شروط القرض الشخصي
banner
2022-04-24 , 02:08 مساءً
ملوككك’s Avatar
ملوككك

مشارك

المشاركات:93
التسجيل:May 2014
ملوككك
السلام عليكم ورحمة الله وبركاته،

ودي استفسر عن موضوع القروض الشخصية والبنوك والنسبة.

الشروط كلها تنطبق علي باستثناء شرط الجهات المعتمده، انا في شركة خاصة ولا لها اتفاقية مع بنوك محلية باستثناء ساب واللي شرط العمر فيه 25 وهو غير منطبق علي.
والحل الثاني شركات تمويل بس مشكلتهم نسب الفايدة عالية جدا ( توصل 22% )!!

وش الحل وهل لو اروح فروع البنوك الموظف يقدر يستثني شرط الجهة غير معتمدة؟ ويوافق على القرض؟
وهل فيه بنوك تنصحون فيها؟

شكرا
Enlarged Image
2022-04-24 , 02:08 مساءً
2022-04-25 , 12:09 مساءً
عبودات’s Avatar
عبودات

بارز

المشاركات:1779
التسجيل:Dec 2011
عبودات
ابعد عن شركات التمويل النصابه

اغلب الشركات الصغيره تتعاقد مع بنوك محدهه فقط وتتاعمل معهم مثل شركتك ع قولتك بنك ساب
والبعض يشرط ان خدمتك اكثر من سنتين عشان ماتاخذ قرض وتسحب عليهم

لكن رح مدير الفرع وكلمه وشرح له وضعك ويمكن يرفع لك استثناء
2022-04-25 , 12:09 مساءً
2022-04-25 , 01:02 مساءً
المهـــند’s Avatar
المهـــند

مبدع

المشاركات:3600
التسجيل:Nov 2006
المهـــند
الله يعينك هذي مشكلة نعاني منها احنا اصحاب الشركات الصغيرة و المتوسطة،

البنوك ترفض توقيع اتفاقيات معنا الا لما يكون عندنا على الاقل 50 موظف وقوائم مالية لمدة سنتين على الاقل

وفي اي لحظة نتهاوش فيها مع موظف وننهي خدمة او يتعثر احد موظفينا عن السداد يقوم البنك مباشرة يوقف الاتفاقية ويوهقنا

القروض الشخصية من بعد كورونا اصبحت خدمة حصرية لموظفي الشركات الكبيرة والمعتمدة فقط والباقين يفتح الله علينا مالنا شئ، انا هذاني اطارد وراء البنك ابغى تمويل منزل وماني قادر مع العلم اني عميل تميز

انا حجم مشكلتي ربما اكبر بكثير لان شركتي استشارة وعدد الموظفين لايمكن انه يوصل 50 موظف باي حال من الاحال لذلك الان افكر اندمج مع شركة اندماج صوري عشان اعالج هالمشكلة خصوصا ان الموظفين الجدد تمملوا وبعضهم طلع براتب اقل لانهم مو قادرين يشترون سيارات ولا يطلعون قروض

للمعلومية فقط هالاشياء كلها احتياطات بسبب ازمة كورونا الاقتصادية وربما تذهب قريبا، انا كنت في مجال التمويل سابقا وكان التمويل قبل كورونا مهزله والوضع فلتان على الاخير والدنيا حلوه وكلو تمام، من بعد كورونا شددت البنوك سياسات الاقراض لمستويات غير مسبوقة وصار القرض حصري على بعض انواع الموظفين فقط

عبودات كتب:
ابعد عن شركات التمويل النصابه

اغلب الشركات الصغيره تتعاقد مع بنوك محدهه فقط وتتاعمل معهم مثل شركتك ع قولتك بنك ساب
والبعض يشرط ان خدمتك اكثر من سنتين عشان ماتاخذ قرض وتسحب عليهم

لكن رح مدير الفرع وكلمه وشرح له وضعك ويمكن يرفع لك استثناء


اذا مافيه اتفاقية محد يقدر يعطيك استثناء الا رئيس لجنة المخاطر في البنك، يعني بالعربي مافيه استثناء
2022-04-25 , 01:02 مساءً
2022-04-25 , 01:03 مساءً
المهـــند’s Avatar
المهـــند

مبدع

المشاركات:3600
التسجيل:Nov 2006
المهـــند
نسيت اذكر نقطة، ابعد عن شركات التمويل باي ثمن كان، الفائدة الي ياخذونها عالية جدا راح تعادل قيمة القرض

بالاضافة انهم مايتسامحون مع التعثر وراح يلاحقونك ويسودون عيشتك بعكس البنوك الي تاخذ الموضوع كاجراء اداري عادي
2022-04-25 , 01:03 مساءً