الغاء نظام الكفيل
banner
2020-11-07 , 11:46 مساءً
alslaten’s Avatar
alslaten

نشيط

المشاركات:796
التسجيل:Mar 2007
alslaten
لن يتغير شي ويمكن يزيد التستر نظام الكفالة = عقد عمل مثل ماكان يدفع للكفيل سيدفع مقابل العقد عشان يجدده له يعني ماسوينا شئ
اللي تغير انه يسافر على كيفه بدون مايرجع لصاحب العمل ولكن سيكون هناك ضوابط وحماية لصاحب العمل وسيكون هناك شرط جزائي اذا ترك العمل قبل نهاية العقد
2020-11-07 , 11:46 مساءً
2020-11-07 , 11:49 مساءً
قيس الواصل’s Avatar
قيس الواصل

نشيط

المشاركات:945
التسجيل:Sep 2009
قيس الواصل
فيه جزئية مع هذا القرار الاخير بصراحة ماوضحت لي
وهي ان العامل يستطيع ان يصدر لنفسه تأشيرات مباشرة من خلال حسابه في ابشر

ولكن كيف هل الموظف فعليا مسؤول عن هذي الرسوم
لأن الوزارة ماقبل هذا القرار تكفل للعامل رسوم التأشيرات حتى شهرين على الشركة
اقصد السفر السنوي
2020-11-07 , 11:49 مساءً
2020-11-08 , 10:25 صباحاً
m3gb’s Avatar
m3gb

فعال

المشاركات:1367
التسجيل:Jun 2009
m3gb
sasoke كتب:


بسم الله ما شاء الله عليك دائماً تبهرني بتعليقاتك الحلوه، صرت ايقونة القسم بالاستفزاز !!
صرت اعرف انك كاتب شي مستفز بمجرد ما اشوف اسمك بالموضوع، لدرجة تشتت الواحد عن التعليق على الموضوع نفسه.

الزبدة اتمنى انك قاعد تستهبل ، لأن اذا فعلاً هذي عقليتك ، فهذي والله مصيبة عليك وعلى اللي حولك.
والله يكفي أي انسان شر ان يكون تحت سلطتك.


هذا واقع لازم تتقبله .. سواء كتب في المنتدي او محد كتبه فهو موجود وبالمقابل ان قدرت تحاربه فحاربه
وانت تتكلم عن اكل اموال الناس فايش رايك لو سميناها رسوم ؟ :63: بتختلف نظرتك
كثير يكتبو عن المثاليه لكن ارض الواقع شي مختلف
2020-11-08 , 10:25 صباحاً
2020-11-08 , 02:09 مساءً
LeHso’s Avatar
LeHso

نشيط

المشاركات:1050
التسجيل:Sep 2016
LeHso
may serm كتب:
اتقي الله في نفسك
مستفيد ومسوي لك دخل اضافي
ما عاد يفرق معك لا حلال ولا حرام ؟

تاكل مال العامل بالباطل ومبسوط بالدخل الاضافي
والسبب ايش ؟ عشانك كفيله بس
عشانك كفيله لازم يدفع لك
فعلا نظام عبودية


لو تشوف بعض ردوده ، بتعرف انه الحلال والحرام في ناحية وهو بناحية ثانية

الله يهديه ولا يبلانا
2020-11-08 , 02:09 مساءً
2020-11-08 , 02:37 مساءً
إعبدالعزيز’s Avatar
إعبدالعزيز

مشارك

المشاركات:109
التسجيل:Mar 2015
إعبدالعزيز
Eyad 7 كتب:
[INDENT][INDENT][INDENT]ما اطلعت على النظام الجديد، ولا أدري وش التغييرات اللي فيه، لكن نظام الكفالة هو نظام عبودية بشكل جديد، وما بني على باطل فهو باطل، ولا أساس شرعي له ولا قانوني ولا عرفي.

وأنا أختلف معاك في مسألة أن إلغاء القانون راح يضر المواطن، بل بالعكس لو عمل بشكل صحيح فراح ينفع المواطن، لأنه راح يخفف من المصاريف اللي يدفعها العامل لكفيله، واللي هي عبارة عن صك للسماح بالعمل، فتحصل شخص (الكفيل) يجيه مبلغ شهري معين فقط لأنه ولد في بلد معين، وله فقط حق العمل بها، بينما الشخص اللي يكرف ليل ونهار (العامل) يضطر يدفع مبالع شهرية لهذا الكفيل فقط عشان يسمح له يعمل بالبلد. يعني بالنهاية شخص يكرف ليل ونهار وبالأخير يعطي جزء من راتبه لشخص منبطح وما عمل أي شي فقط عشانه من جنسية هذا البلد.

مثال: أعرف عامل (مهني) يطلب منه كفيله 5 الآف ريال شهريا، ولو ما جابها طرده برا البلد. وبما أن الكفيل هو اللي في يده كل الصلاحيات مثل زيادة المبلغ المطلوب، طرد العامل وتسفيره، فالعامل مو قادر يتناقش معاه، ولو فكر يلجأ بالقضاء فراح يسفر قبل ما ينظر في أمره، لذلك بالأخير يضطر يرضخ ويدفع هذا المبلغ. حتى لو كان المبلغ هذا مطلوب في زمن توقف فيه الشغل بشكل كامل (فترة الحظر في كورونا)، الكفيل قال له جب لي المبلغ ولا شل عفشك واطلع. فبالله هل ترضى تشتغل تحت هذه الأوضاع والشروط؟

من الحاجات الغريبة اللي لاحظتها هي كثرة شكاوى الناس عن التعطيل (العطالة) وكيف أن التجار ما يخافون الله وما يوظفوا عيال البلد. لكن الغريب أني أجد العاطلين والتجار أنفسهم (إلا من رحم ربي) يعاملون العمالة الوافدة بشكل سيء، ويرون أنهم سبب المشكلة. لكن السؤال هو: إذا التاجر ما احترم كون أن العامل هذا انسان، وجزء كبير منهم اخواننا في الاسلام، ولم يحترم ظروف العمل القاسية اللي يعمل بها، ولم يحترم حقيقة أن الراتب قليل مقارنة مع غلاء المعيشة المرتفع يوم بعد يوم، فكيف تتوقع أنه يستحي على وجهه ويوفر لك كمواطن وظيفة في حين أن راتب الوافد خمس أو سدس راتبك؟؟

التعليل بأننا عيال بلد واحدة والمفروض يهتم بنا تحليل عاطفي صبياني لا أساس له، ولو تشوف أي دولة تم فيها إما فتح باب العمالة الوافدة، أو تم فتح باب نقل الأعمال التي تتطلب جهد بشري كبير (مثل التصنيع) للخارج، فالمتضرر الأول والأخير هو المواطن، وما فيه أي تاجر أو رجل أعمال راح ينظر لك بعطف لمجرد أنك ابن بلده، لأن أغلبهم لو خير بين زيادة الأرباح أو شي آخر، لاختار زيادة الأرباح.

البلاء كله جاي من الأنظمة، التجار والعمالة وغيرهم استغلوا الثغرات القانونية لمصالحهم الشخصية (ولو كنت أنت مكانهم لفعلت نفس الشي)، والضحية هو المواطن لأنه ما عنده امكانيات التاجر، وما عنده بلد ثاني (رخيصة فيه المعيشة) يرجع لها بعد شغله، لذلك قاعد في حلقة مفرغة تصعب عليه حياته يوم بعد يوم.
[/INDENT][/INDENT][/INDENT]


[INDENT] معقوله 5 الاف شهريًا حسبي الله ونعم الوكيل! [/INDENT]
2020-11-08 , 02:37 مساءً
2020-11-08 , 04:54 مساءً
Eyad 7’s Avatar
Eyad 7

فعال

المشاركات:1187
التسجيل:Sep 2017
Eyad 7
[INDENT][INDENT][INDENT]
code finder كتب:
[SPOILER]






اولا انا لست صاحب عمل او عندي عمال , انا عندي عمالة منزلية و جايبين لي المرض

ثانيا : ليش البعض مسميها عبودية , هل هي فعلاً عبودية ام مجرد كلام في الاعلام الخارجي و بس , العامل عندنا ماخذ حقوقه كاملة مكملة و اذا اشتكى على كفيلة في وزارة العمل اخذ حقه بالكامل , العامل يجي من دولته و على كفيله الان كل شيء من توفير سكن , علاج و حتى تذاكر الطيران ( لعلمك تذاكر الطيران تكلف بين 3500 الى 5500 ريال حسب الدولة و الموسم ) .

الف عامل او 100 الف مو معناها في عمالة سائبة و كانكم نسيتم حج و لم يعد

من ناحية الجانب الامني , لو ان العامل اقلها سرق مبلغ و في نفس اليوم حجز تذكرة و مشى فمن سيعيد حقي فما بالك بالجرائم الاخطر .

ارتفاع الضرائب و الخدمات و الكهرباء ادت الى سفر الكثير من العمالة , لكن اذا ضمن العامل دخل شهري ثابت ( من خلال عقد ) هل بيسافر ؟

نرجع للنقاط التي ذكرتها

1 - مبلغ 5000 ريال انت ذكرته في مشاركتك السابقة و الشخص الذي يستطيع دفع هذا المبلغ اكيد دخله الشهري اكبر , وهذا الشخص لا يعتبر مقياس ابدا و لا اعلم لماذا ذكرته بالذات !!!!
ليس كل الكفلاء سوا و العمال ايضا

2 - الفيزا مدتها 3 اشهر بعدها اذا ما حصل عمل يرجع بلده و يقدم من جديد , و طبعا النظام مو واضح الى الان

3 - الانتاجية و الاداء بيتغير , اذا كان العامل مجرد موظف براتب فراح يكون عمله 8 ساعات و بيقزر ال 8 ساعات زي ما يكون او ان يشتغل الاوفر تايم و بعدها بتزيد التكاليف علي انا كمواطن غير ان شغلي بيتاخر بعكس الان , لان فيه تنافس بين العمالة فتلقاهم شغالين من 7 صباحا الى 7 مساءً و يعطون اسعار منافسة و وقت انجاز اسرع , طبعا هذا ممكن يتغير على حسب ما يتضح من النظام

4 - في مهن ما لها شهادة , مثل مهن البناء , و كثير من الشركات تدرب عمالها او العمال يتدربون مع ابناء جنسياتهم في نفس المهنة , هل رايت تدريب او شهادة على منهة الصبغ ( دهان ) معظمها هنا تقدمها الشركات للعمالة الوافدة على شان يمشي شغلها .

اوروبا و امريكا تعاني من العمالة و العمالة تعاني فالموضوع واحد بمسميات مختلفة


5 - ما يحتاج جيل خامس ( و استهزاء ) كل مهنة و لها اسرارها مثل المطاعم و المخابز و محلات القهوة و الكهرباء و السباكة هذا غير صيانة السيارات و التكييف و غيرهم , و على فكرة فنجان القهوة الذي يجذب الكثيرين الى نفس المقهى له طريقة اعداد من الصفر حتى يصل اليك


الان بتتغير اشياء كثيرة

* كصاحب عمل لست مسؤول عن سكن العامل و ممكن يكون من ضمن العقد بدل سكن و هنا بترتفع اسعار المساكن اذا كانت لعمال و هذه نفس المشكلة في الخارج و ايضا بتكون احياء موجه للعمالة و هنا مشاكل الجانب الامني

* كصاحب عمل لست مسؤول عن سفر العامل و هنا تجي مشاكل الجانب الامني

* بيرتفع سوق التامين الطبي لان العامل مسؤول عن نفسه

* العامل مسؤول عن تنقله الى مقر عمله ( زيادة تكاليف )

* العامل بيحاول يبحث عن عمل اضافي ( مشاكل جديدة )




انا لست مع او ضد النظام القديم او الجديد , انا مع ما يضمن لي حقوقي كصاحب عمل او مستفيد

[/SPOILER]
مشكلتك تنظر للأمور بشكل تخيلي وما تشوف عواقبها على أرض الواقع، يعني مثلا تقول العامل يقدر يشتكي لمكتب العمل لو انظلم، المواطنين الشغالين مع الشركات مو قادرين يشتكونهم على مكتب العمل خوفا من الفصل والتطفيش والترصد وغيرها من الإجراءات، فما بالك بالأجنبي؟؟

ونفس الكلام لما تجي تقول الكفيل متكفل بكل شي مثل التذاكر والتأمين وغيرها، الكلام هذا غير صحيح تماما. فيه كفلاء عيال حلال فعلا متكفلين بالأمور هذي كلها، لكن فيه كفلاء يطلع هذي الرسوم والمستلزمات من ظهر العامل، يعني يجي يقول له عطني مبلغ تامينك، او مبلغ تجديد إقامتك، أو مبلغ تذاكر سفرك. وبما أن العامل ما فيه بيده أي كروت، فراح يضطر يرضخ لما يقوله له الكفيل.

حلوة سالفة إذا ضمن العامل دخل شهري فما راح يسافر، تخيل لو أنك مكانه، هل ترضى تشتغل بوظيفة ما لها دخل شهري محدد؟؟ ياخي هذي أبسط حقوق العمل، وهي أن تثمن السلعة اللي تقدمها بقيمة عادلة، وأنت تشوف هذا شي غلط؟؟

بعدين مين قال لك أن خروج العمالة أمر ممتاز؟؟ راح يكون ممتاز لو فيه مواطنين يمسكون وظائفهم، لكن لما يكون عندك 10 الاف بناء، ويطلعوا 5 الاف منهم، فوقتها أسعار خدمات الباقين راح ترتفع لأن الطلب هو نفسه، لكن العرض قل، وبالتالي راح ترتفع الأسعار على الجميع. وأي شخص شغال في أي مجال يعتمد بشكل كبير على الأيدي العاملة مثل البناء، السباكة، الكهرباء، وغيرها يعرف قد ايش ارتفعت أسعارهم بسبب تطبيق الرسوم الأعمى هذا.

وزي ما قلت الموضوع كان، وبكل غباء، يرجى منه تخفيف كمية الحوالات للخارج، لكن الحوالات هي نفسها ما نقصت. لأن العامل صار يطلع الرسوم اللي جات عليه من جيب المواطن.

بالنسبة لسالفة الشخص اللي ياخذ منه كفيله 5 الاف، ما يهم المبلغ، إن شاء الله لو ياخذ منه ريال واحد، بأي حق ياخذه؟؟ فقط عشانه أعطاه صك عمل بأرض الله؟؟ هذا زي نظام المافيا اللي تدور على المحلات وتقول عطونا نسبة كل شهر ولا نخرب المحل، الكفيل اللي يسوي كذا يقول نفس الشي، عطني الرسوم اللي ابيها ولا راح اسفرك.

ولما تفكر بتبعات القرار فراح تكتشف أنه ضار، لأنه يخدم فئة قليلة فقط (الكفيل ومن على شاكلته)، ويضر بالبقية، لأن العامل بيصير يرفع أسعاره عشان يقدر يتحمل الكلفات الاضافية هذي، فكر بالموضوع بشكل منطقي.

ما فهمت النقطة رقم 3، العامل اذا ضامن راتب شهري راح تضعف انتاجيته؟؟ يا عزيزي اذا ما اشتغل وما قام بأداء المهمات المطلوبة منه سفره وصلى الله وبارك، ما فيه أحد بيسافر لك من آخر الأرض عشان ما يشتغل، ولو حصلت عينات فاسدة اطردهم وجب غيرهم، طريقتك بالاستنتاج (اللامنطقي) غريبة، وتبني على كل استناج لامنطقي استنتاج آخر غير منطقي كذلك.

بالنسبة لسالفة المهن، فأنت شكلك ما تعرف الوضع كيف يمشي. عندك خيارين، تجيب شخص عنده خبرة بالمجال اللي تبيه، وهذا راح تدفع عليه راتب أعلى. أو تجيب شخص ما يعرف شي وتعلمه، وهذا راح تدفع له راتب أقل، لكن بعد ما يتعلم الشغلة راح يطلب منك راتب أعلى. وأي شخص شغال بشكل صحيح بالمجالات هذي تحصله يطلع للدولة اللي يبي يجيب منها عمال، ويقابل عمال هناك ويخليهم يشتغلون قدامه، ويجيب اللي يعجبه، فما أدري وش اللي بيتغير مع النظام الجديد.

أما بالنسبة لكون أوروبا وأمريكا تعاني مع العمالة، فما عندك سالفة. أمريكا أصلا ما تصدر إلا 140 ألف فيزا عمل سنوية، واللي تخلص الفيزا حقته يطلع، بينما عندنا فوق 10 مليون. الدول هذي عندهم مشاكل مع اللاجئين. يعني يفجرون بلدانهم وبعدين يزعلون إذا جوهم لاجئين، ويطلعون يبكون ويشتكون منهم مع أنهم هم من سبب المشكلة.

بالنسبة للنقاط الأخيرة اللي ذكرتها، فزي ما قلت أنت شكلك ما تعرف كيف الأمور تمشي. لو كنت مسؤول عن سكن العامل فوقتها ممكن تعطيه راتب 2000 ريال، لكن لو صرت غير مسؤول عن سكنه، فراح يطلب منك مثلا راتب 2500 عشان يغطي قيمة السكن، فسواءا كانت موجودة ولا لا بالعقد، بتدفع يعني بتدفع.

أما بالنسبة لسالفة الأحياء، ففيه احياء مخصصة بشكل شبه حصري للعمال، مثل البطحاء بالرياض وغيرها، المشكلة هذي مالها دخل بالنظام، لها علاقة بالدخل، ما فيه عامل راتبه 2000 بيسكن في العليا أو شمال الرياض.



aCay كتب:
الشباب الي يقولون عبودية هذا تعميم صراحة لانه الكفيل ممكن يخليها عبوديه وممكن لا فهي على الكفيل نفسه .


بالنسبة للنظام الجديد العقد الي بيكون بينك وبين العامل او الموظف ممكن تحط شروطك الي تبيها وتخليه يوقع عليها و يوثق بينكم بعدها كل الطرفين يقدرون ياخذون حقوقهم لو واحد فيهم اخل ببنود العقد كل شي واضح


لازم تحكم على النظام نفسه، مو على تصرفات الأشخاص. أنت زيك زي اللي يقول ليش العبودية سيئة؟ هي على حسب مالكك، لو كان طيب فراح تعيش حياة كويسة، وليش نعمم على أن كل ملاك العبيد سيئين!!

النظام يعطي الكفيل صلاحيات كثيرة، ونظرا لضعف مكتب العمل وغيرها من الجهات المختصة، فالعامل ما يقدر يشتكي. أيضا الكفيل هو اللي بيده كل شي، فالعامل من غير مصلحته أن يرفض أي شي يقوله له الكفيل. يعني تحصل الكفيل يقول له لو ما سويت اللي أقوله فراح اطردك، وبالتالي العامل ما عنده أي أوراق مفاوضة، ويكون محشور بالزاوية يسوي ما يأمره به الكفيل.

DraGon Spirit 00 كتب:
[CENTER]وعليكم السلام ، أعتقد أن هذا التغيير هو استعداد و تجهيز لفرض ضريبة الدخل
لأن بالنظام الجديد الحكومة راح يكون مسجل عندها رواتب جميع الغير سعوديين النظاميين بلا استثناء
الله يكتب اللي فيه خير للجميع





يمكن، إحنا ما نقلد الغرب إلا بالرسوم، فطبيعي يتم فرضها قريبا. لكن لو تم تطبيقها عشان هذا القرار فراح تكون أيضا قرار غبي، وغير مدرك لحقيقة السوق. يعني بالأخير العمال راح ترفع أسعارها، عشان يكون دخلهم مثل ما كان قبل تطبيق الضريبة، واللي بيتضرر أولا وأخيرا كالعادة هو المواطن. ولو لاحظوا العمال أن الموضوع ما صار مربح بالنسبة لهم، راح يمشون ويشوفون لهم مكان ثاني يشتغلون به، وهذا راح يضرنا إحنا بشكل رئيسي لأن الأسعار بترتفع، ولا يوجد بديل محلي لكثير من هذه الوظائف.

النقطة الثانية اللي لازم تنتبه لها هي أن كثيرة من العمال، وخصوصا في الأعمال الحرة، يتفقون بشكل شفهي خصوصا لو يشتغلون لشخص يعرفونه. يعني تحصله يقول: راح أليص لك جدران البيت، لو تبي أكتب لك فاتورة فراح احسب لك المتر ب 25 (عشان ضريبة القيمة المضافة)، لكن لو ما تبيني أكتب لك فاتورة (عقد شفهي) فراح أحسبها لك ب 20.

لذلك القرار هذا، لو تم تطبيقه، فما راح يمشي على العمالة هذي، واللي يشكلون جزء كبير من العمالة الموجودة عندنا.

أيضا نقطة مهمة بخصوص ضريبة الدخل، لو تم تطبيقها فما أدري كيف راح تتطبق، لكنها عادة (في الدول برا) تكون حسب الدخل السنوي، كلما زاد دخلك كلما زادت الضريبة عليك. فهل راح تكون على الأجانب فقط؟؟ أو تكون على الجميع؟ ووقتها لازم تخليها تمشي على الجميع بغض النظر عن الدخل (عشان تشمل أكبر قدر من العمالة)، وبالتالي راح تضرر الفئات الفقيرة من شعبك بشكل أكبر، لأن العامل إذا ما اعجبه الوضع بيرجع بلده، عكس اللي قاعد عندك هنا.

عموما سياسة التطفيش اللي يتم عملها حاليا ما أتوقع راح تمشي، ولو بدأت تنتج ثمار (بعد رحيل جزء كبير من العمالة)، فراح تحصل مشاكل كثيرة لأن الموضوع تم بطريقة فجة. لكن مثلا لو بديت بالشركات الكبيرة، وشوي شوي نزلت على الشركات المتوسطة، وبنفس الوقت وجهت المعاهد اللي عندك على أساس يطلعون فنيين مختصين بالبناء والنجارة والسباكة وغيرهم، وعملت شركات وطنية تضم الخريجين ذولا، ولو اتبعت غيرها من الخطوات المدروسة فراح يكون الانتقال سلس وبسيط ومفيد. لكن فرض الرسوم بهذه الطريقة ضر المواطنين أتوقع بشكل أكبر بكثير من الاجانب.

m3gb كتب:
هذا واقع لازم تتقبله .. سواء كتب في المنتدي او محد كتبه فهو موجود وبالمقابل ان قدرت تحاربه فحاربه
وانت تتكلم عن اكل اموال الناس فايش رايك لو سميناها رسوم ؟ :63: بتختلف نظرتك
كثير يكتبو عن المثاليه لكن ارض الواقع شي مختلف



مع احترامي لك لكن ما أشوفها مثالية، أشوفها تمسك بالمبادئ. أما استشهادك بالرسوم فلا أساس له، لأنه مو هو اللي فرض الرسوم هذي ومو هو المستفيد منها، عكس الفلوس اللي ياخذه الكفيل من العامل، هو اللي فرضها (بغير وجه حق) وهو المستفيد منها (والجميع متضرر).

إعبدالعزيز كتب:
[INDENT] معقوله 5 الاف شهريًا حسبي الله ونعم الوكيل! [/INDENT]


هذا كان مثال واحد فقط، وما يهم المبلغ إن شاء الله لو ريال، ما بني على باطل فهو باطل.[/INDENT][/INDENT][/INDENT][/CENTER]
2020-11-08 , 04:54 مساءً
2020-11-08 , 05:34 مساءً
Leo Davinci’s Avatar
Leo Davinci

مبدع

المشاركات:2655
التسجيل:Jun 2015
Leo Davinci
بالنسبة للرسوم الي فرضت على الوافدين، توضيح بسيط.
الرسوم ماكان غرضها انها تقلل الحوالات نهائي ولا لها دخل بالحوالات.
عشان تفهم نسأل اولا
مين الي يحول للخارج؟ العامل الي جاء مؤخرا عزابي بغرض العمل.
هذا اهله في بلده، راح يحول بجميع الاحوال عشان هو اصلا جاي عشان يشتغل ويساعد اهله.

طيب وش الي صار؟ الي صار انه الوافدين الي جايين هجرة للسعودية. وعائلته كلها بالسعودية وكان ياخذ راتبه ويصرفه بالسعودية على اهله الي معاه
ماقدر يتحمل الرسوم، ف ايش سوا؟ سفر اهله لبلده وبقي لحاله بدون عائلة.
وانضم للفئة الاولى وصار يحول لهم شهريا.

ف غرض الرسوم عمرها ماكان تقليل الحوالات
ايش الهدف منها مادري.
2020-11-08 , 05:34 مساءً
2020-11-08 , 05:39 مساءً
l EVGA l’s Avatar
l EVGA l

فعال

المشاركات:1492
التسجيل:Aug 2012
l EVGA l
اغلب الي ينتقد نظام الكفالة جاهل فيه او ماله تجربه او مو مستفيد منه

العامل تحت مسؤوليتي الكاملة كل معاملاته الحكومية اسويها المحل مايمر يومين الا طايح بمشكلة ويجيك واحد بـ أي وجه حق اخذ منه

معاملاته بالدواير الحكومية الاقامة خروج وعودة هو في ذيلي في ذيلي هذا غير المشاكل والمصايب الي بيجيب لي اياها والي جاب لي اياها قبل

اغلب الشعب ياخذ من الكفيل وهذا شي معروف اتفاق يتم بينك وبينه قبل الكفالة

ولو افترضنا مافيه اتفاق كوني كفيلة كافي ل اخذ فلوس منه ولا ليش اكفله من الاساس بدون فايده :d
2020-11-08 , 05:39 مساءً
2020-11-08 , 10:53 مساءً
الكم’s Avatar
الكم

*

المشاركات:373
التسجيل:Apr 2019
الكم
اكبر غلط الغاء هذا القرار
فنظام الكفيل يظبط الكثيير من العمالة
ولابد ان يكون لكل عامل مسوول
2020-11-08 , 10:53 مساءً
2020-11-08 , 10:55 مساءً
بحرق’s Avatar
بحرق

عميد البوابة

المشاركات:16338
التسجيل:Nov 2003
بحرق
الكم كتب:
اكبر غلط الغاء هذا القرار
فنظام الكفيل يظبط الكثيير من العمالة
ولابد ان يكون لكل عامل مسوول


ايش هم غنم عشان يضبطهم
2020-11-08 , 10:55 مساءً
2020-11-08 , 11:05 مساءً
الكم’s Avatar
الكم

*

المشاركات:373
التسجيل:Apr 2019
الكم
بحرق كتب:
ايش هم غنم عشان يضبطهم

ياحبيبي يكرم الغنم جنمبهم
هذول بنظام الكفيل شياطين كيف بدونه
2020-11-08 , 11:05 مساءً
2020-11-08 , 11:06 مساءً
epbasd’s Avatar
epbasd

مبدع

المشاركات:4156
التسجيل:Nov 2014
epbasd
الاجانب هنتا كثرو
2020-11-08 , 11:06 مساءً
2020-11-08 , 11:19 مساءً
sasoke’s Avatar
sasoke

فعال

المشاركات:1166
التسجيل:Oct 2007
sasoke
m3gb كتب:
هذا واقع لازم تتقبله .. سواء كتب في المنتدي او محد كتبه فهو موجود وبالمقابل ان قدرت تحاربه فحاربه
وانت تتكلم عن اكل اموال الناس فايش رايك لو سميناها رسوم ؟ :63: بتختلف نظرتك
كثير يكتبو عن المثاليه لكن ارض الواقع شي مختلف

سميها مثل ما تبي ، بالاخير فلوس ما تستحقها ، ( سماعون للكذب أكالون للسحت ).


وبعدين وش دخل المثالية ؟! قاعد اكلمك عن حلال وحرام !!
لما تقول "على ارض الواقع شي مختلف" انت تعرفني شخصياً قبل تقول هالكلام ؟! ولا قاعد تعمم عشان تبرر لنفسك !
انا ما زكيت/ ولا ازكي نفسي ولا ادعي المثالية ، [U]بس ما اخذ فلوس اشك انها حلال !![/U]

الربا ماكل الدنيا اكل ، وهذا واقع. فهل يعني تقبل فلوس ربا ؟!
اذا انت تبي تسمي اكل اموال الناس بالباطل ( واقع ) انت حر ، بس ترا هذا ما يعني انه حلال !!
واقعك هذا لا اقبله ، فكل واحد يتكلم عن نفسه.
2020-11-08 , 11:19 مساءً
2020-11-09 , 01:15 صباحاً
بحرق’s Avatar
بحرق

عميد البوابة

المشاركات:16338
التسجيل:Nov 2003
بحرق
الكم كتب:
ياحبيبي يكرم الغنم جنمبهم
هذول بنظام الكفيل شياطين كيف بدونه


كيف شياطين
ليش مافي امن دوله بالبلد
2020-11-09 , 01:15 صباحاً
2020-11-09 , 01:16 صباحاً
بحرق’s Avatar
بحرق

عميد البوابة

المشاركات:16338
التسجيل:Nov 2003
بحرق
epbasd كتب:
الاجانب هنتا كثرو


كيف كثرو
هل دخلو بسيف ورمح
ولا استقدام وبموافقة وزارة الداخليه وعلمها
2020-11-09 , 01:16 صباحاً
2020-11-09 , 02:39 صباحاً
الكم’s Avatar
الكم

*

المشاركات:373
التسجيل:Apr 2019
الكم
بحرق كتب:
كيف شياطين
ليش مافي امن دوله بالبلد


افعالهم الشينة في الجرايد ادخل وشوف
نصب احتيال سرقة عصابات
اعدادهم عندنا تفوق عدد الشعب بالظعف لو في يوم قررو يمارسون الشغب مثل ماحصل بالكويت كان رحنا ملح حتى الجيش مايوقفهم
اقرب مثال امريكا مثل ******* تلم و لاتسال وانفجر الموضوع في وجهها وبدأت تستوعب الموضوع
2020-11-09 , 02:39 صباحاً
2020-11-09 , 02:42 صباحاً
الكم’s Avatar
الكم

*

المشاركات:373
التسجيل:Apr 2019
الكم
بحرق كتب:
كيف كثرو
هل دخلو بسيف ورمح
ولا استقدام وبموافقة وزارة الداخليه وعلمها


الله ينور عليك استقدام صح
كل شخص مسوول عن من يستقدم
لكن نفرط الحبل ونخليهم كذا بدون كفيل غلط
2020-11-09 , 02:42 صباحاً
2020-11-09 , 03:30 صباحاً
Sohaib’s Avatar
Sohaib

متميز

المشاركات:9690
التسجيل:Oct 2006
Sohaib
من افضل القرارات خلال اخر 70 سنه ..
نظام الكفالة اضر اكثر مما نفع .. ومشاكله لا تعد ولا تحصى و ثغراته كثيره .

الدور على وزارة الموارد البشرية .. لانها هي اللي راح تحدد حسب شروطها التحكم بسوق العمل .
نظام العمل للمقيم راح يكون حسب العقد المبرم , قدومه الى السعودية بموجب عقد مرتبط بتأشيرة العامل .

مافيه احد راح يكون متفلت .. هذا الشي راح يضبط حتى وضع الشركات و تجار الاقامة .
حتى في اتاحة العمل لابد من الوزارة ماتسمح لطلب باحث من عن عمل من الخارج , الا بعد ما يعلن عن الوظيفة ( داخلياً ) وان لم يكن هناك الكفاءة او متطلبات العمل بالداخل بعد ذلك يسمح للبحث من الخارج .

الامر هذا راح ينظم سوق العمل بالكامل , و يتيح للتنافسية و المجال للجميع .
المهم الدور على وزارة الموارد البشرية في تحديد الشروط و ضبطها و جعلها ما يتناسب مع سوق العمل السعودي و يخدم مواطينها .
2020-11-09 , 03:30 صباحاً
2020-11-09 , 03:50 صباحاً
m3gb’s Avatar
m3gb

فعال

المشاركات:1367
التسجيل:Jun 2009
m3gb
sasoke كتب:

سميها مثل ما تبي ، بالاخير فلوس ما تستحقها ، ( سماعون للكذب أكالون للسحت ).


وبعدين وش دخل المثالية ؟! قاعد اكلمك عن حلال وحرام !!
لما تقول "على ارض الواقع شي مختلف" انت تعرفني شخصياً قبل تقول هالكلام ؟! ولا قاعد تعمم عشان تبرر لنفسك !
انا ما زكيت/ ولا ازكي نفسي ولا ادعي المثالية ، [U]بس ما اخذ فلوس اشك انها حلال !![/U]

الربا ماكل الدنيا اكل ، وهذا واقع. فهل يعني تقبل فلوس ربا ؟!
اذا انت تبي تسمي اكل اموال الناس بالباطل ( واقع ) انت حر ، بس ترا هذا ما يعني انه حلال !!
واقعك هذا لا اقبله ، فكل واحد يتكلم عن نفسه.


الواقع تقبله او ماتقبله فهو شي صاير سواء رضيت او مارضيت
انت عليك تامر بالمعروف وتنهي عن المنكر لانك منت في موقع يخولك بتغيير هالشي
وفي نهاية الموضوع الجنه تبغى والنار تبغى
2020-11-09 , 03:50 صباحاً
2020-11-09 , 04:01 صباحاً
embratoor’s Avatar
embratoor

مبدع

المشاركات:5460
التسجيل:May 2011
embratoor
l EVGA l كتب:
اغلب الي ينتقد نظام الكفالة جاهل فيه او ماله تجربه او مو مستفيد منه

العامل تحت مسؤوليتي الكاملة كل معاملاته الحكومية اسويها المحل مايمر يومين الا طايح بمشكلة ويجيك واحد بـ أي وجه حق اخذ منه

معاملاته بالدواير الحكومية الاقامة خروج وعودة هو في ذيلي في ذيلي هذا غير المشاكل والمصايب الي بيجيب لي اياها والي جاب لي اياها قبل

اغلب الشعب ياخذ من الكفيل وهذا شي معروف اتفاق يتم بينك وبينه قبل الكفالة

ولو افترضنا مافيه اتفاق كوني كفيلة كافي ل اخذ فلوس منه ولا ليش اكفله من الاساس بدون فايده :d



الله يسلط عليك من هو بمثل اخلاقك وعقليتك
2020-11-09 , 04:01 صباحاً