إنهاء العقد مع شركة قطاع خاص.
banner
2021-01-07 , 04:46 صباحاً
ورقه وقلم’s Avatar
ورقه وقلم

مبدع

المشاركات:5094
التسجيل:Jan 2014
ورقه وقلم
السلام عليكم
مرحباً بلجميع

اخواني انا موظف بشركة قطاع خاص شركة كبيرة ولها سمعتها بلسوق المهم
شغال مثل الحمـ++ـار صارلي معاهم 7 اشهر
لي قريب الشهر لحقني تعب وغثى ومقابل ناس تسد النفس يومياً
وراح يتسمر ذا الشي طيلت العقد الباقي يعني الشغل صار زيادة وضغط علينا
فكرت وفكرت ايش الحل؟
ماقدامي إلا إني أنهي العقد وابحث عن عمل ثاني
لأن مره خلاص قفلت معاي تعب بشكل فضيع
وابي اتخلص بسرعة منهم

ياليت اعرف وش لي ووش علي وذا نسخة من عقدهم مذكور فيها الشرطين الي انا متخوف منها لأن قريت مواضيع سابقه ناس تقول تدفع الي باقي لك من العقد يعني ادفع حق سنه و 6 شهور ثانيه؟؟
من جدهم والا كيف مو فاهم صراحهImage
Enlarged Image
2021-01-07 , 04:46 صباحاً
2021-01-07 , 05:46 صباحاً
KoKoZx’s Avatar
KoKoZx

مشارك

المشاركات:286
التسجيل:Jun 2011
KoKoZx
العقد عندك يقول تعطيهم خبر قبل ما تمشي بشهر.
يعني تبلغهم إنك بتستقيل وتداوم شهر وخلاص ما بتدفع شي.
لكن إذا بتستقيل على طول بدون ما تداوم شهر راح تدفع لهم راتب شهر وتمشي.
2021-01-07 , 05:46 صباحاً
2021-01-07 , 05:56 صباحاً
Networking’s Avatar
Networking

نشيط

المشاركات:552
التسجيل:Apr 2015
Networking
لاتقدم استقالتك وين هتروح بعدها
2021-01-07 , 05:56 صباحاً
2021-01-07 , 06:10 صباحاً
ورقه وقلم’s Avatar
ورقه وقلم

مبدع

المشاركات:5094
التسجيل:Jan 2014
ورقه وقلم
KoKoZx كتب:
العقد عندك يقول تعطيهم خبر قبل ما تمشي بشهر.
يعني تبلغهم إنك بتستقيل وتداوم شهر وخلاص ما بتدفع شي.
لكن إذا بتستقيل على طول بدون ما تداوم شهر راح تدفع لهم راتب شهر وتمشي.
ممتاز هذا الي فهمته
وشكراً لردك
2021-01-07 , 06:10 صباحاً
2021-01-07 , 06:10 صباحاً
ورقه وقلم’s Avatar
ورقه وقلم

مبدع

المشاركات:5094
التسجيل:Jan 2014
ورقه وقلم
Networking كتب:
لاتقدم استقالتك وين هتروح بعدها
يرزقني الله ..
2021-01-07 , 06:10 صباحاً
2021-01-07 , 09:19 صباحاً
A7MAD-STYLE’s Avatar
A7MAD-STYLE

فعال

المشاركات:1092
التسجيل:May 2010
A7MAD-STYLE
ورقه وقلم كتب:
السلام عليكم
مرحباً بلجميع

اخواني انا موظف بشركة قطاع خاص شركة كبيرة ولها سمعتها بلسوق المهم
شغال مثل الحمـ++ـار صارلي معاهم 7 اشهر
لي قريب الشهر لحقني تعب وغثى ومقابل ناس تسد النفس يومياً
وراح يتسمر ذا الشي طيلت العقد الباقي يعني الشغل صار زيادة وضغط علينا
فكرت وفكرت ايش الحل؟
ماقدامي إلا إني أنهي العقد وابحث عن عمل ثاني
لأن مره خلاص قفلت معاي تعب بشكل فضيع
وابي اتخلص بسرعة منهم

ياليت اعرف وش لي ووش علي وذا نسخة من عقدهم مذكور فيها الشرطين الي انا متخوف منها لأن قريت مواضيع سابقه ناس تقول تدفع الي باقي لك من العقد يعني ادفع حق سنه و 6 شهور ثانيه؟؟
من جدهم والا كيف مو فاهم صراحهImage


نصيحة مهما كانت معاناة الوظيفة الحالية وجحيمها .. فجحيم ومعاناة العطالة والوحدة أكثر قسوة واسأل اللي مروا بنفس هالتجربة

لذا لا تفكر في الاستقالة او انهاء العقد قبل ان تؤمن البديل ..

2021-01-07 , 09:19 صباحاً
2021-01-07 , 10:47 صباحاً
كومدور’s Avatar
كومدور

متميز

المشاركات:7391
التسجيل:Apr 2007
كومدور
الحد الاعلى للقطاع الخاص شهرين انذار فقط وبعضهم شهر

والله يوفقك بشركه اخرى..
2021-01-07 , 10:47 صباحاً
2021-01-07 , 10:55 صباحاً
Raeed86’s Avatar
Raeed86

فعال

المشاركات:1461
التسجيل:Dec 2014
Raeed86
ورقه وقلم كتب:
السلام عليكم


اخواني انا موظف بشركة قطاع خاص شركة كبيرة ولها سمعتها بلسوق المهم
شغال مثل الحمـ++ـار صارلي معاهم 7 اشهر
لي قريب الشهر لحقني تعب وغثى ومقابل ناس تسد النفس يومياً
وراح يتسمر ذا الشي طيلت العقد الباقي يعني الشغل صار زيادة وضغط علينا
فكرت وفكرت ايش الحل؟
ماقدامي إلا إني أنهي العقد وابحث عن عمل ثاني
لأن مره خلاص قفلت معاي تعب بشكل فضيع
وابي اتخلص بسرعة منهم


و عليكم السلام و رحمة الله و بركاته

ما راح أقولك لا تستقيل و الرزق من الله مثل ما قلت و لكن لا تنسى الاخذ بالاسباب

أنا موظف من 15 سنة أول 3 سنوات تعب غير طبيعي و مكدة غير طبيعيه من قوة التعب أتحلم بالشغل و غير اننا نشتغل بغبار و طين و ازعاج معدات و غير الغازات اللي تتنفسها لدرجة نطلع اجازة نحس في شي غلط لاننا ما نتنفس الغاز اللي متعودين عليه :d

في عندنا جميع أدوات السلامة و لكن أدوات السلامة لا تعني انك ما راح تحس بالخطر
و ما طلعنا الا بعد كورسات في السلامه و المصنع


انت حاليا 7 شهور تعتبر ولا شيء في مجال العمل و لازم تتعب في البداية :69:

أفضل حل لك إذا انك غير مرتاح نهائيا تكمل سنة و بعدها تبحث عن وظيفة و انت على رأس العمل

لا تطلع من العمل وتجلس لأنها بتحسب عليك في مشوارك الوظيفي و تصير نقطة استفهام و في حالة قدمت على وظيفة لا تتكلم عن عدم ارتياحك في وظيفتك الحاليه لأنها قد تكون نقطة سلبية تسبب عدم قبولك في الشركة الجديده تكلم فقط عن أدائك و تحملك للمصاعب

و بالتوفيق يارب و عسى أن تكرهو شيئاً و هو خير لكم
2021-01-07 , 10:55 صباحاً
2021-01-07 , 11:14 صباحاً
divl’s Avatar
divl

مبدع

المشاركات:3515
التسجيل:Oct 2006
divl
الله يعينك و انا اخوك
لكن نصيحة محب لا تترك وظيفتك لو ما فيه وظيفة ثانيه
اصبر علي ذا الهم
قد انك شايف الاوضاع الوظائف بالقطاره
2021-01-07 , 11:14 صباحاً
2021-01-07 , 11:29 صباحاً
ZAS91’s Avatar
ZAS91

فعال

المشاركات:1632
التسجيل:Jun 2009
ZAS91
ممكن تشرح لنا المشكله ؟ بالتفصيل او على الاقل وش الي قاعد تواجهه يمكن نقدر نساعد ونوجهك
2021-01-07 , 11:29 صباحاً
2021-01-07 , 01:23 مساءً
i9af’s Avatar
i9af

مشارك

المشاركات:350
التسجيل:Aug 2016
i9af
للأسف الواحد يقدِم على قرار سيىء ما يدري
ايش ابعاده ، و يرقع سوء اتخاذ القرار بان الرزق على الله
صحيح و احسنت و اتفق معاك
الرزق على الله ، بس ما تحس ان فيه شوية تواكل بالموضوع
7 شهوُر فترة قصيرة عشان تحكم على منظومة كاملة
انا زيك كنت في اول ايام عملي يا رجل متضايق
و قروشت اهلي بالشكوى بس الحمدلله دخلت بالجو
و الين اليوم فيه مشاكل بس عوافي ، مشي حالك
مدام ما في تطفيش عوافي .
ثم اني استغرب من السعوديين حتى بين يجوني في المكتب
و يقدموا استقالة ، يقدمها عشان اجنبي ؟
ليه تعلن انهزاميتك ! اجلس لهم في حلقهم
انت الداخل و هم الخارجين ، خليك قوي و نظامي
بالنظام ما احد يقروشك و يطفشك ..
2021-01-07 , 01:23 مساءً
2021-01-07 , 02:25 مساءً
صلاح9’s Avatar
صلاح9

مبدع فوتوغرافي

المشاركات:4680
التسجيل:Jan 2010
صلاح9
لا تترك وظيفتك الا بوظيفه ثانيه افضل منها...

هذا اكل عيش والواحد لازم يتعب عشانه ليل نهار...
2021-01-07 , 02:25 مساءً
2021-01-07 , 02:59 مساءً
Fig-22xAA’s Avatar
Fig-22xAA

مبدع

المشاركات:4723
التسجيل:Dec 2010
Fig-22xAA
الله يوفقك , بس ترا ترك الوظيفه للذهاب لوظيفه ثانيه بعد فتره قصيره يعطي انطباع سيء احيانا عند بعض اخصائيين التوظيف
فما بالك انك تترك وظيفه عشانك تعبت منها وانت مالك الا 7 شهور !
كل اللي بالموضوع مايعرفون ايش طبيعة عملك وايش ضروفك والله اعلم فيها وممكن كلنا ماندري ايش اللي تمر فيه
لكن هذا قرار صعب جدا واعرف ان له تتبعات ممكن تضرك اكثر من التعب اللي تواجهه انت الحين

الله يكتبلك الخير يارب
2021-01-07 , 02:59 مساءً
2021-01-07 , 03:13 مساءً
ورقه وقلم’s Avatar
ورقه وقلم

مبدع

المشاركات:5094
التسجيل:Jan 2014
ورقه وقلم
يا اخوان شكراً جداً لردودكم والي يسأل عن طبيعة عملي بلدنه بإحدى الشركات مساعد بايع اوزع البضايع من 6 الصبح لين العصر

مافي احد سعودي غيري انا و 4 اشخاص بلقسم هذا
وهوا صعب قسم تتوظف فيه

مدري كيف اشرح لكم لاكن اتوقع فهمتوا شغلي .

وانا بدرت لي فكرة بدل ماقدم استقالتي بحاول فيهم يحطوني مضفف ارفف اسهل بكثير واكثر راتب من الشغل الي ماسكه.
2021-01-07 , 03:13 مساءً
2021-01-07 , 03:16 مساءً
DraGon Spirit 00’s Avatar
DraGon Spirit 00

محارب لوحة مفاتيح شرس

المشاركات:4223
التسجيل:Jul 2012
DraGon Spirit 00
مشاق و عقبات العمل هي اللي تصقل الشخصية معنويا و حسيا و بدنيا و عقليا

صل صلاة استخارة قبل الإقدام على الاستقالة
2021-01-07 , 03:16 مساءً
2021-01-08 , 01:12 صباحاً
Abdullah assire’s Avatar
Abdullah assire

مشارك

المشاركات:396
التسجيل:Jun 2015
Abdullah assire
ورقه وقلم كتب:
يا اخوان شكراً جداً لردودكم والي يسأل عن طبيعة عملي بلدنه بإحدى الشركات مساعد بايع اوزع البضايع من 6 الصبح لين العصر

مافي احد سعودي غيري انا و 4 اشخاص بلقسم هذا
وهوا صعب قسم تتوظف فيه

مدري كيف اشرح لكم لاكن اتوقع فهمتوا شغلي .

وانا بدرت لي فكرة بدل ماقدم استقالتي بحاول فيهم يحطوني مضفف ارفف اسهل بكثير واكثر راتب من الشغل الي ماسكه.

نصيحة لاتستقيل الا اذا لقيت لك وظيفة ثانية قصة انك تنقطع عن راتب يجيك كل شهر بعد ماقد تعودت عليه صعبة مرة وراح تحوسك بالذات لو عندك التزامات مثل قسط سيارة او فواتير او قرض بنكي وعاد اللي ذكرتهم مايرحمون ولايعذرون اما بالنسبة لصعوبة العمل انا انتقلت من شركة الى شركة اخرى طمعا في مزايا افضل وتندمت الشركة اللي قبل صارت مثل الجنة لي بعدما انكديت فالشركة الجديدة وصرت اتحسف لكن الحمدلله على كل حال بديت اتعود على الشغل وترى كل القطاعات الخاصة يعانون ويشتكون من ضغط الشغل ومن تسلط المدراء الاجانب وقلة وضعف الراتب بس وش نسوي مالقينا غيرها والحمدلله على كل حال فنصيحتي استمر عليها لحد ماتلاقي لك بديل من ناحية وظيفة مصفف ارفف تختلف على حسب الشركة في شركات عندهم ضغط اكبر بحكم ان بضاعتهم تتصرف فالسوق بسرعه وبالتالي توريد اكثر وترتيب اكثر للبضاعه فالاسواق مثل السعودية والمراعي والوطنية والتموين العربي وعندهم اجهزة وخرابيط يعرفون وينك بالضبط واذا انت مداوم او لا الخ وفي عندك شركات شغلهم من قليل الى متوسط ويصير كبير في شهر رمضان بحكم ان اغلب منتجاتهم تباع وقت رمضان مثل شركة سقالة وكذا شركة اخرى مايحضرني اسمها وتختلف ايام العمل ايضا في شركات يعطونك يومين اجازة فالاسبوع وشركات يوم واحد شركات تعطيك سيارة للعمل وشركات انت تداوم على سيارتك لازم تنتبه للنقاط هذي وتشوف الانسب لك اما الرواتب فاغلبها متقاربة من 4000 الى 4500 والتأمين اقل فئة وبالتوفيق
2021-01-08 , 01:12 صباحاً
2021-01-08 , 10:16 مساءً
ابجدهوزحطي’s Avatar
ابجدهوزحطي

عضو جديد

المشاركات:25
التسجيل:Jun 2012
ابجدهوزحطي
جرب إنك تغير القسم اللي انت فيه.


وأحسن شي انك ما تستقيل إلا وانت موقع عقد مع جهة ثانية.



وأعتقد إن كونك على رأس عمل قد يكون نقطة إيجابية في صالحك عند البحث عن وظيفة أخرى مقارنة بشخص ما عنده وظيفة.


وحتى في المقابلات ممكن يسألونك ليش تبي تستقيل من وظيفتك الحالية، فجوابك يكون دائما إيجابي مثل انك تبحث عن خبرة مختلفة لأن الشركة الجديدة سمعتها أحسن أو منتجاتها أحسن وان خبرتك الحالية ممكن تساعدهم أكثر ... الخ


واتمنى لك وللجميع كل التوفيق
2021-01-08 , 10:16 مساءً
2021-01-11 , 07:15 صباحاً
حسن منقا’s Avatar
حسن منقا

مشارك

المشاركات:355
التسجيل:May 2018
حسن منقا
يارجال خلك فيها

انا موظف بمدرسه اهليه ولي 9 شهور اخذ 1800 ريال فقط ! ومع ذلك كرف مع الطلاب + موظف مسائي بمعهد لغات والراتب 3000 ومعدلي عالي وعندي كذا خبره لكن للاسف الشديد للحين ما كتب لي الله الافضل عشان كذا مستمر معهم ولا الود ودي ما اقدم استقاله ادخل عليهم بالعقال واجلدهم واحد واحد وامشي
2021-01-11 , 07:15 صباحاً
2021-01-29 , 11:11 مساءً
ورقه وقلم’s Avatar
ورقه وقلم

مبدع

المشاركات:5094
التسجيل:Jan 2014
ورقه وقلم
السلام عليكم
شكراً لردودكم افدتوني واعتذر مارديت بوقتها
إلى الان والفكرة ناشبه براسي
تعبت نفسياً بجد ابي اتخلص منهم وبنفس الوقت للأسف مو مأمن بديل يعني مدري كيف بعيش
لاكن يهمني صحتي قبل كل شي ونفسيتي انا من النوع الي طبيعة العمل تأثر على نفسيته ):
عملي كد وكرف وترتيب وتنسيق ومع اجانب مقرفين وكلام كثير يعني وجع راس مو مصدق إني تحملت 7 اشهر !!
وترى على فكرة المسؤولين فوقي سعوديين مدراء نفسهم يقولوا ماتصلح لكم يالسعودين !
لا بجد انهاء عقد لابارك الله فيهم
والله يرزقنا بلبديل المناسب.
2021-01-29 , 11:11 مساءً
2021-01-30 , 01:31 صباحاً
اعد السمسم’s Avatar
اعد السمسم

عضو جديد

المشاركات:28
التسجيل:Oct 2018
اعد السمسم
شي غريب احس انا اللي كاتب الموضوع
نفس حالتي اشتغل بشركة كبيرة بخدمة العملاء و بعيده عن تخصصي علوم حاسب

لي اقل من سنة و افكر بالاستقالة بالعقد موضح ان ساعات دوامي 8 و الحقيقة انها توصل احيانا 10 ساعات اخرها امس الخميس و اذا اجلت شغلي لثاني يوم لان وقت الدوام غلق تجيني ملاحظات!

غير ان معاي واحد كسول و ما منه فائده و العمل طبيعة جماعي يعني الكل يتحاسب على التقصير اشتكيت عليه الادارة تادب اسبوع و رجع زي ما كان

كرف مو طبيعي زي المكاين و لا فيه وقت استراحه غير للصلاة حتى اذا باكل شي اكل و انا اشتغل و بسرعة

حاولت اطور نفسي و اتعلم مهارات جديدة تفيدني اضيفها لسيرتي الذاتية ما قدرت بسبب الانهاك الذهني و الجسدي طوال اليوم

الموضوع بالنسبة لي مو راتب لانه طبيعي يكون ضعيف باول وظيفه الموضوع وصل لحالتي النفسيه حتى نوم ما صرت انام زين بسبب التوتر و لي شهر و نص بديت ادور وظيفة و عسى ربي يسهلها

بس للامانة مدير القسم طيب و محترم و يقدرني و هو الوحيد اللي بزعل عليه اذا تركت الوظيفة
2021-01-30 , 01:31 صباحاً