توهقت من DHL و المنقذ امازون و UPS و ارامكس معا
banner
2020-07-11 , 04:15 صباحاً
عمر الفرحان’s Avatar
عمر الفرحان

مشارك

المشاركات:316
التسجيل:Apr 2012
عمر الفرحان
بسم الله الرحمن الرحيم

توهقت من DHL و اللي انقذني UPS و امازون و ارامكس مع بعض

ايي شفيكم مستغربين مع بعض خلصوو اموري كلها


في عطر ما حصلناه بالكويت اختفى على قولتنا فص ملح و ذاب

دورته بامريكا لقيته غالي شوي و كنت مستعد اشتريه
بس قلت اشوف اول بريطانيا يمكن نحصل فيها و لقيته عند كذا بائع وسعره رخيص

قررت بالاخير نسوي مغامره ونطلب من امازون بريطانيا وناخذ من هالبائع

حسبنا تكاليف الشحن و ندري في ضغط على اغلب الشركات فقلت الافضل DHL حتى لو فرق بسيط بالسعر

قلت بس هم زيادة تاكيد ندخل موقع DHL و نشوف المنتجات الممنوعه و ما لقيت العطر من ضمنهم يعني عادي يشحنونه قلت بس اطلب

وتم الطلب و خلال يومين وصل الى عنواني في DHL easy shop
و المفاجأه قالولي ان شحنتك توقفت و العطر ممنوع شحنه
دق عليهم محد يرد رحت فرعهم بالكويت زحمه الله لا يوريكم وينقعونا برا وحر
و دور مو طبيعي , لقيت بالمبنى المقابل لهم مكان لتسليم الشحنات الكبيره
وكلمت واحد من الموظفين وقلت له موضوعي واحد 2 ثلاث , قالي عطني رقم صندوقك و اسمك ورقم تلفونك واخلي احد من خدمة العملاء يتصل عليك قلت بس تم

رحت ونطرت هم دور قلت احتياط و ما بقى شيء على دوري جان تتصل علي موظفة من DHL و من رقم التلفون داقه علي من دبي

قالت لي ان عندك مشكله و جذي قلت لها اي وقفتو العطر و جذي قالت لي ما نقدر نشحنه تقدر تطلب من البائع LABEL ونرده له قلت انزين ما تقدرون ترسلونه الى عنواني في ارامكس قالت اي ممكن بس اطلب منهم LABEL و نرسله لهم


قلت بس تم

طيران مريت مكتب ارامكس قريب يمهم وكلمت مسئولهم اعرفه << رايح راد عليه شكاوي خخخخخ

قلت له موضعي صار جذي تقدرون تجيبون العطر و تكونون كفو قال اي نقدر نجيبه
قلت اللحين DHL يبون منكم LABEL قالي لا ما نعطي خلهم هم يرسلونه لنا على عنوانا , قلت طيب

طلعت و قعدت ادور بالنت اي طريقه اني اشحنه لهم ما لقيت ولا شركة في بريطانيا تشحن عطور

البائع كان مرسله لي على الرويال مييل
بعد مشوار رحت قلت ماكو الا ارده حق اماون و اطلب غيره على عنوان ارامكس

كلمت امازون قالولي ابشر رد العطر و ترد لك فلوسك و اشحنه و هم تكاليف الشحن ترجع لك

قلت طيب بس ما لقيت شركة تشحن ويعطوني موقع اشوف فيه
اغلب شركات الشحن محد فيهم يشحن عطور ولا فادوني

وكلمت البائع قلت له يا الطيب ابي LABEL منك قالي مالي شغل انت اشحنه على العنوان قلت طيب ما لقيت شركة تشحن قالي اشحن على الرويال ميل
قلت عندهم خدمة Pickup قالي لا تروح تقطه باقرب مكتب بريد

طبعا قلت حق DHL يا جماعه ارسلو الشحنه للرجال و انا ادفع لكم هيتوني
قلت طيب انا اعطيكم LABEL بريد حكومي رويال ميل بس قطوه باقرب مكتب هيتوني

واقعد ابحث بجووجل شنو شركات تقبل شحن عطور في بريطانيا و احصل الوحش UPS و ادخل و اعبي البينات واحط عنوان DHL استلام و عنوان شركة العطور للتوصيل
و ادفع قيمة الشحن لهم

على طول صدرو لي Label و ارسله حق DHL ايميل وقالت لي تم اللحين ارسله حق مكتبنا في بريطانيا يجهون الشحنة
و يروح الوحش UPS وياخذها ويردها حق الشركة العطور

طبعا ارسلت لهم رقم التتتبع وقلت لهم من توصل بلغوني
وصلت لهم وارسلو لي ان راح نرد لك فلوسك
رجعو المبلغ ناقص 6 باوند كلمتهم ليش ناقص ؟؟ قالولي تكاليف الشحن يحق لنا نقصها مع ان الشحنه كانت الشحن مجاني و خصوصا ان بعد انا عندي حساب برايم

قلت ايي هذي سوالفك يا البائع
واروح للوحوش الدعم الفني و اقول له يا الطيب هذا رجعلي الفلوس ناقصه
و فوقه عندي تكاليف اعادة الشحن مالت UPS دفعت لهم 7.45 باوند

قالي ما يصير خاطرك الا طيب الفلوس ترجع لك بس انت ارسلي على الايميل فاتورة UPS ارسلتها له و قال تم هذي خلصنا منها راح ترجع لك وتبيها رصيد بامازون ولا بكرتك البنك قلت له لا ابيها بالكرت قالي تم

و بالنسبه حق المبلغ اللي قصه البائع عطني 3 ايام بالكثير اذا ما رد البائع راح نسوي مطالبه و نردها لك و الموضوع راح اتابعه بنفسي ما عليك ولا تشيل هم

قلت بس تم

بعدها بشوي وصلني ايميل انهم تمت الموافقه على عودة 7.45 باوند مالت الشحن

بعدها بساعه جان يرسلي البائع ان احنا قلنا لك شوف سياسه الاسترجاع
طبعا ما رديت عليه كبرت راسي شوي خخخخ

و بعدها بكم ساعه جان يجي ايميل من امازون ان تمت الموافقة على استرداد المبلغ كامل تكاليف الشحن و تكاليف اللي قصها البائع و ان الفلوس بكرتك خلال 5 ايام بالكثير


بجذي تم الانقاذ
بقى ارامكس وصلت لهم الطلبيه الثانيه
و قالولي تحتاج وقت بالكثير 15 يوم لانها عطر

بس في شيء انا مسغرب منه وناطر العطر يوصل علشان اتاكد

لان العطر الاول اللي وصل حق DHL حطولي ان الوزن 0.73 كغرام
و اما ارامكس قالولي انها 0.34 كغرام
في شيء غلط يا ان DHL نصابين او ان البائع مغير طريقة التعليب
او معطيني منتج غير و الله يستر

بعدها رجعت اشوف تقيمات البائع و في كم تعليق ان العطر مو اصلي
وهذي اول مره تصير فيني , ناطره يوصل اذا فيه شيء متحلف بالبائع
ما راح اسكت راح اكلم الدعم الفني و اطلع الفلوس من عينه
Enlarged Image
2020-07-11 , 04:15 صباحاً
2020-07-11 , 02:34 مساءً
dell’s Avatar
dell

مشارك

المشاركات:275
التسجيل:Jun 2004
dell
ما شاء الله شئ ممتاز منك هذا التصرف والصبر ....يعطيك العافيه على مشاركتنا هذه العملية .
2020-07-11 , 02:34 مساءً
2020-07-11 , 06:07 مساءً
HUSS4IN’s Avatar
HUSS4IN

maybe Designer

المشاركات:5741
التسجيل:Oct 2013
HUSS4IN
التعامل طيب عندكم في الكويت

وحظك حلو أنك جالس تطيح في دعم فني كويس من أمازون
الحين الهنود اللي في أمازون عبارة ما تأخذ منهم لا حق ولا باطل
2020-07-11 , 06:07 مساءً
2020-07-11 , 08:21 مساءً
عمر الفرحان’s Avatar
عمر الفرحان

مشارك

المشاركات:316
التسجيل:Apr 2012
عمر الفرحان
dell كتب:
ما شاء الله شئ ممتاز منك هذا التصرف والصبر ....يعطيك العافيه على مشاركتنا هذه العملية .


الله يعافيك

انا كلي ثقه بامازون و قوة خدمتهم
ناااادر جدا يصير معاي شيء جذي
اخر مره حصلي موقف كان ب 2012 اعتقد و تم تعويضي
الشحنة ضاعت بنص الطريج
وارسلو لي غيرها و استلموها myus و ضيعوها
بعدها خليت myus يعوضوني
و من يومتها ما اتعامل معاهم كانت اول واخر تجربه مع myus



بشكل عام دام لنا حق ما نسكت سواء اطلب التعويض عن طريق الموقع او البنك الوسيط مثلا paypal او ممكن بنكك تسوي مطالبه وترفق كل المستندات و الايميلات اللي بينكم ويتم رفعها الى شركة فيزا او ماستر كارد وهم يرجعونها لك .


سبق وشركة سيارات المانيه خصمت مبلغ من فيزا الوالد بعذر اتلاف بالسياره مصطنعه وليست حقيقيه ارفقت كل المستندات للبنك ورجعت الفلوس

عن طريقة شركة فيزا
2020-07-11 , 08:21 مساءً
2020-07-11 , 08:24 مساءً
عمر الفرحان’s Avatar
عمر الفرحان

مشارك

المشاركات:316
التسجيل:Apr 2012
عمر الفرحان
HUSS4IN كتب:
التعامل طيب عندكم في الكويت

وحظك حلو أنك جالس تطيح في دعم فني كويس من أمازون
الحين الهنود اللي في أمازون عبارة ما تأخذ منهم لا حق ولا باطل


لا والله التعامل عندنا سيء
بس هم يخافون من اللي يراكض وراهم ويجيب اوراق الشكاوي
دايم يحصلون رسوم غير حقيقيه كضرايب و رسوم جمركيه وغيره

ويوصلون الشحنات بدون فواتير يقولك مطلوبه هالمبلغ
وصلت معاي اخذ الشحنه واقولهم جيب الفاتوره ادفع
يتصلون علي يحاولون اني ادفع ولما اقوله جيب الفاتوره
يقولون لي عليك بالعافيه ما نبي فلوس

لانهم يدرون ان المبالغ مصطنعه و اذا جابو الفاتوره راح اشتكي عليهم بادارة الجمارك و حماية المستهلك .
2020-07-11 , 08:24 مساءً
2020-07-12 , 11:20 صباحاً
thank you’s Avatar
thank you

مبدع

المشاركات:5000
التسجيل:May 2007
thank you
تبي الصراحة dhl بالسعودية افضل شركة من بين الشركات الموجودة ....

الان عندي طلبية من شخص بالبحرين الشحن عبر ارامكس تدري لها كم الان من 6/7/2020 إلى هذا اليوم ما وصلت السعودية , انا مستغرب ان الشحنة راحت للأمارات وتعلقت هناك من تاريخ 9/7 وهي في الامارات ومكتوب في طريقها للجهة

ثانياً UPS شركة غير احترافية من ناحية قراءة العناوين , عنوان واضح وضوح الشمس ومخطين في العنوان وأخروني 15 يوم عشان يوصلونها , طبعاً انا ماني ساكن في الرياض ولكن العنوان يحسبونه في الرياض وخذ لك مكالمات مع الشركة ومع امازون عشان يتعدل العنوان
2020-07-12 , 11:20 صباحاً
2020-07-12 , 11:31 صباحاً
FKKOKK’s Avatar
FKKOKK

مشارك

المشاركات:159
التسجيل:Nov 2009
FKKOKK
معليش عدي فضول وش هالعطر اللي خلاك تسوي كل هذا !
عشان العطر نفسه ولا له قمه معينه بنسبه لك ؟
2020-07-12 , 11:31 صباحاً
2020-07-12 , 03:10 مساءً
عمر الفرحان’s Avatar
عمر الفرحان

مشارك

المشاركات:316
التسجيل:Apr 2012
عمر الفرحان
thank you كتب:
تبي الصراحة dhl بالسعودية افضل شركة من بين الشركات الموجودة ....

الان عندي طلبية من شخص بالبحرين الشحن عبر ارامكس تدري لها كم الان من 6/7/2020 إلى هذا اليوم ما وصلت السعودية , انا مستغرب ان الشحنة راحت للأمارات وتعلقت هناك من تاريخ 9/7 وهي في الامارات ومكتوب في طريقها للجهة

ثانياً UPS شركة غير احترافية من ناحية قراءة العناوين , عنوان واضح وضوح الشمس ومخطين في العنوان وأخروني 15 يوم عشان يوصلونها , طبعاً انا ماني ساكن في الرياض ولكن العنوان يحسبونه في الرياض وخذ لك مكالمات مع الشركة ومع امازون عشان يتعدل العنوان


يعتمد على حسب الوكيل اذا يطبق نفس الخطة من الشركة الام او لا
و هم يكون في اختلافات تشغيليه من بلد الى اخر

وانا مشكلتي ما كانت مع الشحن ، بالعكس مرات يكون الشحن مباشر من موقع على DHL الخدمة ممتازه ، بس اللي حصل انهم رفضو شحن منتج وبالموقع باللسته مو محطوط
وبعد البحث اكثر لقيت اسئله واجوبه ومحطوط ان بالفتره الحاليه موقفين العطور مؤقت يعني بالاساس هم يشحنونها بس على حظي وقفوها


بالنسبه حق UPS تعاملت معاهم يمكن مرتين او ثلاث و كانت جدا ممتازه
2020-07-12 , 03:10 مساءً
2020-07-12 , 03:16 مساءً
عمر الفرحان’s Avatar
عمر الفرحان

مشارك

المشاركات:316
التسجيل:Apr 2012
عمر الفرحان
FKKOKK كتب:
معليش عدي فضول وش هالعطر اللي خلاك تسوي كل هذا !
عشان العطر نفسه ولا له قمه معينه بنسبه لك ؟


مو شرط عطر في كثير اشياء ممكن ما احلصها ونسوي نفس الشيء
ادويه و غيره و كثير نطلب من النت

حتى مرتين صارت ان نبي قطعه للسياره غير متوفره لا بالسوق ولا بالوكالة
وبحثنا عنها وطلبناها من الانترنت

بس اللي صار كله شيء طبيعي انك انت طلبت شيء ولم يتم شحنه
تبي ترده علشان تاخذ فلوسك وهذا اللي صار

في ناس من يوقف عند DHL مثلا يقولك خلاص اتلف الشحنه ما عاد ابيها
و هو ما يدري انه يقدر يرجعها وياخذ فلوسه

الهدف من طرحي للموضوع ترا حقك ما يضيع وفي طرق مختلفه ترجع فيها المنتج حتى لو كنت بعيد عنه
2020-07-12 , 03:16 مساءً