورت ومفيدة جداً خصوصا في البرامج

اي فعلا هذي اتذكرها في البلاك بيري لكن هذا الكلام كان في انظمة بلاك بيري نفسها وليس نظام مبني على اندرويد فاشك انك تلاقيها جربت التلغرام وواتساب ما ظبطت ؛ مادري عن تطبيق البلاك بيري نفسه.

كذلك ياليت بعد التعمق في الجهاز تذكر لنا تفاصيل إضافية في الجهاز

الجهاز نظامه بالاندرويد زي اي نظام اخر فيه فروقات واضحه اكيد لكن مو جذري بالاخير كلها تتشابه الى حد بعيد ؛ عجبتني برضه وجود مركز للخلفيات عشان ما يمل الواحد من مظهر الشاشه.

يمكن اللي نسيتها هي " الدبل تاب " يعني لو حبيت بس تشوف شاشة القفل لو فيه تنبيهات او شي جديد مثلا الجوال صامت او مثلي ما تحب صوت تنبيهات التطبيقات او الاضاءه فقط تضغط عليه باصبعك بالشاشه دبل كليك ورح تضيئ وتشوف لو في شي او لا.

ومره مبسوط من مستشعر اللمس يريح جدا بس انتبه تنسى كود pin لانه بيطلبه منك كل ثلاثه ايام تدخله عشان الامان.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 30-08-2018, 09:27 AM #12
anacond
متميز
 
الصورة الرمزية anacond
 


افتراضي رد: BlackBerry KEY2 [ التجمع والاستفسارات عن الجهاز ].





كيف اداء الكاميرا بالتصوير ؟

الكيبورد عاجبني مرره بس الكاميرا شلون خاصه السناب !

 

 




anacond غير متصل  
رد مع اقتباس

قديم 30-08-2018, 02:28 PM #13
مساا
مشارك
 
الصورة الرمزية مساا
 


افتراضي رد: BlackBerry KEY2 [ التجمع والاستفسارات عن الجهاز ].





عندي سؤالين

كيف اغير اللغه من غير ما اضغط على المسافه

السؤال الثاني كيف اخلي الكيبورد ينور

 

 




مساا غير متصل  
رد مع اقتباس

قديم 30-08-2018, 07:01 PM #14
YeS InTeR
نشيط
 
الصورة الرمزية YeS InTeR
 


افتراضي رد: BlackBerry KEY2 [ التجمع والاستفسارات عن الجهاز ].





بعد ما نشبت لهم اكسيوم الامارات كلن هذا ردهم


‏الجهاز غير متوفر بالمملكة العربية السعودية لأن هناك شروط معينة لوزارة التجارة ويجب على شركة بلاك بيري تليبة تلك الشروط ليتم بيع الهاتف بالسعودية .

‏ما لم يتم تلبية تلك الشروط لن نتمكن نحن كشركة اكسيوم من بيع الهاتف بالسعودية .



من الواضح انه الجهاز راح يطول .. افكر جدياً اني اطلبه من الامارات

 

 

التوقيع
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ




YeS InTeR غير متصل  
رد مع اقتباس

قديم 31-08-2018, 11:13 AM كاتب الموضوع #15
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
مساا
عندي سؤالين

كيف اغير اللغه من غير ما اضغط على المسافه

السؤال الثاني كيف اخلي الكيبورد ينور

اما انك تضغط على زر alt + انتر في الكيبورد واشوفها مزعجه او تسوي زي ما سويت انا وتحول زر الراحة الى زر تغيير اللغه وشرحت هالشي في الموضوع

بالنسبه للكيبورد رح ينور لما تكون باماكن مظلمه او معتمه لكن اذا انت في مكان منور ما رح تكون اضاءته بنفس القوه.

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 31-08-2018, 11:14 AM كاتب الموضوع #16
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
anacond
كيف اداء الكاميرا بالتصوير ؟

الكيبورد عاجبني مرره بس الكاميرا شلون خاصه السناب !

لا علم لي صراحه ولا اقدر اجرب السناب ما دخل مزاجي والا عرف استخدمه اخاف اجيب العيد

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 31-08-2018, 11:15 AM كاتب الموضوع #17
متعب الحارثي
مبدع
 
الصورة الرمزية متعب الحارثي
 


متعب الحارثي @Twitter
افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
YeS InTeR
بعد ما نشبت لهم اكسيوم الامارات كلن هذا ردهم


‏الجهاز غير متوفر بالمملكة العربية السعودية لأن هناك شروط معينة لوزارة التجارة ويجب على شركة بلاك بيري تليبة تلك الشروط ليتم بيع الهاتف بالسعودية .

‏ما لم يتم تلبية تلك الشروط لن نتمكن نحن كشركة اكسيوم من بيع الهاتف بالسعودية .



من الواضح انه الجهاز راح يطول .. افكر جدياً اني اطلبه من الامارات

الله يعين على هالاشتراطات بس شي يفقع المراره ..

سويها ليه لا اذا مطول بالسعوديه ماهو جاي ..

 

 

التوقيع
success is not final, failure is not fatal, it is the courage to continue that counts



متعب الحارثي غير متصل  
رد مع اقتباس

قديم 31-08-2018, 03:14 PM #18
Chocolate Lover
نشيط
 
الصورة الرمزية Chocolate Lover
 


افتراضي رد: BlackBerry KEY2 [ التجمع والاستفسارات عن الجهاز ].





الله يبارك لك يا صاحبي.

سؤال على السريع: هل الكيبورد يدعم flick typing ويعطي اقتراحات زي ماهو موجود بأجهزة بلاكبيري اللمسية بالكامل؟

شكراً لك.

 

 




Chocolate Lover غير متصل  
رد مع اقتباس

قديم 31-08-2018, 07:27 PM #19
anacond
متميز
 
الصورة الرمزية anacond
 


افتراضي رد: BlackBerry KEY2 [ التجمع والاستفسارات عن الجهاز ].





مشاهدة المشاركة الأصلية
متعب الحارثي
لا علم لي صراحه ولا اقدر اجرب السناب ما دخل مزاجي والا عرف استخدمه اخاف اجيب العيد

طيب كيف الكاميراء بشكل عام بدون سناب ??

واذا فيه عينات من التصوير ياليت

 

 




anacond غير متصل  
رد مع اقتباس

قديم 01-09-2018, 08:39 AM #20
ahat54
فعال
 
الصورة الرمزية ahat54
 


افتراضي رد: BlackBerry KEY2 [ التجمع والاستفسارات عن الجهاز ].





أنا مستخدم الأصدار الأول key1 طبعا أنا من عشاق الكيبورد اللي ما حبيته بعض الحرف لازم تضغط على الزر مطول مثل حرف (ض ص) و (ط ى ) لو كل الحروف جايه على الكيبورد كان قلت يستاهل أبدل اللي معي

 

 

التوقيع



ahat54 غير متصل  
رد مع اقتباس

إضافة رد

أدوات الموضوع

الانتقال السريع


الساعة الآن 06:05 AM.