أفتح المراحل المغلقة بلعبة Angry Birds بجميع إصداراتها الأربعة وضع لنفسك 3 نجوم كاملة

[المجـــروووح]

السلام عليكم ورحمة الله وبركاته ،

أسعد الله أوقاتكم بالخير والبركه ،

برنامج Unlock 'em Angry Birds يخفى على الكثير منكم ،

وظيفته يفتح جميع المراحل المغلقة بجميع إصدارات اللعبة الشهيرهـ Angry Birds ،

ويمكنك أيضاً وضع 3 نجوم كاملة على جميع المراحل ،

وايضاً يمكنك عمل باك آب ( ويعني نسخة إحتياطية ) للمراحل اللي لعبتها وإسترجاعها في أي وقت ،

التطبيق له فترة طويلة على الماركت واستغربت ان محد جا حوله ،

مثل ما انتم عارفين ربعنا ماتركو شي إلا ويعلقون عليه سواء على التعليقات فالماركت أو فاليوتيوب ،

وأمس نزل تحديث له وصار يدعم الإصدار الرابع من لعبة Angry Birds واللي هي Angry Birds Space ،


شرح بسيط مع انه مايحتاج شرح :

لمن تفتح البرنامج راح يطلع لك كذا رساله مدري وش يقول بصراحة أضغط زر التراجع عشان تتجاهل الرساله ،

أشر على اللعبه اللي تبي تفتح مراحلها سواء ً :
Angry Birds
أو Angry Birds Rio
أو Angry Birds Seasons
أو Angry Birds Space ،

وأضغط على Unlock all levels ،

+

وأيضاً إذا تبي تحط لنفسك 3 نجوم كامله أشر على الإصدار اللي تبي تحط في 3 نجوم كامله مثل ما ذكرت سابقاً ،

وأضغط على Unlock 3 stars ،


البرنامج بسيط ولا يحتاج شرح أكثر ،

واللي عجبني ايضاً في هذا البرنامج انه بدون إعلانات !! ،

لأن لقيت برنامج آخر يجبرك على تحميل برامج آخر عشان يفتح لك المراحل ( يعني بالنقاط ) ،

اما هذا مجاناً وبدون تحميل أي تطبيق آخر وكلها بضغطة زر واحدهـ ،

واللي ما عندهـ جميع إصدارات لعبة Angry Birds ينقر على إسمها فالأعلى وراح يحولك على الماركت وكلها مجانية ،


التحميل أكتب فالماركت الرسمي على جوالك أو إنقر على Unlock 'em Angry Birds ،


واللي ماعندهـ ماركت أو عندهـ خلل فالماركت ويبيني أرفعه له يبشر بعزهـ ولا يستحي ،


معلومة بسيطة يمكن محد يعرفها :
من جهازك الكمبيوتر ادخل على موقع الماركت على الانترنت play.google.com وسجل دخولك بوضع إيميلك الجيميل الموضوع أساساً بحسابك في الماركت على جوالك ،
وبهذهـ الطريقة تستطيع تثبيت أي تطبيق مجاني من موقع الماركت على الانترنت play.google.com وراح تلاقيه يتثبت على جوالك أتوماتيكياً ( أتمنى الصورهـ وضحت ) ،


و للأخوان اللي ينسخو المواضيع بدون ذكر المصدر قدرو مجهود وتعب أخوانكم أتمنى منكم ذكر المصدر حفاظاً لمجهود غيركم ،


المجـــروووح - بوابة الإنترنت الرقمية ،

لا تنسوني من صالح دعائكم لي ولوالدي ،

 

 

[iioodii]

يعطيك العافيه ع الموضوع

 

 

[atti]

تسلم يالمجرووح وان شاء الله جرحك يروح مع الزمن تحياتي لك

 

 

[AL-M3JZA]

ابدعت يالمجروووح واااااصل بدوون فوااااصل ! ابدااع

 

 

[المجـــروووح]

iioodii

يعطيك العافيه ع الموضوع

الله يعافيك ،

وإن شاء الله إستفدت ،

 

 

[المجـــروووح]

atti

تسلم يالمجرووح وان شاء الله جرحك يروح مع الزمن تحياتي لك

الله يسلمك ويبقيك ،

شفت تعليقك فالماركت وهذاك انا اللي علقت قبلك إسمي soma ،

 

 

[المجـــروووح]

AL-M3JZA

ابدعت يالمجروووح واااااصل بدوون فوااااصل ! ابدااع

الإبداع هو مرورك وردك يالغلا ،

 

 

[احمدالصالحي]

الله يعطيك العافيه
Sent from my GT-I9000 using البوابة الرقمية

 

 

[حمد المنديل]

هل يحتاج روت الله يعافيك

 

 

[atti]

المجـــروووح

الله يسلمك ويبقيك ،

شفت تعليقك فالماركت وهذاك انا اللي علقت قبلك إسمي soma ،

..

 

 

[free syria]

معلومة :
تروح كل المراحل (اذا كنت لاعب من اول فيها)
وما يحتاج روت

 

 

[IiI FAHAD IiI]

الله يجزاك خير والله البرنامج خطييييييييييير

سلمت يداك

Sent from my GT-N7000 using البوابة الرقمية

 

 

[احب البوابة]

ليه التخريب حلاة اللعبه تخسر وتتحمس ...

إرسلت من GT-I9100 باستخدام برنامج Tapatalk

 

 

[الجني البرتقالي]

وش الفايدة أجل كونها لعبة ذكاء ؟

 

 

[المجـــروووح]

احمدالصالحي

الله يعطيك العافيه
Sent from my GT-I9000 using البوابة الرقمية

الله يعافيك أخوي أحمد ،

نورت الموضوع ،

 

 

[المجـــروووح]

حمد المنديل

هل يحتاج روت الله يعافيك

ما يحتاج روت ،

 

 

[المجـــروووح]

free syria

معلومة :
تروح كل المراحل (اذا كنت لاعب من اول فيها)
وما يحتاج روت

تسلم على إضافتك يالغلا ،

 

 

[المجـــروووح]

IiI FAHAD IiI

الله يجزاك خير والله البرنامج خطييييييييييير

سلمت يداك

Sent from my GT-N7000 using البوابة الرقمية

وياك يالغلا ،

وسلمت على مرورك وردك ،

 

 

[المجـــروووح]

احب البوابة

ليه التخريب حلاة اللعبه تخسر وتتحمس ...

إرسلت من GT-I9100 باستخدام برنامج Tapatalk

الجني البرتقالي

وش الفايدة أجل كونها لعبة ذكاء ؟

الفائدهـ يا أحبائي انك تفتح الاقفال عن المراحل المغلقه ،

لو افترضنا انك في مرحله ما قدرت تفوز فيها وصعبه عليك في هذهـ الحاله ما تقدر تلعب المرحله اللي بعدها ،

يعني وش أسوي احذف اللعبه عشان هذهـ المرحلة ماقدرت اعديها ؟

الحل انك تستخدم التطبيق الصغير هذا عشان تفك الاقفال عن المراحل المغلقه ،

..

واللي يبي يقيس ذكائه وشطارته لا يحط لنفسه 3 نجوم فقط يفتح المراحل المغلقه إذا يبي ،

وانا هذا اللي سويته ،

 

 

[خارج زمانه]

مع احترامي لكم لاكن من الغباء فتح المراحل لا وبعد تحط لنفسك 3 نجوم

وش تحسون فيه اجل وش فايدة اللعبة اذا كنت تفتح مراحلها بدون مجهود شئ غريب ؟؟؟!