جرير يبيعون المستخدم جديد

[عبدالعزيز Korea]

m a k

طيب يا شباب إذا رحت أشتري من المعرض نفسه كيف أعرف إذا الجهاز مغلف بتغليف الشركة أو لا

أحد يقدر يوضح أكثر أو عنده صورة أو فيديو

المحلي اشطب عليه بعد الضريبة الجديدة خاصة بعد ارتفاع الاسعار ماتلقى احد يشتريه , انا اشوف لو توفر فلوسك وتشتري الجهاز من برا في البلاك فرايدي او الكريسماس افضل من واقع تجربة , اما عن تجربتي معهم
فكانت ناجحة شريت منهم لاب توب العاب Omen سنة 2018 السعر كان 5000 ريال طبعا شريته من المعرض بعد الفحص ومعاينة كرتون الجهاز بالمعرض والجديد يجيك مغلف بشطرطون الشركة ومعه اوراقه كاملة والويندوز يجيك اصلي و تثبيت ما يشتغل على طول والجهاز للامانة جديد , طبعا الضمان ما راح تحتاجه نهائيا لان وجوده مثل عدم وجوده لان الابتوبات غالبا ماراح تحتاج فيها الضمان الا في حالات نادرة جدا , انا جلس معي 3 سنوات كرفته بالالعاب وشغال الى الان الجهاز كان بطل بصراحة والضمان ما استفدت منه في اي شيء , طبعا انا وقتها شريت الجهاز لما الضريبة كانت 5% والسعر كان بصراحة ممتاز بناء على مواصفات الجهاز وهي

https://aramobi.com/laptops/hp-omen-...-laptop-44847/



اما حاليا بعد الضريبة الجديدة ارتفعت اسعار الاب توبات وصار المحلي مايسوى تراب والضمان حقهم ماراح تستفيد منه فنصيحتي لك وفر فلوسك

 

 

[O.O.O.O]

قريب من قصتك




اكثر من اربع سنوات شريت جهاز اسوس موديل k401lb من جرير فرع العليا ... المهم كان غير متوفر وقال الموظف بشوف لك في المستودع ( وقتها كنت عايش على النيه الطيبة ههههههههههههه ) جاب الجهاز في كرتون وكان مغلق بالشطرطون تبع الريالات ههههه راح عن بالي تحايل بعض الموظفين اخذت الجهاز وبعد فترة تعطلت بعض ازرار الكيبورد وصدفه شيكت على المسامير تبع الجهاز واضح انه مفكوك ومعمول له صيانة او كان جهاز عرض وانا الان اكتب من خلال الجهاز الخابور هههههههههههههههههه .. وابشركم من بعدها وانا ذيب هههههه ومستحيل اكلها مرة اخرى

 

 

[مرحوم الوالدين]

يا اخوان جرير زمان
الحين السوق مليان خيارات وارخص بعد

 

 

[Abujpl]

كل شركه تحط شريط لاصق علي اجهزتها يصعب فكه او تقليده
ولو جرير ماطاحوا في غشمان او ناس مايفهمون ماباعوا الرجال مستعمل
رغم ان اجهزتهم سعرها الاعلي في السوق

 

 

[jiber]

والله انا نفسي في لابتوب ديل قيمنج


الجيل العاشر

 

 

[love.lonely911]

jiber

والله انا نفسي في لابتوب ديل قيمنج


الجيل العاشر

اشتري من برا احسنلك
ولا تخاف يشمله الظمان
عن تجربة

 

 

[jiber]

love.lonely911

اشتري من برا احسنلك
ولا تخاف يشمله الظمان
عن تجربة

الله يجزاك بالخير

 

 

[love.lonely911]

jiber

الله يجزاك بالخير

اجمعين يا رب

 

 

[غريب على الخليج]

جرير ماتبيع أجهزة لابتوب أو شاشات جديدة كل أجهزتهم مستخدمة ومقفلة بتيب شفاف
وبالعادة إذا سألتهم ليش الجهاز مفتوح؟
يقولون لك كنّا نجربه إذا يشتغل أو لا !!.
ما اعرف شنو السبب اللي يخليهم يفتحون كل الأجهزة ونادر تحصّل جهاز مقفل تقفيلة المصنع.
لإن مو معقولة كل هالأجهزة أجهزة للعرض أو مسترجعة.؟!

 

 

[نايف*]

مرحوم الوالدين

يا اخوان جرير زمان
الحين السوق مليان خيارات وارخص بعد

ممكن تعطيني امثلة؟ حاليا ادور لابتوب بس ما اعرف من فين اشتريه.
خصوصا لو محلي

 

 

[anim19]

نايف*

ممكن تعطيني امثلة؟ حاليا ادور لابتوب بس ما اعرف من فين اشتريه.
خصوصا لو محلي

عندك نون و امازون السعودية

 

 

[Rapture]

almasdar

طيب ليه مايكون للتجاره موقف بدل مايحولون البلاغ للشركه ويتصلون عليك يسألون انحلت المشكله

المفروض يعاقبونها على الغش ويراجعون اسعارهم

تغير الوزير وتغيرت أمور كثيرة من بعده

 

 

[almasdar]

Rapture

تغير الوزير وتغيرت أمور كثيرة من بعده

صدقت والله ولاودنا ندخل بالنيات

 

 

[Rapture]

مــعــاذ

جرير جربتهم في الضمان وتجربة سيئة جدا جدا

والله ياشباب ان موظف الصيانة يراددني كنه بيصلحة من جيبة
جهاز شريته وطلع فيه مشكلة مرتين يصلحونه ويخرب .. المرة الثالثة استبدلوه والجهاز المستبدل حصلت فيه نفس المشكلة .. رجعت لهم قال استبدلنا الجهاز خلاص توكل على الله مافيه ضمان تبي طول العمر ضمان ( والله هذي كلمتة) المشكلة الجهاز الاساسي ما انتهى ضمانة دخلت على مدير الفرع قالي اطلب الله مافيه ضمان ...

بهذلتهم شكاوي شكاوي شكاوي لين دق علي مدير الفرع قالي شفيك زعول هههههههه
تعال نتفاهم
(الحقوق تنتزع)

المفروض مثل هذه المحادثات تتصور فيديو عشان تمسك عليهم

 

 

[motlq]

قبل 3 سنوات اشتريت منهم جهاز لما وصلني حسيت انة مفتوح لان الشاشة عليها غبار وادخلت برنامج يحسب كم مدة استخدام وجدت انة مستخدم ساعات كثيرة فوق 12000 ساعة
ومارجعوة الا بعد شكوى لوزارة التجارة
لايغركم انها جرير
والاسبوع الماضي في جرير جات حرمة تشترلي لاب واختارت واحدة مستخدم وطلع كرتونة وحطة في الكرتون بغيت اتدخل لاكني استحيت ويمكن هي عارفة انة مستخدم عن طريق الموقع

 

 

[almasdar]

motlq

قبل 3 سنوات اشتريت منهم جهاز لما وصلني حسيت انة مفتوح لان الشاشة عليها غبار وادخلت برنامج يحسب كم مدة استخدام وجدت انة مستخدم ساعات كثيرة فوق 12000 ساعة
ومارجعوة الا بعد شكوى لوزارة التجارة
لايغركم انها جرير
والاسبوع الماضي في جرير جات حرمة تشترلي لاب واختارت واحدة مستخدم وطلع كرتونة وحطة في الكرتون بغيت اتدخل لاكني استحيت ويمكن هي عارفة انة مستخدم عن طريق الموقع

وزاره التجاره صحيت فتره بسيطه ورجعت لوضعيه الميت

اول كان يبيعون المعاد تصنيعه بحاله الجديد واغلى من الجديد

المشكله ان المعروض للملكه يختلف سعره عن المعروض لغيرها حتى في المواصفات
مثل نون وامازون السعوديه
مافيه حمايه ولانظام
بالنسبه للحرمه ليتك قلت لها انه مستخدم لانه اكيد ماتعرف

 

 

[خالد بن سعود]

كيف اعرف الجهاز اذا سبق تم استخدامه من الاعدادات ؟

 

 

[mjhool77]

خالد بن سعود

كيف اعرف الجهاز اذا سبق تم استخدامه من الاعدادات ؟

من الإعدادات ثم النظام ثم حول ثم تلقى تحت : ثبت في (تاريخ التثبيت)

ومن هنا تعرف متى تم تشغيل الجهاز لأول مرة وتثبيت نظام الويندوز

 

 

[واضح النية]

يا اخوان جرير زمان
الحين السوق مليان خيارات وارخص بعد