بوابة الإنترنت الرقمية ADSLGATE


Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة خدمات الأعضاء > الأعضاء العام
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة



إضافة رد
 
أدوات الموضوع
قديم 06-09-2019, 03:34 AM #1
كن ايجابي
مشارك
 
الصورة الرمزية كن ايجابي
 






افتراضي سوق السيارات المستعملة عندنا دمار





السلام عليكم ورحمة الله وبركاته
أكتب لكم اليوم خلاصة تجربة امتدت شهرين من البحث المتواصل لسيارة مستعملة نظيفة في سوق يكثر فيه الغش وسوق ما يرحم فيه الجاهل وعديم الخبرة في السيارات , طبعاً السيارة لصديق لي يرغب بسيارة مستعملة ويبي يفتك من نظام التاجير المنتهي بالتمليك وميزانية 30 الف ريال وهو يبحث عن الوسيلة بمعنى انه يريد سيارة مستعملة نظيفة تمشيه لين سنتين بدون أي اعطال وتكاليف صيانة يعني سيارة من بايع محافظ على سيارته وحب يبيع لاي سباب من الاسباب .
وهذي الي كشفته من خلال زياراتي حراج السيارات وموقع بيع سيارات شهير بدون ذكر اسماء
الشي الاول: بعد البحث عن السيارات تفاجاءات ان اكثر الي يبيعون بالسوق عباره عن شريطية وسيارات مستهلكة ماتنفع قيمتها واذ فيه بايع من برا السوق يلتمون عليه الشريطية ويمارسون عليه ضغوط وحيل .
والشي الثاني:
مخالفة المنطق السليم لانك اول ماتجي عن البائع او تسائل بالموقع طبيعي بتسالة عن امور تهمك وهي لما يسومها منه شريطي والبائع مايدري انه شريطي ويحسب انه مستخدم انه يتفق مثلا معه على سعر معين وبعد ما يوديها الشريطي للفحص مع البائع وتطلع عيوب بالسيارة من قطع استهلاكية بسيطة تحتاج تغيير مثل بواجي تغيير فلاتر هنا لعبة الشريطي انه يبخسه سيارته ويقول فيها كذا وكذا وينزل من سعرها وهذي احدى الحيل انه يمارس ضغط على البائع ويجبر ببيعه بمبلغ اقل من الي اتفق عليه وبنفس الوقت يحرم البايع والمستخدم الجاد فرصة الشراء للتنفع بالسيارة وهذا ظلم وغش .
الشي الثالث :
وشهو تعريفك للسيارة النظيفة ؟؟ وهو مستخدم الأول الي شراء السيارة من المعارض او الوكالة ويحافظ على مواعيد الصيانة (بالوكالة ) وكلنا يعرف الفرق بين شغل الوكالة وبناشر تغيير الزيوت , وسيارته تخلو من الحوادث لان معروف الشخص المحافظ قيادته هادئة وحتى مع المطبات يهدي معها علشان ماتطلع بلاوي تحت مع الزمن من مساعدات ومقصات والممشى السيارة مائة الف وتحت ومادقها الشكوش ,,,,,,,,,,,, وهنا نقدر نقول انها سيارة نظيفة وتستاهل سعرها لوتزود بعد لانها سيارة لقطة بعكس السيارات الثانية مغير مكينة اوقير او مرشوشة كامل وماشية فوق 300 الف ويبي فيها سعر مثل سعر السيارة النظيفة وبكل وقاحة يقول سيارتي نظيفة
الشي الرابع :
دايما راح يلقون حيلة يحتلون عليك فيها وانت داخل سوق القروش الي ما ترحم خصوصا حراج السيارات المستعملة ومن ضمنها يبيعك سيارة تالفة بنظام المرور ويقدر يغريك بالكلام والحلف واكبر غلط انك تاخذ سيارة بدون فحص اخسر 200 ريال فحص ولاتخسر 20 الف اعطال وتصليحات تجيب سيارة جديدة
الشي الخامس :
موقع بيع السيارات الشهير عبارة عن لوبي وقروبات شريطية يوهمون البايع بالشراء بالمزايدة في الردود ووضع رقم الجوال واغلبهم يتفقون على المزايدة واسعارهم اغلى من المعارض كمثال كامري 2008 وصلوها ب 20 الف وسعرها الحقيقي من 13 الف وتحت وفي برضوه اشكالية من نفس البايع انه يصدق انه سيارته تجيب هالمبلغ وكل اسبوع اعلان بنفس السيارة على امل تباع بسعر محدد ,,,وبعد مشاهدة الاعلان أي سيارة واكثر الي نتصل فيهم يكون مستخدم رقم 3 او 2 لم اجد بالموقع الاقليل الااذا انه من اول شراء السيارة قبل الضريبة ووقت ماكان احد يهتم فيه بشراء السيارة المستعملة نظراً لكثرة عروض التاجير المنتهي بالتمليك بالسابق وكلنا كان يعلم فوائد السيارة لمد 5 سنوات ب 16 الف ريال مع التامين الشامل وربحهم القليل كان يريحك من التامين ومن عناء اوغبنة شراء سيارة مستعملة ماتدري وش بكره راح يطلع لك من عيوب قد تكلفك ارباح شركات التامين لان المعروف ان السيارة بالنظام الاقتصادي الجديد لها عمر افتراضي وتنتهي فالجديد وريحة الوكالة وسيارة على رجلك تعرف الي فيها افضل من المستعمل بمليون مرة
اخيراً :
بالنسبة للوضع الحالي من غش وسيارات مصدومة ومرشوشة وماشية فوق 200 الف كيلو انا اشوف انه افضل حلا حالياً للي يبي يرتاح انه ياخذ سيارة بنظام التاجير لعدة مزايا اولها لو مثلاً كانت عندك 30 الف ريال ومفكر انك تشتري فيها سيارة تمشي فيها حالك راح تصعق مثل ماصعقت انا وخويي من كم السيارات المستهلكة حتى وصلت لموديلات 2017 من سؤ استخدام وحوداث وتخبيط مكينة من اهمال الزيت المكينة والقير فانا اشوف ان 30 الف يدفعها مقدم لسيارة تاجير منتهي بالتمليك على سنتين فقط صح بيضغطه القسط لكن تقل عليه الفايدة ويكون شاري جديد بريحة الوكالة و 7 سنوات قدام يمشيه افضل بمليون مره من الستعمل الي مسيطر عليه من الاجانب والشريطية فقد تدفع في صيانتها لومثلاً خبطت مكينة اوقير اومكيف صدقني 10 الاف ماتكفي فافضل الجديد حتى لوكانت سيارة صغيرة لانه الحين المستعمل نظيف صار سعره قريب من الجديد فرق 7 الاف الى 10 الاف ومشاها 100 الف كيلو
]

 

 





التعديل الأخير تم بواسطة كن ايجابي ; 07-09-2019 الساعة 12:30 AM. سبب آخر: اضهار الصوةر
كن ايجابي غير متصل  
أشكر صاحب الموضوع رد مع اقتباس
9 عضواً يشكرون كن ايجابي للفائدة التي وجدوها في هذا الموضوع

قديم 06-09-2019, 07:46 PM #2
ibn zahran
نشيط
 
الصورة الرمزية ibn zahran
 


افتراضي رد: سوق السيارات المستعملة عندنا دمار





فعلا كلامك صحيح مليون بالمئة .. الايجار المنتهي بالتمليك مع تأمين شامل + جديييد + طرق سداد سهله جدا كالفواتير أنصح بها جدا حتى لو طولت بتقسيطها .. بصراحة التامين الشامل يستاهل مع شوارعنا الحلوة وسواقة الشعب الملتزم . والامور تيسرت كثير عكس زمان والله كانت شروط صعبة ومعقدة وموظف حكومي وووو ... أما الشريطية لابارك الله فيهم فلا تصدقهم أبدااا لأنهم أنجس ماخلق ربي ( الا القلييييييل 0,0001 % منهم ) . بارك الله فيك .

 

 





التعديل الأخير تم بواسطة ibn zahran ; 06-09-2019 الساعة 07:50 PM.
ibn zahran غير متصل  
5 Yes No
رد مع اقتباس

قديم 06-09-2019, 08:56 PM #3
حبيب الامس 11
فعال
 
الصورة الرمزية حبيب الامس 11
 


افتراضي رد: سوق السيارات المستعملة عندنا دمار





اخالفك الراي بشده ،، التاجير المنتهي بالتمليك مهلكه ومضر من جميع الجوانب ،، والتسهيلات الي تشوفها كلها لمصله الشركات والتجار ،، والضحايا اما طلاب الجامعات او موظف بسيط او توه داخل العسكرية ويبي يحقق سيارة احلامه ،، ياخذ سيارة فوق ال100 الف !!



شراء سيارة مستعمله افضل مليون مره من الديون والقروض طويلة الاجل ،، والسوق مليان من الناس الي زيي وزيك عنده سيارة نظيفه ويبي يبيعها ،،

 

 




حبيب الامس 11 متصل الآن  
3 Yes No
رد مع اقتباس

قديم 06-09-2019, 09:47 PM #4
ولد الخليج
فعال
 
الصورة الرمزية ولد الخليج
 


افتراضي رد: سوق السيارات المستعملة عندنا دمار





عندنا فالامارات الفطيم موتور وكيل التويوتا يعرض سيارات مستعمله ويعمل لها سيرفس كامل ويرجع يبيعها بس اغلى من المعرض ...

بعد في موقع دوبيزل اي شخص يعرض سيارته للبيع وتكون ايضا نظيفه ..

والبعض يبيع في الانستغرام وانت وحظك ....

ايضا عندنا قبل لا تشري سيارة عندك خدمة الاستعلام عن الحوادث من موقع وزارة الداخليه وايضا مرور دبي ... تعرف ان كان عليها حادث او لا...

نصيحتي ان ودك بمستعمل خذ تويوتا لان بطبيعتها تكد اما كوري وغيره ومستعمل فبيطيح فكبدك وتبدا الاعطال ...

 

 

التوقيع
بسم الله الرحمن الرحيم :
((( رب اجعلني مقيم الصلاة ومن ذريتي ربنا وتقبل دعاء )))



ولد الخليج غير متصل  
2 Yes No
رد مع اقتباس

قديم 06-09-2019, 10:29 PM #5
HUSS4IN
maybe Designer
 
الصورة الرمزية HUSS4IN
 


افتراضي رد: سوق السيارات المستعملة عندنا دمار





موقع حـ*** عبارة عن ملتقى النصابين، حسبي الله على مالكه

المفروض فيه نظام يمنع من شراء أكثر من سيارة بالسنة، ووضع استثناءات

أيضاً وضع منع بيع مدته 6 أشهر على استمارة السيارة من تاريخ نقل ملكيتها
زي الأجانب إذا شرى سيارة من برا يحطوا منع 3 سنين عليه يبيع السيارة

والله مصخرة، عاد ياحبهم للتالف ولا المصدوم وتصليحه يكلف
يشترونه بأرخص ثمن ويرقعونه ترقيع

وقبل فترة أشوف إعلانات على الموقع لنفس نوع سيارتي، أحصل الصور السيارة تلمع وتلق لق من برا
ويصور العدادات ويظهر أن المكينة مروحة فيها من حساس الزيت لأني أعرف مشاكل نفس نوعية سيارتي
ويكتب لك مكينة شرط

الوالدة تقلي لو فيه خير مارماه الطير، الواحد يشتري ومايتخلص من الشيء إلا يبغى الفكة

التوجه للمستعمل مثل التوجه لساحة الحرب، نسبة ضئيلة تخرج سليم

 

 




HUSS4IN غير متصل  
3 Yes No
رد مع اقتباس

قديم 06-09-2019, 10:40 PM #6
randy377
نشيط
 
الصورة الرمزية randy377
 


افتراضي رد: سوق السيارات المستعملة عندنا دمار





قبل حوالي ثلاث او اربع سنوات اشتريت سيارة مستعملة طبعا لفيت اغلب معارض جدة واللي اشتريتها كانت انظف وحدة كسيارة مستعملة طبعا انا وقتها صغير اخذت معي اخواني الكبار طبعا لمن فحصناها كانت سليمة ماعدى بعض الأشياء الاستهلاكية
السيارة كانت مملوكة لمكتب تأجير سيارات وعشان اكون صريح المكتب واضح انه كان يتعامل مع السيارة على أنها حمار
السيارة اول ما اخذتها دفعت فيها حوالي ٦ الاف صيانة مع انها موديلها ماله الا اربع سنوات وقت ما اشتريتها وممشاها اقل من ٢٠٠ الف
والاديتر كانوا اتوقع يعبونه موية عادية ماتسبب في ارتفاع الحرارة وغيرته
واجهتني مشاكل كثيرة كله بسبب المستعمل وخسرت فلوس عليها
نصيحتي لكل شخص ناوي يشتري سيارة سيارة مستعملة اذا كانت ميزانيتك بين ٣٠ او ٣٥ وودك سيارة صغيرة خذلك شي جديد افضل لك تريح راسك من المستعمل ومشاكله زي الصني سعرها اظن ٣٠ جديدة حلوة

 

 

التوقيع
Ps3 id:randy3777



randy377 غير متصل  
Yes No
رد مع اقتباس

قديم 06-09-2019, 10:46 PM #7
Brainist
نشيط
 
الصورة الرمزية Brainist
 


افتراضي رد: سوق السيارات المستعملة عندنا دمار





في سيارات جديده الان ب30 و39 الف وللاسف الى الان في ناس مقتنعين ان الوكاله افضل شي في العالم ولازم كل مره يغير الزيت يدخلها الوكاله ويدفع مبلغ مهو بسيط على تغيير زيت بس واذا سالته ليش كذا يقلك والله فحصوها وخلوها ممتازه

 

 


Brainist غير متصل  
4 Yes No
رد مع اقتباس

قديم 07-09-2019, 12:23 AM #8
عبودات
نشيط
 
الصورة الرمزية عبودات
 


افتراضي رد: سوق السيارات المستعملة عندنا دمار





بقولكم تجربتي
انا كنت ادور سياره مستعمله وجلست 3 شهور افكر وحترت دخلت موقع ح ***ج ولقيت سياره ابيها كلمت راعيها وتقابلنا بالرياض وعجبتني
فحصتها كميوتر وجربت اسوقها وراعيها جنبي رجال شباب محترم المهم توكلت على الله وخذت السياره والحمدلله امورتها تمام والى الان معي
شيكت عليها ع مواقع الحوادث طلعت خاليه ودخلت موقع اليابان حقت السيارات وحطيت رقم الهيكل وطلع امورها تمام حتى الكفرات جديده توه مركبها وشفت الفاتوره
وتصلت على الوكاله وقالو الرجال يسوي صيانه اول باول استخرت وخذتها


الموتر له معي 9 شهور الان حمدلله مافيه اي مشاكل


هذي تجربتي عشان البعض مايقول كل الي يشترون مستعمله نصابين


وسبب البيعه الرجال جاته بعثه سنتين برا ويبي يبيعها
الموتر لكزس جي اس

 

 





التعديل الأخير تم بواسطة عبودات ; 07-09-2019 الساعة 12:26 AM.
عبودات غير متصل  
6 Yes No
رد مع اقتباس

قديم 07-09-2019, 12:25 AM #9
الوافي77
متميز
 
الصورة الرمزية الوافي77
 


افتراضي رد: سوق السيارات المستعملة عندنا دمار





مشاهدة المشاركة الأصلية
randy377
قبل حوالي ثلاث او اربع سنوات اشتريت سيارة مستعملة طبعا لفيت اغلب معارض جدة واللي اشتريتها كانت انظف وحدة كسيارة مستعملة طبعا انا وقتها صغير اخذت معي اخواني الكبار طبعا لمن فحصناها كانت سليمة ماعدى بعض الأشياء الاستهلاكية
السيارة كانت مملوكة لمكتب تأجير سيارات وعشان اكون صريح المكتب واضح انه كان يتعامل مع السيارة على أنها حمار
السيارة اول ما اخذتها دفعت فيها حوالي ٦ الاف صيانة مع انها موديلها ماله الا اربع سنوات وقت ما اشتريتها وممشاها اقل من ٢٠٠ الف
والاديتر كانوا اتوقع يعبونه موية عادية ماتسبب في ارتفاع الحرارة وغيرته
واجهتني مشاكل كثيرة كله بسبب المستعمل وخسرت فلوس عليها
نصيحتي لكل شخص ناوي يشتري سيارة سيارة مستعملة اذا كانت ميزانيتك بين ٣٠ او ٣٥ وودك سيارة صغيرة خذلك شي جديد افضل لك تريح راسك من المستعمل ومشاكله زي الصني سعرها اظن ٣٠ جديدة حلوة





(( السيارة كانت مملوكة لمكتب تأجير سيارات )) تبحث عن نظيف وهي تأجير ولها 4 سنوات

كل سنه استخدام شخصي تعادل شهر استخدام تأجير




 

 

التوقيع
{لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ}{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ}



الوافي77 غير متصل  
3 Yes No
رد مع اقتباس

قديم 07-09-2019, 12:35 AM #10
randy377
نشيط
 
الصورة الرمزية randy377
 


افتراضي رد: سوق السيارات المستعملة عندنا دمار





مشاهدة المشاركة الأصلية
الوافي77





(( السيارة كانت مملوكة لمكتب تأجير سيارات )) تبحث عن نظيف وهي تأجير ولها 4 سنوات

كل سنه استخدام شخصي تعادل شهر استخدام تأجير





معاك حق لكن انا ما عرفت انها كانت لمكتب تأجير الا بعد ما اشتريتها
لأنها كانت باسم المعرض

 

 

التوقيع
Ps3 id:randy3777



randy377 غير متصل  
Yes No
رد مع اقتباس

قديم 07-09-2019, 12:36 AM #11
Sorota
مشارك
 
الصورة الرمزية Sorota
 


افتراضي رد: سوق السيارات المستعملة عندنا دمار





مشاهدة المشاركة الأصلية
ولد الخليج
عندنا فالامارات الفطيم موتور وكيل التويوتا يعرض سيارات مستعمله ويعمل لها سيرفس كامل ويرجع يبيعها بس اغلى من المعرض ...

بعد في موقع دوبيزل اي شخص يعرض سيارته للبيع وتكون ايضا نظيفه ..

والبعض يبيع في الانستغرام وانت وحظك ....

ايضا عندنا قبل لا تشري سيارة عندك خدمة الاستعلام عن الحوادث من موقع وزارة الداخليه وايضا مرور دبي ... تعرف ان كان عليها حادث او لا...

نصيحتي ان ودك بمستعمل خذ تويوتا لان بطبيعتها تكد اما كوري وغيره ومستعمل فبيطيح فكبدك وتبدا الاعطال ...

بالضبط من رقم الشاصي تقدر تستعلم عن الحوادث

 

 




Sorota غير متصل  
Yes No
رد مع اقتباس

قديم 07-09-2019, 01:37 PM كاتب الموضوع #12
كن ايجابي
مشارك
 
الصورة الرمزية كن ايجابي
 


افتراضي رد: سوق السيارات المستعملة عندنا دمار





مشاهدة المشاركة الأصلية
حبيب الامس 11
اخالفك الراي بشده ،، التاجير المنتهي بالتمليك مهلكه ومضر من جميع الجوانب ،، والتسهيلات الي تشوفها كلها لمصله الشركات والتجار ،، والضحايا اما طلاب الجامعات او موظف بسيط او توه داخل العسكرية ويبي يحقق سيارة احلامه ،، ياخذ سيارة فوق ال100 الف !!



شراء سيارة مستعمله افضل مليون مره من الديون والقروض طويلة الاجل ،، والسوق مليان من الناس الي زيي وزيك عنده سيارة نظيفه ويبي يبيعها ،،

انا مادري وش تبي توصله من كلامك والي رجله في الماء ماهو مثل الي رجله بالنار لكن اوعدك امام جميع الأعضاء انك تدخل موقع حراج وتبحث لي عن سيارة نظيفة ولك سعي 500 ريال من عندي والله على ماقول شهيد
ابي سيارة صني موديل من 2015 الى 2017 نظيفة خالية من الصدمات والرشوش صياناتها وكالة اول مستخدم الممشى من 100 الف وتحت وحدي 20 الف على حسب النظافة

فخلنا نشوف بتحصل لنا شي نظيف والابتغير رائيك وتسحب كلامك

 

 




كن ايجابي غير متصل  
Yes No
رد مع اقتباس

قديم 07-09-2019, 01:41 PM كاتب الموضوع #13
كن ايجابي
مشارك
 
الصورة الرمزية كن ايجابي
 


افتراضي رد: سوق السيارات المستعملة عندنا دمار





مشاهدة المشاركة الأصلية
ibn zahran
فعلا كلامك صحيح مليون بالمئة .. الايجار المنتهي بالتمليك مع تأمين شامل + جديييد + طرق سداد سهله جدا كالفواتير أنصح بها جدا حتى لو طولت بتقسيطها .. بصراحة التامين الشامل يستاهل مع شوارعنا الحلوة وسواقة الشعب الملتزم . والامور تيسرت كثير عكس زمان والله كانت شروط صعبة ومعقدة وموظف حكومي وووو ... أما الشريطية لابارك الله فيهم فلا تصدقهم أبدااا لأنهم أنجس ماخلق ربي ( الا القلييييييل 0,0001 % منهم ) . بارك الله فيك .

اتفق معك وشي يفرحني اني أسهمت ولوبقليل بالتوعية من هالانجاس ومثل ماقلت الحين التاجير من سهولته ماعد الايطرقون ابوابنا عروضهم مليانة وارباح من 20 الف وتحت وكل شي انت مخدوم فيه حتى بالتامين الشامل وافضل مليون مره من المستعمل المهلوك

شرفني مرورك العطر
تحياتي لك

 

 




كن ايجابي غير متصل  
1 Yes No
رد مع اقتباس

قديم 07-09-2019, 01:45 PM كاتب الموضوع #14
كن ايجابي
مشارك
 
الصورة الرمزية كن ايجابي
 


افتراضي رد: سوق السيارات المستعملة عندنا دمار





مشاهدة المشاركة الأصلية
ولد الخليج
عندنا فالامارات الفطيم موتور وكيل التويوتا يعرض سيارات مستعمله ويعمل لها سيرفس كامل ويرجع يبيعها بس اغلى من المعرض ...

بعد في موقع دوبيزل اي شخص يعرض سيارته للبيع وتكون ايضا نظيفه ..

والبعض يبيع في الانستغرام وانت وحظك ....

ايضا عندنا قبل لا تشري سيارة عندك خدمة الاستعلام عن الحوادث من موقع وزارة الداخليه وايضا مرور دبي ... تعرف ان كان عليها حادث او لا...

نصيحتي ان ودك بمستعمل خذ تويوتا لان بطبيعتها تكد اما كوري وغيره ومستعمل فبيطيح فكبدك وتبدا الاعطال ...


والله خدمة جميلة عندكم وليتها تتوفر عندنا كان طاح نصف سوق الشريطية عندنا

لكن اعتقد انا ان السيارات الي مثلا بالامارات والكويت تكون نظيفة بعكس الي عندنا هنا تتعرض لحوادث تخرب مساعدات من الشوارع ومسافات كبيرة تقطعها السيارة عندنا حتى لوكانت موديل 2019
شرفني مرورك العطر

تحياتي لك

 

 




كن ايجابي غير متصل  
Yes No
رد مع اقتباس

قديم 07-09-2019, 01:54 PM كاتب الموضوع #15
كن ايجابي
مشارك
 
الصورة الرمزية كن ايجابي
 


افتراضي رد: سوق السيارات المستعملة عندنا دمار





مشاهدة المشاركة الأصلية
HUSS4IN
موقع حـ*** عبارة عن ملتقى النصابين، حسبي الله على مالكه

المفروض فيه نظام يمنع من شراء أكثر من سيارة بالسنة، ووضع استثناءات

أيضاً وضع منع بيع مدته 6 أشهر على استمارة السيارة من تاريخ نقل ملكيتها
زي الأجانب إذا شرى سيارة من برا يحطوا منع 3 سنين عليه يبيع السيارة

والله مصخرة، عاد ياحبهم للتالف ولا المصدوم وتصليحه يكلف
يشترونه بأرخص ثمن ويرقعونه ترقيع

وقبل فترة أشوف إعلانات على الموقع لنفس نوع سيارتي، أحصل الصور السيارة تلمع وتلق لق من برا
ويصور العدادات ويظهر أن المكينة مروحة فيها من حساس الزيت لأني أعرف مشاكل نفس نوعية سيارتي
ويكتب لك مكينة شرط

الوالدة تقلي لو فيه خير مارماه الطير، الواحد يشتري ومايتخلص من الشيء إلا يبغى الفكة

التوجه للمستعمل مثل التوجه لساحة الحرب، نسبة ضئيلة تخرج سليم

والله اتفق معك وفكرة جميلة ياريت لوتمرر لصاحب الموقع الي همه العمولات لان حركات الشريطية هذي بدت تفقد مصداقية الموقع وتسبب احباط كبير للبايع والمشتري
وياريت تعمم الفكرة على الاثنين

لا البايع يبي يبيع الا بسعر قريب من الجديد يبي يتاجر والالمشتري يبي يشتري فقط يرمي سومة ويروح للإعلان الي بعده

مشاهدة المشاركة الأصلية
randy377
قبل حوالي ثلاث او اربع سنوات اشتريت سيارة مستعملة طبعا لفيت اغلب معارض جدة واللي اشتريتها كانت انظف وحدة كسيارة مستعملة طبعا انا وقتها صغير اخذت معي اخواني الكبار طبعا لمن فحصناها كانت سليمة ماعدى بعض الأشياء الاستهلاكية
السيارة كانت مملوكة لمكتب تأجير سيارات وعشان اكون صريح المكتب واضح انه كان يتعامل مع السيارة على أنها حمار
السيارة اول ما اخذتها دفعت فيها حوالي ٦ الاف صيانة مع انها موديلها ماله الا اربع سنوات وقت ما اشتريتها وممشاها اقل من ٢٠٠ الف
والاديتر كانوا اتوقع يعبونه موية عادية ماتسبب في ارتفاع الحرارة وغيرته
واجهتني مشاكل كثيرة كله بسبب المستعمل وخسرت فلوس عليها
نصيحتي لكل شخص ناوي يشتري سيارة سيارة مستعملة اذا كانت ميزانيتك بين ٣٠ او ٣٥ وودك سيارة صغيرة خذلك شي جديد افضل لك تريح راسك من المستعمل ومشاكله زي الصني سعرها اظن ٣٠ جديدة حلوة

الله يعوضك يارب
واتفق معك وبقوة 35 الف صني بريحة الوكالة افضل مليون مرة من المستعمل

 

 




كن ايجابي غير متصل  
Yes No
رد مع اقتباس

قديم 07-09-2019, 01:55 PM #16
ibn zahran
نشيط
 
الصورة الرمزية ibn zahran
 


افتراضي رد: سوق السيارات المستعملة عندنا دمار





مشاهدة المشاركة الأصلية
كن ايجابي
اتفق معك وشي يفرحني اني أسهمت ولوبقليل بالتوعية من هالانجاس ومثل ماقلت الحين التاجير من سهولته ماعد الايطرقون ابوابنا عروضهم مليانة وارباح من 20 الف وتحت وكل شي انت مخدوم فيه حتى بالتامين الشامل وافضل مليون مره من المستعمل المهلوك

شرفني مرورك العطر
تحياتي لك

بالعكس نستفيد ونفيد .. فكر فيها مليون مره ( التأمين ضد الغير اسعاره ارتفعت كثير ، فما بالك بأسعار التامين الشامل ! محدثك مشتري موتر كااش وأحس اني لو اخذتها ايجار افضل لي من ناحية التأمين الشامل والسداد على مهلك .. الان المرور يخالفوك على التامين المنتهي يعني اذا انت سواقتك كثير راح تاكل مخالفات عدم وجود تامين ... لكن حمد لله على كل حال وكل سنة اجدد التأمين الي ماستفدت منو بشيء لاني نظامي ) كل شخص يشوف الي يناسبه .

 

 




ibn zahran غير متصل  
1 Yes No
رد مع اقتباس

قديم 07-09-2019, 01:57 PM #17
NDEM11
مبدع
 
الصورة الرمزية NDEM11
 


NDEM11 @Twitter
افتراضي رد: سوق السيارات المستعملة عندنا دمار





سوق المستعمل صعب تحصل فيه ويكثر فيه الغش لكن معليش شروطك هذي مستحيله

تبي واحد متلزم بصيانات الوكاله ؟ سلامات ليش؟

انا كنت ابحث بموقع حراج والمعارض حوالي ٣ شهور ابي اشتري سياره لاخوي الصغير عشان الجامعه وكلمت اشخاص على الجوال استفسر عن سياراتهم اكثر من ٢٠ شخص وقبل فتره بسيطه طحت لي على واحد مستخدم اول مهو شريطي والحمد لله بعد الفحص عند ميكانيكي اثق فيه قالي اشتر وانت مغمض شريت السياره ولاتشكو من اي شيء الحمد لله ، كامري ٢٠١٢ فل كامل ماشي ١٧٠ الف اخذتها بحدود ٣٠ الف ماشاء الله تبارك الله

البحث عن سياره مستعمله يبيله صبر وبعد نظر لاتتوقع من اول لحظه بتلقى سياره نظيفه وثاني شيء خفف من شروطك التعجيزيه ، تبي سياره بدون صدمات وصياناتها بالوكاله ! الشروط هذي ماتنطبق الا على سياره موديل السنه اما سياره عمرها ٥ سنوات وتبي بدون صدمات! اهم شيء ماتكون صدمات قويه ومن الامام ووضعك في السليم ان شاء الله

 

 

التوقيع
My Phone: Galaxy S10+
My Laptop: Dell Inspiron i7559-2512BLK
My Operation System : Windows 10 Home


سُبحَان الله وبِحَمده .. سُبحَان الله العَظيم .




التعديل الأخير تم بواسطة NDEM11 ; 07-09-2019 الساعة 01:59 PM.
NDEM11 غير متصل  
5 Yes No
رد مع اقتباس

قديم 07-09-2019, 01:59 PM كاتب الموضوع #18
كن ايجابي
مشارك
 
الصورة الرمزية كن ايجابي
 


افتراضي رد: سوق السيارات المستعملة عندنا دمار





مشاهدة المشاركة الأصلية
ibn zahran
بالعكس نستفيد ونفيد .. فكر فيها مليون مره ( التأمين ضد الغير اسعاره ارتفعت كثير ، فما بالك بأسعار التامين الشامل ! محدثك مشتري موتر كااش وأحس اني لو اخذتها ايجار افضل لي من ناحية التأمين الشامل والسداد على مهلك .. الان المرور يخالفوك على التامين المنتهي يعني اذا انت سواقتك كثير راح تاكل مخالفات عدم وجود تامين ... لكن حمد لله على كل حال وكل سنة اجدد التأمين الي ماستفدت منو بشيء لاني نظامي ) كل شخص يشوف الي يناسبه .

صحيح وازيدك بعد من الشعر بيت انت لما تاخذها من شركة تاجير اوبنك التامين يكون مسوي تخفيض نسبة كبيرة لشركات التاجير والتامين علشان كذا تحصل فايدة البنك اولشركة مع التامين قليلة بعكس لوكنت شاري سيارة وتبي تأمن بيبتدي سعر التامين من 5000 الاف وفوق ومعروف كل سنة سعر السيارات الجديدة يزود يعني زيادة في أسعار التامين سوا ضد الغير اوالشامل

 

 




كن ايجابي غير متصل  
Yes No
رد مع اقتباس

قديم 07-09-2019, 02:05 PM #19
HUSS4IN
maybe Designer
 
الصورة الرمزية HUSS4IN
 


افتراضي رد: سوق السيارات المستعملة عندنا دمار





مشاهدة المشاركة الأصلية
كن ايجابي
والله اتفق معك وفكرة جميلة ياريت لوتمرر لصاحب الموقع الي همه العمولات لان حركات الشريطية هذي بدت تفقد مصداقية الموقع وتسبب احباط كبير للبايع والمشتري
وياريت تعمم الفكرة على الاثنين

لا البايع يبي يبيع الا بسعر قريب من الجديد يبي يتاجر والالمشتري يبي يشتري فقط يرمي سومة ويروح للإعلان الي بعده



الله يعوضك يارب
واتفق معك وبقوة 35 الف صني بريحة الوكالة افضل مليون مرة من المستعمل

القانون اللي قلته أنا المفروض يجي من الحكومة منع مؤقت على رقم الهوية واستمارة السيارة

أما صاحب الموقع لو منع عضوية من البيع، أمرها بسيط تسوي عضوية جديدة

 

 




HUSS4IN غير متصل  
Yes No
رد مع اقتباس

قديم 14-09-2019, 12:02 PM #20
ibn zahran
نشيط
 
الصورة الرمزية ibn zahran
 


افتراضي رد: سوق السيارات المستعملة عندنا دمار





مشاهدة المشاركة الأصلية
HUSS4IN
القانون اللي قلته أنا المفروض يجي من الحكومة منع مؤقت على رقم الهوية واستمارة السيارة

أما صاحب الموقع لو منع عضوية من البيع، أمرها بسيط تسوي عضوية جديدة

الشريطيه أكلونا وبكل شيء تروح للعقار تلقاهم .. تروح للسيارات تلقاهم !! .. واشياء كثير في حياتنا دخلوا فيها وضيعوا بركتها لا بارك الله فيهم . اخذ تقسيط او تاجير وتستفيد الشركه مني علاقل تعطيني مميزات زي تامين شامل او عروض خصم وكوبونات هدايا ,, ولا اربح الشريطي ولو انه اخوي ... لانهم ناس بلا ذمه ولا ضمير وعينه دايما على جيبك .

 

 





التعديل الأخير تم بواسطة ibn zahran ; 14-09-2019 الساعة 12:05 PM.
ibn zahran غير متصل  
2 Yes No
رد مع اقتباس

إضافة رد

أدوات الموضوع

الانتقال السريع


الساعة الآن 07:55 AM.