مستعجل جدا ( افضل فنادق في سريلنكا كاندي نورليا)
banner
2019-08-04 , 11:48 صباحاً
لك عيوني’s Avatar
لك عيوني

مبدع

المشاركات:3224
التسجيل:Sep 2007
لك عيوني
السلام عليكم

لقيت بعد بكرا رحله على سريلنكا بسعر حلو

وبجلس 8 ليالي

هل اجلسها كلها في كاندي؟؟؟

ولا اوزعها بين نورليا وكاندي انا ودي استرخاء واستجمام

وبالله اعطوني اسماء فنادق مجربه وكويسه ونظيفه

وبخصوص booking كيف احجز half board ؟؟؟ يعني فطور وعشاء مو بس فطور علشان سمعت الاكل هناك مو نظيف ولازم من الفندق ،،


وبخصوص السواق اقدر اخده مو بشكل يومي يعني عند الطلب في ايام ما احتاجه كل يوم


طبعا بروح لوحدي ويمكن صاحبي يجي معي بس مو اكيد بس انا رايح رايح ان شاء الله
Enlarged Image
2019-08-04 , 11:48 صباحاً
2019-08-04 , 12:23 مساءً
nicerose’s Avatar
nicerose

عضو جديد

المشاركات:23
التسجيل:Dec 2017
nicerose
اخوي 8ايام كثير وانت بروحك سهل تتنقل بين المناطق نوراليا وكاندي وبنتوته

الشوارع تعبانه كثيررر يسوقوا 30-40 فقط من منطقه لمنطقه 3-4ساعات الطريق حلو وممتع ف طبيعه وشالات واكشاش يبيعوا فواكه وعسل وذره

احجز فنادق 5 نجوم ومنتجعات وكل الوجبات من الفندق لنظافه واكل قريب لاكلنا
الافضل تشوف سايق من الحين تتفق معه لان التنقل بين المناطق افضل بسياره خاصة وهو يرتبلك امورك بس لاتمسكه ريال واحد ف يده انت ادفع وحاسب

س6 تتوقف الحياه لازم تكون ف الفندق ماتطلع عشان الامان
2019-08-04 , 12:23 مساءً
2019-08-04 , 01:29 مساءً
لك عيوني’s Avatar
لك عيوني

مبدع

المشاركات:3224
التسجيل:Sep 2007
لك عيوني
nicerose كتب:
اخوي 8ايام كثير وانت بروحك سهل تتنقل بين المناطق نوراليا وكاندي وبنتوته

الشوارع تعبانه كثيررر يسوقوا 30-40 فقط من منطقه لمنطقه 3-4ساعات الطريق حلو وممتع ف طبيعه وشالات واكشاش يبيعوا فواكه وعسل وذره

احجز فنادق 5 نجوم ومنتجعات وكل الوجبات من الفندق لنظافه واكل قريب لاكلنا
الافضل تشوف سايق من الحين تتفق معه لان التنقل بين المناطق افضل بسياره خاصة وهو يرتبلك امورك بس لاتمسكه ريال واحد ف يده انت ادفع وحاسب

س6 تتوقف الحياه لازم تكون ف الفندق ماتطلع عشان الامان


شكرا اخوي طيب وش اكثر منطقه اجلس فيها بنتوته؟؟؟ ولا نوراليا ؟


وكم يوم تحتاج علشان تطلع الفيزا السريلنكيه؟
2019-08-04 , 01:29 مساءً
2019-08-04 , 02:11 مساءً
مرسول الحب !’s Avatar
مرسول الحب !

فعال

المشاركات:1179
التسجيل:Nov 2005
مرسول الحب !
بما اني رحت سيرلانكا تقريبا 5 مرات

سيرلانكا طبيعه طبيعه فقط

بالنسبه للفيزا عبر الرابط تعبي بياناتك وبعدها تسدد الرسوم وتجيك الفيزا على الايميل تقريبا 5 دقايق

http://www.eta.gov.lk/slvisa/

الافضل اذا رحلتك طويله حط يوم في نيقمبو الوصول وترتاح فيه

وثاني يوم على كاندي تقريبا 2 - 3 ايام بالكثير

نوراليا يوجد فندق على شكل كوخ على البحيره موقعه جميل ولا تروح غيره ناسي اسمه
حدها 2 يومين تقريبا تكفيها مافيه انشطه فقط استجمام

بنتوتتا تكفيها 3 ايام رابط فندق

هذا فندق بالرابط بالاعلى فندق صغير جدا 5يه 7 غرف فقط وجميل قدام الشاطئ مباشره والموظفين تعاملهم ممتاز دايم اسكن عندهم

وبعدها من بنتوتا الى المطار مباشره تقريبا في 2.5 ساعه وتوصل المطار

سيرلانكا استجمام وراحه وطبيعه وكشتات ماتنفع للانشطه والفعاليات فيها قليل

قيمه السواق بحدود 40-50$ يوميا

المشوار من نيقمبو الى كاندي 3 ساعات

من كاندي الى نوراليا تقريبا 3 ساعات

من نوراليا الى بنتوتا تقريبا 6 ساعات

رغم طوله المشوار لكن بتستمع من المناظر والطبيعه ومابتحس بملل الطريق
2019-08-04 , 02:11 مساءً
2019-08-04 , 03:07 مساءً
لك عيوني’s Avatar
لك عيوني

مبدع

المشاركات:3224
التسجيل:Sep 2007
لك عيوني
مرسول الحب ! كتب:
بما اني رحت سيرلانكا تقريبا 5 مرات

سيرلانكا طبيعه طبيعه فقط

بالنسبه للفيزا عبر الرابط تعبي بياناتك وبعدها تسدد الرسوم وتجيك الفيزا على الايميل تقريبا 5 دقايق

http://www.eta.gov.lk/slvisa/

الافضل اذا رحلتك طويله حط يوم في نيقمبو الوصول وترتاح فيه

وثاني يوم على كاندي تقريبا 2 - 3 ايام بالكثير

نوراليا يوجد فندق على شكل كوخ على البحيره موقعه جميل ولا تروح غيره ناسي اسمه
حدها 2 يومين تقريبا تكفيها مافيه انشطه فقط استجمام

بنتوتتا تكفيها 3 ايام رابط فندق

هذا فندق بالرابط بالاعلى فندق صغير جدا 5يه 7 غرف فقط وجميل قدام الشاطئ مباشره والموظفين تعاملهم ممتاز دايم اسكن عندهم

وبعدها من بنتوتا الى المطار مباشره تقريبا في 2.5 ساعه وتوصل المطار

سيرلانكا استجمام وراحه وطبيعه وكشتات ماتنفع للانشطه والفعاليات فيها قليل

قيمه السواق بحدود 40-50$ يوميا

المشوار من نيقمبو الى كاندي 3 ساعات

من كاندي الى نوراليا تقريبا 3 ساعات

من نوراليا الى بنتوتا تقريبا 6 ساعات

رغم طوله المشوار لكن بتستمع من المناظر والطبيعه ومابتحس بملل الطريق



يعطيك الف عافيه،،، طيب في الطرق السريعه هل فيه خدمات طرق مثلا مطاعم دورات مياه نظيفه اكرمك الله
2019-08-04 , 03:07 مساءً
2019-08-04 , 04:13 مساءً
مرسول الحب !’s Avatar
مرسول الحب !

فعال

المشاركات:1179
التسجيل:Nov 2005
مرسول الحب !
الله يعافيك

ايوه يوجد طرق سريعه برسوم بسيطه وفيه محطات نظيفه ومطاعم

لاتخرج من المطاعم العالميه في كاندي ونوراليا ولا يمنع تجرب الاكل السيرلانكي اكلهم تقريبا مثل الاكل الهندي

وبنتوتا عليك بالاكلات البحريه

بس عموما الشعب السيرلانكي كويس رغم وضعهم وحياتهم البسيطه لكن مبتسمين للسائح

ابحث بالنت عن الفعاليات والاماكن المميزه بالمدن الي بتروح لها عشان ترتب جدول لك
2019-08-04 , 04:13 مساءً
2019-08-04 , 06:31 مساءً
lole23’s Avatar
lole23

مبدع

المشاركات:3496
التسجيل:Feb 2012
lole23
وعليكم السلام ورحمة الله وبركاته

هذا رد لي سابق على أحد الشباب مع بعض التعديلات وإن شاء الله يفيدك

رابط استخراج الفيزا

http://www.eta.gov.lk/slvisa/

الفيزا تسمح لك تدخل سيرلانكا مرتين خلال 3 شهور

الفيش المستخدم في سيرلانكا

Image

السواق تكلفته من المطار من 30 إلى 40 دولار لليوم سياره جديده ومكيفه واكله وسكنه عليه

غالباً اخذه من المطار أول ما أنزل وانا طالع من المطار قبل بوابة الخروج مجموعة مكاتب على اليمين تفاصل معهم بالسعر وأهم نقطه يجهلها الكثير هي انك لازم تكتب المدن اللي تبي تزورها بالترتيب لأنك لو حبيت تغير أو ترجع لمدينه ثانيه راح ياخذون عليك رسوم إضافيه مع العلم أن رسوم المواقف والطرق السريعه تتحملها انت

بالنسبة لترتيب زيارة المدن انصحك ب

1. دامبولا

2. كاندي

3. نوراليا

4. بنتوته

5. كولومبو

6. نيجومبو

والمده انت تقرر على حسب الأنشطة اللي تبي

1. دامبولا

تتوجه لها من المطار مباشره " إذا كان الوصول في الصباح اما اذا كان الوصول في الليل فالأفضل السكن في نيجومبو "

فيه منتجع سكنت فيه حلو بس كانوا وقتها يرممون ويبنون وكان فيه حشرات بسيطه

اسمه Sundaras Resort & Spa

Sundaras Resort & Spa
189 Kandy road, Dambulla 21100، سريلانكا
‏‪+94 72 708 6000‬‏

https://goo.gl/maps/JaHgVmY6wom

الأنشطة اللي تقدر تسويها

* جوله على المنطاد

* ركوب الفيل

* جولة old village تشمل ركوب الحنتور وبعدها قارب ثم الوصول للبيوت القديمه وإذا حبيت تاخذ وجبة غداء وترجع على تكتك إلى نقطة البدايه
اتوقع تكلفتها 20 دولار " جميله جداً وأنصح بها "

وترى خبري عتيج يمكن تتغير الأسعار

*رحلة سفاري

*صخرة سيقيريا

حقها من يوم إلى يومين حسب الأنشطة اللي تبيها

2. كاندي

سكنت في فندق اسمه Thilanka ثيلانكا هوتل

والرابط التالي تصويري من الغرفه رقم 960

https://www.instagram.com/p/BBffNPuQkah/?utm_so...


‏اطّلع على هذا التعليق حول Hotel Thilanka على خرائط Google

https://goo.gl/maps/cyvdVhgZTYy

الفندق موقعه ممتاز واطلالته جميله جداً

خاصةً غرفه رقم 960 واسعه واطلالتها من جهتين ويعيبه كثرة الحشرات والقرود لان جزء منه في الغابه مع العلم اني في الدور الرابع إلا أن القرود وصلت للبلكونه
والمطعم ممتاز جداً ومتنوع الأصناف فالأفضل تاخذه مع الفطور والعشاء

الأنشطة

* قبل ماتوصل لكاندي فيه مكان أو حديقه للفيله تقدر تدخل وتشوف وتتسبح مع الفيله لكن قبل تدخل لازم تسألهم عن وقت تواجد الفيله لأن لهم وقت معين ويروحون وبعدها ممكن تقص تذكره وتدخل وماتستفيد

* بحيرة جنة الدنيا " Sembuwatta lake "

* حديقة النباتات " Royal botanical gardens " كبيره وحلوه ويمر فيها نهر وفيه جسر تقدر تمشي فوق النهر حلو للتصوير

الحديقة الملكية
පේරාදෙණිය පාර, Kandy, سريلانكا
‏‪+94 812 388 088‬‏
https://maps.app.goo.gl/jWyvFRtzFoaAhgDz7

* البحيرة اللي في منتصف كاندي حلوه للتمشيه على رجليك إذا كان الجو حلو

3. نوراليا

سكنت في فندق اسمه Windsor ويندسور قديم لكن نظيف وموقعه في وسط البلد وقريب من المحلات والأسواق
الأكل عندهم متواضع ومقبول

Windsor Kandy
نوارا إليا 22200، سريلانكا
‏‪+94 115 373 305‬‏

https://goo.gl/maps/zkbCqa7svMD2

نوراليا جميله وبارده وفيها مباني على الطراز الإنجليزي ويسمونها Small England وانصحك تسكن في الوسط ويمديك تلفها على رجلك بأقل من ساعه باستثناء الحديقة والبحيرة لكن عيبها النامس

الأنشطة

* بحيرة نوراليا Gregory Lake
فيها مطعم حليو وفيها قوارب تجديف وقوارب سريعه ودبابات بحريه وسفينه كبيره

*الحديقة وملاعب القولف

* رحلة نهاية العالم بس يبي لها لياقه وتطلع لها من الفجر

* مزرعة الأبقار

* بحيرات صغيره ومزارع الفراوله وتقع قبل مزرعة الأبقار

4. بنتوته

بنتوته جميله وهي البحر

الأنشطة

* وانت طالع من نوراليا إلى بنتوته بتحصل حقين التجديف فالنهر " رافتنج " تحصلهم على الطريق وانت وحظك إذا عندهم أمطار غزيرة مايفتحون

* تحصل مصانع الشاي على الطريق حلوه تشوف لك واحد منها تاخذ فيه جوله يورونك كيف يصنعون الشاي من إلى وفي نهاية الجوله يعطونك شاي تشربه مجاناً

* شلالات على طول الطريق وفيه بعضها عنده جلسات مصل كوفي شوب وعصيرات حلوه تريح فيها لأن المشوار طويل بس ممتع

* في الطريق محل اسمه قلعة الشاي Mlesna tea castle حلو ويبيعون شاي والجلسه في رايقه وتقدر ترقى فوق زي القلعه تطل على الشلال حلوه للتصوير

* رحله نهريه حلوه تطلع من بنتوته رحله نهريه وبعدها تطلع مع السواق إلى قلعة Galle تلف فيها كم ساعه وترجع
لبنتوته

* فيه انشطة نهريه مثل القوارب اللي تسحبك وشغلات ثانيه ما اعرف اسمها

‏اطّلع على هذا التعليق حول St. Clair Viewing Gallery على خرائط Google

https://goo.gl/maps/8UHJ72sdDQH2


‏اطّلع على هذا التعليق حول Mlesna Tea Castle على خرائط Google

https://goo.gl/maps/aM415mZZbhS2

5. كولومبو

للتسوق فقط مع ان الكورنيش فيها جميل وقت الغروب وبالنسبة لحديقة الحيوان جميله

حدائق الحيوان الوطنية في سري لانكا
120 Quarry Rd, Dehiwala-Mount Lavinia, سريلانكا
‏‪+94 112 712 752‬‏

https://goo.gl/maps/eKWRNGWkoxM2


الأسواق

إذا بشتري هدايا انصحك بمحل كبير اسمه house of fashion مكون من 6 طوابق اسعاره معقوله حتى الشاي اشتريته من عندهم بعلب جميله وحلوه كهدايا

اطّلع على هذا التعليق حول House of Fashions على خرائط Google

https://goo.gl/maps/eEpGmvjYWHR2



وفيه محل اسمه كوتن كولكشن Cotton collection حلو للملابس واسعاره معقوله

اطّلع على هذا التعليق حول مجمع القطن على خرائط Google

https://goo.gl/maps/oM7uYXtgT7n


وفيه محل اسمه فاكتروي اوت لت Factory out let

المحل حلو يبيع ماركات بس صغير ولاتحصل شي يسوى اخر مره رحت قالوا انهم افتتحوا معرض كبير بس ماقدرت اروح له علشان رحلتي


‏اطّلع على هذا التعليق حول The Factory Outlet على خرائط Google

https://www.google.com/maps/reviews/data=!4m5!1...



الدبوس المثبّت
بالقرب من Galle Face, كولمبو، سريلانكا

https://goo.gl/maps/JXJZn232F662


6. نيجومبو

ويميزها قربها للمطار

سكنت في منتجع اسمه راني Rani Beach Resort

متواضع بس نظيف والبلكونه مطله على المسبح وعلى البحر الفطور لابأس به والعشاء مره كان تمام ومره كان عادي

نفس بنتوته تقريباً لكن بنتوته أحلى وأكبر

‏اطّلع على هذا التعليق حول Rani Beach Resort على خرائط Google

https://goo.gl/maps/vdQPHHHHc2E2


من الاشياء اللي ناس يزورونها وينصحون بزيارتها

مصانع الخشب ومحلات المجوهرات وبعض محلات الهدايا

وللأسف أكثر السواقين حتى سواقين التكتك يحاولون يودونك للمحلات هذي علشان ياخذون عموله من صاحب المحل

وكانت كلها مضيعه للوقت بالنسبة لي
ولا ننسى حدائق التوابل جوله وفي الأخير يعرض لك منتجات ويعطيك سعر مبالغ فيه على شي ماتدري عن جودته

وهذي وجهة نظري مع العلم أن فيه ناس تمدحها كثير وممكن تناسبك


وانصحك تشوفها بال YouTube وتقرر

الطرق عندهم مثل الطرق الزراعيه عندنا بالإضافة إلى أن السرعه في أغلب الطرق 60 كيلو ماعدا الطرق السريعة تصل إلى 100 كيلو ولا يوجد سوى طريقين سريعه فقط

وسائقي الباصات متهورين

الشعب غالباً مبتسم وبشوش لكن الحذر واجب

اصرف من المطار مبلغ بسيط واستخرج شريحة اتصالات مع انترنت من المطار

وأفضل مكان لسعر صرف العمله هي محلات الذهب الصغيره

لازم يكون معكم مظلات ☔ لأن الجو ما ينظمن أحياناً شمس وفجأة ماتدري الا هي تصب صب ما شاء الله

اعتذر عن الإطالة في الرد وأتمنى لكم رحله سعيده
2019-08-04 , 06:31 مساءً
2019-08-07 , 08:06 صباحاً
صنيتان البدراني’s Avatar
صنيتان البدراني

**

المشاركات:244
التسجيل:Oct 2014
صنيتان البدراني
لاتتعدى نوراليا

وانت بكيفك
2019-08-07 , 08:06 صباحاً
2019-08-07 , 08:54 مساءً
ولد الخليج’s Avatar
ولد الخليج

فعال

المشاركات:1422
التسجيل:Apr 2011
ولد الخليج
اخي الفاضل انا سافرت سريلنكا مرتين الاولى كان السايق بوذي وكان جيد المرة الثانيه كان السايق بوذي ايضا وكرهت نفسي تحس انك في قلق ومارتحت له وغيرت مع سايق مسلم عزام وسفراس والله انهم كانوا مثل الاخوه وكانوا يساعدوني في اي حاجه مع الاطفال وضحك ووناسه ويخطفونك مساجد تصلي فالسايق اهم شي بالسفره وسعرهم كان اتوقع 50 دولار لليوم ...

كولمبو اذكرنا سكنا في سينمون واتوقع حصلت فيه تفجيرات

نوراليا انصحك بفندق قراند ولاتفكر في غيره وعندهم المطعم الهندي يضبط البرياني احلى تضبيط وفندق قراند اشترط تاخذ القسم الاحدث لان في قديم والحديث ...

ان حبيت ارسلك رقم السواق ابشر
2019-08-07 , 08:54 مساءً