اخي اشتره منزل ولكن واجه مشكله

[happy boy]

السلام عليكم

عندي موضوع ابي اتناقش معكم فيه

وهو انه اخي اشتره منزل والمفروض يستلمه بكامل خدماته

ولكن يوم تواصل من البايع يستحمل الرسوم رفض وقال انت عليك كل شي

هو يمكن مايبي يدفعها بسبب انه اخوي ماعطاه العموله للمكتب

لانه اخوي اتصل على صاحب البيت مباشره وليس من المكتب حرام يدفع مبلغ وقدره للمكتب وهو ماتواصل معه


يبدو انهم متفقين مع بعض او ماشابه المهم ماعطينا لهم النسبه


ونشوف صاحب البيت يرفض تحمل رسوم العداد


مدري صحيح الحق معه نتحملها ولا هوه

وهل اقدر اشتكي لجهة معينه

 

 

[a7med1234]

رسوم ايش ؟
كلامك مو واضح

اذا تقصد السعي 2.5% فهذي مستحقة للمكتب العقاري ويدفعها المشتري

 

 

[كن ايجابي]

اذا تقصد السعي اغلب لايستحقه صراحة وللامانه شخص متسدح بالمكتب ويشرب قهوة عربية ويوجهك انت تشوف البيت بدون مايخدمك بشيء نهائياً وياخذ سعي علي يوصل لين 20 الف لاهو الي خدمك وداك بسيارته تشوف البيت وضح لك كل شي ولاراجع المحكمة يخلص اجرائاتك وبالنسبة لعداد الموية غلط انك ماشيكت على كل شي لان بعضهم بدون ذمة وضمير يسلمك بدون عداد وانت تدفع رسومه ويكلف مادري كم تقريبا حول 5 الاف انت تتحملها ولاادري اذا تقدر تشتكيه ويجيبون حقك لكن المكتب نصيحة مايستحق شي ويمكن متفق مع البيت واذا بداياتها بايعينك بيت بدون عداد موية فهذا يعتبر بيع غبن وتاكد برضوه ان امبير العداد الكهرباء من 100 وفوق بعضهم يحط 70 امبير علشان يوفر

 

 

[HUSS4IN]

كن ايجابي

اذا تقصد السعي اغلب لايستحقه صراحة وللامانه شخص متسدح بالمكتب ويشرب قهوة عربية ويوجهك انت تشوف البيت بدون مايخدمك بشيء نهائياً وياخذ سعي علي يوصل لين 20 الف لاهو الي خدمك وداك بسيارته تشوف البيت وضح لك كل شي ولاراجع المحكمة يخلص اجرائاتك وبالنسبة لعداد الموية غلط انك ماشيكت على كل شي لان بعضهم بدون ذمة وضمير يسلمك بدون عداد وانت تدفع رسومه ويكلف مادري كم تقريبا حول 5 الاف انت تتحملها ولاادري اذا تقدر تشتكيه ويجيبون حقك لكن المكتب نصيحة مايستحق شي ويمكن متفق مع البيت واذا بداياتها بايعينك بيت بدون عداد موية فهذا يعتبر بيع غبن وتاكد برضوه ان امبير العداد الكهرباء من 100 وفوق بعضهم يحط 70 امبير علشان يوفر

الدلالة أو السمسرة هذه مهنة مشروعة
ولعلمك في المحاكم إن ثبتت الدلالة المشتري أو البائع يدفع الدلالة غصباً عنه

استهزاءك ببساطة الأمر، كان من الأحرى أن تقوم به بنفسك

الشخص اللي على المكتب بطبيعة الحال يكوّن علاقات
صحيح أنه ماتحرك من كرسيه لكن سّهل لك عملية البحث

ملاحظة بسيطة: ماعندي مكتب عقار ولا سمسار ولا أي شيء من هذا القبيل..

 

 

[antique12]

HUSS4IN

الدلالة أو السمسرة هذه مهنة مشروعة
ولعلمك في المحاكم إن ثبتت الدلالة المشتري أو البائع يدفع الدلالة غصباً عنه

استهزاءك ببساطة الأمر، كان من الأحرى أن تقوم به بنفسك

الشخص اللي على المكتب بطبيعة الحال يكوّن علاقات
صحيح أنه ماتحرك من كرسيه لكن سّهل لك عملية البحث

ملاحظة بسيطة: ماعندي مكتب عقار ولا سمسار ولا أي شيء من هذا القبيل..

فعلا مهنة مشروعة وعقدها يسمى بعقد السمسرة وله حقوق وواجبات

 

 

[sniper 7]

HUSS4IN

الدلالة أو السمسرة هذه مهنة مشروعة
ولعلمك في المحاكم إن ثبتت الدلالة المشتري أو البائع يدفع الدلالة غصباً عنه

استهزاءك ببساطة الأمر، كان من الأحرى أن تقوم به بنفسك

الشخص اللي على المكتب بطبيعة الحال يكوّن علاقات
صحيح أنه ماتحرك من كرسيه لكن سّهل لك عملية البحث

ملاحظة بسيطة: ماعندي مكتب عقار ولا سمسار ولا أي شيء من هذا القبيل..

مايسهلون عليك ولا شي

وبالضبط زي ماقلت انت اذا قمت به بنفسي ورحت ادور ولقيت اللي يعجبني ليش يجي هو ويطالب بالدلالة ؟!!

يمكن بنغير مسار الموضوع واتمنى من صاحب الموضوع انه يعذرنا، لكنه شي في الخاطر

SPOILER:

انا واهلي يوم شرينا البيت نروح نفر الاحياء بأنفسنا اللي نبغى نشتري فيها ونشوف الفلل المناسبة اللي تصميمها يناسبنا وندخل كل فيلا نشوف اذا تناسب وكيف تشطيبها اذا يناسب او لا ويوم تعجبنا وحدة ونتواصل مع الحارس يعطينا رقم مالكها يروح يعطينا رقم المكتب اللي تاكي يتقهوى عشان ياخذ السعي اللي مبلغ وقدره .؟؟؟ طيب من الي تعب وراح يدور وسوا مسح للحي كله عشان يشوف اللي يناسبه ؟

وللأسف يوم تروح للمكتب على اساس تسأله عن مواصفات في بالك عشان يبحث عنك اذا فيه خيارات اخرى يكون ماعنده اي خبرة في التشطيب وفي ابسط بديهيات البناء الحديث مايعطيك اي معلومة ولا يعرف يجاوب على شي والمعلومة الوحيدة اللي تهمه اذا انك بتشتري عطني دلالة غير كذا ما اقدر افيدك

اذا كان مكتب العقار عنده كاتالوج كامل بالصور والمواصفات الفلل اللي عنده ويجاوب على كل اسئلتك من ناحية مساحات الغرف والارتدادات بحيث يوفر عليك عناء الفرفرة في الاحياء فأنا معك يستاهل الدلالة وفوقها حبة خشم. لكن اللي نشوفه الحين عند 80% من مكاتب العقار مجرد تكية عصرية وشاهي للأسف.

ياصاحب الموضوع انا مادري وش الرسوم اللي يطالب فيها لكن اذا انت وصلت للمالك او العقار مباشرة واخترته بنفسك فما لأحد حق ياخذ منك مبلغ زيادة

 

 

[epbasd]

عجييب؟؟

 

 

[مقلع بدون هبوط]

علشان مايكثر التخمين :

اخوك كيف وصل لصاحب البيت

صاحب المكتب كيف عرف انكم شريتو ويطالب بالسعي .

اذا صاحب البيت عارضها عند المكتب وقال لكم راجعو المكتب الفلاني فالسعي حق للمكتب .

اذا صاحب البيت عارضها في المكتب وباع من خارج المكتب المكتب يطالب البائع بالعموله.

 

 

[happy boy]

a7med1234

رسوم ايش ؟
كلامك مو واضح

اذا تقصد السعي 2.5% فهذي مستحقة للمكتب العقاري ويدفعها المشتري

نعم رسوم المكتب ولكن اخوي كلم صاحب البيت مباشره لانه حاط رقمه بالبيت والبيت ماعليه اعلان من المكتب علشان نعطي سعيه ماله اي صله بالموضوع

 

 

[happy boy]

مقلع بدون هبوط

علشان مايكثر التخمين :

اخوك كيف وصل لصاحب البيت

صاحب المكتب كيف عرف انكم شريتو ويطالب بالسعي .

اذا صاحب البيت عارضها عند المكتب وقال لكم راجعو المكتب الفلاني فالسعي حق للمكتب .

اذا صاحب البيت عارضها في المكتب وباع من خارج المكتب المكتب يطالب البائع بالعموله.

زي ماذكرت فوق

اخوي شاف رقم صاحب البيت وكلمه مباشره بدون اي وساطه

بس يوم دفع المبلغ قاله كلم المكتب عطه حقه وخوي كان بيعطيه بس تردد ولا عطاه لانه ماله صله بالموضوع


ولو له وساطه عطيناه والبيت مافي لا كهرب ولا عداد مويه

وخوي قدم على عداد الماء ويوم طلعت الرسوم كلم صاحب البيت يدفعها رفض قاله انت تتحملها

الموضوع فيه شك انه صاحب المكتب يعرف صاحب البيت ومتفقين

والان فتحت الموضوع علشان نعرف من يتحمل رسوم عدادات الماء والكهرب

 

 

[مقلع بدون هبوط]

happy boy

زي ماذكرت فوق

اخوي شاف رقم صاحب البيت وكلمه مباشره بدون اي وساطه

بس يوم دفع المبلغ قاله كلم المكتب عطه حقه وخوي كان بيعطيه بس تردد ولا عطاه لانه ماله صله بالموضوع


ولو له وساطه عطيناه والبيت مافي لا كهرب ولا عداد مويه

وخوي قدم على عداد الماء ويوم طلعت الرسوم كلم صاحب البيت يدفعها رفض قاله انت تتحملها

الموضوع فيه شك انه صاحب المكتب يعرف صاحب البيت ومتفقين

والان فتحت الموضوع علشان نعرف من يتحمل رسوم عدادات الماء والكهرب

المعروف ان اذا صاحب العقار حط عقاره في مكتب اللوحه والرقم تكون حقت المكتب .
مايحط صاحب العقار جواله ابدا.
المكتب هو المسوؤل والوسيط بين البائع والشاري

اذا فعلا صاحب العقار حاط رقمه بلغ المكتب ان رقمه كان موجود عالعقار واتصلنا عليه . ويتفاهم هو وياه


بقية الامور مثل عداد الكهرب والماء وغيرها من الامور على حسب ما اتفقو

يمكن اخوك شافها عظم وقال باخذها بسعر معقول واكملها هنا هو يتحمل رسوم العدادات لانه خلاص هو المستفيد . اذا تمت المبايعه

اذا فيه اتفاق مع مالك العقار المفترض يوثق في عقد البيع في مكتب العقار

 

 

[عبودات]

بسيطه جدا انت رحت للبائع صاحب البيت بنفسك معناها مفروض مايعطي المكتب شي ولا له سعي واذا كان رافض معناها متفقين بينهم وهذا يعتبر غش

اما اذا كان البيع عن طريق مكتب وهو يعرف صاحب البيت هنا يكون لهم اتفاق وتعطيهم سعي وهذا مشروع

ولكن صاحب المنزل يبدو انه استغرب كيف جبت الرقم بدون مرورك بالمكتب

 

 

[مقلع بدون هبوط]

عبودات

بسيطه جدا انت رحت للبائع صاحب البيت بنفسك معناها مفروض مايعطي المكتب شي ولا له سعي واذا كان رافض معناها متفقين بينهم وهذا يعتبر غش

اما اذا كان البيع عن طريق مكتب وهو يعرف صاحب البيت هنا يكون لهم اتفاق وتعطيهم سعي وهذا مشروع

ولكن صاحب المنزل يبدو انه استغرب كيف جبت الرقم بدون مرورك بالمكتب

اذا صاحب العقار عرضه في مكتب

مايحق له يتصرف ولو احد جاب رقمه واتصل عليه المفترض يقله البيت في المكتب الفلاني رح لهم .

اشتغلت فترة مع اصحاب عقار وحصل مواقف مشابهه ماكان يحل ولايربط ولايفاوض يقل للزبون رح المكتب الفلاني تفاهم معه

 

 

[كن ايجابي]

HUSS4IN

الدلالة أو السمسرة هذه مهنة مشروعة
ولعلمك في المحاكم إن ثبتت الدلالة المشتري أو البائع يدفع الدلالة غصباً عنه

استهزاءك ببساطة الأمر، كان من الأحرى أن تقوم به بنفسك

الشخص اللي على المكتب بطبيعة الحال يكوّن علاقات
صحيح أنه ماتحرك من كرسيه لكن سّهل لك عملية البحث

ملاحظة بسيطة: ماعندي مكتب عقار ولا سمسار ولا أي شيء من هذا القبيل..

لما يقوم ويشتغل ويتكلم عن عيوب ومميزات وياخذني بسيارته معزز مكرم ويشرح لي تفاصيل المبنى والجيران ويروح يراجع نيابة عني المحاكم ويخلص نقلية البيت في حال الشراء او انه يقرب وجهات النظر بيني وبين المالك ويضمن حقوقي ويوعيني فيها ساعتها اقول حلال عليه السعي

لكن الحاصل حاليا صاحب المكتب يعرض العقار في التطبيقات المجانية حراج وعقار عليها رسوم رمزية جدا ويتصل الي بيشتري والي بيستاجر على المكتب والمكتب يوجه فقط لمشاهدة البيت وبعدها ياخذ سعي بدون اي جهد

لاتكن عاطفي وتسلم عقلك لعاطفتك وهم احد اسباب ارتفاع العقار الحاصل لزم يكون كل شي مرتفع ايجار وبيع علشان يحصل اكبر قدر من عمولتته 2.5

فرجاء لاتتكلم بشي ماتعرفه واكبر منك

 

 

[مقلع بدون هبوط]

كن ايجابي

لما يقوم ويشتغل ويتكلم عن عيوب ومميزات وياخذني بسيارته معزز مكرم ويشرح لي تفاصيل المبنى والجيران ويروح يراجع نيابة عني المحاكم ويخلص نقلية البيت في حال الشراء او انه يقرب وجهات النظر بيني وبين المالك ويضمن حقوقي ويوعيني فيها ساعتها اقول حلال عليه السعي

لكن الحاصل حاليا صاحب المكتب يعرض العقار في التطبيقات المجانية حراج وعقار عليها رسوم رمزية جدا ويتصل الي بيشتري والي بيستاجر على المكتب والمكتب يوجه فقط لمشاهدة البيت وبعدها ياخذ سعي بدون اي جهد

لاتكن عاطفي وتسلم عقلك لعاطفتك وهم احد اسباب ارتفاع العقار الحاصل لزم يكون كل شي مرتفع ايجار وبيع علشان يحصل اكبر قدر من عمولتته 2.5

فرجاء لاتتكلم بشي ماتعرفه واكبر منك

هل يوجد مكتب كذا فعلا ام هي مثاليه وهميه

كيف ياخذك بسيارته وانت صاحب الحاجه اللي تبحث عنها
وتبيه كل من جاه لقطه بموتره .

الجيران ناس شارين اراضي وعمروها مالهم علاقه بالمكتب ولا مكتب العقار له علاقه بهم
تخيل مكتب في طرف الحاره يجي يدق بابك ويبي يتعرف عليك ومعلومات عنك علشان العماره اللي جنبك معروضه للبيع واللي يشتري بيساءل عن الجيران .

المبنى مابيعطيك معلومات اكثر من اللي تشوف لاهو اللي عمره ولا هو اللي حضر انشاءات علشان يعطي تفاصيل دقيقه
وابسط كلمه بيقلك جب مهندس من مكتب هندسي .

تخليص الامور من المحكمه ليست من مهامه كمتب عقار ابدا
نظاما .

في حال بغيته يخلصك تسوي له وكاله وتعطيه اتعابه كمعقب.

هذا السوق والنظام مافيها تسليم عقل وعاطفه
وهذا تصريحه من الجهات المعنيه كمكتب عقار

مافيه شي مما قلت هو ملزوم فيه ولا تقدر تشتكيه في اي نقطه منها ابدا

وحط نفسك صاحب مكتب عقار وشوف هل بتقوم بما ذكرت سابقا ولا لا

 

 

[kaka_1]

والله ياخوي السعي للسمسار ما يكون الا اذا كان هو السبب في التقريب بين البائع والمشتري اما اذا على كلامك رحت للبائع على طول ماله حق يطلب سعي واذا عنده شيء ياخذه من صاحب البيت.




المفروض مع التطور التقني مافيه سعي الا اذا انا بنفسي رحت للمكتب، يعني مب معقولة ادور بيت في تطبيق عقار ويعجبني اروح ادفع سعي !!

 

 

[ياسر ابو زياد]

المكاتب ذول بعضهم يتفق مع المالك بحيث حتي لو حصلت البيت المالك يحيلك على المكتب عشان يفيده وهذا غلط وحرام واكل اموال ناس بالباطل البعض يسوي كذا

يعني فوق ان اسعار البيوت الغاليه اصلا ومبالغ فيها تجي تزيد مبلغ زياده بغير وجه حق ؟

انا اتصلت عليك مباشره وجبت رقمك يمالك تحيلني على المكتب ليش ؟ انت المالك عطني سعرك وانتهينا وانا افضل لو شفت البايع يسوي كذا شوف غيره افضل من المالك مباشرة
اذا المكتب خويك عطه فلوس بعد ماشتري منك له فزعه صدقه اتعاب بكيفكم لكن ليش تدخل المشتري ؟ اللي مامر بالمكتب نهائيا؟؟

 

 

[حبيب الامس 11]

السعي حق شرعي للمكتب ما يجوز احد ياكل حقوق الناس ،،


بغض النظر عن وجهة نظرك في الموضوع ،، حتى انا اشوف نسبتهم عاليه لكن هذا مايلغي انه حق من حقوقهم كفله لهم النظام والعرف بين الناس ،،

اذا ما تبي تدفع سعي للمكاتب ،، مر على كل بيت واسالهم اذا بيتهم للبيع !! كذا حتى ريال لا تدفع

 

 

[~الشاهين~]

HUSS4IN

الدلالة أو السمسرة هذه مهنة مشروعة
ولعلمك في المحاكم إن ثبتت الدلالة المشتري أو البائع يدفع الدلالة غصباً عنه

استهزاءك ببساطة الأمر، كان من الأحرى أن تقوم به بنفسك

الشخص اللي على المكتب بطبيعة الحال يكوّن علاقات
صحيح أنه ماتحرك من كرسيه لكن سّهل لك عملية البحث

ملاحظة بسيطة: ماعندي مكتب عقار ولا سمسار ولا أي شيء من هذا القبيل..

ردك ماله علاقة بالموضوع صاحب الموضوع يقولك أن أخوه تواصل مباشرة مع المالك، فكلامك خارج محل النقاش أصلا

 

 

[epbasd]

عالم غريب