بوابة الإنترنت الرقمية ADSLGATE


Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > البوابة العامة > ريادة الأعمال Entrepreneurship
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة



إضافة رد
 
أدوات الموضوع
قديم 13-01-2020, 11:32 PM كاتب الموضوع #1
xiNASSERx
نشيط
 
الصورة الرمزية xiNASSERx
 






افتراضي كيف الطريقه ؟





السلام عليكم عندي مشروع وما اقدر انفذه بنفسي يحتاج دعم مالي + يحتاج تطبيق إلكتروني
+ يحتاج علاقات وعقد اتفاقيات مع عده شركات وذي ما اقدر اسويها بنفسي لازم دعم حكومي

انا صاحب فكرة بس ولكن ماني مبرمج ولا عندي دعم مالي كافي

سمعت عن حاضنات الاعمال بادر
وش متطلباتهم وكيف الطريقه لأن في موقعهم مو كاتبين شيء
وكيف اجيب دراسه جدوى للمشروع بدون ماينسرق حقي وهل هم يجيبون لي مستثمر وتاجر يدعمني ولا الدعم من الحكومه مباشرة ؟ ولله يعطيكم العافيه

 

 




xiNASSERx غير متصل  
أشكر صاحب الموضوع رد مع اقتباس

قديم 14-01-2020, 01:31 PM كاتب الموضوع #2
xiNASSERx
نشيط
 
الصورة الرمزية xiNASSERx
 


افتراضي رد: كيف الطريقه ؟





ياجماعه مشروعي يصنف من ضمن الخدمات اللوجيستيه وانا اخذ عموله ثابته بسيطة وين اتوجه لأي جهه حكوميه ممكن تفيدني ؟

انا كل الي أملكه فكره فقط
وابغاهم يخلونها واقع

 

 




xiNASSERx غير متصل  
رد مع اقتباس

قديم 14-01-2020, 03:45 PM #3
mohammed alayafa
نشيط
 
الصورة الرمزية mohammed alayafa
 


افتراضي رد: كيف الطريقه ؟





مشاهدة المشاركة الأصلية
GameX
ماحد فاضي لك من الحكومة انت توكل على الله وأبدا بشويش ثمن كبرها ثمن وظف سعوديين فقط
دراسة جدوى سوها من نفسك وتعلم عليها، مب لازم تدفع الاف الريال عليها
البرمجة سهلة
اول شي سو لك موقع إلكتروني وصلحها نفسك بنفسك ثمن تعلم وشلون تخليها تطبيق وفيه شروحات باليوتيوب
ثمن تعلم وشلون تبرمج سواء بايثون ولا HTML5 اشتر كتاب فور داميز من جرير وطبق حبة حبة

وعندي شعور قوي انه مشروع فاشل
ولعلمك، انت تتعامل مع ناس تفهم بالفلوس فقط، أهداف المشروع ماحد بيناظر لها

يبيله اجتماع شركات؟
رح دق عليهم واجتمع معهم، ماحد رافض يسمع لك

ماتجي صاحب فكره ويسوي كل شيء لحاله.... مافي وقت كافي الواحد يتعلم كل شيء. اكبر غلط انك تضيع وقتك في حاجه اشياء تحاول تتعلمها... الافضل تركز ع شيء معين وباقي في ناس تسويه
تركز ع فكرتك وتستثمر فيها افضل شيء باقي مثل برمجه وتطبيقات او اعلان او دراسات جدوى ذي تروح للمختصين فيها افضل لانهم متمرسين ولهم خبره طويله لو جلست تبي تصير مثلهم مستحيل مافي وقت كافي... اما بخصوص تقول شعورك مشروع فاشل ذي تمثلك فقط انت ورؤيتك... ممكن فكرته تكون حلوه وجديده وينجح فيها...
اما أهداف المشروع.. ماحد يناظر فيها...really

 

 




mohammed alayafa غير متصل  
رد مع اقتباس

قديم 14-01-2020, 04:51 PM #4
راع البل
مشارك
 
الصورة الرمزية راع البل
 


افتراضي مشاركة: كيف الطريقه ؟





ولا تزعل مني ياناصر .. اللي يقول ماراح أعرض فكرة مشروعي عشان ماينسرق ..ماعنده سالفة صراحة!!

إذا لهالدرجة واثق أن مشروعك قوي فابدأ بالنزول للميدان وعمل دراسة وافية للمشروع وتكاليفه .. وضع خطة متدرجة لتعلم مايخفاك من جوانب في المشروع .. وقم بتوثيق ماتحصل عليه من بيانات ومعلومات حتى يكون لديك فكرة كاملة وتقدر ترد على أي جهة بتقدم لك التمويل بأنك فاهم كويس كل صغيرة وكبيرة بمشروعك .. أما انتظار الإجابات الجاهزة فلن يفيدك بشيء !! وحتى لو قلنا أن فكرتك انسرقت بعدها فتأكد أن اللي سرقها ماراح يفهم أكثر منك ولا عنده الخبرة والمعلومات اللي عندك عشان يتفوق على مشروعك.

حاضنة بادر خبري فيها قبل سنوات ولا أعلم إذا تغيرت سياستهم .. هي تتبنى مشاريع قائمة فعليا بعد مايجتمعون بفريق العمل ويتأكدون من امتلاكه مقومات النجاح وأن مشروعهم واعد فيعطونهم مكتب بنفس مقرهم ويدعمونهم باستخراج وتخليص أوراقهم وتصاريحهم الحكومية .. وأيضا يعرضون أعمالهم على مستثمرين ... أما الدعم المالي ما أخبر عندهم .

بالنسبة للبرمجة فراسي مافيه ولا شعرة من البرمجيات والأكواد من حوالي 25 سنة
تامر أمر .. راسلني بالخاص وش اللي مو واضح لك من هالناحية وأبشر برد مفصل يبرد قلبك

فمان الله

 

 


راع البل غير متصل  
رد مع اقتباس

قديم 14-01-2020, 09:47 PM #5
mohammed alayafa
نشيط
 
الصورة الرمزية mohammed alayafa
 


افتراضي رد: كيف الطريقه ؟





مشاهدة المشاركة الأصلية
GameX
عطني اسباب انها اكبر غلط
وارن بفّت يقول افضل استثمار هو الاستثمار بالنفس
شعوري تمثلني انا نعم، ماقلت انها تمثلك وتمثل غيري قلت شعوري
صدقني اعرف شخصيات بالحكومة، لكن اقسم لك بالله انهم ماراح يعطونه وجه، جالسين كرف ليل نهار وشغالين ليل نهار مب لاقين فكة كل مرة يزور رئيس او القيادة عندهم رزيارة
عندك ناس ماتلقت دعم الا لما اشتغلوا ونفذوا مشاريعهم
عندك مثال مرسول، ماجاه الدعم والاستثمار الا لانه بدا بشوي بتطبيق فكرة فقط، وفجأة انفجر للسعودية بالكامل
خله يبدأ ويكون المشروع حي امام عينه ومو لازم يكسب فلوس او احد يدري عنها، يكون جاهزة للانطلاق
تدري كم مبلغ تكلف للمستثمرين علشان يشتغلون على مشروع بسيط،؟
عشرات الآلاف
فيه شي عند كل تاجر time value for money هل هو فاضي؟ وليش لازم يتحمس لمشروعه وهو عنده الملايين؟ والموقع مافيه موقع، مافيه تطبيق، مالها اسم (يمكن سماه ماندري) ماعنده سجل تجاري علشان اذا استثمروا ولا فيه شي مكتوب انهم عندهم ٥٠٪‏ او ٧٠٪‏ من الشركة
واصحاب الشركات، يروح يطق بابهم، لانهم متواجدين وماعندهم مانع لكن لازم يختصر موضوعه في دقيقتين ثمن يكون عنده تواصل سواء شخصياً او مع مدير مكتبه او سكرتير
الواحد يتوكل على الله ويسعى وربي راح يكون معاه
اخاف فكرتي تنسرق، يارجال طز، اذا ماقدرت تسويها وش الفائدة من الفكرة
الواحد مايجلس يحلم، على الاقل يجيه صفعة من هنا وليس من الواقع
هارولد شولتز الشخص الذي انشأ ستاربكس
زار ميلان مرة وحدة وشاف كافيهات ورجال اعمال وتفاجأ على كمية الكافيهات
وقرر يسوي كوفي بار في سياتل، كلن قال فكرة غبية، الواحد يزور بار علشان يشرب وليس قهوة
طق باب على ١٠٠٠ مستثمر ولا احد عطاه وجه الا شخص واحد قاله انت مجنون وتعجبني، وعطاه المبلغ والآن عنده ٣٠٠٠ فرع حول العالم

اير بي ان بي، فيه ١٠٠ مستثمر وبينهم مشاهير منقهرين انهم ما استثمروا فيه كلن قال طيب افرض انه يسرق بيتك ويخربها ومشاكل انك تسكن غريب في بيتك او شقتك
والحين شركة أدرجت للاسهم وتستخدم حول جميع أنحاء العالم

الموضوع انك تسعى وتشتغل بشي
مو امسك هذا مخي وراح يجيب لنا فلوس

انا اتفق معك في نقطه انه يتحرك لاكن اختلف في انه يتعلم كل شي بنفسه ويسويه مستحيل خاصه توه بادي.. الاستثمار في النفس في مجال معين ومحدد مو كل شيء هل شفت طبيب مبرمج ونفس وقت طيار مستحيل.... مقصدي عندك فكره اشتغل عليها بس لاتضيع وقت في أمور مثل البرمجه او وإعلانات ذي في أشخاص جهازين يسوونها في وقت ذا انت تستفيد فيه في تطوير فكرتك او او..
الامثله الي ضربتها كلهم تخصصوا في شغالتهم ما تشتتوا في بدايه لما شركه كبرت هنا جابوا فريق للاعلان وفريق مطورين وكذا ان شاء الله النقطه وضحت... عندك شركه سوق كوم سيرفراتها تديرها شركه ثانيه هي بالإمكان تشغلها لاكن راح تضيع مجهود ووقت في مجال ذا.. ف كلامه انه عنده فكره بس مو عارف كيف يبدا اول خطوه او اي اتجاه يروح او اي جهه. حاليا في الحكومه تدعم للمشاريع الصغيره وفيه برامج حاضنه اعمال و مسرعات أعمال وفي برامج كثير وشركات في مجال ذا يدعمون رواد الأعمال او تجار في بدايات يبيلك تتواصل معهم وتستفسر وبيساعدوك... اهم شي فكرتك تكون جديدة او فيها شيء مميز عن غير مو تقليد.. بتوفيق للجميع.

 

 




mohammed alayafa غير متصل  
رد مع اقتباس

قديم 14-01-2020, 11:16 PM كاتب الموضوع #6
xiNASSERx
نشيط
 
الصورة الرمزية xiNASSERx
 


افتراضي رد: كيف الطريقه ؟





مشاهدة المشاركة الأصلية
mohammed alayafa
انا اتفق معك في نقطه انه يتحرك لاكن اختلف في انه يتعلم كل شي بنفسه ويسويه مستحيل خاصه توه بادي.. الاستثمار في النفس في مجال معين ومحدد مو كل شيء هل شفت طبيب مبرمج ونفس وقت طيار مستحيل.... مقصدي عندك فكره اشتغل عليها بس لاتضيع وقت في أمور مثل البرمجه او وإعلانات ذي في أشخاص جهازين يسوونها في وقت ذا انت تستفيد فيه في تطوير فكرتك او او..
الامثله الي ضربتها كلهم تخصصوا في شغالتهم ما تشتتوا في بدايه لما شركه كبرت هنا جابوا فريق للاعلان وفريق مطورين وكذا ان شاء الله النقطه وضحت... عندك شركه سوق كوم سيرفراتها تديرها شركه ثانيه هي بالإمكان تشغلها لاكن راح تضيع مجهود ووقت في مجال ذا.. ف كلامه انه عنده فكره بس مو عارف كيف يبدا اول خطوه او اي اتجاه يروح او اي جهه. حاليا في الحكومه تدعم للمشاريع الصغيره وفيه برامج حاضنه اعمال و مسرعات أعمال وفي برامج كثير وشركات في مجال ذا يدعمون رواد الأعمال او تجار في بدايات يبيلك تتواصل معهم وتستفسر وبيساعدوك... اهم شي فكرتك تكون جديدة او فيها شيء مميز عن غير مو تقليد.. بتوفيق للجميع.

اعجبتني ????????

كنت برد عليه ولكن أسلوبه ما عجبني الله يهدية يحتاج يحسن أسلوبه وسالفه مشروعك فاشل بدون مايدري وش هو اصلاً ومافيه شخص شفته سواه الى الآن وهو غير مقلد فيه دعم للرؤية وتحول وطني وخلق فرص وظيفيه للشباب واخيراً وهو حل لمشكلة .

لو اني ماتحركت ماكان اول خطواتي جيت الموقع هنا واستفسرت عن كيف أبدا مشروعي وخصوصاً اني ما افقه شيء في البرمجه واذا بتعلمها الموضوع ماهو في يوم وليلة الموضوع أكبر من كذا. ولابد من الاستعانة بخبراء تقنيين .

شكراً لك أستاذ محمد

 

 




xiNASSERx غير متصل  
رد مع اقتباس

قديم 15-01-2020, 07:36 AM #7
OMAR xD
مشارك
 
الصورة الرمزية OMAR xD
 


افتراضي رد: كيف الطريقه ؟





بالبداية الله يوفقك ياخوي
ثانياً لازم تنزل لسوق وتجمع اكبر قدر ممكن من المعلومات الي تفيدك في دراسة الجدوى ومن هالمرحلة ممكن تلقى مستثمرين يشاركونك "لكن احرص فكرتك ماتقولها الا لشخص فاهم وله بهالمجال" اما غيره ماراح تستفيد منه الا التحطيم او معلومات غلط بغلط
بعدها تقرر اذا مناسب او لا

بالنسبة لبرمجة هي تكون من ضمن اخر المراحل للمشروع
بمنعى ان فيه خطوات كثير تسبقها فلا تشيل هم حالياً

وايضا اذا المشروع تقدر تنفذه بدون تطبيق هذا شي جيد بيوفر عليك من راس المال ولا يمنع يكون التطبيق من ضمن مراحل التطوير للمشروع

اما اذا كان التطبيق شي ضروري فنصيحتي لك ان تبحث عن مكاتب برمجة بالهند وتتعامل معهم
بهذي الطريقة راح توفر اقل شي 50% من تكلفة البرمجة مقارنة مع مكاتب سعودية

 

 




OMAR xD غير متصل  
رد مع اقتباس

قديم 15-01-2020, 11:05 AM #8
GameX
مبدع
 
الصورة الرمزية GameX
 


افتراضي رد: كيف الطريقه ؟





ولا تزعلون انا اعتذر من الجميع

لكن ياصاحب الموضوع انت محتاج واحد يشوتك مع الباب علشان تتحرك بأبسط الامور
اغلب الشي متوقف عندك انت وليس عند غيرك

 

 




GameX متصل الآن  
رد مع اقتباس

قديم 15-01-2020, 03:52 PM #9
abo saleeh
عضو جديد
 
الصورة الرمزية abo saleeh
 


افتراضي رد: كيف الطريقه ؟





وفقك الله
حط في بالك بان مشروعك من الممكن سرقة الفكرة وتنفيذه في اي مرحلة من مراحل بناء المشروع ووجود منافس لك

والحل هو ابدأ بالتنفيذ دومك مؤمن بالفكرة

 

 




abo saleeh متصل الآن  
رد مع اقتباس

قديم 15-01-2020, 04:50 PM كاتب الموضوع #10
xiNASSERx
نشيط
 
الصورة الرمزية xiNASSERx
 


افتراضي رد: كيف الطريقه ؟





مشاهدة المشاركة الأصلية
OMAR xD
بالبداية الله يوفقك ياخوي
ثانياً لازم تنزل لسوق وتجمع اكبر قدر ممكن من المعلومات الي تفيدك في دراسة الجدوى ومن هالمرحلة ممكن تلقى مستثمرين يشاركونك "لكن احرص فكرتك ماتقولها الا لشخص فاهم وله بهالمجال" اما غيره ماراح تستفيد منه الا التحطيم او معلومات غلط بغلط
بعدها تقرر اذا مناسب او لا

بالنسبة لبرمجة هي تكون من ضمن اخر المراحل للمشروع
بمنعى ان فيه خطوات كثير تسبقها فلا تشيل هم حالياً

وايضا اذا المشروع تقدر تنفذه بدون تطبيق هذا شي جيد بيوفر عليك من راس المال ولا يمنع يكون التطبيق من ضمن مراحل التطوير للمشروع

اما اذا كان التطبيق شي ضروري فنصيحتي لك ان تبحث عن مكاتب برمجة بالهند وتتعامل معهم
بهذي الطريقة راح توفر اقل شي 50% من تكلفة البرمجة مقارنة مع مكاتب سعودية

الله يعطيك العافيه طيب هل اقدر اتواصل مع مكاتب في الهند اون لاين ويضبطونه لان سمعت عن واحد يسوي دورات في ذا الشيء بس غاليه ماشتركت معه ولا لازم اسافر للهند ؟

 

 




xiNASSERx غير متصل  
رد مع اقتباس

قديم 15-01-2020, 04:52 PM كاتب الموضوع #11
xiNASSERx
نشيط
 
الصورة الرمزية xiNASSERx
 


افتراضي رد: كيف الطريقه ؟





مشاهدة المشاركة الأصلية
GameX
ولا تزعلون انا اعتذر من الجميع

لكن ياصاحب الموضوع انت محتاج واحد يشوتك مع الباب علشان تتحرك بأبسط الامور
اغلب الشي متوقف عندك انت وليس عند غيرك

تبيني ادرعم بدون ما اسأل وين ارخص مكان اسوي فيه تطبيق واشياء كثيرة لازم اسأل قبل لا اوهق نفسي

 

 




xiNASSERx غير متصل  
رد مع اقتباس

قديم 15-01-2020, 04:53 PM كاتب الموضوع #12
xiNASSERx
نشيط
 
الصورة الرمزية xiNASSERx
 


افتراضي رد: مشاركة: كيف الطريقه ؟





مشاهدة المشاركة الأصلية
راع البل
ولا تزعل مني ياناصر .. اللي يقول ماراح أعرض فكرة مشروعي عشان ماينسرق ..ماعنده سالفة صراحة!!

إذا لهالدرجة واثق أن مشروعك قوي فابدأ بالنزول للميدان وعمل دراسة وافية للمشروع وتكاليفه .. وضع خطة متدرجة لتعلم مايخفاك من جوانب في المشروع .. وقم بتوثيق ماتحصل عليه من بيانات ومعلومات حتى يكون لديك فكرة كاملة وتقدر ترد على أي جهة بتقدم لك التمويل بأنك فاهم كويس كل صغيرة وكبيرة بمشروعك .. أما انتظار الإجابات الجاهزة فلن يفيدك بشيء !! وحتى لو قلنا أن فكرتك انسرقت بعدها فتأكد أن اللي سرقها ماراح يفهم أكثر منك ولا عنده الخبرة والمعلومات اللي عندك عشان يتفوق على مشروعك.

حاضنة بادر خبري فيها قبل سنوات ولا أعلم إذا تغيرت سياستهم .. هي تتبنى مشاريع قائمة فعليا بعد مايجتمعون بفريق العمل ويتأكدون من امتلاكه مقومات النجاح وأن مشروعهم واعد فيعطونهم مكتب بنفس مقرهم ويدعمونهم باستخراج وتخليص أوراقهم وتصاريحهم الحكومية .. وأيضا يعرضون أعمالهم على مستثمرين ... أما الدعم المالي ما أخبر عندهم .

بالنسبة للبرمجة فراسي مافيه ولا شعرة من البرمجيات والأكواد من حوالي 25 سنة
تامر أمر .. راسلني بالخاص وش اللي مو واضح لك من هالناحية وأبشر برد مفصل يبرد قلبك

فمان الله

بيض الله وجهك ماتقصر ياغالي بجيك خاص ان شاءالله اذا فضيت

 

 




xiNASSERx غير متصل  
رد مع اقتباس

قديم 15-01-2020, 06:49 PM #13
GameX
مبدع
 
الصورة الرمزية GameX
 


افتراضي رد: كيف الطريقه ؟





مشاهدة المشاركة الأصلية
xiNASSERx
تبيني ادرعم بدون ما اسأل وين ارخص مكان اسوي فيه تطبيق واشياء كثيرة لازم اسأل قبل لا اوهق نفسي

https://www.goodfirms.co/directory/c...development/in
هاذي لسته من موقع سويت بحث غير قوقل يقولك عن افضل ١٠ شركات لبرمجة التطبيقات

https://medium.com/@the_manifest/top...8-b0fb4803ab81
هاذي عن افضل ١٥ في ٢٠١٨
لاحظت فيه بعض الشركات بالموقعين
جرب تتواصل معهم
واذا محتاج مساعدة بالترجمة (انجليزي) انا حاضر

 

 




GameX متصل الآن  
رد مع اقتباس

قديم 16-01-2020, 02:59 AM #14
روبينهو مدريد
مشارك
 
الصورة الرمزية روبينهو مدريد
 


افتراضي رد: كيف الطريقه ؟





ههههههه الله يوفقك

 

 




روبينهو مدريد غير متصل  
رد مع اقتباس

قديم 16-01-2020, 04:17 AM #15
OMAR xD
مشارك
 
الصورة الرمزية OMAR xD
 


افتراضي رد: كيف الطريقه ؟





مشاهدة المشاركة الأصلية
xiNASSERx
الله يعطيك العافيه طيب هل اقدر اتواصل مع مكاتب في الهند اون لاين ويضبطونه لان سمعت عن واحد يسوي دورات في ذا الشيء بس غاليه ماشتركت معه ولا لازم اسافر للهند ؟


اعرف من تقصد
لكن ماانصحك تشترك عنده
كل شي موجود اون لاين
وعندي رقم واحد عنده مكتب بالهند ويأجر المبرمجين حقينه
برسلك رقمه بالخاص تتواصل معه

لكن مثل ماقلت لك البرمجة ليست الخطوة الاولى

 

 




OMAR xD غير متصل  
رد مع اقتباس

إضافة رد

أدوات الموضوع

الانتقال السريع


الساعة الآن 02:09 PM.