ما الأفضل نظام صوتي sony أو nakamichi

[m-adwan1]

السلام عليكم ورحمة الله وبركاته
أنا محتار بين نظامين صوتيين
الأول:
sony ht-s9 +subwoofer sw5
بحدود ال ٨٨٠٠ ريال
والآخر:
Nakamichi Shockwafe Ultra 9.2 eARC 1300W Soundbar System
قيمته بحدود ٧٨٠٠
الأول حصلت له مراجعات باليوتيوب ويمدحونه
لكن الآخر ما حصلت له سوى مراجعات اجنبيه

 

 

[alsaqr123]

انا اشوف تزود المبلغ شوي وتاخذ من موقع tonezone audio
عنده خيارات كثيره

 

 

[m-adwan1]

الله يرفع قدرك والله هذا حدي من الآخر

 

 

[slordx]

انا شريت سماعات Nakamichi 9.2 ARC

مجدد من نفس الشركة كلفني مع الشحن تقريبا ٥٠٠٠ ريال

وهذي مراجعتي لها:
https://www.adslgate.com/dsl/showthread.php?t=2631442


لحد الآن معي وامورها تمام

بشكل عام عطتني تجربة صوت مثل اللي تسمعه في السينما

بالاضافة انها تدعم ل صيغ dolby اتموس (mat- lossy- trued)
و dts و pcm و LPCM وهي في الحقيقة نظام صوتي ٧.٢ عكس اي ساوند بار اللي غالبا تكون ٥.١

وشفت فيها فلم john wick 3 نسخه بلو راي غير مضغوط عشان يكون نوع صوت DOLBY ATMOS- TRUEHD الطلقات اللي في الفلم تحس ان الارض تهتز (كنت حاط مستوى الصوت ٢٤ او ٢٦ من ١٠٠) ( قوة الباس ٦/١٠)


وعلى فكره السماعه تميل انها تركز على رفع مستوى bass
خصوصا لو كان الصوت LPCM
وفيها عيب غثيث ان اذا جيت توقف الفلم ثم تكمله الصوت يقطع كم ثانيه ثم يطلع الصوت بس مافي تاخير في الكلام واذا جيت تغير المخرجات (من سوني الى ابل تيفي إلخ) الصوره تتاخر لين ماتطلع

بالنسبة لتشغيل الأغاني انا شابكها على appletv 4k 2022
شريته لان الطريقة الوحيدة اللي يخلي بعض الأغاني تشتغل dolby atmos – mat

وفعلا تحس فرق أوقات تحس الصوت يجي من فوق وتحس الفرقة اللي تغني داخلين الغرفة

نسيت اضيف ان من ميزات ناكاميتشي السب ووفر حقها مصوب على الأرض وهذي ميزه ماهي موجودة بأي ساوند بار لأن بعض خبراء الصوتيات يفضلون ذي الطريقة عشان يحسن احساس ان السبووفر يهز الأرض حتى لو كان صوت الباس واطي وفعلا هذا اللي صاير معي بالاضافة ان الباس معبي الغرفه وماتقدر تحدد مصدر الباس اللي يطلع منه وهذا الشي رفع من واقعيه الصوت المحيطي مثلا اذا الفلم فيه مشهد انفجار الصوت تحس انفجار حقيقي


بالنسبة للأسعار اعمل حساب تكاليف الشحن اقل شي ١٠٠٠
كلفني شحن سماعه ناكاميتشي على ما اذكر ١٠٠٠ ريال لان وزن الكرتون اذكر فوق ١٠ كيلو

وناكاميتشي سوت سماعات جديده محد سوا مراجعه له
https://dragon.nakamichi-usa.com

 

 

[tariq omar]

شخصيا اخذت ال

Samsung Q990B - 11.1.4

حسب موقع ratings هو افضل ساوند بار حاليا

https://www.rtings.com/soundbar/reviews/best/soundbar

بتقيم
Mixed Usage
8.5

طلبته من موقع امريكي
https://www.bhphotovideo.com/c/produ..._wireless.html

ايام البلاك فراي داي كان عليه تخفيض 500 دولار

كلفني حدود 7000 ريال شامل الضريبة والجمارك


طبعا يجيك سماعة طويلة ( الشريطية) وصب اوفر و سماعتين خلفية طقم كامل

اشوفه ممتاز جدا وبالتطبيق ع الجوال تسوي كل شي

- المراجعات تقول عيبه ان البيز (BASS) مو مره قوي لكن اشوفه رائع يارجال وربي هز قلبي من جوا مدري وش يبون ذول ( اجانب دلوخ )

- لايباع عندنا في السعودية الوكيل الدلخ حقنا مايوفره

فيه الفئة اللي اقل شوي ( ارخص منه في السعر )


Samsung HW-Q930B

ب عدد 9.1 سماعة كمان ممتاز وهو في المركز الثاني حسب الموقع


متوفر في امازون وسعره ممتاز جدا لمن ينزل عليه تخفيض كان ب 3600 الان ب 4000 ومخلص

https://www.amazon.sa/-/en/Samsung-W...s%2C497&sr=8-1



شخصيا انصحك بالاثنين ذول


لان تقيم السوني الي تتكلم عنه
Mixed Usage
7.4
اما اللي اعطيتك هوا
Samsung HW-Q990B
Mixed Usage
8.5
و الفئة الاقل
Samsung HW-Q930B
Mixed Usage
8.2


اثنينهم افضل من السوني في التقيم وادخل على المراجعة واقرا عيوبه

شخصيا لو مكانك باخذ السامسونج وعلى حسب الميزانية لو مفتوحه باخذ ابو 7000

لو اقل باخذ على طول الثاني لان الفرق بينهم تقريبا لا يذكر


مابين Samsung HW-Q990B و Samsung HW-Q930B

اما السوني لا ما باخذه

 

 

[tariq omar]

تفضل هنا موجود في امازون
https://www.amazon.sa/-/en/Samsung-H...%2C183&sr=8-16

___________________________

الفئة الاقل

https://www.amazon.sa/-/en/Samsung-H...%2C123&sr=8-10

 

 

[m-adwan1]

بيض الله وجهك شرحك وافي وتفصيل التفصيل

 

 

[دكتور جامعي]

من خلال تجربتي الطويلة جداً في عالم المسارح
تجهيز الغرفة يأخذ 70% أو أكثر، والباقي للعتاد.

بالتوفيق.

 

 

[slordx]

نسيت اضيف
ان الساوند بار نفسه حق ناكاميتشي فيه ٤ فتحات hdmi واحد منهم hdmi arc أو earc حسب النسخه اللي بتشتريه

هذي فادتني كثيير بدال ما يكون عندك ٣ فتحات hdmi حق الشاشة الحين صار معك ٦ فتحات

تقدر تشبك كل اجهزتك بدون ماتفصل الاسلاك وأعتقد مافي ساوند بار عنده ذي الميزه

لان النظام ذا اقرب ماله انه مسرح منزلي مو ساوند بار (حتى السوني و الاكس بوكس اذا جيت اشبك فيه الساوند بار يقراه انك شابك مسرح منزلي بنظام ٧.١)


وبغيت اضيف الموسم الماضي كنت مشترك اشتراك بي ان سبورت4k وتابعت مباريات ريال مدريد في دوري أبطال اوربا والريمونتادات اللي سووها على تشلسي و مان سيتي

حرفيا حسيت اني حاضر ملعب السنتياغو برنابيو مع صخب الجمهور وطبول المشجعين (كان يهز الأرض من السب ووفر ) خصوصا مباراة باريس

في gaming اذا خليته على dolby وتلعب شوتر تقدر تسمع خطوات الأعداء وتقدر تسمع تفاصيل أصوات بيئه عالم اللعبة لكن بعض الالعاب يكون واضح وبعضها لا

وفي الاغاني اللي كنت اسمعها بعد اشغلتها على ذا النظام تفاجأت ان في آلات موسيقيه ماكنت اسمعها قبل (أغلب المراجعين دايما يذكرون نقطه ضعفها اذا شغلت الأغنية بنظام ستيريو الصوت مايكون ممتاز يعطونه جيد جدا) بالنسبة لي أوقات يكون صوت الأغنية خورافي وأوقات لا لكن اذا خليت الاغنيه محسنة بوضعية dolby surround (يخلي الصوت من ستيريو الى محيطي) يحسن الأغنية بشكل كبير - ولاحظت يوم شغلت أبل ميوزك على سوني ٥ تحسن الصوت ووزنيته معي

اما الافلام والمسلسلات: النظام مركز على ذا الشي والدليل انه حاط زر كبير MOVIES

زي ماقلت قبل عطتني تجربة مثل اللي تسمعه في السينما خصوصا أفلام الآكشن بالاضافة وضوح صوت المحادثات


بالنسبة لتقييم rtings: ترا النظام مظلوم في التقييم لأن يوم اختبروا النظام حاطين على الاعدادات الاساسية بدون تفعيل اي خاصية وهذا الشي اثر على التقييم - وفعلا اذا ما حطيت الاعداد الصحيح يكون الصوت لك عليه (أول ما شغلته كان الباس ضعيف والاصوات كانت اغلبها تجي من السماعات اللي بالنص )




وعلى فكره ترا ماتحتاج earc الا اذا انت راعي ألعاب وتشتري أفلام blueray أو تحمل أفلام blue ray بالجودة الأصلية (الفلم الواحد حجمه من ٥٠ جيجا الى ١٠٠ جيجا ) عشان تشغل dolby atmos true hd ال atmos حق بث نت فلكس ماهو true hd هو lossy مضغوط


اما منصة Apple TV واكس بوكس يشغل dolby atmos mat مدري هو مضغوط ولا لا

مع هذا اقدر اشغل dolby atmos true hd بنسخه arc اذا شبكت المشغل (سوني- مشغل بلو راي) في أحد الفتحات الثلاث الموجوده في الساوند بار

والنظام ترا يدعم كل صيغ dts بالاضافة الصيغة المنافسه ل dolby atmos غير المضغوط


وهذي روابط مراجعات للنظام بعضها نسخه arc و بعضها earc:






هذا blind test مع ٣ اشخاص مقارنه ناكاميتشي و lg وسامسونج



صاحب هذي القناه كان مالك سماعات سامسونج او سونوس وله مقاطع يشرح الفرق في الصوت
https://www.youtube.com/@nosystemisperfect9954/videos

 

 

[tariq omar]

m-adwan1

السلام عليكم ورحمة الله وبركاته
أنا محتار بين نظامين صوتيين
الأول:
sony ht-s9 +subwoofer sw5
بحدود ال ٨٨٠٠ ريال
والآخر:
Nakamichi Shockwafe Ultra 9.2 eARC 1300W Soundbar System
قيمته بحدود ٧٨٠٠
الأول حصلت له مراجعات باليوتيوب ويمدحونه
لكن الآخر ما حصلت له سوى مراجعات اجنبيه

https://www.desertcart.com.sa/products/448766530




شوف الرابط نزل بسعر خرافي اللي هوا Samsung Q990B - 11.1.4


و الموقع ممتاز انا اطلب منه دايما سوي عضوية واشترك في البرو حقهم والغي الاشتراك يجيك شحن مجاني

اشتريه ع طول بدون تفكير ب 4700 نص الميزانية حقتك



اذا اشترك عن طريق الرابط حقي يعطوني 50 ريال

https://www.desertcart.com.sa/sign_in/4435ad

 

 

[waiel7]

tariq omar

https://www.desertcart.com.sa/products/448766530




شوف الرابط نزل بسعر خرافي اللي هوا Samsung Q990B - 11.1.4


و الموقع ممتاز انا اطلب منه دايما سوي عضوية واشترك في البرو حقهم والغي الاشتراك يجيك شحن مجاني

اشتريه ع طول بدون تفكير ب 4700 نص الميزانية حقتك



اذا اشترك عن طريق الرابط حقي يعطوني 50 ريال

https://www.desertcart.com.sa/sign_in/4435ad

ياشيخ كيف اشكرك بس !!

لي فترة ناوي على 990b لكن سعره غالي مع الشحن والجمارك فاصرفت النظر للبديل 930 وخلاص باشتريه من متجر سامسونج بقيمة 3999 ريال و بدفع الا قولت ياولد شوف المنتدى للمره الاخيره لعله في شي عن 990b والا الاقي ردك وادخل عن طريق الرابط حقك واسرع شي باقي حبة واحدة فقط واشتريته شكرا جزيلا لك الله يسعدك ويبارك فيك.

 

 

[tariq omar]

waiel7

ياشيخ كيف اشكرك بس !!

لي فترة ناوي على 990b لكن سعره غالي مع الشحن والجمارك فاصرفت النظر للبديل 930 وخلاص باشتريه من متجر سامسونج بقيمة 3999 ريال و بدفع الا قولت ياولد شوف المنتدى للمره الاخيره لعله في شي عن 990b والا الاقي ردك وادخل عن طريق الرابط حقك واسرع شي باقي حبة واحدة فقط واشتريته شكرا جزيلا لك الله يسعدك ويبارك فيك.

مبروووووك الف مبروووك عندي النظام ومبسوط فيه


بس ماعليك من الموقع يقلك باقي حبة وهو متوفر او يقلك باقي10 حبات وهكذا حركات تسويقية


اول مايوصلك الساوند بار ادخل ع الموقع والغي عضوية برو حقتهم عشان لا يسحبوا من البطاقة 700 ريال قيمة التجديد - البرو يتفعل معاك مجانا لمدة 30 يوم

اللي احتاجه منك دعواتك فقط