السفارة الايطالية وتقفيل حجز المواعيد

[5alaf]

السلام عليكم


لي ايام احاول احجز موعد وللأسف ما لقيت ابدا في الخبر والرياض (ما فيه الا في جدة)
فهل لهم ايام يفتحون فيها المواعيد ولا كيف؟
واذا ما لقيت, ايش الحلول البديلة اللي ممكن من خلالها اروح لإيطاليا

 

 

[LOVEMAC]

زميل لي شيك قبل كم يوم مافيه حجز الا في منتصف رمضان
اذا مستعجل فيه مكاتب تسويها لك بدون ولا شيء جوازك وصوره لك فقط

 

 

[abdullah77]

LOVEMAC

زميل لي شيك قبل كم يوم مافيه حجز الا في منتصف رمضان
اذا مستعجل فيه مكاتب تسويها لك بدون ولا شيء جوازك وصوره لك فقط

ممكن ترسل تفاصيل المكاتب على الخاص

 

 

[slagoro]

LOVEMAC

زميل لي شيك قبل كم يوم مافيه حجز الا في منتصف رمضان
اذا مستعجل فيه مكاتب تسويها لك بدون ولا شيء جوازك وصوره لك فقط

ممكن التفاصيل على الخاص

 

 

[امير نجد]

5alaf

السلام عليكم


لي ايام احاول احجز موعد وللأسف ما لقيت ابدا في الخبر والرياض (ما فيه الا في جدة)
فهل لهم ايام يفتحون فيها المواعيد ولا كيف؟
واذا ما لقيت, ايش الحلول البديلة اللي ممكن من خلالها اروح لإيطاليا

حجز الموعد في السفارة عن طريق الايميل [email protected]


ترسل لهم بالانجليزي انك تبي تحجز موعد ومرفق معه النموذج حق طلب الفيزاء


و بعد يومين تكلمهم على الرقم 4881212 تحويلة 148 او 191

تبي ترد عليك الموظفة تقول لها اني ارسلت ايميل لحجز موعد من يومين و ما جاني رد عاد هي تبي ترد عليك بالايميل بالطلبات اللي يطلبون تقدمها لهم وقت الموعد



المهم انهم اسواء سفارة و متخلفين تقنيا لازم تطبع كل شي حتي ايميل الموعد تطبعه علشان يبي يسالك موظف الامن عنه اذا جيت للسفارة وتجي بدري قبل الساعه 9 علشان الزحمه

هذا ايميل ثاني للاستفسارات
[email protected]

 

 

[امير نجد]

LOVEMAC

زميل لي شيك قبل كم يوم مافيه حجز الا في منتصف رمضان
اذا مستعجل فيه مكاتب تسويها لك بدون ولا شيء جوازك وصوره لك فقط

ما عاد فيه مكاتب تسويها لان لازم حضور الشخص صاحب الجواز للتبصيم

 

 

[5alaf]

LOVEMAC

زميل لي شيك قبل كم يوم مافيه حجز الا في منتصف رمضان
اذا مستعجل فيه مكاتب تسويها لك بدون ولا شيء جوازك وصوره لك فقط

abdullah77

ممكن ترسل تفاصيل المكاتب على الخاص

slagoro

ممكن التفاصيل على الخاص

امير نجد

حجز الموعد في السفارة عن طريق الايميل [email protected]


ترسل لهم بالانجليزي انك تبي تحجز موعد ومرفق معه النموذج حق طلب الفيزاء


و بعد يومين تكلمهم على الرقم 4881212 تحويلة 148 او 191

تبي ترد عليك الموظفة تقول لها اني ارسلت ايميل لحجز موعد من يومين و ما جاني رد عاد هي تبي ترد عليك بالايميل بالطلبات اللي يطلبون تقدمها لهم وقت الموعد



المهم انهم اسواء سفارة و متخلفين تقنيا لازم تطبع كل شي حتي ايميل الموعد تطبعه علشان يبي يسالك موظف الامن عنه اذا جيت للسفارة وتجي بدري قبل الساعه 9 علشان الزحمه

هذا ايميل ثاني للاستفسارات
[email protected]

الله يعطيكم العافية جميعا
لقيت حجز ولله الحمد وقبل رمضان


المشكلة هي في موقع vfs global كنت احسبه المكان الوحيد اللي ممكن القى فيه حجز والموقع هذا ما فيه حجوزات ابدا
واعتقد انه تم الغاء الحجوزات نهائيا
لأن فيه خبر في VFS Global مكتوب فيه (وفقًا للتعليمات الواردة من سفارة إيطاليا في 2 فبراير 2023 ، لن VFS تستطيع شركة على تقبل التأشيرة في المواقع المذكورة -الرياض,الخبر & مركز أرامكو
في حال وجود أي استفسارات يرجى التواصل على:
[email protected])

وموقع السفارة الايطالية هو الوحيد اللي لقيت فيه مواعيد
https://prenotami.esteri.it/
والجميل ان الحجز مجاني


الحمد لله كملت كل الاوراق والحجوزات وباقي بس الموعد

 

 

[LOVEMAC]

abdullah77

ممكن ترسل تفاصيل المكاتب على الخاص

slagoro

ممكن التفاصيل على الخاص

انا ماتعاملت شخصيا معه ولا احب المكاتبولا انصح فيها لانهم يحشون كلام ممكن يكون صحيح ممكن لا والنكبه عليك انت موقع على الكلام
لكن الشباب يستفيدون من خدماته 1500 ريال للجواز الواحد وماشيه زي اللوز معهم
باخذ رقمه وارسله لكم

امير نجد

ما عاد فيه مكاتب تسويها لان لازم حضور الشخص صاحب الجواز للتبصيم

اي فيزا بالعالم لها ضوابط وشروط وهذا مانختلف عليه سواء بصمه او حضور او غيره
لكن الي ماله ضوابط وتقدر تلعب فيه مثل عدد السنوات مثل المواعيد مثل سرعة الانجاز ..... الخ

زمان كنت احس هالمواضيع نصب لكن شفت بعيني عالم طلعت فيز سواء اوروبا او كندا او امريكا في غضون ايام بسيطه مع العلم بوقتها الحجوزات غير متوفره او مثلا عدد السنوات بسيط او غيره من المزايا , والله اذكر لبناني يطلع الفيزا الامريكية في 4 ايام لكن يطلب 2000 ريال من غير قيمة الفيزا لكن شهاده لله تطلع يعني تطلع وهالكلام زمان قبل كارونا او بالاصح 2009 او 2008 ناسي بالضبط

بختصار الموضوع اذا دخل فيه سماسره اي كان جنسيتهم بيكون فيه لعب

كذلك المبلغ الي ياخذونه ماهو بسيط يعني مثلا فيزا ايطاليا ماتكلف 350 ريال
انت بتدفع للمكتب مثلا 1500 ريال شف كم ماخذ عليك

 

 

[5alaf]

LOVEMAC

انا ماتعاملت شخصيا معه ولا احب المكاتبولا انصح فيها لانهم يحشون كلام ممكن يكون صحيح ممكن لا والنكبه عليك انت موقع على الكلام
لكن الشباب يستفيدون من خدماته 1500 ريال للجواز الواحد وماشيه زي اللوز معهم
باخذ رقمه وارسله لكم



اي فيزا بالعالم لها ضوابط وشروط وهذا مانختلف عليه سواء بصمه او حضور او غيره
لكن الي ماله ضوابط وتقدر تلعب فيه مثل عدد السنوات مثل المواعيد مثل سرعة الانجاز ..... الخ

زمان كنت احس هالمواضيع نصب لكن شفت بعيني عالم طلعت فيز سواء اوروبا او كندا او امريكا في غضون ايام بسيطه مع العلم بوقتها الحجوزات غير متوفره او مثلا عدد السنوات بسيط او غيره من المزايا , والله اذكر لبناني يطلع الفيزا الامريكية في 4 ايام لكن يطلب 2000 ريال من غير قيمة الفيزا لكن شهاده لله تطلع يعني تطلع وهالكلام زمان قبل كارونا او بالاصح 2009 او 2008 ناسي بالضبط

بختصار الموضوع اذا دخل فيه سماسره اي كان جنسيتهم بيكون فيه لعب

كذلك المبلغ الي ياخذونه ماهو بسيط يعني مثلا فيزا ايطاليا ماتكلف 350 ريال
انت بتدفع للمكتب مثلا 1500 ريال شف كم ماخذ عليك

الحقيقة اني مستغرب من الناس اللي تروح لهذي المكاتب
لأن اغلب الشغل بيكون على الزبون مثل انه يروح يبصم وهو اللي بيطلع كشف حساب وهو اللي بيجيب تعريف راتب وصور شخصية

ممكن ان المكاتب لهم خبرة ولكن ايضا ملاحظ شكاوى بعض الناس ان المكاتب ماهي دقيقة في تعبئة بعض البيانات ممكن لأن عندهم زباين كثير وتوفير المعلومة قد يكون صعب

 

 

[kaka_1]

اخوي انا ناوي احضر مباراة نابولي - ميلان


بسألك هل التأشيرة تطلع على طول ولا مطولة لان باقي 4 اسابيع على مباراة الاياب تقريباً


وممكن استخرجها من موقع دايركت ب350 ريال بدل حوسة السفارة

 

 

[LOVEMAC]

5alaf

الحقيقة اني مستغرب من الناس اللي تروح لهذي المكاتب
لأن اغلب الشغل بيكون على الزبون مثل انه يروح يبصم وهو اللي بيطلع كشف حساب وهو اللي بيجيب تعريف راتب وصور شخصية

ممكن ان المكاتب لهم خبرة ولكن ايضا ملاحظ شكاوى بعض الناس ان المكاتب ماهي دقيقة في تعبئة بعض البيانات ممكن لأن عندهم زباين كثير وتوفير المعلومة قد يكون صعب

الموضوع بسيط ياخوي فيه ناس الله رازقها فلوس زياده ومالها خلق لا تعبئ ورق ولا تكتب شيء ولا حتى تشغل مخها ولا بالمنطق فيزا تكلفك 300 ريال ولا 350 ريال تروح تدفع عليها 1500 ولا 1000 ريال !!

يمكن الميزه بالمكاتب انها تستعجل لك بالطلب ، ماتحتاج كشف حساب او شهادة مصدقه او غيره وهذا يتم من خلال المعارف ، لكن الي يقدر يوفر المطلوب مايحتاج مكتب

بالاخير انا اتفق معاك بعض المكاتب تكتب معلومات من راسها وفيه ناس تورطوا بسبب ان المعلومات غير صحيحه وهذا يعد كذب وفيه ناس رجعت من المطار بحكم اختلاف المعلومات عن الي تم كتابته بنموذج الطلب

اذكر قبل لا اطلع الفيزا الامريكية كان فيه قسم تكتب فيه اذا انت الي معبى او واحد غيرك واذا واحد غيرك يحط معلوماته كامله اسم المكتب او اسمه وباقي المعلومات والتوقيع

 

 

[امير نجد]

kaka_1

اخوي انا ناوي احضر مباراة نابولي - ميلان


بسألك هل التأشيرة تطلع على طول ولا مطولة لان باقي 4 اسابيع على مباراة الاياب تقريباً


وممكن استخرجها من موقع دايركت ب350 ريال بدل حوسة السفارة

اي نعم تطلع بسرعة خلال 3 ايام من التقديم اهم شي بس متي موعدك
انا كان موعد التقديم على التاشيرة الاثنين الماضي و استلمتها امس بس الموظف قال لي الخميس تجي تستلم الجواز وانا تعيجزت اجي الخميس



و ثاني شي لا تنسي تجي بدري قبل 9 لان عليهم زحمه غير طبيعية و مافيه الاموظفين بس يستقبلون المراجعيين و استلام الجواز وقته من 2 ونص ل 3 ونص عاد في رمضان الله يشرفه ما ادري كيف مواعيدهم
اهم شي تجيب اوراقك كامله

نموذج طلب التاشيرة مطبوع
رحلتك الروحه و الرجعه

حجز الفنادق
خطاب من جهة عملك بالانجليزي انك تبي تقدم على التاشيرة مذكور فيه متي توظفت و الراتب

كشف الحساب 3 شهور مختم من البنك ولازم يكون اقل شي فيه 30 الف وانت طالع

صورة من الجواز و الهوية
صورتين شخصية 3*4
305 ريال كاش ما عندهم شبكة