بوابة الإنترنت الرقمية ADSLGATE

Amazon عنوان IP سرعة الإتصال الإعلان
العودة   البوابة الرقمية ADSLGATE > بوابة الأجهزة التقنية > أجهزة الحاسب والهاردوير PC Hardware
التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة



إضافة رد
 
أدوات الموضوع
قديم 17-04-2021, 08:40 AM كاتب الموضوع #1
E7tmal
نشيط
 
الصورة الرمزية E7tmal
 







افتراضي كيف تشتري كرت شاشة بالسعر الرسمي AMD





السلام عليكم ورحمة الله وبركاتة


صراحة الفترة الحالية الكثير يعاني من قلة او انعدام كروت الشاشة بالسوق وارتفاع سعرها بشكل كبير جدا وهذا الشيء ازعجني وحبيت اشاركم تجربتي

فعشان كذا انا اليوم جايب لكم طريقة الحمدلله نجحت فيها بشراء كرت 6700xt بالسعر الرسمي 480 دولار (1800 ريال سعودي)

تحديث: وصل الكرت والتكلفة الاجمالية 625 دولار مع الشحن والقيمة المضافة
يعني 2345 ريال تقريبا



الطريقة كالتالي

1- احصل على عنوان امريكي
انا شخصيا استعمل Stackry مجاني ورسوم الشحن حسب ماقريت انها معقولة وايضا العنوان في ولاية مافيها ضرائب او قيمة مضافة على المبيعات بمعنى ان المنتج سعره 100 دولار راح تدفع عليه 100 دولار فقط


https://www.stackry.com/en/register?referral=7353287

اذا استعملت الرابط الي فوق بتحصل على 10 دولار تخفيض على اول شحنة وانا نفس الشيء

2- بعد ماتسجل ب Stackry ويعطونك عنوان روح لموقع AMD (مايحتاج تسجيل واتوقع اساسا ماتقدر)
https://www.amd.com/en/direct-buy/sa

صحيح تعب وتضييع للوقت لكن الموضوع يستاهل اذا تحتاج كرت قوي وفلوسك على قدك كرت 6800xt برا سعره 5 الاف ريال واكثر ومن موقع AMD بيكلفك 3000 ريال مع مع الشحن والضرائب
يعني بتوفر مبلغ 1500 الى 2000 ريال على اي كرت بتشتريه من AMD بالسعر الرسمي


الرابط هو صفحة المنتجات الخاصة ب AMD وتباع بالسعر الرسمي بدون اي رسوم اضافية وعندهم شحن مجاني داخل امريكا مع العلم انهم يشحنو داخل امريكا فقط

3- AMD الايام الي نزلت فيها AMD هي الاربعاء الخميس الجمعة من 5 المغرب الى 11 الليل وغالبا بين الساعة 8 والساعة 10 الليل..بالسابق كان كل يوم خميس لكن الاسبوعين الماضية الوضع اختلف و بالوضع الحالي ممكن ينزلو ب اي يوم من ايام الاسبوع غالبا ايام العمل من الاثنين الى الجمعة

بالنهاية هذي كلها مجرد اجتهادات شخصية و مافي احد يقدر يعطيك وقت محدد تنزل فيه الكروت وبالتوفيق للجميع.

فرضا كرت 6700xt

https://www.amd.com/en/direct-buy/5496921400/sa

وافتح اي بث مباشرة او ديسكورد يتتبع نزول كروت الشاشة (راح تحصل فيديو تحت لبث مباشر) وبمجرد ماينزل الكرت بالموقع راح يعطيك تنبيه وروح مباشرة للصفحة
وحدث الصفحة و كلمة out of stock راح تتغير الى add to cart (لو نزل الكرت لاتحدث اكثر من مرة كل 10 ثانية عشان يمكن يجيك باند مؤقت ولو جاك باند روح امسح الكوكيز حق المتصفح واذا على سفاري روح امسح من الاعدادات)

مثال على add to cart



لو البث او ديسكورد يعطيك تنبيه ان AMD قاعدة تنزل كروت وانت لسى عندك Out of Stock حتى بعد تحديث الصفحة هنا كل الي عليك تسويه انك تقفل كروم وتفتح من جديد وتروح على موقع AMD من جديد

ملاحظة البث مباشر يعطي تنبيه على كثير من المواقع يعني لو سمعت التنبيه ممكن يكون amd ويمكن يكون اي موقع ثاني(المواقع الي ممكن تحصل منهم على كرت ب امريكا هم amd و best buy اكثر شيء و كمان zotac و newegg shuffle)

4- لما تشوف add to cart اضغط عليها لو ماسار شيء اضغط ثاني الين يطلع لك ان الكرت بالسلة(راح تطلع لك صفحة فيها الكرت وفيها زر check out اضغط عليه لين يوديك للصفحة هذي)

ولو حسيت انه مو راضي ينضاف حدث الصفحة وحاول ثاني ولو مازبط اضغط على زر السلة ممكن يكون انضاف بالسلة لكن الموقع معلق زي ماهو موضح بالصورة واضعط CHECK OUT لو كان بالصورة طبعا اعيد واكرر لازم تضغط ورا بعض لان الموقع ممكن يكون عليه ضغط كبير






وراح يكون فيه CAPTCHA عشان يتاكدو انك انسان ولو حسيت الكابتشا معلقة او فيه مشكلة قفل وحدث الصفحة او اضعط زر التحديث الي بالكابتشا نفسه

بعدها بتروح للصفحة هذي:
هنا يفضل انك تكون ضايف عنوان Stackry بقوقل كروم عشان بس تكتب اول حروف وتضيفه بضغطت زر او تكون المعلومات الي بالصورةفي ملاحظة بنفس الترتيب عشان تسوي نسخ لصق سريع

واضغط next page ورا بعض الين يوديك للصفحة الثانية او صفحة ERROR 503
لو جاتك صفحة ERROR 503 شوف الشرح تحت كتبته




لاتستعمل PayPal الا ذا كان عندك Paypal امريكي فيه عنوان امريكي لان غالبا راح تواجهه مشكلة اذا كانت المرة الاولى تطلب عن طريق Paypal الى عنوان ب امريكا



البطاقة الائتمانية تكون جاهزة ويفضل انك تكون مسوي نسخ للرقم عشان تسوي لصق على طول وتكون حافظ سنة وشهر الانتهاء والرقم الخلفي
انصح الكل ببطاقة السفر من البنك السعودي للاستثمار (سعر صرف الدولار 3.75 ريال ثابت)

email:حط ايميلك
phone number:حط رقم الجوال الي يعطيك هو Stackry
address: اكتب فيه العنوان الي يعطيك هو Stackry
Address optional: اكتب فيه رقم الخزنة حقتك (تحصله في stackry يبدا ب unit) طبعا كلمة unit لازم تكتبها قبل الرقم
city: حط المدينة الي بعنوان Stackry حقك
state: الولاية (برضو تحصلها في Stackry)

ملاحظة: تقدر تضيف جميع معلومات الدفع والعناوين على متصفح كروم بحيث انه بمجرد ماتضغط على خانة Credit Card راح تطلع البطاقة الي اضفتها ونفس الشيء للعناوين

رابط الشرح: https://support.google.com/chrome/an...DDesktop&hl=ar


بعدها بوديك لصفحة الشحن في عندك خيارين واحد مجاني من 7-10 ايام والثاني شحن اليوم الثاني ب 30 دولار وهنا اختار الي يعجبك
بعدها في تحت خيار اسمه next page
اضغطه بسرعه ورا بعض لين يستجيب لك ويوديك للصفحة الثانية (لان الموقع راح يكون معلق وعليه اضغط وقت تنزيل الكروت)


ممكن يجيك ERROR 503 صفحة بيضاء في خطوة من الخطوات

لاتقفل الصفحة اذا جاك 503 فقط اضغط CTRL+SHIFT وبعدها حرف R(خلي اصابع على CTRL+SHIFT) واضغط R اذا تحدثت الصفحه ورجع 503 اضغط مره ثانية وانتظر يحمل وعيدها اكثر من مره لين يروح
ولما يروح ERROR 503 راح يوديك للخطوة الي بعدها لاتشيل هم كل شيء تمام واستمر عادي


بعدها بيوديك لصفحة PLACE ORDER الي هو البوس الاخير وتختم الشريط ههههه





هنا قبل ماتضغط PLACE ORDER سوي حفظ لرابط الصفحة عشان لو ضغطت PLACE ORDER وسار شيء وماتمت عملية الشراء تقدر تسوي لصق للرابط وتروح مباشرة للصفحة هذي بدون ماترجع للخطوات الي قبل لان راح يضيع وقتك فيها

ملاحظة: لو ضغطت PLACE ORDER ووداك للصفحة الرئيسية وماسحبو فلوس من بطاقتك ولا صار شيء اعرف هنا ان المخزون خلص حتى لو كان فيه شعار ADD TO CART على الكروت لكن حاب تحاول ثاني سوي لصق للرابط وراح يوديك لصفحة الشراء ثاني وتقدر تجرب


تنبيه مهم: اطلب فقط كرت واحد لان لو طلبت اكثر من كرت حتى لو دفعت الفلوس راح يكنسلون طلبك وبعدها ترجع لك فلوسك


5- انضم الى ديسكورد fixit (تنبيهات الديسكورد اسرع من البث)وخل البث المباشر شغال

رابط البث المباشر:


البث يعطيك تنبيه بمجرد مايكون اي كرت في المخزون وطبعا مو حصري على amd فقط لكن يعطيك تنبيهات عن مواقع ثانية كثير




طرق اضافية للشراء بالسعر الرسمي:

متجر Newegg (الاسهل بالنسبة للشرق الاوسط) مع انه يزود 100-200 دولار للكرت بالمتجر السعودي مقارنة بالامريكي لكن مازال ارخص من سعر السوق المحلي
للمعلومية Newegg السعودي للاسف اغلى من الامريكي لكن الامريكي صعب صعب صعب جدا الان تشتري كرت عن طريقة لكن السعودي مرة سهل والاسبوع هذا فقط شفت 3 كروت بالمخزون 2 قيقابايت 3070 4000ريال وايضا اوروس 3070 ب 4300

لكن انا مثل ماقلت لكم
Newegg للاسف مستغل السوق السعودي ومايبيع بالاسعار الرسمية
مثال: كرت 6700xt سعره الرسمي مع الضريبة السعودية من دون رسوم الشحن 2070 ريال لكن Newegg السعودي يبيعه ب 2496 يعني فرق 426 ريال
موعد نزول المخزون: من يوم الاثنين الى يوم الجمعة من الساعة 7 مساء الى 9 مساء ممكن ينزل الكرت ب اي لحظة وايضا منتصف الليل الساعة 12
اذا حاب تشتري من الامريكي بسعر ارخص افضل حل لك انك تحول حسابك في Newegg من سعودي الى امريكي عن طريق العلم الي على اليمين وبعدها تخش القرعة
https://www.newegg.com/product-shuffle

حول حسابك للستور الامريكي قبل تضغط على الرابط لان القرعة فقط على الستور الامريكي

تبدا كل يوم من 8 المساء الى 10 المساء بتوقيت السعودية والنتائج الساعة 12:15 بعد نص الليل لو ماجاك ايميل منهم اعرف انك مافزت بالقرعة
لو فزت بيجيك ايميل منهم وطبعا راح تحصل الكرت في السلة بنيوايق(الامريكي) عندك ساعتين عشان تشتري فقط ولا ينحذف من السلة طبعا تقدر تحط عنوانك من Stackry اذا فزت وتشحن عليهم ورسومهم قريبة من رسوم Newegg
السحب من الاثنين الى الجمعة بشكل شبه يومي ( مافي سحب بالويكند)
كل يوم الساعه 8 المساء تتجد اللائحة ويفتح الاشتراك من جديد ويقفل الساعة 10

Newegg السعودي: الرابط جاهز بالفلتر مايحتاج تعدل شيء

https://www.newegg.com/global/sa-en/...=graphics+card

وايضا ابغاك تاخذ بالك من الكلمات والاعلانات الي تجي على يمين الشعار Newegg "مكتوب بالصورة RTX 30 & 6000 Series " وهذي الكلمات تتحدث كل يوم
ليش؟
لان لاحظت اوقات Newegg يكون عندها روابط خاصة بمخزون خاص
مثال: اليوم ضغط الرابط الي فوق وماطلع شيء لكن لما ضغطت RTX 30 & 6000 Series طلعت الكروت الي بالصورة تحت مع العلم اني لما رجعت للرابط فوق الكروت برضو ماكانت موجودة وماطلعت الا بعد 10 دقائق الى 15 دقيقة من لحظة اكتشافي ان فيه كروت نازلة بطريقة سرية .. اتوقع Newegg تنزل الكروت بروابط جديدة خاصة زي كذا عشان م احد يقدر يشغل عليها برامج ويشتري كل المخزون والله اعلم




مكتبة جرير: اكتب كرت شاشة بالبحث وراح تطلع لك كل الكروت الموجود وللمعلومية مكتبة جرير تبيع الكروت بالمتجر الالكتروني فقط ومايبيعو بالمحل لكن نادر ينزلو شيء
https://www.jarir.com/catalogsearch/...A7%D8%B4%D8%A9

واخيرا امازون السعودي:

اول حاجة ينصح بالتسجيل في امازون برايم عشان يعطوك شحن مجاني وتوصيل خلال يوم واحد او يومين مع تويتش برايم وبرايم فيديو(منصة شبيهه ل نتفليكس) ايضا
مع العلم يعطونك شهر مجانا وتقدر تلغيه في اي وقت وبعد الشهر المجاني الرسوم 16 ريال بالشهر تشمل التوصيل المجاني+تويتش برايم+برايم فيديو
https://www.amazon.sa/prime?primeCam...0621_514848821

بالنسبة لامازون السعودي ماله وقت عشوائي لكن لو فيه كرت جديد بينزل من نيفديا راح تحصله بالموقع يوم الاصدار او بعدها بيومين ف الله يعينك تتابعه كل 2-3 ساعة
عشان اسهل عليك الطريقة روح للكروت الي انت تبغاها وسوي لها اضافة الى القائمة وراقب كل الكروت من صفحة القائمة الخاصة بك بدل ماتروح للكروت كرت كرت
الي لاحظته ان امازون السعودي يبيع فقط كروت من شركة Colorful وايضا كروت من شركة INNO3D
الكروت الباقية غالبا تبائع من طرف ثالث (بائع على امازون)

https://www.amazon.sa/s?i=computers&...f_=as_li_ss_tl

https://www.amazon.sa/s?i=computers&...f_=as_li_ss_tl

https://www.amazon.sa/s?i=computers&...f_=as_li_ss_tl

شرح موقع زوتاك (كروت نيفديا): https://www.adslgate.com/dsl/showthread.php?t=2619390

بالنهاية اتمنى اكون افدتكم وسامحوني على اي قصور وراح يتم تحديث الموضوع في حال وجدت طرق اخرى لشراء الكروت

بالنسبة ل Stackry مو شرط فقط كروت شاشة لكن تقدر تشتري قطع ثانية او اشياء انت تبغاها من امريكا وعندهم خدمة تجميع وايضا موقعهم بالعربي وبالانجليزي وسهل جدا




قوانين بسيطة اتمنى نتبعها كلنا:
1- التعليقات والردود ليست للنقاش والجدال
2-احترام جميع الاطراف سواءا كانو بائعين او معدنين او لاعبين ورايك بخصوص المعدنين والبائعين و اللاعبين اطرحه في نقاشات اخرى وليس هنا
3- عدم ارسال رسائل على الخاص نهائيا وهذا كان سبب حذفي الموضوع السابق وهو كثرة الرسائل على الخاص


كل دروبات AMD من بداية 2021 بتوقيت السعودية (تحدث كل اسبوع)

الخميس 7/1- 6:34 مساء
الخميس 21/1- 6:08 مساء
الخميس 28/1- 6:50 مساء
الخميس 4/2- 7:02 مساء
الخميس 11/2-6:37 مساء
الخميس 18/2- 5:46 مساء
الخميس25/2-6:29 مساء
الخميس 4/3- 6:35 مساء
الخميس 11/3- 6:39 مساء
الخميس 18/3-7:04 مساء
الخميس 25/3- 8:35 مساء
الخميس 1/4- 9:31 مساء
الخميس 8/4- 7:36 مساء
الجمعة 16/8- 10:05 مساء
الاربعاء 21/4- 8:45 مساء
الخميس 29/4-6:31 مساء

 

 



التعديل الأخير تم بواسطة E7tmal ; 02-05-2021 الساعة 09:12 PM.
E7tmal غير متصل  
أشكر صاحب الموضوع رد مع اقتباس
56 عضواً يشكرون E7tmal للفائدة التي وجدوها في هذا الموضوع

قديم 18-04-2021, 12:02 AM #3
فلان الفلاني
مبدع
 
الصورة الرمزية فلان الفلاني
 



افتراضي مشاركة: كيف تشتري كرت شاشة بالسعر الرسمي AMD





مواضيع مثل هذي هي سبب بقاء البوابة الرقمية صامدة من ٢٠٠٢ الى ٢٠٢١

 

 

التوقيع




فلان الفلاني غير متصل  
54 Yes No
رد مع اقتباس

قديم 20-04-2021, 04:51 AM #5
white16red
نشيط
 
الصورة الرمزية white16red
 



افتراضي رد: كيف تشتري كرت شاشة بالسعر الرسمي AMD





عندي سؤالين
هل موقع Stackry يشحن عالمي ؟
وهل جربت تتعامل معهم في الشحن ؟

 

 


white16red غير متصل  
Yes No
رد مع اقتباس

قديم 20-04-2021, 07:52 PM #6
يا عني أني
مشارك
 
الصورة الرمزية يا عني أني
 



افتراضي رد: كيف تشتري كرت شاشة بالسعر الرسمي AMD





موقع best buy جربت اشتري منه كتجربه ,يتم الطلب لكن بعد دقيقه ينلغي وترجع فلوسك
هل احد جرب يشتري كرت من امازون السعودي؟ كم تجلس الكروت متوفره؟
في امازون الامريكي الكرت يجلس اقل من 5 ثواني ويخلص

 

 




يا عني أني غير متصل  
Yes No
رد مع اقتباس

قديم 21-04-2021, 06:05 AM #7
roma for ever
مشارك
 
الصورة الرمزية roma for ever
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
يا عني أني
موقع best buy جربت اشتري منه كتجربه ,يتم الطلب لكن بعد دقيقه ينلغي وترجع فلوسك
هل احد جرب يشتري كرت من امازون السعودي؟ كم تجلس الكروت متوفره؟
في امازون الامريكي الكرت يجلس اقل من 5 ثواني ويخلص


انسى البوتات بلمح البصر تشيل الكروت مايمدي راعي الكرت يسوي اضافه الا طاير الكرت

 

 

التوقيع
حسبنا الله سيوتينا الله من فضله إنا الى ربنا راغبون
سبحان الله وبحمده - سبحان الله العظيم



roma for ever غير متصل  
Yes No
رد مع اقتباس

قديم 21-04-2021, 11:04 AM كاتب الموضوع #8
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
white16red
عندي سؤالين
هل موقع Stackry يشحن عالمي ؟
وهل جربت تتعامل معهم في الشحن ؟

موقع Stackry يعطيك عنوان ف امريكا ويستلم الشحنة ويشحنها لك دي اتش الي او فيدكس او ارامكس على حسب رغبتك
انا شحنت عن طريقهم ممتازين الكرت وصل الظهر 12 بتوقيتهم وجهزوه للشحن الساعة 1 الظهر ورفعت طلب شحن و الساعة 4 العصر نفس اليوم الشحنة استلمتها دي اتش ال 5 ابريل DHL استلمو الكرت من Stackry و 7ابريل استلمت الكرت من مكتب دي اتش ال بالمدينة

الشحنة وصلت بدون اي اضرار نهائيا المقاس: 14x12x4 انش كلف تقريبا 63 دولار

دفعت قيمة مضافة 280 ريال (15% من قيمة الكرت) لما استلمت الكرت من دي اتش ال
وايضا 30 ريال رسوم اصدار بيان جمركي

 

 


E7tmal غير متصل  
Yes No
رد مع اقتباس

قديم 21-04-2021, 11:10 AM كاتب الموضوع #9
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
يا عني أني
موقع best buy جربت اشتري منه كتجربه ,يتم الطلب لكن بعد دقيقه ينلغي وترجع فلوسك
هل احد جرب يشتري كرت من امازون السعودي؟ كم تجلس الكروت متوفره؟
في امازون الامريكي الكرت يجلس اقل من 5 ثواني ويخلص


بالنسبة لامازون السعودي انت طبعا لاتنظر لاي كرت يباع ويشحن من بائع غير امازون

وبالنسبة للبوتات صراحة ما لاحظت امازون السعودي فيه بوتات لكن الطلب عالي يعني سواء كان ببوتات او بدون الكرت ماراح يطول ابدا

وقت صدور كرت 3060 امازون نزلو كرتين واحد 3 مراوح ب 2699 جلس تقريبا اكثر من اسبوع الى اسبوعين لان وقتها مافكو حظر التعدين على 3060
وكرت 3060 ب 2499 جلس تقريبا اسبوع وبعدها نفذ من المخزون بس امازون جابت دفعه ثانية ب اسبوع لكن الدفعة الثانية خلصت تقريبا ب باقل من يوم والسبب ان الرابط انتشر والناس كانت تراقب وكان يمديك تطلب حتى والكرت مو ف المخزون

وفيه كرت 3070 ب4500 تقريبا جلس تقريبا اقل من يوم


طبعا اذا شفت اي كرت ب امازون وعجبك وشفت انه طلب مسبق
او يجيك مثلا نفذ من المخزون مؤقتا هنا نصيحتي لك اطلب لان اغلب الي يطلبو يحصلو على كروتهم خلال اسبوعين كحد اقصى وبعضهم اسبوع

 

 



التعديل الأخير تم بواسطة E7tmal ; 21-04-2021 الساعة 11:12 AM.
E7tmal غير متصل  
Yes No
رد مع اقتباس

قديم 21-04-2021, 04:56 PM #10
aboahmmedd
بارز
 
الصورة الرمزية aboahmmedd
 



افتراضي رد: كيف تشتري كرت شاشة بالسعر الرسمي AMD







والله حرام



كرت 6700xt بالسعر الرسمي 480 دولار (1800 ريال سعودي)


تحديث: وصل الكرت والتكلفة الاجمالية 625 دولار مع الشحن والقيمة المضافة
يعني 2345 ريال تقريبا






الضرايب فوق 400 ريال



المواطن مخنوق من 15% + جمارك

 

 

التوقيع


aboahmmedd غير متصل  
8 - 4 Yes No
رد مع اقتباس

قديم 21-04-2021, 05:10 PM #11
kloza
PC ELITE TEAM
 
الصورة الرمزية kloza
 



افتراضي رد: كيف تشتري كرت شاشة بالسعر الرسمي AMD





فعلا شرح رائع وممتع اشكرك

منك استفدت

الطريقه وفرت علينا الكثير

 

 

التوقيع



kloza غير متصل  
Yes No
رد مع اقتباس

قديم 21-04-2021, 09:25 PM #12
etoo_sa
مشارك
 
الصورة الرمزية etoo_sa
 



افتراضي رد: كيف تشتري كرت شاشة بالسعر الرسمي AMD





موضوع ومجهود مميز

 

 




etoo_sa غير متصل  
Yes No
رد مع اقتباس

قديم 21-04-2021, 09:31 PM #13
يا عني أني
مشارك
 
الصورة الرمزية يا عني أني
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
E7tmal
بالنسبة لامازون السعودي انت طبعا لاتنظر لاي كرت يباع ويشحن من بائع غير امازون

وبالنسبة للبوتات صراحة ما لاحظت امازون السعودي فيه بوتات لكن الطلب عالي يعني سواء كان ببوتات او بدون الكرت ماراح يطول ابدا

وقت صدور كرت 3060 امازون نزلو كرتين واحد 3 مراوح ب 2699 جلس تقريبا اكثر من اسبوع الى اسبوعين لان وقتها مافكو حظر التعدين على 3060
وكرت 3060 ب 2499 جلس تقريبا اسبوع وبعدها نفذ من المخزون بس امازون جابت دفعه ثانية ب اسبوع لكن الدفعة الثانية خلصت تقريبا ب باقل من يوم والسبب ان الرابط انتشر والناس كانت تراقب وكان يمديك تطلب حتى والكرت مو ف المخزون

وفيه كرت 3070 ب4500 تقريبا جلس تقريبا اقل من يوم


طبعا اذا شفت اي كرت ب امازون وعجبك وشفت انه طلب مسبق
او يجيك مثلا نفذ من المخزون مؤقتا هنا نصيحتي لك اطلب لان اغلب الي يطلبو يحصلو على كروتهم خلال اسبوعين كحد اقصى وبعضهم اسبوع


4500 السعر من امازون نفسه؟! صراحه سعر مره مرتفع يزيدونها 500 ويبيعون بحراج احسن

انا امس قدرت اطلب 3060 Inno3D (غير متوفر بالمخزون) بسعر 2820 البائع امازون
ما ادري اش خلو لكروت ال 3070 و 3080 بالاسعار هذي

مازال عندي امل احصل 3070 ب حول ال3000 في امازون السعودي...

 

 




يا عني أني غير متصل  
0 - 1 Yes No
رد مع اقتباس

قديم 22-04-2021, 04:11 AM كاتب الموضوع #14
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





للاسف AMD نزلو الكروت اليوم الساعة 9 و محد كان منتبه لها

كثير يقول انه كان اختبار فقط ويتاكدو ان الموقع شغال والي انباع كان فقط كمية بسيطة
والكمية الكبيرة راح تكون يوم الخميس او الجمعة
وان الدروب اليوم كان فقط على الكروت الي تكنسلت الاسبوع الماضي

بمعنى موعدنا ان شاء الله من الساعة 7 او بعد الفطور الى الساعة 11 الخميس والجمعة هذا الاسبوع
لكن بالنهاية لا أحد يرفع سقف اماله فوق لان ممكن يكون هذا الدروب الوحيد للاسبوع والله اعلم

معلومة مهمة: الي يبغى كرت 6800xt يختار كرت 6800xt midnight edition لان الكرت ماله 3 اسابيع وطبيعي يصنعوه بكميات اكبر من الكروت الثانية

 

 



التعديل الأخير تم بواسطة E7tmal ; 22-04-2021 الساعة 05:13 AM.
E7tmal غير متصل  
Yes No
رد مع اقتباس

قديم 22-04-2021, 06:31 AM #15
مشاعر الالم
فعال
 
الصورة الرمزية مشاعر الالم
 



مشاعر الالم @Twitter
افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
E7tmal
للاسف AMD نزلو الكروت اليوم الساعة 9 و محد كان منتبه لها

كثير يقول انه كان اختبار فقط ويتاكدو ان الموقع شغال والي انباع كان فقط كمية بسيطة
والكمية الكبيرة راح تكون يوم الخميس او الجمعة
وان الدروب اليوم كان فقط على الكروت الي تكنسلت الاسبوع الماضي

بمعنى موعدنا ان شاء الله من الساعة 7 او بعد الفطور الى الساعة 11 الخميس والجمعة هذا الاسبوع
لكن بالنهاية لا أحد يرفع سقف اماله فوق لان ممكن يكون هذا الدروب الوحيد للاسبوع والله اعلم

معلومة مهمة: الي يبغى كرت 6800xt يختار كرت 6800xt midnight edition لان الكرت ماله 3 اسابيع وطبيعي يصنعوه بكميات اكبر من الكروت الثانية


تنصحني اجلس صاحي اقاوم النوم لين 7 اشوف لو نزل شي ؟؟

 

 

التوقيع
توقيع مخالف



مشاعر الالم غير متصل  
Yes No
رد مع اقتباس

قديم 22-04-2021, 08:41 AM كاتب الموضوع #16
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
مشاعر الالم
تنصحني اجلس صاحي اقاوم النوم لين 7 اشوف لو نزل شي ؟؟

انا اقصد 7 المغرب مو 7 الصباح اخوي نام وقوم وافطر وعلى 7 ونص افتح البث والديسكورد وموقع amd وان شاء الله قبل 11 الليل يكونو نزلو كروت واذا مانزل شيء الجمعة نفس الوقت ان شاء الله

 

 


E7tmal غير متصل  
Yes No
رد مع اقتباس

قديم 22-04-2021, 10:33 AM كاتب الموضوع #17
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
aboahmmedd


والله حرام








الضرايب فوق 400 ريال



المواطن مخنوق من 15% + جمارك

استاذي للتوضيح الضريبة 15% كانت فقط 280 ريال
رسوم اصدار بيان جمركي 30 ريال
بعض الشركات الاخرى ماتاخذ رسوم اصدار بيان جمركي
مع العلم انه لايوجد رسوم جمركية على منتجات وقطع البي سي وهي معفاة من قبل الدولة لدعم التطور التقني بالبلد
رسوم الشحن خلال يومين 236 ريال dhl وكان فيه ارامكس ارخص لكن خلال 5-10 ايام والفرق اتوقع 40 ريال

بالنهاية 2350 ريال في الكرت صراحة مبلغ ممتاز ماتحصله حاليا حتى لو كنت ب امريكا

بالنهاية اتمنى مثل هذي التعليقات ماتتكرر عشان مانبعد عن الهدف من الموضوع ومثل ماوضحت بقنوانين الموضوع يفضل الابتعاد عن النقاشات الي مالها صلة بالموضوع

الموضوع عن كيف تشتري كرت بالسعر الرسمي وليس الضرائب والقيمة المضافة والخ

لكن رديت عليك عشان اوضح لك كم الرسوم الكلية على الكرت لانك كتبت 400 وهذا غلط اجمالي الضريبة 15% كان 280 ريال فقط و30 ريال بيان جمركي الي اساسا من dhl واغلب الشركات ماتدفعك رسوم بيان جمركي لكن يعتبر حق من حقوقهم

 

 


E7tmal غير متصل  
4 - 3 Yes No
رد مع اقتباس

قديم 22-04-2021, 05:00 PM #18
itzhmod
مشارك
 
الصورة الرمزية itzhmod
 



افتراضي رد: كيف تشتري كرت شاشة بالسعر الرسمي AMD





هل مواقع مثل bestbuy و bhphotovideo يقبلون العنوان الشحن حق Stackry ؟

 

 

التوقيع
قال تعالى : {الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ (28)}

لا إله إلا الله

سبحان الله والحمدلله ولا إله إلا الله والله أكبر

أستغفر الله الذي لا إله إلا هو الحي القيوم وأتوب إليه



itzhmod متصل الآن  
Yes No
رد مع اقتباس

قديم 22-04-2021, 07:29 PM كاتب الموضوع #19
E7tmal
نشيط
 
الصورة الرمزية E7tmal
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
itzhmod
هل مواقع مثل bestbuy و bhphotovideo يقبلون العنوان الشحن حق Stackry ؟

best buy مايقبل شركات الشحن بشكل عام وبالنسبة لموقع bhphotovideo يشحن مباشرة للسعودية DHL

 

 


E7tmal غير متصل  
1 Yes No
رد مع اقتباس

قديم 22-04-2021, 10:11 PM #20
itzhmod
مشارك
 
الصورة الرمزية itzhmod
 



افتراضي رد: كيف تشتري كرت شاشة بالسعر الرسمي AMD





مشاهدة المشاركة الأصلية
E7tmal
best buy مايقبل شركات الشحن بشكل عام وبالنسبة لموقع bhphotovideo يشحن مباشرة للسعودية DHL


شكرا لك

الكرت توفر في جرير عن طريق الرابط الي حاطه في الموضوع

 

 

التوقيع
قال تعالى : {الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ (28)}

لا إله إلا الله

سبحان الله والحمدلله ولا إله إلا الله والله أكبر

أستغفر الله الذي لا إله إلا هو الحي القيوم وأتوب إليه



itzhmod متصل الآن  
Yes No
رد مع اقتباس

إضافة رد

أدوات الموضوع

الانتقال السريع


الساعة الآن 01:03 PM.