بخصوص الكيبورد والقلم تبع سيرفس برو٧

[klash2020]

السلام عليكم ورحمةالله وبركاته

لقيت سيرفس برو ٧ الجديد على امازون وانا في حاجة السيرفس حاليا ومعي قريشات خاف انتظر لين ينزل عندنا وتطير فحبيت اشتري من برى حاليا
السؤال هنا عن اكثر من شيء
١- سعره تقريبا مع الشحن ٨٢٥٠ ريال طبعا خذيت اعلى فئة ابو ١ تيرا وش رايكم ؟؟
٢- الكيبورد حقه انقليزي طبعا لانه من برى فهل هو نفسه حق الموديل السابق البرو ٦ ولا طوروا فيه وغيروا ، لانه اذا كان هو نفسه ماتغير باشتريه من عندنا هنا عربي اذا هو نفس الكيبورد ماغيروه اما اذا غيروا فيه فبانتظر وشكلي بالغي فكرة الشراء حاليا من اصلها والله يعين على الانتظار وكذلك بالنسبة للقلم هل غيروه ولا نفس السابق فياليت الافادة من الشباب
٣- سمعت ان امازون فيه تخفيض للطلاب وانا طالب ماجستير فكيف احصل على التخفيض ياليت اللي يعرف لايبخل علينا ويساعدنا الله يجزاه خير لانه الانقليزي حقي ضعيف حتى طلبي من برى عن طريق واحد في موقع حراج هو يطلب وكل شي واعطيه عمولته انا مالي فهم بهالشغلة من اصلها
٤- سمعت ان الشاحن حق الامريكي يختلف عن اللي عندنا فهل اقدر اطلب من امازون يخلي الشاحن اوروبي او نفس اللي عندنا اتوقع الاوروبي نفس اللي عندنا
وسلامتكم واللي عنده نصيحة ينصحنا فيها يفيدنا والله يجزاه خير وانتظركم واسف على الازعاج ....

 

 

[me]

وعليكم السلام ورحمة الله وبركاته ..


اختيار طيب ولكن ماهي خلفيتك عن الجهاز وماهو استخدامك له .. الجهاز لو نزل عندنا بينزل اغلى من امريكا بشوي


الاجوبة :
1 - ليه تاخذ تيرا .. لو تاخذ i5 مساحة 256 اشوفه افضل خيار من جميع النواحي
2 - الكيبورد والقلم نفسها :
https://www.microsoft.com/en-us/p/su...t:techspecstab
لاحظ التوافق مع السرفس 3 وطالع
3 - التخفيض ماعندي فكرة عنه
4 - الشاحن ثنائي تجيب له توصيلة وتضبط الامور .. هم اصلا مايبونك تاخذه برا امريكا الا اذا نزلوه برا امريكا.




نصيحتي مبلغ 8250 جدا عالي على جهاز واحد وبهالمبلغ تقدر تشتري سرفس برو ولاب توب مع بعض اذا قللت المواصفات وi5 زي ماقلت لك ممتاز جدا والرام 8 ولو تبي زيادة مساحة خذ لك هاردسك خارجي للملفات اللي تستخدمها من وقت لوقت .. كله يعتمد على استخدامك ..


موفق..

 

 

[khalidtarq]

تراه توفر بجرير طلب مسبق , اعمل حساب انك اذا طلبت من برا الفيش ثنائي + ضمان مافي + ضريبة اذا دخلته هنا

انا طلبت جهازين من موقع B&H بس كلها مب لي الحكومة خذوا مني مايقارب 489 على الجهاز الواحد

 

 

[hixos]

ايه بس لانزل هنا السعر بيكون زيادة عن السعر الرسمي, فيه الان خصم في موقع B&H على ال i5/128gb واشوفه سعر مغري صراحة مع الكيبورد ب 800 دولار بدال 1029 دولار ويشحنون على DHL حوالي 40 دولار





مع الضريبة والتخليص بيصير ب3450 ريال

 

 

[زوارق الشوق]

انا توني طالب لي جهاز سيرفس برو الاصدار السابع 128 جيجا معالج i5 بـ 679 $ منebay ,واخذت لي قلم 21$ عليه تقييم عالي ومراجعات كثيره من bamboo lnk واشتريت كيبورد الاصدار الرابع 300ريال من السوق ، طبعا ما اختلف شيء في الكيبورد من الاصدار الرابع حتى الاصدار الاخير فقط تغيير في الالوان وحسب موقع مايكروسوفت متوافق الكيبورد مع الاصدار السابع

 

 

[InToX]

زوارق الشوق

انا توني طالب لي جهاز سيرفس برو الاصدار السابع 128 جيجا معالج i5 بـ 679 $ منebay ,واخذت لي قلم 21$ عليه تقييم عالي ومراجعات كثيره من bamboo lnk واشتريت كيبورد الاصدار الرابع 300ريال من السوق ، طبعا ما اختلف شيء في الكيبورد من الاصدار الرابع حتى الاصدار الاخير فقط تغيير في الالوان وحسب موقع مايكروسوفت متوافق الكيبورد مع الاصدار السابع

لكن الضمان كيف بيصير ؟
لاني متخوف من الناحية هذي ابي اشتري البرو وقدامي خيارين
الاول اشتريه من جرير ب3800 بدون شي
والثاني من نيو ايق ب 3741 مع القلم والكيبورد لكن خايف من الضمان عشان اعرف حظي في الاجهزة
وش رايك

 

 

[زوارق الشوق]

InToX

لكن الضمان كيف بيصير ؟
لاني متخوف من الناحية هذي ابي اشتري البرو وقدامي خيارين
الاول اشتريه من جرير ب3800 بدون شي
والثاني من نيو ايق ب 3741 مع القلم والكيبورد لكن خايف من الضمان عشان اعرف حظي في الاجهزة
وش رايك

تقدر تتواصل مع الموقع او البائع او ما مايكروسوفت بالنسبة للضمان لانه ضمان دولي

 

 

[InToX]

زوارق الشوق

تقدر تتواصل مع الموقع او البائع او ما مايكروسوفت بالنسبة للضمان لانه ضمان دولي

قتحت موقع امازون وبحثت وحصلت ان الضمان من الشركة فيط ساري في امريكا لو الجهاز مشتريه من امريكا
This Warranty is valid only in the United States and Canada.

 

 

[مهند الزهرااني]

الجهاز الان متوفر في مكتبه جرير وايضا اكسسواراته موجوده
3 نسخ تقريبا اللي موجوده

 

 

[baiik]

InToX

لكن الضمان كيف بيصير ؟
لاني متخوف من الناحية هذي ابي اشتري البرو وقدامي خيارين
الاول اشتريه من جرير ب3800 بدون شي
والثاني من نيو ايق ب 3741 مع القلم والكيبورد لكن خايف من الضمان عشان اعرف حظي في الاجهزة
وش رايك

الضمان لو خرب اي صار شيء فيه تقدر تسبدله
ترسله الى امريكا مع مثلا احد الطلاب ويستبدله مجاني لك

وجرير هذا اللي راح يسونه لكن بعد ما يعلونك

 

 

[مهند الزهرااني]

baiik

الضمان لو خرب اي صار شيء فيه تقدر تسبدله
ترسله الى امريكا مع مثلا احد الطلاب ويستبدله مجاني لك

وجرير هذا اللي راح يسونه لكن بعد ما يعلونك

بالعكس يقولون لك يمديك توديه للوكيل بنفسك او تجيبه لنا نوديه لك , حسب الشركه لها وكيل او لا غالبا

 

 

[baiik]

مهند الزهرااني

بالعكس يقولون لك يمديك توديه للوكيل بنفسك او تجيبه لنا نوديه لك , حسب الشركه لها وكيل او لا غالبا

انا اتكلم عن مايكروسوفت وبناءا على تجربه
مو يقولون

 

 

[زوارق الشوق]

اشتريت الجهاز من ايباي ومن بائع عادي ودخلت الضمان إلى مايكروسوفت السعودية

 

 

[بو عين]

زوارق الشوق

اشتريت الجهاز من ايباي ومن بائع عادي ودخلت الضمان إلى مايكروسوفت السعودية

كييييف ؟

لاني أواجه مشكلة ،، ولايمكن عمل ذلك

 

 

[زوارق الشوق]

بو عين

كييييف ؟



لاني أواجه مشكلة ،، ولايمكن عمل ذلك

تسجيل الجهاز في موقع مايكروسوفت السعودية والتواصل هاتفيًا مع الدعم الفني

 

 

[بو عين]

زوارق الشوق

تسجيل الجهاز في موقع مايكروسوفت السعودية والتواصل هاتفيًا مع الدعم الفني

بخصوص اجهزة مايكروسفت المجددة ( برو ٦ )
ايش رايك فيها .
اقل من سعر الجديد ب ٤٠٠ ريال
وكيف الضمان ؟

 

 

[زوارق الشوق]

ما انصحك في المجدد لانه فارق بسيط لكن ممكن تبحث عن مفتوح الكرتون افضل لك واقل سعر

 

 

[ربيع غازي]

اشتري الجهاز بدون الكيبورد و القلم
عبال ما يوصل تلاقي الكيبورد و القلم وصل في جرير

و ما ادري كم سعر الجهاز في جرير لكن لو كان مرتفع جداً كالعادة, فا افضل تطلبه اون لاين