بنك السعودي للاستثمار يحجب Apple من بطاقاتها مثل السفر.

[LOVEMAC]

mogbel

الغها وانت الربحان
سبق ان حظروا قوقل ويوتيوب وباي بيبال
ولا يقهرك الا اذا تم فتح موضوع يتكلم عن سوء البطاقة والحجب المتواصل للخدمات
ثم جاك موظف البنك يعلق في الموضوع : غريبة انا شغالة معي
هو لحاله شغالتن معه

اويلاوه كشفتن


الله يصلحك بس عايش نظريه المؤامره ، البنك بيعطيني شيء بجيبي عشان امدحه ؟

بطاقة سفر محتاجة رايي ولا فيه احد بالقسم يحتاج مشوره في بطاقة سفر


الموضوع ترى هذا تعديناه من زمان والبطاقة لها 9 سنين ولا 10 سنين ماطلعت قبل امس

ولا انا محتاج اثبت لك مع انه اسهل واتفه شيء صوره من الحساب او رسائل الخصم SMS

 

 

[DaNGeR MaN]

galaxyace

نفس الشيء في الآيفون يعلق بعد زي الأندرويد
الحل المؤقت للتحويل بالجوال لين أكنسل حسابي، اني أروق على الأخير وأفتح صفحة بطاقة السفر وأصبر عليها وبعدين للخطوة الي بعدها وأصبر عليها (طبعا بدون ما ألمس الجوال لين يروح للخطوة الي بعدها) وهكذا... لين يتحول المبلغ للبطاقة

للي ما يعرف الحل مع مشكلة تعليق تطبيق بنك الاستثمار بالجوال عند محاولة اضافة رصيد للبطاقة

الحل:

افتح موقع البنك من المتصفح ثم افتح خيارات المتصفح و فعل ميزة عرض الموقع كـ Desktop

لأنك لو واصلت تتصفح الموقع بتصميم الموبايل راح يعلق مثل التطبيق تماماً..كأن تطبيقهم مجرد واجهة يفتح لك موقعهم من خلال متصفح عادي

البنك نايم و المشكلة مستمرة من فترة طويلة...الحمدلله اني ما اعتمد على تطبيق الجوال الا وقت الضرورة.

 

 

[DSLLoverX2]

الأفضل سفر بلس بالعرض المجاني الغوا بطاقة اللاستثمار فورا

 

 

[ابوسلطان9]

Faisal m k

السلام عليكم

مافيه زي المسافر من بنك الانماء

من مدة طويله وهي معي ولا صار اي مشاكل و قبلها تسوق الراجحي

والحمد لله كلها ماشيه زي الحلاوه

خل عنك بنك الاستثمار لا فروع ولا خدمات

كيف وضعها البطاقة من ناحية الرسوم وهل هي مثل بطاقة السفر لانه ناوي الغيها السفر صراحة بعد حظر ابل وقوقل ماعد لها قيمة

 

 

[إحتمال]

فعلا
البارح رفض يسحب من باقة شاهد وارسل لي ايميل

وقبل كذا اصلاً مايقبل الدفع من قوقل بلاي

البطاقه مريحتني في الاشتراكات الشهريه
والحمدلله ماعندي عن طريق ابل الا شاهد وشكلي بسحب عليه

 

 

[سالي خاااالد]

THE HUNTER

طبعا Apple اسهمها انهارت بعد قرار بنك الأستثمار، البنوك عندهم كلمتين ادمنوا عليها السستم عطلان

والموقع محجوب. تطلع بطاقة ويمارس عليك الوصاية من وين تشتري؟!.

حتى فيزا ساب طفشوني يرفضوا طلبات مواقع ولما اتصل عليهم يقولي الموقع شكله مشبوه شاكين فيه ، ايش بيبيع . اقوله ملابس مافي شي. يقولي طيب برفع لك طلب فتح الشراء منه وبعدين يقولي تبغي الفتح يستمر مده كم ؟ كمان يبغاني احدد وقت سماح قلت له خلي شهرين قالي طيب ، ويعني بعد شهرين لو بشتري لازم اكلمهم اقوله يفتحولي فتره سماح للشراء
المشكله مواقع عاديه تانيه رفض الشراء زي امازون وايباي ولازم اكلمهم استاذن يفتحولي الشراء.
شي يطفش بس ماكان زي كدا لما جبت البطاقه الاول . يعني حاصل معايا الشي ده من قريب بس اخر اسبوعين تقريبا،
من كتر الامان اللي عندهم حتي صاحب البطاقه ذات نفسه بيشتري بصعوبه ، هما تبريرهم ان هدا عشان الاحتيال

 

 

[سالي خاااالد]

galaxyace

نفس الشيء في الآيفون يعلق بعد زي الأندرويد
الحل المؤقت للتحويل بالجوال لين أكنسل حسابي، اني أروق على الأخير وأفتح صفحة بطاقة السفر وأصبر عليها وبعدين للخطوة الي بعدها وأصبر عليها (طبعا بدون ما ألمس الجوال لين يروح للخطوة الي بعدها) وهكذا... لين يتحول المبلغ للبطاقة

انا عندي البطاقه الاستثمار وفعلا عندي دي المشكله بردو والحل استخدام المتصفح بدل تطبيق الجوال

 

 

[Faisal m k]

من ناحية الرسوم رخيصه

مافيها اي مشكله معي

 

 

[SALEH L]

ظهرت المشكلة عندي من شهر رمضان تقريبا في بطاقة الراجحي العادية (مدى) وفيزا التسوق
تم حجب متجر قوقل ويوتيوب


هل أحد عنده نفس المشكلة؟

 

 

[ابو راكان الشمال]

Salu

السلام عليكم ورحمة الله وبركاته

مشترك أنا بخدمة AppleOne و هذا الشهر استغربت لما جاني ايميل يقول خطأ في عملية السحب من بطاقة السفر، شيكت الرصيد طلع فيه متوفر، لما كلمت البنك للتو قالت لي الموظفة للأسف ان البنك حجب اي عملية من Apple في الوقت من الكل.

ف بعدها رحت حطيت بطاقة السفر للراجحي وضبطت معي على طول. مع تقليل نقاط بطاقة السفر للاستثمار و كثرة مشاكل التطبيق و اللحين هالشيء شكله خلاص بلغيها. ما اعرف ايش المميز اني اخليها و أنا عندي السفر للراجحي دام بدفع عليها رسوم ١٠٠ ريال كل سنة.

نفس المشكلة عندي وحطيت بطاقة ثانيه

 

 

[massjj]

انا وقف حسابي خلال فترة الكورونا بسبب محاولات الدخول للحساب الخاطئة ويعتبر البنك الوحيد اللي حصلت منه المشكلة هذي وكل مرة اغير كلمة السر وترجع نفس الحكاية محاولات دخول من طرف آخر لين توقف الحساب وطلبو مراجعة البنك وطنشته

حاليا جتني رساله ان حسابي سالب 63 هلله مع العلم قبل التوقف كان فيه فقط 3 ريالات ولا ادري كيف صار ساله وبرضو مكتوب في حاله عدم تفعيله خلال 30 يوم راح يتقفل نهائي

دخولي للحساب كان دائما عن طريق التطبيق وللأسف البنك خدماته تعبانه بهالأسلوب مع العلم بدأت محاولات الأختراق بعد أيداعي مبلغ 50 الف ريال وقتها كانت نهاية خدمة من شركتي الأولى وهذا اللي خلاني اشك ان الموضوع ماله علاقة بجهات خارجية خاصة ان الأيداع كان يدوي

بالنسبة للتعاملات للحين شغال عندي STC pay بجرب URPay وامرنا لله البنوك قامت تحدك بالغصب على طرق دفع ماودك فيها

يازين لو مثلا عندك ايفون والدفع عن طريق ابل باي او يكون عندك اندرويد والدفع عن طريق قوقل باي ويخصم من حسابك المربوط وخلصنا

ولكن معروف البنوك لازم تطلع من أي شيء بفائدة

 

 

[Mr.HiTlEr]

جا الوقت اللي اطلق فيه بنك الاستثمار بكبره

قبل كم سنة صارت لي مشكلة معهم بحسابي وحولت راتبي منهم بسبب سوء خدمة العملاء والدعم الفني
بسحب الفلوس اللي بالبطاقة وبلغي حساباتي عندهم
أي بنك مايحترم العملاء ويقدم لهم خدمة بجودة عالية مستمرة مايستحق انك تتعامل معه

 

 

[classic4444]

مافيه اي مشاكل تو سحبو اشتراك شهري

 

 

[jammaz.k.s.a]

المشكلة الوحيدة الي اشوفها في البطاقة هي مشتريات جوجل الى الان ما انحلت المشكلة

انصحكم تتباعون هذي القناة https://www.youtube.com/c/MohammadAlkhudhair

يتكلم عن جميع بطاقات البنوك مميزات و عيوب

 

 

[classic4444]

[QUOTE=jammaz.k.s.a;1083471194]المشكلة الوحيدة الي اشوفها في البطاقة هي مشتريات جوجل الى الان ما انحلت المشكلة

انصحكم تتباعون هذي القناة https://www.youtube.com/c/MohammadAlkhudhair

يتكلم عن جميع بطاقات البنوك مميزات و عيوب[/QUOTE
بانسبة لمتاجر قوقل البنك مسوي حضر وكلمت خدمة العملاء واكدو هالشي

 

 

[ابوسلطان9]

classic4444

مافيه اي مشاكل تو سحبو اشتراك شهري

غريبة فكو حظر ابل قبل ثلاث ايام مكلمهم في توتير يقول التاجر محظور

 

 

[tears-1]

فعلا نفس الوضع الموضوع غريبه ..

كان يقبل طبيعي اشتراك iCloud+
الشهر هذا ما قبل ..إن شاء الله تنحل

 

 

[saleh alali1]

3zooz911

بطاقات الراجحي وسفر بلس محجوبة في كثير من المواقع والاماكن

لا يمكن الاعتماد عليها في الشراء اونلاين ولا في السفر (التاجر محظور)

لا توجد أي مقارنة في الاعتمادية ببطاقة سفر الاستثمار

هل بطاقة الانماء للسفر نفس الراجحي محظوره في اماكن محدده؟

 

 

[Bn Suliman]

saleh alali1

هل بطاقة الانماء للسفر نفس الراجحي محظوره في اماكن محدده؟

الراجحي والانماء والبلاد والجزيرة ابعد عنهم كل واحد أسوأ من الثاني
في نيويورك ورطتني بطاقة الانماء الحمد لله كانت معي بطاقة السفر من الاستثمار وسويت كل شيء فيها ..
خلك على الاستثمار والرياض وساب

 

 

[الــمــعــذب]

tears-1

فعلا نفس الوضع الموضوع غريبه ..

كان يقبل طبيعي اشتراك iCloud+
الشهر هذا ما قبل ..إن شاء الله تنحل

صحيح ..
نفس المشكلة اشتراك الكلاود بلس ماقبل العملية.