مساعدة بخصوص النت في كميرات المراقبة

[xozo]

السلام عليكم ياشباب انا مسافر خارج المملكة لمدة ٣ سنوات وابغا افصل النت

وابغا احط شريحة بيانات لكميرات البيت ابغا اعرف كم استهلاك البيانات في الكميرا

هل ١٠ جيجا شهريا تكفي ؟

 

 

[fosl]

عليكم السلام ورحمة الله وبركاته
ضروري جداً يكون احد تثق فيه من الاهل معاه نسخه لمفتاح البيت ما تكفي الكاميرات
اشوف لو تقدر تنسق مع احد جيرانك اذا عندهم نت ارضي يمد لك سلك وانت قدر استهلاكك او مثلاً اضرب قيمة الباقة في المدة و اعطية حقه دفعه وحده لو كان مالك مو مستأجر او وكل الشخص الي بياخذ المفتاح يعطيه بشكل شهري
افضل لك و اعلى جودة و ثبات من نت الشريحة
لو كان الدفع بشكل شهري و جارك قرر يمشي او يوقف النت يخبرك قبلها بفترة تزبط وضعك وقتها ممكن تكون منحد على الشريحة او تنسق مع جار اخر

موفق خير و ترجع بالسلامة

 

 

[m15]

وش نوع الكميرات الي عندك

اذا هي من الكميرات الي تسجل بالسحابة او الكلاود ماتكفي

اذا هي هيك فيجن وتسجل داخل مافي استهلاك الا اذا تم العرض

ارخص راوتر مثل stc الاسود القديم ابو ١٠٠ ريال يكفي للبث


يفضل مفتاح مع احد يشيك علية يسحب السيفونات الله يكرمك ويحرك الموية

اذا عندك دينمو ضغط طفه لا يخرب شطاف ويحوس الدنيا عليك

لو انا مكانك ٣ سنوات باجر البيت لان هجرته تعدم المبنى

وافصل باب الجراج لا يعلق ويفتح