تجربه موقع جميل للعطور...

[سالي خاااالد]

سلام عليكم..
حقولكم على موقع عطور جميل جدا
يعني شخصيا عجبني..
فاكرين لما كلمتكم قبل كدا في موضوع عن حكايه عطور السوق الرمادي grey market?
هدا الموقع اللي حقول عليه اليوم هو من مواقع ال grey market للعطور بس كويس .. لان طبعا في مواقع حلوه grey market ومواقع لا..

انا جربته مرتين بس.. وكانت تجارب كويسه... انا حبيته اكتر من فراجرنس اكس.. .. لان فراجرنس اكس المضروب كتير هناك والقديم كتير بردو عندهم


الموقع هو notino

https://www.notino.co.uk/
بس بيشحن لبريطانيا بس.
يعني لازم شركه اعاده توجيه بريطاني..
انا اخترت اشحن ل mainbox
ووفي بردو ممكن تختاروا ارامكس شوب اند شيب..
بس مااخترت شوب اند شيب عشان كنت ابغي تجميع من بريطانيا من notino ومواقع تانيه..
وكمان عشان مع mainbox ماحدفع رسوم عطور 10$ اضافيه غير الشحن زي ارامكس

المهم، طلبت من نوتينو وكان شحنهم سريع...

والحلو عندهم خيار نغلف المنتجات
بس 3 منتجات تسمح بتغليف واحد..
في السله خيارات لون الكرتون واي منتجات فيها.
اخترت كرتون وردي نفس الوان المنتجات اللي اشتريتها.


يعني حلو لو الواحد بيفكر يجيب هديه لاحد..
انا طلبت تغليف هديه هههه بس انه هديه لنفسي

وقلت بالمره حيكون زياده حمايه للمنتجاات..
لو الواحد مشتري عطور خايف عليها في النقل ، انصح جدا يختار التغليف هدا لان بيحمي فعلا.

ووصلني الطلب وكان في كرتون الهديه اخترت يتحط فيه اللوشن ومعطر الجسم ومعطر الشعر..

وخليت بره زيت الشعر وكريم تاني كنت قلت اخليه كريم يد احطه في شنطتي لانه من نفس ماركه العطر بردو..

بس وصلني الكريم الصغير خربان .. وطبعا هدا شي وارد حدوثه عند التسوق من مواقع ال grey market.. او ممكن خرب من حراره فتره التنقل والشحن الله اعلم

المهم كلمتهم واعطوني بثمنه قسيمه شرائيه في حسابي تنتهي شهر 11 ميلادي. فهو بردو شي حلو. ان بيعووضوا لو شي تالف.


واما المنتجات اللي كانت داخل كرتون الهديه. كانوا مدلعين مااتبهدلوا في النقل ههههه وكمان مسكتهم لما فتحت التغليف كان فيهم بروده خفيفه.. مو زي الاشياء اللي برا التغليف هدا..

والشي التاني اللي اشتريته هو زيت عنايه للشعر المصبوغ

واللي اشتريتهم عجبوني الحمد لله

العطر ريحته تدوم وقت وسط ويشمه اللي يقرب مني. بس مو من نوعيه ان ادخل غرفه فالناس تشم وهما بعيد عني او ان امر بممر وريحه العطر تثبت في الممر دليل ان مريت
كمان يتشم لو رحت اجلس جنب احد... لما حصل كدا في مره جلست جنب احد الاشخاص عندي في البيت فسمعت تعليق ان لما جلست جات ريحه جميله فجاه .. يعني عموما فئه هدا العطر من نوع ان ريحته تبان عند الاقتراب فقط .. يعني عطر ناعم
.
بس كدا كدا هو مو غالي اساسا وانه حلو عجبني عشان عطر حلويات وانا بحب السويتز.

وينفع ممكن عطر للبيت يومي.. عطر اقتصادي.


بس شويه ندمت ان جبت معطر الشعر يعني حسيته واضح فيه ريحه كحول .. ماحسيت يعطر بشكل كبير.. وغير ان الكحول اسااسا مضر للشعر يجففه.. بس يلا تجربه



وقريبا استنوا موقعهم هنا للشحن الدولي...

https://www.notino.com/

واتوقع يوم مايفتح دولي. حيغلب فراجرنس اكس


وكمان اقولكم نصيحه، بلاش تشتروا عطر عمياني من غير ماتكونوا شميتوه.. حتي لو عليه كلام حلو

انا من العطور اللي اشتريتها عمياني عددهم 6
اتنين بس عجبوني وحكرر شراؤهم... والباقي كله حسيته عادي
وخسرت طبعا فلوس منتجات وشحن وفي الاخر حسيت عاديين. سعات كان بيلفتني الكلام او المدح على بعض العطور او شهرتهم او شكل العلبه .. بس صراحه حاولوا مايغريكم كل دي الاشياء

ومن اللي ماعجبوني واحد اشتريته من موقع و سعره 850 ريال مع انه مشهور وماركه و wow بس ماعجبني
او يمكن لان مافيه النوتاا اللي بحبها..
لان لاحظت بيعجبني عطور الفانيلا والجورماند اكتر

بس بردو احسن تروحوا المحلات تشموا في السوق ولو غالي اشتروه من برا. بس تكونوا شميتوه وعجبكم..

اماblind buy لا













وهدا صوره الكريم الصغير اللي وصل شكله خربان صورته لهم ورجعولي سعره رصيد في حسابي عندهم

 

 

[مبكي الصبر]

تجربة جميلة والاجمل ان اللي تكلم عن التجربة بنت

مليت مننا يالتماسيح اللي محتلين المنتدى

اتمنى لو تزورين موقع المبيعات الجوية الخاص بالخطوط السعودية منتجاتهم اصلية
واسعارهم نفس الاسعار العالمية يعني توفير وقت وفلوس

بالتوفيق

 

 

[سالي خاااالد]

مبكي الصبر

تجربة جميلة والاجمل ان اللي تكلم عن التجربة بنت

مليت مننا يالتماسيح اللي محتلين المنتدى

اتمنى لو تزورين موقع المبيعات الجوية الخاص بالخطوط السعودية منتجاتهم اصلية
واسعارهم نفس الاسعار العالمية يعني توفير وقت وفلوس

بالتوفيق

شكرا لك وكويس ان التجربه لقيتها مفيده
وبالنسبه لموقع الخطوط ايوا اعرفه وحلو صح . بس كولكشن العطور مو كثيره هناك..
وانا كنت ابغي العطر هدا تحديدا ومع اللوشن

وما لقيته غير في فراجرنس اكس وهدا الموقع مااحب اشتري منه..
ولقيته في سيفورا الامريكي ب 60$ غالي
ولقيته في notino ارخص فاخدته من هناك

 

 

[aumneah]

يعطيك العافيه عزيزتي على طرح تجربتك تتهني فيها يارب

عطر بينك شوقر من عطوري المفضله له عندي اكثر من سنه ولسه الريحه نفسها
انا طلبته من موقع فراوله ولكن حاليا اعتقد متوفر محليا

انصحك تجربين Fan di Fendi Extreme -My Burberry Black فخامه وثبات

 

 

[سالي خاااالد]

aumneah

يعطيك العافيه عزيزتي على طرح تجربتك تتهني فيها يارب



عطر بينك شوقر من عطوري المفضله له عندي اكثر من سنه ولسه الريحه نفسها

انا طلبته من موقع فراوله ولكن حاليا اعتقد متوفر محليا



انصحك تجربين Fan di Fendi Extreme -My Burberry Black فخامه وثبات

ايوا فعلا جميل ونعوم. حتي انا العطر هدا انضمن لقائمه عطوري المفضله.

بس مااعرف محليا في الاسواق بيتباع فين. وجبته من النت بدل ما اروح الاسواق ادور
وشكرا على اقتراحاتك الجميله. باذن الله اشوفهم يمكن يعجبوني..
شكرا ليكي

 

 

[عقيل131]

تجربه رائعه ومفيده اول مره اسمع عن هذا الموقع وبأذن الله لي تجرب معاه قريبآ....شكرآ لكي

 

 

[سالي خاااالد]

عقيل131

تجربه رائعه ومفيده اول مره اسمع عن هذا الموقع وبأذن الله لي تجرب معاه قريبآ....شكرآ لكي

العفو ان شاء الله يعجبك لما تجربه

 

 

[الله معاي]

انا دائما اشتري منهم سابقا لما كان موقعهم امريكا
وعطورهم جدا عاليه واصليه وثباتها رووعه
بس تقفل حق امريكا صار كم دوله موضحه تحت بالموقع
فاضطريت اشتري من بريطانيا يمكن عدد خمس مرات وكلها على شيب اند شوب ارامكس
صح يتاخرون يمكن مدة اسبوعين او عشرة ايام
بس تغليفهم ممتاز للعطور

اما الشركة اللي بالموضوع لا اعلم كم التكلفه

اما فرانج اكس فهو مضروب بقوه واغلب عطورهم تطلع المويه حقت العطر تهرب مع الغطاء دليل ان شغلهم مشي حالك

 

 

[THE WALKER]

تتهني فيهم يارب

بالنسبة للي فهمته انه الموقع مثل FragranceX بس انه افضل منه بالتخزين والاشياء الاخرى بما ان اثنينهم تابعين للـ Grey market بس من كلامك انه هذا عطوره تكون اضمن ، وقريبا راح يكون يوفر شحن دولي مثل FragranceX .

اتمنى يتفوق هالموقع على FragranceX و نشوف تجارب للاعضاء تبشر بالخير ونفتك من الموقع المشؤوم ذاك الي عطر اصلي وعشرة مضروب بحسب الاقوال

 

 

[aumneah]

الله معاي

انا دائما اشتري منهم سابقا لما كان موقعهم امريكا
وعطورهم جدا عاليه واصليه وثباتها رووعه
بس تقفل حق امريكا صار كم دوله موضحه تحت بالموقع
فاضطريت اشتري من بريطانيا يمكن عدد خمس مرات وكلها على شيب اند شوب ارامكس
صح يتاخرون يمكن مدة اسبوعين او عشرة ايام
بس تغليفهم ممتاز للعطور

اما الشركة اللي بالموضوع لا اعلم كم التكلفه

اما فرانج اكس فهو مضروب بقوه واغلب عطورهم تطلع المويه حقت العطر تهرب مع الغطاء دليل ان شغلهم مشي حالك

عذرا للمداخله عندي استفسار لوتكرمت
بخصوص شحن شوب اند شيب كيف طريقة حسابهم لشحنات العطور
وهل الضرائب تدفع مسبقا ام وقت الاستلام ؟

 

 

[سالي خاااالد]

الله معاي

انا دائما اشتري منهم سابقا لما كان موقعهم امريكا

وعطورهم جدا عاليه واصليه وثباتها رووعه

بس تقفل حق امريكا صار كم دوله موضحه تحت بالموقع

فاضطريت اشتري من بريطانيا يمكن عدد خمس مرات وكلها على شيب اند شوب ارامكس

صح يتاخرون يمكن مدة اسبوعين او عشرة ايام

بس تغليفهم ممتاز للعطور



اما الشركة اللي بالموضوع لا اعلم كم التكلفه



اما فرانج اكس فهو مضروب بقوه واغلب عطورهم تطلع المويه حقت العطر تهرب مع الغطاء دليل ان شغلهم مشي حالك

ايوا صح ارامكس يطول شويه على مايشحن العطور.. عشان ايام محدده لشحن العطور... وجربتهم سابقا وطفشت وانا مستنيه يشحنو شحنتي . استنيت عشر ايام تقريبا وهي متخزنه عندهم بعدين شحنوها..

وعشان كدا شحنت على mainbox لان مافي انتظار كل دي المده عشان يشحنو العطور

الشركه اللي جربتها بيشحنو بالبريد الممتاز.. ووصلني خلال 12 يوم.. واسعار الشحن حلوه مو غاليه

واما فراجنس اكس... شخصيا انا مسويه عليه اكس كبير

 

 

[سالي خاااالد]

THE WALKER

تتهني فيهم يارب

بالنسبة للي فهمته انه الموقع مثل FragranceX بس انه افضل منه بالتخزين والاشياء الاخرى بما ان اثنينهم تابعين للـ Grey market بس من كلامك انه هذا عطوره تكون اضمن ، وقريبا راح يكون يوفر شحن دولي مثل FragranceX .

اتمنى يتفوق هالموقع على FragranceX و نشوف تجارب للاعضاء تبشر بالخير ونفتك من الموقع المشؤوم ذاك الي عطر اصلي وعشرة مضروب بحسب الاقوال

مضبوط اللي انت فهمته

وفعلا اشتري منه وانت مطمن اكتر من فراجرنس اكس..

 

 

[miss aseel]

تجربه جميله من زمان نزلت تطبيق هذا الموقع وماحصلت تجارب كثير تشجع على الشراء منه
حالياً اشتري عطوري من سلفردج ومشترك فالعضويه السنويه ب 200 فالسنه واشتري العطور اللي ابغاها بشحن مجاني وخلال خمسة ايام وهيه واصله عندي

 

 

[Brainist]

تجربه حلوة المشكله انا ما اقدر اشتري الا شي اعرفه او بالاصح اقدر اشم ريحته ما اقدر اشم اي شي في العالم الا بعض انواع العطور ومنها Hugo Boss لسى ماعرفت السر في اللي اقدر اشمه واللي ما اقدر احيانا عطر قوي ما اقدر اشمه وعطر خفيف اقدر والعكس واكتشفت ان العطور اللي بريحه الياسمين اقدر اشمها
امس كنت في ردتاغ لقيت عطر عند الكاشير ب15 ريال قدرت اشم ريحته اشتريته

 

 

[سالي خاااالد]

miss aseel

تجربه جميله من زمان نزلت تطبيق هذا الموقع وماحصلت تجارب كثير تشجع على الشراء منه
حالياً اشتري عطوري من سلفردج ومشترك فالعضويه السنويه ب 200 فالسنه واشتري العطور اللي ابغاها بشحن مجاني وخلال خمسة ايام وهيه واصله عندي

تسلمي
سلفردج جميل طبعا..
وبالنسبه ل notino صح مافي تجارب موجوده عليه كتير. بس انا عادي بغامر واشتري واجرب مو لازم الاقي تجارب غيري كتير عشان اجرب موقع معين بعتمد بس على ان اتاكد انه آمن اهم شي.

 

 

[سالي خاااالد]

Brainist

تجربه حلوة المشكله انا ما اقدر اشتري الا شي اعرفه او بالاصح اقدر اشم ريحته ما اقدر اشم اي شي في العالم الا بعض انواع العطور ومنها Hugo Boss لسى ماعرفت السر في اللي اقدر اشمه واللي ما اقدر احيانا عطر قوي ما اقدر اشمه وعطر خفيف اقدر والعكس واكتشفت ان العطور اللي بريحه الياسمين اقدر اشمها
امس كنت في ردتاغ لقيت عطر عند الكاشير ب15 ريال قدرت اشم ريحته اشتريته

هو العطور فعلا لازم الواحد يشمها بعدين يشتري ...
وسواء رخيص او غالي اهم شي يكون مناسب الذوق الشخصي

ولو عطر ماركه فينزل السوق يشوف العطور ويشمها ويشوف تكلفتها عالنت ولو ارخص عالنت فيشتري من النت...

او ان الواحد يجرب يشتري من مواقع اللي تبيع عينات عطور..لو العطر غير متوفر بالاسواق المحليه

لكن الشراء حسب الكلام المكتوب على وصف العطر... مو مضمون.. لان مغامره الشراء من غير شم مسبق للعطر. خصوصا ان العطور منها كتير غالي لازم الواحد يتاكد الاول ان العطر حيعجبه

 

 

[Brainist]

سالي خاااالد

هو العطور فعلا لازم الواحد يشمها بعدين يشتري ...
وسواء رخيص او غالي اهم شي يكون مناسب الذوق الشخصي

ولو عطر ماركه فينزل السوق يشوف العطور ويشمها ويشوف تكلفتها عالنت ولو ارخص عالنت فيشتري من النت...

او ان الواحد يجرب يشتري من مواقع اللي تبيع عينات عطور..لو العطر غير متوفر بالاسواق المحليه

لكن الشراء حسب الكلام المكتوب على وصف العطر... مو مضمون.. لان مغامره الشراء من غير شم مسبق للعطر. خصوصا ان العطور منها كتير غالي لازم الواحد يتاكد الاول ان العطر حيعجبه

قبل 3 اسابيع تقريبا جاني عطر هديه ماقدرت اشم ريحته سالني صاحب العطر ها كيف ؟ حاولت اشم ماقدرت قلتله حلوووووه ريحته ما شاء الله قلي بالعافيه عليك بعض المرات الكذب مفيد

 

 

[سالي خاااالد]

Brainist

قبل 3 اسابيع تقريبا جاني عطر هديه ماقدرت اشم ريحته سالني صاحب العطر ها كيف ؟ حاولت اشم ماقدرت قلتله حلوووووه ريحته ما شاء الله قلي بالعافيه عليك بعض المرات الكذب مفيد

ايوا عشان مايزعل..
بس صراحه اول مره اسمع عن حكايه ان الواحد ما يقدر يشم انواع معينه من العطور...
اتوقع تسال دكتور عن الموضوع هدا عشان تعرف السبب. لان كل العطور حتى لو ريحتها وحشه. بس لو شميتها من العبوه حتشمها مركزه فكيف ماوصلتك الريحه.
لان الطبيعي الواحد يشم كل شي، لكن روائح تعجبه وروائح لا.

 

 

[Brainist]

سالي خاااالد

ايوا عشان مايزعل..
بس صراحه اول مره اسمع عن حكايه ان الواحد ما يقدر يشم انواع معينه من العطور...
اتوقع تسال دكتور عن الموضوع هدا عشان تعرف السبب. لان كل العطور حتى لو ريحتها وحشه. بس لو شميتها من العبوه حتشمها مركزه فكيف ماوصلتك الريحه.
لان الطبيعي الواحد يشم كل شي، لكن روائح تعجبه وروائح لا.

والله كنت في موقف.. طولت وانا اشم عشان افكر ايش اسوي والحمدلله جاتني الفكره

بسبب كسور في الوجه ونزيف في المخ جات ضربات قوية على وجهي جلست سنه ما اقدر اشم شي راجعت اكثر من مستشفى قالو مع الوقت يرجعلك الشم وسبحان الله حتى الدخان ما اقدر اشمه حرفيا بس بعض انواع العطور

 

 

[سالي خاااالد]

Brainist

والله كنت في موقف.. طولت وانا اشم عشان افكر ايش اسوي والحمدلله جاتني الفكره



بسبب كسور في الوجه ونزيف في المخ جات ضربات قوية على وجهي جلست سنه ما اقدر اشم شي راجعت اكثر من مستشفى قالو مع الوقت يرجعلك الشم وسبحان الله حتى الدخان ما اقدر اشمه حرفيا بس بعض انواع العطور

اوووه. الف سلامه.. شكله حصلك حادث طالما كدا
اهم شي انك بخير . وقضاء اخف من قضاء.
الاثر اللي حصل معاك اخف من اشياء تانيه كان مممكن تحصلك..
ويلا باذن الله تمر الايام وترجع تقدر تشم كل شي من جديد.