لخبراء انواع انظمة كميرات المراقبة

[ابو راكان الشمال]

السلام عليكم ورحمة الله وبركاته

اخواني لقد احترت جدا وودي بمشورتكم ورأيكم


السوق مليان كميرات مراقبة وتحتار بالانواع

-الانالوق رخص السعر وزحمة الاسلاك

-كميرات ip او التي بخاصية poe ايضا لانخلص من سالفة الاسلاك كل كميرة باور وسلك شبكة

- كميرات wifi مع جهاز nvr wifi اشوفها خيار مناسب خاصة بكج هيك فيجن او ezviz اللي تجي مع nvr

لـــــــــكن

متخوف من ناحية

1- هل هي واضحة
2- هل استطيع استبدال احدى الكميرات بكميرة اعلى دقه وهل nvr يقبلها
3- هل اذا اشتريت بكج 4 كميرات مع nvr wifi استطيع تزويدها
4- هل بثها المباشر يحصل فيه تقطيع


المسافات عندي قريبه ابعدها 7 متر للسور
انا لو ادري ان كميرات الواي فاي مع nvr دقته زينه ريحت راسي واخذته لكن اخاف اكون مقيد بدقة ضعيفه او للاسباب اللي ذكرتها


بالمختصر اريد طقم كميرات 4 على الاقل تكون احداهن بدقة عاليه تجلب ارقام السيارات على بعد 15م
وابغى شيء اركبه وانساه 5 او 6 سنوات على شان كذا احترت صراحة

الميزانيه المرصوده من 1000 الى 2000 ريال
3 كميرات دقة مقبوله و (1 كميره دقه عاليه تجيب رقم اللوحة ياليت تحددون لي رقم الموديل + رقم موديل dvr او nvr اللي يدعمها )

جميع الخيارات مطروحة لكن اريد ترشحون لي خيار مناسب بارك الله فيكم

 

 

[abdullahallababidi]

كاميرات IP
لا تحتاج الا سلك شبكة ( البور يكون من جهاز NVR لان الكاميرات تكون POE )
افضل حل لك

 

 

[ابو راكان الشمال]

abdullahallababidi

كاميرات IP
لا تحتاج الا سلك شبكة ( البور يكون من جهاز NVR لان الكاميرات تكون POE )
افضل حل لك

ممتاز

هل ال nvr يعطي بور من نفسه او يحتاج محول خارجي معاه

اذا كان سلك الشبكه rg45 يشبك طرفه في الكميره والطرف الاخر في ال nvr بدون ما اجرح كذا وصلت للمطلوب

لانه شفت مقاطع له ممكن تكون قديمه انه لازم محول 12 فولت ويجرح سلك الشبكة ويسحب سلكين باور ويركب عليه راس معدني

 

 

[PS3 4 Sale]

ابحث عن شيء مشابه .. اعطونا أفضل خيارات من الموقع التالي:

https://silken.sa/

 

 

[لعيونك ياغالي]

انا فني وبحسب خبرتي العملية كايمرات الواي فاي تحتاج اماكن مفتوحه , لانه العوازل تاثر عليها وتعلق الصورة ماتوصل الاشارة مضبوطه

كايمرات الانالوق جيده في ال 4k

لكن ال IP افضل منها تعطي دقة ونقاء

لكن كايمرات 4k تحتاج هارد كبير ويفضل 4 تيرا او 3 تيرا

هذي بحسب خبرتي العملية
وان شاءالله الباقي مايقصرون معاك

 

 

[ابو راكان الشمال]

لعيونك ياغالي

انا فني وبحسب خبرتي العملية كايمرات الواي فاي تحتاج اماكن مفتوحه , لانه العوازل تاثر عليها وتعلق الصورة ماتوصل الاشارة مضبوطه

كايمرات الانالوق جيده في ال 4k

لكن ال IP افضل منها تعطي دقة ونقاء

لكن كايمرات 4k تحتاج هارد كبير ويفضل 4 تيرا او 3 تيرا

هذي بحسب خبرتي العملية
وان شاءالله الباقي مايقصرون معاك

الله يعطيك العافيه اخي

كنسلت فكرة الواي فاي

وقررت كميرات ip poe


صدقت البعض يبحث عن الدقة ولاينتبه لسالفة الحجم في الانالوق


لكن بسألك هل جميع كميرات هيك فيجن تدعم تحديد منطقة معينه وتفعيل الانذار

واي الشركات افضل
هيك فيجن او دهوا

 

 

[ابو راكان الشمال]

PS3 4 Sale

ابحث عن شيء مشابه .. اعطونا أفضل خيارات من الموقع التالي:

https://silken.sa/

شيكت اسعارهم ع السريع كانه مرتفعه لكن الصدق ماعرف اسعار معظم الامور هاذي

وش يميز الموقع ؟؟

 

 

[PS3 4 Sale]

ابو راكان الشمال

شيكت اسعارهم ع السريع كانه مرتفعه لكن الصدق ماعرف اسعار معظم الامور هاذي



وش يميز الموقع ؟؟

كيف مرتفعة؟؟

4 كاميرات 5 ميجا بكسل مع جهاز تسجيل وهاردديسك 1 تيرا 900 ريال ..

وعندهم خصم 20% ..

 

 

[ياسر ابو زياد]

ترا 4 ميغا ماهي واضحه مركبينها في العمارة لكن احسها ضعيفه ماهي واضحه ياتركب شئ يسوى احسن لك عشان ترتاح

 

 

[ابو راكان الشمال]

PS3 4 Sale

كيف مرتفعة؟؟

4 كاميرات 5 ميجا بكسل مع جهاز تسجيل وهاردديسك 1 تيرا 900 ريال ..

وعندهم خصم 20% ..

اهم شي جهاز التسجيل لازم يكون up8ميجا يعني يعطي الى 8 ميجا
حتى يعطيك 5 ميجا كامله

لكن اذا مواصفات الجهاز up5 لو تحط كميرات 5 ميجا بيصفي معك 3 ميجا يبين معك في التسجيل وليس المباشر

هذا حسب بحثي

 

 

[PS3 4 Sale]

ياسر ابو زياد

ترا 4 ميغا ماهي واضحه مركبينها في العمارة لكن احسها ضعيفه ماهي واضحه ياتركب شئ يسوى احسن لك عشان ترتاح

اظن فيه تفاصيل غير عدد الميجابكسل ..

لأن كل شركة عندها عشرات الموديلات 5 ميجابكسل نحتاج خبير يفيدنا ..

ابو راكان الشمال

اهم شي جهاز التسجيل لازم يكون up8ميجا يعني يعطي الى 8 ميجا
حتى يعطيك 5 ميجا كامله

لكن اذا مواصفات الجهاز up5 لو تحط كميرات 5 ميجا بيصفي معك 3 ميجا يبين معك في التسجيل وليس المباشر

هذا حسب بحثي

مكتوب في الموقع اللي حطيته جهاز التسجيل 8 ميجا بكسل ..

هذي تسجيلات من الكاميرا اللي في العرض ابو 900 ريال:





بس ما لقيت تسجيل ليلي للأسف ..

هذا العرض:

https://silken.sa/4-%D9%83%D8%A7%D9%...AA/p1430638851


شيء ممتاز انهم ينشرون رقم الموديل بالضبط يعني تقدر تبحث براحتك عن تقييماتها وتجارب الناس لها ..



لقيت تصوير ليلي ومن السعودية صراحة واضحة الكاميرا وتنفع للبيت:

 

 

[ابو راكان الشمال]

PS3 4 Sale

اظن فيه تفاصيل غير عدد الميجابكسل ..

لأن كل شركة عندها عشرات الموديلات 5 ميجابكسل نحتاج خبير يفيدنا ..





مكتوب في الموقع اللي حطيته جهاز التسجيل 8 ميجا بكسل ..

هذي تسجيلات من الكاميرا اللي في العرض ابو 900 ريال:





بس ما لقيت تسجيل ليلي للأسف ..

هذا العرض:

https://silken.sa/4-%D9%83%D8%A7%D9%...AA/p1430638851


شيء ممتاز انهم ينشرون رقم الموديل بالضبط يعني تقدر تبحث براحتك عن تقييماتها وتجارب الناس لها ..



لقيت تصوير ليلي ومن السعودية صراحة واضحة الكاميرا وتنفع للبيت:

لاهنت اخوي والله يعطيك العافيه
نبحث جميعا واي معلومه نفيد بعض
خطتي بعد 3 اشهر ان شاء الله يتم التركيب
يعني ماخذ الموضوع بحث
وكميرات المراقبه اشوف انه اذا ما اهتميت بالتفاصيل جيدا تصبح ديكور
وودي اشتري صراحة لن اندم عليه

الكميرات تقريبا اللي هي تكون 5 ميجا لنقاط محدده مع جهاز تسجيل يدعمها بشكل جيد وهو جهاز دقته up 8
وتكون poe
بقي لي موضوع توزيع الكميرات اللي جدا احترت فيه
احيان تلقى كميره تغنيك عن 3 كميرات بس غاليه

واخيرا يبقى لي مقارنه السعر

 

 

[PS3 4 Sale]

ابو راكان الشمال

لاهنت اخوي والله يعطيك العافيه
نبحث جميعا واي معلومه نفيد بعض
خطتي بعد 3 اشهر ان شاء الله يتم التركيب
يعني ماخذ الموضوع بحث
وكميرات المراقبه اشوف انه اذا ما اهتميت بالتفاصيل جيدا تصبح ديكور
وودي اشتري صراحة لن اندم عليه

الكميرات تقريبا اللي هي تكون 5 ميجا لنقاط محدده مع جهاز تسجيل يدعمها بشكل جيد وهو جهاز دقته up 8
وتكون poe
بقي لي موضوع توزيع الكميرات اللي جدا احترت فيه
احيان تلقى كميره تغنيك عن 3 كميرات بس غاليه

واخيرا يبقى لي مقارنه السعر

الله يعافيك ..

هذا برنامج يستخدمونه محلات كاميرات المراقبة :

https://www.jvsg.com/

تقدر تختار موديل الكاميرا والشركة ومسافة التغطية ويبين وضوح الصورة ..

لفت انتباهي ان الشركات تقول التصوير الليلي مستحيل يجيب رقم اللوحة الا اذا كان المكان مضيء ..

يعني لازم تركيب انارة قوية بالمكان ..

 

 

[ALRAYQ]

كميرات WIFI

انا مركب عندي ومشاكلها كثيرة
1- ضعف دقة الصورة وتقطيع بالفيديو
2- انقطاع الارسال لبعض الكميرات علماً ان المسافة لا تتجاوز 20 متر مع وجود حواجز

وبخصوص استفسارك عن اماكنية اضافة كاميرات اضافية
الجوااب لا
لان جهاز NVR يدعم اما 4 او 8 او 16 ويحتاج تحدد من البداية


اما بخصوص كميرات IP

فهي افضل بكثير وقابلية الترقية فيها مفتوح

مميزات
1- لا تحتاج لسلك بور
2- امكانية الترقية
3- دقة ووضوح الصور
4- امكانية وضع جهاز NVR باي نقطة شبكة بالبيت ولا يشترط توصيل جهاز NVR بالكام بشكل مباشر

المتطلبات
1- جهاز NVR (يتم تحديد عدد القنوات من البداية)
2- كام IP
3- سويتش POE ليتم ربطه بالكميرات (يشترط ربط السويتش بالانترنت الخاص بالمنزل)(يمكن ربط اكثر من سويتش بأكثر من موقع )

 

 

[ابو راكان الشمال]

PS3 4 Sale

الله يعافيك ..

هذا برنامج يستخدمونه محلات كاميرات المراقبة :

https://www.jvsg.com/

تقدر تختار موديل الكاميرا والشركة ومسافة التغطية ويبين وضوح الصورة ..

لفت انتباهي ان الشركات تقول التصوير الليلي مستحيل يجيب رقم اللوحة الا اذا كان المكان مضيء ..

يعني لازم تركيب انارة قوية بالمكان ..

الله يسعد هالوجه

لاهنت ياصاحبي يعطيك الف عافيه

 

 

[ابو راكان الشمال]

ALRAYQ

كميرات WIFI

انا مركب عندي ومشاكلها كثيرة
1- ضعف دقة الصورة وتقطيع بالفيديو
2- انقطاع الارسال لبعض الكميرات علماً ان المسافة لا تتجاوز 20 متر مع وجود حواجز

وبخصوص استفسارك عن اماكنية اضافة كاميرات اضافية
الجوااب لا
لان جهاز NVR يدعم اما 4 او 8 او 16 ويحتاج تحدد من البداية


اما بخصوص كميرات IP

فهي افضل بكثير وقابلية الترقية فيها مفتوح

مميزات
1- لا تحتاج لسلك بور
2- امكانية الترقية
3- دقة ووضوح الصور
4- امكانية وضع جهاز NVR باي نقطة شبكة بالبيت ولا يشترط توصيل جهاز NVR بالكام بشكل مباشر

المتطلبات
1- جهاز NVR (يتم تحديد عدد القنوات من البداية)
2- كام IP
3- سويتش POE ليتم ربطه بالكميرات (يشترط ربط السويتش بالانترنت الخاص بالمنزل)(يمكن ربط اكثر من سويتش بأكثر من موقع )

الله لايهينك اخوي ع الافاده

بخصوص ال nvr هل فيه نوع يجي مدمج فيه محول الكميرات 12 فولت
يعني فقط اشغل ال nvr واشبك له كميره ال ip مباشره بدون محولات


مثلا شريت nvr ip فيه 8 مداخل

واحتجت زياده كميرات
هل هنا ينفع سوتش poe
زي شغله الشبكات لما توسعها

 

 

[MjNoOn13]

ابو راكان الشمال

الله لايهينك اخوي ع الافاده

بخصوص ال nvr هل فيه نوع يجي مدمج فيه محول الكميرات 12 فولت
يعني فقط اشغل ال nvr واشبك له كميره ال ip مباشره بدون محولات


مثلا شريت nvr ip فيه 8 مداخل

واحتجت زياده كميرات
هل هنا ينفع سوتش poe
زي شغله الشبكات لما توسعها

حسب خبرتي البسيطه ال nvr اذا كان poe فقط تشبكه على الكهربا وتشبك الكاميرات بسلك الشبكه بيوصل لها الكهربا عن طريقه ماتحتاج تشبك شي ثاني
واذا كان ال nvr يدعم 8 كاميرات ماتقدر تضيف اي كاميرا زياده عن ذا العدد حتى لو في كاميرات اخرى مشبوكه على نفس الشبكه
وتأكد من الفني من موضوع الباندويث في ال nvr قبل تشتريه لو كانت دقة الكاميرات عاليه بعض ال nvr باندويثه قليل وماراح تظهر كل الكاميرات في البث المباشر في نفس الوقت الا لو قللت دقتها عشان يقل الباندويث

 

 

[LOVEMAC]

بالميزانيه هذي ماتجيب لك دقه محترمه

صدقني المبلغ الي تدفعه زايد انت تستثمره في تصوير مناسب

الواي فاي اذا مأسس صح وعند شبكه ترى ezviz حلوة وتسوي شغل بالنسبة للجوده انا مجرب 1080
مش بطاله ماعتقد فيه جودات اعلى ماحصلت

بخصوص الانلوق ترى يجي كيبل فيه كهرب منه وفيه يعني بدال متمد سلكين بتمد سلك واحد وسعره رخيص ماهو غالي

تقريبا انا عندي كل الانواع وكلها جربتها واهم شيء اذا جيت تشتري رح للجمله لا تروح للمحلات العاديه

يعني على سبيل المثال امس كنت عند محل ابي اشوف سعر ezviz انا شاريها مع الضريبة 190 ريال
سألته بكم قالي 350 ريال بدون الضريبة

اذا بالرياض رح حراج الكمبيوتر واذا خارجها الله يستر عليك

 

 

[ابو راكان الشمال]

MjNoOn13

حسب خبرتي البسيطه ال nvr اذا كان poe فقط تشبكه على الكهربا وتشبك الكاميرات بسلك الشبكه بيوصل لها الكهربا عن طريقه ماتحتاج تشبك شي ثاني
واذا كان ال nvr يدعم 8 كاميرات ماتقدر تضيف اي كاميرا زياده عن ذا العدد حتى لو في كاميرات اخرى مشبوكه على نفس الشبكه
وتأكد من الفني من موضوع الباندويث في ال nvr قبل تشتريه لو كانت دقة الكاميرات عاليه بعض ال nvr باندويثه قليل وماراح تظهر كل الكاميرات في البث المباشر في نفس الوقت الا لو قللت دقتها عشان يقل الباندويث

يعطيك العافيه اخي
نعم هذا ما اقصده بخصوص nvr

الباندويث هذا ماكنت اعتقد انه يلعب في موضوع الكميرات
كيف اعرفه ؟!
او بالاصح كيف احسبه
مثلا 6 كميرات 5 ميجا

 

 

[ابو راكان الشمال]

LOVEMAC

بالميزانيه هذي ماتجيب لك دقه محترمه

صدقني المبلغ الي تدفعه زايد انت تستثمره في تصوير مناسب

الواي فاي اذا مأسس صح وعند شبكه ترى ezviz حلوة وتسوي شغل بالنسبة للجوده انا مجرب 1080
مش بطاله ماعتقد فيه جودات اعلى ماحصلت

بخصوص الانلوق ترى يجي كيبل فيه كهرب منه وفيه يعني بدال متمد سلكين بتمد سلك واحد وسعره رخيص ماهو غالي

تقريبا انا عندي كل الانواع وكلها جربتها واهم شيء اذا جيت تشتري رح للجمله لا تروح للمحلات العاديه

يعني على سبيل المثال امس كنت عند محل ابي اشوف سعر ezviz انا شاريها مع الضريبة 190 ريال
سألته بكم قالي 350 ريال بدون الضريبة

اذا بالرياض رح حراج الكمبيوتر واذا خارجها الله يستر عليك

الواي فاي حلو لكن الصدق متخوف منها صعب تشتري ثم تفكها وتجربها

عندكم بالرياض تعدد المحلات جمله وغيره

لكن عندنا محلات قليله واستغلاليين بشكل كبير
واخاف اطلب من برا يطلع شي خربان
شلت فكره الشراء من برا بسبب اني اخذت من بانقود 3 كميراتip tpz ووحده طلعت خربانه لي خمس شهور ارسل بدون فائده
طبعا اللي اخذته من بانقود دقتها مقبوله بنسبه 40٪ لكن وديتها للاستراحه
وقلت اركب للمنزل شي معروف ويعتمد عليه

بعد تجربه بانقود خلاص اخذت عهد على نفسي اشتري من محل قريب مني واخليه بنفسه يركبها حتى مايتفلسف علي اذا خربت واستفيد ضمان سنتين
عندي خبره بفضل الله في الكهرباء والشبكات لكن المحلات ما اعطيهم فرصه لو ركبت انا وطلع فيها شي رايح يقوول لك من تركيبك