قبول مبدئي جندي وأنا بكالوريس

[NEQAAA 57]

السلام عليكم ورحمة الله وبركاته

زي ماهو فب العنوان قبول مبدئي جندي وهالشي يغبن ويحرق الحال بالنسبة لجامعي انكرف.

في الجوازات ، طبعاً ألبس نظارات ف أشك فيهم الصراحة.

 

 

[شبابي الغربية]

وعليكم السلام ورحمة الله وبركاته

الله يعينك ويكتب لك ما فيه الخير
شفت لك موضوع عام 2018 إنك على وشك تخرج تخصص لغة إنجليزية
هل من وقت تخرجك إلى الآن ما قدمت على وظايف أو قدمت ومالقيت فرصة؟

 

 

[mjhool77]

وعليكم السلام

الله يوفقك ويكتب لك الخير

بما إن الجوازات شغلهم مكتبي غالباً.. هذا شيء ممتاز للأمانه على عكس قطاعات الأمن أو الجيش والي طبيعة العمل أصعب بكثير
يعني نقطة العمل المريح إيجابية.. أيضاً مسألة الوظيفة الحكومية تعطيك راحة بال وإستقرار إن شاء الله
وشوف أصحاب المعرفة في هالقطاع يفيدونك إن شاء الله

لكن فكر في هل بإمكانك تشوف مجالات إضافية في القطاع الخاص وخاصة العمل الحر.. مثلاً في شركات التوصيل ماتسجلك ولا ترتبط معهم بعقد .. مجرد تسجل معاهم وتشتغل في توصيل الشحنات أو غيرها
وفيه مجالات اخرى .. أهم شيء عصفور باليد ولا عشرة بالشجرة هذي نصيحتي

 

 

[mohammed alayafa]

NEQAAA 57

السلام عليكم ورحمة الله وبركاته

زي ماهو فب العنوان قبول مبدئي جندي وهالشي يغبن ويحرق الحال بالنسبة لجامعي انكرف.

في الجوازات ، طبعاً ألبس نظارات ف أشك فيهم الصراحة.

استخير الله وبعدها توكل

نصيحتي انك تروح الوضع الحين صعب الوظائف حكومي ماتحصل والشركات رواتب سيئه وتاخير وقرف
ف الجوازات مره ممتازه كا عمل ودوام وراتب طيب ف روح اذا جاتك ذا رزقك وادعس فيها اما بنسبه لشهاده الجامعية الحين مثلها مثل المخده تتوسد فيها ولا تفكر تعب سنين جامعه في نهايه ذا نصيب ف لو جاتك روح نصيحه وشهاده ارفقها بعدين تجيك عليها نقاط ترقيه ف روح الله يسر امرك

 

 

[Hussam.1909]

SPOILER:

NEQAAA 57

السلام عليكم ورحمة الله وبركاته

زي ماهو فب العنوان قبول مبدئي جندي وهالشي يغبن ويحرق الحال بالنسبة لجامعي انكرف.

في الجوازات ، طبعاً ألبس نظارات ف أشك فيهم الصراحة.

والله ياخوك كانك تبي نصيحتي كمل معهم لين يجيك القبول النهائي بعدها استخير

محدثك خريج جامعي معدل جيد جداً وتخصصي صحي والى الان مالقيت وظائف لا على التخصص ولا العسكرية
كنت اقول اول ماتخرجت ابي ضابط ولا حصلت وتنازلت لين الرقيب ولا حصلت والان والله اني ابي جندي

الوضع صعب جداً في الوظائف

 

 

[anim19]

NEQAAA 57

السلام عليكم ورحمة الله وبركاته

زي ماهو فب العنوان قبول مبدئي جندي وهالشي يغبن ويحرق الحال بالنسبة لجامعي انكرف.

في الجوازات ، طبعاً ألبس نظارات ف أشك فيهم الصراحة.

ايش وظيفتك بالظبط تجديد و طباعة اقامات مثلا ( شؤون وافدين )


و لا متخصص بجوازات السفر السعودية

 

 

[bury my bones]

anim19

ايش وظيفتك بالظبط تجديد و طباعة اقامات مثلا ( شؤون وافدين )


و لا متخصص بجوازات السفر السعودية

على حسب وين بيحطونه
ممكن على المنافذ البرية بين الدول أو المنافذ الجوية في المطارات
أو قسم الحاسب الآلي

 

 

[bury my bones]

القبول هذه السنة في الأمن العام كلهم جامعيين على رتبة جندي
أنا من رأيي تكمل للقبول النهائي وتخلي خياراتك مفتوحة
وضع التوظيف سيء خاصة القطاع الخاص والوظيفة الحكومية أصبحت مغرية

 

 

[عآبر سبيل]

استخر
وتوكل على الله مثل ماقالو لك الشباب
الحين بكل القطاعات مالك إلا جندي ف الجوازات اطيب لك من القطاعات الثانية

 

 

[epbasd]

منجدك تسال وظيفة سهلة والانظمة سهلت شغلك بعد
قارن راتبها. وراتب وظيفة لك بالشهادة

 

 

[رامز باخشوين]

الله لا يضرك , انا والله ما قبلوني والحمدلله على كل حال

اتوكل على الله و الشباب نصائحهم طيبه ما قصروا

 

 

[zero0]

أقبل بها بدون تفكير الجوازات دوامها غالبا مو ميداني انت على مكتب تقدم خدمات تأشيات والخ... ودوامهم سهالات 8 ساعات او 12 ساعة وتسلم يومين وممكن اكثر حسب تقسيمتك مع زملاك و رواتب طيبة 8 الاف وفوق وانت بمكتب تحت مكيف الوظايف الحكومية قلت وترا رتبة جتدي صارت شي طبيعي للجامعيين والتعليم قلص عدد المقبولين بشكل كبير والوظايف الحكومية شبه موقفة والخصخصة ماشية على الجميع ما اقول الا الله يعين ويرزق الجميع

 

 

[Rojer997]

الله يوفقك ويكتب لك اللي فيه الخير
بالنسبة للجوازات من افضل القطاعات اذا مو الافضل

 

 

[واضح النية]

نصيحتي انك تروح

 

 

[bury my bones]

zero0

أقبل بها بدون تفكير الجوازات دوامها غالبا مو ميداني انت على مكتب تقدم خدمات تأشيات والخ... ودوامهم سهالات 8 ساعات او 12 ساعة وتسلم يومين وممكن اكثر حسب تقسيمتك مع زملاك و رواتب طيبة 8 الاف وفوق وانت بمكتب تحت مكيف الوظايف الحكومية قلت وترا رتبة جتدي صارت شي طبيعي للجامعيين والتعليم قلص عدد المقبولين بشكل كبير والوظايف الحكومية شبه موقفة والخصخصة ماشية على الجميع ما اقول الا الله يعين ويرزق الجميع

طيب يا غالي عندي استفسار
قريب لي جامعي جاه قبول في الأمن العام على رتبة جندي وبيعمل الفحص عمّا قريب ، أيش التخصصات الموجودة في الأمن وما هي أفضلها وأعلى رواتب وطبيعة العمل ؟ وهل التعيين في ديرته

 

 

[zero0]

bury my bones

طيب يا غالي عندي استفسار
قريب لي جامعي جاه قبول في الأمن العام على رتبة جندي وبيعمل الفحص عمّا قريب ، أيش التخصصات الموجودة في الأمن وما هي أفضلها وأعلى رواتب وطبيعة العمل ؟ وهل التعيين في ديرته

سلمك الله الامن العام يشمل الشرطة والمرور والدوريات والبحث والتحري والادله الجنائية و امن الطرق و مدن تدريب الامن العام وحج وعمرة اظن لازالت دورتهم مع الامن العام بعد ، و لبه تخصصات ادق مثلا بالشرطة تلاقي كاني نهاية طرفية وحاسب الي وشرطة عسكرية ويفرق بس عموما اعلى رواتب الدوريات وامن الحج والعمرة ثم البحث - اذا يصرفون له بدل امن لان الضباط بالحق طالبو به لكم ما ادري عن الافراد - وعندك الادلة الجنائية بعد لان فيها صنف فني واشوفها افضل شي عمل اريح وراتب جيد و امن الطرق بعد رواتبهم طيبة لان عندهم بدل نائب ف بعض الماطق واعمال قوات لكن خله هو يختار التخصص الي يريحه والتعيين بتخصصه حسب الواسطة ودرجاته بالدورة + بالنسبه للتعين في ديرته موب شرط حسب الاحتياج لكن غالبا بيتعين فيها بإذن الله او بمنطقة حولها ، واحد من الجماعة تخرج بالدورة الي فاتت وحطوه على اول رغبة وبالمدينة الي يبيها بدون اي واسطة او شي والحمدالله

نصيحة اذا انقبل خليه يروح وخليه يشد حيله لان الدورة طويله شوي والله يوفقه ويكتب له الخير

 

 

[kloza]

الجوازات دوام مريح فانصحك تتمسك فيها

وانا مثلك جاني قبول في المباحث العامة

خلصت كل الاجرائات

عطوني

عريف في مستشفى قوى الامن

وسو لي استثناء عشان يعطوني رقيب او ضابط لني قدمت بشهادة جامعية

ويقولون معاملتك تحت الاجراء لي وقت طويل وانا بالانتظار

 

 

[حمودي الاهلاوي]

جندي ولا جندي اول ولا قطاع خاص وراتب ضخم ومافي امان



الحكومي حتى لو عسكري انت ضمن انه مافي خصخصة وتقدر تتزوج وترتب وضعك وتضع خطة طويلة المدى وانت ضامن محد يفصلك ابدا وراح تمشي معك ترقيات وعلاوات وامورك تمشي وربي يفتحها بوجهك




اغلب الشباب الفترة الماضية والحالية جامعيين وتعينو على جنود وجنود اوائل بعد


الواقع صعب والعمر يمشي اسس وضعك باسرع وقت ممكن


وحتى لو تعينت عسكري ابحث اذا جاك شيء منتاز اسحب عليهم وروح سهالات الوضع

 

 

[NEQAAA 57]

شكر جزيل لكل من شارك وعاون والله يجزاكم خير ويكتبها في موازين حسناتكم ويرزق الكل من واسع فضله

 

 

[Soulxiv]

الحمد الله على كل حال بنفس المؤهلات أنقبلت رتبة وكيل رقيب وهو ما أعمل به حالياً و أخي الأصغر بضبط نفس حالك لكن نصيحه إذا تم قبولك نهائي فلا تتردد ، راتب يصرف في وقته دون إهانه القطاع الخاص وإمتيازات البنكية (اللي الله يبعد كل مسلم عنهم)
قطاعك ممتاز فلا تتردد إلى حين الحصول على فرصة أفضل، موفق

bury my bones

طيب يا غالي عندي استفسار
قريب لي جامعي جاه قبول في الأمن العام على رتبة جندي وبيعمل الفحص عمّا قريب ، أيش التخصصات الموجودة في الأمن وما هي أفضلها وأعلى رواتب وطبيعة العمل ؟ وهل التعيين في ديرته

التخصص يُحدد في الدورة نفسها وعلى حسب الإحتياج العام فكل سنة يكون الأحتياج مُختلف، على سبيل المثال سنة تكون عدد أرقام الدوريات الأمنية أكثر وسنة يكون أرقام المرور أكثر وهكذا ، لكن الاغلب يكون كل دورة أمن العام بين المرور والدوريات الامنية وأمن الطرق وأختيار القطاع يكون في منتصف الدورة العسكرية (بعد 7 أسابيع) أما بنسبة للتعيين فالحالياً جميع الخرجين في المناطق الرئيسية أما للرواتب جميع رواتب الافراد موحدة الفرق في القطاع وطبيعة العمل، أي أن أي خريج جديد يكون بدون صنف فني إلا بعد إتمام دورة تخصصية في لنفس القطاع التابع له بمعنى نفس الدورة العسكرية يختار التخصص.