شريحة esim.me لتفعيل دعم esim للجوالات الغير داعمة

[عاشق قديم]

عاشق قديم

بالفعل استلمها البريد السعودي بعد ما أضفتها في خدمة ربط الشحنات الدولية وأصبحت تظهر تحديثات الشحنة على تطبيقهم "سبل" ويطلع أنهم أصدروا فاتورة ضريبة الشحنة لكن ما تفتح معي ولا قدرت أسددها أونلاين؛



عموماً طالع انها في البريد المركزي في الرياض ومتجهة إلى فرع البريد اللي اخترته في مدينتي.



بإذن الله تعالى الاستلام قريباً وأوافيكم بالمستجدات للفائدة

وصلت فرع البريد السعودي اللي طلبته في مدينتي (جنب دوامي) لكن طلعت مباشرة لفرع آخر في مدينة مجاورة (مقر عنوان البيت) والله يعين بأنتظر تطلع أنها وصلت هناك وانطلق أحاول أستلمها قبل تتحول مع مندوب وأجلس أطارد فيه.


خدمة ربط الشحنة من البريد السعودي ممتازة في أنها تستلم الشحنة من وصولها للمملكة وتصير تقدر تتبعها وتعرف وينها وكذلك تصدر لك فاتورة الضريبة المقررة على الشحنة ،
لكن عيبها أنهم يعطونك خيار الاستلام من أي فرع تختار وقت رفع طلب ربط الشحنة لكن ما يلتزمون به ويودونها مباشرة باتجاه عنوانك الوطني المسجل في سبل فيزيد عليك كم يوم بانتظار وصول الشحنة.


بالتوفيق وسأوافيكم بالمستجدات

 

 

[ahmedobid]

عاشق قديم

وصلت فرع البريد السعودي اللي طلبته في مدينتي (جنب دوامي) لكن طلعت مباشرة لفرع آخر في مدينة مجاورة (مقر عنوان البيت) والله يعين بأنتظر تطلع أنها وصلت هناك وانطلق أحاول أستلمها قبل تتحول مع مندوب وأجلس أطارد فيه.


خدمة ربط الشحنة من البريد السعودي ممتازة في أنها تستلم الشحنة من وصولها للمملكة وتصير تقدر تتبعها وتعرف وينها وكذلك تصدر لك فاتورة الضريبة المقررة على الشحنة ،
لكن عيبها أنهم يعطونك خيار الاستلام من أي فرع تختار وقت رفع طلب ربط الشحنة لكن ما يلتزمون به ويودونها مباشرة باتجاه عنوانك الوطني المسجل في سبل فيزيد عليك كم يوم بانتظار وصول الشحنة.


بالتوفيق وسأوافيكم بالمستجدات

ربط الشحنه لا يفعل الا اذا استلموها البريد السعودي .. ضهرت بسبل وطلبت ربط لكن في قاالانتطار ومازلت مع ان الطلب كان 18/2/2022 حتى الان لم استلم ولم يستلمها البريد السعودي بالاصل

 

 

[عاشق قديم]

ahmedobid

ربط الشحنه لا يفعل الا اذا استلموها البريد السعودي .. ضهرت بسبل وطلبت ربط لكن في قاالانتطار ومازلت مع ان الطلب كان 18/2/2022 حتى الان لم استلم ولم يستلمها البريد السعودي بالاصل

صحيح لكن يطول أنا لأني ما سويت ربط أصلا الا بعد شهر من الطلب فطلعت عندهم يعدها بيوم تقريبا فأنت الله يعينك لسى مطولة شيك من بعد مرور شهر كامل

 

 

[عاشق قديم]

mubdea

السلام عليكم ورحمة الله وبركاته

انا صار لي فترة ادور جوال اندرويد فيه خاصية esim لكن للأسف عدد قليل فقط من الأجهزة اللي تدعم هالخاصية وغالباً اسعارها مرتفعة جداً وما تناسبني

فقبل فترة لقيت موقع يبيع شريحة تفعل esim على اي جوال وقلت بجربها وفعلاً شريتها وجربتها وضبطت معي ولله الحمد، وحولت باقتي ياقوت العادية الى ياقوت esim وكل شي تمام

فكرتها شريحة عادية تركبها بالجوال، وتحمل برنامجهم اللي يسمح لك تظيف و تحدف وتفعل وتعطل باقات esim ويدعم تخزين الى 10 باقات في الشريحة، طبعا مثل ماهو معروف ما تقدر تفعل اكثر من باقة وحدة في نفس الوقت.

وحسب مافهمت منهم ان وضيفت البرنامج هو اضافة وحذف وتفعيل باقات esim فقط، اما البيانات راح تتخزن داخل الشريحة، بمعنى اذا فعلت باقة معينة و بعدين طلعت الشريحة وحطيتها في راوتر او جوال ثاني ما فيه البرنامج راح تشتغل الشريحة عادي
هذا اللي فهمته منهم لكني ما جربت هالشي


حبيت اشاركم بالموقع للي مثلي يهمه موضوع esim ولا يبغى يشتري جوالات مبالغ في اسعارها

هذا الموقع
https://esim.me

تمت التجربة على جوال POCO F2 Pro



----------------------------------------------------------------------

تحديث 1

يوجد ثلاث انواع من الشرائح

1. شريحة محددة للجوال مثلا POCO F2 Pro او Samsung Galaxy S10 ، الخ..
يدعم تخزين 5 باقات في الشريحة وتكون مقفلة على الجوال نفسه، فالبرنامج الي يتحكم بإضافة و حذف و تعديل باقات esim على الشريحة ما راح يشتغل الا على الجوال المحدد فقط
السعر 29.95 دولا
مثال رابط شريحة Samsung Galaxy S10
https://esim.me/esim-for-Samsung-Gal...h=galaxy%20s10


2. شريحة محددة لجوالات شركة محددة مثلا XIAOMI او Samsung ، الخ..
يدعم تخزين 10 باقات في الشريحة وتكون مقفلة على جوالات الشركة نفسها، فالبرنامج الي يتحكم بإضافة و حذف و تعديل باقات esim على الشريحة ما راح يشتغل الا على جوال من نفس الشركة
السعر 49.95 دولا
مثال رابط شريحة Samsung
https://esim.me/esim-for-samsung


3. شريحة لكل جوالات الأندرويد
يدعم تخزين 15 باقة في الشريحة ومفتوح يشتغل على اي جوال
السعر 69.95 دولا
رابط الشريحة
https://esim.me/esim.me-for-my-android
رابط الشريحتين
https://esim.me/which-android-suppor...rd-for-android


وحسب افادة الشركة ان تقفيل الشريحة على جوال محدد او شركة محددة يكون من ناحية البرنامج اللي يسمح بإضافة وتفعيل باقات esim
بمعنى اذا تم اضافة وتفعيل باقة معينة في الشريحة فمكن بعدها استخدام الشريحة في اي جهاز او جوال اخر
لكن ما راح تقدر تضيف او تفعل او تغير الباقة اللي بالشريحة الا عن طريق الجوال اللي طلبت الشريحة عليه

وهذه صورة توضح الإختلافات بين الشرايح الثلاث

يعطيك العافية تسلم يديك على الموضوع


أنا طلبت قريب من طلبك من شهر 12 ميلادي قبل حتى أنت تنزل الموضوع لكن حصلت مشكلة في الشحن والحمد لله وصلت اليوم الشرائح أخيرا، وأنا معك أعتقد أن اللي بدأو بها شريحة الأندرويد العامة ب29دولار هي نفسها اللي الان صارت ب69دولار والله أعلم، وعموما واضح أن كل باقات الأسعار وتحكمهم في عدد الeSIM المسموح كلها عن طريق التطبيق لدرجة أن نفس الايميل اللي سجلت به في موقعهم وطلبت به أونلاين يوم فتحت التطبيق عشان أفعل الشرائح طلب مني أسجل من جديد وقبل إني أسجل بنفس الإيميل كأنه حساب جديد


عموما مختصر تجربتي ولفائدة الأعضاء الكرام كالتالي:


بعد مشكلة الطلب السابق والشحن يعتبر طلبي الجديد في 10/02/2022 واستلمته من البريد اليوم 14/03/2022 بعد دفع ضريبة 37.5ريال ويعتبر هذا هو خيار الشحن أبو 10دولار اللي كان سابقا مجانا

تمت تجربة الشريحة في جوال موتو 5بلص 5جي، وتعرف البرنامج على الشريحتين في المنفذين، والجوال نفسه تعرف عليهم شايفهم في الإعدادات على أنهم شريحتين عاديات تماما لكن بدون شبكة لأني ما بعد شريت بروفايلات eSIM للتجربة لوجود متبقي نصف الباقات ما انتهت وخلال أسبوعين تقريبا سيتم شراء باقة eSIM200Plus من جوي وممكن باقة ياقوت X1 طبعا eSIM أيضا وموافاتكم بالنتائج بإذن الله

 

 

[MaTr1x]

عاشق قديم

جرب خدمة ربط الشحنة الدولية من البريد السعودي يمكن انه لازم عشان تطلع في النظام أنا ربطت الشحنة وبالفعل استلمها البريد السعودي وأصبحت تظهر تحديثاتها في تطبيق سبل، لكن حصل خطأ منهم ونقلوها فرع ثاني غير اللي طلبت التسليم عليه وأخروني يومين زيادة والحين رايح أخذها من الفرع الثاني.




بالتوفيق

تم ربطها قبل اسبوعين ولحد الان 35 يوم ولم تصل ؟

 

 

[عاشق قديم]

MaTr1x

تم ربطها قبل اسبوعين ولحد الان 35 يوم ولم تصل ؟

الله يعينك أتوقع التأخير من ربعنا هنا ما بعد دخلوها النظام، على فكرة ترى رابط التتبع على موقع أو تطبيق DHL يستمر في التحديث حتى بعد استلام البريد السعودي لكن للأسف ما يعطيك تفاصيل الفرع أو المدينة اللي وصلت له لكن المهم شيك فيه تأكد هل مكتوب أنها وصلت السعودية أو لسى؟


في الصورة التالية شرح لخطوات وتواريخ شحن شحنتي بالأرقام من تتبع DHL:
تأكد هل رقم 2 طلعت عندك أو لسى؟




1- طلعت الشحنة من ألمانيا (وقمت بعدها برفع طلب ربط الشحنة في البريد السعودي سبل)

2- وصلت الشحنة إلى السعودية البريد المركزي بالسعودية (وبدأت تظهر المعلومات في البريد السعودي سبل وأول محطة أنها وصلت إلى الرياض)

3- وصلت الشحنة إلى البريد المركزي للمنطقة المختارة في طلب الربط مع البريد السعودي سبل

4- وصلت الشحنة إلى البريد المركزي للمدينة المطلوبة في طلب الربط مع البريد السعودي سبل وصارت جاهزة للاستلام
5- تم الاستلام

 

 

[ahmedobid]

وصلت الشحنه السعوديه اصدر فاتوره تم السداد

[IMG][/IMG]

هذا نوع الشريحه

https://esim.me/esim-for-Honor-50-5G...scription=true

 

 

[kingf]

يالربع وش تنصحوني ممتازه ولا ناخذ شريحة الكترونيه شد بلد وهل نشترك بأغلى شي ولا كلها زي بعض تشتغل على كل الجوالات

 

 

[ahmedobid]

وصلت المزوينه ..كيف طريقة تركيبها وتفعيلها ؟؟

 

 

[عاشق قديم]

تم تفعيل باقة كومبو200+ من "جوي" على شريحة eSIM.me في جوال موتو5+ 5G وتعمل بشكل ممتاز الجوال شايفها شريحة عادية تماما وكل الاعدادات المعتادة ظاهرة،


قست السرعة على 5G ابراج فل وعطتني في منطقتي سرعة 400تحميل و60رفع



ملاحظة: التطبيق تبع الشريحة eSIM.me مرات يفوت ما يستوعب ان فيه شريحة تبعهم والحل اعد تشغيله او طف الجهاز وشغله، المهم الشريحة نفسها تبرمجت وشغالة تمام بدون البرنامج الان


بالتوفيق للجميع

 

 

[عاشق قديم]

ملخص تجربتي

التكلفة: 120ريال للشريحة الواحدة شامل الضريبة والتوصيل (حالياً التكلفة تقريباً الدبل حسب أسعار الموقع حالياً لكن لازال معروض بنفس القيمة تقريباً تدعم 5بروفايلات اعتقد)
الزمن: 35يوم تقريباً

الميزات: 1- إمكانية حفظ بروفايلات eSIM متعددة على شريحة واحدة عادية وإدارتها من التطبيق والتنقل بالشريحة باللي فيها بين الأجهزة بدلاً من حفظ البروفايلات على الجوالات نفسها.
2- الاستفادة من عروض ال eSIM الحالية.
3- دعم الأجهزة التي لا تدعم eSIM ومنها الراوترات.
4- الشعور بالحرية في حذف وشراء وتجربة الشرائح والمشغلين والباقات وفي أي جهاز تريد جوال أو غيره ومن مكانك وبكل سهولة وسرعة ودون الحاجة للذهاب إلى فروع أو انتظار مناديب.. الخ
5- إمكانية تفعيل شريحتين eSIM مع بعض كل واحدة في منفذ (المفروض جميعها تدعم لأن بمجرد برمجة كل شريحة الجهاز يتعرف عليها على أنها عادية خلاص لكن الأفضل التأكد من الموقع أو مراستلهم لأن صاروا يتحكمون بالميزات من تالي)
وبشكل عام الفكرة بطلة جداً الصراحة.

العيوب: 1- تحتاج معرفة شوي بالإنجليزي والأجهزة والشراء أونلاين.. الخ
2- التطبيق أحياناً يفوت وما يتعرف على الشريحة، لكن بمجرد اختيار البروفايل يبقى ثابت على الشريحة ما يتغير مهما طفيت الجهاز أو شلتها ورجعتها تماما كأنها عادية الين يتم تغييره من التطبيق بنجاح.
3- أسعارها الحالية بعد التدبيل ومدة التوصيل، لكن لازلت أشوفها تستحق قيمتها وأكثر.
بالتوفيق للجميع

 

 

[ahmedobid]

عاشق قديم

ملخص تجربتي

التكلفة: 120ريال للشريحة الواحدة شامل الضريبة والتوصيل (حالياً التكلفة تقريباً الدبل حسب أسعار الموقع حالياً لكن لازال معروض بنفس القيمة تقريباً تدعم 5بروفايلات اعتقد)
الزمن: 35يوم تقريباً

الميزات: 1- إمكانية حفظ بروفايلات eSIM متعددة على شريحة واحدة عادية وإدارتها من التطبيق والتنقل بالشريحة باللي فيها بين الأجهزة بدلاً من حفظ البروفايلات على الجوالات نفسها.
2- الاستفادة من عروض ال eSIM الحالية.
3- دعم الأجهزة التي لا تدعم eSIM ومنها الراوترات.
4- الشعور بالحرية في حذف وشراء وتجربة الشرائح والمشغلين والباقات وفي أي جهاز تريد جوال أو غيره ومن مكانك وبكل سهولة وسرعة ودون الحاجة للذهاب إلى فروع أو انتظار مناديب.. الخ
5- إمكانية تفعيل شريحتين eSIM مع بعض كل واحدة في منفذ (المفروض جميعها تدعم لأن بمجرد برمجة كل شريحة الجهاز يتعرف عليها على أنها عادية خلاص لكن الأفضل التأكد من الموقع أو مراستلهم لأن صاروا يتحكمون بالميزات من تالي)
وبشكل عام الفكرة بطلة جداً الصراحة.

العيوب: 1- تحتاج معرفة شوي بالإنجليزي والأجهزة والشراء أونلاين.. الخ
2- التطبيق أحياناً يفوت وما يتعرف على الشريحة، لكن بمجرد اختيار البروفايل يبقى ثابت على الشريحة ما يتغير مهما طفيت الجهاز أو شلتها ورجعتها تماما كأنها عادية الين يتم تغييره من التطبيق بنجاح.
3- أسعارها الحالية بعد التدبيل ومدة التوصيل، لكن لازلت أشوفها تستحق قيمتها وأكثر.
بالتوفيق للجميع

بارك الله فيك

انا وصلت الاداءة

ممكن تقولونا التركيب وخطوات التفعيل بالشريحه الرقميه من واحد الى ......؟
خاصه اللغه وسط !! مشكوراً

 

 

[kingf]

ليه مايخلون الاندرويد يدعمها من الاساس زي الايفون بدال هالخسائر

 

 

[OsamaH28]

kingf

ليه مايخلون الاندرويد يدعمها من الاساس زي الايفون بدال هالخسائر

موجود في بعض أجهزة الاندرويد هذه القطعة للأجهزة التي لا تدعم هذه الخدمة

 

 

[DANTEO]

عاشق قديم

لكن لازلت أشوفها تستحق قيمتها وأكثر.
بالتوفيق للجميع

الله يسعدك يارب وألف شكر ،
ياليت لو تقدر تجربها ع راوتر ..!
ودي أعرف آلية عملها ع الراوتر لأني أفكر أشتريها إذا بتشتغل عليه

تحياتي ،

 

 

[راجح صالح]

شهران وللأسف للآن ما تغير وضع الشحنة، باقي في ألمانيا. تواصلت مع esim.ne وأخلوا المسؤولية وعجزان حقيقة اتواصل مع DHL ألمانيا، نعطيهم فرصة كم يوم

 

 

[DarkDragon7]

راجح صالح

شهران وللأسف للآن ما تغير وضع الشحنة، باقي في ألمانيا. تواصلت مع esim.ne وأخلوا المسؤولية وعجزان حقيقة اتواصل مع DHL ألمانيا، نعطيهم فرصة كم يوم

حال مثلك 10 ايام ويجي لها شهرين من الطلب - حاليا لها 45 يوم من طلعت من المانيا إلى السعودية و للآن ما فيه اي تحديث

 

 

[السـOـاهي]

أنا مثلك من تاريخ 18 / 3 / 2022 و الشحنة ما تحركت ، و لا عليها اي تحديث

 

 

[MaTr1x]

الشرائح متوفره عندي لمن يحتاجها جديده ولم تستخدم بنفس سعرها بالموقع + رسوم الشحن + 15% ضريبه
المتوفر شريحتين

السبب شراء جهاز ايفون

 

 

[راجح صالح]

السـOـاهي

أنا مثلك من تاريخ 18 / 3 / 2022 و الشحنة ما تحركت ، و لا عليها اي تحديث

DarkDragon7

حال مثلك 10 ايام ويجي لها شهرين من الطلب - حاليا لها 45 يوم من طلعت من المانيا إلى السعودية و للآن ما فيه اي تحديث

أبشركم استلمتها اليوم، وصلتني رسالة من البريد ورحت دفعت رسوم الضريبة واستلمتها
بعد التجرية لنا عودة إن شاء الله