ماذا ستفعل بعد ارتفاع الاسعار
banner
2022-07-24 , 07:17 صباحاً
fosl’s Avatar
fosl

متميز

المشاركات:5817
التسجيل:May 2009
fosl
dvb2 كتب:
انا قلت بدون علم ومعرفه في هذا المجال لا تدخل
كل شيء وجد لابد من علم وفهم ودراسه اما انك تدخل وتقول شركات قوية استثمارية وتحط فلوسك
ما رأيك بشركة موبايلي كانت بسعر ١٢٤ ريال وتالي يطلع خبر يوجد اختلاس بالشركه وينزل سعرها الى ١٢ ريال
هذا السوق اذا لم تمتلك ادواته فهو محرقه
ومن كان ب٢٠٠٦ والانهيار وايضا ب٢٠١٦ يعرف ذلك جيدا


شركة موبايلي الي صار فيها نصب و احتيال و بلاوي زرقا لو اعلم شخص في اسواق المال ماراح يدري عن الي جالس يصير الين طلع الموضوع للناس كلها

ما زلت اوصي نفسي و الناس الي حولي
اذا شفت الكل يهرب من السوق و الدنيا حمراء اشتر بجزء من مدخراتك (في شركات معروف عملها و وضعها)
الين تشوف الناس تقبل على السوق و يبداء يتحول للأخضر
قفل الشاشة و انسى غير بالمبلغ الشهري الي انت مقرره للمحفظة

ينساب
جرير
الراجحي
الاتصالات
المراعي
البلاد


هذي اسهم حتى في وقت ما كان الحجر العالمي في كورونا كان وضعها فوق الممتاز [U]للمستثمر[/U]

كلامي مو توصية ولا نصيحة بالشراء مجرد جبت بعض الاسماء ك مثال على الفرق بين التوجه الاستثماري و المضاربه في السوق


يا رجال لو انك داخل من ايام 2006 بمبلغ 100 الى 150 الف في شركة وحده اليوم بعد التوزيعات و زيادات رأس المال و نمو رأس مالك
محفظتك قيمتها من مليون ونص الى 2مليون ونص

اذا بتضارب ايه تعلم قبل تدخل و عساك تطلع بشي فوق عمولة المنصة الي تتداول عليها
اذا بتستثمر اطلع بس على شرعية الشركات و اطلع على تاريخها و ارقامها(وانت فاهم وش جالس تقراء طبعاً) و سمي بالله و توكل عليه

الاستثمار في الاسهم صعب جداً يخسر
المضارب في الاسهم صعب جداً يربح
2022-07-24 , 07:17 صباحاً
2022-07-24 , 07:26 صباحاً
fosl’s Avatar
fosl

متميز

المشاركات:5817
التسجيل:May 2009
fosl
مقلع بدون هبوط كتب:
ومن اهم الادوات النفس الطويل والاستعداد لاي مخاطر متوقعه

ما انسى ٢٠٠٦ اثنين من الزملاء انهارو وطاحو وبعضهم جلس في حالة نفسيه فترة طويله


يا حبيبنا يا مقلع
هذولي اكيد من الي اخذوا تسهيلات على محافظهم
البنك يسيل ولا يرجع لك حسب العقد الي بينكم

السوق بحر لو بندخل في تفاصيل و تجارب شخصية

ولا لو انها فلوسهم ما احد يجبرهم على البيع
قفل الشاشة و انسى تجي بعد فترة تحصل قيمة محفظتك دبل ويمكن ×3 وقتها تبي تبيع بيع

لكن هي انلعبت صح ذيك الايام تسهيلات و رهن منازل و بيع سيارات و حوسة لها اول مالها اخر
و استمر التسحيب فترة الين كلن طمع و بعدها اخفس بالجميع
ما ودي اسمي اشخاص بس اتوقع الي عايش الفترة هذيك يعرف من الي طلع كسبان من السوق :d

و اغلب المحتوى الي يخص سوق الاسهم السعودي الي تقدر تطلع عليه للأسف كله يدور حول المضاربة
قليل الي يتكلم بمنطق و عقل و يكون كلامه عن الاستثمار

يا رجال قبل كم يوم شفت شركة وضعها جداً ممتاز للمستثمر
يمكن 16 شخص يعلقون على الخبر ان السوق مافيه خير دام هذي الشركة وضعها كذا
عقليات مدري كيف تشتغل :24:
و تحصلة مهموم وحالته حاله و جايب لنفسه المرض و الحالة النفسية و مستمر يضارب

اسواقنا الاقليمية ما تصلح للي بيضارب بشكل شخصي
الا اذا كان شخص بالع المجال هذا بلع
او شخص عنده مصدر موثوق يوفر له معلومات تفيده
2022-07-24 , 07:26 صباحاً