بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة خدمات الأعضاء > الأعضاء العام
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 18-10-2019, 11:33 PM كاتب الموضوع #1
sodoku
فعال
 
الصورة الرمزية sodoku
 






افتراضي تجربه تصحيح النظر بالليزر السطحي PRK





بسم الله الرحمن الرحيم
السلام عليكم

تجربتي وضعتها ليستفيد منها من هو ناوي عالعمليه ومتخوف منها بشكل عام وبحاول افصلها قد مااقدر



في البدايه كنت البس نظارات طبيه من سنتين
كان عندي ضعف وانحراف ايضا

الضعف حول 1.50-
الانحراف يوصل 3.00-

قلت ي ولد سو العمليه وارتح
وبعد بحث وقراءه للتجارب والدوران بين المواقع لمده شهر استقريت على الدكتور عثمان العمر كونه صاحب خبره طويله ومن باب انه فاهم شغله


وايضا من باب ان ماودي اجيب العيد بعيوني







حجزت موعد يوم 4/9/2019 وتوجهت للمركز وحقيقه الاستقبال كان ممتاز ولطيفين

صكوني ب ٣٠٠ ريال قيمه فحص نظر وفحص ضغط العين..

بعدها بدقيقتين صكوني ب ٥٠٠ ريال قيمه فحص القرنيه



تعرف شعور الي صكه ساهر فجاه وجته مخالفه حزام وجوال؟ ذا شعوري وقتها


دخلت على الدكتور وحقيقه كان دكتور رسمي جدا
ناظر بالفحوصات قال خلاص متى تبي نسويها لك قلت بعد ٤ ايام قال خلاص



شطحه :
الدكتور اسلوبه جاف بالتعامل احيانا او غالبا مايعطيك مجال تسال كثير يادوب سوال سوالين وخلاص واذا سئلته عن حاجه مثل اعراض العمليه او مضاعفاتها يرد عليك بكلام مختصر مثل
"عمليه بسيطه لاتخاف "


توجهت للدور الثاني وحجزت موعد العمليه وهالمره
صكوني ب ٧٥٠٠ ريال مع قيمه الفحوصات السابقه تطلع العمليه ب ٨٣٠٠


اعتقد مايحتاج اعلمكم كيف شعوري وقتها

العمليه يوم 8/9/2019 الساعه 5:30 العصر

على العموم..


جاء وقت العمليه طلعت من الشقه انا و اخوي الساعه 4:55 العصر ولاجيتهم الا 5:45



والبركه بطريق خريص

توجهت للدور للثاني لغرفه الانتظار وجات الممرضه وحطت بعيني قطره بنج او مخدر موضعي زي مايقال..


راحت الممرضه وجت مره ثانية ولبستي لبس العمليات كيس ازرق فوق الثوب وكمامه وغطاء فوق الراس
وقالت انتظر لين اجيك


رجعت الممرضه وقالت امش يالله
دخلت غرفه العمليات وانسدحت على الكرسي
وكان بالغرفة الدكتور + ممرض مساعد + ممرضه

الطريقه بسيطه وسهله
تفتح عينك ويحط شريط لاصق او شطرطون تحت جفنك الي تحت وفوق حاجبك ويسحبها

بعدها يحط بعيونك سوائل الله العالم ايش هي حرفيا يغرق عيونك بهالسوائل واعتقد انها بنج
بعدهاا يحط حديده تحت الرموش بشوي عشان ماتسكر عيونك او ترمش


بمجرد مايحط الحديده انت اصلا ماعندك رغبه انك تسكر عيونك او ترمش عادي عيونك فاتحه

بعدها تناظر فوق للجهاز الي فوق راسك



فيه لمبه خضراء صغيره تاشر فوق الي عليك انك توجهه عينك لها مهما كان



بدا الليزر يشتغل ابو ٣ ثواني بعدها وقف
ثم بدو يمسحون على عيني او يكشطون سطح القرنيه ثم بعدها اشتغل الليزر

وهالمره فيه ريحه حرق او بالمعنى العامي "شياط"

لايوجد الم ابدا لكن يوجد نوع من الضغط على العين
تحس فيه واحد حاط اصبعه بعينك ويضغطها ولكن هذا مو الجزء الي يخوف...



الجزء الي يخوف هو انك وانت تناظر للمبه الخضراء اثناء عمليه الليزر "تشوفها طبيعي صغيره ثم تكبر شوي ثم تكبر زياده ثم تكبر ثم تكبر ثم تتمدد وتغطي مساحه نظرك بالكامل ثم ما عاد تشوف شي ابدا مجرد نور ابيض حرفيا تحس انك انعميت ولاتشوف الا نور ابيض


مااخفيكم وقتها نطقت الشهاده بين وبين نفسي

مجرد ماوقف الليزر حط بعيوني سوائل ثانيه وفجاه رجعت اشوف مره ثانية لكن هالمره فيه هالات بالضوء وعيونك تعبانه تحس ودك تسكرها بالغصب
بعدها حط عدسه طبيه وسكر العين وبدا بالعين الثانيه ونفس الخطوات...




خلصت العمليه وطلعت من الغرفه وتوجهت لغرفه الانتظار

جتني الممرضة وعطتني ورقه القطرات و مواعيدها وايضا عطتني نظاره شمسيه ابوكلبيه اكلب شي بالحياه لافيها فلاتر ولاشي تحسها من ام ريالين...

طلعت من المركز على تقريبا 6:15 المغرب الحمدلله كنت اشوف زين لكن الانوار عليها هالات مزعجه انوار السيارات مزعجه ايضا الهواء مزعج وعيوني تسكر من نفسها بالغصب

غمضت عيوني ورجعت الشقه وصليت وجلست للساعه ١٢ ونمت

صحيت على الساعه ٦ الفجر من الم عيوني تحس انها تطبخ على نار هاديه وافراز الدموع حاره حتى وانا مغمض تحس بالالم طبعا اخذت تقريبا ربع ساعه وعقبها نمت

- اول يومين الام تروح وتجي ابوربع ساعه مع افراز دموع حاره

- ثالث يوم الالم اشتد بشكل اكثر واكبر واخذ اكثر من ساعه على فترات متقطعه

بعدها يبدا يخف الالم وتتحسن الرؤيه شي بسيط


من اليوم الاول للثالث كنت جالس بغرفه مظلمه حتى نور ما فيها لان اي اضائه لو بسيطة مزعجه جدا وتدمع عيوني


اليوم الخامس توجهت للمركز وشلت العدسات للامانه تحسن النظر بشكل بسيط ولكن مكان العدسات فيه جفاف فضيع لدرجه اني كنت احط قطره الترطيب ويروح مفعولها بعد 3 ثواني لكن يومين واختفى الجفاف..

بعد ازاله العدسات بشهر تحسن النظر ولله الحمد بنسبه 70%
صرت اشوف لوحات السيارات والطرق والجوال ولكن مو صافي تحس فيه شي غلط لكن ارحم بمليون مره من ايام النظاره..

ايضا الانوار ماصارت مزعجه مثل اول فقط حط قطره ترطيب كل ساعتين وادعس وين ماتبي




طبعا العمليه لها اعراض جانبيه اول اسبوعين منها :

- جفاف العين
- احمرار العين وتهيجها
- انتفاخ جفون العين
- الام العين اول ٣ ايام بعد العمليه
- احيانا تكون عين افضل من العين الثانيه بالرؤيه..
يعني اليوم مثلا العين اليمنى احسن من اليسرى بعد 3 ايام انام اصحى القى اليسرى افضل من اليمنى ليه مدري تحس الفوكس حق العين فيه احد يلعب به



طبعا لازلت في مراحل الشفاء وللان ما استقر النظر بشكل كامل يبيله شهرين وبحد اقصى 6 شهور..


نجي للايجابيات والسلبيات عموما


الايجابيات:
- المركز ممتاز وهادي ونظيف مافيه ازعاج ولاشي
- الاستقبال والممرضات لطيفين وتعاملهم محترم
- الدكنور عثمان العمر شخص متخصص بمجاله وله خبره بمجاله يعني لاتخاف من هالناحيه

السلبيات:
- المركز غالي بشكل فاحش صراحه الكشوفات لحالها تكلف 800 ريال وقطرات العلاج تشتريها بنفسك
- مايعطونك مجال للتفاوض بالسعر او تخفيضه السعر زي ماهو تبي ولاتوكل على الله
- مستغلين سمعتهم ورافعين السعر للعمليات ولو ان فيه عمليات باقل سعر منهم
- الدكتور عثمان صراحه محد ينكر انه شخص فاهم بمجاله لكن عنده مشكله أسلوبه جدا جاف ماياخذ ويعطي معك تحسه اذا شاف الكشوفات سليمه قال خلاص امش نسوي العمليه ايضا تحسه شوي عصبي يعني اذا ماالتزمت بالقطرات يغضب عليك ويجادلك
(البعض يشوفها سلبيه وانا اشوفها ميزه)




بالنهايه الحمدلله ماني نادم على العمليه مع اني عندي تحفظ على السعر شويه ولكن عدا ذلك كل شي تمام..



سبحان الله وبحمده
سبحان الله العظيم

 

 





التعديل الأخير تم بواسطة sodoku ; 20-10-2019 الساعة 10:57 PM.
sodoku غير متصل  
أشكر صاحب الموضوع رد مع اقتباس
13 عضواً يشكرون sodoku للفائدة التي وجدوها في هذا الموضوع

قديم 20-10-2019, 09:42 PM #2
vip_123
نشيط
 
الصورة الرمزية vip_123
 


افتراضي رد: تجربه تصحيح النظر بالليزر السطحي PRK





الحمدلله على سلامتك

وشكراً لك على نقل تجربتك لنا

تحياتي لك

 

 

التوقيع



vip_123 غير متصل  
رد مع اقتباس

قديم 21-10-2019, 01:22 AM #3
عقيل131
نشيط
 
الصورة الرمزية عقيل131
 


افتراضي رد: تجربه تصحيح النظر بالليزر السطحي PRK





الحمدلله على السلامه. .. عزيزي طيب لي صديق سوا العمليه وبعد فتره ضعف نظره....وقريت كثير عن اشخاص عملوها وضعف نظرهم....هل عندك فكره عن السبب لاني نفسي اعملها بس خايف يرجع يضعف نظري......مع العلم انه كل سته شهور نظري يضعف ربع درجه

 

 




عقيل131 متصل الآن  
رد مع اقتباس

قديم 21-10-2019, 07:57 AM #4
embratoor
مبدع
 
الصورة الرمزية embratoor
 


افتراضي رد: تجربه تصحيح النظر بالليزر السطحي PRK





جزاك الله خير
فعلا محتاجين التجارب لانه الواحد قبل يطلب شي من النت يقرا تجارب واراء الناس
ما بالك عمليه ونظره وانا ودي اسوي العمليه لكن عندي اشياء كثير تقلقني واخرها اقوم بتاجيل التفكير فيها وعلى كذا

يا ليت بعد كم شهر تعطينا تحديث للتجربه


الحمد لله على السلامة والله يحفظ لك صحتك يا رب

 

 

التوقيع
سبحان الله وبحمده ... سبحان الله العظيم

دعواتكم لي بالتوفيق وتسهيل الدراسة
قال رَسُول اللَّهِ صَلَّى اللَّهُ عَلَيهِ وَسَلَّم :
" ما من عبد مسلم يدعو لأخيه بظهر الغيب إلا قال الملَك: ولك بمثل "
ب13 ريال ساهم في بناء بئر في افريقيا
اطبع القران ب 10 ريال فقط .. يوزع على حلقات التحفيظ بالعالم
لأصحاب السرعات العالية وودهم بالأجر وهم نايمين

embratoor غير متصل  
عضو وجد هذه المشاركة مفيدة
رد مع اقتباس

قديم 21-10-2019, 10:06 AM #5
خجولة المبسم
نشيط
 
الصورة الرمزية خجولة المبسم
 


افتراضي رد: تجربه تصحيح النظر بالليزر السطحي PRK





وعليكم السلام

الحمدلله على سلامتك .. انا شاغلتي موضوع الليزر جداً لي يمكن 8 سنوات على النظارة بس الفترة الاخيرة صار يضعف زيادة و صار اختلاف بالعينين

وصار عندي ضغط ب احد العينين

مادري ينفع او لا

بس ماعرفت هذا الدكتور في اي مستشفى و أي منطقة؟

 

 

التوقيع
لا إله الا الله



خجولة المبسم غير متصل  
رد مع اقتباس

قديم 21-10-2019, 12:50 PM #6
ysedawy
نشيط
 
الصورة الرمزية ysedawy
 


افتراضي رد: تجربه تصحيح النظر بالليزر السطحي PRK





انا من مصر وعملتها من13 سنه يعني 2006
طبعا كنت -8 يعني نظري ضعيف كتير وكنت بلبس نظارة لمده يمكن 25 سنه
والافضل تعملها بعد سن 20سنه
وممكن بعد سن 45 تلبس نظارة قراءة
وطبعا في مصر اسعار ارخص بكتير من هنا يعني ممكن 1000 ريال فقط + تكلفة السفر
طبعا هي ممتازة عن النظارة وحاليا بلبس نظارة قراءة عند العمل فقط

 

 




ysedawy متصل الآن  
عضو وجد هذه المشاركة مفيدة
رد مع اقتباس

قديم 21-10-2019, 02:09 PM #7
aass4
نشيط
 
الصورة الرمزية aass4
 


افتراضي رد: تجربه تصحيح النظر بالليزر السطحي PRK





شكرا لك على طرح تجربتك
انا نظري ناقص ١٢ وعندي انحراف ناقص ٢.٥
ما ادري اذا تنفع لي العملية او لا قريبا بأذن الله بسوي الفحوصات، دائما ااجل الموضوع لئني متخوف نوعا ما من العملية لاكن بأذن الله على بداية السنه الجديدة بتوكل على وبسويها
وياليت اذا عندك علم عن اشهر الدكاتره في السعودية بحيث الواحد يحط في قائمة اكثر من دكتور ويقارن بينهم

 

 




aass4 غير متصل  
رد مع اقتباس

قديم 21-10-2019, 08:07 PM كاتب الموضوع #8
sodoku
فعال
 
الصورة الرمزية sodoku
 


افتراضي رد: تجربه تصحيح النظر بالليزر السطحي PRK





مشاهدة المشاركة الأصلية
vip_123
الحمدلله على سلامتك

وشكراً لك على نقل تجربتك لنا

تحياتي لك



مشاهدة المشاركة الأصلية
عقيل131
الحمدلله على السلامه. .. عزيزي طيب لي صديق سوا العمليه وبعد فتره ضعف نظره....وقريت كثير عن اشخاص عملوها وضعف نظرهم....هل عندك فكره عن السبب لاني نفسي اعملها بس خايف يرجع يضعف نظري......مع العلم انه كل سته شهور نظري يضعف ربع درجه


الله يسلمكم جميعا

مادري صراحه الي سمعته والله العالم ان فيه نوعين من العمليات الي هي ليزر السطحي والليزك
الليزك الي فيها قطع للطبقه هي الي يرجع فيها النظر اذا انت مهمل القطرات
اما الليزر السطحي زي الي انا سويتها مافيها قطع ولاشي مجرد تسليط لليزر على العين وهي الاقل خطوره والنظر بعد اذن الله ثابت اذا محافظ على القطرات واذا صار نقص بيقون شي قليل ربع او نص درجه وتحكمه عوامل مثل كبر السن والتقدم بالعمر

بالتوفيق..

مشاهدة المشاركة الأصلية
embratoor
جزاك الله خير
فعلا محتاجين التجارب لانه الواحد قبل يطلب شي من النت يقرا تجارب واراء الناس
ما بالك عمليه ونظره وانا ودي اسوي العمليه لكن عندي اشياء كثير تقلقني واخرها اقوم بتاجيل التفكير فيها وعلى كذا

يا ليت بعد كم شهر تعطينا تحديث للتجربه


الحمد لله على السلامة والله يحفظ لك صحتك يا رب


الله يسلمك ويعافيك
تتيسر الامور بسيطة ولاتشغل بالك بها متى ما استخرت سوها

اذا ماتقفل الموضوع باذن الله بسوي التحديث..

مشاهدة المشاركة الأصلية
خجولة المبسم
وعليكم السلام

الحمدلله على سلامتك .. انا شاغلتي موضوع الليزر جداً لي يمكن 8 سنوات على النظارة بس الفترة الاخيرة صار يضعف زيادة و صار اختلاف بالعينين

وصار عندي ضغط ب احد العينين

مادري ينفع او لا

بس ماعرفت هذا الدكتور في اي مستشفى و أي منطقة؟

الله يسلمك
الدكتور هو الي يحكم انتي مالك قرار ابدا بنوع العمليه
فيه حالات ينفع معها الليزر السطحي وفيه حالات ينفع معها الليزك وفيه ناس ماينفع معهم نهائيا لا ذا ولا ذا
فحسب الضعف وتخطيط العين الدكتور الفاهم هو الي يقرر

الدكتور عثمان العمر بالرياض بمركز الحكماء


مشاهدة المشاركة الأصلية
ysedawy
انا من مصر وعملتها من13 سنه يعني 2006
طبعا كنت -8 يعني نظري ضعيف كتير وكنت بلبس نظارة لمده يمكن 25 سنه
والافضل تعملها بعد سن 20سنه
وممكن بعد سن 45 تلبس نظارة قراءة
وطبعا في مصر اسعار ارخص بكتير من هنا يعني ممكن 1000 ريال فقط + تكلفة السفر
طبعا هي ممتازة عن النظارة وحاليا بلبس نظارة قراءة عند العمل فقط

صراحه فكرت فيها من قبل ولكن كنسلتها صحيح رخيصه لكن

لو طحت بواحد مايعرف شي هناك ودمر عيونك هنا المشكله
لو سويت العمليه بسلام وامورك تمام راح تروح كل فتره لمصر عشان مراجعات وكل شوي طاق لك تذكره سفر وتكاليف سكن واكل وغثى

فحسبتها وطلعت ماتسوى صراحه اللف الدوران الي بيجي

بالتوفيق


مشاهدة المشاركة الأصلية
aass4
شكرا لك على طرح تجربتك
انا نظري ناقص ١٢ وعندي انحراف ناقص ٢.٥
ما ادري اذا تنفع لي العملية او لا قريبا بأذن الله بسوي الفحوصات، دائما ااجل الموضوع لئني متخوف نوعا ما من العملية لاكن بأذن الله على بداية السنه الجديدة بتوكل على وبسويها
وياليت اذا عندك علم عن اشهر الدكاتره في السعودية بحيث الواحد يحط في قائمة اكثر من دكتور ويقارن بينهم

الله يعافيك

والله مدري وانا اخوك اذا تنفع او لا..
بالاساس الدكتور هو الي يقرر لك اي نوع عمليه مناسب لك..
وفي بعض الحالات الضعف القوي يسوي زراعه عدسات..
مقصد الكلام ان الدكتور له القرار الكامل بنوع العمليه او عدمها حسب الفحوصات والتخطيط للقرنيه


بالنسبه للدكاتره ودي انزلهم بس خايف يقولون لي انت تسوي دعايه

برسلك على الخاص

 

 




sodoku غير متصل  
رد مع اقتباس

قديم 22-10-2019, 01:57 AM #9
الله معاي
مبدع
 
الصورة الرمزية الله معاي
 


افتراضي رد: تجربه تصحيح النظر بالليزر السطحي PRK





الحمدلله على سلامتك

 

 




الله معاي غير متصل  
رد مع اقتباس

قديم 23-10-2019, 09:47 AM #10
Slorks
مبدع
 
الصورة الرمزية Slorks
 


افتراضي رد: تجربه تصحيح النظر بالليزر السطحي PRK





الحمدلله على سلامتك ياغالي

عن تجربة شخصية من عيوب تصحيح النظر يسبب جفاف مزمن بالعين

ان شاء الله تكون النتائج طيبه بالنسبة لك

 

 

التوقيع
{ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ }



Slorks غير متصل  
رد مع اقتباس

قديم 24-10-2019, 10:55 AM #11
مطعوُن
مبدع
 
الصورة الرمزية مطعوُن
 


افتراضي رد: تجربه تصحيح النظر بالليزر السطحي PRK





شكرا على تجربتك
هل فيه مستشفيات تصحح النظر بتقنية الفيمتو سمايل؟ حسب قراءتي انها افضل شيء لتصحيح النظر وما تسبب اي الام ويمكن السباحه مباشرة بعد العملية

 

 


مطعوُن غير متصل  
رد مع اقتباس

قديم 24-10-2019, 08:09 PM #12
xX KSA EAGLE Xx
مشارك
 
الصورة الرمزية xX KSA EAGLE Xx
 


xX KSA EAGLE Xx @Twitter
افتراضي رد: تجربه تصحيح النظر بالليزر السطحي PRK





الحمد لله على السلامة


اخوي مثل حالتك لكن عندة القرنية مخروطية ورفضوا يسون له العملية قالوا مالك الا العدسات

 

 

التوقيع




xX KSA EAGLE Xx غير متصل  
رد مع اقتباس

قديم 25-10-2019, 06:22 AM #13
أحمد الحويطي
نشيط
 
الصورة الرمزية أحمد الحويطي
 


افتراضي رد: تجربه تصحيح النظر بالليزر السطحي PRK





مشاهدة المشاركة الأصلية
xX KSA EAGLE Xx
الحمد لله على السلامة


اخوي مثل حالتك لكن عندة القرنية مخروطية ورفضوا يسون له العملية قالوا مالك الا العدسات


الله يشفي أخوك إن شاء الله وجميع المسلمين ، أنا عندي قرنية مخروطية وعملت عملية في الأردن ثبيت للقرنية "Corneal Cross Linking"، وكان عمري وقتها تقريبا 18 سنة قالو لي علاج القرنية المخروطية هو زراعة حلقات لتعديل القرنية لكن لازم عمرك أكبر من 21 سنة، عمري الحين 26 ولا جيتهم لكن نصيحة كلم أخوك يسوي عملية التثبيت لأنها ضروري وإلا بتزيد حالة

 

 

التوقيع
سبحان الله وبحمده سبحان الله العظيم

أثنان لا يتعلمان ، المتكبر والخجول

اللهم زدنا علم سبحانك لا علم لنا إلاماعلمتنا إنك أنت العليم الخبير



أحمد الحويطي غير متصل  
رد مع اقتباس

قديم 07-11-2019, 03:33 PM #14
SuperIL
مشارك
 
الصورة الرمزية SuperIL
 


افتراضي رد: تجربه تصحيح النظر بالليزر السطحي PRK





انا سويت عملية الويف ليزك مادري هي نفس العمليه الي تقصدها او لا بمستشفى مشاري بن عبدالرحمن بالرياض
اغروني بالعرض حق اليوم الوطني صراحة لانه كان السبب الرئيسي في ان اسوي العمليه او لا وانا ماكان بجيبي الا 3500 دفعتها وتوكلت على الله
لاني تعبت من اكل المطبات وتعب السفر من التركيز بالخط و تعب بعد استخدام الكمبيوتر ل ربع ساعه فقط يصير تشويش بعيني ماعاد اشوف الكتابه
شي يقهر وكان لازم من المخاطره مقابل الي راح احصل عليه
الدكتور كان اسمه سعيد الودعاني بحثت عنه وشفت ان له خبره وسعودي وكان هذا كافي بالنسبه لي

الان انا بالاسبوع الخامس والحمد لله الامور عال العال كون ان نظري ماكان انحراف كبير
مجرد 1.75 و العين اليمنى 1.50 والحمدلله النظر يتحسن اكثر واكثر بس باقي هالات الاضواء بالليل احس لازالت موجوده بس بشكل اخف
اتصلت على صديق لي وفحص بنفس المستشفى وطلعت العمليه ماتناسبه كون القرنيه مافيها سمك كافي

انصح الكل قبل اجراء العمليه ركز على الفحص واسال عن كل كلمه مكتوبه فيه
برجع افحص باذن الله وشوف كم صار نظري اعتقد باذن الله انه 6/6 بس بجرب افحص وشوف


بخصوص الي متردد انا رأيي له انه يفحص اولي ب 250 - 300 ريال ويشوف العمليه مناسبه او لا
ثم بعدها تفكر لان قهر تفكر بالعمليه وتقرا بالنهايه ماتناسبك زي صديقي الله يعوضه خير


مشاهدة المشاركة الأصلية
مطعوُن
شكرا على تجربتك
هل فيه مستشفيات تصحح النظر بتقنية الفيمتو سمايل؟ حسب قراءتي انها افضل شيء لتصحيح النظر وما تسبب اي الام ويمكن السباحه مباشرة بعد العملية

فيها عيب قاتل وهو ان لو حدث وان التصحيح ماكان 100% ماتقدر تصحح الخطا والله اعلم

 

 

التوقيع

ربي اغفر لي ولوالدي





SuperIL متصل الآن  
رد مع اقتباس

قديم 07-11-2019, 03:37 PM #15
SuperIL
مشارك
 
الصورة الرمزية SuperIL
 


افتراضي رد: تجربه تصحيح النظر بالليزر السطحي PRK





مشاهدة المشاركة الأصلية
عقيل131
الحمدلله على السلامه. .. عزيزي طيب لي صديق سوا العمليه وبعد فتره ضعف نظره....وقريت كثير عن اشخاص عملوها وضعف نظرهم....هل عندك فكره عن السبب لاني نفسي اعملها بس خايف يرجع يضعف نظري......مع العلم انه كل سته شهور نظري يضعف ربع درجه

السمك القليل بالقرنيه يسبب قرنيه مخروطيه وتحتاج تسوي تثبيت قرنية عشان مايتدهور نظرك والانتظام اهم شي على القطرات ضروري من الالتهابات والجفاف

افحص الاول قبل التفكير الكثير مو مشكله خساره 250 وراحه بال على ماتقرر وتسويها شوف ردي فوق يلخص تجربتي (بس على كلامك النقص هذا مايصير الا الي عنده قرنيه مخروطيه وان شاء الله يطلع كلامي خطأ الفحص يأكد لك)

 

 

التوقيع

ربي اغفر لي ولوالدي





SuperIL متصل الآن  
رد مع اقتباس

قديم 08-11-2019, 05:53 AM #16
عقيل131
نشيط
 
الصورة الرمزية عقيل131
 


افتراضي رد: تجربه تصحيح النظر بالليزر السطحي PRK





مشاهدة المشاركة الأصلية
SuperIL
السمك القليل بالقرنيه يسبب قرنيه مخروطيه وتحتاج تسوي تثبيت قرنية عشان مايتدهور نظرك والانتظام اهم شي على القطرات ضروري من الالتهابات والجفاف

افحص الاول قبل التفكير الكثير مو مشكله خساره 250 وراحه بال على ماتقرر وتسويها شوف ردي فوق يلخص تجربتي (بس على كلامك النقص هذا مايصير الا الي عنده قرنيه مخروطيه وان شاء الله يطلع كلامي خطأ الفحص يأكد لك)

الانتظام هلى القطرات لمدة كم؟

 

 




عقيل131 متصل الآن  
رد مع اقتباس

قديم 08-11-2019, 07:02 AM #17
SuperIL
مشارك
 
الصورة الرمزية SuperIL
 


افتراضي رد: تجربه تصحيح النظر بالليزر السطحي PRK





مشاهدة المشاركة الأصلية
عقيل131
الانتظام هلى القطرات لمدة كم؟

3 شهور حسب الجدول

 

 

التوقيع

ربي اغفر لي ولوالدي





SuperIL متصل الآن  
رد مع اقتباس

قديم 08-11-2019, 09:44 PM #18
superkid
نشيط
 
الصورة الرمزية superkid
 


افتراضي رد: تجربه تصحيح النظر بالليزر السطحي PRK





سويت نفس العملية صراحة كانت تجربة خفيفة ما حسيت بشي لا جفاف ولا الم وب 2200 شامل الفحوصات والقطرات عشان تخفيض اليوم الوطني

 

 




superkid غير متصل  
رد مع اقتباس

قديم 09-11-2019, 01:49 AM #19
azoooooza
مشارك
 
الصورة الرمزية azoooooza
 


افتراضي رد: تجربه تصحيح النظر بالليزر السطحي PRK





والله يالغالي أنا سويتها ب ٣٨٠٠ ريال عند الدكتور متعب الشعيبي
ولا حسيت بأي ألم بعد العملية نهائياً،
الجفاف والدموع أمر طبيعي
والحمدلله لي سنتين والوضع عال العال

 

 

التوقيع
فقراوي وأفتخر



azoooooza غير متصل  
رد مع اقتباس

قديم 09-11-2019, 03:48 AM #20
ارتجآل
نشيط
 
الصورة الرمزية ارتجآل
 


ارتجآل @Flickr ارتجآل @Facebook ارتجآل @Twitter
افتراضي تجربه تصحيح النظر بالليزر السطحي PRK





شباب احد زيي يستخدم القطرات فوق السنه ونصف بما لآ يقل عن مرتين يوميا ولا حالتى خاصة انا ؟ عملتها عام 39 والى الان لازم اخذها او احس بجفاف وحرقة خفيفه ف العين والنظر يكون مــوِ مزبوط انا عملت عملية PRK الليزر السطحى . ونظرى رجع 6-6 وتحسن عندى عمى الالوان لكن رجع ثانى الان بديت اواجة مشكلة عدم التعرف على بعض الالوان بس ي ريت تفيدونى على موضوع القطرات هل مازلتم مستمرين عليها لانى كلمت الدكتور وقلى هذا طبيعى وانا مش مقتنع بكلامه بصراحة .

 

 




ارتجآل غير متصل  
رد مع اقتباس

إضافة رد

أدوات الموضوع

الانتقال السريع


الساعة الآن 12:41 PM.