اوبتيما 2016 وش افضل بنزين ؟

[أحمد أبوزيد]

السلام عليكم ورحمه الله وبركاته

الحمدلله ربي قدرني وطلعت اوبتيما فل 2016

بس متوهق من حكايه البنزين ايش افضل شي 91 ولا 95

انا عبيت اول مره 95 وناس كثير قالتلي السياره متوصي بيها في الكالتوج حقها ومن وزاره التجاره

خليك علي 91 افضل ولاتحط 95

فياريت من اصحاب الخبره افادتني لان كل واحد شككني في نفسي

 

 

[Hidden Ones]

الله يبارك لك فيها و يسلمك من شر الحوادث و الهمج
بالنسبة للبنزين لا تحط من عندك ولا تسمع كلام ملصق وزارة التجارة
أفتح باب البنزين غالبًا يكون فيه ملصق موضح فيه الأوكتان المناسب
أو 100% راح تلقى إجابتك في الكاتالوج، هم أدرى بسياراتهم و البنزين المناسب لها

سيارتي بنزينها 98 و في حالة عدم وجوده 95 يكفي لكن وزارة التجارة محددتها 91 /:

 

 

[MR Mubark]

اذا انت خايف على ان السيارة تخرب فلا تخاف انا غيرت اكثر من مره وعلى مدى خمس سنيين ولا صار شيء في السيارة بس انت اذا عبيت 95 استمر عليه واذا تبي تغير الى 91 خل التانكي اقل من الربع وغيره

 

 

[ss-1993]

خلك على الـ 95 اضمن مايضر ترا حتى لو كان موصى ب91

اصلا هنا نصابين الـ 95 ماهو 95 تلقاه اقل حتى الـ 91 ممكن يكون تحت الـ 90
لذلك خلك على الـ 95 وامورك في السليم

وترا الفرق مايسوى كلها 8 ريال في التفليلة يعني ماتجي 50 ريال في الشهر

 

 

[lambo]

91 هو المناسب .. و التوفير مهم هذي الايام

 

 

[skootr]

mycar.saudiaramco.com

 

 

[sohailoo]

خلك على 95اذكر حللو البنزين اللي عندنا من اكثر من محطه ال 95 يطلع 89 مدري شي حولها وال 91 اخس والعن يعني انظف شي يجيك هو 95

 

 

[hayy dayy]

بنزين 95 احتراقه وكفائته اعلى = سعره اعلى
بنزين 91 احتراقه وكفائته اقل = سعره اقل

عموما بكتالوج هيونداي كاتبين يوصى باستخدام بنزين 91 ، 95 ، او اعلى

يعني لاتنزل عن 91

 

 

[Ahmad Al Awadi]

اسال مجرب ولا تسال طبيب

انا معي اوبتيما 2016 جي تي ، الـ 95 تصير ثقيلة السيارة وعزمها يطيح ، الـ 91 كويس عليها واخف ..

همسه ، حاول تتجنب الزيت الي يغيرونه الوكالة لانه الله يكرمك زي ***** ..

 

 

[ولد مكه7]

معي سوناتا 16 اعبيها اخضر لان الوكاله تقول كذا + ارخص + تراها 4 سلندر يعني مايحتاج احمر يعني لو معك سياره قوية وتبغا عزم وبنزين ثقيل اقولك اوكي 95 بدون تفكير بس تراها اوبتيما 4 سلندر يعني اخضر يكفي

 

 

[Paid Assassin]

97

 

 

[MHWE99]

الكتالوج تلقى مكتوب فيه كل شي