(للمتزوجين) هل فعلا قراري غلط ؟؟؟

[X NO X]

شوف انا تزوجت بعمر اصغر منك واحمد الله اني تزوجت بدري ,,,
الزواج ماله عمر محدد اهم شي تكون نفسيا قادر على تكوين اسره وتحمل مسئولية بيت وزوجه وتعطي الحقوق المطلوبه منك على اكمل وجه ,,, وهالشي انت تحدده بنفسك
من ناحية الماديه فكر لو بعد خمس سنوات هل بيتغير الوضع او بيكون مثل ماهو ؟؟؟ اذا ماراح يتغير فاحسن لك تاخذها من بدري
من حسنات الزواج بدري اذا ربي رزقك بعيال بيكونو بعمر الشباب وانت لسى شباب وبتكون قادر على تربيتهم ومتابعتهم

استخر وربي يقدم لك الي فيه خير

 

 

[خيال يا هلال]

صديقي يقول كان نفسي اتزوج ولما تزوجت اكتشفت إن الزواج عبارة عن كأس أوله عسل والباقي كله زفت خخخخ

الزواج حالياً صار صعب تحكمه عدة أمور ومنها : المادة - العادات والتقاليد - عقليـة المتزوج/ـة


المـادة

أهم شي في الموضوع يبغالك تحسب أمورك من ناحية السكن ملك أو إيجار إذا كان ملك تمام أما إذا كان العكس من فين راح تدبر الفلوس وانت زي ما قلت منتف ، أهلك راح يساعدونك في تكاليف الزواج وتأثيث البيت وشهر العسل والباقي عليك اقصد الباقي مصروفك اليومي وإيجار المنزل وفواتير كهرباء وجوال والأكل إذا سعيدة الحظ ما تعرف تطبخ

العادات والتقاليد

إذا من عاداتكم الزواج في قصور فخمة وشهر عسل مكلف وكلام الناس فالله يعينك لأن القصر لوحده يكلف أقل شي 50 ألف وأنت طالع شهر العسل أقل شي 10 أو 15 ألف وتأكد لو كنتم عائلة على قد حالها بأن الزواج راح يقوم بالدين فـ عن تجربة ما شفت هم مثل الدين

العقليـة

بعض الشباب : قبل الزواج مرتاح ماعنده أي مشوار بس جالس في البيت والأكل يجي لحده ولا يشيل مسؤولية أحد ويعتقد إن الزواج عبارة عن عسل×عسل وحب وغرام لكن لما يتزوج ينصدم بالواقع وهو إن الزواج عبارة عن مسؤولية كبيرة مشاوير وأختلافات في الرأي .

بعض البنات: قبل الزواج ما تعرف شي اسمه مطبخ ولا تشيل هم نظافة البيت ولا غسيل ملابس وكوي وتقول متى يجي فارس الأحلام وإذا جاء فارس الأحلام تكون معاه فلوس تمشيه شهر أو شهرين بعدين يطلب منها تطبخ وتنظف البيت وهي ما تعرف شي وتبدأ تنصدم والراجل يعصب والشيطان يلعب لعبته

والزواج سنة من سنن الله في الأرض ومن الأخطاء اللي يقعون فيها بعض الأباء والأمهات إنهم ما يعودون أولادهم على تحمل المسؤولية ما يجهزونهم للمستقبل

فلذلك يا صديقي احسب أمورك كويس الزواج مفترق في حياتك ، من الحكم الجميلة اللي قالها لي رجل قبل لا أتزوج بـ " أن المرأة مخلوقة من ضلع أعوج فـلا تحاول تعدل الضلع لأنه راح ينكسر "

فالله يوفقك إن شاء الله

محدثك متزوج

 

 

[بحرق]

اكثر مشاكل الزواج تتعلق بالماده وهي اهم شي
طبعا مو المقصود كل شي مو مهم بس الماده مهمه مره ..
عمرك صغير الي حد ما اتركك من زمان اول الشياب ما كان في التزامات مثل الحين
زمان كانت الدنيا سهله كانت البلد صغيره ما تحتاج سياره ما تحتاج جوال ما تحتاج انترنت

الحين صار ما حد يقدر يعيش بدون سياره والايجارات غاليه جدا مو بسيطه
فعشان كذا الاولين تزوجو صغار لسهوله الامور الماديه وكانت الدنيا رخيصه والماده ما كان لها اهميه كبيره مثل الحين كله بالفلوس الحين

اذا ابوك مقتدر وممكن يساعدك هذا موضوع اخر

 

 

[عبدالعزيز العبدلي]

تبغى نصيحتي

انا تزوجت متأخر
والله لو اني تزوجت وعمري 20 كان افضل

الزواج نعمة من الله وجنة الدنيا

اذا انت انسان عاقل ومحترم نفسك وأهلك تقدر تعيش مع شريكة حياتك احلى حياة

مسألة الدين انا تزوجت وماعندي الا المهر والحمد لله جاتني المساعدات وأثثت البيت وجهزت الزواج وبقى معي مبلغ كبير ولله الحمد وفوق هذا عندي قرضين الاول من بنك التسليف والثاني من الراجحب هذا من غير اجار الشقة والحمد لله راتبي يبقى منه تقريبا 300 الى 400 ريال شهرياً

الزواج نعمة
الزواج بركة
الزواج ستر وعفاف
لا تضيع يوم من عمرك وانت عزوبي

استخر الله في بنت الحلال ولا تقدم الا وانت عازم على قلبك وناوي الزواج
وتذكر مقولة الشيبان
الله يعين الانسان في ثلاث
الحج
البيت
الزواج

 

 

[RoFee]

استخر

وايضاً انصحك بالزواج

والرسول امر باللي يقدر يتزوج يتزوج

وانا والله لو اقدر تزوجت اليوم وعمري 21

لكن مافيش فلوس

 

 

[Caveman]

تزوج , سبحان الله انا بعمرك واهلي موب معطيني وجه وانا ودي اخطب واحجز بنت الحلال
عيال خالي واقاربي كلهم تحت ال23 يا متملكين او خاطبين

ومن الاشياء المهمه صدقني التوافق العمري, فيه بعضهم يصير عمره 30 ويبي بنت عمرها 19 وهاتك مشاكل وعدم توافق
المهم انت الحين في سعهة اهم شي لاتتعدى 26

 

 

[BHSHA]

تزوج والرزق يجي معاها

الرازق الله سبحانه انته امشي في الموضوع وشوف ربي كيف بسهله لك

وادعي لنا نتزوج

 

 

[ميلانو]

والله إذا حاب تتزوج زواج تقليدي اكشط واربح وتصير سواق وتعيش نص عمرك مديون
وعلى هات حفايظ وحليب فتزوج ليش لا

 

 

[متجاهل]

BattlefieldCries

بيت ملك ؟

الرجال يقولك منتف تقوله خذ لك بيت ملك, شكلك توك صاحي ياطيب وعين مفتوحة وعين مقفلة وحالتك حاله
الايجار مافيه شي ابداً, الواحد ياخذ بيت على قده, مقلط ومجلس وغرفتين وحدة يخليها غرفة نوم ووحدة يخليها مستودع او اي مكان, واذا كبرت العيلة ينقل لبيت اكبر وانتهينا,
الواحد يجدول نفسه ولا اذا تبيه ياخذ بيت ملك بيوصل عمره 50 وهو ماتزوج, فكر بالمنطق وانا اخوك

الله يهديك المنطق معه ابي اعطيك مثال
واحد يقرب لي شراء ارض يوم توظف وشراء
وبدا يطقطق فيها توظف يوم عمره 25 وعشرين
ما فكر في سيارة ما فكر بزواج شاف اهم شي وهو البيت
والحين تزوج وعمره في 30 والبيت ما خصلص زبط له فيلا دبلكس
وسكن في شقته والبيت عظم يطقطق عليه
الرجال حرم نفسه من شي عشان يعيش مرتاح

 

 

[.]

ahm1231

السلام عليكم

كيفكم

اهلي بدو يعفتحون معي موضوع الزواج بشكل جدي .....

انا بصراحه اشوف الموضوع جدا بدري لسى ما كونت نفسي (منتف ) و كل شي راح يكون دين x دين من المهر الى حفل الزواج و اﻻثاث و ايجار البيت ............الخ ......

المشكله ما شين معي بطريقة اللي اكرهها ... وهي صدقني راح تتندم لو ما تتزوج الان .........

لان عارف لو فعلا و قعت في مشكلة بسبب تاخر ازواج راح يمسكون علي 23 سنة قدام (قلنالك تزوج بس انت عاندت)

نسيت اقولكم عمري 23 سنه .....والله بدري على ازواج ....

انتم وش رايكم فعلا قراري غلط ؟؟؟؟

السلام عليكم ورحمة الله وبركاته

اخي الكريم


الزواج كله خير، سواءً كان آجلاً أم عاجلاً.. وهذه سنة الحياة

جميع أمورك يجب أن يسبقها تخطيط وتفكير عميق..

أشيد ببعض المشاركات السابقة ولكن ليس هناك قانون يشمل جميع الحالات، فكل شخص له حالته وظروفه الخاصة

لذلك نصيحتي لك كالتالي:

- إذا أنت رافض فكرة الزواج؛ أنصحك تتريّث قليلاً.. أبداً ما كان الزواج بالإكراه دافع لبناء حياة زوجية سعيدة. لذلك اتخذ موقف حازم برفضك للزواج، وهذا قرار لو جاملت فيه العائلة، إنت وحدك ستدفع تبعات ما سيحصل لاحقاً (لا سمح الله).

- قيّم نفسك من ناحية تلبية طلبات البيت.. هل أنت إنسان ملتزم بطلبات البيت وتوصيل العائلة (الوالدة الغالية وأخواتك الكريمات) وتُلبي جميع طلباتهن بصدر رحب؟.. هذي النقطة راح تفرق معك كثير بعد الزواج، لأن الطلبات راح تكثر وما راح يكون فيه أحد غيرك "من المفترض" يلبيها.

- قيّم نفسك من ناحية الوقت اللي تقضيه مع عائلتك.. هل أنت من الناس اللي تملّ وتحب تخرج من البيت وتطلع مع الشباب وتترك الأهل بالبيت؟ أو تحب تقضي معظم وقتك لوحدك؟.. راجع حساباتك، بعد الزواج راح يكون أغلب الوقت مع شريكة حياتك بالبيت أو برا البيت. فلو أنت إنسان ملول وتحب تقضي معظم وقتك لوحدك لمطالعة أفلام أو للترفيه بالألعاب الرقمية وما إلى ذلك، أنصحك بالتريّث.

- مدى مقدرتك لتنظيم أمورك المالية والتفكير بمصادر الدخل الأخرى (الوالد مثلاً).. التخطيط دائماً يكون بناءً على أحداث ماضية، وهنا نتكلم عن تاريخك بصرف النقد من راتبك، إذا إن أمورك المالية ليست على مايرام، أنصحك بعدم الزواج مُطلقاً بالوقت الحالي حتى تنتعش مادياً.. النفقة على زوجتك وبيتك راح يقضي على جزء كبير من راتبك المتبقي من القروض والسُلف اللي لجأت لها لتصريف نفقات الزواج والمهر وما يرافقهما من مصاريف. وكذلك مسألة مندرجة من مقدرتك المالية وهي تخطيطك أنت وشريكة حياتك بمسألة الإنجاب.. الأطفال مصاريفهم مُرهقة ولا تعتبر أن هذا الطفل الصغير لن يأخذ الكثير من راتبك.. لا تعتقد ذلك إطلاقاً!.. لذلك ينبغي إن قررت الزواج التفكير بشكل جدي عن المدى الزمني للإنجاب بناءً على خلفيتك الماديّة.. الأمر سهل مع التطور الطبي حالياً وإمكانية التحكم بمسألة الإنجاب عن طريق الواقيات الذكورية أو تلك المخصصة بالنساء.

- بالأخير من وجهة نظري ينبغي عليك أن تعاين مقدرتك على التواصل الإجتماعي.. بعد الزواج راح تتوسّع عائلتك وبيصيروا أهل زوجتك جزء من عائلتك أيضاً. كيف قدراتك الإجتماعية؟ هل أنت إنسان إجتماعي وتستطيع بكل أريحية تكوين علاقة فورية لغير المألوفين لديك؟.. راح تفرق هالنقطة معك.. مع إني أشوف إنها ما تستدعي تأجيل الزواج بسببه كثر ما أنها راح تساعدك بتكوين علاقة سلسة مع ذوي الرحم.


بعد مرورك على كل النقاط أعلاه.. إنت وحدك تقدر تقيّم نفسك وتشوف هل أنت مستعد للزواج أو لا.. وأوصيك بصلاة الإستخارة.

اسأل الله سبحانه وتعالى أن يوفقك ويوفق جميع المشاهدين لما يحبه ويرضاه.


أخوك.. متزوج لأكثر من 15 سنة.

 

 

[BattlefieldCries]

متجاهل

الله يهديك المنطق معه ابي اعطيك مثال
واحد يقرب لي شراء ارض يوم توظف وشراء
وبدا يطقطق فيها توظف يوم عمره 25 وعشرين
ما فكر في سيارة ما فكر بزواج شاف اهم شي وهو البيت
والحين تزوج وعمره في 30 والبيت ما خصلص زبط له فيلا دبلكس
وسكن في شقته والبيت عظم يطقطق عليه
الرجال حرم نفسه من شي عشان يعيش مرتاح

اها الحين على اساس الارض بثلاثة الااف,انت تعرف كم اسعار الاراضي الان ؟ حيضطر انه ياخذ قرض للارض وقرض للزواج وخلاص يعيش في صندقة طيور هو وزوجته وياكلون ورق وعاد يصبر على حاله و"يطقطق" ع البيت

 

 

[epbasd]

يخي انتو ليه تحرفو الموضوع
ليه ماةتتكلمو عن الحفر و المطبات كمان

 

 

[متجاهل]

BattlefieldCries

اها الحين على اساس الارض بثلاثة الااف,انت تعرف كم اسعار الاراضي الان ؟ حيضطر انه ياخذ قرض للارض وقرض للزواج وخلاص يعيش في صندقة طيور هو وزوجته وياكلون ورق وعاد يصبر على حاله و"يطقطق" ع البيت

يا اخي فيه ناس تفكر شوي انت ليه مدخل القرض في الموضوع
القرض هو اسرع تمويل لكً
احسب حساب ان شخص ساكن عند اهله وراتبه كامل له
مصاريف شخصية فقط
والراتب لمتوسط الدخل السعودي من 6000 الاف الى 8000 الاف

يعني خلال 3 سنوات الى اربع كم جمعت من راتبك

على فكرة فيه طرق كثيرة للادخار وتكون مبلغ للاستثمار ارض

مو شرط اشتري ارض في حي راقي الاحياء الجديدة
تبدا اسعار الاراضي من 100 وانت طالع وبنفس الوقت غير مرغوبة

فكر على المدى البعيد القرض هو هلاك للجيب المواطن

ونعتذر للصاحب الموضوع عن الشطحة

 

 

[laff]

ميلانو

والله إذا حاب تتزوج زواج تقليدي اكشط واربح وتصير سواق وتعيش نص عمرك مديون
وعلى هات حفايظ وحليب فتزوج ليش لا

اشو الزواج الي ماهو تقليدي
اول مره اشوف واحد يتزوج
ولا يصير سواق لعواله

 

 

[فهمتها]

والله بالنسبه لي
العمر مو مهم في الزواج يعني حتى لو كان عمرك اقل من 20 عادي جداً بشرط ان تكون مقتدر و ما تكون متزوج بس عشان شهوتك بس بعدين تسحب على البيت و تروح ديوانيات مع الشباب اذا انت كذا نظامك شيل الزواج من راسك
انا لو اني مكانك بشوف وضعي اذا بيصفى من راتبي على الاقل 6000 ريال وفوق بتزوج اما اني اتدين و ما يصفى من راتبك ولا 3000 ريال كذا ما توكل خبز ذي الحين واذا تأكدت اني بعيش براتب 6000 ريال وفوق والزيادات في الشركه وارده اذا شفت اهلي ملزمين على بقول لهم *انا ماني مهتم بالزواج واذا انتوا ملزمين علي ما راح تفرق معي لكن والله ما اقط ولا ريال في الزواج* بكذا يا اهلك ما راح يزوجونك عشانهم ما يقدرون على المبالغ الخياليه او انك بتتزوج ببلاش في كلا الحالتين الوضع في صالحي

 

 

[II CESC II]

أنا مأدري هل يحق لغير المتزوجين الرد على موضوعك أولا
بكل حال انا راح أعطي رأيي

أنا شخصيا ٌ عمري الأن 25 سنة .. وحاط بـ بالي أني بأتزوج على حدود الـ 30 سنة ممكن أكثر أو أقل على حسب الظروف في ذلك الوقت

طبعا ٌ سبب تأجيلي للزواج حاليا ٌ لأن عندي أولوليات حاطها بالنسبة لي أهم من الزواج

بمعنى أنا حاط في بالي أني أكمل دراستي و آحصل على الماجستير من برا

فـ مقصدي لك .. خل عندك آولوية في الحياة حط جدول أو خطة لـ القرارات الجذرية في حياتك

مثل الزواج , او الدراسة , أو شراء سيارة أو بيت , أو آنقاص وزن.. آلخ

متى ما خلصت من أول قرار اسعى أنك تحقق ثاني قرار وبعدها ثالث قرار وهكذا ..
وفي نهاية يرجع القرار على حسب ظروف كل شخص .. يعني مثلا ٌ فيه ناس يقدرون يوفقون بين أكثر من قرار ..

 

 

[MansooR721]

laff

توكل على الله وخذ بالاسباب ياعزيزي
ماهو يجي واحد ماهو متوظف ولا عنده مصدر دخل حتى لو محدود
ويقول ابغى اتزوج وبيفتحها الله من فين من تحت الارض

وين قاله أنه مهو متوظف !

 

 

[bury my bones]

II CESC II

أنا مأدري هل يحق لغير المتزوجين الرد على موضوعك أولا
بكل حال انا راح أعطي رأيي

أنا شخصيا ٌ عمري الأن 25 سنة .. وحاط بـ بالي أني بأتزوج على حدود الـ 30 سنة ممكن أكثر أو أقل على حسب الظروف في ذلك الوقت

طبعا ٌ سبب تأجيلي للزواج حاليا ٌ لأن عندي أولوليات حاطها بالنسبة لي أهم من الزواج

بمعنى أنا حاط في بالي أني أكمل دراستي و آحصل على الماجستير من برا

فـ مقصدي لك .. خل عندك آولوية في الحياة حط جدول أو خطة لـ القرارات الجذرية في حياتك

مثل الزواج , او الدراسة , أو شراء سيارة أو بيت , أو آنقاص وزن.. آلخ

متى ما خلصت من أول قرار اسعى أنك تحقق ثاني قرار وبعدها ثالث قرار وهكذا ..
وفي نهاية يرجع القرار على حسب ظروف كل شخص .. يعني مثلا ٌ فيه ناس يقدرون يوفقون بين أكثر من قرار ..

لا فض فوك
عمري 22 سنة وللآن في بالي طموح أكمل الماستر وبعض من القرارات الجذرية الي ذكرتها غير الزواج طبعاً لأنها مرحلة تحتاج استعداد نفسي ومالي وجسدي وعقلي وكل هذه ماهي متوفرة في طالب جامعي على وشك التخرج

 

 

[MR MYSTERY]

ما اقول غير
حسبي الله على العادات والتقاليد اللي خلا الزواج متاجرة بزيادة مهر البنت

اخواني
سؤال بسيط
اذا الانسان ما تزوج وهو في عز شبابه
متى يتزوج
سؤال للكل
انتم الان تقولون اللي عنده فلوس هو اللي بيتزوج واللي ما عنده يبلط بحر يعني
ترا كلهم بشر ف النهاية
ايام زمان كان الزواج ما في ابسط منه
ليش الان تعقد؟!
لا تقولون مسؤولية ومن ذا الكلام
نحن متخوفين من الديون
معروف اذا انت بتتزوج لازم تتدين
يعني كل ما تشوف الزوجة تتذكر ديونك
صعبو الزواج

وخاصة بوجود الفتن في هذا العصر
انا اقول لك وانا ودي اعف نفسي
بس عارف محد بيطالع الا في المادة
قال الحبيب الاعظم صلى الله عليه وسلم
(إذا أتاكم من ترضون دينه وخلقه فزوجوه .. إلا تفعلوا تكن فتنة في الأرض وفساد كبير )



ختاما تذكر حديث الرسول صلى الله عليه وسلم

{ يا معشر الشباب ، من استطاع منكم الباءة فليتزوج فإنه أغض للبصر ، وأحصن للفرج ، ومن لم يستطع فعليه بالصوم فإنه له وجاء }
صدقت يا حبيبي يا رسول الله

 

 

[عبدالكريم الزهراني]

لكلكم هجمتو علي

اهم شي من مبادئ الزواج بيت ملك

1- راح نفسيه
2- راتبك تستمتع فيه ولا يروح كل 6 شهور للايجار او اذا ماخذ نظام شهريآ
3- تظمن مستقبل عيالك في بيت لهم ملك بعد مماتك من بعد عمر طويل

وإلي يقول الشخص مايسمح له يشتري بيت وإلى يقول رجال خلاص ماراح يتزوج يبيله 50 سنه

ياخذ بيت عن طريق البنك بالاقصاد وفيه اكثر من طريقه ( كانك تدفع اجار للابيت بس الفرق هذا البيت اخر شي راح يكون ملك لك )

و الاعقار الان بدا في هبوط وهذا فرصه ثمينه للمشتري

ليس بشرط يبني بيت يشتري جاهز دور واحد مع حوشه وموقف لسيارته ويعيش ملك واذا تيسرت اموره يبني دور الثاني

بتوفيق لنا ولكم وان شاءالله كلكم تتزوجون ونحضر عرسكم