هل في حلول جذرية لمشاكل الدفع عند الاستلام؟؟

[sounds ideal]

السلام عليكم,,


لا يخفى عليكم خاصية الدفع عند الاستلام مهمة جدا في التسوق الالكتروني ولكن بعض العملاء غير جاد ويطلب سلعته وبعضهم كميات وبعد فترة تتفاجئ شركة الشحن تتصل عليك يبلغونك عن فشل التوصيل ويمكن البضاعة ترجع لك مفتوحة


انا اشوف افضل حل ان التجار يعملون قائمة سوداء للعملاء الغير جادين بأرقام الجوالات والاسماء والتاريخ ومن هذه التفاصيل وتكون مشتركة بين المتاجر الالتكرونية ويتم التشييك على تاريخ العميل قبل الشحن


اذا عندكم حلول افضل لا تبخلون علينا,,

 

 

[. . A p p l e . .]

الدفع عند الاستلام مناسب للشركات الكبيرة

المتاجر الناشئه من الخطأ تفعيلها في البدايه

اعتقد بعد فيه شركات شحن تاخذ رسوم بسيطه للشحنات اللي ما يتم تسليمها

 

 

[Jos3ph]

لا انصح بتفعيل الخاصية هذي
لان لو كان جاد بالشراء كان دفع مباشرة
يفضل تلغي خيار الدفع عند الاستلام او يكون فيه ميزه اخرى انه يدفع 10% من قيمة المبلغ والباقي عند الاستلام حتى مايصير مثل كذا

 

 

[anim19]

اذكر سوق كوم سابقا اذا سحبت عليهم و ما دفعت عند الاستلام اول مرة انذار اذا سجلك نظيف و قد شريت من قبل

لكن اذا اول مرة و تطلب منهم و سحبت عليهم بيلغون الدفع عند الاستلام لك


و حاليا يزود 16 ريال عمولة اذا تختار الدفع عند الاستلام لذلك الخدمة مسحوب عليها

و اللي يبي يشتري يحاسب مسبقا

 

 

[nismo]

خاصيه مالها اي لزمه الجاد بيدفع

 

 

[thank you]

Jos3ph

لا انصح بتفعيل الخاصية هذي
لان لو كان جاد بالشراء كان دفع مباشرة
يفضل تلغي خيار الدفع عند الاستلام او يكون فيه ميزه اخرى انه يدفع 10% من قيمة المبلغ والباقي عند الاستلام حتى مايصير مثل كذا

nismo

خاصيه مالها اي لزمه الجاد بيدفع

غير صحيح الجاد بيدفع ليس الكل أنا من الناس اللي استخدم كثيراً الدفع عند الإستلام , بأسباب كثبرة منها مماطلة بعض المواقع العربية في الارسال والتجهيز وغيرها , بحيث لو تأخر عن الموعد أو جلس يتلكك ويمرمط فيني لي الخيار اسحب عليه او استلم ..... وأنا جاد في الشراء ..... أخرها هوم سنتر طلبت الدفع عند الإستلام , وجلسوا يتصلون فيني 3 مرات بايام متفاوته عشان يأكدون الطلبية ههههه اخر شيء قلت لهم ياناس انا جاد أكدوا الطلب , بنفس الوقت أنا ما الوم بعض المواقع في موضوع الدفع عند الإستلام لأن فيه فعلاً ناس تسحب وتسبب مشكلة للمتاجر الصغيرة

عموماً الدفع عند الإستلام سلاح ذو حدين , فيه فائدة وفيه مضرة

 

 

[almagick]

ادري الرد متأخر لكن انا اشوف انو تفعل الدفع عند الاستلام بكميات محددة اكثر من الكمية المحددة لازم يدفع مباشرة مثلا اقصى كمية للدفع عند الاستلام حبتين فقط اكثر من حبتين للحساب نفسه ورقم الجوال عشان لا يسوي حساب ثاني وكذا يدفع مباشر

او تفعل خدمة الدفع عند الاستلام لاغراض واغراض ثانية مكلفة الغيه

 

 

[A7med97]

nismo

خاصيه مالها اي لزمه الجاد بيدفع

غير صحيح، بعض المتاجر ماهي معروفة ومافي اي كلام عنها بالانترنت وش يضمن لي انهم مابيسحبون علي ولا يعطوني بضاعة معطوبة

 

 

[المنهجي]

وعليكم السلام ورحمة الله وبركاته.

صراحة المشكلة من الطرفين. أحياناً اذا دفعت مباشرة التاجر نفسه يماطل بالشحن أو ما يرد أو يسحب عليك أو يتأخر ...الخ ووقتها تندم انك دفعت مقدم لأنك ما رجعت لك فلوسك وما وصلتك طلبيتك.


وأحياناً برضه تكون المشكلة ان العميل مهوب جاد أو يصير غير رأيه بعد ما طلب أو لقى شي غير ...الخ. فيصير يسحب وما يهمه.


قسم بالله لي الآن حوالي سنه احاول استرجع حقي من تاجر دفعت له مبلغ كبير جداً وسحب علي. ومحله مقفل وما يرد على جواله اذا اتصلت عليه من جوالي. جربت كلمته من جوال ثاني ورد على طول. وقلت له انا فلان وابغى فلوسي وحرام عليك اللي سويته ومن هالكلام. سحب علي وصار ما عاد يرد حتى على الرقم الثاني. وهالحين احاول ارفع عليه قضيه وكل محكمة ترفض الادعاء وتقول مهوب من تخصصنا وتحولني على محكمة ثانية. وفي النهاية يقولون لي جب اسمه كامل ورقم هويته !! من وين أجيبها لكم بالله؟


ومن طرف ثاني طلبت من موقع عربي وحطيت الدفع عند الإستلام. وكانوا كاتبين ان التوصيل داخل الرياض خلال اقل من 24 ساعة. الطلب كان هدية. تخيل ان الطلب وصلني بعد 11 يوم !! بالله وش اسوي بالهدية بعد الوقت هذا كله والرجال سافروا؟


في نفس الوقت انا اطلب من متاجر عربية كثير بشرط انه يكون عندهم دفع عند الاستلام. وما عمري طلبت طلبيه ورفضت استلمها الحمدلله. لأني أحط نفسي مكان التاجر وأدري انه يبي يخسر بسبب هالشي.


صراحة ما تلقي اللوم على طرف واحد ، لأن فعلاً فيه تجار ما يخافون الله ، وفيه زبائن ما يخافون الله. لكن أنا شخصياً صرت اذا لقيت موقع عربي مافيه الدفع عند الاستلام مستحيل اطلب منه. لأن حتى المتاجر الكبيرة متأخرة عن قافلة التجارة الإلكترونية ولا يزالون يشوفون انها شي تكميلي. وشف المواضيع والردود ايام الحجر كيف العالم كانوا يتذمرون حتى من المتاجر الكبيرة.

 

 

[عزووز111]

المبالغ المدفوعة للمتاجر الالكترونية عبر مدى او فيزا لو آلية الاعتراض عليها سهلة وسريعة في التعامل واعادة المبالغ ممكن ما نحتاج موضوع الدفع عند الاستلام

بعض المتاجر عشانك دافع مسبقا تصير آخر همهم لذلك انا اتعامل معهم بالطريقة اللي اجبرهم يهتمون بطلبي

الآلية المطلوبة للإعتراض من مدى او فيزا او ماستركارد المفروض تكون عملية وسهلة بحيث يكون في شروط موضحه عند الدفع على موعد التوصيل في حال ما وصل لي الطلب او ماطل بي الموقع وتأخر عن الموعد المحدد يرجع لي المبلغ بسهولة بدون تعقيد

اما الوضع الحالي ضياع ومعاناة عشان تسترد فلوسك لو الموقع سحب عليك البنوك اجراءاتهم متعبة

 

 

[DRIVER111]

انا معطلها من زمان في المتجر

شيء مخيس اللي صاير لدرجة البعض يساومك بالسعر بعد الشراء يقول تخفض لي او ما استلمها

 

 

[raed alrajh]

- فكرتك جيدة ولكن يتعين لتطبيقها وجود منظومة مدفوعات موحدة ( مثل زد أو سلة ) لها القدرة على تتبع المشترين وحرمان أو إنذار المستهتر منهم ، المتجر المستقل لا اتوقع بامكانيته تطبيق مثل ذلك كما أن تبادل معلومات العملاء (غير الجادين) يقود لعواقب نظامية وخيمة لأصحاب المتاجر .

 

 

[فتو من قدو]

فعلا انا ارى انها حل الدفع عند الاستلام للمتاجر الكبيره ولها فروع بحيث احيان يكون وقت ضغط او يتاخرون فلذلك للعميل له الحق في الاستلام او السحب عليهم.. فالشركه مراح تخسر شيء اذا متعاقده مع شركات شحن
الشيء الثاني السلع اللي فيها ضرر زجاج او اثاث هذي نص قبل ونص بعد او عند الاستلام بحيث كل واحد يضمن حقه
وانا من الناس اللي افعل خاصيه الدفع عند الاستلام للقطع اللي تتجاوز الالف
وتكون بحجم كبير كالاجهزه الرياضيه او شنط السفر
واكثر شركات الشحن اللي تماطل ارامكس
اذا مادفعت توصلها لبيتك واذا دافع تروح للفرع تستلمهااا

 

 

[Independent50]

في عضو ناقش هذا الموضوع وجاب فكرة حلوة لحل هذي المشكلة

اتمنى يفيدك موضوعه
https://www.adslgate.com/dsl/showthread.php?t=2567546

 

 

[عفات44]

خاصية مفيدة خاصة بالمتاجر الجديدة
زي موقع سيتروس مره دفعت بالفيزا وماوصلني الا بعد شهر لانهم ضمنوا الفلوس وسحبوا علي
الطلب الثاني دفع عند الاستلام وصلني ب 3 ايام

 

 

[تو القمر]

بالعكس الدفع عند الاستلام ممتاز جدا بس استاذي انت يجب عليك انك تضمن بضاعتك بتغليف جيد ويصير بينك وبين الشركة الناقلة اتفاقيه انها مسؤله عن فتح المنتج وبكذا امورك سليم لن مافي واحد عاقل بسلم بضاعه لشخص بدون يستلم حقه الشي الثاني طال عمرك خل عندك بلاك لست بموقعك وضف الزبون اللعاب برقم جواله ورقم التسليسلي او الايبي للجهاز الي دخل منه لنه يمكن يدخل برقم ثاني

 

 

[massjj]

عندي اقتراح وسط يرضي الطرفين

تفعيل الخاصية في مدينة العميل أو على الاكثر محافظة العميل وفي حالة 4 عمليات ناجحة يتم فتح الخاصية للعميل لجميع المدن بحيث يوضع تصنيف مثل علي اكسبريس للعميل ومدى جديته ومنها يعرف البائع اذا هذا العميل جاد او يرفض الشحن له