تغيير المجال او Carrer Shifting

[YHI1]

سلام عليكم ورحمة الله وبركاته

انا تخرجت من الجامعة بكلية العلوم وهندسة الحاسب والحمد لله عرفت ايش المجال اللي ابيه واخذت شهادات احترافية فيه ( تحليل البيانات ) ، لكن جاني عرض في شركة بمسمى Application support ،، هي صح من ضمن تخصصي لكن ماني مستعد اغير مجالي والشي اللي مركز فيه وبنفس الوقت خوفي اضيعها.

ارائكم؟

 

 

[epbasd]

لا تتقوقع إذا التخصص الفرعي تقدر تنجز فيه

 

 

[نايف*]

ما عندك مسار وظيفي عشان تقول " شيفت" ابدأ بأي شيء وفي نفس الوقت ابحث عن فرصة في المجال الي تبغاه

 

 

[Hajime No Ippo]

YHI1

سلام عليكم ورحمة الله وبركاته

انا تخرجت من الجامعة بكلية العلوم وهندسة الحاسب والحمد لله عرفت ايش المجال اللي ابيه واخذت شهادات احترافية فيه ( تحليل البيانات ) ، لكن جاني عرض في شركة بمسمى Application support ،، هي صح من ضمن تخصصي لكن ماني مستعد اغير مجالي والشي اللي مركز فيه وبنفس الوقت خوفي اضيعها.

ارائكم؟

أنا فهمت أنك خريج جامعة وغير موظف والان جاتك وظيفة بالمسمى اللي ذكرته
وأفترض أن الوظيفة جيدة وآمنة وراتبها طيب

أنا أقول توكل على الله وتوظف واسعى في وظيفتك واهتم بالتعلم والعمل والإنجاز والعلاقات الطيبة مهما كانت الصعوبات
وفي وقت فراغك، اشتغل على نفسك في تخصص تحليل البيانات وهو سهل طالما أن تخصصك راح يساعدك في تعلمه بسرعة ولتوفر مصادر التعليم والتدرب وطالما عندك الحب له
وعموما، كلها تخصصات قريبة جدا من بعض (علوم حاسب، تحليل البيانات، دعم التطبيقات... كلها حول بعض) ولا أرى أن هذا يسمى career shift

وبالمناسبة، تابع مبادرات الأكاديمية الرقمية السعودية، وأكاديمية مسك، وأكاديمية طويق في مواقعهم على الويب وحساباتهم في الوسائل الاجتماعية كتويتر وابحث عنها في قروبات تخصها على التيليغرام
وعلى النت، هناك موقع coursera يقدم كورسات والمحتوى فيها مجاني والرسوم رمزية إذا بغيت الشهادة بعد ما تجتاز اختباراتهم وهناك أيضا موقع datacamp.com مختص بتحليل ايانات وعلوم البيانات وتعلم الآلة يقدم لك أول درس من كل كورس مجانا، وأيضا فيما أذكر الاشتراك لأول شهر مجاني أو يمكن ب1دولار

والله الموفق

 

 

[5alaf]

انت ابدأ في الوظيفة اللي
صدقني بتستفيد كثير بما انها اول وظيفة واستمتع بها
وفي نفس الوقت ابحث عن الوظيفة اللي تبيها

بكذا كسبت الثنتين

 

 

[bury my bones]

نايف*

ما عندك مسار وظيفي عشان تقول " شيفت" ابدأ بأي شيء وفي نفس الوقت ابحث عن فرصة في المجال الي تبغاه

كلام صحيح
أنت لا تملك أي خبرات فعن أي تغيير مسار وظيفي تتحدث ؟

اقبل بالوظيفة وكمل شهادات احترافية في المجال الي ترغب فيه ومع أي فرصة اطلع من وظيفتك الحالية

 

 

[wikii]

ترى عندك فترة تجربة 3 شهور تقدر تستقيل فيها اذا لقيت البديل
انا سويت كذا لقيت وظيفة بالرياض وبعد 3 شهور بكم يوم استقلت ودفعت لهم
اهم شيء لقيت نفس مجالي وراتب اعلى بنسبه 10%

 

 

[YHI1]

الله يعطيكم العافيه جميعا ماقصرتوا ، والله يكتب اللي فيه الخير

 

 

[AK-74U]

اي شي يتعلق بالبيانات هج منه !!

ركز على اي حاجة تتعلق بالتصميم و البناء