مراجعة Final Fantasy Tactics Advanced [ استراتيجية بنكهة انميات Isekai ]

[برينس لوبو]

الإسم : Final Fantasy Tactics Advanced
الناشر: SQUARE ENIX
المطور : Square Product Development Division 4
سنة الإصدار : 09/08/2003
الجهاز : حصرية على nintendo-game-boy-advance-icon.png GameBoy Advanced nintendo-game-boy-advance-sp-icon.png


القصة

.

في يوم من الايام مثل كل يوم .. كانوا يلعبوا اطفال بالمدرسة بكرات الثلج ويتنمرون على زميلهم ... الزبدة جى دافع عنه البطل وبعدها اجتمعوا ببيتهم على كتاب فيه داخله سحر دخلهم داخل عالم افتراضي ، هدف البطل يطلع من العالم الافتراضي ويروح للعالم الحقيقي فنعيش معاه مغامراته ورحلته الى العودة الى العالم الحقيقي.

قصة بسيطة جدا لكن طريقة تقديمها تجذبك لها تبين بالبداية انها طفولية بس بعدين تطرح مواضيع مبطنة عميقة وهي انه تناقش فكرة التهرب والهروب من مسؤوليات الحياة الواقعية والعيش بعالم افتراضي اقرب لفكرة انميات ال Isekai.

البطل Marche ماعنده الصفات المثالية الكريهة لكل بطل قصة .. يتصرف بعكس اصحابه وانه يشتغل ويتعامل مع ناس مثل Cid و Babu ls , كيانين او نوعين من المخلوقات يقاتلون باحسن ماعندهم عشان ينقذون Mewt وعالم Ivalice وبالربع الاخير في تويست خرافي للقصة... ا انه تلاقي البطل هو الشرير الاساسي للقصة ... يبي يرجع عالمه الحقيقي لكن يرفض انه يفكر وش رغباته لتدمير عالم Ivalice بكبره انه بكون راح ياثر على بقاء اصحابه والسكان العاديين والناس الي عايشين حياة تعيسة بعالمهم الواقعي مثل Mewt يتنمرون عليه زملاءه بالعالم الحقيقي و اخو البطل مقعد على كرسي والبطل يتعامل مع اخوه بشكل قاس.. وبال Post game يستعمل قدرة Power Vacum الي صنعها ل يسيطر على كل القوة ويبقى متربع بعرش ال قارة كلها.... هدف قصة اللعبة توصل لك رسالة انه احيانا مايمديك تواجه مشاكلك بانك تهرب منها وتعيش بعالمك الخاص واحلامك ولازم بتجيك وقت من الاوقات وقت انك تواجه مشاكلك بنفسك وتحلها .....

لو خلوا البطل هو الشرير بشكل واضح وصريح احسن بعد .





هدفك تفتح المناطق كلها كل ماتفتح منطقة جديدة يجيك مشهد سينمائي وعرض للقصة وكل مهمة قصة فيها حوارات..




مهمات القصة كلها ٢٤ مهمة لكن راح تضيع واجد باللعبة وبتلف وتدور لانه نظام المهمات مش واضح .. راح تاخذ مهمات عليها ايقونة سيف بس مش شرط تكون مهمة قصة، وتلعب مهمات واجد بس يعطوك Mission items سيئة ومكررة، اذا تبي مهمات القصة لازم تنتظر وتحصل مهمات واجد





تصميم العالم

انبهرت كيف العالم تشكّل . شي جديد علي انه اللاعب هو الي يبني العالم بنفسه .. كل منطقة تفتحها انت الي تعلم عليها وتحط مكانها بالخريطة وكانها احجية..

كل منطقة تصممت بجمالية بأسلوب ال Art Pixel ومشبعة الوان ... حتى لو لعبتها على شاشة كمبيوتر بتقنيات الحديثة وتطلع لك الصورة ممططة Upscaled جمالها مايروح.

كل منطقة بخريطة العالم تتشكل على شكل ايقونة فيها مصغرة، ولما تدخل منطقة جديدة تحصل كنز
او مهمة Random Encounter وحوش داخلها ...

وكانه الامر اشبه بمنطقة حرب طاحنة تكون حذر على كل خطوة تمشيها


مرة استمتعت فيها

https://e7.pngegg.com/pngimages/537/...onics-text.png

Gameplay​




وقعت بعشق اللعبة






اول حاجة لازم اتكلم عنها هي نظام الحَكم / القاضي بالمباراة اضاف عنصر مثير للاهتمام للسلسلة.... بالبداية كنت اشوفه شي مزعج بس بعد ماتعمقت عليه صرت اقلب الطاولة على الخصم وابدل البطاقات واحط بطاقات حسب الاسلحة الي عند الخصم مثلا لو كلهم ماجك احط بطاقة تمنع السحر وبالتالي مايقدر يستعملها ولا تجيه مخالفة ... عجبني النظام انه يجبرك انك تنوع بقتالاتك مع الاعداء وماتعتمد بشكل كامل على استراتيجية مثل سبام الاسحار او الاسهم او الكومبو الخ ، ووحدة من التحديات الي حبيتها لما يحط لك قانون انه كل الاعداء Flans ويحط لك قانون انه اذا ضربتهم راح يعطيك كرت اصفر واذا عدتها كرت احمر وينطرد لاعبك يروح السجن ولازم تدفع غرامة حدود ٣٠٠٠ Gill وتنتظر قيمين عشان يخلص حكم الاستئناف عليه



فوش سويت؟ رحت استعمل قدرة ال Beast master انه يتحكم بالوحوش يضربوا بعضهم البعض لين يموتوا.. قمة المتعة وفلة ياخي وناسة !!!




بس المشكلة نظام ال Judge مش واضح فشرح الاشياء الممنوعة كان ودي لو يحطون قبل ماتضرب احد من الخصوم انه يذكروك بانه الضربة ذي تخالف القوانين
وبعض بوسس القصة يخالفون القوانين لكن مايصير لهم شي وذا مش عادل يعني لما اخذ كرت احمر ال Stats حق الشخصية تنزل بشكل مؤبد ، و الكروت الي تحصلها بعد المبارايات تتكرر واجد وماعندك مساحة لهم وتضطر تقط بعض الكروت


كان ودي لو في اوبشن يسرع اللعب البطيئ مرة




تطور بناء الشخصيات بالجيم بلي بسيط وبنفس الوقت عميق ، كل نوع من المخلوقات ( بشر، شبيهين الكلاب،الموقل.. الخ) له كلاساته المختلفة، بمتطلبات مختلفة عشان تفتح اخر نوع من الكلاسات لهم مثل الدراجوون ، شي مرة انك تحطط كيف تحرز تقدم بتلفيل البارتي حقك لكلاسات مختلفة واللعبة تجبرك تنوع بالكلاسات بين فترة وفترة وتلفلهم وممتع انك تخلي ال Abilities ماكس وتطور احصاءياتهم

لساتني مخلص التاسع السنة الماضية واتفاجئت انه نظام القدرات لكل سلاح لما تمكسها تصير بيرميننت تظل معك و نظام الAP موجود هنا
والبارتي حقك ي--- يستعمل القدرة بدون مايتعلمها حتى بس تكون قدرة مؤقتة تروح مع شيلان السلاح اذا مامكستها وراح تستفيد من هالشي خصوصا لو عندك قدرة Dual Sword و Ultimas


357-3575271_real-world-main-characters-ff-tactics-advance-sprites.png


حبيت نظام رسم ال Sprites باللعبة من أعظم العاب ال Gameboy Advanced ومن اجملهم رسوما بالنسبة لي ماشاخ ابدا مع الزمن







وفيها تلميحات كثيرة لالعاب فاينل فانتسي واحداث الأيقونية للاجزاء والاسلحة سواء من ناحية الاسلحة مثل سلاح Ragnarok و Buster Sword لكلاود و Leonheart لسكوال و الاحداث : Save the queen الي لعب فف٩ بفهمها... وبالحوارات كثير يتكلموا انهم داخل لعبة تشبه " فاينل فانتسي" ويكسرون الجدار الرابع.



كاميرا Isometric للاسف مقفلة الكاميرا ماتقدر تحركها وتشوف الزوايا مش معناته شي سيئ بس كان ودي اشوف زوايا المنطقة ... يجيني اوقات كثيرة اتمتى لو اقدر احركها خصوصا لما اكون احاصر العدو بالبارتي كله وفي حواجز واجد ماقلر اشوف الخصم فمانتبه له ولا اضربه



اكثر جزء فيه ال Hit rate للضربات مش دقيق مرة فتصير اكثر الضربات Miss وتضيع ادوار واجد على الفاضي





البايع يصير مامنه فائدة بعد فترة معينة مايصير يبيعك معدات جديدة ابداً ولا يبدل معك اسلحة




10530

دمج مابين نظام الخامس بال Job Classes والتاسع ب Master abilities .. ٣٠٠ مهمة باللعبة مع الفرعيين و ٢٤ مهمة قصة .. المهمات الفرعية بتستفيد منهم بانك تحصل ايتمس وفلوس بسهولة وتلفل القدرات حق الاسلحة، اللعبة ماتميزسواء كنت عدو او حليف بتحصل EXP بس المشكلة الكلاسات مش موزونين صح ، Vierra قواي بايادة .. الموقل ضعاف والBangea , والبشر مش ذاك الزود

واحسن شي ريحني انه لو غلطت بالحركة الي سويتها تقدر تسوي Undo



نظام ال Steal باللعبة ادماني ومجنون, خصوصا لما تفتح قدرة ال Steal Ability الي ماراح تحصلها الا باواخر اللعبة ... في بعض الكلاسات ماتقدر تحصل القدرات لانها حصرية ل Race معين مثل ال Moogle مثلا ماقدرت احصل قدرة كلاس ال Gun shooter لو ماسرقت القدرة بالبطل





التلفيل سهل مرة باللعبة خصوصا لو عندك قدرة الحرامي Steal EXP .. كل ضربة تضربها تحصل عليها نقاط خبرة سواء ضربة ماجيك او سلاح او ختى لو عالجت نفسك وفريقك او حطيت درع لنفسك .....ويزيد لفلك داخل الجيم مش لازم تنتظر تخلصه.
وانا اعشق نظام ال AP خصوصا انه يكافئك بعد نهاية المباراة واجد اذا استعملته واجد بدل ماتخلي شخصياتك تعتمد على الهجوم العادي




الصوتيات





المؤثرات الصوتيه حلوة ومضبطنها باماكنها المناسبة
لما احد من اخويائك او الاعداء يموت تسمع صوت انه متالم وكذا تعرف انك قضيت عليه .. مع انه اصوات الرجال والبنات نفس الشي

وتسمع اصوات الاسلحة لما تضرب الخصم مع انه مافيها تنوع بس ماتلوم محدودية جهاز زي الGBA والسحر لما يتنفذ مثل ال Firaga

المشكلة ب قلة الاوستات باللعبة و ٣ اوستات يتكرروا بشكل مستمر حق القتال والخريطة والبوسس الصغار




270226.jpg


المراجعة المختصرة:




الايجابيات:


+ نظام ال Judge التحكيم مبتكر للسلسلة وممتع مرة ويخليك تنوع بالاستراتيجيات اجباري.


+ تلميحات كثيرة لاحداث واسلحة من سلسلة فاينل فانتسي.

+ نظام ال Ability رهيب مرة ، حبيت استكشاف القدرات الجديدة وانك تستعملهم عشان تلفلهم وتستخدمهم لين تخليهم Max ويظلوا معك للابد.

+ التلفيل سهل مرة باللعبة ، ماتقدر تضرب الخصم ؟ حط دفاع على نفسك .. او استعمل اي قدرة على نفسك مثل First aid ,boom .. الخ وتحصل exp بسهولة.

+ انك تتراجع عن الضربات والتحركات الي سويتها لو غلطت .

+ القتال سلس مرة.

+ القصة تبدي انها بسيطة بس عميقة بشكل ماتعقدك ، والمشاهد قصيرة وحلوة .

+ الرسم حلو على ال Gameboy Advanced

+ مهمات فرعية عد واغلط وفيها تحدي للي مهتم انه يحلل اللعبة وتنوع كبير.




السلبيات:


- الكاميرا محدودة ماتقدر تتحكم بالزوايا

- طريقة توزيع مهمات القصة والعشوائية الي تصير لين توصل للمهمات الاساسية مزعجة

- قلة الاوستات باللعبة وتكرارهم

- نظام ال Judge احياناً يكون قاسي ومش واضح

- ال Inventory محدودة حق الكروت وتضطر تقط كروت كل مرة .

- الكلاسات مش موزونين صح .

- البايع يصير مامنه فايدة بعد فترة من اللعبة



الخاتمة : -​



ختاما...حبيت اللعبة مرة انصح فيها بقوة لعبة مظلومة ... اللعبة تصميمها مبتكر بكيف وظفت ال Job System والكلاسات خق الشخصيات وتصميمهم الانيق والي ماينسى ،


اخذت مني وقت اطول مما توقعته ، وحبيت تنوع الضخم باللعبة والسستم الي يكافئك اذا نوعت بتغيير كلاس الشخصية والاسلحة .. متحمس العب XII-2 و جزء A2 عليه مدح كبير هو مع War of the lions حق ال PSP


اتمنى تنزل على محاكي السويتش للجيم بوي ادفانس